CHAPITRE XV

Exemples des voilions hommes trespassez qui sceurent bon gré à ceulx qui avoyent escript et enregistré leurs gestes j et leurs vaillants faicts.

Pareillement sceut grand gré Scipion l'Afriquain. au poète Ennius, qui avoit escript ses nobles faicts, et luy en rendit grandes grâces, et guerdons. N'en

DU MARESCHAL DE BOUCICAUT. a3l

feit mie moins le noble et vaillant chevalier Brutus Drusus, lequel pource que un très-excellent poète, nommé Actius, avoit mis, et escript es entrées des temples moult beaux vers , contenans les belles victoires que le dict Brutus Drusus avoit eiïes de ses ennemis , et comment les despoùilles et proyes que il avoit conquises il les avoit données pour orner les temples, il reputa à tousjours celuy poète son amy, et estendit vers luy sa grande largesse et libéralité.

Pareillement feit Jules César. Car à plusieurs clercs et poètes qui escriprent en divers styles de luy, et de ses tres-nobles faicts, et auctorisées conquestes, sceut moult grand gré, et grand semblant leur en feit par maints guerdons que il leur en rendit. Et s'il eust agréable un livre entre les autres, qui luy en feut donné bien le monstra. Car au temps que il estoit à la conqueste de la terre d'Egypte , comme recorde Lucain, et il se combatoit en mer contre ses ennemis, qui l'avoient tellement pressé que sa nef estoit moult eslongnée de ses autres gens, et de son grand navire, parquoy il fut si contrainct que pour sauver sa vie il conveint qu'il se desarmast, et saillist en mer, de toutes les richesses qu'il avoit il ne meit peine à rien sauver fors seulement le livre de ses faicts que il porta en sa main senestre , et tousjours au dessus de l'eaiie, de peur que il feust mouillé, et nagea à la main dextre l'espace de cent pas de mer jusques à ce que il veint à ses gens. Qui feut une merveilleuse vigueur en un homme de pouvoir ce faire. Si estoit bien signe que il avoit grand amour à son livre.

Et ainsi ces nobles hommes avoyent joye que leur

renom feust perpétuel. Et n'est mie de merveilles. Car tout homme naturellement désire gloire. Et la cause ce dict Aristote est, pour ce que toute chose par nature tend et tire le plus que elle peut à sa perfection. Et quoy que aucuns dient que on ne doiht désirer louange, c'est à entendre quant aux choses spirituelles, comme au service de Dieu, mais e's biens de chevalerie, et de science, n'est point vice à qui y est excellent d'en vouloir avoir los et renommée. Gomment Aristote, qui tant feut solemnel philosophe, que oncques homme en science de philosophie ne l'atteignit, et qui en sa noble doctrine enseigne très bonnes mœurs à suivre, et fuir le contraire, ne feust-il luy mesme convoiteux d'icelle gloire de renommée? Car quand il eut donné au disciple Theodorus les livres que il avoit faicts et composez de la science et art de rhétorique, que il avoit trouvée, comme tesmoingne Tulles en son livre, il voulut bien que il feust sceu que il les avoit faicts , affin que autre ne s'en donnast le los, et ne se les attribuast. Si comme maintesfois advient que aucuns attribuent à eulx et se donnent l'honneur de avoir faict œuvres et choses que autres ont faictes.

Semblablement se peut dire de Virgile, qui feut le prince et souverain des poètes, que aussi il désira avoir los et gloire de sa science, comme il le monstra par ce que il dit des vers que il avoit faicts : « J'ay, « dit-il , faict et composé ces vers : mais un autre s'en « donne l'honneur, par ce que il les attribue à soy. » Et ainsi adveint-il mesmement de la rhétorique d'Aristote, que un autre s'en vouloit donner le los, dont

DU MARESCHAL DE BOUCICAUT. 2j3

Aristote se teint mal content, et pource declara-il en un autre lieu que il avoit faict les dicts livres : afin que la louange qui luy estoit deûe ne feust à aultre attribuée.

Si est doncques vraye chose et assez prouve'e que tout vaillant homme peut et doibt loisiblement vouloir et désirer los, honneur, et gloire au monde du bien que il faict. Et parce ils doibvent sçavoir moult grand gré à qui authentiquement et en bel style mect en livres en croniques et en registres leurs nobles faicts : affin que leur grand los ne dure mie tant seulement en leur vivant , mais tant que le siècle durera. Car si ne feussent les escriptures ja pieça feust morte la renommée de tous les vaillans trespassez.

Et pour ce je conclus que mal gré ne me doibt sçavoir le bon chevalier, de qui j'ay composé ce livre. Car je luy ay massonné et fondé un édifice si fort, et si durable, que feu, ne fer, eaiie, terre, ne autre chose corruptible ne pourra consumer ne destruire. Car il n'est chose plus impossible à anéantir au monde que est matière escripte en livres si tost qu'ils sont coppiez en divers et plusieurs lieux. De laquelle chose on est convoiteux communément quand la matière est belle, et bien composée, si comme je tiens que cestuy livre sera volontiers veu pour la plaisante nouvelle matière dont il parle. Si prie à Dieu tout puissant que au vaillant mareschal Boucicaut, de qui est faict ce livre, doint longue vie, le garde de ses envieux, et de ses malveuillans, et luy veuille accroistre sa prospérité de mieulx en mieulx, et luy doint grâce