CHAPITRE IX
Cy dit comment le saige mareschal feit édifier deux forts chasteaux , l'un sur le port de Gennes^ l'autre autre part. Et comment il repreint a remettre en estât les choses ruineuses et perdues.
Avec ces belles ordonnances dessus dictes, le saige gouverneur qui bien sçavoit ce que dict est, que à bien gouverner les gens de par delà convient que on se
monstre eslre le plus fort, et aussi que on le soit. Afin que les Genevois peust mieulx seigneurier, c'est à dire les rebelles , non mie pour leur faire extortions , ne grief, ne pour user envers eulx de nulle tyrannie, ne les tenir en indeûe subjection , mais seulement pour leur oster toute hardiesse de eulx rebeller comme ils avoyent accoustumé, si volonté leur en venoit, tantost feit cerclier ouvriers et maistres de massonneric bons et propices à l'œuvre que faire vouloit.
Si feit bastir et hault lever deux beaux et forts chasteaux en la vilie de Germes, dont l'un est assis sur le port de Gennes, là où les galées et le navire sont et arrivent , que on appelle la Darse. Si est moult bel et fort à deux grosses tours. Si le feit afin que le dict navire en feust plus seurement contre tous ennemis, et tous griefs qui advenir pourroient. Ce dict œuvre feut bien advancé , tant que selon le devis et ordonnance du dict gouverneur feut le chastel accomply et parfaict , grand, fort et bel, comme aujourd'huy on le peut veoir. Quand ce feut faict , le saige gouverneur le feit très-bien garnir d'artillerie et de toute manière de trait, et de choses qui à deffence appartiennent, et de bonnes gens d'armes. Et ainsi s'en teint saisy, tant que dedans et dehors peut aller à sa poste, quelque chose que advenir peust , et nul n'entrer ne issir sans son congé. L'autre chastel feit édifier en la plus forte place de la ville, et est appelle Chastellet , qui tant est fort que à peu de deffence se tiendroit contre tout le monde. Si est faict par telle manière que ceulx d'iceluy chastel peuvent aller et venir maugré tous leurs ennemis, en l'autre chastel qui sied sur le port que on dict la Darse.
DU MARESCilAL DE 130UCIC AUT. 2j
Deux aultres beaux chasteaux feit-il depuis édifier dehors la cité, l'un en un lieu que l'on dict Chavry, et l'autre à Lespesse. Avec ces choses tous les chasteaux et forteresses de dehors la cite', qui sont appartenans à la seigneurie de Gennes, dont moult en y a de beaux et de notables, lesquels plusieurs des plus forts d'entre les Genevois s'estoyent attribuez, et saisis s'en tenoient , feit tantost rendre et restituer à la dicte seigneurie, par ce que il envoya gent faire commandement soubs peine de mort que tantost et sans delay feussent rendus. Auquel commandement feut obey sans contredit.
Item feit monter sur mer gens saiges et bons, lesquels il envoya de par le Pvoy et de par luy faire Visitation sur toutes les terres et seigneuries des Genevois, pour sçavoir de leur estât et gouvernement. Et tiennent les dicts Genevois très-grandes et notables seigneuries es parties du Levant, sur la Mer Majour, et en autres parties. Comme Capha en Tartarie, qui est une grosse ville marchande. Et en Grèce tiennent la cité de Pera , qui est moult belle ville , et sied coste Constantinople. Item l'isle de Scio où croist le mastic, au droict de Turquie. En Gypre tiennent Famagouste, qui moult est bonne cité. Et tirant à laTane, en la Mer Majour, outre Capha, et par de là Constantinople quatorze cent milles, tiennent grand pays et foison de forteresses. Sans les isles , dont en y a plusieurs là et autre part bien habitées et riches , et autres terres qui long seroit à dire, qui toutes sont soubs la seigneurie de Gennes. Et adveint environ ce temps que une isle bonne et bien peuplée , qui sied assez près de Gennes, appellée fisle d'Elbe, meut guerre contre
les Genevois. Si y envoya le gouverneur quatre galées bien garnies de gens d'armes , qui mie n'y allèrent en vain. Car tant y feirent que l'isle gaignerent.
