ESCUYER ET PANETIER DE CHAULES VI, ROY DE FRANCE

COJVTENANS l'hiSTOIRE DE CE PRINCE, DEPUIS l'an l4°7 JUSQUES A LAN l422.

Vérité est qu'entre le duc Louys d'Orléans, frère au roy Charles, et le duc Jean de Bourgongne, son cousin germain , y eut par plusieurs fois grandes envies et maltalens entre eux deux ensemble, dont y eut grosses assemblées de chacune partie, pour paix trouver, et pource receurent le corps de nostre Seigneur ensemble, pour plus grande fiance avoir l'un à l'autre : mais comme il fut depuis apparent, la paix n'y estoit mie : car par la connoissance du duc Jean de Bourgongne, il fit tuer ledit duc d'Orléans.

Apres que ledit duc d'Orléans fut mort, il y eut grand desconfort des gens de son hostel, qui menoient si grand dueil, que c'estoit pitié de les voir; car ledit duc d'Orléans estoit horriblement navré en la teste et au visage, et si avoit un poing couppé : avec luy y eut un sien valet de chambre de tué, en cuidant sauver iceluy duc. En cet estât ledit duc fut emporté par ses gens, lesquels ne sçavoient qui mescroire, fors qu'aucuns pensoient , que ce eut fait le seigneur de Ganni, pource que ledit duc luy avoit soustrait et pris sa femme : et pour cette cause haïssoit-on le sire de Ganni de mortelle haine : mais on sceut

Lien tost après la vérité du fait, et que le seigneur de Canni n'y avoit aucune coulpe.

Le lendemain quand ce vint à porter le duc en terre, il y avoit moult de grands seigneurs de son lignage à tenir la main au drap, et à faire le dueil au corps. Il fut enterré aux Celestins. Entre les autres y estoit le duc Jean de Bourgongne, qui avoit fait faire cette besongne, et y faisoit le dueil par semblant, et n'en sçavoit-on encor la vérité. Or au temps qu'on portoit ledit duc enterrer, le sang du corps coula parmy le cercueil à la veuë d'eux tous, dont y eut grand murmure de ceux qui là estoient, et de tels y en eut qui bien se doutoient de ce qui en estoit, mais rien n'en dirent pour le présent. Apres l'enterrement dudit duc, les seigneurs qui là estoient, prirent conclusion d'estre le lendemain au conseil tous ensemble pour cette besongne.

Quand ce vint au lendemain (0 que les seigneurs fuient assemblez, le duc de Berry, oncle d'iceluy duc trespassé, y estoit avec le duc de Bourbon, et plusieurs autres. Le duc Jean de Bourgongne monta à cheval pour aller au conseil avec les autres accompagné du comte Waleran de sainct Paul. Quand ledit duc vint pour entrer dedans le conseil , le duc de Berry et les autres luy envoyèrent dire, qu'il se deportast d'entrer en la chambre du conseil quant à présent : et quand le duc Jean ouyt ce, il fut tout esbahy

(0 Quand ce vint au lendemain : Fénin raconte ici d'une manière invraisemblable l'aveu que le duc de Bourgogne fit de son crime. Nous avons suivi dans le tableau du régne de Charles VI, la tradition la plus accréditée , et qui paroît la plus conforme au caractère de Jeansans-Peur.

DE PIERRE DE FEWIN. 2 3q

et courroucé : et alors il demanda audit comte Waleran de Sainct Paul, « beau cousin de Sainct Paul, que « vous semble-il de nostre fait, et qu'avons nous à « faire sur cette besongne? » Alors le comte Waleran luy respondit : « Monseigneur, vous avez à vous re- « tirer en vostre hostel , puisqu'il ne plaist à nos sei- « gneurs que soyez au conseil : » et adonc , dit le duc Jean, « beau cousin, retournez avec nous; » et le comte luy respondit : « Pardonnez moy, je iray dece vers nos seigneurs au conseil. » En tant que ces paroles duroient , le duc de Berry vint à l'huis de l'hostel, et dit au duc Jean, « beau neveu, déportez « vous d'entrer au conseil , il ne plaist mie bien à ce cliascun que y soyez : » à quoy le duc Jean respondit : ce Monsieur, je m'en déporte bien, et afin ce qu'on ne mescroye aucun coupable de la mort du ce duc d'Orléans , je déclare que j'ay fait faire ce ce qui a esté fait, et non autre. » A ces paroles fut le duc de Berry fort émerveillé : et ledit duc Jean tourna son cheval et s'en alla, puis tout incontinent il changea de cheval à son hostel, et partit de Paris à petite compagnie, et s'en alla tout d'une tire en Flandre sans s'arrester en nulle place , sinon quand il luy fallut repaistre, et ce bien en haste : ses gens le suivirent au mieux qu'ils peurent en grande doute (0, de peur qu'ils ne fussent arr estez : ainsi partit ce duc Jean de Paris, laissant la seigneurie de France en grande pensée. Adonc messire Clugnet de Brabant admirai de France, monta à cheval à tout ses gens, et suivit le duc pour le cuider prendre , mais le duc estoit desja bien loing : et ainsi ledit messire Clugnet

(0 En grande doute : en grande crainte.

retourna tantost après à Paris. Cette mort fut l'année du grand liyver, et dura la gelée soixante et six jours tout d'un tenant.

De ceux qui mirent ledit duc d'Orléans à mort par le commandement du duc Jean de Bourgongne furent Paulet d'Autonville, et Guillaume Courte-heuse avec plusieurs autres, que je ne sçais nommer : mais ces deux furent les principaux, lesquels depuis en avant, eurent toutes leurs vies, grandes rentes dudit duc Jean pour cette cause. Au reste ce duc Jean fut fort blasmé, de ce qu'il avoit fait le dueil sur le corps, et tenu de sa propre main un coing du drap mortuaire, et toutesfois reconnu depuis le fait de sa bouche.

Quand ce duc Jean fut arrivé en son pays de Flandre, et que ses gens furent rassemblez, il manda ses barons pour avoir conseil sur ce qu'il auroit à faire : là y eut plusieurs conclusions prises par iceluy duc et son conseil , afin de résister à tous ceux qui pour la mort du duc d'Orléans luy voudroient démener guerre.

Tantost après la mort du duc d'Orléans fut prise une journée pour la tenue d'un parlement dans Amiens, où tous les seigneurs de Fiance, au moins les principaux, furent assemblez, entre les autres y estoit le duc Jean, lequel fit' peindre dessus L'huis de son hostel deux lances, dont l'une avoit fer de guerre, et l'autre fer de roquet, ou rebouché, et disoit-on qu'il l'avoit ainsi fait, en signifiant, que qui voudroit avec luy paix ou guerre qu'il choisist, et luy signifiast, dequoy on parla en mainte manière. Il y eut à Amiens de grands conseils tenus par les seigneurs de France , mais on ne descouvrit rien de chose qu'on y fit : fors

que ledit duc Jean s'appercevoit bien que la plus grande partie des seigneurs de France le hayssoient convertement, nonobstant que pour lors ils n'en fissent semblant.

Le duc d'Orléans avoit trois fils de Valentine, fille du duc Galeace de Milan, sa femme et cousine germaine; dont le premier avoit nom Charles, qui estoit prince de haut entendement, et fut nommé duc d'Orléans après la mort de son père : le second, estoit nommé Philippe comte de Vertus : et le troisiesme, nommé Jean comte d'Àngoulesme. Ils avoient tous trois bien manières de princes, et estoient fort courroucez de la mort de leur père; depuis ils eurent assez de peine pour la cuider venger (0, et porter dommage au duc Jean ; mesme ce duc Charles et le comte d'Àngoulesme son frère furent depuis fort empeschez et affligez de prison, comme il sera cy-aprés déclaré.

L'an 1/408 les Liégeois se rebellèrent contre leur evesque, nommé Jean de Bavière, frère du duc Guillaume de Hollande, et de la femme du duc Jean de Bourgongne, parquoy cet evesque estoit fort puissant d'amis, et nonobstant qu'il fust evesque il se vouloit marier : mais la plus grande partie de ceux de Liège ne le voulurent souffrir, pource il y eut dissension entre les deux parties tant que l'evesque fut chassé, et en son lieu fut créé et constitué le fils du comte de Peruvez, qui les soustenoit. Quand Jean de Bavière se vid en ce danger, et qu'il» avoit ja perdu la plus grande partie de ses bonnes villes et forteresses, il s'alla retirer à Utrecht, qui estoit de son party, et envoya devers le duc Guillaume de Hollande son

(0 La cuider venger : chercher à la venger.

l!\1 MEMOIRES

frère , et déVers le duc Jean de Bourgongne son seronrge (0 ou beau frère, les priant piteusement qu'ils le voulussent secourir, en leur déclarant qu'il en avoit grand besoin ; car les Liégeois l'avoient assiégé dans ladite ville d'Utrecbt. Quand le duc Guillaume et le duc Jean virent la complainte de Jean de Bavière, ils assemblèrent très-grande puissance de tous leurs pays : et manda le duc Jean les seigneurs de Bourgongne, de Flandre , d'Artois, et de Picardie, et autres gens dont il pouvoit finer (2), par especial gentils-bommes. Et le duc Guillaume manda Hollandois, Zelandois, Haynuïers, et autres ses bons amis. Quand les deux ducs eurent leurs puissances jointes ensemble , ils eurent fort noble compagnie et belle chevalerie , qu'on nombroit jusques à douze mille combatans, tous gens de fait. Alors ils commencèrent à chevaucher vers Cambresis , et de là vers le pays de Liège, lequel ils gasterent fort. Robert le Roux, et le seigneur de Jumont estoient les conducteurs de l'ost, pource qu'ils estoient du pays , et qu'ils sçavoient bien lesquels estoient contre Jean de Bavière. Le comte de Peruvez , et les Liégeois qui avoient assiégé Jean de Bavière dedans la ville de Trect, ouyrent nouvelles que les deux ducs estoient entrez avec grande puissance dedans leur pays de Liège , gastans tout. Adonc se levèrent et laissèrent leur siège, pour venir combatre ces deux ducs. Enfin tant s'approchèrent les deux osts, qu'ils arrivèrent assez prés l'un de l'autre, prés la ville de Tongre. Là y eut grandes ordonnances faites par les deux

(') Serourge, veut dire beau-frère, et serourgue belle-sœur. — (5) Dont il pouvoit Jiner : dont il pouvoit disposer.

ducs : et disposa le duc Jean ses gens à cheval , pour frapper sur les Liégeois par derrière. Le seigneur de Croy , le seigneur de Helly, le seigneur de Piaissé, le seigneur de Pont, et Enguerrand de Bournonville furent les cinq capitaines pour conduire ceux de cheval, qu'ils conduisirent bien vaillamment. Ce jour conduisoit le seigneur de Miraumont les archers au duc Jean , et vaillamment s'y gouverna. Si y avoit en la compagnie des cinq capitaines susdits bien douze cens hommes d'armes de bonne estoffe : et fut une chose qui fort greva les Liégeois. Ainsi ordonna le duc Jean de Bourgongne ses batailles , et le duc Guillaume de Hollande son serourge ou beau frère. D'autre costé le comte de Peruvez , et les Liégeois firent grandes ordonnances : ils avoient de petits canons sur charrois en grande quantité , qui fort grevèrent les gens des deux ducs à l'assembler.

Apres toutes ces ordonnances faites, les deux osts s'assemblèrent en bataille, en un camp nommé Hasbain, qui est assez prés de Tongre. Là y eut grand combat d'un costé et d'autre, et s'y comportèrent les Liégeois d'abord fort roidement : mais enfin ils furent tous desconfits, et y en eut quantité de tuez, leurs morts fuient estimez se monter bien à vingt-huict mille sur le camp, et en s'enfuyans, sans ceux qui furent prisonniers. Là fut pris ledit comte de Peruvez , et son fils. A cette journée se porta le duc Jean de sa personne grandement, comme aussi messire Jacques de Courte-jambe , qui portoit la bannière du duc Jean , s'y monstra vaillant chevalier, et très-bien s'y comporta. En cette bataille y eut de tuez des gens du duc

Jean , et de ceux du duc Guillaume environ deux à trois cens et non plus. Il y mourut entre autres un chevalier de grand renom, nommé messire Florimond de Brimeu , qui estoit proche la bannière du duc Jean, qui en fut fort courroucé. Apres que ces deux princes eurent ainsi emporté une si grande victoire , ils assemblèrent leurs gens , et regracierent Dieu de Thonneur qu'il leur avoit fait recevoir : après ils firent coupper la teste audit comte de Peruvez , et en firent présent à Jean de Bavière, qui arriva vers eux assez tost après la bataille ; car il n'y estoit pas, lors qu'elle se donna. Il les remercia fort de l'honneur qu'ils luy avoient fait, et du secours qu'ils luy avoient donné : ils luy firent grand chère et grand honneur, puis s'en allèrent rafraischir.

Le lendemain toutes les bonnes villes du païs se mirent à l'obeyssance des deux princes, comme aussi se sousmirent à Jean de Bavière : ils les receurent à mercy, exceptez aucuns qui avoient fait ou commencé la rébellion, lesquels furent justiciez, et suppliciez tant hommes que femmes , entre autres le damoiseau de Rochefort. Après toutes ces choses ainsi faites , Jean de Bavière fut bien obey par tout son evesché, et depuis de son vivant ils n'entreprirent et ne firent rien qui luy fut contraire. Le pays de Liège fut alors fort gasté par les gens des deux princes, qui emportèrent grand avoir et butin d'iceluy pays. Or quand les deux princes eurent ainsi accomply leur volonté, ils se retirèrent à grande joye chacun en son pays. Pour cette besongne devint le duc Jean tres-redouté pendant long-temps : mesme ceux qui contre luy avoient proposé de le grever, au

DE PIERRE DE FENIN. %lfi

subjet de la mort du duc d'Orléans , furent tous ao coisez (0, et par grand temps après n'osèrent faire aucun semblant d'aller attaquer ce duc : mais à la fin les choses en devinrent en si déplorable estât , que le royaume de France en fut long-temps en voye de destruction , comme il se pourra voir par la suite.

Apres que le duc Jean de Bourgongne eut ainsi achevé son entreprise au Liège , il se passa bien deux ans qu'on parloit peu de la mort du duc d'Orléans : mais toutesfois le duc Charles son fils machina tant qu'il attira à son parly plusieurs seigneurs de France, qui luy promirent de l'ayder à venger la mort de son père ; et en estoit le duc de Berry, le comte de Clairmont, et le comte d'Armagnac, qui firent à ce sujet grandes assemblées par delà Paris vers Mont-le-Hery. Le duc Jean d'ailleurs avoit quantité de gens vers Sainct Denys en France : et furent les gens du duc Antoine de Brabant son frère logez audit lieu de Sainct Denys en cette mesme saison, avec les gens du comte Waleran de Sainct Paul, qui estoit pour lors à Paris, lequel les manda pour les voir : ils s'assemblèrent donc et allèrent pour passer par le milieu de Sainct Denys, où les Brabançons estoient logez ; mais par quelque contention et dispute qu'ils eurent ensemble, les Brabançons voulurent livrer bataille aux gens dudit comte Waleran , qui estoient conduits par le seigneur de Tian, et furent sur le poinct de s'entrechoquer : mais le duc Antoine, qui avoit espousé la fille dudit comte Waleran, en ouyt nouvelles à Paris, et y vint en grand haste. Quand il fut venu, il fit retirer ses gens , lesquels il blasma fort de ce qu'ils en avoient tant fait :

(0 Accoisez: appaisés, calmés».

'2^6 M EM Olït ES

quant aux gens d'iceluy comte, ils s'en allèrent à Paris pour s'y monstrer , puis ils s'en revinrent à leurs logis, dans les villages du plat pays.

En ce temps les gens du duc Charles d'Orléans, et du comte d'Armagnac estoient logez par delà Paris : alors on commença fort à parler des gens de ce comte d'Armagnac , pource qu'ils estoient habillez d'escharpes blanches, car on avoit encor peu veu aux pays de Fiance et de Picardie, de telles escharpes, et pour le nom des gens dudit comte d'Armagnac, furent depuis ce temps-là tous gens tenans party contre le duc Jean de Bourgongne, appeliez Armagnacs, nonobstant que le Roy fut contraire au duc Jean aucunefois, et qu'avec ledit duc d'Orléans y eut d'autres seigneurs, plus grands sans comparaison que le comte d'Armagnac, si ne les nommoit-on pourtant en commun langage, fors les Armagnacs , dont ils estoient fort courroucez ; mais ils ne peurent oncques avoir autre, et pendant tout le temps de la guerre n'eurent autre nom. Ainsi par plusieurs fois y eut grandes assemblées (0 autour de Paris, tant des gens du duc Jean de Bourgongne, que du duc Charles d'Orléans : et tousjours depuis commença la chose à s'enfler entre lesdits deux ducs, se retirant ledit duc Jean avec ses alliez en son pays de Flandre et d'Artois. Peu auparavant messire

(0 T'eut grandes assemblées : Ce fut alors que se fît la paix de Chartres, où les princes d'Orléans eurent l'air de pardonner au duc de Bourgogne. Juvenal des Ursins, ( pag. 198) en parlant de celte paix, raconte une anecdote fort piquante. « Ce faict, le duc de Bourgon- « gne , sans boire, ny manger en la ville > monta à cheval et s'en partit, « et avoit un très-bon fol en sa compagnée , qu'on disoit estre fol- « sage, lequel tantost alla acheter une paix d église, et la fit fourrer, « et disoit que c'estoit une paix fourrée. »

Jean de Montagu (0 grand maistre d'hostel du Roy eut la teste couppée à Paris , ce fut par le conseil du duc Jean : si disoit-on qu'il avoit desrobé le Roy de grand trésor. Il avoit fait faire le chasteau de Marcoucy prés Mont-le-Hery.

L'an i4-io , la guerre recommença fort entre le duc Charles d'Orléans et le duc Jean de Bourgongne : or avoit ledit duc Charles grande quantité des seigneurs de France de son party, qui luy avoient promis de l'aider à destruii e le duc Jean , et venger la mort de son père. Il mit garnison en la ville de Han sur Somme, sur les marches du duc Jean , où estoit capitaine messire Manessier Quieret , et aussi en plusieurs

(0 Messire Jean de Montagu: Le journal de Paris donne des détails curieux sur la mort de cet infortuné ministre. ( Edit. de 1729, p. 3 et 3.)

«Le lundi 7 octobre ensuivant, c'est à sçavoir i4°9> fuSt prins « un nommé Jehan de Montagu , grand maistre d'ostel du roy de « France, emprés Saint Brenetor , et fust mis en petit Chastelet, dont <c il avint telle émeute à Paris à l'eurre qu'on le print, comme se tout ' « Paris fust plain de Sarrazius, et si ne sçavoit nul pourquoy ils s'en- « fuioient. Et le prinsl un nommé Pierre des Essars, qui pour lors « estoit prévost de Paris, et furent les lanternes commandées à allumer comme autrefois et de l'eaue à huis, et toutes les nuits le plus « bel guet à pie et à cheval qu'on ne vit gueres oneques à Paris, et « le faisoient les mestiers l'un après l'autre. Et le dix-septiesme jour du « mois d'octobre jeudi, fust le dessus dit grand maistre d'ostel mis en « une charelte, vestu de sa livrée d'une houpelande de blanc et de « rouge, et chaperons de mesme, une chauce ronge et l'autre blanche, « ungs espérons dorés, les mains liées devant une croix de boys entre « ses mains, hault assis en la charelte, deux trompettes devant lui. « En cel état mené es halles , là on lui coupa la tête , et après fust « porté le corps au gibet de Paris. » Pour éviter le supplice, Montagu avoit fait valoir son titre de clerc marié cum unied virgine : le peuple parut s'émouvoir en sa laveur ; mais Pierre des Essarts le contint par les mesures qu'on vient de voir.

autres places. Après envoya deffîer ce duc Jean ; et pareillement le deffierent plusieurs autres grands seigneurs : et entre les autres le deffia un chevalier de Picardie , nommé messire Maussart du Bos , dont le duc Jean fut plus mal content que de tous les autres , car ce messire Maussart estoit son homme , parquoy il l'eut doresnavant en grande haine. Quand le duc Jean sceut les assemblées que le duc d'Orléans faisoit contre luy, et que par tout il cherchoit alliez pour luy faire guerre , alors il assembla ses gens par tous ses pays , et fit belle assemblée de gentils-hommes , avec lesquels il fit venir grande puissance des communes de Flandres , et le tout assembla vers la ville d'Arras , d'où il tira droit au village de Marquion prés Cambray ; là il se logea avec ses Flamens , qui estoient sans nombre, car ils avoient tant de tentes, qu'il sembloit que ce fust une bonne et grande ville quand ils estoient logez r avec ce ils avoient plusieurs habillemens et instrumens de guerre : ils alioient tous à pied, quoy que fort chargez de harnois, et si avoient , quantité de charroy, parquoy ils faisoient moult de mal par tout où ils passoient. Ainsi ce duc Jean assembla bien trente mille combatans , et s'en alla delà à Han sur Somme, devant laquelle place il mit le siège de fort prés tout autour, où il fit planter de grands canons pour jetter contre les murs de la ville. Là y eut de grandes escarmourches faites : mais en fin les gens d'armes qui estoient dedans la ville, s'en allèrent par de là l'eau , et abandonnèrent ainsi cette place. Quand les gens du duc Jean le sceurent ils assaillirent la ville , et entrèrent dedans. Là firent les Flamens grand pillage, et mirent le feu par tout.

DE PIERRE DE FENIJV. "> f"

Apres que Han eut esté ainsi désolé, le duc tira vers Neelle, laquelle place fut destruite au passage : puis il s'en alla loger devant Roye en Vermandois , laquelle place se mit incontinent en son obéissance : de là il s'en alla loger devant Mondidier en grande ordonnance ; il avoit à sa suite plusieurs petits charrois, où y avoit sur chacun deux petits canons, qu'on nommoit Ribaudequins , dont il fit clorre son ost d'un lez ('), ou bordure tout alentour. Quand le duc Jean eut esté bien dix jours logé devant Mondidier, et qu'il s'efforçoit en suite de passer outre vers Paris, tors les Flamens commencèrent à s'impatienter, et se fourmouvoir pour retourner en leur pays , tant qu'il ne fut en la puissance du duc de les retenir ; car ils deslogerent en grand desordre de nuict , mesme il y eut quantité de leurs tentes bruslées, comme aussi de leur autre bagage. De ce retour fut le duc tres-irrité, mais les Flamens ne voulurent rien faire pour luy, ains retournèrent en leur pays contre le gré d'iceluy duc, et alloient plus en un jour qu'ils n'estoient venus en deux, faisans grand desoidre par où ils passoient, gens sans pitié , n'espargnans ny gentil ny vilain ; et aussi quand les Picards les trouvoient à leur dessous, ils leur faisoient assez de peine. Après que les Flamens se furent retirez en leur pays, et que le duc Jean fut retourné à Arras, il manda par tout ses gens , et fit une belle assemblée de gentils-hommes ; puis s'en alla droit vers Roye en Vermandois, de là a Breteùil , puis à Beauvais , et Gisors. Il avoit en sa compagnie le comte d'Arondel d'Angleterre > à tout environ quatre à cinq cens Anglois combatans : de là

(*) D'un lez : d'un côté.

iiJO MEMOIRES

il s'en alla à Pontoise, où il y eut un traistre qui voulut meurtrir, et essaya de tuer ce duc Jean pendant qu'il estoit en cette ville , où il séjourna bien quinze jours : or entra ce traistre en sa chambre , mais il fut apperceu , et eut la teste couppée dans ladite ville de Pontoise. Quand le duc Jean eut ainsi séjourné à Pontoise, il en partit une apre's-disnée, et s'en alla passer à Meulant : il chevaucha toute nuict à tout son ost , et le lendemain sans s'arrester il s'en vint à Paris au giste , où il se logea avec tous ses gens. Pour lors estoit le duc d'Orléans logé dans Sainct Denys et à Sainct Cloud avec grande puissance , par*quoy le duc Jean ne fit logis , et ne s'arresta entre Pontoise et Paris. Quand il fut venu à Paris le Roy et le Dauphin luy firent grande joye, et bonne chère, ainsi que plusieurs autres grands seigneurs : il se rafraischit luy et ses gens bien trois semaines. Or il arrivoit souvent entre Paris et Sainct Denys de grandes escarmouches entre les gens du duc Jean et ceux du duc d'Orléans. Pour lors estoit capitaine de Paris le comte Walcran de Sainct Paul, qui fut fait conneslable de France.

f En ce temps par une nuict de Sainct Martin d'hyver , le duc Jean sortit de Paris, avec grande puissance, et s'en alla toute nuict à Sainct Cloud, où il arriva environ au poinct du jour : il mit aussi-tost ses gens en ordonnance , et envoya Enguerran de Bournonville et de ses autres capitaines à tout leurs gens pour assaillir la ville de Sainct Cloud , lesquels tant firent qu'elle fut prise par force : il y eut grande perte des gens du duc d'Orléans, qui se retirèrent en la forteresse du pont, et au monstier de la ville ; mais

DE PIERRE DE FENIJY. a5l

il y eut grand assaut donné audit monstier par les gens du comte d'Arondel : ceux qui estoient dedans se défendirent bien , et toutesfois rien ne leur valut ; car il convint qu'ils se rendissent à la volonté des Anglois. Là fut pris messire Maussart du Bos par les Anglois, avec plusieurs autres. Quand le duc Jean eut ainsi besongné à Sainct Cloud, il se retira au giste à Paris, et ses gens avec luy.

Tandis que l'assaut duroit au pont de Sainct Cloud, le duc d'Orléans vint pour secourir ses gens, mais la rivière de Seine estoit entre deux ; et il ne pouvoit passer à cause des gens du duc Jean, lequel après cet exploit rentra, comme dit est, à Paris : puis le duc d'Orléans et ses gens passèrent tous au pont Sainct Cloud, et s'en allèrent de nuict en tirant vers le pays de Berry.

Tantost après, ce duc Jean fit coupper la teste audit messire Maussart du Bos, qui ne peut estre sauvé pour aucunes prières de ses amis, a cause de la grande haine que ce duc avoit alencontre de luy. . Un peu auparavant le seigneur de Croy, qui estoit au duc Jean , avoit esté pris par les gens du duc d'Orléans, mais messire Jean de Croy son fils s'en alla vers le chasteau de Moncheau en Normandie, où il prit les deux enfans du comte d'Eu , qui furent envoyez à R.enty, parquoy il fut depuis traité que le seigneur de Croy seroit délivré, à condition que les enfans d'Eu seroient mis en liberté.

Après ce Enguerran de Bournonville et le seigneur de Ront s'en allèrent mener guerre vers Estampes, mais ledit seigneur de Ront fut pris par Bourdon , puis mené en la ville d'Estampes, où les gens du duc Jean

mirent le siège, et firent tant qu'ils r 'eurent ledit seigneur de Ront, et Bourdon demeura leur prisonnier ; ainsi fut la forteresse d'Estampes mise en l'obéissance du duc Jean, lequel d'ailleurs laissa quantité de ses gens en la frontière par delà Paris vers Bonneval, puis s'en retourna en ses pays de Flandre et Artois. Alors ceux qui gouvernoient le Roy et le duc de Guyenne Dauphin, estoient du party du duc Jearr : partant le duc d'Orléans avoit le Roy et le duc de Guyenne contre luy, et fallut qu'il se retirast vers Orléans et Bourges : mais le duc de Berry et le duc de Bourbon demeurèrent tousjours du party dudit duc d'Orléans contre le duc de Bourgongne.

L'an i/fi1? le Roy et le duc de Bourgongne firent leur mandement pour aller vers Bourges , et assemblèrent à ce subjet bien cent mille hommes de bonne— estoffe tous vers Melun , puis tirèrent tout droit à Montereau où faut Yonne, delà à Sens en Bourgongne , puis à la Charité' sur Loire. Il y eut de grandes ordonnances faites, et fut le seigneur de Croy déclaré capitaine de l'avant-garde, accompagné d'Enguerrand de Bournonville et plusieurs autres grands seigneurs. En la compagnie du Roy estoit le duc de Guyenne Dauphin, le duc Jean de Bourgongne, le duc de Lorraine, et depuis y survint aussi le roy Louys de Sicile, avec plusieurs autres. Apres que le Roy eut fait ses ordonnances à la Charité, il s'en alla devant la ville de Dun-le-Roy, où il mit le siège tout autour : enfin cette ville fut rendue au Roy, à condition qu'ils s'en iroient saufs leurs corps et biens.

De là le Roy s'en alla devers Bourges pour y mettrele siège : en la compagnie du Roy il fut fait grand

nombre de chevaliers lors de l'entreprise de ce siège, et y eut de grands assauts faits et soustenus par ceux de dedans contre ceux de dehors , car les assiégez trèsbien se défendirent; mais nonobstant, tout le siège fut fermé par un lez ou tranchée, et non plus. Dedans Bourges estoit le duc de Berry oncle du Roy et du duc de Bourgongne, avec le duc de Bourbon, et aussi y pouvoient aller, venir et entrer librement tous autres quand il leur plaisoit : car le siège n'y fut oncques fermé, fors par un seul lez ou fossé, et par un seul costé de la ville. Pendant que le siège fut devant Bourges du costé de la Charité, ceux de dedans saillirent dehors au nombre d'environ quatre à cinq cens, et donnèrent sur l'avant-garde du Boy ; surqnoy y eut grande bataille, mais les Armagnacs furent enfin rechassez dedans, après y avoir laissé plusieurs des leurs tuez, parespecial des Anglois qui yestoient en garnison. Cette besongne arriva un dimanche droit à l'heure de none. Après, ceux de dedans commencèrent si fort à jetter canons, qu'il fallut que les gens du B.oy se retirassent en arrière : aussi y avoit-il souvent grands assauts et furieuses attaques données d'un costé et d'autre, mais l'avant-garde du Roy estoit si forte, que ceux de la ville ne les pouvoient grever. En une course entre autres, que le duc de Lorraine et le seigneur de Helly firent , il y eut grande perte faite par ceux de la ville, et y fut pris le neveu de Bernardon de Fere gaillard homme d'armes , et plusieurs autres avec luy. Ce jour Jean de Humiere chassa si avant qu'il ne peut retourner, et fut emmené prisonnier dans la ville. Quand le roy Charles eut estéjong-temps devant Bourges , il eut conseil d'aller par delà pour les

affamer, et de laisser garnison vers la Charité, pour extourner les vivres. Quand ceux de la ville le virent déloger, ils cuiderent(0 que le Roy s'enfuist et saillirent après ; mais ceux de l'avant-garde du Roy estans en embusche frappèrent sur eux, et en prirent et tuèrent quantité, par especial gens de village à qui on fit assez de peine. Le Roy et ses gens chevauchèrent tant qu'ils vinrent par delà la ville, et y remirent le siège. Pendant ce temps, le pays de Rerry fut fort gasté par les gens du Roy et du duc de Bourgongne. Enfin le Roy ayant esté grand espace de temps par delà Bourges il y eut parlement de ceux de la ville avec les gens du Roy et du duc, et appointement fait ; puis parlèrent ensemble le duc de Berry et son neveu le duc de Bourgongne. Là y eut grandes connoissances faites par plusieurs seigneurs , et pardonna le duc d'Orléans la mort de son père au duc Jean, suivant certaines conditions dites entre eux, de quoy on fit en suite mutuellement les sermens dans A.uxerre, où fuient les ducs d'Orléans et de Berry. Après cela le Roy retourna à Paris, et chacun en son pays : et cuidoit-on lors véritablement avoir paix à tousjours, dont le monde estoit joyeux; car il leur sembloit qu'ils estoient bien eschappez, veu le mauvais commencement qui y avoit esté : mais nonobstant quelque paix ou accord qu'il y eut, on vit bien en bref après qu'elle n'estoit ferme, comme il se pourra appercevoir dans la suite.

Environ le temps que le Roy alla pour assiéger Bourges, le comte Waleran de Sainct Paul connestable de France fut envoyé au comte d'Alençon

(0 Ils çuiderent : ils présumèrent.

pour le réduire en l'obéissance du Roy : il y alla grandement accompagné de Picards et autres gens, et mit fort le pays en son obéissance. Or il y avoit une place nommée Sainct Remy au plein, laquelle ne voulut obéir audit comte , lequel partant y mit le siège tout au tour, mais tant y fut que le seigneur de Gaucour vint avec puissance pour combatre ce comte : lors le comte Waleran ordonna ses gens en bataille , tellement qu'il gagna la journée à l'aide de ses gens qui estoient tres-vaillans. Avec le comte Waleran estoit Jean de Luxembourg son neveu , lequel fut fait ce jour-là chevalier, et s'y porta vaillemment, nonobstant qu'il fut jeune d'aage. Aussi y fut fait chevalier Raulequin fils du vidame d'Amiens , et plusieurs autres semblablement avec eux. Là estoit le Borgne de la Heuse homme de grand renom et fort sage en guerre, par qui ledit comte Waleran se gouvernoit en partie pour le fait de la guerre. Apres que ce comte eut gagné la place de Sainct Remy au plein, et pris quantité de prisonniers, il en fut très joyeux, et remercia nostre Seigneur de la victoire qu'il luy avoit envoyé. Plusieurs autres places au pays d'Alençon se réduisirent en son obéissance , après quoy il s'en alla en son pays, puis par devers le Roy et le duc de Bourgongne, qui grande joye luy firent. Il avoit entre autres prisonniers le seigneur de Gaucour, lequel il envoya en Artois en sa ville de Sainct Paul tenir prison, mais enfin il fut mis à rançon, et délivré en payant finance. Peu avant ce temps le comte Waleran avoit tenu siège devant le chasteau de Coucy en Laonnois, qui fut par long-temps assiégé, car ceux de dedans le défendirent bien : mais le comte Waleran s'advisa de faire

miner par dessoubs la tour un nommé Maistre Oudon, tellement que quand se vint à mettre le feu en la mine, la tour fut toute enclinée et rendue penchante, comme il se peut voir encor : tant fut le comte Waleran devant Coucy qu'il luy fut rendu, et y mit ses gens dedans pour le garder, puis s'en alla devers le

A. prés que la paix du duc Jean de Bourgongne et du duc Charles d'Orléans eut esté confirmée à Auxerre, comme il vient d'estre dit, il se passa environ deux ans que la chose s'entretint de la sorte pacifiquement : lors ne parloit-on d'aucune guerre, mais par envie que chacun avoit de gouverner le royaume, la chose se remit dedans le trouble plus fort qu'auparavant.

Le duc Charles d'Orléans avoit envoyé quérir aide en Angleterre , et pour finance payer il envoya le comte d'Angoulesme son frère se tenir pour ostage en Angleterre, avec autres gentils-hommes de son hostel, lesquels y demeurèrent depuis long-temps pour l'occasion de la guerre, qui empescha qu'ils ne peurent estre si tost délivrez et rachetez.

L'an i/f1^, le duc Jean de Bourgongne estoit à Paris , où y avoit plusieurs autres grands seigneurs du sang royal, qui tous avoient envie sur ce duc, et contendoient à le chasser du gouvernement du royaume, et quelque semblant qu'ils luy monstrassent, si le hayssoient-ils au fonds du cœur, comme il fut depuis apparent.

De cela s'appercevoit bien ce duc Jean en plusieurs manières , à quoy il resistoit le plus qu'il pouvoit : car il avoit grande partie du commun de Paris h son commandement , spécialement les bouchers par les-

quels il fit prendre le duc de Bar, et messire Jacques de la Rivière , lesquels fuient détenus prisonniers pendant long-temps.

Or de cette prise fut le duc de Guyenne Dauphin grandement courroucé envers ce duc, qui estoit son beau-pere, et luy dit qu'il s'en repentiroit. Il fut lors fait à Paris de merveilleuses besongnes ; car ceux qui tenoient le party du duc Jean portoient petits chapperons tous d'une livrée : entre autres il y avoit un bouclier nommé Caboche, qui avec un qu'on appelloit Deniset de Chaumont conduisoient ainsi le commun peuple, pour la bende de ce duc Jean soustenir.

Par telles choses et plusieurs autres, se renouvella la guerre entre le roy Charles et les seigneurs de France contre le duc Jean , lesquels princes ne cessèrent oneques de faire tant qu'ils eussent tourné le Roy et son fils le duc de Guyenne contre ce duc Jean. Le duc de Bar fut lors délivré de prison par le pourchas de Bonne sa sœur comtesse de Sainct Paul, et par ses autres bons amis ; mais le frère du seigneur de la Rivière mourut en prison , et luy mit-on sus qu'il s'estoit tué d'un pot , pource qu'on le detenoit prisonnier , et de ce on parla en mainte manière. Après tous ces appointemens et évenemens le duc Jean se retira en ses pays, laissant aucuns seigneurs de son hostel par devers le duc de Guyenne son beau fils , dont messire Jean de Croy fut l'un , mais il fut pris et mené prisonnier à Mont - le -Hery, où il fut détenu long-temps.

En ce temps le roy Charles , le duc d'Orléans , le duc de Bourbon, le comte de Richemont , et messire Charles d'Albret connestable , avec plusieurs 7- 17

autres grands seigneurs , promirent tous ensemble de destruire le duc Jean de Bourgongne , et le chasser de ses pays. Or après que ces seigneurs dessus dits eurent pris telle conclusion contre ce duc, il en oiïyt nouvelles , dont il fut fort dolent , pource que le Roy estoit contre luy , et le duc de Guyenne Dauphin , plus que tous les autres : mais nonobstant il se reconforta de tout , et assembla ses gens pour aller vers Paris, sçavoir s'il pourroit rompre ces alliances. Il se fioit beaucoup au commun de Paris, qui luy mandèrent qu'il vint en asseurance , et qu'ils le mettroient dedans leur ville.

Environ le temps que le duc de Bar fut pris, messire Pierre des Essars (0 estoit prevost de Paris, qui avoit comme tout gouverné auprès d'iceluy duc Jean, et avoit grandement tenu son party , mais il se retourna comme on fit entendre à ce duc , qui à ce subjet le fit prendre, puis luy fit coupper la teste dans Paris, dont plusieurs gens furent fort esmerveillez.

Quand le duc Jean eut assemblé ses gens pour venir à Paris, il avoit très-belle compagnie, et chevaucha droit vers Paris > puis se logea dedans la ville

(0 Messire Pierre des Essars : Des Essarts fut conduit au supplice avec encore plus d'opprobre que Monlagu qu'il avoit fait périr quatre ans auparavant. « Le premier jour de juillet i4i3, dit le Journal de « Paris ( pag. i4 et i5 ) , fust ledit Prevost prins dedans le palais, « trainé sur une claye jusques à la heaumerie , et puis assis sur un ais « en la charette loul jus ^ une croix de bois en sa main, vestu d'une « houppelande noire déchiquetée, fourrée de martres, une chausse « blanche, un escafinons (soulier) noir en ses pieds: en ce point « mené es halles de Paris, et là on lui coupa la teste, et fust mise « plus hault que les aultres de trois pieds. » Voyez Tableau du règn* de Charles FL)

DE PIERRE DE FENIN. âSo,

de Sainct Denys en France, où là séjourna grand pièce de temps. Pendant que ce duc estoit logé à Sainct Denys , le seigneur de Croy envoya seize ou vingt hommes d'armes bien montez à Mont-le-Hery où son fils estoit prisonnier, qui firent tant par aucun moyen , que messire Jean de Croy qui estoit prisonnier dans le chasteau, vint pour oùyr messe en la ville, aussi - tost ils le firent monter sur un bon coursier, puis s'en allèrent droit à Sainct Denys, sans qu'il fust possible à ceux du chasteau de le rescourre : ainsi revint messire Jean de Croy vers le duc de Bourgongne , et vers le seigneur de Croy son père y qui grande chère luy firent , et à ceux qui Tavoient ainsi sauvé et ramené.

Durant aussi le temps que le duc Jean séjourna à Sainct Denys , il envoya Enguerran de Bournonviîle par un matin bien accompagné vers Paris , lequel s'adressa à la porte du marché aux chevaux, cuidant que ceux de la ville le deussent mettre dedans , mais ils ne peurent ; car ils furent de trop prés visitez. Il y eut lors dedans Paris grand effroy, car pour vray il y avoit grande partie du commun de Paris pour le duc Jean. Quand iceluy Enguerran de Bournonviîle apperceut qu'il avoit failly à entrer , il rer tourna à Sainct Denys devers le duc Jean. Assez tost après ce duc partit de Sainct Denys bien accompagné, y laissant garnison de ses gens, et pour capitaine messire Hué de Lannoy , accompagné de Hector de Saveuse , et Philippe de Saveuse son frère , avec plusieurs autres gentils-hommes ; aussi y demeura Lionnel de Maldeghen vaillant homme de guerre, et subtil. Enguerran de Bournonviîle et Lamon de Lan-

260 iJEMOlïlK»

noy furent envoyez en la ville de Soissons : par cette manière le duc Jean garnit les frontières de Beauvoisis , car il y avoit plusieurs bonnes villes et forteresses tenans son party. Depuis ce duc se retira en son pays d'Artois , où il manda et convoqua tous les seigneurs de ses pays à Arras : là y eut grands conseils tenus par luy et ses barons : il estoit en grand doute de pouvoir soustenir ce faix , à cause que le Roy s'estoit ainsi tourné contre luy, dequoy plus luy grevoit que de tous les autres a qui il avoit affaire ; mais enfin il prit conclusion d'attendre en son pays toutes adventures , faisant par tout garnir ses bonnes villes et forteresses pour se défendre contre tous venans , et outre ce il se garnit fort de gens ; car il manda tous les seigneurs de Boui gongne qui vinrent à grande puissance à son secours.

L'an i4 14 ^e roy Charles fit ses mandemens par toutes les parties du royaume , et assembla bien quatre-vingts mille hommes, parmy lesquels estoient plusieurs grands seigneurs , car le duc de Guyenne son fils aisné y estoit , le duc Charles d'Orléans , le duc de Bar , le duc de Bourbon , et plusieurs autres grands princes qui promirent au Roy de destruire le duc Jean de Bourgongne, et le chasser de ses seigneuries. Quand le Roy eut assemble' ses gens , il chevaucha , droit vers la ville de Compiegne, qui estoit fort garnie des gens dudit duc Jean , et là mit le siège tout autour , mais il y eut de grandes escarmouches avant qu'il peust estre bien formé ; car ceux de la ville firent beaucoup de peine aux gens du Roy, dont ils prenoient souvent des prisonniers , qu'ils menoient dedans la ville, par les sorties de Hector

de Saveuse et de Philippe son frère, qui estoient tres-vaillans en faict de guerre : et aussi messire Hue de Lannoy qui en estoit capitaine, s'y gouverna hautement ; et si y estoit le bon Lionnel de Maldeghen, qui estoit homme bien renommé en toutes besongnes où il se trouvoit : avec eux y avoit foison d'autres gentils-hommes de grande entreprise , qui bien vaillamment s'y gouvernèrent. Le B.oy qui tenoit son siège devant , avoit en sa compagnie de vaillans hommes d'armes, qui bien recherchoient les occasions d'y acquérir de l'honneur, et entre autres y estoit Hector de Bourbon frère bastard du duc de Bourbon , qui estoit tenu pour le plus vaillant entre tous les autres, lequel manda à ceux de la ville qu'il les iroit visiter le jour de may au matin. Quand ce bastard eut ainsi mandé à ceux de la ville , ils se préparèrent alencontre pour le recevoir : or quand se vint audit jour de may, ledit bastard qui estoit accompagné de puissantes gens, vint vers une porte de Compiegne : luy et ses gens avoient chacun un chappeau de feuillages, vulgairement dit de May sur leur teste armée : là y eut grand chocq d'un costé et d'autre ; mewne y eut ledit bastard de Bourbon son cheval tué soubs luy, car ceux de. la ville se défendirent tres-vaillamment, et y eut plusieurs blessez des deux costez : mais nonobstant toute la défense que ceux de la ville firent, le bastard et ses gens les pressèrent si vivement, qu'enfin les gens du duc Jean rendirent la ville au Boy, à condition qu'ils s'en iroient saufs leurs corps et leurs biens, ce que le Boy leur accorda, et l'ayant ainsi mis en son obéissance , il la garnit de ses gens , puis il s'en alla à Soissons , où Enguerran-

de Bournonville estoit, et là mit le siège tout autour, mais il y trouva grande défense par ledit Enguerran , et ses gens. Tandis que le Roy estoit à ce siège , le susdit bastard de Bourbon fut navré à mort en allant considérer les fossez : il fut fort plaint de ses gens , par especial du duc de Bourbon son frère, qui grandement l'aimoit pour la vaillance qui estoit en luy. Cette mort nuisit depuis à Enguerran de Bournonville, qui fui bien courroucé quand il seeut la mort de ce bastard. Enfin le Roy ayant esté long espace de temps devant Soissons , fut conseillé de la faire assaillir, parce qu'il descouvrit qu'il y avoit dissention entre les gens du duc Jean et ceux de la ville ; car Enguerran et ses gens avoient voulu sortir de la ville, mais le commun en fut mal-content, pource qu'ils les laissoient de la sorte en grand danger, sans leur aider à faire quelque bon traité, et pource se tournèrent la plus grande partie contre ledit Bournonville : outre ce il y avoit aussi grand débat entre les gens d'iceluy Enguerran et les gens de Lamon de Lannoy, partant ils se trouvoient très- mal d'accord dedans la ville, et peu s'entre-aimoient l'un l'autre. Par telles dissensions fut depuis la ville , et euxmesmes en voye de perdition : car les gens du Roy assaillirent tout autour, et dura l'assaut longuement: mais enfin elle fut prise et emportée d'assaut par les gens du Roy, qui vaillamment s'y portèrent. Là fut pris Enguerran de Bournonville et Lamon de Lannoy , avec tous leurs gens ; comme encor messire Pierre de Menau (0 qui estoit du pays, auquel de-

(0 Messire Pierre de Menau. Lisez Pierre de Menou. Il étoit d'une famille de Tourraine, et non de Picardie» ^

puis le conseil du Roy fit coupper la teste. A la prise de cette ville y eut grand desordre commis ; car les églises furent pillées , et quantité de femmes violées par force, tant gentilles femmes que autres, dequoy la ville fut du depuis pendant long-temps en grande destruction. Après ces choses ainsi faites, Enguerran de Bournonville eut aussi la teste couppée , et ne peut estre sauvé pour aucune prière , combien qu'il y avoit plusieurs des gens du Roy qui en furent courroucez; mais le duc de Bourbon, qui estoit fort en colère de la mort de son frère bastard, fut l'un de ceux qui plus de mal luy fit.

Quand le Roy eut ainsi achevé à Soissons, il en partit pour venir vers la ville de Peronne. Il logea en la ville, où il fut assez long temps : tous ses gens estoient logez au pays d'autour Peronne. Depuis il fut conseillé d'entrer dans le pays du duc Jean de Bourgongne , et y tout prendre par force , et mettre à destruction ses pays. Lors le Roy chevaucha vers la ville de Bapaume, laquelle estoit fort garnie des gens du duc Jean. Il mit le siège autour de cette ville, et tant y fut qu'elle luy fut enfin rendue : ceux qui estoient dedans en partirent saufs leurs corps et leurs biens. Assez tost après que le Roy eut mis Bapaume en son obéissance , et qu'il l'eut garny de ses gens , il en partit pour aller devant Arras mettre le siège. Cette ville estoit garnie de bons gens d'armes et gens de traict, dont estoit capitaine messire Jean de Luxembourg, qui estoit chevalier de grand renom et preux aux armes , lequel avoit bien de bonne estofie mille hommes d'armes, sans les gens de traict et ceux de la ville qui moult estoient puissans. Au dessous dudit

messire Jean de Luxembourg estoient plusieurs capitaines , et entre autres le seigneur de Noyelle , nommé le Blanc Chevalier; et de Bourgongne y estoit le seigneur de Montagu , le seigneur de Champdivers, le seigneur de Tolongeon, et plusieurs autres grands seigneurs. Ainsi messire Jean de Luxembourg estoit accompagné de vaillans et sages hommes d'armes, qui bien le conseillèrent, ce qui parut bien à la fin. De ceux de la ville, estoit capitaine le seigneur de Beaufort à la barbe , qui estoit homme de haute entreprise , lequel les retint bien en son obéissance et commandement, tant que le siège dura. Aussi estoit la ville et la cité garnie de gens qui estoient fort vaillans, et peu craignoient d'estre attaquez, sinon par trahison. Aussi quand ils sceurent la vérité qu'on les venoit assiéger, ils mirent le feu dans leurs faux-bourgs, tant de Baudimont que alieur : mesme ils abbatirent plusieurs églises qu'ils destruisirent , afin que leurs ennemis ne s'y logeassent si à leur aise : et de plus tint tousjours bon le chasteau de Belle-Motte , qui estoit un grand confort et soulagement à ceux de la ville d'Arras : car quand ils vouloient envoyer quelque message vers le duc Jean , ils l'envoyoient par ledit chasteau pour aller plus seurement. Donc après que le Roy eut conquis Bapaume , il s'achemina vers Arras, Il avoit lors en sa compagnie bien cent mille hommes, entre lesquels estoient plusieurs hauts princes ; car le duc de Guyenne y estoit , le duc Charles d'Orléans, le duc de Bar, le duc de Bourbon, messire Chai les d'Albret, connestable de France, le comte de Pûchemont, le comte d'Armagnac , le comte d'Alencon, et plusieurs autres, qui

DE PIERRE DE FENIN, li()5

tous tendoient à destruire le duc Jean. Or tant chevaucha le Roy , qu'il arriva assez prés d'Arras. De's le lendemain ses gens commencèrent à approcher la viile , et logea le Roy à la Maison du Temple. Au commencement du siège dés le premier jour il y eut fîeres escarmouches et attaques des gens du Roy contre ceux de la ville , en quoy gagnèrent ceux de la ville quantité de prisonniers et de chevaux : mais nonobstant le siège ne fut mie si lost assis , ains au bout seulement de quinze jours il fut fermé. Le duc de Bourbon se logea au faux-bourg de Baudimont, et le duc de Bar estoit logé au faux-bourg vers Belle- Motte. Ceux de la ville faisoient souvent grandes saillies, par especial à la Barette d'Avenne, et à la porte Sainct Michel vers Belle-Motte, et souvent amenoient prisonniers en la ville. Les gens du Roy tenoient pour ce temps le chasteau d'Avenne - le -Comte et celuy de Villers- Castel , d'où ils grevoient fort le pays, et le tenoient en gi aride subjetion, mesme ils allèrent courre jusques à Sainct Paul, le comte Waleran y estoit, qui encores se disoit connestable de France. Us luy bruslerent ses faux-bourgs ; mais les gens dudit comte Waleran saillirent hors icelle ville de Sainct Paul, et rechasserent les gens du Roy, dont ils tuèrent un, de quoy ce comte fit semblant d'estre courroucé. Une autre fois les gens du Roy allèrent jusques aux portes de Hedin , et y causèrent grand effroy ; mais ils perdirent beaucoup de leurs gens, avant qu'ils revinssent à leur siège. Ainsi coururent les gens du Roy par tout le païs d'Artois, parquoy il fut fort destruit de tous costcz. Cependant ceux gui estoient au siège s'efforçoient fort de prendre la

ville, devant laquelle souvent ils jettoient grands engins , dont les portes et murailles furent fort endommage'es. Les gens du Roy passèrent par un dimanche après disner , la rivière du marais Sain et Michel par une petite planche , puis vinrent assez prés de la poterne vers ledit marais. Quand ceux de la ville les apperceurent , ils saillirent alencontre d'eux : là y eut grand combat donné, mais enfin les gens du Roy furent desconfits, et y eut de morts et noyez grande quantité , et de pris et emmenez en la ville. A cette besongne se conduisit v aillamment Percheval le Grand. Le lendemain le duc de Bourbon envoya requérir qu'on laissast enterrer ceux qui estoient noyez , dequoy messire Jean de Luxembourg fut content , moyennant qu'ils aui oient les corps de ceux de la ville et les harnas (0, dont il fut ainsi ordonné. Le comte d'Eu fut fait chevalier en une mine à combatre contre le seigneur de Montagu , et estoit la mine dessoubs les murs de la cité, proche de Baudimont. Devant Arras le B.oy fut occupé six semaines , environ le mois d'aoust : peu il y gagna, ains y perdit messire Amé de Sarbruce d'un coup de canon qui le frappa en la teste. En toutes les sorties que ceux de la ville firent, ils perdirent peu de leurs gens , et n'y furent pris des gens de renom que Baugois de la Beu-. vriere, et le bastard de Beille. Le duc Jean avoit ordonné grande puissance de gens pour secourir ceux de la ville d' Arras, dont estoit conducteur le seigneur de Croy, et cuidoient frapper sur le logis de Baudimont. Quand ledit seigneur de Croy eut tout assemblé vers Betune, pour estre rendu au poinct du

(0 Et les harnas : ei les armures.

DE PIERRE DE FENIN. 2,6l

jour dans Arras, il fit advancer ses coureurs devant, et en fut Atis de Brimeu avec Jacques de Brimeu son frère; mais ils furent pris des gens du Roy, et menez au camp de ce siège , parquoy cette entreprise fut rompue. Depuis iceluy Jacques de Brimeu eschappa, et entra dans Arias , dont le peuple fut bien joyeux. Quand le Roy eut ainsi esté devant Arras grand espace de temps, la duchesse de Hollande (qui estoit sœur du duc Jean ) alla devers le Roy, et fit tant que ce duc Jean obtint enfin la paix du Roy ; car le comte de Pontieu qui estoit second fils du Roy, avoit espousé la fille du duc Guillaume de Hollande et de ladite duchesse , laquelle par ainsi se trouvoit nièce du duc Jean de Bourgongne , sçavoir fille de sa sœur. Quand cette duchesse eut fait ce traité du duc Jean avec le Roy, ceux de la ville d'Arras en furent bien joyeux : car le Roy deslogea aussi-tost après qu'il eut receu fobeïssance d'icelle ville , et que ses bannières eurent esté mises sur ses portes. Or combien que la paix eust ainsi esté traitée , si se deslogea le Roy et ses gens en grande confusion , et s'en allèrent et desbanderent plus en un jour qu'ils n'estoient venus en deux. Le Roy ne séjourna guieres tant qu'il fust parvenu jusques à Paris.

Quand le duc Jean se vid ainsi délivré de ses ennemis, il en fut bien joyeux; et tantost manda par tout ses gens, et assembla grande puissance de toutes parts , puis s'en alla au duché de Bourgongne, et passa par Mesieres sur Meuse où le duc de Nevers son frère luy fit grand feste, et moult s'entre-conjoiiyrent l'un frère à l'autre : depuis le duc Jean s'en alla en Bourgongne, où il séjourna long- temps sans retourner

en Flandre : là luy firent les seigneurs de Bourgongne grande joye et recueil, car il l'aimoient fort. Le duc Jean estant en Bourgongne, et la paix ainsi faite devant Àrras, si restoit-il tousjours grande envie entre le duc Charles d'Orléans , ses alliez , et le duc Jean de Bourgongne. De faict, messire Jenet (0 de Pois qui s'en alloit en Bourgongne devers le duc Jean à tout trois cens compagnons, fut rué jus (2) par les gens du duc d'Orléans, et retenu prisonnier luy et ses compagnons. La paix d'Arras que dessus estant faite de la sorte, et le temps estant venu qu'il convenoit faire les sermens de la bien entretenir, monsieur de Guyenne Dauphin fit tout le premier son serment, presens plusieurs grands seigneurs qui là estoient ; entre autres ladite duchesse de Hollande. Lors le duc de Guyenne dit à monsieur d'Orléans « Beau cousin, il vous con- « vient jurer la paix comme nous avons fait. » Alors s'advança le duc d'Orléans, et s'enclina bien bas, disant : « Monsieur, je ne suis point tenu de jurer ny « de faire serment, car je suis icy venu pour servir « Monsieur le Boy et vous. » Et monseigneur de Guyenne luy dit : « Il le vous convient faire, nous ce vous en prions. » Et le duc d'Orléans dit encore une fois : « Monsieur, je n'ay point rompu la paix, et ne « dois faire serment, plaise vous estre content. » Encor après luy en requit le duc de Guyenne : adonc le duc d'Orléans par grand courroux luy dit : « Monte sieur, je n'ay point rompu la paix, ne ceux de mon « costé, faites venir celuy qui l'a rompue, présent « vous, car je ne l'ay point rompue. » Là y eut l'ar-

(') Jean, — [*} Fut rué jus : fut mis à bas; fut battu.

DE PIERRE DE FEN1N. zQç)

chevesque de Rheims qui dit : « Monsieur d'Orléans, « faites le serment d'entretenir la paix. » Ainsi le fit-il enfin, quoy que contre sa volonté : car il luy sembloit bien que le duc Jean estoit celuy qui seul avoit rompu la paix, laquelle avoit esté faite en la ville d'Auxerre. Apres que le duc d'Orléans eut finalement fait ce serment, fort à contre-cœur; monsieur de Guyenne fit appeller le duc de Bourbon , lequel cuidoit faire réplique et excuse de paroles, comme avoit fait le duc d'Orléans, mais le duc de Guyenne luy couppa court, en disant : « Beau cousin , je vous prie n'en parlez « plus : » adonc fit le duc de Bourbon serment de tenir la paix. Apres luy le fit aussi le duc de Bar, avec plusieurs autres grands seigneurs. A tant on appella l'archevesque de Sens, lequel estoit frère de Montagu : et quand il vint devant monsieur de Guyenne, on luy dit, qu'il falloit qu'il jurast la paix : lors il s'enclina, et dit à monsieur de Guyenne : « Monsieur, souvienne- « vous du serment que vous fistes , et nous tous au « partir de Paris, présent la Reyne. » Et adonc luy dit monsieur de Guyenne : «N'en parlez plus, nous « voulons que la paix tienne, et que vous la juriez. » Sur quoy cet archevesque répliqua ; « Monsieur, je le « feray, puis que c'est vostre plaisir. » Et n'y en eut plus qui fissent refus de jurer la paix que ces trois. Mais quelque paix qu'ils eussent juré ensemble, si y avoit-il peu d'amour , comme il se peut bien descouvrir peu après : car les gens du duc Jean qui avoient fait la guerre , ne s'ozoient trouver es bonnes villes du Roy. Et fut Hector de Saveuse pris en allant en pèlerinage à Leance, et mené prisonnier à Paris, où il fut en grand danger de sa vie : mais la duchesse de Hol-

lande luy ayda beaucoup, pour l'amour de ce qu'il appartenoit à son frère le duc Jean de Bourgongne : et aussi Philippe de Saveuse frère dudit Hector, prit le seigneur de Chaule et Witasse d'Aine , lesquels avoient beaucoup de leurs amis auprès du Roy , qui employèrent grande peine à la délivrance dudit Hector, afin de délivrer les deux dessusdits qu'iceluy Philippe tenoit prisonniers : par ainsi eschappa Hector de Saveuse de Paris. Par telles choses , et plusieurs autres , se renouvella la guerre et l'envie entre les seigneurs de France et le duc Jean, parquoy le royaume de France fut depuis réduit en grande perdition.

Tout ce temps durant il y avoit dans le royaume de France doubles officiers 5 car chacune partie contendoit les faire à sa poste : le comte Waleran de Sainct Paul estoit connestable de France par la volonté du duc Jean de Bourgongne , et le seigneur de Dampierre admirai. Les autres avoient fait messire Charles d'Albret connestable, et Clunet de Brabant admirai : ainsi estoit pour lors manie' le royaume de France , pour cette malheureuse guerre du duc Jean de Bourgongne , avec le duc Charles d'Orléans.

Cette mesme année environ la Sainct Remy, le comte Waleran de Sainct Paul ( qui encor se disoit connestable de Fiance) assembla quatre à cinq cens combatans , et s'en alla à Ligny en Barrois, qui estoit à luy. Quand il fut là venu , le duc Antoine de Brabant (qui avoit espousé en premières nopces la fille d'iceluy comte) luy bailla le gouvernement du duché de Luxembourg, qui estoit à luy de par sa seconde femme. Or ce comte 7 après qu'il eut séjourné cinq

DE PIERRE DE FENIW. 2^î

semaines audit lieu de Ligny, et fait voyage devers le duc de Bar son beau frère à Bar-le-Duc, s'en alla audit duché de Luxembourg, où il fut bien obeï , et luy delivra-on la forteresse. Après il s'en alla en plusieurs autres bonnes villes , par tout on le mettoit et recevoit dedans , suivant le commandement dudit duc Antoine de Brabant. Après il s'en alla à DanviJlers, où il séjourna grande pièce , puis il alla mettre le siège devant une forteresse nommée Neuville, qui estoit sur la rivière de Meuse , et faisoit des courses dans la duché de Luxembourg. Cette forteresse appartenoit au seigneur d'Orchimont. Quand ledit comte Waleran eut entrepris le siège devant cette place de Neuville, il y demeura long-temps, et avoit fait asseoir grands engins devant le chasteau pour jetter dedans, puis il fit faire fossez autour du monstier qui estoit devant ledit chasteau , et fit faire des guérites autour dudit monstier, puis il le pourveut bien de vivres, et laissa de ses gens dedans pour garder que ceux du chasteau n'en peussent saillir, dont il fit capitaine un gentil-homme du pays , qu'on nommoit le grand Wautier Disque. Après que ce comte eut ainsi pourveu à ce monstier de Neuville , il s'en alla à Danvillers, et de là à Ivuy (0, où il fut grande espace de l'hyver. Cependant ses gens qu'il avoit laissé audit monstier de Neuville , y firent tant que le chasteau se rendit, dont le seigneur promit en suite qu'il ne leur feroit plus de guerre : partant les gens que ledit comte avoit laissé au monstier de Neuville, s'en allèrent à Ivuy par devers luy. En suite ce comte demeura à Ivuy tout le caresme, et là tenoit ses gens avec luy,

(0 Yyoy , ou Carignan.

'Si J 2 MEMOIRES

Or environ quinze jours après Pasques il luy prit une maladie, dont il mourut. Il fut enterré dans la grande église de Ivuy, combien qu'il eut ordonné qi/on le portast en l'abbaye de Cercamp situé clans le comté de Sainct Paul , mais on n'en fit rien pour l'heure , parce que le pays et les chemins estoient périlleux , et de plus il n'avoit pour lors avec luy aucun de ses prochains amis ; car il estoit desja mort quand la comtesse sa femme y arriva, laquelle en fit grand dueil, lors qu'elle en sceut la verilé : car ce comte avoit fort désiré de la voir avant sa fin dernière. Après la mort d'iceluy comte, ses gens furent grandement troublez, et s'en allèrent, les uns en leur pays, les autres avec ladite comtesse à Ligny en Barrois. Ainsi mourut le comte de Waleran de Sainct Paul hors de son pays , dont ce fut grand dommage ; car il estoit prince de grand entendement, et qui moult estoit sage. Après sa mort le duc Antoine de Brabant releva le comté de Sainct Paul et celuy de Ligny avec toutes les autres terres du defunct comte Waleran , pour Philippes son fils moins-né; car ce duc Antoine avoit espousé la fille d'iceluy comte Waleran, dont il avoit deux fils , Jean et Philippes , le puisné tousjours nommé comle de Sainct Paul, tant que son frère vesquit.

Pour ce temps le duc Jean de Bourgongne se tenoit en son pays de Bourgongne ; car alors on parloit peu de guerre en France, fors que chacun sçavoit bien qu'il n'y avoit mie ferme amour entre le duc Jean de Bourgongne , et le duc Charles d'Orléans.

L'an i4i5, le roy Henry d'Angleterre, qui bien sçavoit le discord qui estoit entre les seigneurs de

DE PIERKE DE FENIN. 2 n 3

France, et qui tonsjours contendoit (0 de conquérir ce royaume, fit son mandement en Angleterre, et assembla grande puissance d'Anglois , puis il monta sur mer et s'en vint descendre devant Harfleur, où il mit le siège par mer et par terre. Ladite ville.de' Hat fleur estoit garnie de bons gens d'armes, qui bien la tinrent : mais le roy Henry y fut si longuement , qu'il fallut que les François luy rendissent la ville , parce qu'ils n'attendoient plus de secours. Ce fut là le commencement de sa conqueste en Normandie. Or tandis que ledit roy Henry tenoit siège devant Harfleur, les seigneurs de France firent grandes assemblées pour y résister, et se mit messire Charles d'Albret, qui estoit connestable, sur les champs, à tout grande puissance avec le mareschal Bouciquaud, le seigneur de Dampierre , qui estoit admirai de France, et plusieurs autres grands princes, à sçavoir le duc d'Orléans, le duc de Bar, le duc de Bourbon, le duc de Nevers , le comte de Beaumont : lesquels seigneurs dessusdits avoient assemblé toute leur puissance pour combatre ce roy d'Angleterre. Après la conqueste faite de Harfleur, icelu.y roy Henry partit à tout sa puissance pour aller à Calais : à cette fin il chevaucha droit en tirant vers ki Normandie. En chemin faisant devant la ville d'Eu il y eut grande escarmouche des François et Anglois, en laquelle rencontre mourut Lancelot père, qui estoit Bourbonnois, vaillant homme d'armes, et bien renommé, aussi tua-il l'Angloi qui Favoit navré à mort. De là ce roy Henry poursuivit sa route en venant vers Abbeville : plusieurs ciiidoient qu'il voulut aller passer h

(') Tousjours contendoit : tâchoit toujours.

la Blanque-taque, mais il n'en fit rien ; car il tira vers le Pont -de Remy, et assaillit Bille pour avoir passage par là : mais cette place fut bien et grandement défendue par le seigneur de Wancour qui eh estoit sire , avec ses deux fils, qui estoient chevaliers de haut courage et bien renommez, lesquels outre ce, estoient bien pourveus de bonnes gens et instrumens de guerre. Après que ce Pvoy vid qu'il ne pouvoit passer par ledit Pont-de Remy, il tira vers Araine, de là vers Amiens, et passa par devant la ville sans rien perdre : puis s'en alla loger à Bonne. La puissance du roy Charles poursuivoit tousjours ce roy Henry, tant qu'il n'y avoit souvent que de cinq à six lieues entre les deux armées, de sorte que de jour en jour ils lescroyoient combatre, mais ils n'avoient mie place à plaisir, aussi attendoient-ils le duc de Bretagne, qui venoit à Taide des François avec plusieurs gens. Ledit roy Henry s'en alla passer la rivière de Somme à Esclusier, prenant logement au tour de Miraumont, pour de là gagner Calais, puis il se logea à Forceuille, Acheu, et dans les villages d'autour. D'autre part les François tirèrent au devant vers Sainct Paul. Apres le roy Henry se logea à Bonniere-le Scaillon. Le mercredy jour de Toussaincts, son avant-garde estoit logée à Fervenc, et occupèrent icelle nuict sept ou huict villages : le jeudy ensuivant le roy Henry délogea de Bonniere , passa par Fervenc, de là il chevaucha jusques à Blangi enTernois, et passa outre pour aller loger à Maisoncelle, là où il se logea et y rassembla tous ses gens. Ce propre jour les seigneurs de France vinrent loger à Ruisseauville, Azincourt, et en plusieurs autres villages des environs , puis ils se mirent aux

champs , et se logèrent assez prés de l'ost du roy Henry, tellement qu'il n'y avoit qu'environ quatre traicts d'arc entre les deux armées, et passèrent ainsi cette nuict sans se rien faire l'un à l'autre. Quand se vint le vendredy (0 au matin, les seigneurs de France se mirent en grande ordonnance, et firent une avantgarde, où ils mirent la plus grande partie de leur noblesse et seigneurie, et la fleur de leur gens : aussi composerent-ils une bataille fort puissante et une arriere-çarde. En vérité les François estoient sans comparaison beaucoup plus forts en nombre que les Anglois, et y avoit parmy eux bien plus noble compagnie.

Le roy Henry se mit pareillement en ordonnance, et disposa une avant- garde avec une grosse bataille, et mit tous les archers devant, tenant chacun cTiceux une arme aiguisée à deux bouts devant lu y, appuyée et soustenuë en terre. Ce jour il y eut grand pourparler entre les deux armées, et redoutoit fort iceluy roy Henry cette journée, mais ils ne peur en t estre d'accord, parquoy fallut qu'il se missent en bataille. Là vint le seigneur de Helly, qui long temps avoit esté prisonnier en Angleterre, et cuidoit bien pour lors que les François deussent remporter l'advantage en icede journée; mais il en arriva tout autrement : car quand se vint au choq les Anglois avoient plusieurs archers, qui commencèrent fort à tirer contre les François, lesquels estoient excessivement armez, parquoy furent-iis fort travaillez avant qu'ils peussent approcher les Anglois. Là y eut grande bataille d'un

(1) Juvenal des Ursins dit, p. 3i 4 ? cIue cette bataille se donna le 25 octobre, festeSaint-Crespin.

costé et d'autre ; les Anglois furent fort recognez d'à? bord, mais l'avant-garde des François se mit en grande desroute, ce qui commença par petits pelotons; puis aussi la bataille s'ouvrit et divisa, dans laquelle aussitost les Anglois entrèrent, où ils frappèrent et tuèrent sans mercy : de plus, la bataille des François, et l'arriere-garde d'iceux ne s'assemblèrent point. Ainsi se mirent tous à fuir, car tous les princes s'estoient mis en l'avant-garde, et avoient laisse' leurs gens derrière, parquoy il n'y eut point d'entretenement ny d'ordre parmy leurs gens. Là y eut grande mortalité et tuerie des François, qui y furent tous desconfits, et y en mourut bien sur la place trois à quatre mille, sans ceux qui furent prisonniers , dont il y eut grand nombre. Pendant que la bataille des François et Anglois duroit, et que les Anglois avoient ja presque gagné le dessus, Isambert d'Azincourt et Robert de Bournonville accompagnez d'aucuns gens d'armes de petit estât allèrent frapper sur le bagage des Anglois, et y firent grand effroy : pource les Anglois cuiderent que ce fussent François qui vinssent sur eux pour leur mal faire : Adonc dans cette extrémité ils se sentirent obligez de tuer plusieurs qu'ils avoient desja fait prisonniers, dont les deux dessus-dits furent depuis grandement blasmez, et aussi en furent-ils punis par le duc Jean de Bourgongne. En cette journée (0 qui fut entre Maisoncelle et Azincour au comté de Sainct Paul (et l'appelle-on vulgairement la bataille

(') En cette journée: « Après la bataille, dit Juvenal des Ursins « ( pag. 3 1 5 ) , le roi d'Angleterre donna à diner aux princes et sei- « gneurs français : il leur dit qu'ils ne s'émerveillassent pas s'il avoit a eu la victoire contre eux, de laquelle il ne s'attribuoit aucune

DE PIERRE DE FENIN. 2n«

d'Azincour ) y mourut quantité du noble sang de France, le mareschal de Bouciquaud , le seigneur de Dampierre qui estoit admirai de France; le duc de Bar, le comte de Marie, et le comte de Beaumont qui estoit avec luy, y furent pris ou tuez, et si y mourut le duc Antoine de Brabant, et le duc de Nevers son frère, lesquels estoient frères du duc Jean de Bourgongne et plusieurs autres grands seigneurs. Le duc d'Orléans, le duc de Bourbon, le comte de Richemont, le comte d'Eu y fuient tous prisonniers, et menez en Angleterre, avec quantité d'autres grands seigneurs. Ainsi et par celte manière fut perdue cette bataille pour la France, dont ce fut grand dueil pour le royaume : car de toutes les provinces de la Couronne la fleur de noblesse y demeura, dont plusieurs maux sont depuis advenus. Et encorla dissension qui continuoit entre ledit duc Jean de Bourgongne et les seigneurs du sang royal, acheva de gaster tout. En iceluy jour le duc de Bretagne estoit à Amiens, qui venoit à l'aide des François à tout grande puissance de gens, mais ce fut trop tard. Apres cette journée le roy Henry alla reloger à Maisoncelle , où il avoit gisté le jour de devant. Le lendemain au matin il en deslogea, et alla passer tout au milieu des morts, qui avoient esté tuez en ce combat ; là il s'ai resta grand espace de temps, et tirèrent ses gens encor des prisonniers hors du nombre des morts qu'ils emmenèrent avec eux. Des gens du roy Henry y moururent environ

(( gloire, car cf estoit œuvre de Dieu qui leur étoit adversaire poun « leurs péchés ; et que c' estoit grande merveille que piéça ne leui? « estoit mécliu, car il nestoit mal ne péché à quoi ils ne se fassent « abandonnés. »

de quatre à cinq cens seulement; et si y fut le duc d'Yorc navre' à mort, lequel estoit oncle du Roy. De plus, estoient les Anglois fort troublez de ce qu'on leur avoit osté leurs chevaux; car il y en avoit quantité' de navrez, et rendus inutiles, qui s'en allèrent à grande peine jusques à Calais, là où on leur fit grande joye et grand recueil, Apre's que ledit roy Henry se fut pendant quelque temps rafraischy avec ses gens dans la ville de Calais, il s'en retourna en Angleterre, où il fut hautement festoyé, et luy fit-on grande révérence par tout iceluy royaume. Les ducs d'Orléans et de Bourbon usèrent depuis ce temps la plus grande partie de leur vie en Angleterre, avec le comte d'Eu, et le comte d'Angouiesme frère dudit duc d'Orléans. Apre's cette douloureuse journée, et que toutes les deux parties se fussent retirées, Louys de Luxembourg qui estoit evesque de Teroùane, fit faire en la place où la bataille avoit esté donnée, plusieurs charniers, où il fit assembler tous les morts d'un costéet d'autre, et. là les fit enterrer, puis il bénit la place, et la fit enclorre de fortes hayes tout autour, pour la garantir du bestaiL Lors que cette bataille se donna le duc Jean estoit en Bourgongne, lequel se monstra grandement courroucé de la perte des François, quand elle luy eut esté rapportée, par especial de ses frères le duc Antoine de Brabant et le duc de Nevers. Tantost après il s'en alla en ses pays de Flandre et d'Artois, là où il prit le gouvernement de ses deux neveux de Brabant.

En cette mesme saison le duc de Guyenne fiis aisné du Roy, mourut à Paris, lequel avoit espousé la fille aisnee d'iceluy duc Jean de Bourgongne, dont ce fut

DE PIERRE DE FEjVIN. 54" 9

grand dommage pour le royaume, car il avoit grand désir de tenir le peuple en paix. Alors ne resta plus des fils du Roy que le comte de Pontieu, qui avoit espousé la fille du duc Guillaume de Hollande, et le duc de Touraine qui estoit maisné (0 fils du Roy.

Assez tost après le roy Henry d'Angleterre repassa la mer, et vint à Calais, le duc Jean de Bourgongne l'alla trouver peu après avec passeport pour sa seureté. Ils s'assemblèrent vers Calais, et parlèrent euxdeux ensemble grand espace, sans qu'il y eust aucuns de leurs gens qui les peussent oiiyr, ny sçavoir ce qu'ils disoient. De ce on parla depuis en mainte manière , mais peu de gens sceurent bien la vérité de ce qu'ils avoient pourparlè. Apres le roy Henry s'en retourna en Angleterre, et le duc Jean en. ses pays.

Apres que le duc de Guyenne fut mort, le comte de Ponthieu autre fils du roy Charles, qui avoit espousé la fille du duc Guillaume de Hollande, nièce dudit duc Jean de Bourgongne, devint Dauphin, et le prochain héritier de la Couronne, après la mort du roy Charles son père : pource le duc Guillaume son beau-pere le fit approcher du roy Charles, afin d'avoir le gouvernement du royaume de France : mais il ne se passa guiere de temps après que ce Dauphin mourut aussi à Compiegne, où il estoit, par ainsi il n'y eut plus des fils du roy Charles que Charles duc de Touraine, qui estoit tout le maisné, et qui à son tour devint Dauphin , en attendant la succession de la couronne de France.

Le duc Guillaume de Hollande mourut tost après

C1) Maisné : cadet, plus jeune.

en cette mesme saison, et disoient maintes gens qu'il avoit este' empoisonné avec son beau-fils le Dauphin, parce qu'ils estoient si fort alliez au duc Jean de Bourgongne.

Apres toutes ces besongnes ainsi faites , le duc Jean de Bourgongne assembla en peu d'espace de temps grande compagnie de ses gens, avec lesquels il vint vers Paris , cuidant trouver moyen de gouverner le roy Charles, et le Dauphin, et s'en alla à Lagny sur Marne , où il fut long temps.

Alors gouvernoient le Roy et le Dauphin le comte d'Armagnac , le seigneur de Barbasan , et Tanneguy du Chastel, qui revenoient de la guerre, et tous gens qui estoient estrangers pour la plus grande partie , lesquels pource ne vouloient point que ledit duc Jean fut bien d'accord avec le Roy , et avec le Dauphin , pource qu'ils sçavoient bien que si le due Jean y estoit, il leur osteroit le gouvernement qu'ils avoient dans le royaume.

Quand le duc Jean eut assez esté à Lagny , et qu'il vid bien qu'il ne pouvoit aller devers le Roy pour le présent, il partit et retourna en Artois. Alors il y avoit à foison gens qui couroient les champs , où ils se tinrent longuement : parquoy le pays fut fort grevé, et mis en grande destruction de tous costez, par especial les pays de Picardie, et Santerre : et en estoient entre autres capitaines messire Gastelain Bast, Jean de Guigny , le bastard de Tian , Charles l'Abbé, Jean du Clau , Mathieu Després , outre plusieurs autres qu'il y avoit , qui estoient gens sans pitié , lesquels rançonnoient par tout où ils alloient, sans espargner gentil ne vilain j on les appelloit en plusieurs

lieux les JVauàrois > en autres les Estrangers. Ces gens prirent la ville et le chasteau d'Avencour , qu'ils pillèrent , puis y mirent le feu , le mesme firent-ils de Neuf-chastel sur Enne (x).

En ce temps le baillif de Vermandois , et Raymonnet de la Guerre assemblèrent pour ruer sur les estrangers, mais les estrangers les desconfirent, tuèrent grand nombre de leurs gens, et en prirent de prisonniers. En cet estât régnèrent et se gouvernèrent les capitaines dessusdits pendant longue espace de temps : puis ils allèrent dans le pays de Boulonnois, où ils se préparèrent de faire ainsi qu'ils faisoient ailleurs ; mais les compagnons du pays s'assemblèrent et en tuèrent grande quantité qu'ils destrousserent et despouillerent : là fut tué Laurent Rose lieutenant de Jean du Clau. Quand ils virent qu'on les guerroyoit ainsi dans le Boulonnois , ils se retirèrent arrière, et prirent un gentil-homme du pays, nommé Gadifer de Collehant, qui avoit aidé à destrousser de leurs gens , comme ils disoient, lequel fut pendu à un arbre , du commandement du bastard de Tian. Il fut plaint de maintes gens ; car il estoit vaillant homme d'armes, et de haute entreprise.

Tout ce temps il y avoit plusieurs capitaines de Picardie , qui estoient au duc Jean , et avoient plusieurs gens sur les champs, ainsi comme les autres, c'est à sçavoir le seigneur de Fosseux, Hector de Saveuse, Philippes son frère, messire Maurice Mauroy de Sainct Léger, messire Jennet de Pois, Louys de Wargnie, et autres, dont le pays estoit fort travaillé : et dura cette destruction depuis la bataille d'Azin-

W Sur Ennç : sur Aisi^

cour , jusques à tant que le duc Jean s'en alla camper devant Paris au village de Montrouge.

En cette mesme saison messire Martelet du Mesnil , et Ferry de Mailly assemblèrent environ deux à trois cens compagnons, avec lesquels ils s'en allèrent loger au pays de Santers ; mais les gens du roy Charles vinrent les surprendre par une nuict, et les ruèrent jus. Ils y prirent lesdits messire Martelet du Mesnil, et Ferry de Mailly, qu'ils emmenèrent a Compiegne : là où fut iceluy messire Martelet justicié au dehors de Compiegne : quant à Ferry de Mailly il eschappa par le pour chas de ses amis : il y eut plusieurs de leurs gens suppliciez.

Les gens du duc Jean passoient souvent à la Blanque-taque, et fort incommodoient cette contre'e vers la Normandie , d'où ils amenoient souvent grand nombre de bestail dans le pays d'Artois, et ailleurs. Or en une course que Jean de Fosseux fit, il alla jusques devant Aumale, et se logea en la ville,, d'où il fit depuis assaillir le chasteau , qui fut bien défendu par ceux qui estoient dedans : depuis , le feu se prit en 4a ville, qui en fut toute bruslee et destruite. En la compagnie dudit Jean de Fosseux estoit Daviot de Pois, Louys de Wargnie, et plusieurs autres gentilshommes. De là Jean de Fosseux et ses gens allèrent loger à Hornay , puis ils se retirèrent en Artois par la Blanque-taque , avec un grand butin de bestial , que ses gens emmenèrent avec eux : ainsi et par cette manière fut le pays de Vimeu et de Santers occupé pendant long temps par les gens du duc Jean. Alors y avoit en la ville de Peronne grande garnison des gens du Roy, que le comte d'Armagnac y avoit mis,

qui faisoient assez de peine aux gens du duc Jean : aussi le chasteau de Muin incommodoit fort les villes d'Amiens et Corbie.

L'an i4i 7 ? environ le mois de juin, le duc Jean de Bourgongne fit son mandement par tous ses pays, tant de Bourgongne, Flandre, Artois, comme d'ailleurs , et assembla fort noble compagnie de chevaliers et escuyers , tous lesquels il fit mettre ensemble vers Arras, puis les fit tirer vers Amiens, où ils passèrent la rivière de Some. Adonc le seigneur de Fosseux fut ordonné capitaine de Tavant-garde d'iceluy duc Jean, en laquelle qualité estant accompagné de plusieurs notables seigneurs, il s'achemina vers Beauvais avec ses gens : avec luy entre autres estoit un advocat d'Amiens , nommé maistre Robert le Jonné , lequel prescha si bien le commun de Beauvais , et tant fit qu'ils furent contens de tenir le party du duc Jean, et receurent ce seigneur de Fosseux en leur ville avec ses gens. Là y eut force biens de pris à ceux qui tenoient le party des Armagnacs par les gens d'iceluy seigneur de Fosseux.

Le duc Jean suivit assez tost après ses gens , et se rendit à Beauvais à tout sa puissance : là il séjourna bien quinze jours, après lesquels il envoya une partie de ses gens à Cambeli (0-le Hauberger, puis Hector et Philippes de Saveuse allèrent à Lisle-Adam, lesquels par aucun moyen firent tant que le seigneur de Lisle-Adam livra passage au duc Jean, et outre ce promit de le servir, et d'effet le servit depuis toute sa vie : alors donc passa l'avant- garde du duc Jean par Lisle-Adam , laquelle s'en alla en suite loger à

(0 Chambly.

ifi84 MEMOIRES

Beaumont sur Oise, dont ils assiégèrent le chasteaiu Le duc Jean cependant se logea au dehors de Cambeli-le Hauberger en ses tentes : il avoit moult noble compagnie avec luy, puis il fit asseoir ses engins pour jetter dans ledit chasteau de Beaumont , dont fut iceluy chasteau fort endommage' par ces engins , et tant qu'enfin ceux du chasteau se rendirent à la volonté du duc Jean. Il y eut onze des assiégez qui eurent les testes couppées , les autres furent mis prisonniers, sinon aucuns des plus grands qui s'en allèrent par composition de finance. Le duc Jean regarnit ce chasteau de Beaumont, et y laissa de ses gens, puis s'en alla mettre le siège devant Pontoise. Alors estoit Tavant-garde du duc Jean logée en l'abbaye de Maubuisson : ce duc fit faire un pont de bateaux sur l'Oise pour secourir son avant-garde, si elle en avoit besoin. Là il tint son siège tant que cette ville luy fut rendue, à condition que les gens d'armes, qui estoient dedans, s'en iroient saufs leurs corps et leurs biens. Après quicelle ville de Pontoise fut rendue à ce duc Jean , le seigneur de Lisle-Adam, qui avoit livré passage audit duc par sa ville de Lisle-Adam, luy fit serment de tenir son party , et par ainsi demeura de par luy capitaine de Pontoise. En après ce duc chevaucha en tirant vers Meulant : il faisoit chevaucher ses gens en grande ordonnance, pour le doute de ses ennemis ; il s'en alla donc passer à Meulant , ses gens coururent fort dans le pays. Et alla Hector de Saveuse devant une forteresse nommée Haine, qui appartenoit à l'abbé de Fescamp , lequel abbé estoit dedans icelle forteresse, et fit donner du vin au dit Hector, à Jean de Fosseux , et à leurs gens , puis par l'asseui ance d'un

nommé Louys de Sainct-Saulieu , qui estoit parent de cet abbé , Hector et Jean de Fosseux luy promirent de ne faire aucun mal dedans ce chasteau. Sur laquelle foy et parole ils furent receus dedans : mais nonobstant toutes les promesses dessus dites, ce chasteau fut depuis pillé , et y prit-on de grandes chevances , dont on a depuis parlé en mainte manière contre ceux qui en furent cause, dequoy en fut Hector fort blasmé7 pource qu'il les avoit asseurez du contraire. De ce ne sceut rien Jean de Fosseux , ains en fut fort courroucé : plusieurs gens dirent que cela s'estoit fait par le conseil de Raulet le Prévost, lequel estoit conseiller dudit Hector , avec ce qu'il eut grande partie du butin pour sa part. Ainsi fut cette année le plat pays grandement grevé par les gens du duc Jean de Bourgongne, lequel en suite s'advança tant qu'il se vint loger sur le Mont -rouge au dessus de Clamart , à une grande lieuë de Paris ; là il fit tendre ses tentes , et fut grand temps, dans l'espérance que ceux de Paris le missent dans leur ville. Lors estoient le roy Charles et le Dauphin dedans Paris, avec le comte d'Armagnac , et plusieurs autres grands seigneurs. Les gens d'iceluy duc Jean couroient de jour en jour devant Paris , tuoient ceux qu'ils trouvoient , et prenoienf tous les biens qu'ils pouvoient avoir j parquoy ceux de Paris n'osoient sortir et paroistre , sinon en grand danger de leurs vies. Un jour advint que le seigneur de Fosseux fit grande assemblée de gens d'armes et de traict, et alla courir devant Paris, où y eut grande escarmourche , et furent les fauxbourgs de Sainct Marcel pris par force ; il y demeura plusieurs de ceux de Paris morts sur la place, outre quoy on

mena deux prisonniers , lesquels on sauva à grande peine : ils furent menez devant le duc Jean pour sçavoir des nouvelles, car il croyoit pour vray que ceux de Paris se mettroient en dissension pour l'introduire dans la ville : mais ceux qui tenoient son party ne peurent oncques voir leur pointe à propos , pour faire réussir leur entreprise en ce temps là , car ils estoient fort guettez et observez par la garnison de dedans, et parce leur fallut attendre l'occasion à une autre fois. Lors estoit messire Jean de Luxembourg logé dans la ville de Sainct Cloud , où il demeura tant que le duc Jean fut logé sur ledit Mont-rouge. Il greva fort la tour du Pont avec ses canons : mais autre chose n'y peut faire, pour la force de l'eau qui estoit entre deux. Quand ce duc eut ainsi esté bien trois semaines logé devant Paris , et qu'il vid qu'il avoit failly sur son dessein , il deslogea , et alla camper en la ville de Mont-le-Hery, là où il fut tant que le chasteau luy fut rendu , comme aussi Marcoucy , et plusieurs autres forteresses du pais qui se mirent en son obéissance. Après que ce duc eut réduit en son obéissance Mont-le-Hery, il s'en alla devant la ville de Corbeil , là où il fut bien un mois entier à le bloquer seulement : il avoit de grands engins jettans dedans la ville, et contre les portes et murailles : mais nonobstant ceux qui estoient dedans se défendirent si bien , que ce duc n'y entra point : aussi ceux de cette ville avoient vivres assez, et gens à leur plaisir, ce que fort les confortoit ; car ils pouvoient entier à leur plaisir par un endroit. Devant icelle place de Corbeil fut frappé d'un coup de vire ton , ou traie t à la jambe Mauroy de Sainct Léger , ce fut à un assaut

qu'il faisoit à une barrière ; il en clocha depuis toute sa vie. Apre's que le duc Jean eut esté campé, ainsi que dit a esté cy dessus , devant Corbeil, il deslogea et s'en alla en tirant vers la ville de Chartres, tant il chevaucha qu'il y vint, et se logea dedans la ville, car ils luy firent ouverture , et à tous ses gens avec luy. Ce duc avoit de ses gens en plusieurs lieux , qui pensoient à ses besongnes et affaires : il en envoya devers la reyne de France , qui estoit pour lors à Tours en Touraine, là où il envoya grand foison de ses gens vers elle; entre-autres y allèrent le seigneur de Fosseux et Hector de Saveuse bien accompagnez, lesquels tant chevauchèrent qu'ils arrivèrent vers elle; et firent tant qu'elle fut contente de venir par devers ce duc , lequel à ce subjet alla en personne à Vendosme , d'où il l'emmena à Chartres , avec dame Caterine en sa compagnie , sa fille et du roy Charles : il y eut en suite plusieurs gens de ses officiers déposez, et d'autres arrestez prisonniers : ainsi se mit cette reyne de Fiance soubs le gouvernement du duc Jean de Bourgongne , délaissant et abandonnant en cette sorte le Roy son seigneur, et son fils le duc de Touraine Dauphin. Or de là en avant ladite Reyne entreprit le gouvernement du royaume, c'est à sçavoir, qu'en l'obéissance qu'on rendoit audit duc Jean, on le faisoit au nom d'elle; mesme bailloit-on remissions , et distribuoit-on mandemens, et telles autres choses de sa part et en son nom , comme ayant le gouvernement du royaume, combien que le Roy son mary fust lors encor en vie, et son fils le Dauphin; ce qui sembloit à plusieurs estre chose assez hors de raison et bien hardie : mais ainsi en advint-il pour

le temps de confusion et desordre qui regnoit pour lors. Pendant que le duc Jean estoit à Chartres ( où il fut bien six semaines ) , ses gens estoient logez es villages d'autour , dont fut le pays fort chargé. Or il advint par un dimanche que Raymonnet de la Guerre survint pour frapper sur un logement des gens du duc Jean , mais il fut apperceu , et furent les gens dudit Raymonnet chassez , mesme il y en eut quantité de pris et despoùillez. Assez tost après iceluy Hector de Saveuse, accompagné d'aucuns de ses prochains parens , et avec ce d'une partie de ses gens les plus affidez, vint en la ville de Chartres, où à cause de certaines paroles qui avoient esté entre messire Elien de Jacqueville et luy, présent le duc Jean, fut ledit Jacqueville pris depuis dedans l'église mesme de Nostre-Dame de Chartres, par iceluy Hector, et ses gens : or revenoit lors ledit Jacqueville de l'hostel du duc Jean , qui estoit derrière l'église , et prestement ledit Hector le fit prendre par ses gens, en luy disant aucunes paroles , et le fit porter hors l'église, d'où il fut jette des degrez à val; ledit Jacqueville se vouloit bien excuser, mais il n'y peut estre receu , et ne fut oncques escouté : il fut là tres-laidement et vilainement battu , tant qu'il en mourut peu de temps après. En cette exécution estoit entreautres un nommé Jean de Vaux , lequel Jacqueville avoit destroussé autrefois, qui grand mal luy fit. Incontinent Hector et ses gens partirent de la ville, et s'en allèrent à leur logis en un village ; quant à Jacqueville , qui encor parloit bien , il se fit porter devant le duc Jean , et là luy fit de grandes plaintes , çn luy disant : « Mon très -redouté seigneur, c'est

« pour vostre service que je suis ainsi meurtry, » avec plusieurs autres paroles : dequoy ce duc fut très courroucé contre Hector, et Ceux qui avoient fait ce coup, et luy en sceut très -mauvais gré, tant que de son vivant il ne luy voulut jamais pardonner, combien que depuis il le servit tousjours en ses besongnes et affaires: et sur l'heure que ledit Jacqueville luy eut fait ainsi sa plainte, ce duc monta aussi-tost à cheval, et en personne fit chercher par toute la ville pour trouver ledit Hector et ses gens : mais ils estoient desja dehors, et fit le duc prendre aucuns de ses chevaux avec autres habillemens : mais il fut enfin ap^ paisé par messire Jean de Luxembourg, et le seigneur de Fosseuxj, en considération des grandes affaires que ce duc avoit alors sur les bras. Tost après ce duc Jean eut nouvelles de Paris , par lesquelles on luy donnoit à entendre qu'il entreroit dedans la ville > pource il partit de Chartres avec toute sa puissance, et chevaucha vers Paris , puis il envoya Hector de Saveuse et Philippe son frère à tout leurs gens , lesquels passèrent devant Bris, petit chasteau qui appartenoit à messire David de Brimeu de par sa femme, et l'avoient pris les gens du Roy, mais Hector le reprit sur eux , y faisant tuer de ceux de dedans à foison : puis il chevaucha en tirant vers Paris , où le duc Jean se rendit en grande ordonnance droit au dessus Sainct Marcel, là où il se mit en bataille, y demeu^ rant depuis le poinct du jour jusques à l'heure de None. Hector et Philippe de Saveuse entrèrent dedans Sainct Marcel, où ce duc se logea, s'attendant tousjours d'entrer dedans Paris, et avec ce s'approcha de la porte ; mais il en fut rebouté arrière par force. 7- *9

2 go MEMOIRES

Assez tost après ceux de Paris saillirent hors de la ville au nombre d'environ trois à quatre cens , et assaillirent les gens de Hector ; là y eut grand assaut d'un costé et d'autre , mais toutesfois furent ceux de Paris rechassez dedans la ville. Quand le duc Jean sceut que les partysans qu'il avoit dans Paris, avoient failly à leur dessein , et qu'ils ne le pouvoient mettre dedans , il contremanda ses gens qui estoient dedans Sainct Marcel , puis commença à se retirer devers Mont-le-Hery , où il se logea en icelle nuict : ledit Hector de Saveuse avoit este' blesse' à la porte de Paris d'un vireton ce mesme jour.

Le lendemain que le duc Jean eut esté devant Paris, comme il vient d'estre dit, et qu'il vid qu'il ne pouvoit en rien réussir pour le présent, lors il prit conclusion d'asseoir ses gens en garnison tout autour de Paris : à ce subjet il envoya le seigneur de Fosseux , Hector de Saveuse , messire Jean de Luxembourg, et tous ses Picards en leur pays, où messire, Jean de Luxembourg occupa les frontières vers Mondidier, et au devant de Compiegne : le seigneur de Lisle-Adam demeura àPontoise, Meulent, et sur les frontières vers Paris : et Hector de Saveuse s'en alla à Beauvais , où le commun fut mal-content de luy, et y eut grand débat entre eux , tant qu'enfin Hector fut mis hors d'icelle ville. Philippe de Saveuse son frère s'en alla à Gournay en Normandie , où il y fut long-temps. Pendant que Hector de Saveuse et Philippe son frère estoient en garnison à Beauvais, Philippe alla un jour courre devant le chasteau de Bresle , où il avoit esté plusieurs fois , les gens du Boy s'y estoient bien garnis de gens : de sorte que

quand Philippe passa par devant, comme il avoit accpustumé , ceux de dedans saillirent dehors à puissance , et tant firent que les gens de Philippe furent mis en desroute, dont y eut de pris à foison, et si y fut tué un nomme' Robin Toulet, qui estoit tresvaillant homme de guerre , et fut Philippe chassé et poursuivy jusques auprès de Beaiwais avec une partie de ses gens : ainsi fut le pays fort travaillé vers Paris et en Beauvaisis, pour la guerre qui lors estoit. D'autre costé le duc Jean s'en alla à tout ses Bourguignons vers la Bourgongne , et mena la Reyne à Troyes en Champagne , puis il s'en alla en son pays de Bourgongne , où, il demeura tant que Paris fut pris par ses gens. Alors les Picards menoient forte guerre de tous costez contre les gens du Roy.

Le bastard de Tian estoit dans Senlis en garnison : quand le comte d'Armagnac sceut que le duc Jean s'en estoit allé en Bourgongne , il amena le Roy Charles devant Senlis. Là mit le siège tout autour , et y fut long-temps à tout grande puissance de gens : avec luy estoit le duc de Touraine dauphin, fils d'iceluy roy Charles, plus n'y en avoit. Ceux de dedans se defendoient fort bien et grandement; et messire Jean de Luxembourg et le seigneur de Fosseux assemblèrent tous les Picards qu'ils peurent, pour aller faire lever ce siège : et de faict, allèrent à cette intention jusques à Pon toise , mais pour cette fois ils n'eurent mie conseil de passer outre , ains se retirèrent en leur pays. Environ quinze jours après, ils se rassemblèrent à tout leur puissance, et retournèrent à Pontoise; de là ils chevauchèrent vers Senlis, et approchèrent tant qu'ils se mirent en bataille

at)2 MEMOIRES

devant les gens du Roy : ce jour il y eut dé grands assauts , et y eut de gens morts et pris d'un costé et d'autre grand foison. Ce jour aussi menoit le seigneur de Miraumont les archers Picards , lequel s'y gouverna fort vaillamment , et bien les tint en ordonnance : aussi Hector de Saveuse y fit de grandes vaillances avec Philippes son frère, le seigneur de Lisle- Àdam , et plusieurs autres. Ainsi tint messire Jean de Luxembourg et le seigneur de Fosseux ce jour bataille contre le roy Charles > sans s'assembler ensemble ; ce qui leur fut réputé à grande vaillance toute leur vie, tant que le Roy avec ses gens s'en alla dudit siège de Senlis. Les assiegeans (') avoient ostages de ceux de la ville qui se vouloient rendre avant que le secours leur vint , lesquels ostages eurent à ce subjet impitoyablement les testes couppe'es : par ainsi fut délivrée de la sorte cette ville du siège du Roy, qui retourna à Paris : et les Picards renforcèrent leurs garnisons tant à Senlis , comme ailleurs. En cette journée y avoit un capitaine de brigands nommé Tabarjj, lequel avoit foison de gens de pied , qui furent presque tous tuez, dont on faisoit grande risée, pour ce que c'estoient gens de pauvre estât : et estoit ledit Tabary Bourguignon. Le duc Jean fut fort joyeux quand il sceut les nouvelles de ses gens, qui si bien s'estoient comportez , et leur en sceut très - moult bon gré.

[i4-i8.] Après ces choses faites, le seigneur de Lisle- Adam ( qui se tenoit à Pontoise ) avoit grandes accointances en la ville de Paris , avec ceux qui tenoient

(0 Guillaume Manchelier, Baudart de Voingle, Guillaume Lescalot, Jea» de Beaufort, advocat du Roy.

le party du duc Jean , et souvent en avoit des nouvelles , car il y en avoit plusieurs qui contendoient à ce que ce duc (0 eust le gouvernement du royaume, et enfin firent tant qu'ils en attirèrent d'autres à leur cabale en grande quantité : après quoy ils mandèrent au seigneur de Lisle-Adam qu'il vint par devers eux, et qu'ils le mettroient dedans. A cette nouvelle ce seigneur de Lisle-Adam assembla tout ce qu'il peut ramasser de gens, tant qu'il se trouva avoir environ sept à huict cens combatans en sa compagnie, avec lesquels il vint droit à Paris au jour précis qui estoit dit, et y arriva vers le poinct du jour : il trouva ceux qui le dévoient mettre dedans tous prests et disposez à la porte qui avoit esté designée pour cette exécution : ainsi Lisle-Adam entra dedans Paris, bien qu'en grand doute et crainte , qui n'estoit mie merveille , car il y avoit bien en garnison dedans Paris trois mille combatans des gens du Roy et du comte d'Armagnac, sans ceux de la ville. Lors iceluy seigneur de Lisle-Adam chevaucha à tout ses gens en tirant vers la grande rue Sainct Antoine , où il commença à crier Vive Bourgongne, ainsi que firent ceux de Paris avec luy, qui avoient esté de l'intelligence de le faire entrer dedans. Tost après s'esleva un grand bruit dans Paris, et n'y eut plus d'entretenement ny ordre en aucun des gens d'armes, sinon que chacun ne pensa plus qu'à se sauver au mieux qu'il pourroit. Dans ce trouble et efFroy plusieurs se retiroient vers la Bastille Sainct Antoine , où le duc de Touraine

(0 Qui contendoient à ce que ce duc : qui faisoient leurs efforts pour «jue ce duc.

fut promptement mené par Tanneguy du Chastel : ainsi se sauvoient aucuns en se rendant en ladite bastille Sainct Antoine : mais un vaillant homme d'armes nommé Daniot de Goiïy leur fit assez d'empeschement, en renversant à terre plusieurs de ceux qui s'enfuyoient. Le comte d'Armagnac, Raymonnet de la Guerre , et le chancelier furent pris , comme aussi messire Hector de Chartre, avec plusieurs autres grands seigneurs : il y en eut bien en tout quatre cens de pris , sans aucuns de ceux de la ville qu'on prit après que cette première confusion eut esté un peu appaisée. Le seigneur de Lisle-Adam et autres grands seigneurs allèrent par devers le Roy, lequel ne s'estoit bougé de son hostel, et là luy parlèrent, luy firent grande révérence, et avec ce ne l'empescherent en rien , ne aucun de ceux qui le servoient : car le Roy estoit du tout content et des Bourguignons, et des Armagnacs, et peu luy chaloit('), et luy estoit comme indiffèrent , comment tout allast. Chacun qui de luy avoit cognoissance, pouvoit bien sçavoir Testât pitoyable et lamentable où il se trouvoit pour îors.

Il y eut à Paris pour ce temps de grands desordres commis, car on prenoit sans mercy tous les biens de ceux qui s'en estoient fuys; mesmes les habitans de Paris en usoient ainsi, et furent pour la plus grande partie tournez en un. instant du party du duc Jean ; et pour la pluspart s'entre-accusoient les uns les autres, pour s'entre-piller impunément. Aussi-tost que les nouvelles coururent et s'espandirent par le pays,

(0 Peu luy chaloit : peu lui importoit.

que Paris estoit du party du duc Jean, tous ses gens s'y rendirent promptement; et aussi plusieurs Armagnacs abandonnèrent diverses forteresses des environs, qu'ils tenoient, et entra et se sauva grande quantité' d'iceux dedans la bastille Sainct Antoine. Ce fut par un dimanche que Paris fut ainsi surpris , environ l'issue du mois d'avril, l'an i4i8.

Le mercredy ensuivant les gens du duc de Tou» raine dauphin, fils du roy Charles, qui s'estoient retirez dedans la Bastille, comme il vient d'estre dit, avec aucuns autres qui s'y estoient rendus d'autres garnisons, firent une saillie, en laquelle ils cuidoient reprendre la ville ; car tant firent qu'ils regagnèrent la rue Sainct Antoine jusques à l'hostel du Louvre : ils estoient bien quinze cens combatans de bonne estoffe ; lors il y eut grande assemblée de ceux de la ville avec ledit seigneur de Lisle-Adam et les autres gens du duc Jean, qui là estoient, et prit et porta le susdit de Lisle-Adam la bannière du Roy, puis estant bien accompagne' il alla contre les gens du Dauphin. Là y eut grande bataille donnée d'un costé et d'autre, et s'y comportèrent ceux de Paris fort vaillamment avec iceluy seigneur de Lisle-Adam, et tant firent qu'en peu de temps ils les rechasserent jusques à la Bastille : ce qui ne se passa point sans qu'il en demeurast de morts sur la place bien trois à quatre cens, sans les blessez, dont il y eut grande quantité. Apres cette journée les gens du Dauphin furent réduits en bien simple estât; mais nonobstant ils tenoient encolla Bastille. Au contraire, les gens du duc Jean et ceux de Paris, demenoient grande joye; car gens nouveaux leur suivenoient de jour en jour à leur secours,

2<)6 i MEMOIRES

entre-aulres y vinrent Hector de Saveuse, et Philippe son frère à tout grande puissance, lesquels on logea dans l'hostel des Tournelles devant et proche de la Bastille, pour faire frontière et tenir ferme contre ceux de dedans, lesquels quand ils virent qu'il venoit de la sorte de plus en plus si grande puissance contre eux, et qu'ils ne pou voient plus espérer de rentrer en la ville, ils commencèrent à parlementer, tant que leur traité fut fait, à condition qu'ils s'en iroient saufs leurs corps et leurs biens. Par ainsi rendirentils la Bastille au seigneur de Lisle-Adam , et s'en allèrent devers le Dauphin à Melun , où il estoit. Les gens dudit seigneur de Lisle-Adam firent grand butin dans Paris, dont ils devinrent riches excessivement : assez tost après arriva Jean de Luxembourg à Paris, avec le seigneur de Fosseux-, à tout grand foison de gens de guerre.

Hector de Saveuse et Philippe son frère s'en allèrent à tout leurs gens à Compiegne, où ils portèrent un mandement du Roy qu'on leur fit ouverture : à quoy ceux de Compiegne obéirent; partant entrèrent les dessus dits en icelle ville, et pareillement au pont Saincte Maixence, à Creil, à Coisy, et en plusieurs autres forteresses du pays. Ainsi furent plusieurs bonnes villes et forteresses mises e's mains du duc Jean en conséquence d'icelle prise de Paris, mesrae la ville de Peronne, qui se rendit au comte Philippe de Cha- 1 olois fils d'iceluy duc , lequel y envoya ses gens. Or il y eut grand débat en icelle ville de Peronne entre un des gouverneurs ou capitaines dudit comte de Charolois nomme' Chantemele, et Hector de Saveuse, tant que ledit Hector chercha ledit Chantemele pour

le tuer, dont il fut depuis fort hay d'iceluy comte de Charolois pendant long-temps. Pendant que le changement estoit nouveau dans Paris, comme il a esté veu cy-devant , il y arrivoit souvent grands desordres en icelle ville , car les liabitans s'y accusoient presque tous les uns les autres ; par especial aucuns meschans du commun s'en mesloient, qui pilloient soubs divers prétextes, sans mercy, ceux qu'ils disoient avoir tenu le party du comte d'Armagnac, et lors qu'on hayssoit à Paris aucun homme, il ne falloit que dire, il a esté Armagnac, et tout présentement et à l'heure mesme il estoit tué sur le carreau. Entre autres il y avoit un bourreau nommé Capeluche, qui tousjours avoit tenu le party du duc Jean , lequel estoit Ires-mauvais homme, et tuoit hommes et femmes, sans commandement de justice r3ar les rues de Paris, tant par hayne, comme pour avoir le leur; mais en fin le duc Jean Jluy fit coupper le col, ou hasterel (0. De tels desaroys y eut à Paris en quantité, pour ce temps qui estoit tres-piteux, et tout à fait déplorable. Le duc Jean tesmoigna grande joye quand il sceut la prise de Paris, du courte d'Armagnac, et encor des autres bonnes villes et forteresses, qui s'estoient mises en son obéissance, dont il sceut bon gré au seigneur de Lisle-Adam, et à ceux qui avoient tramé et si bien conduit cette affaire à son advantage. Tost après il fit assemblée de ses gens, et tant chevaucha qu'il vint assez prés du pont de Charenton. Ceux du pays par tout où il passoit venoient en grande ordonnance au devant de luy, et luy portèrent grande révérence, et pareillement les autres seigneurs qui estoient desja dans Paris :

(0 ffasterel : la nuque.

il les remercia tous assez, et leur promit faire de grands biens. Ainsi chevaucha (0 ce duc, tant qu'il entra dedans Paris fort noblement accompagné, et en belle ordonnance. Ceux de Paris crioient tous à une voix : Vive le bon duc de Bourgongne! et crioient Noël de carrefour à autre jusques à son hostel d'Artois où il se logea y estant convoyé' en fort noble compagnie. Apres que ce duc fut arrivé à Paris , comme il vient d'estre dit, il y eut grands et importans conseils de tenus, et grandes ordonnances faites, comme aussi nouveaux officiers nommez et establis ; car le duc Jean alla vers le roy Charles, en luy faisant grande révérence, et le R.oy semblablement luy fit paroistre grande chère : puis ce duc fit publier par la ville, « qu'il vouloit la paix et le bien du royaume, et concc tendoit à chasser hors les ennemis et estrangers , « qui mal avoient gouverné le Roy et le Dauphin , « c'est à sçavoir le comte d'Armagnac et ses gens, et « que le royaume estoit gouverné par estrangers, qui « estoit chose irraisonnable. » Dequoy ceux de Paris furent fort esmeus et enflammez , après qu'ils eurent entendu ces resolutions de la part du duc Jean, et n'estoit mie fils de bonne heure né, qui ne disoit mal de ces estrangers, comme depuis il apparut. De plus, ce duc fit tous nouveaux officiers dans le royaume, de ses gens et affidez : entre-autres il déclara le seigneur de Lisle-Adam mareschal de France, messire Jenet de Pois admirai , messire Robinet de Mailly panetier. Et fit pareillement des gouverneurs de Paris : maistre

(l) Ainsi clievaucha. Il y a quelque confusion dans cette partie du récit de Fénin. Le duc de Bourgogne ne vint à Paris qu après les premiers massacres. ( Voyez Tableau du règne de Charles VI. )

DE PIERRE DE FENLN. '2QÇ)

Eustachede Laistre fut fait chancelier, maistre Philippe de Morvillier premier président : bref, iladvança tous ses gens aux offices de France ; car le bon roy Charles estoit content de tout ce que ce duc vouloit faire, et n'y apportoit aucun contredit. Assez tost apre's le commun de Paris fit esmotion , et s'amassa grande assemblée de menues gens qui allèrent aux prisons , où ils tuèrent tous les prisonniers qui avoient esté arrestez lors de ladite prise de Paris. Là fut tué le comte d'Armagnac, Raymonnet de la Guerre, le chancelier, et plusieurs autres grands seigneurs. De plus, y fut tué messire Hector de Chartres; et encor y furent massacrez plusieurs Bourguignons qui y estoient détenus pour débat ou pour debtes : car ils n'espargnerent aucun homme, que tout ne fust mis à mort. Apres ils allèrent au Petit Chastellet , où y avoit nombre de prisonniers, qui bien s'apperceurent qu'il n'y avoit. point de remède en leur vie, partant ils montèrent à mont, où ils résolurent de se défendre bien et vaillamment le plus qu'ils pourroient. Ils crioient tout haut : Vive le Dauphin , et blessèrent assez du menu peuple : mais enfin ils furent pris par force, et les faisoient saillir à val, et d'autres les recevoient sur leurs piques et bastons , et les marteloient et meurtrissoient, sans en avoir aucune pitié ny mercy. Ainsi tuèrent ceux de Paris tous les prisonniers, dont le duc Jean se monstra fort en colère, et leur en sceut mauvais gré; car il avoit grande envie d'avoir par le moyen de ce comte d'Armagnac toutes les forteresses que ses gens tenoient, et pour ce en fut mal-content. Ledit comte d'Armagnac, Raymonnet de la Guerre, et le chancelier furent laissez pendant trois jours dans la

cour du Palais, eux trois ensemble liez par les bras tous nuds, là où les voyoit qui vouloit en tel et si piteux estât : ce comte avoit une jambe rompue , et si avoit il esté tranché d'un cousteau parmy le corps, en guise d'une bende depuis les espaules jusques en bas , là les traisnoient les petits enfans de Paris de place à autre, qui estoit chose bien estrange à voir, et de considérer tels seigneurs estre réduits en cet estât. Le commun de Paris fut par plusieurs fois, et à diverses reprises esmeu, et ne les pouvoit-on appaiser, jusques à temps que le duc Jean s'en corrouça contre aucuns des plus grands, ausquels il dit , qu'il leur feroit coupper les testes, s'ils faisoient plus ainsi, et pource s'appaiserent.

Hector de Saveuse laissa dans Compiegne le seigneur de Crevecœur en garnison , avec plusieurs autres de ses gens avecluy, mais par le moyen de messire Carados des Quennes (lequel avoit fait serment de ne se point armer contre le duc Jean) cette ville de Compiegne fut reprise , à quoy servit et s'employa fort le seigneur de Bosqueaux : ce fut par un matin qu'elle fut surprise par la porte de Pierre-font ; car les gens du Dauphin avoient dedans bons moyens et amis , comme il fut bien apparent- Là fut pris ledit seigneur de Crevecœur, et le seigneur de Chievre (qui avoit espousé la sœur de Hector) Robinet Auger, avec plusieurs autres : et y mourut un nommé Boutry qui estoit à Hector de Saveuse. Les Dauphinois s'en estans ainsi rendus les maistres y pillèrent ceux qui avoient tenu le party du duc Jean : parquoy la ville fut fort endommagée, et outre ce y fut laissée grosse garnison , pour faire frontière et résistance au pays

DE Ï>IEÎIÎIE Î>E FEftffr» 3ol

d'autour. Lesdits seigneurs de Crevecœur et deChievre furent menez prisonniers à Pierre-font, là où les retint le seigneur de Bosqueaux. Or il y avoit un des frères du seigneur de Chievre, qui long-temps l'avoit servy, et estoit son parent, lequel cuida trouver moyen de livrer ledit chasteau de Pierre-font aux Bourguignons, afin de délivrer son frère : mais il fut apperceu et descouvert par aucuns , et luy fit le seigneur de Bosqueaux coupper le col. Cette conspiration fit empirer les affaires desdits seigneurs de Crevecœur et de Chievre , mais enfin ils furent délivrez à force de finance. Hector de Saveuse mit grande peine à ravoir la ville de Compiegne , et se tint à ce sujet long-temps au chasteau de Moncifort avec grande compagnée leur faisant forte guerre, mais il n'en peut venir à bout, pour les grandes affaires qu'on avoit es autres lieux. En la mesme année que Paris eut esté surpris ainsi que dessus , le roy Henry d'Angleterre repassa la mer à tout grande puissance, et descendit à Harfleur, laquelle ville il avoit conquis l'an i415; tost après il commença à conquérir dans le pays à force villes et forteresses : car elles se rendoient à luy sans faire grande résistance, parce qu'elles ne voyoient espérance en aucun secours, à cause de la dissension qui estoit entre les seigneurs de France ; car entre autres provinces, dans le duché de Normandie, ceux u i dévoient deffendre les bonnes villes et forteresses contre les Anglois, estoient ou du party du Dauphin, ou du duc Jean, et avoient mesme guerre les uns contre les autres, parquoy chacune partie avoit à se garder de deux costez : par telles choses fut le duché de Normandie conquis en peu de temps. Ce

roy Henry vint devant le Pont-de-l'Arche par delà l'eau de la Seine vers Quennoy. Dedans cette place estoit le seigneur de Graville avec quantité de ses gens : lors on fit grande assemblée des gens d'armés du pays, pour résister contre ledit roy Henry, afin qu'il ne passast audit Pont-de-l'Àrche, mais nonobstant il y passa la Seine, et se rendit ce pont audit Roy : qui fut un grand desconfort et des-avantage à tout le pays, car c'estoit une des clefs de la rivière de Seine. Messire Jacques de Harecour tenoit pour lors prisonnier le comte de Harecour, à qui il estoit prochain parent, lequel s'estoit retiré de Harecour pour les Anglois, en son chasteau d'Aumale. Là vint ledit messire Jacques de Harecour vers luy , ce comte d'abord îuy fit grande chère comme à son parent, et le receut dedans son chasteau avec tous ses gens, ne sçachant et ne se doutant de ce qu'il vouloit faire; incontinent il mit la main sur luy, en disant : «Monsieur « je vous fais prisonnier du Pioy : » à ces paroles le comte devint bien esbahy, et courroucé, et dit : «Beau « cousin que voulez vous faire? » à quoy messire Jacques respondit, « Monsieur ne vous en desplaise, j'ay « ainsi charge du P\.oy de vous mener vers luy. » Là y eut plusieurs autres paroles et reparties, après lesquelles ledit messire Jacques le fit prendre par aucuns de ses gens, puis après le mena au Crotoy, où il le détint long-iemps prisonnier, et en plusieurs autres places. De plus il mit garnison de par luy à Aumale, et outre ce il prit tous les biens d'iceluy comte à son profit. Aucuns dirent là-dessus que tout cela s'estoit fait du consentement du comte d'Aumale fils de ce comte de Harecour : car il ne fit point de pourchas ny

DE PIERRE DE FEN1N. 3o3

d'instance pour ravoir son père , qui fut de la sorte retenu prisonnier depuis ce temps jusques à la mort dudit messire Jacques.

Apre's que ce roy Henry eut ainsi réduit en son obéissance le Pont -de -l'Arche, il s'en alla devers Rouen, et se logea au mont de Saincte Catherine. Dedans Rouen y avoit grosse garnison des gens du duc Jean de Bourgongne ; car s'y estoient mis messire Guy le Bouteiller, un de ses principaux capitaines, le Bastard de Tian, le seigneur de Toulongeon, messire André des Roches, Langy d'Arly, Gérard Bastard de Brimeu, et plusieurs autres de bonne estoffe, tant qu'ils faisoient bien douze à quinze cens combalans, qui fort bien s'y gouvernèrent. Le roy Henry y mit le siège tout autour, et y fut bien l'espace de neuf à dix mois. Là y eut quantité d'escarmouches faites par ceux de la ville sur les Anglois, ausquels ils portèrent grand dommage, ayans tousjours bonne espérance que le duc Jean les secoureroit, comme il leur avoit promis : mais il n'en fit rien ; car il avoit d'autres grandes affaires plus pressantes pour la guerre qu'il avoit contre le Dauphin, partant il fallut enfin que ceux de Rouen se rendissent au roy Henry d'Angleterre, à condition que les gens d'armes s'en iroient sauves leurs vies seulement, sans rien emporter de leurs biens. Ils fuient forcez à une si dure capitulation, parce qu'ils n'av oient plus aucuns vivres; car ils mangèrent leurs chevaux, et les pauvres gens de la ville estoient réduits par famine à manger chiens, chats, rats, souris, et telles autres choses; qui estoit chose piteuse à voir : et en mourut bien dedans les fossez et par la ville de faim dix à douze mille, qu'on

3o4 MEMOIÎlEâ

sceut de certain. Outre ce il fallut par la composition que ce roy Henry eut une partie des plus notables bourgeois de Rouen à sa volonté. Après que Rouen se fut ainsi rendu aux Anglois, plusieurs autres villes se rendirent en suite à eux es marches de Normandie. Quant à la garnison qui estoit sortie de Rouen, elle se retira devers le duc Jean. Le susdit messire Guy le Bouteiller qui estoit un des capitaines ou gouverneurs de Rouen tant que le siège y dura, se rendit alors du party du roy Henry, et luy fit serment de le servir loyaument, laquelle chose il fit, à cause de quoy le roy Henry luy fit de grands dons, et luy donna la Roche-Guyon avec autres seigneuries notables. Est à noter qu'aucuns des bourgeois notables de la ville de Rouen se fièrent à ce Guy le Bouteiller, depuis que ledit roy Henry eut pris leur ville, et luy dirent , que s'il leur vouloit aider ils remettroient Rouen en la main du roy Charles, à quoy ledit Guy fit semblant de vouloir entendre, mais il le redit au roy Henry, et pource y eut plusieurs d'iceux notables bourgeois de Rouen qui eurent les testes couppées, de quoy ledit Guy fut fort blasmé pour cette cause et trahison. Or pendant que le roy Henry te*noit son siège devant Rouen, messire Jacques de Harecour et le seigneur de Moreuil firent une assemblée très-grande pour aller courre sur les Anglois, et vin^ rent jusques à trois lieues prés d'eux : ledit Roy leur envoya au devant le seigneur de Cornuaille bien accompagné, lequel rencontra les dessusdits, et fit tant, qu'il les mit en grand des-arroy. Là fut pris ledit seigneur de Moreuil et plusieurs autres avec luy î quand à messire Jacques de Harecour il se sauva par

DE PIER11E DE FENIN. 3o5

le moyen d'un bon cheval." En cette mesme saison Philippe de Saveuse, qui estoit à Gournayen Normandie, à tout deux ou trois cens combatans, fit par plusieurs fois grand dommage aux gens du roy Henry, dont il emmena des prisonniers dedans ladite ville de Gournay, en si grand nombre, qu'enfin ces prisonniers Anglois devinrent maistres eux mesmes du chasteau de Gournay, qu'ils tinrent pendant un jour, mais le Bon de Saveuse, qui pour lors y estoit pour Philippes son frère, lit tant par belles paroles, que ces gens luy rendirent le chasteau, dont il y en eut depuis qui en eurent mauvais marché. Le roy Charles de France et le duc Jean de Bourgongne furent long-temps à Beauvais, et avoient fort grande puissance de gens sur le pays d'autour, en espérance de faire lever le siège de Rouen; mais par le discord qui estoit entre iceluy duc Jean, et le duc de Touraine dauphin , rien ne s'en fit, car ces deux princes s'entremenoient forte guerre l'un contre l'autre. Apre's que le roy d'Angleterre eut pris la ville de Rouen, fait faire le serment à ceux de la ville, et mis nouveaux officiers de par luy, il envoya ses gens au pays vers Gournay, et vers le comté d'Eu, où tout se rendit à luy sans coup ferir ; mesme se rendit la ville d'Eu, le chasteau de Moncheau, le Neufchastel, Deincour, Gournay, et plusieurs autres bonnes villes et forteresses : depuis quoy se tint en la ville d'Eu un chevalier anglois nommé messire Philippe Lys, qui faisoit forte guerre dans le pays de Vimeu. Le roy Henry conquit cette année presque tout le duché de Normandie tout à son aise ; car tres-peu y avoit de gens qui le défendissent, mesmement il y eut plusieurs Nor- 7. 20

3o6* MEMOIRES

mands qui se rendirent Anglois, et firent le serment à ce roy Henry. Lionnel de Bournonville et Daniot de Gouy, se tenoit alors en garnison dans Gisors, d'où ils menoient forte guerre aux Anglois. Or advint que les gens du roy Henry estans logez à Cailly- Fontaine au nombre d'environ quatre à cinq cens , dont il y avoit la plus grande partie d'Irlandois, iceluy Lionnel et Daniot de Gouy vinrent frapper de ïiuict sur eux en icelle ville, où ils mirent le feu, puis les assaillirent chaudement, et les ruèrent jus et desconfirent entièrement, après lequel exploict ils s'en retournèrent à Gisors en leur garnison. Ainsi souvent faisoit ce Lionnel grand dommage aux Anglois, et avec luy Daniot de Gouy qui estoit fort vaillant, et aussi faisoit le seigneur de Lisle-Adam.

Assez tost apre's y eut grand parlement entre ce roy Henry d'Angleterre et le roy Charles , qui se tenoit pour lors avec le duc Jean de Bourgongne à Pontoise : Pour conclusion, le roy Henry vint devers Meulant, là où il fit tendre ses tentes, et pareillement on y tendit celles du roy Charles. Là se trouva ledit duc Jean, avec le conseil du roy Charles, par plusieurs fois qui parlementèrent avec le roy Henry, lequel vouloit avoir Caterine fille du roy Charles en mariage; outre quoy il pretendoit avoir le duché' de Normandie. Le conseil se tint longuement sur ces demandes , mais enfin rien ne s'en fit ; car ledit roy Henry vouloit avoir trop grand advantage sur le royaume, ce que le duc Jean ne voulut accorder : aussi avoit-il tousjours volonté de traiter avec le duc de Touraine dauphin , parquoy se sépara ce parlement sans y rien conclure , et se retira le roy

DE PIERRE DE FENIN. 3oT

Charles à Sainct Denys en France, et la Reyne avec luy. Le duc Jean avoit grande volonté d'avoir paix avec le Dauphin, pour ce y avoit ambassadeurs entre les parties qui traitaient, et en estoit la dame de Giac, lesquels arresterent par ensemble que ces deux princes seroient contens de venir et se voir ensemble, pour eux-mesmes trouver les meilleurs moyens et expediens de paix. Alors donc le duc Jean ( qui estoit à Pontoise ) partit à noble compagnie pour venir devers le Dauphin qui estoit à Melun. Ladite dame de Giac qui s'en entremettoit fort, alla avec le duc Jean jusques à Corbeil, à une lieue environ de Melun, du costé de la Brie vers Meaux. Le Dauphin de son costé vint à tout sa puissance -, le duc Jean alla pareillement à tout ses gens, et n'approchèrent point ces deux puissances plus prés de demie lieue l'une de l'autre. Là s'assemblèrent les ambassadeurs des deux costez, et tant firent que la paix fut traitée entre ces deux princes durable à tousjours, et jura le Dauphin de la tenir, aussi firent tous les grands seigneurs avec luy. Il y eut en outre de fort grandes promesses faites entre les deux parties , et permirent les deux princes chacun aux seigneurs de son costé, d'aller servir sans aucune reproche contre celuy par qui la paix seroit rompue : c'est à sçavoir , que si le Dauphin la rompoit qu'il permettoit à ses gens d'aller servir le duc Jean, ou celuy qui tiendroit son party, et ainsi fit réciproquement le duc Jean. Dequoy on fit force belles lettres seellées des seaux des deux parties. Apres ils s'entre-promirent de mettre toute peine et s'employer à chasser le roy Henry d'Angleterre hors de France, et assembler à cette fin toute leur puissance.

3oB MEMOIRES

Ainsi fut la paix faite entre le duc de Touraine dauphin , et le duc Jean de Bourgongne. Chacun creut lors à la bonne foy que ce seroit chose durable , mais depuis on vid bien le contraire, comme cy-aprés sera déclare'. Tost après que la paix fut ainsi faite entre le Dauphin et le duc de Bourgongne , leurs gens s'assemblèrent pendant quelque temps , qui menèrent forte guerre aux Anglois sur les marches de Normandie. Alors le seigneur de Lisle-Adam perdit la ville de Pontoise, qu'il avoit en garde, laquelle les Anglois surprirent par un matin , qui fut un malheur grandement préjudiciable aux affaires de France, car c'estoit une ville fort notable, bien garnie de vivres , et fournie d'autres biens. Les Anglois en ce temps mirent siège devant Sainct Martin le Gaillard, dedans laquelle place estoit Rigaut (0 de Fontaine : mais le sire de Gamache qui estoit au Dauphin , vaillant chevalier de son corps, assembla quantité de gens, avec lesquels il alla faire lever ce siège ; auquel exploict il y eut des Anglois tuez à foison, les autres se retirèrent dedans le monstier de la ville; et leur chef estoit un chevalier anglois nommé messire Philippe Lis, qui estoit fort vaillant personnage. Après que Pontoise eut esté, comme dessus, surpris par les Anglois, le roy Charles, la Reyne, et dame Caterine leur fille s'en allèrent à Troye en Champagne, là où les mena le duc Jean de Bourgongne, pour les mettre arrière de la guerre. Le seigneur de Lisle-Adam se mit en garnison dans Beauvais à tout plusieurs gens, après qu'il eut ainsi perdu Pontoise. Là il s'opposoit et tenoit frontière contre les Anglois , afin d'empescher leurs

(0 Regnaud.

DE PIERRE I)E FENIW. 809

courses, et leur portoit les plus grands dommages qu'il pouvoit. Messire Jacques de Harrecour d'autre part se tenoit à Crotoy , et à Noyelle sur la mer, et Hector de Saveuse au Pont-de-Remy, avec le seigneur de Wancour et Louys son fils, là où ils faisoient guerre aux Anglois d'Eu et de Moncheau, et souvent s'assembloient avec ledit messire Jacques pour endommager les Anglois.

L'an 14.19 fut la paix faite entre le duc de Touraine dauphin , et le duc Jean de Bourgongne en la manière qu'il vient d'estre dit, dequoy tout le pauvre peuple de France demenoit grande joye : à la faveur de laquelle paix , les gentils-hommes des deux partys faisoient conjointement forte guerre aux Anglois, et bien croyoit-on lors en France estre en grande union et concorde ; mais en bref après il y survint plus grande tribulation que jamais : car le duc Jean fut tué, comme il se pourra cy-aprés voir. Le Dauphin estoit pour lors à Montereau-où-faut-Yonne, là où il avoit assemblé toute la plus grande partie de sa puissance. Or il estoit gouverné en ce temps par les seigneurs de Barbasan , Tanneguy du Chastel , le vicomte de Narbonne, le seigneur de Gitery , et plusieurs autres qui point n'estoient du royaume de France, et neantmoins manioient et conduisoient toutes ses affaires. Il y eut partie d'iceux qui tramèrent et machinèrent la trahison de mettre à mort le duc Jean, et tant firent que le Dauphin fut content de le mander, et qu'il fust mis à mort. De faict , il chargea Tanneguy du Chastel d'aller devers luy , qui estoit lors à Bray-sur-Seine , à deux lieues prés de Montereau , à tout grande puissance de gens d'armes , et de traict. Quand la chose

i>IÔ MEMOIRES

eut esté ainsi pourparlée, les gouverneurs du Dauphin ordonnèrent que le duc Jean seroit logé dans le chasteau de Montereau, et que le Dauphin seroit cependant logé dedans la ville. Or ils firent sur le pont plusieurs barrières entre la ville et le chasteaa ; puis messire Tanneguy s'en alla vers le duc Jean à Braysur-Seine , là où il le trouva , luy disant : « Que le « Dauphin se recommandoit à luy ., et le priuit qu'il « voulust aller devers luy à Montereau, pour conclure c< des araires de France, et plusieurs autres choses. » Ce duc fit à Tanneguy grande chère et grande révérence , comme encor à ceux qui estoient avec luy , luy disant, qu'il iroit vers monsieur le Dauphin. Lors ce duc se hasta de disner r puis il monta à cheval avec tous ses gens , et moult faisoit à Tanneguy grand honneur. « Et bien , luy dit-il , nous allons vers monte sieur le Dauphin à vostre fiance , pensant qu'il « veuille bien entretenir la paix qui a esté faite entre « luy et nous , laquelle nous voulons bien tenir , et le « servir tout à sa volonté. » A quoy Tanneguy respondit : « Mon tres-redouté seigneur n'ayez doute de « rien , car Monsieur est bien content de vous ; et se €< veut désormais gouverner selon vous, et outre ce, €< vous avez auprès de luy bons amis qui bien vous « aiment : » ainsi s'en alla le duc Jean à sa mort en la compagnie dudit Tanneguy du Chastel , lequel le trahit, et chevauchoit en grande ordonnance jusques auprès de Montereau , et là il rangea ses gens en bataille. Or il y avoit quelques gens du duc Jean âe^ dans le chasteau , pour aviser et disposer le logis , entre lesquels il y eut un valet de chambre qui bien se douta de la trahison \ parquoy il retourna prompte-

DE PIERRE DE FENIN. 3ll

ment devers le duc son maistre , pour luy dire : « Mon « très- redouté seigneur, avisez vostre estât, sans « faute vous serez trahy , et pour Dieu veuillez y pence ser. » Adonc le duc Jean dit à Tanneguy : « Nous « nous fions à vostre parole , pour Dieu avisez bien « que soyez seur de ce que vous nous avez dit, qu'il « soit vérité, car vous feriez mal de nous trahir. » Et Tanneguy luy respondit : « Mon tres-redouté sei* « gneur, j'aymerois mieux estre mort, qu'eusse fait , « trahison à vous, ny à autre, n'ayez aucune doute, « car je vous certifie que Monsieur ne vous veut au- « cun mal. » A quoy ce duc respondit : « Nous irons « donc à la fiance de Dieu et de vous. » Puis en ces entrefaites il chevaucha jusques au chasteau, où il entra par la porte de derrière, laissant grande partie de ses gens en bataille hors du chasteau. Avec le duc descendirent moult de grands seigneurs : il s'en alla reposer en une chambre dedans le chasteau : cependant Tanneguy alla devers le Dauphin , et devers ceux qui estoient avec luy , leur apprenant la venue d'iceluy duc. Là y eut grand consistoire et conseil de ceux qui conduisoient la trahison. Tantost après on envoya vers le duc afin qu'il vint voir le Dauphin. Quand le duc oiïyt qu'il le mandoit, il partit pour aller devers luy ; et y allèrent cinq ou six grands seigneurs seulement avec luy , plus on n'y laissa passer

Idu chasteau. Or quand ce duc vint pour entrer sur le pont, il trouva qu'il y avoit une barrière à l'entrée du pont, où y avoit bonne garde. Lors ce duc passa pour aller vers le Dauphin , qui estoit en un petit détour, lequel il vint saluer fort humblement : — -

toient ordonnez pour le mettre a mort estoient là tous prests, qui frappèrent sur luy. Quand il vit qu'il estoit trahy , il cuida tirer son espée (0 pour se défendre : mais rien ne luy valut , car il fut tantost al> batu , et mis à mort, dont ce fut pitié pour le royaume : car par sa mort advinrent depuis plusieurs maux en France. Avec luy fut tue' le seigneur de Noaille frère du comte de Foix , lequel se coucha sur luy pour le cuider sauver.

Apres ce que le duc Jean eut ainsi esté mis à mort , ceux qui là estoient le jetterent du haut du pont à val : mais depuis par l'admonestement et l'ordre du Dauphin , il fut enterré dans le cymetiere à tout son pourpoint et ses houseaux 00 , là où il demeura de la sorte tant que la ville fut conquise par les gens du roy Henry d'Angleterre. Avec ledit duc Jean estoient venus le seigneur de Nouaille , le seigneur de Sainct George, et messire Charles de Lens, lesquels furent pris , avec d'autres en quantité.

Ce duc Jean ayant esté tué, ainsi qu'il vient d'estre dit , ses gens en sceurent aussi-tost les nouvelles. Là y eut grand dueil fait en plusieurs lieux , et n'est celuy qui peust bien penser le grand desconfort qu'il y avoit parmy ses gens. D'autre part les gens du Dauphin saillirent en grande puissance sur eux, et fuient promptement mis en grand desaroy ; car il n'y avoit plus d'entretenement ny ordre gardé entre-eux, depuis qu'ils sceurent la mort de leur seigneur. Or s'en alloit chacun d'iceux le mieux qu'il pouvoit sans ordonnance. Les gens du Dauphin les chassèrent et

(0 // cuida tirer son cspée : il voulut tirer son épe'e. — ('■) Ses houseaux : ses bottes.

poursuivirent , car ils estoient tous avisez de leur fait, dont ils prirent plusieurs , qu'ils tuèrent avant qu'ils eussent peu regagner Bray-sur-Seine ; les autres se sauvèrent le mieux qu'ils peurent. Cette douloureuse mort fut cause de faire recommencer la guerre de plus belle et plus fort qu'auparavant : et chacun ne songea plus qu'à se garnir contre sa partie. Pendant tout cela, le roy Henry d'Angleterre conquestoit tousjours fort sur les deux parties : par ainsi il y avoit trois partys pour lors en France, qui tous contendoient à conquérir et démembrer le royaume, dequoy le menu peuple estoit excessivement travaille'.

Apres la mort d'iceluy duc Jean, Philippes son fils releva toutes les seigneuries du duc son père, et devint par ainsi duc de Bourgongne : il fut fort courrouce' du meurtre de son père, et de la trahison qu'on luy avoit fait. Ce duc Philippe avoit espousé Michelle fille du roy Charles de France , et sœur du Dauphin , laquelle estoit dame de haut honneur, humble, courtoise, belle, et bien aimée de tous les seigneurs qui conversoient à la Cour d'iceluy duc ; et en outre du pauvre commun. Or quand ce duc Philippe eut saisi tous les tenemens et seigneuries du duc Jean son père, il manda tous ses barons pour avoir conseil, comment il se pourroit venger du Dauphin. Lors on luy conseilla qu'il prit alliance avec le roy d'Angleterre, et qu'il luy fit avoir à femme Caterine fille du roy Charles, et sœur du Dauphin, laquelle ledit roy Henry avoit grand désir d'espouser : et que mieux que par là il ne se pouvoit venger du Dauphin : car par ce moyen il seroit chassé de France, sans jamais posséder la Couronne. Ce duc Philippe ayant pris cette

3l4 MEMOIRES

conclusion , il envoya devers le roy d'Angleterre , et tant y eut d'ambassadeurs entre les deux parties, qu'enfin alliance fut faite entre iceluy roy Henry et ledit duc Philippe. Le duc promit de livrer au roy Henry Caterine fille du roy Charles , et le roy Henry promit de la prendre à femme, et faire reyne d'Angleterre. Outre ce promit que le roy Charles jouyroit tout son vivant du royaume de France : de plus, promit ce roy Henry de livrer au duc Philippe les traisti es qui avoient tué son père , si aucuns escheoient en ses mains. Plusieurs autres promesses y eut, et sermens faits par les deux parties , afin d'entretenir bonne et ferme paix à tous) ours entre eux. Outre ce, ils s'entre-promirent de chasser le Dauphin hors le royaume, avec ses alliez, sans jamais pouvoir posséder aucune seigneurie en France.

Le comte Philippe de Sainct Paul, fils du duc Antoine de Brabant et neveu du duc Jean, estoit pour ce temps-là à Paris, oti il estoit lieutenant du Roy, et gouvernoit la ville de Paris : car ledit duc Jean l'y avoit laissé après la prise d'icelle ville de Paris, pour la gouverner, et s'y conduisit par bon conseil, combien qu'il fut jeune d'aage , n'ayant qu'environ quatorze ans , et là demeura tant que le Roy alla à Melun.

Au susdit traitté qui fut fait et arresté entre ledit roy Henry et le duc Philippe, il fut ordonné entre autres choses que le roy Henry seroit droit héritier du royaume de France luy et ses hoirs après la mort du roy Charles de France, et que jamais Charles dauphin n'en jouyroit, ny ceux qui de luy viendroient, et qu'il n'estoit digne de tenir royaume, pour le mau-

DE PIERRE DE FENIJV. 3l5

vais cas qu'il avoit fait sur le duc Jean de Bourgongne, dont point ne se pouvoit excuser, combien qu'il fut jeune quand le cas advint : considéré avec ce qu'il estoit gouverné par gens estrangers, combien qu'ils eussent eu de leurs amis tuez au saccagement et carnage de Paris , parquoy il ne leur chaloit quel deshonneur le Dauphin encourust, pourveu qu'ils fussent vengez du duc Jean. Or le Dauphin essaya depuis beaucoup de s'excuser sur sa jeunesse , et pour ceux qui le gouvernoient, disant que ce n'avoit point esté de son consentement, et que autant en eut-il fait du roy Charles son père pour ce temps-là : mais cela ne peut estre receu à excuse : et pour ce dura la guerre long-temps depuis , comme il se pourra voir cy -après : mesme pour plus grande apparence le Dauphin mit hors d'avec luy ceux qui luy avoient baillé le conseil de mettre à mort le duc Jean , qui s'en allèrent hors le royaume pour quelque temps.

Apres toutes ces alliances faites entre le roy Henry d'Angleterre et le duc Philippes de Bourgongne , ils avisèrent de conquérir force villes et forteresses sur les gens du Dauphin : et commença ce duc Philippes à faire grands mandemens par tous ses pays, et tout fit assembler proche Peronne. Quand ce duc Philippe eut ainsi fait grande assemblée de gens , il en bailla la conduite à Jean de Luxembourg, qui s'en vint loger en ladite ville de Peronne, et ses gens tout autour, de là il tira droit à Lihon en Santers, là où il se logea en la ville et tous ses gens avec luy : avec ce messire Jean y avoit d'autres bons capitaines , entre autres y estoient le vidame d'Amiens, le seigneur de Croï , Hector de Saveuse , le seigneur de

3l(> MEMOIRES

Humbercour mareschal du duc Philippe, et d'autres en quantité. Là fut prise conclusion par iceluy messire Jean, et ceux qui estoient avec luy d'aller mettre le siège devant un chasteau nommé Muin, situé à deux lieues de Gorbie, lequel causoît assez de mal aux villes d'Amiens et Corbie, et au pays d'entour. Mais en une nuict dont il devoit le lendemain partir, messire Carados des Quennes et Charles de Flavy prirent la ville de Roye en Vermandois , qui avoit esté donnée au duc Philippe lors de son mariage avec la fille du roy Charles, et entrèrent dedans bien trois cens combatans. Lors estoit gouverneur de Roye , un nommé Percheval le Grand , lequel eschappa de la ville , et vint vers messîre Jean à Lihon , où il estoit quand il ouït uouvelles de ladite prise de Roye. Tantost après il fit sonner les trompettes, puis monta à cheval avec tous ses gens, et chevaucha vers icelle ville en grande ordonnance, et prestement mit coureurs sus pour aller devant, lesquels trouvèrent encores les eschelles dressées aux murs de Roye, par où les Dauphinois estoient montez. Là y eut grandes escarmouches d'abord , et gagna-on sur eux les fauxbourgs qui estoient clos de bonnes murailles, puis incontinent on y mit le siège. Le seigneur de Lisle- Àdam mareschal de France et Hector de Saveuse se logèrent dedans les faux-bourgs du costé de Compiegne , et le seigneur de Croï à un lieu assez prés ; avec luy estoit le seigneur de Longueval, qui pour lors servoit le duc Philippe , qu'il servit long-temps après. Quant à messire Jean de Luxembourg il fut logé à une lieue prés de Roye en tirant vers Noyon : les Flamends encor outre à une ville nommée Chempien.

Ainsi fut la ville de Roye assiégée tout autour, et si estoitle siège droit au temps de Noël, bien vingt-quatre jours avant qu'ils se voulussent rendre. Souvent y avoit grandes escarmouches faites par ceux de dehors contre ceux dedans ; mais enfin ils se rendirent à condition qu'ils s'en iroient saufs leurs corps et leurs biens, de quoy messire Jean fut content, et de ce leur bailla sauf conduit pour s'en aller à Cpmpiegne : et fut Hector de Saveuse ordonné pour les conduire , et messire Carados et Charles de Flavy ordonnèrent leurs affaires pour s'en aller, et partirent par un samedy bien matin. Environ une heure après que les Dauphinois furent partis de Roye, et que les gens de messire Jean estoient dedans la ville, le comte de Hontiton et Cornuailie vinrent devant Roye, où ils venoient pour aider à iceluy messire Jean de Luxembourg ; mais quand ils aprirent que les Dauphinois en estoient partis , et qu'ils ne pouvoient estre qu'à une lieue loing, ils commencèrent bien fort à courir après. Ils estoient bien mille combatans : or tant chevaucha ce comte de Hontiton et Cornuaille , qu'ils atteignirent les Dauphinois à trois lieues prés de Compiegne, et frappèrent sur eux fortement, aussi les Dauphinois ne s'en donnoient de garde, parquoy ils furent bien-tost mis en des-arroy, et furent tous ruez jus, pris ou morts; peu s'en estans eschappez. Quand messire Carados vid cet accident, il se rendit à Hector de Saveuse : mais Cornuaille luy osta, et frappa Hector sur le bracelet de fer de sa main à tout son gantelet, dont Hector fut tres-mal content, mais il n'en peut avoir autre raison pour l'heure , sinon qu'il luy dit : « Cornuaille, vous sçavez bien que « ne les pouvez mettre à finance, et qu'ils ont sauf-

3l8 MEMOIRES

« conduit de vostre capitaine? » Avec les Anglois montèrent à cheval plusieurs des gens de messire Jean de Luxembourg, quand ils virent qu'on alloit frapper sur les Dauphinois : or ce fut une chose qui fort les greva ; car leurs chevaux estoient séjournez et avoient reposé, pour ce ils les suivirent plus rudement que les Anglois, entre autres y alla le Bastard de Croï, Aubelet de Folleville, le baillif de Fonquesolle, et des gens du seigneur de Longueval, avec plusieurs autres. Pour cette cause se courrouça messire Jean de Luxembourg très-fort, d'autant qu'ils estoient soubs luy, et qu'il avoit baille' sauf-conduit aux Dauphinois, et vouloit que le seigneur de Croï luy baillast son frère bastard, et le seigneur de Longueval le bastard de Divion frère de sa femme, mais ils n'en voulurent rien faire, et par ce les eut messire Jean en grande haine longtemps après, dont il avint depuis grandes tribulations, comme cy-aprés sera veu. En suite de cette desconfiture ainsi faite contre la foy donnée, les Anglois se logèrent à deux lieues prés de Roye à tout leurs prisonniers : vray est qu'iceluy Jean de Luxembourg alla vers le comte de Hontiton, à qui il donna un cheval, puis le pria qu'il fit bonne compagnie et favorable traitement à messire Carados et aux autres prisonniers : car pour vray ledit messire Jean estoit fort outré de ce qu'ils avoient esté pris de la sorte, nonobstant son sauf-conduit, combien qu'aucuns voulurent dire qu'il le scavoit bien, mais il n'en estoit rien : car il estoit seigneur qui bien vouloit tenir ce qu'il promettoit. Apres qu'iceluy Jean de Luxembourg eut esté devers le comte de Hontiton , et qu'ils eurent fait l'un à l'autre grande chère , il se retira en son logis , d'où

DE PIERRE DE FENIN. 3l()

le lendemain il partit, et s'achemina à tout une partie de ses gens vere la Fere-sur-Oise , en sa compagnie estoit Hector de Saveuse.

Quand messire Jean arriva à la Fere , il assit garnison par toutes ses forteresses, et mit Hector de Saveuse à Nouvion-le-Comte, et les autres en toutes les autres places pour tenir frontière contre la ville de Crespy en Laonnois , où estoit la Hire (0, et Poton de Saintraille à tout grand nombre de gens : là ils se tinrent jusques au caresme, que le duc Philippes vint à tout sa puissance, et mit le siège tout autour d'icelle place de Crespy. Les autres gens du duc Philippe apre's la reddition de Roye s'en allèrent chacun où il voulut en son hostel, ou ailleurs, jusques après la Chandeleur, que le duc Philippe refit grand mandement pour aller à Troyes en Champagne. Quand il eut assemblé tous ses gens , il s'achemina vers la ville de Sainct Quentin en Vermandois, et se logea dedans la place. Avec luy estoit le comte de Warvic, le comte de Quin, et le seigneur de Ros, qui estoient ambassadeurs du roy Henry d'Angleterre, lesquels alloient en la compagnie de ce duc Philippe à Troyes en Champagne devers le roy Charles de France, pour demander Caterine fille du roy Charles, pour ledit roy Henry, lequel la vouloit avoir à femme ; et l'eut enfin , comme il se pourra si après voir. Or allèrent iceux ambassadeurs tousjours avec le duc Philippe jusques à Troyes.

Quand ce duc deslogea de Sainct Quentin , il s'en alla loger à Crecy sur Seine ; messire Jean de Luxem-

(0 Estienne de Vignoles , dit la Hire , capitaine de Crespy.

bourg conduisoit son avant-garde , qui s'alla loger à lieue et demie de Crespy. Il y eut là grande escarmouche faite , tant qi:e le hastard de Haynaut fut fort blesse' par les Dauphinois, mais nonobstant il n'en mourut point : bien se comporta en iceluy jour ledit messire Jean vaillamment , et Philippe de Saveuse avec luy. Le duc en suite deslogea de Crecy, et alla camper prés de Crespy en Laonnois , où il mit le siège tout autour , à quoy il employa bien vingt jours de temps, avant qu'ils voulussent se rendre; car ils estaient bien huict cens combatans dedans : mais enfin ils se rendirent à condition qu'ils s'en iroient saufs leurs corps et biens, sinon aucuns qui estoient des pays du duc, lesquels dévoient demeurer prisonniers. Ainsi ce duc réduisit en son obéissance Crespy en Laonnois au commencement de sa première armée , et ceux qui estoient dedans s'en allèrent. Ce duc en suite fit desmolir la fortification de Crespy, laquelle ceux de Laon abbatirent : puis le duc s'en alla à Laon, de là droit à Rheims, en suite à Chaalons, puis à Troyes en Champagne. Un accident arriva lors , c'est que comme entre Troyes et Chaalons s'advançoit Jean de Luxembourg, ayant avec luy messire Robinet (0 de Mailly, qui estoit grand panetier de France , et qu'ils passoient par le milieu d'un village où il y avoit amas de grandes eaux , et où y avoit des fosses profondes couvertes de bourbe , ledit Robinet de Mailly fondit et tomba dedans une grande fosse à tout son cheval, là où il fut noyé, et tout embourbé, tant qu'on ne le peut rescoure ny sauver, et y demeura bien trois heures dedans avant qu'on le peust ravoir.

W Robert.

Un peu devant ce temps la Hire tenoit le ehasteau de CoucVj qui estoit très-fort : il avoit pris grand foison de prisonniers, gentils-hommes et autres, lesquels il avoit reserrez dedans ledit ehasteau. Or le seigneur de Maucour^ Lionnel de Bournonville, et plusieurs autres avisèrent le poinct que la Hire estoit allé courre, et par aucun moyen firent qu'ils surprirent ce ehasteau , et s'en rendirent maisti es. Après ils mandèrent messire Jean de Luxembourg pour luy remettre ce ehasteau, mais il y en eut aucuns qui ne furent bien contens de le mettre dedans, s'il ne leur promettoit de leur laisser le gain du butin qu'ils y avoient fait. A cette fin le seigneur de Maucour alla le premier au devant dudit messire Jean , luy.disant : « Monte sieur, les compagnons ne sont mie contens de vous k mettre dedans , que ne promettiez de leur laisser ce « qu'ils ont gagné. » Quand messire Jean oiiyt ce propos, il se courrouça grandement, respondant audit de Maucour : « traistre me voulez-vous trahir? » Alors il le fit prendre par ses gens , et s'il eust eu un bourreau présent, il luy eust fait couper la teste, pour le grand couroux qu'il avoit. Tost après iceluy Lionnel de Bournonville fit tout ouvrir , et messire Jean entra dedans , et eut ainsi l'obéissance du ehasteau de Coucy ; depuis fut ledit de Maucour délivré.

Iceluy messire Jean de Luxembourg avoit espousë Jeanne de Betune fille du vicomte de Meaux > laquelle en premières nopees avoit espousé le comte de Marie, dont elle avoit une fille , qui estoit comtesse de Marie > et une de messire Jean de IjUxembourg , qui pour ce avoitle gouvernement de plusieurs grandes seigneuries, villes et forteresses, dont il fit long-temps bonne garde. 7. 21

I$2â MEMOIRES

Quand le duc de Bourgongne fut arrivé à Troyes et les ambassadeurs du roy d'Angleterre avec luy , il alla devers le roy Charles son beau-pere , et devers la Keyne , et firent tant qu'ils furent contens que le roy Henry eut Catherine leur fille en mariage , et fut cette affaire traitée et du tout accordée par le roy Charles et son conseil : puis les susdits ambassadeurs s'en retournèrent vers leur roy Henry , pour le quérir : afin qu'il vint se marier à Troyes : il demeura cependant vers icelle dame Catherine un des chevaliers dudit roy Henry , nommé messire Louys de Robertsart. Le duc Philippe demeura une partie du caresme à Troyes : et depuis tant que le roy Henry y vint. Or pendant son séjour il envoya messire Jean de Luxembourg courre devant une forteresse à six lieues de Troyes, nommée Alibaudiere,quifaisoit assez de peine au pays de Champagne. Quand messire Jean y vint , il posa une embusche à un quart de lieue prés , puis il envoya Hector de Saveuse et Ferry de Mailly à tout quatrevingts combatans courre devant le chasteau. Là y eut grande escarmouche ; car ceux du chasteau saillirent dehors, mais incontinent après messire Jean vint pour aviser et considérer la place ; mais quand il vid les Dauphinois dehors, luy qui avoit le cœur vaillant, frappa de Fesperon pour recongner les Dauphinois dedans , et vint chasser si auprès de la barrière , que son cheval commença à desroyer et devenir comme estourdy , tant qu'il fallut que messire Jean cheut dessous son cheval , sur quoy il y eut grande huée faite ; car les Dauphinois insultoient fort sur iceluy messire Jean , et s'il n'eut eu lors prompt secours, il eut esté pris , mais ses gens le relevèrent hastive-

ment , et lny remirent sa lance en sa main , qu'il avoit perdue en tombant : apre's quoy il marcha encor plus avant vaillamment, et avec peu de gens rechassa les Dauphinois dedans , puis jetta sa lance dedans les fossez du boulevart après eux et à leur trousse : après quoy les assiégez s'enfermèrent tout. Puis ledit messire Jean manda ses gens qui estoient posez en embusche , et de la grande colère qu'il avoit , il fit assaillir le boulevart, sans avoir aucune armure sur soy pour un assaut, et y fit tant, que ce boulevart fut emporté d'assaut , puis il y fit mettre le feu , dont ce boulevart fut tout espris, tant qu'on n'y pouvoit plus durer : fort généreusement se comporta messire Jean de Luxembourg en cette journée , et y fit tres-vaillamment de sa personne. Quand ceux du chasteau le reconnurent et expérimentèrent si vaillant, ils voulurent sçavoir son nom , et envoyèrent le requérir de faire armes contre luy : il manda qu'il en estoit content : puis quand ils sceurent son nom , ils n'en voulurent rien faire.

Après ledit messire Jean de Luxembourg s'en retourna à Troyes devers le duc Philippe, et mit ses gens aux villages des environs de ladite ville. Environ quinze jours après, le duc Philippe renvoya messire Jean de Luxembourg, le seigneur de Croï, le seigneur de Lisle-Adam mareschal de France , Hector de Saveuse , avec plusieurs autres seigneurs , pour remettre le siège devant icelle place d'Alibaudiere. Ils y allèrent bien à tout douze cens combatans de bonne estoffe , et menèrent plusieurs engins et instrumens de guerre , pour abatre les murailles. Or quand ce vint pour remettre ce siège, messire Jean , qui au-

tresfois avoit emporté le susdit boulevart, comme il vient cTestre dit, alla pour le faire assaillir derechef, les Dauphinois Tavoient refait plus fort que devant : là y eut grand assaut ; car les Dauphinois le deffendoient fortement. Messire Jean de Luxembourg y estoit en personne ; qui fort assailloit avec les autres , et Hector de Saveuse combatoit cependant sur une eschelle fort vaillamment : cet assaut dura bien deux heures. Il y eut plusieurs des gens de messire Jean de blessez en cet assaut , mesme de sa personne il fut navré au visage, dont il perdit un œil : là encor fut navré Henry de Gaufour gentil-homme de Bourgongne, dont il mourut depuis, ce fut en combatant sur une eschelle : plusieurs autres il y eut de mis à mort.

On emmena ledit messire Jean de Luxembourg en un chasteau pour le guarir, et de là à Troye. Puis le comte de Conversan frère dudit messire Jean vint en sa place à Alibaudiere , et commanda à ce siège tant qu'il dura et que le chasteau fut rendu. Devant cette place d' Alibaudiere le seigneur de Beauveir eut un œil crevé. Ledit comte de Conversan fit asseoir de grands engins devant Alibaudiere , dont il fut fort abbatu en peu d'espace , tant qu'après une capitulation , qui avoit esté entre les Dauphinois et Bourguignons, il y eut un grand assaut donné autour de la ville , mesme il entra bien quatre-vingts hommes dedans les trins , mais enfin il furent chassez dehors par force : cet assaut dura bien six heures , lequel il fallut abandonner pour la nuict qui survint. Là y eut quantité de gens navrez de part et d'autre : enfin au quatriesme jour ceux du chasteau se rendirent , saufs leur corps : mesme il y eut aucuns gentils-

hommes qui eurent leurs chevaux , puis ils s'en allèrent à Moime. En suite cette forteresse fut arse et toute désolée ; puis les gens du duc Philippe s'en allèrent à Troye, et logèrent au tour de la ville et dedans, où les ramena ledit comte de Conversan. Assez tost après le duc Philippe envoya le seigneur de Lisle- Adam mareschal de Fiance , le seigneur de Croy -, et messire Mauroy de Sainct Léger à tout bien mille combatans au pays vers Toucy, et vers le comté de Tonnere.

Quand ils vinrent à six lieues prés Toucy, ils firent faire des eschelles de guerre, puis s'en allèrent tout d'une tire de nuict pour assaillir cette place de Toucy : ils arrivèrent devant icelle ville environ le soleil levant. Or quand le seigneur de Lisle-Adam fut arrivé devant , il y fît des chevaliers , entre lesquels le seigneur de Croy, messire Baudart de Noielle , et messire Lionnel de Bournonville furent faits chevaliers, puis on assaillit cette ville , dedans laquelle n'y avoit que les bons habitans d'ordinaire avec deux ou trois gentils-hommes seulement , parquoy le commun fut bien esbahy ; mais nonobstant cela ils se rafermirent, et bien se deifendirent, aussi lesdites eschelles estoient trop courtes, parquoy on s'en retira pour le présent, et on se logea autour de la ville , puis on fit faire des eschelles plus longues , et des marteaux de fer pour les rassaillir de nouveau, puis au troisiesme jour on y livra encor un grand assaut; mais ils se défendirent encor mieux qu'ils n'avoient fait au premier, tant qu'ils tuèrent un gentil-homme nommé Auger de Sainct Wandrille vaillant homme de guerre, lequel demeura mort dans les fossez, sans qu'il fut au

possible des Bourguignons de le rapporter ; avec ce ils en navrèrent assez d'autres : de plus il fut tué un capitaine des brigans (0 nommé Tabary, qui avoit auti esfois mené guerre aux Anglois, dont il avoit destruit plusieurs.

Quand les gens du duc Philippe virent que ces bons hommes se deffendoient si bien , et qu'ils considérèrent qu'ils ne les pourroient avoir d'assaut, ils se retirèrent en leur logis , où tost après leur vint nouvelles que leurs ennemis les venoient combatre. Lors le seigneur de Lisle-Adam monta à cheval à tout les Picards qu'il avoit avec luy, et alla au devant d'eux pour les trouver sur les champs : les Dauphinois, qui avoient leurs espies , en ouïrent les nouvelles , et pource qu'ils n'estoient assez puissans pour attendre lesdits Picards, ils se retirèrent en une forte Eglise nommée Estang-Sainct-Germain , à deux lieues prés d'Ansoire, là où les alla ledit seigneur de Lisle-Adam assiéger , avec ses Picards , et y tint le siège dix-huict jours; et tant fit, que ceux qui estoient dedans icelle église de Sainct Germain se rendirent à sa volonté, à condition « qu'ils s'en iroient par payer finance : » puis après ce monstier fut abbatu , c'est à sçavoir la fortification qui estoit autour. De là le seigneur de Lisle-Adam et les Picards se retirèrent à Troye devers le duc Philippe , et là trouvèrent le roy Henry d'Angleterre avec toute sa puissance, qui y estoit venu pour se marier.

L'an 1420 , environ la Pentecoste , le roy Henry d'Angleterre arriva à Troye en Champagne à tout

(0 Cestoient gens de guerre armez de brigandines, qui estoit une espèce d'armures de fer faites à lames estroites.

DE PIERRE DE FEfflN. 321

bien douze mille combatans de bonne estofle ; son frère Thomas duc de Clarence estoit avec luy, avec plusieurs autres grands seigneurs : de plus y estoit le Rouge Duc en sa compagnie , lequel estoit d'Allemagne, et avoit espousé sa sœur. Quand ce roy Henry arriva à Troye , là avoit esté desja pourparlé de son mariage avec Caterine fille du roy Charles de France : de sorte qu'il la fiança au grand monstier (0 de Troye, où y avoit grande assemblée de peuple; entre* autres y estoit la reyne de France. Dix jours après ce mariage se parfit, et l'espousa ce roy Henry. Cette Caterine fille du roy Charles , et sœur du Dauphin , estoit moult belle dame, humble, et de noble atour. Là y eut de grandes noblesses , pompes , et cérémonies faites à ces nopces, et bien haute feste à son ma* riage : aussi y eut-il grandes accointances entre ledit roy Henry et le duc Philippe de Bourgongne. Outre ce , fut la paix du tout confirmée entre le roy Charles et le roy Henry d'Angleterre, et pareillement avec le

(0 Illajîança au grand mons lier. Le journal de Paris (pag. 62 ,63) donne des détails curieux sur ce mariage :

« Le jour de la Trinité 1420, qui fust le deuxiesme jour de juing, « espousa à Troyes ledit roy engloiz la fille de France. Et le lundi « ensuyvant, quant les chevaliers de France et Angleterre vouldrent « faire unes jouxtes pour la solemnité du mariaige de tel prince, « comme accoustumé est, le roy d'Angleterre pour qui on vouloifc « faire les jouxtes, pour lui faire plaisir, dit, oyant, de son mouve- « ment : Je prie à M. le Roy de qui j'ai épousé la fille , et à tous ses « serviteurs, et mes serviteurs , je commande, que demain au malin « nous soyons tous prêts pour aller mettre le siège devant la cité de « Sens , où les ennemis de M. le Roy sont , el là pourra chacun dé k nous jouxter et tournoyer, et montrer sa proesse et son hardement^ « car la plus belle proesse n'est au monde que défaire justice des maul-i « vaiSf afin que le pouvre peuple se puisse vivre. »

duc Philippe de Bourgongne. Or comme cy-devant a esté dit , par les promesses qui furent là faites , ledit roy Henry devoit posséder le royaume de France , et en estre l'héritier, luy et ses hoirs après la mort du roy Charles de France, sans que jamais nul vivant du costé d'iceluy roy Charles y peust venir, s'il ne issoit du roy Henry et de Caterine fille du roy Charles. Ce qui sembloit bien estrange à aucuns du royaume de France, mais ils ne pouvoient avoir ny faire autre chose pour le présent.

Environ douze jours après que ce roy Henry eut espousé Caterine fille du roy Charles, et que toutes les susdites festes furent passées, le roy Henry se mit en chemin pour aller vers Sens en Bourgongne : il mena avec luy le roy Charles, le duc Philippe de Bourgongne , et aussi la Reyne sa femme. Il s'en vint donc jusques à Sens, où il mit le siège tout autour, et leur fit signifier qu'ils rendissent la ville au roy Charles : mais ils n'en voulurent rien faire. Dedans estoit de la part du Dauphin le seigneur de Boutonvilliers, à tout environ trois cens combatans. Là fut le roy Charles, le roy Henry, et le duc de Bourgongne sept jours avant qu'ils voulussent parlementer : mais quand ils virent qu'il y avoit si grande puissance , et qu'ils n'auroient aucun secours, ils voulurent trou-? ver leur traité ; partant le roy Henry envoya Cornuaille parler à eux : Quand ledit Cornuaille ( qui bien apperceut qu'ils estoient en danger ) fut venu assez prés de la porte pour parler à eux, il vint à luy un gentil-homme qui avoit grande barbe, mais quand Cornuaille le vid , il luy dit , qu'il ne parleroit point à luy s'il n'avoit sa barbe mieux faite , et que ce n'es-

toit point la guise et coustume des Anglois. Cela fit, qu'aussi-tost iceluy alla faire sa barbe , puis revint vers ledit Cornuaille : et là parlèrent tant que le traité fut fait , à condition que ceux de la ville s'en iroient saufs leurs corps et biens , c'est à sçavoir les gens d'armes, et que ceux de la ville demeurei oient en l'obeyssance du roy Charles ; ainsi en fut-il fait. Le roy Charles eut de la sorte l'obéissance d'icelle ville , et entra dedans avec luy le roy Henry , avec le duc Philippe , et là séjournèrent huict jours. Pendant que les deux roys estoient logez dans cette ville, il y survint un grand débat des Anglois avec les gens du duc Philippe , mesmes furent les gens d'iceluy duc rechassez jusques à son hostel. Par plusieurs autres fois les Anglois prirent débat avec les gens du mesme duc , dautant que les Anglois estoient les plus forts ; ce qui desplaisoit fort aux Picards : mais enfin le roy Henry fît défendre à ses gens qu'ils n'en fissent plus , et ne les attaquassent davantage. Apres que le roy Charles, le roy Henry, et le duc Philippe eurent ainsi séjourné à Sens , ils en deslogerent et s'en allèrent vers Monter eau -où- faut-Yonne, là où ils mirent le siège tout autour. A Sens , en ce temps mourut maistre Eustache de Laistre qui estoit chancelier de France.

Quand le Dauphin et son conseil sceurent les alliances qui estoient faites entre le roy Henry et le duc Philippe , et avec ce qu'ils virent qu'ils avoient le roy Charles vers eux, et pour eux, ils furent ainsi que tout esbahis, et bien s'apperceurent qu'ils né pouvoient fors que garder leurs places, pour ce mirentils grande peine à les garder, par especial celles qui

33o MEMOIRES

estoient tenables, et très-fort les pourveurent de gens de mise.

Lors que le roy Charles , le roy Henry, et le duc Philippe eurent mis le siège autour de Montereau , comme dit est, ils y furent bien quinze jours : ils estoient logez droit sur les fossez de la ville. Or advint que le jour sainct Jean Baptiste les Anglois et Bourguignons commencèrent à l'assaillir, lesquels tant firent qu'elle fut emportée d'assaut, et y furent pris onze gentils-hommes, et si y en eut environ autant de morts, sans ceux qui se noyèrent en taschans de se retirer, et sauver dedans le chasteau. Quand cette ville eut este' prise de la sorte, les gens du duc Philippe s'en allèrent droit à la tombe ou le duc Jean de Bourgongne estoit enterré, sçavoir dans le cymetiere de la ville : ils y allumèrent des cierges tout autour, puis mirent un drap de monstier mortuaire sur icelle tombe : après on manda des prestres pour dire vigiles là auprès : puis après que tout eut esté appaisé dans icelle ville, et que les Dauphinois furent retirez dedans le chasteau, les Anglois se logèrent devant leur pont, et par toute cette ville. Alors on déterra le corps dudit duc Jean , lequel estoit enterré à tout son pourpoint et ses houseaux , et moult estoit encor entier, et peu endommagé de pourriture, et si y avoit six à sept mois qu'il y estoit mis, dequoy plusieurs gens furent fort émerveillez; car pour vray il estoit encor presque tout entier. Là y eut grand dueil fait par les gens du duc Jean, quand ils virent leur seigneur defunct, et y fut leur dueil tout renouvelle. Aussi-tost il fut mis dans un cercueil de plomb ; puis fut porté à Dijon en Bourgongne, où il fut enterré :

mais on luy fit auparavant un service solemnel dedans l'église de Montereau, où le duc Philippe son fils se trouva fort notablement accompagné, ainsi qu'on peut voir, et moult fut le dueil d'iceluy duc Philippe renouvelle, quand il vid la bière du duc Jean son père.

Apres toutes ces besongnes , le roy Henry fit sommer le seigneur de Guitery, qui estoit capitaine du chasteau de Montereau, qu'il le rendist, ou qu'il feroit mourir ses gens qui avoient esté pris en la ville. Mesme ce Roy envoya les onze gentils-hommes que ses gens avoient pris prisonniers lors que la ville fut emportée, parler au seigneur de Guitery sur le bord des fossez du chasteau, mais ils estoient cependant bien tenus : et là piteusement firent requeste audit seigneur de Guitery leur capitaine , à ce qu'il voulust rendre le chasteau, pour estre cause de leur sauver les vies, luy remonstrans, que bien l'avoient servy, et aussi qu'ils voyoient bien que longuement ils ne pouvoient durer et tenir contre telle puissance. Mais pour toute requeste qu'ils firent, ledit seigneur de Guitery n'en voulut rien faire. Quand ces prisonniers ouvrent la response, ils en furent bien esbahis, et virent bien qu'ils estoient morts. Aucuns requirent là dessus de voir auparavant leurs femmes, et amis qui là estoient, sur quoy on les leur fut quérir. Là y eut de piteux regrets au prendre congé, puis on les ramena. Le lendemain le roy Henry fit dresser un gibet devant ce chasteau , là où il les fit pendre tous l'un après l'autre, dont fut iceluy seigneur de Guitery fort blasmé : car il laissa pendre ses gens pour ce subjet, et si il ne laissa de rendre cette forteresse au bout de quinze

jours seulement après , et s'en alla sauf son corps et ses biens. On vouloit accuser ce seigneur de Guitery qu'il avoit esté consentant de la mort du duc Jean ; et de ce le vouloit combatre un gentil-homme nommé Guillaume de Bière, mais enfin rien n'en fut, et s'en alla ledit seigneur de Guitery avec ses gens, et rendit ainsi ce chasteau de Montereau au roy Henry, lequel y laissa de ses gens en garnison. Devant cette place fut tué messire Butor de Croy frère bastard du sei-^ gneur de Croy qui estoit un vaillant chevalier, lequel fut frappé d'un coup de vireton parmy le col lors de la prise. Aussi ledit roy Henry pendant ce siège fit prendre un sien valet de pied, pource qu'il avoit tué un de ses chevaliers, par aucun débat arrivé de nuict entre eux, lequel valet de pied fut pendu avec les sus^ dits Dauphinois.

Après que le roy Henry eut ainsi eu l'obéissance de Montereau, et qu'il l'eut garny de ses gens, il prit sa route vers Melun, et se logea à deux lieues prés de cette ville : le duc Philippe se campa à pareille distance, dans une forteresse nommée Blandy. Le len^ demain lesdits Roy et duc , allèrent à grande compagnie considérer icelle ville, et comment ils assoye-* r oient leur siège. Après qu'ils eurent bien advisé pendant deux jours, ce qu'ils avoient à faire, ils délogèrent, et alla le duc avec le comte de Hontinton loger devant la ville, du costé devers Meaux en Brie. Quant au roy Henry il s'en alla à Corbeil passer la Seine, puis il vint planter son siège de l'autre costé ; par ainsi fut mis le siège tout autour de Melun. Dés le premier jour que le duc Philippe eut posé son siège, les Dauphinois saillirent sur son camp, et ga-'

gnerent Pestendart d'un capitaine nommé Jean de Guigny, lequel ils emportèrent dedans la ville, mais ils furent assez tost recongnez dedans. Environ huict jours après que ce duc eut assis son siège devant icelle ville , ses gens assaillirent un boulevart qui estoit de son costéj et tant firent qu'ils le prirent d'assaut : mais il y eut beaucoup de ses gens blessez et tuez pour le garder, tant que le siège dura, entre autres y mourut un vaillant homme d'armes nommé Aimar de Vianne; aussi y fut-il tué un capitaine des Anglois nommé messire Philippe Lys , dont le duc fut tres-marry, d'autant qu'il l'aymoit beaucoup, pour la prudence qui estoit en luy. Le roy Henry fit enclorre son ost tout autour de grands et larges fossez, et n'y avoit que quatre entrées, où y avoit bonnes barrières, qu'on gardoit la nuict, parquoy l'on ne pouvoit surprendre ce camp. Ce siège fut puissamment formé, et y fut le roy Charles grand espace de temps devant sur la fin : partant il y avoit grande puissance, car l'armée du roy Charles y estoit avec celles du roy Henry et du duc Philippe. Ce siège dura dix-huicf. semaines entières. Avec ledit roy Henry estoit la Pieyne sa femme qui estoit logée dedans ses tentes. Il y avoit devant Melun quantité de grands engins et instrumens de guerre, parquoy cette ville fut fortbattue.

Or avoit ce roy Henry fait faire une mine dessous les< fossez de Melun, qui passoit jusques aux murs de laville : mais les assiégez s'en apperceurent , et contreminerent alencontre, tant qu'elle fut percée. Il y eut en suite de grands assauts donnez dedans par plusieurs fois, et y combatit mesme le roy Henry et le

334 Mémoires

duc Philippe, eux-deux ensemble et conjointement contre deux Dauphinois : plusieurs chevaliers furent faits aux combats donnez dedans icelle mine , entre autres y furent faits chevaliers messire Jean de Horne (0, le seigneur de Mammés (2), avec plusieurs autres. D'autre part, dedans Melun y avoit de bien vaillantes gens, desquels estoit le principal capitaine le seigneur de Barbazan (3), un très -vaillant chevalier, qui très-bien s'y gouverna. Avec luy estoit messire Pierre de Bourbon (4), ausquels le Dauphin et son conseil avoient juré et promis de les secourir, s'ils en avoient mestier et besoin ; pource tinrent-ils tant que vivres leur durèrent, et mangèrent leurs chevaux par force de famine, comme aussi des chiens. Apres que ce siège eut duré dix-huict semaines, comme dit est, les vivres faillirent en la \ille, par ce fallut-il que Barbazan la rendist au roy Henry, et se mit en sa volonté, avec tous les autres assiégez, lesquels furent menez prisonniers à Paris , ledit Barbezan fut mis dans la Bastille Sainct Antoine, où il fut long-temps prisonnier , et luy vouloit-on bailler charge qu'il sçavoit quelque chose de la trahison qui avoit esté faite au duc Jean : mais enfin il en fut trouvé non coupable , et pour ce fut seulement détenu prisonnier sans estre mis à mort ; depuis il fut mené par les Anglois au Chasteau-Gaillart. Pendant qu'icelle ville de Melun fut en traité, il y eut un gentil-homme du roy Henry nommé Bertrand de Camont, lequel sauva un prisonnier hors de la ville , après la défense faite

(0 Jean de Horne, sieur de Bassigny. — 00 Robert, sieur de Mamniez. — (3) Arnaud Guillen, sieur de Barbazan. ■— ffi Pierre de Bourbon , sieur de Preau.

par ce Roy, qui pour cette cause luy fit trancher la teste, nonobstant qu'il l'aimast bien : mais il vouloit que ses commandemens fussent tenus, et ne peut estre sauvé pour aucune prière des seigneurs. En cette mesme semaine le seigneur de Lisle-Adam estoit revenu de Sens en Bourgongne, où il avoit tenu garnison , et vint devant Melun devers le duc Philippe, puis il alla devers le roy Henry pour aucune affaire qu'il avoit : il estoit alors mareschal de Fiance. Or quand il vint vers ce roy Henry, il avoit lors vestu une robbe de blanc gris : âpres que ce Roy l'eut salué et parlé à luy, il luy demanda; «Lisle-Adam, est-ce là la robbe de « mareschal de France? » Et le seigneur de Lisle-Adam respondit, « Très cher Seigneur, je l'ay fait pour venir « depuis Sens jusques icy. » Et en parlant il regardoit ce roy Henry lors assis dans sa chaire. A donc ledit Roy luy dit : « Comment osez-vous ainsi regarder un « prince au visage? » Et le seigneur de Lisle-Adam repartit : « Tres-redouté Seigneur, c'est la guise de « France, et si aucun n'ose regarder celuy à qui il « parle, on le tient pour mauvais homme, et traistre, « et pour Dieu ne vous en desplaise. » A quoy ledit Roy respondit, « ce n'est pas nostre guise. »

Depuis monstra bien ce Roy qu'il ne l'aymoit point : car il le fit arrester prisonnier à Paris , et mettre en prison en intention que jamais il n'en sortiroit ; ce qui ne se fit du vivant d'iceluy roy Henry, lequel outre ce i'auroit fait mourir, si ce n'eust esté la prière du duc Philippe de Bourgongne, lequel le requit fort, spécialement qu'il ne mourust point. Devant Melun il survint une contention entre messire Hue de Lannoy, et un huissier d'armes nommé grand Jean , et dit

messire Hue aucunes paroles audit grand Jean, dont il dit qu'il se plaindroit au duc Philippe. Et une autre fois , présent iceluy messire Hue de Lannoy > ledit grand Jean se plaignit au duc de l'injure que Hue luy avoit dit : sur quoy Hue qui estoit arme', et avoit ses gantelets mis en ses mains, présent iceluy duc Philippe, s'avança en disant ; « Tu es un très-mauvais « garçon, » et en ce disant frappa grand Jean de son gantelet parmy le visage , estant à genoux devant le duc. Dequoy fut le duc Philippe tres-malcontent > et en sceut fort mauvais gré à Hue de Lannoy, qui en fut aussi fort blasmé de toutes gens : mais enfin le duc luy pardonna , à la prière des seigneurs de son hostel, qui l'en requirent plusieurs fois : sur quoy ce duc protesta , que si jamais tel outrage estoit fait en présence de sa personne, il puniroit ceux qui le feroient. Durant encor ce siège Atis de Biimeu, qui estoit principal gouverneur du duc Philippe mourut à Paris de maladie qui luy prit au camp, dont ce duc fut grandement marry, car il estoit sage, courtois, et aimé de toutes gens.

Après toutes ces choses ainsi faites , et que Melun fut réduit en l'obéissance du roy Henry d'Angleterre, il la fit bien garnir de gens, et de vivres, et en gênerai de tout ce qu'il y fallut : puis il s'en vint à Paris., où il amena le roy Charles de France avec luy, comme aussi le duc de Bourgongne. Quand ils furent arrivez à Paris ('), il y eut de grands appointemens faits, et

(0 Arrivez à Paris : Leur entrée fut magnifique. Voici ce qu'en dit le Journal de Paris ( pag. 7 3 ).

« Toute la grande rue Saint-Denis, par où ils entrèrent, depuis la <c seconde porte, jusqu'à Nostre-Dame de Paris, estoit encouriinée;

s'y fît renouveller ce Roy tous les sermens des seigneurs de France : outre ce fut-il appointé et résolu que jamais le Dauphin ne possederoit rien du royaume de France, et le fit-on appeller à la table de marbre ; mais il n'avoit garde d'y venir. Lors fut fait à Paris quantité de nouveaux offices , tous de par ce roy Henry, comme ayant le gouvernement du royaume : mesme de là en avant on commença à déposer petit à petit les gens du duc Philippe des offices de France, entre autres le seigneur de Humbercour qui estoit baillif d'Amiens, fut déposé, comme aussi le seigneur de Lisle-Adam et plusieurs autres : et fit le roy Henry baillif d'Amiens un advocat nommé maistre Robert le Jonne, lequel fut un rude justicier tant que le roy Henry vesquit; car tres-opiniastrement et avec passion soustenoit la querelle des Anglois, et le roy Henry pour ce l'aimoit grandement, aussi faisoient les autres seigneurs d'Angleterre qui demeuroient en France.

Après ces appointemens faits à Paris, le duc Philippe retourna en Flandre et Artois vers la duchesse Michelle sa femme, et là se tint grand espace de temps. Messire Jean de Luxembourg s'en alla à Beaurevoir, et fournit ses forteresses pour tenir frontière vere le comté de Guise en Terrasse.

« et parée moult noblement; et la plus grant partie des gens de Paris « qui avoient puissance , furent \estus de rouge couleur; et fut faite « en la rue de Calende, de devant le Palais, un moult piteux mystère « de la passion N. S. au vif, selon que elle est figurée autour du cueur « de Notre Dame. » Cependant la plus horrible famine régnoit : les propriétaires étoient ruinés : « On n'avoit, dit le Journal de Paris, « ne pain, ne blé, ne bûche, ne charbon; et si estoit le pauvre peu- « pie tant oppressé des guets qu'il falloit faire de nuyt et de jour, « qu'ils ne scayoient eux aider, ne à autruy. »

Environ un mois après ledit roy Henry assit diverses garnisons tout sur la rivière de Seine, puis il mit de ses gens dedans la Bastille Sainct Antoine, et à Paris laissa son oncle le duc de Clocestre, pour entretenir et gouverner les habitans d'icelle ville : d'autre part il envoya le duc de Clarence son frère en la basse Normandie, pour y mener guerre; puis il se mit en chemin pour aller vers Calais : de Paris il vint à Amiens, la Reyne sa femme avec luy. Il fut fort festoyé en icelle ville d'Amiens par le susdit maistre Robert le Jonne, lequel il avoit fait baillif de cette ville, puis il deslogea d'Amiens, et s'en alla au giste à Dourlens, et de là à Sainct Paul, puis il tira droit chemin à Calais, et delà passa en Angleterre, où il fut hautement festoyé', et la Reyne sa femme avec luy : pour lors esloit ladite reyne Catherine enceinte, laquelle enfanla assez- tost après un fils qui eut nom Henry, comme son père.

Quand iceluy roy Henry passa à Amiens et à Sainct Paul, le roy d'Escosse estoit avec luy, qui estoit lors son prisonnier. Apre's que ce roy Henry fut repassé en Angleterre, et qu'il eut mis dans le pays de France en plusieurs lieux ses gens, qui menoient forte guerre aux Dauphinois, il y eut plusieurs seigneurs de Fiance, qui furent courroucez de l'alliance que le duc Philippe de Bourgongne avoit pris si estroite avec ledit roy Henry d'Angleterre : mesme il y en eut plusieurs qui auparavant avoient tenu son party et du duc Jean son père contre le Dauphin , lesquels se tournèrent contre luy : entre lesquels messire Jacques de Harecour fut l'un des principaux, qui se tourna de la sorte, et de plus attira plusieurs seigneurs avec luy» dans la

résolution de mener guerre contre ce duc Philippe; combien qu'auparavant il avoit esté de son conseil, et bien son amy : mais parce que le roy Henry detenoit les terres du comté de Tancarville, qui appartenoient à la femme dudit messire Jacques, et qu'il ne luy voulut rendre , il se rangea ainsi du party du Dauphin, outre qu'il se fioit fort au chasteau de Crotoy, dont il estoit capitaine. Avec Jacques de Harecour se tournèrent aussi le seigneur de Piambure, messire LouysBournel, Louys de Wancour, Robert de Saveuse, les enfans de Herselaine, avec quantité d'autres, de Vimeu, de Ponthieu, et d'ailleurs ; lesquels faisoient forte guerre aux Angloispar mer et par terre, comme encor aux gens du duc Philippe de Bourgongne. Le roy d'Angleterre avoit laissé en France le duc de Clarence son frère, qui estoit un beau prince, et avec ce estoit renommé d'esîre vaillant. Il estoit lieutenant dudit Roy son frère pour la guerre , et avoit tres-noble compagnie d'Anglois à sa suite, avec lesquels il estoit allé en la basse Normandie , en tirant vers Bauge. Or advint que les Dauphinois sceurent sa venue ; pource ils s'assemblèrent le plus qu'ils se peurent trouver ensemble , pour résister à l'encontre d'iceux Anglois : ce duc de Clarence sceut l'assemblée des Dauphinois pareillement. Or il y avoit une rivière entre les deux armées qui estoit fort dangereuse à passer, laquelle ce duc s'efforça de passer, et en effet la passa des premiers à tout environ trois à quatre cens hommes des plus lestes de ses troupes ; dont le reste ne peut si-tost passer, que les Dauphinois, qui voyans bien leur pointe , et qu'il y faisoit bon pour eux, vinrent frapper sur les Anglois. Là y eut rude

3/jO MEMOIRES

bataille d'un costé et d'autre , mais les Dauphinois estoient sans comparaison plus que les Anglois : finalement le meschef tourna sur iceluy duc qui fut tué sur la place y et avec luy le comte de Quin , le seigneur de Ros maresclial d'Angleterre , et plusieurs autres grands seigneurs : de plus y fut pris le comte de Hontiton. Grande perte y firent les Anglois de leurs capitaines , mais enfin les Dauphinois furent soustenus par les Anglois , qui y regangnerent le corps dudit duc de Clarence, et des autres seigneurs de leur party morts en ce combat, dont ils firent grand dueil, pour la perte de leurs seigneurs qui là avoient esté tuez, car la fleur de la seigneurie et noblesse d'Angleterre y demeura cette journée.

Quand nouvelles eurent esté apportées au roy Henry d'Angleterre de son frère , qui ainsi avoit esté tué par les Dauphinois avec plusieurs autres princes, il en fut grandement attristé, et publia derechef en Angleterre grand mandement de gens, pour repasser en France , où il retourna environ la sainct Jean Baptiste de l'an i42I> à tout grande puissance, et vint descendre à Calais : de là il chevaucha à Montreul , puis à Sainct Riquier. Lors estoit le chasteau de la Fietre es mains des Dauphinois , et Tavoit messire Jacques de Harecour garny de ses gens , dont estoit capitaine de par luy le bastard de Belloy, lequel se rendit au roy Henry, et y fut mis Nicaise de Bouliers de par le duc Philippe de Bourgongne. Après ce Roy s'achemina à Abbeville, de là à Rouen , puis à Vernon , au pays du Perche , et alloit en intention de combatre le Dauphin, lequel avoit nombre de gens vers Chartres, mais il ne s'approcha point.

Le seigneur de Lisle-Adam fut en ce temps arreslé prisonnier à Paris : ce fut le duc d'Excesti e qui le fit prendre de par le roy d'Angleterre , dont le commun de Paris fut fort esmeu , et s'assemblèrent bien mille ou douze cens pour le recourre; mais ledit ducd'Excestre avoit environ six vingts combatans , avec lesquels il vint frapper sur eux, en leur commandant de par le roy Henry qu'ils se retirassent, et leur promettant qu'on feroit justice audit seigneur de Lisle- Adam. Il y en eut en cette occasion plusieurs de blessez : mais enfin le seigneur de Lisle-Adam fut mené prisonnier en la bastille Sainct Antoine, là où il fut détenu tant que le roy Henry vesquit. Ce duc d'Excestre se gouverna bien adroitement en cette besongne dedans Paris contre le commun. Aucuns disoient là dessus , quiceluy seigneur de Lisle-Adarn avoit parlé contre l'honneur du roy Henry, lequel pour ce l'avoit pris en grande haine, et avoit intention de le faire ou laisser mourir en prison.

Quand ce roy Henry passa par Abbeville , le seigneur de Cohen y fut commis et laissé capitaine. Or assez-tost après que ledit Roy fut arrivé vers Vernon , et qu'il passa outre pour aller combatre le Dauphin, il le fit sçavoir au duc Philippe de Bourgongne, lequel assembla ce qu'il pouvoit avoir de gens, et chevaucha droit à Amiens, de là à Beau vais : en après il se logea dans un grand village nommé Magny, puis en personne il alla promptement vers le roy Henry, dans l'espérance d'une bataille : mais quand il fut arrivé les nouvelles leur vinrent, que le Dauphin et ses gens s'estoient retirez devers Tours. Quand le roy Henry eut nouvelles qu'il ne seroit

point combatu , il fît retirer le duc Philippe pour garder ses pays, lequel duc s'en alla à Beauvais : de là il fut droit loger à Croissy, où estant il ouït nouvelle que le seigneur d'Offemont et Poton de Saintraille avoient pris la ville de Sainct Riquier, par le conseil de messire Jacques de Harecour, et qu'ils luy gastoient tout son pays. En ce voyage leVidame d'Amiens eut une jambe rompue d'un cheval , qui le jetta à bas, en chassant après un renard, duquel accident il fut depuis si long-temps incommode', qu'il ne se pouvoit armer. Apres que le duc fut venu loger à Croissy, comme dit est, et qu'il sceut les nouvelles que Sainct Riquier estoit pris , il assembla son conseil, pour sçavoir comment il pourroit faire là-dessus : lors sa conclusion fut , qu'il envoyeroit Jean de Luxembourg au pays , pour sçavoir s'il pourroit rien trouver sur ses ennemis. Cependant ledit duc s'en alla à Amiens, pour y requérir les habitans, qu'ils luy fissent aide d'arbalestriers , afin d'assiéger Sainct Riquier: puis il s'advançatant, qu'il vint loger à Concij d'autre part Jean de Luxembourg alla passer à Piquigni, d'où il s'en vint loger à Dommart en Ponthieu, distant de deux à trois lieues de Sainct Riquier.

Apres que messire Jean eut logé là une nuict , il s'alla mettre en embusche en un village, au-dessus de Sainct Riquier, à tout bien cinq cens combatans : puis il envoya ses coureurs devant icelle ville, pour en obliger à sortir les Dauphinois , mais ils ne saillirent point. Quand Jean de Luxembourg vit cela, il se retira à Dommart , et le lendemain à Aussy devers le duc de Bourgongne, lequel manda archers et arbalestriers par toutes les bonnes villes qu'il tenoit, et les

UË PIERRE DE FEJVIJY. 34-J

mena avec luy devant le Pont-de-Remy, lequel Louys de Wancour avoit mis es mains de messire Jacques de Harecour , qui y avoit mis garnison , laquelle grevoit fort les villes d'Amiens et d'Abbeville. Quand ce duc fut arrivé devant le Pont-de-Remy, ils se logea d'abord dans la ville , et ses gens se logèrent devant ledit pont. Adonc ceux de l'isle dudit Pont-de-Remy tirèrent deux ou trois fusées sur les maisons de la ville, qui estoient couvertes d'esteule (0, et s'y prit le feu assez-tost, parquoy la ville fut toute aise et désolée. Devant iceluy Pont-de-Remy le duc demeura cinq ou six jours : puis ceux d'Amiens y vinrent à tout cinq ou six grands bateaux chargez de plusieurs arbaïestriers. Quand ceux de ladite isle sceurent leur venue, ils s'enfuyrent, et abandonnèrent cette isle avec le chasteau, d'où ils emportèrent les biens, qui estoient dedans , sur quoy prestement on passa l'eau par le moyen d'un bateau, et entra-on dedans, où l'on prit ce qu'on y trouva, puis après on mit le feu par tout : aussi fit le duc désoler l'isle et le chasteau d'Eaucour, et de Moreuil , dont la ruine fut faite tout en un jour. Après cet exploit, le duc Philippe vint loger à Abbeville à tout ses gens, où il demeura trois jours, puis il alla mettre le siège devant Sainct Riquier, et se logea premièrement devant le chasteau de la Fietre, que les Dauphinois avoient bruslé, lors que ce duc passa pour aller au susdit Pont-de-Remy , et l'avoit Nicaise de Bouflers rendu aux Dauphinois , auquel on l'avoit baillé en garde , quand le 1 oy Henry passa audit Sainct Riquier ; devant laquelle ville le duc em-

C1) Esteule, ou estouble, c'est le tuyau de bled appelé vulgairement du chaume.

ploya tout le mois d'aoust, et n'y estoit le siège posé que par deux endroits, parquoy les Dauphinois en sailloient quand il leur plaisoit : vray est, que dans cette place estoient le seigneur d'Oflemont, Poton de Saintraille, et plusieurs autres vaillans hommes d'armes et de guerre, qui faisoient bien six cens combatans. Or pendant que le siège fut devant ladite place du Pont-de-Remy , il y eut attine'es ou lettres de deffy faites de six Dauphinois contre six Bourguignons , pour rompre chacun trois lances l'un contre l'autre : et fut le jour pris de les fournir au dessus de Sainct lliquier, là où alla Jean de Luxembourg à tout six cens hommes d'armes, tous gens d'élite : le seigneur d'Oflemont vint semblablement au devant à tout ses gens au dessus dudit Sainct Riquier devers le Pont-de- Remy. Ils s'entre-avoient baillé sauf-conduit l'un à l'autre pour eux et leurs gens. Quand Jean de Luxembourg et le seigneur d'Oflemont se furent assemblez y ils s'en trefîrent grande révérence l'un à l'autre , et après firent armer ceux qui dévoient faire leurs armes. De la partie dudit Jean de Luxembourg estoient messire Lionnel de Rournonville , le bastard de Roubais, Henriet l'Alleman, un nommé de Rocour * et deux autres avec eux. Or lors qu'ils fuient prests à employer leurs armes l'un contre l'autre, ledit de R.ocour eut son cheval tué soubs luy, d'un coup porté par un Dauphinois : pareil accident advint au susdit Henriet l'Alleman , dont iceluy messire Jean fut mal content , et cuidoit que les Dauphinois tuassent leurs chevaux , de fait advisé , et à dessein prémédité. Là y eut de beaux coups portez, et quantité de lances rompues de chacun costé, sans qu'il y eut aucun

homme blessé de part ny d'autre : et parce que le vespre survint , il y en eut de chacune partie deux qui ne peurent s'acquiter de ce qu'ils avoient entrepris. Après cela Jean de Luxembourg s'en alla au Pontde-Remy devers le duc Philippe, et le seigneur d'Offemont retourna dedans Sainct Riquier , de laquelle place les Dauphinois faisoient de fréquentes sorties sur les gens d'iceluy duc , dont ils prenoient plusieurs prisonniers , qu'ils menoient dedans leur ville : entre autres y fut pris messire Edmond de Bomberc(0 , lequel fut tenu si long-temps prisonnier, qu'il mourut en prison , et si y fut pris messire Jean de Crevecœur, avec plusieurs autres. Un peu avant que ledit siège fut forme' devant Sainct Riquier , les Dauphinois allèrent courir au nombre d'environ trois cens combatans jusques à la rivière de Canche, et assaillirent le monstier de Conclu sur Canche , où les gens de cette ville s'estoient retirez , et tant firent iceux Dauphinois, qu'ils mirent le feu à ce monstier, où ils bruslerent plusieurs d'icelle ville, et les autres emmenèrent prisonniers à Sainct Riquier. Alors encor estoit le chasteau de Dourier plein de Dauphinois , qui estoient commandez par Poton de Saintraille, et faisoient assez de peine aux environs de Montreuil, et vers Hedin. Après que le duc Philippe eut esté occupé environ un mois devant la ville de Sainct Riquier, et qu'il vid que les assiégez n'avoient aucune volonté de se rendre , et avec ce qu'ils n'estoient bloquez que de deux costez, et pouvoient de jour en jour recevoir secours des gens de Jacques de Harecour, il ouït nouvelles , que par le soin dudit Jacques de Harecour

(0 Aimard de Bouber , ou Boubart.

les Dauphinois s'assembloient pour le venir combatre. Or ayant sceu véritablement que ses ennemis venoient pour luy faire lever son siège : il prit conseil de ses barons, comment il pourroit faire là-dessus, la conclusion fut d'aller au devant d'eux outre la rivière de Somme. Adonc il envoya Philippe de Saveuse , et le seigneur de Crevecœur à tout deux cens combatans, pour charger sur les Dauphinois : à ce sujet ils allèrent passer à Àbbeville, où ils arrivèrent eriviron à jour failly , ils y séjournèrent jusques au poinct du jour qu'ils montèrent à cheval, et chevauchèrent en tirant vers Araine. Quand ils furent à deux lieuè's outre Abbeville, il commençoit à estre un peu soleil levant : lors Philippe de Saveuse envoya une douzaine de coureurs au devant , lesquels estoient conduits par le Bègue de Gronche's. A peine ces coureurs se furent-ils advancez l'espace d'environ trois ou quatre traicts d'arc, qu'ils apperceurent les Dauphinois qui venoyent en grande ordonnance, pour gagner la Blanque-taque. Adonc ces coureurs se retirèrent devers leurs capitaines, mais auparavant ils prirent deux archers Dauphinois , desquels on apprit au vray qu'ils alloient combatre le duc Philippe. Sur quoy Philippe de Saveuse , et ledit seigneur de Crevecœur envoyèrent hastivement ces deux archers vers le duc Philippe, auquel ils firent sçavoir, que ses ennemis le venoient combatre , et qu'il se hastast de passer Abbeville , pour estre au devant d'eux. Quand ce duc entendit les nouvelles , que ses chevaucheurs luy rapportoient, sçavoir qu'il deslogeast promptement d' Abbeville , et se mist aux champs à. tout sa puissance, parce que les Dauphinois chevauchoient fort, pour passer à la

Blanque-taque, et que tousjours les talonnoit de prés Pliilippes de Saveuse avec le seigneur de Crevecœur, tant que les Dauphinois estoient ja assez prés de la Blanque-taque , où ils chevauchoient pour passer l'eau , en allant vers Noyelle sur la mer : ledit duc en grande ordonnance les poursuivit tant que les deux batailles pouvoient s'entre-voir Tune l'autre.

Alors que les Dauphinois apperceui ent la bataille du duc Philippe, ils retournèrent aux plains champs , puis vinrent brusquement pour le combatre ; et à ce subjet se mirent en bataille. Le duc Philippe se hastoit fort de les atteindre ; et tant s'advança qu'ils se trouvèrent à deux traits d'arc l'un prés de l'autre. Là y eut grandes ordonnances faites de chacun costé, et y fut ledit duc Philippe fait chevalier par messire Jean de Luxembourg : puis le mesme duc Philippe fit chevalier Philippe de Saveuse, et plusieurs autres. Aussi y en eut il de faits de la part des Dauphinois, qui firent chevaliers Rigaut de Fontaines, messire Gilles de Gamaches , et autres. Après ces choses ainsi faites , ce duc ordonna environ deux cens combatans sur une aisle, pour frapper sur les Dauphinois par un costé, et les menoit messire Mauroy de Sainct Léger, et le bastard de Coucy. Tost après les deux batailles s'assemblèrent tous à cheval l'une contre l'autre , et vinrent les Dauphinois charger rudement sur les gens du duc Philippe : là y eut fréquente rupture de lances à l'assembler, et fiere attaque d'un costé et d'autre. Le duc se comporta vaillamment de sa personne en icelle journée , tellement que par le dire des Dauphinois , il n'y en eut aucun de sa compagnie qui plus les grevast, quil fit de sa propre main. Jean de Luxem-

bourg s'y conduisit aussi généreusement , mais il fut porté à bas de son cheval , et emmené prisonnier par aucuns des Dauphinois , bien la longueur d'un traict d'arbalestre , monté sur un petit cheval, et depuis il fut rescous par ses gens : il avoit receu un coup d'espée au travers le nés , dont il eut le visage fort deffait et défiguré; neantmoins depuis qu'il eut esté délivré, il rallia plusieurs de ses gens.

Quand se vint au choq des deux batailles, il y eut bien les deux parts des gens du duc qui tournèrent le dos, et se mirent à fuir vers Abbeville : mesme il y avoit jusques à des chevaliers et escuyers de Picardie , Flandre et Artois , qui d'ailleurs estoient reputez d'estre assez vaillans , lesquels toutefois faillirent en ce jour, dont ils furent depuis fort blasmez par leur prince, qui estoit présent en la place. Ils s'en voulurent excuser, à cause que celuy qui portoit la bannière de leur duc s'enfuyoit, et qu'aussi le Roy de Flandre-Heraud leur certifioit, que pour vray le duc Philippe estoit pris ou mort, parquoy ils en estoient tous esbahis et consternez. Est vray que ladite bannière du duc estoit par promptitude demeurée en la main d'un valet qui la portoit, parce que la chose avoit esté si précipitée et hastée, qu'on n'avoit eu le temps de la bailler et confier à aucun gentil-homme de service. Or ledit valet la laissa cheoir à terre, pour la peur qu'il avoit qu'elle ne fust perdue ; et depuis elle fut ramassée et recueillie par un gentilhomme nommé Jean de Rosinibos, lequel la porta long espace de temps , et se rallièrent autour d'icelle bannière plusieurs gentils-hommes : mais nonobstant cela, ils s'enfuirent comme il vient d'estre dit,, jusques

à Abbeville , où ils cuiderent entier et se mettre à sauvete', mais ceux d'icelle ville ne les voulurent admettre ny recevoir , bien qu'en leur compagnie fust le seigneur de Cohen qui en estoit capitaine et gouverneur , lequel les pria assez qu'ils les receussent dedans , mais ils n'en voulurent rien faire : sur quoy on pouvoit supposer que si le duc eust perdu cette journée, ils se fussent rendus Dauphinois.

Quand ceux qui s'enfuyoient ainsi virent que ceux d'Abbeville leur refusoient les portes, ils s'en allèrent droit à Piquigny, où ils passèrent la Somme. Du depuis le duc leur sceut très-mauvais gré de cette fuite, quand il l'apprit; comme aussi Jean de Luxembourg, et plusieurs autres seigneurs, et par long-temps après on les sui nommoit par risée les chevaliers de Piquigny. Pour ce qui est dudit seigneur de Cohen , il estoit tres-vaillant homme de guerre , et fut excusé en cette besongne, sur ce qu'il avoit esté blessé dedans Abbeville, en faisant le sourd-guet à cheval de nuict, accompagné de huict ou dix hommes , sur lesquels se ruèrent quatre compagnons au coin d'une rué, lesquels frappèrent sur ledit sieur de Cohen et ses gens , lequel de Cohen fut griefvement blessé en ce rencontre , et outre ce y fut tué un homme de conseil nommé maistre Jean de Queux , lequel estoit monté sur un fort cheval , qui depuis qu'il eut eu un coup à la teste, courut à toute bride, à tout son homme dessus luy, tant qu'il rencontra une chaisne de fer tendue, où par la grande roideur de sa course il abbatit le soustien ou pillier du milieu où cette chaisne tenoit , ce qui fit cheoir ledit maistre Jean, duquel coup il mourut depuis.

Ceux qui avoient fait cette noire action estoient des habitans de la ville, qui s'enfuirent aussi-tost par le moyen de leurs amis hors d'Abbeville , et s'en allèrent à refuge au Crotoy, vers messire Jacques de Harecour ; mais quelque temps après ils furent enfin attrappez et suppliciez. Ledit de Cohen apre's ce fascheux rencontre s'en retourna en son hostel : pour lors on ne peut sçavoir ni descouvrir au vray d'où cet assassinat provenoit, car la ville se trouvoit fort divisée et partagée par les menées de Jacques de Harecour, lequel y en avoit rencontré et attiré plusieurs à son party. Apres que le duc et les Dauphinois eurent long-temps combatu par ensemble , il y eut forte meslée d'un costé et d'autre. Avec iceluy duc estoient demeurez seulement environ cinq cens combatans , lesquels firent merveilles , tant qu'ils mirent les Dauphinois en desroute, lesquels commencèrent à se retirer vers Sainct Walery, qui estoit de leur party; les gens du duc les pressèrent fort vertement, et en tuèrent sur la place bien sept à huict vingts, sans ceux qui fuient pris, au nombre d'environ quatre-vingts. Là entre -autres moururent messire Charles de Sainct Saulieu, le baron d'Ivry (0, Gallehaut deHarsy, avec plusieurs autres gentils-hommes de marque. Messire Rigaut de Fontaine y demeura prisonnier , comme aussi le seigneur de Confîans , Gilles de Gamaches, Louys Bournel, Poton de Saintraille , le marquis de Serre , et plusieurs autres : jusques au nombre dessus dit : David de Brimeu (2) fit lesdits marquis de Serre et Louys Bournel prisonniers de sa main.

(«) Pierre cTArgency, baron d'Ivry. — '» Bonneu.

Ge jour le duc s'y monstra très - vaillant , chassant avec le seigneur de Longueval ses ennemis si avant, qu'un long -temps après la desconfiture on ne sçavoit où il estoit, ny ce qu'il estoit devenu, dequoy ses gens estoient en grand soucy : mais il revint enfin vers son estendart, après avoir pris de sa main deux hommes d'armes , lesquels depuis il relascha sans leur faire payer rançon. Tout estant achevé, on raconta au duc comment ses gens s'en estoient fuys du combat , ainsi qu'il a esté recité cy-dessus , et qu'ils l'avoient laschement abandonné , dont il fut tres-mal content ; et leur en sceut si mauvais gré , que fort long-temps après il n'en pouvoit oiiyr parler. Ce duc rentra en suite dans Abbeville à tout ce qu'il avoit de gens avecluy, et y fit emmener ses* prisonniers, ceux d'icelle ville luy firent grande et joyeuse réception; là il séjourna quatre jours.

La susdite journée arriva unsamedy dernier d'aoust. Ce duc partit après d'Abbeville pour aller à Hesdin, et passa par devant Sainct Riquier : lors Jean de Luxembourg se faisoit porter en une litière ou brancart, pource qu'il avoit esté blessé en icelle journée , ainsi qu'il a esté dit : le mesme faisoit le seigneur de Humbercour pour semblable cause. En ce combat le duc perdit des siens le seigneur de Vieuville son mareschal, avec le seigneur de Mailly gens de nom, et d'autres environ sept ou huict seulement. Le duc arriva donc à Hesdin, de là il vint à Lisle en Flandre, où il laissa ses prisonniers dedans le chasteau de cette ville ; puis s'en alla à Gand par devers la duchesse Michelle sa femme, laquelle luy fit grande feste et réception. Assez tost après il fut arresté un accord et

traicté entre ce duc et le seigneur d'Offemont , portant, « que ledit d'Offemont rendroit la ville Sainct « Riquier , avec aucuns prisonniers qu'il avoit , et « qu'aussi le duc feroit délivrer le seigneur de Con- « flans, Gilles de Gamaches, Poton de Saintraille et « Louys Bournel. » Après cela ledit seigneur d'Offemont s'en alla à Pierrefons, qui pour lors estoit en sa main.

En ce temps le chasteau de Dourier, qui estoit en la main de Poton de Saintraille, fut rendu à messire Jean Blondel qui en estoit seigneur. Et ne restèrent de forteresses tenans party contraire au duc , que Crotoy et Noyelle sur la mer, lesquelles estoient possédées par Jacques de Harecour, qui faisoit delà forte guerre au roy Henry et au duc Philippe.

On mit le seigneur de Cohen dans Rue en garnison, et le Borgne de Fosseux à Sainct Riquier, d'où ils s'opposoient à Jacques de Harecour ; parquoy le pays de Pontieu estoit fort grevé tant d'une partie que de l'autre : y ayant outre cela quantité de forteresses en Vimeu tenans le party du Dauphin , auquel ledit Jacques de Harecour les avoit attirées : entre-autres la ville de Gamache , le chasteau de Rambure, Louroy, les deux chasteaux d' Ai aine, et plusieurs autres.

L'an 1422, le roy Henry d'Angleterre tenoit siège devant la ville de Meaux en Brie, devant laquelle il y avoit grande puissance d'Anglois , et autres gens de guerre de France. Dedans Meaux estoient capitaines pourleDauphinlebastarddeVauru,etPierrondeLupe, lesquels estoient hommes de guerre , et avoient bonnes gens avec eux , qui bien et vaillamment défendirent la ville. Tandis que le susdit Roy estoit devers Meaux,

ceux de la ville crioient plusieurs vilerinies aux Anglois, entre-autres il y en eut qui poussèrent un asne jusques sur les murs de la ville > où ils le faisoient braire à force de coups qu'ils luy donnoient ; puis ils crioient aux Anglois, que c'estoit Henry leur Roy, et qu'ils le vinssent rescoure. De telles choses , et autres, se courouça forticeluy roy Henry contre eux, et leur en sceut mauvais gré , comme depuis il apparut : car il fallut que ceux qui avoient fait cette action luy fussent livrez , lesquels ce Roy fit pendre sans nul mercy. Pierre de Luxembourg comte de Conversan estoit pour ce temps prisonnier dedans Meaux: ilavoit esté pris en allant du siège de Melun à Brienne, ville qui luy appartenoit ; mais il fut tant traité par ledit Roy, qu'il fut finalement délivré.

Quand ce Roy eut demeuré bien cinq mois devant la ville et marché de Meaux, ceux de la ville tombèrent en dissension les uns contre les autres -, et pour ce subjet perdirent leur ville , que ledit Roy gagna, et se logea en suite luy et la plus grande partie de ses gens en icelle ; parquoy ledit marché fut fort approché et assiégé de tous costez par les Angloisi. Après que ce Roy eut gagné icelle ville, comme dit est , il emporta de suite une isle , qui est assez prés du marché, où il posa plusieurs de ses gens, et encor y fit asseoir quantité de grosses bombardes , dont les murailles d'iceluy marché furent toutes rasées : de sorte qu'il ne restoit plus à ceux de dedans qu'un petit devant pour se défendre contre les Anglois , mais leur Roy le fit assaillir ; l'assaut en dura bien sept ou huict heures continuellement, car les Dauphinois se défendirent tres-vaillamment, et tant com- 7. 23

bâtirent , qu'ils n'avoient plus aucunes lances dedans ce marché , sinon tres-peu , manque dequoy ils se servoient de hastiers de fer à faute de lances, et firent tant que pour cette fois ils chassèrent lesdits Anglois hors de leurs fossez.

Par plusieurs autres fois ce Roy fit recommencer grandes escarmouches contre les Dauphinois qui restoient dedans ledit marché; et tant le fit approcher et attaquer, qu'il estoit enfin en sa liberté de les prendre d'assaut, s'il eust voulu : mais il ne le fit pas, afin de les avoir mieux à sa volonté, et aussi pour en tirer plus grand profit. Ledit Roy employa en tout onze mois devant Meaux , et au onziesme ceux du marché (qui se voyoient en danger d'estre emportez d'assaut , comme il vient d'estre dit ) requirent de traiter avec luy : finalement il fallut qu'ils se rendissent à la volonté de ce Roy, sans aucune grâce ny composition , combien qu'ils avoient encor des vivres dedans ce marché bien pour trois mois. Après que ceux du marché de Meaux se furent ainsi rendus à la volonté dudit Roy, il fit prendre le bastard de Vauru qui estoit l'un des principaux capitaines, puis le fit pendre au dehors de Meaux à un arbre, qu'on nomma depuis V arbre de Vauru ; c'estoit parce que ledit bastard y avoit fait pendre plusieurs pauvres laboureurs.

Après que ce Roy eut fait pendre ledit bastard, il luy fit estoquer (') et pousser son estendart contre sa poitrine; ce qu'il fit pour la haine qu'il avoit contre luy, à cause des susdites vilaines paroles, que luy et ses gens avoient proféré à son deshonneur, et au mes-

(*? Il luyjit estoquer : il lui fit frapper, briser.

pris de ses gens. Avec ledit bastard fut aussi pendu son frère, qui estoit grand seigneur, mais il n'avoit mie si grande renommée comme ce bastard , on le nommoit Denys de Vauru (0. Plusieurs autres y eut de pris , c'est à sçavoir Pierron de Luppe , avec ses gens , et quantité de ceux de Vauru , mais aucuns eschapperent en payant rançon. Tous les bourgeois, et autres qui estoient dedans le marché, furent contraints de bailler tout ce qu'ils avoient vaillant , sans en rien retenir : car ceux qui faisoient le contraire, estoient traitez fort grièvement ; et tout cela tournoit au profit du roy Henry.

Ce ne fut pas tout, après que ces bourgeois eurent ainsi perdu tous leurs biens, on en contraignit plusieurs de racheter leurs maisons : par telles exactions ce Roy tira et amassa grandes finances. Or tout le mal que ceux du marché de Meaux eurent , leur provint par la prise de l'Isle cy~ devant dite; et pour ce avoit ce Roy proposé de la faire désoler, quand il eut gaigné le marché. Devant cette ville de Meaux le fils du seigneur de Cornuaille eut la teste emportée d'un coup de canon : il estoit cousin germain du roy Henry, qui en fut fort fasché : Et pour cette cause jura ledit de Cornuaille, qu'il ne porteroit plus les armes en France. Pendant que le siège estoit devant Meaux, le seigneur d'Offemont qui tenoit le party du Dauphin , alla à tout environ cinquante hommes d'armes, et fit effort pour entrer dedans la ville : de faict il vint jusques aux fossez ,

(0 Denys Je Vauru : Il avoit commis d'horribles cruautés dans les environs de Meaux. Le récit qu'en fait le Journal de Paris passe tout ce qu'on peut imaginer,

où les Dauphinois l'attendoient à une poterne, il y eut mesme la plus grande partie de ses gens qui entrèrent dedans, lesquels en personne il chassoit devant luy, car il estoit vaillant chevalier : mais le guet du roy Henry poursuivit ledit seigneur d'Offemont si rudement qu'il le prit, avec quatre ou six de ses gens quand et luy, les autres entrèrent, comme dit est cy-devant. Par cette prise il fallut que ce seigneur d'Offemont rendist plusieurs forteresses qu'il tenoit pour le Dauphin, sçavoir Offemont, Pierrefons, Merlan, et autres ; et outre ce, il jura et promit audit roy Henry, qu'il ne s'armeroit plus contre luy et ses alliez, par ainsi on le laissa aller.

Quand le roy Henry eut réduit la ville et le marché de Meaux à son obéissance, comme dessus est déclare', il le garnit fort de vivres et gens, puis s'en alla à Paris, où il mena Caterine sa femme* Par la reddition de Meaux il y eut plusieurs bonnes villes et forts du pays de France qui se rendirent à luy, entre-autres la ville de Compiegne, Gournay sur Arcade , Cressonsac, Mortemer, et plusieurs autres : car tous ceux qui dedans icelles places estoient pour le Dauphin , s'en allèrent outre la rivière de Loire, et le roy Henry fit par tout mettre de ses gens en leurs places.

Cette mesme anne'e Jean de Luxembourg fit grande assemblée de gens vers Encre , puis tout à coup il envoya le vidame d'Amiens, et le seigneur de Saveuse à tout leurs gens prendre place , et se camper devant Quennoy auprès Araines : le lendemain il les suivit en personne à tout quantité de gens et instrumens de guerre, et mit le siège tout

DE PIERRE DE FENIIf. 0^>7

autour du chasteau de Quennoy, lequel il contraignit enfin de se rendre à sa volonté, excepté le capitaine de cette place, qu'on nommoit Waleran de Sainct Germain, qui fit de bonne heure son traitté particulier à Tinsceu de ses compagnons , et s'en alla sauf son corps et aucune partie de ses biens : quant aux autres ils furent envoyez à maistre Robert le Jonne, qui pour lors estoit baillif d'Amiens, lequel les fit justicier, entre lesquels fut exécuté un gentil homme nommé Lienard de Piquigny, lequel estoit parent du vidame d'Amiens : mais ce vidame le haïssoit, pource qu'il luy avoit fourragé ses terres, et pour cette cause ne luy voulut aider , ny s'employer à le sauver.

Après que ledit Jean de Luxembourg eut eu l'obéissance du chasteau de Quennoy, il fit mettre le feu dedans, dont ce chasteau fut tout embrasé et désolé. Puis il s'en alla devant Louroy , qu'il mit en son pouvoir : de là il fut mettre le siège devant les forteresses d'Araines, qu'il assiégea tout autour : ceux qui estoient dedans pour le Dauphin mirent le feu dedans la ville, afin qu'il ne s'y logeast si à son aise, mais pour ce il ne laissa de s'y poster, et y demeura la plus grande partie du caresme : et tant y fut-il, que lesdites forteresses luy furent enfin rendues, lesquelles il fit tout ruiner et abatre. Les Dauphinois qui estoient dedans s'en allèrent à Compiegne vers le seigneur de Gamaches , qui en estoit encor capitaine ; car pour ce temps-là la ville de Meaux n'estoit encor rendue aux Anglois , mais le siège seulement y continuoit. Pendant qu'iceluy Jean de Luxembourg tenoit siège devant les susdites

forteresses d'Araines, le seigneur de Gamaches, et Poton de SaintrailJe firent grande assemblée vers Compiegne pour tascher d'en faire lever le siège : à ce sujet ils se mirent en campagne, prenans leur route vers Montdidier; puis ils vindrentà Pierrepont, dont ils "emportèrent d'abord la ville, qui estoit close de pieux et fossez : apre's ils cuiderent prendre aussi le chasteau, mais il fut bien deffendujDar les gens du vidame d'Amiens , qui estoient dedans. Alors ledit Jean de Luxembourg avoit partie de ses gens devers Montdidier, qui luy firent sçavoir, que les susdits de Gamaches et Poton le venoient attaquer en son siège d'Araines ; lesquelles nouvelles oûyes , il leur envoya au devant Hue de Lannoy, et le seigneur de Saveuse à tout environ six cens combatans de bonne estoife , pour les combatre : outre ce furent bien en leur compagnie six ou sept vingts Anglois, que messire Raoul le Bouteiller menoit.

Quand les dessusdits furent tous ensemble, iceluy messire Jean les envoya au loing , puis il s'en retourna à son siège : cependant messire Hue chevaucha droit à Courty, où il se logea, puis le lendemain de grand matin il tira vers Moreuil , où il passa l'eau : de là il chevaucha vers Pierrepont, en approchant de laquelle place il apprit par nouvelles certaines, que les Dauphinois estoient desja dedans, lesquels en ayans eu le vent, s'assemblèrent pour se mettre aux champs, mettans auparavant le feu par toute cette ville, puis ils s'allèrent ranger en bataille au dessus de ladite ville de Pierrepont, du costé de Montdidier. Alors les Bourguignons et Anglois joints ensemble outre-passerent aussi-tost icelle ville, et

DE PIERRE DE FENIN. 35o,

poursuivirent rudement les Dauphinois , tant qu'il y en eut aucuns de ruez jus : entre autres y mourut un homme d'armes nommé Brunet de Gamaches, qui estoit fort renommé* , et tenoit le party du Dauphin. Quand les susdits Bourguignons et Anglois eurent passé outre , ils se rangèrent aussi en bataille contre iceux Dauphinois. Or en ce rencontre il y eut plusieurs chevaliers faits sur le champ par ledit Hue de Lannoy , qui entre autres fit chevaliers, le Bègue de Lannoy (0, Jacques de Brimeu, Antoine de Rubempré , et plusieurs autres avec eux. Là furent ces deux batailles campées à l'opposite l'une de l'autre l'espace bien de deux heures , sans venir au choq : puis les Dauphinois commencèrent à se retirer tout doucement , en tirant et filant vers Compiegne, tout à tret et sans aucun desordre.

Quand lesdits Bourguignons et Anglois apperceurent que les Dauphinois s'en alloient ainsi , ils envoyèrent le seigneur de Saveuse après, pour les poursuivre, à tout environ quatre-vingts combatans, qui les suivirent en grande ordonnance bien deux lieues; mais ils n'y peurent rien gagner, car les Dauphinois avoient mis derrière eux leurs meilleurs soldats, pour faire leur arriere-garde , et les soustenir. En cette besongne il y eut trois ou quatre Anglois seulement de tuez , lors dudit passage d'icelle ville : de plus y mourut le Breton d'Ailly , qui par long-temps ne s'estoit armé : bref de tous les deux costez y demeurèrent environ sept ou huict hommes au plus; mais les Dauphinois y gagnèrent un estendart des Anglois. Après cette besongne les Bourguignons et An-

(0 Guillebert de Lannoy sieur de Wilerval.

glois se retirèrent à Araines vers Jean de Luxembourg, et les Dauphinois s'en allèrent à Compiegne, comme dit est.

Api es que le roy Henry d'Angleterre eut mis Meaux en son obéissance, toutes les forteresses tenans le party du Dauphin depuis Paris jusques à Crotoy se rendirent à luy , comme pour fruict de cette con^ queste : entre autres les villes de Gamaches , Saincfc Valéry, Rambures et plusieurs autres ; parquoy il ne demeura que Crotoy, où Jacques de Harecour se te^ noit, et encor Noyelle sur la mer. Or tousjours faisoit iceluy messire Jacques forte guerre aux Anglois et Bourguignons par mer et par terre. Les Anglois d'autre part faisoient forte guerre en Champagne, au pays du Perche, et vers la rivière de Loire. D'autre costé s'estoient retirez les Dauphinois à Guise en Tierache , et en plusieurs autres forteresses d'autour, et là menoient guerre de tous costez : les autres se tenoient à Montaguillon , à Monte, et en autres places dudit pays de Champagne. Iceluy roy Henry se tenoit alors à Paris , où il attacha fort les habitans à son obéissance et affection, parce qu'il y faisoit ol> server exactement la justice, et la rendre deuement à un chacun , ce qui faisoit que le pauvre peuple l'aimoit grandement sur tous autres.

Le duc Philippe estoit cependant en son pays de Bourgongne, où il se tint long temps, sans retourner en Flandre ny en Artois. Or pour le temps qu'il y estoit, la duchesse Michelle sa femme mourut à Gand : c estoit une dame forthonnorable,tres-aime'e de toutes gens grands et petits ; elle estoit fille du roy Charles de France , et sœur du Dauphin. Ceux de Gand

furent bien marris de sa mort, et en bailloit-on grande charge et blasme à aucuns des gouverneurs dudit duc Philippe, comme aussi la première damoiselle de la duchesse nommée Ourse, qui avoit espousé Jacques Copin de la Viesseville , fut soupçonnée et accusée de luy avoir avancé ses jours : mais nonobstant on n'en sceut oncques la vérité. Le duc Philippe monstra grand dueil du deceds de ladite duchesse Michelle, et tesmoigna d'en estre bien attristé.

En cette mesme saison, il y eut à Gand une femme, qui donna à entendre qu'elle estoit sœur aisnée du duc Philippe , de sorte que par aucune condescendance on luy fit grand honneur, laquelle chose firent semblablement plusieurs des seigneurs du pays, cuidans qu'elle dit vérité , mesme on luy fît de grands dons: elle se faisoit servir hautement, mais enfin on sceut bien qu'elle abusoit le monde : se voyant descouverte elle s'en alla si bien , qu'on ne sceut point depuis ce qu'elle estoit devenue, et la vérité de sa tromperie.

En ce mesme temps ou environ les Dauphinois firent grande assemblée de gens , et mirent le siège devant la ville de Conne sur Loire. Or tant y furentils, qu'il fallut que les gens de cette ville prissent jour de se rendre en l'obéissance du Dauphin ; le jour fut pris au dix-huictiesme d'aoust, à condition qu'ils hV vreroient bataille au duc Philippe de Bourgongne s'il y alloit au jour dessusdit , où s'il n'y alloit , ils rendroient la ville aux gens du Dauphin. Quand les gens dudit duc eurent ainsi pris jour de rendre cette ville , ils le firent aussi-tost sçavoir au duc , lequel fit incontinent publier par tout ses mandemens, pour

se trouver précisément au jour dessus dit contre le Dauphin, mesme il y manda les Picards, et tous autres qui le voudroient servir : aussi envoya-t'il devers le roy Henry, afin qu'il luy envoyast de ses gens à son secours ; ce Roy luy envoya le duc de Bethfort son frère à tout bien trois mille combatans ; avec luy estoit aussi le comte de Warvic.

Le duc Philippe attendit quelque temps iceluy duc de Bethfort , et les Picards , à une bonne ville nommée Vezelay; puis, quand tous ses gens furent assemblez, il se trouva avoir fort belle compagnie, jusques au nombre de douze mille combatans, tous gens de faict. En suite il chevaucha en tirant vers Conne , tant qu'il y arriva au jour qui estoit dit. Il avoit là intention de combatre le Dauphin et sa puissance, s'il y fust venu : mais il n'y parut point; parquoy Conne demeura en l'obéissance du duc Philippe , comme elle estoit auparavant. En ce voyage Jean de Luxembourg conduisoit l'avant-garde du duc Philippe, avec laquelle il alla courre jusques à la Charité sur Loire, qui en ce temps estoit tenu par les gens du Dauphin ; en quoy se gouverna iceluy messire Jean fort généreusement. Apres que la journée eut esté passée que Conne se devoit rendre, et que le duc Philippe sceust au vray, que le Dauphin ne le combatroit point, il commença à se retirer en allant vers Troye en Champagne. Quant au duc de Bethfort il prit sa route devers Sens en Bourgongne en tirant vers Paris , puis il alla au bois de Vie-Saine (0, où le roy Henry son frère estoit tres-malade. Le duc Philippe estant arrivé à Troyes , il y séjourna environ huict (') "Vincennes.

jours, puis il passa outre en tirant vers Paris avec ses gens. Or en venant à Brie-comte Robert, il luy fut dit pour nouvelles certaines, que le roy Henry se mouroit. Apres qu'il en eut bien sceu la vérité, il envoya Hue de Lannoy vers luy ; il estoit lors maistre des arbalestriers de France.

Quand Hue de Lannoy fut venu vers ce roy Henry, il le trouva tres-accablé de maladie , aussi-tost il se recommanda fort au duc Philippe, et le pria par ledit Hue de Lannoy , qu'il entretinst bien et observast religieusement les sermens et alliances qu'il avoit avec les Anglois : pareillement ce Roy pria son frère ledit duc de Bethfort, et les autres seigneurs de son conseil , qu'ils fussent loyaux envers ledit duc Philippe ; ce qu'il leur recommanda grandement à diverses fois, jusques au dernier souspir de sa vie. Apres qu'il eut ainsi parle' à Hue de Lannoy, il ne tarda plus guieres à trespasser de ce siècle. Or quand ce vint environ une heure devant sa mort, il demanda à ses médecins ce qu'il leur sembloit de son faict, et qu'il leur prioit qu'ils en dissent vérité : lors ils luy dirent : « Très-cher Sire, pour Dieu pensez au salut « de vostre ame, il ne se peut faire que viviez encor « deux heures par cours de nature. » Adonc il commanda à son confesseur, qu'il recitast devant luy les sept pseaumes penitentiaux : quand se vint au verset Bénigne fac Domine , etc. ou il y a au dernier Mûri Hierusalenij et qu'il oiïyt nommer Hierusalem , il fit cesser son confesseur, puis il dit, «que par son « ame il avoit proposé de une fois conquérir Jeru- « salem , et faire reedifier, si Dieu luy eut laissé la « vie. m

Quand il eut dit cela par occasion en passant, on paracheva les sept pseaumes ; une heure après quoy, il rendit l'ame , dont plusieurs gens furent attristez , regrettant fort une telle perte; car c'estoit un prince de haut entendement, qui vouloit grandement garder la justice : parquoy le pauvre peuple l'aimoit sur tous autres : de plus il estoit tres-enclin et soigneux de conserver le menu peuple, et le protéger contre les violences insuportables et grandes extorsions., que la pluspart des gentils-hommes leur faisoient lors souffrir en France, Picardie, et par tout le royaume: par especiai il ne vouloit plus souffrir qu'iceux nobles les contraignissent de prendre le soin et gouvernement de leurs chevaux, chiens, et oiseaux : laquelle tyrannie et violence ils exerçoient impunément en ce temps, aussi-bien sur le clergé, que sur le menu peuple , et avoient accoustumé d'ainsi en user en toute licence : c'estoit chose bien raisonnable et louable à ce roy Henry d'y vouloir remédier, ce qui luy fit acquérir la bonne grâce et les vœux du clergé, ainsi que du pauvre peuple. Apres qu'il fut trespassé, il y eut grand dueil fait par ses gens, spécialement par le duc de Bethfort son frère, devers lequel vint le duc Philippe de Bourgongne, pour le réconforter, et aussi pour conclure ensemblement sur les affaires de France,

Quand ces deux ducs eurent parlé ensemble , le duc Philippe s'en retourna à Paris, où il s'arresta environ quinze jours, puis il s'en alla en ses pays de Flandre et d'Artois. Le corps du feu roy Henry fut emmené en Angleterre, et avec s'y en alla Caterine sa vefve, de laquelle il avoit eu un fils nommé Henry comme

Î)E PIERRE DE FENIJï. 365

luy> lequel par la mort de son père releva et recueillit la succession du royaume d'Angleterre : son aage estoit d'environ quinze mois seulement quand sondit père trespassa , qui fut au mois d'aoust. Pour lors vivoit encor le roy Charles, parquoy le susdit petit Henry ne fut point encor déclaré héritier du royaume de France; car il avoit ainsi esté promis et stipulé au traitté de mariage d'icelle Caterine fille dudit roy Charles, agréé et passé du consentement du duc Philippe de Bourgongne, sçavoir « Que le roy Charles « joûyroit sa vie durant du royaume, et qu'après sa « mort seulement le roy Henry en seroit héritier luy « et ses hoirs , » comme en autre lieu cy-devant a esté déclaré.

Depuis l'an i/j-iS, que la bataille d'Azincourt se donna, il y eut en France de grandes tribulations et pertes pour le subjet des monnoyes et couronnes, qui ayans au commencement esté forgées pour dix-huict sols seulement, commencèrent insensiblement à monter à dix-neuf, et à vingt sols, depuis tousjours en montant petit à petit jusques à neuf francs, avant que cette excessive valeur fut réglée. Pareillement toute autre monnoye monta au prorata „ chacune à sa quantité. Il courroit lors une monnoye qu'on nommoit flourettes ou fleurettes, qui valloit dix-huict deniers, mais enfin elles furent remises à deux deniers ; puis on les deffendit tout à fait, tellement qu'elles n'eurent plus de cours : pource il y eut plusieurs riches mar^ chands qui y perdirent grandement. Aussi du temps quicelles monnoyes atoient cours pour si grand prix, cela estoit fort au préjudice des seigneurs; car les censiers qui leur dévoient argent, vendoient un septier

de bled dix ou douze francs, et pouvoient ainsi payer une grande censé par le moyen et la vente de huict ou dix septiers de bled seulement, dequoy plusieurs seigneurs et pauvres gentils -hommes receurent de grands dommages et pertes. Cette tribulation dura depuis Tan i4i5 jusques à Fan 1421 que les choses se remirent à un plus juste poinct, touchant les monnoyes : car un escu fut remis à vingt-quatre sols. Puis on fit des blancs doubles de la valeur de huict deniers, et toute autre monnoye fut à l'equipolent remise, chacune à sa juste valeur et quantité. Or en icelle année que les monnoyes furent de la sorte remises à leur règle et légitime valeur, cela fit naistre quantité de procès et de grandes dissensions entre plusieurs habitans du royaume, à cause des marchez qui avoient esté faits dés le temps de la susdite foible monnoye, qui pour ce temps courroit, c'est à sçavoir l'escu à vingt-quatre sols, et les blancs pour huict deniers, comme il vient d'estre dit : en quoy il y avoit grande decevance, tromperie, et confusion pour les acheteurs.

Tost après ledit roy Henry fit forger une petite monnoye , qu'on nommoit doubles , qui valloient trois mailles, en commun langage on les appelloit niquets. Il ne courroit autre monnoye pour lors ; et quand aucun en avoit pour cent florins, c'estoit la charge d'un homme : c'estoit une bonne monnoye pour son prix, si ce n'eut esté le grand empeschement et l'incommodité qu'elle faisoit à porter. Outre ce, on fit forger des blancs doubles englez en commun. Ainsi par plusieurs fois la France ressentit pendant ces misérables temps de guerre de grands chan-

gemens dans le faict des monnoyes, dont le peuple estoit tres-mal content et incommode' : mais on n'en pouvoit avoir d'autres. Mesme il fut ordonné par le conseil de ce roy Henry, que toutes gens qui avoient vaisselles d'argent, les bailleroient chacun à sa portion pour prix raisonnable, afin d'en forger monnoye. Or en prit-on en plusieurs lieux à ceux qui en avoient, sans leur payer ce que la vaisselle pouvoit valoir : laquelle injustice pratiqua speciallement maistre Robert le Jonne, qui pour lors estoit baillif d'Amiens, où il estoit fort haï pour cela et autres choses iniques, qu'il faisoit sous la faveur et protection dudit roy Henry qui fort l'aymoit, et eut encor ledit Robert grand gouvernement et crédit de par ceux, qui après ce Roy vinrent en authorité soubs Henry VI son fils : dequoy plusieurs seigneurs de Picardie, et du bailliage d'Amiens luy portèrent grande envie; mais nonobstant il soustint bien tousjours passionnément le party des Anglois, tant qu'il peut estre obeï.

Deux mois après que le susdit roy Henry d'Angleterre fut mort, le roy Charles de France trcspassa aussi de ce siècle, lequel fut enterré à Sainct Denys en France, après avoir régné l'espace de quarante deux ans. Il fut fort aimé de son peuple toute sa vie, et pour ce le nommoit-on ordinairement Charles le bien-aimé : mais il fut la plus grande partie de son règne travaillé d'une fascheuse maladie , qui grandement luy nuisoit; car par fois il vouloit frapper sur tous ceux qui se trouvoient avec luy. Il commença de se ressentir (0 de cette pitoyable maladie en la

(0 II commença de se ressentir : Ce récit semble en contradiction avec ce que disent tous les historiens contemporains sur les commen-

ville du Mans, tost après son retour de Flandre, ou il estoit allé à main armée, pour réduire et réprimer les Flamands , qui pour lors se vouloient rebeller ; vérité est que ce triste accident luy commença de la sorte : comme il oyoit la messe, un de ses serviteurs luy vint bailler des heures, sur quoy incontinent qu'il eut regardé dedans pour les reciter, il se leva, devenant et paroissant ainsi comme tout troublé et hors de sens, puis il saillit soudain en furie de son ora^ toire, et commença à battre tous ceux qu'il rencon^ troit, mesme il frappa son propre frère le duc d'Orléans , et plusieurs autres qui là estoient presens ; sur quoy aussi-tost on le prit et arresta, puis on le mena en sa chambre. Or depuis cette malheureuse journée il n'eut en toute sa vie gueres de bien , ny ne porta presque point de santé, combien qu'il vesquit encor long-temps du depuis , languissant en ce déplorable estât, et falloit incessamment qu'on prit bien garde à luy.

Après qu'il fut tombé dans Testât que dit est f il y eut d'estranges gouvernemens au royaume de France : car il y avoit plusieurs seigneurs de son lignage, qui tous contendoient chacun d'avoir la plus grande administration des affaires auprès de ce Roy malade : pour cette cause se meut l'envie entre eux, dont la destruction du royaume arriva, comme cydevant a esté raconté. Cela fit, que lors que ce roy Charles mourut , il laissa son royaume fort

cemens de la maladie de Charles VI. Cependant il est possible de concilier les deux traditions, en supposant, ce qui est très-vraisemblable, qu'avant de partir du Mans, le Roi eut une attaque qui fut ignorée de la plus grande partie de l'armée.

DE PIERRE DE FEIVIN. 36ç)

troublé : car gens de tous estranges pays y avoient la puissance et le maniement de tout. Premièrement les Angiois en avoient conquis grande partie , et de jour en jour conquestoient le surplus. Outre ce, le duc Philippe est oit de leur party, avec plusieurs autres grands seigneurs ses alliez, qui tous s'efforçoient d'usurper le royaume pour le nouveau roy Henry d'Angleterre : car ils firent que ce petit prince fils d'Henry V et de Caterine de France, fille d'iceluy roy Charles, saisit et sVppropria le royaume aussitost après la mort du Roy son ayeul maternel ; et pour marque de son authorité ils luy firent prendre en son seel les armes de France qu'il portoit en un escusson , et les armes d'Angleterre en un autre. Pareillement en toutes les monnoyes qu'il faisoit forger en ce temps-là, on y mettoit deux escussons joints par ensemble, des armes dessus dites : et fit ce roy Henry défendre que les couronnes qui avoient esté forgées du temps dudit roy Charles le Bien-Aimé n'eussent plus de cours, comme semblablement toutes les autres monnoyes fabriquées du vivant dudit Roy, ordonnant que chacun les portast aux forges : mais nonobstant que par plusieurs fois il eust ainsi esté défendu, et qu'avec obligation royale on n'ozoit plus se servir de la monnoye cy-devant dite, soubs grosses peines, si ne iaissoit-on de s'en servir et d'en user en tout plein de lieux. Ce prétendu roy Henry fit encor forger et donner cours à une nouvelle monnoye d'or, qu'on nommoit Saluts , qui valoit vingt-deux sols parisis chacun salut, elle estoit bonne pour son prix. De plus, il fit fondre et mettre en usage des Blancs de huict deniers, Ainsi ne couroit pour lors, 7. 24

par tout où ce roy Henry estoit obey, dans le royaume de France, autre monnoye royale sinon celle qu'il avoit fait faire.

Bien que cet autheur paroisse assez désintéressé , et peu passionné dans la suite de son Histoire ou Mémoires, si est - ce toutefois qu'il se peut juger en quelques endroits et passages , qu'il panche un peu du costé des Bourguignons , et encline à leur party : aussi se peut-il conjecturer par son stile, et de quelques termes et mots dont il use, qu'il estoit Picard de nation , province alors sujette , pour la plus grande partie ? à la maison de Bourgongne. {Note de D. Godefrqy.)