CHAPITRE X
Cy dit comment après que le mareschal eut mis la cité de Gennes en bon estât > il y feit aller sa femme „ et comment elle y fout receuë.
Apres que toutes ces choses feurent faicte et accomplies , et que la cité de Gennes commençoit ja à reluire en prospérité, et que ses nobles et riches citoyens plus ne mussoient leurs puissances, ains demonstroient leurs richesses publiquement et à plain, tant en estât tenir, comme en riches robes et habillemens , et que ces nobles dames de Gennes vous reprirent leurs riches ornemens , atours , et vestures de velours, d'or, de soye, de perles et pierreries de grand valeur, selon l'usaige de par delà, et qu'ils se prirent tous à vivre joyeusement, seurement , et en paix, soubs les aisles du saige gouverneur, et en sa fiance mettre navire sur mer à cause de leur marchandise , en plus grande quantité que ils ne souloient, et à tirer gain de toutes parts, si que ja estoyent entrez en leur très-grande prospérité.
Quand tout ce veid le saige gouverneur , adonc luy sembla temps de faire venir vers soy sa tres-chere et aimée espouse , la belle, bonne et saige madame Antoinete de Turenne , laquelle ne vivoit pas aise
DU MÀRESCHAL DE BOUCICALT. 2 à
loing de la présence de son seigneur, ne luy semblablement : car ils s'entreaiment de grand amour, et moult meinent ensemble belle et bonne vie. Mais alors un peu de temps estre loings convenoit. Lors par chevaliers notables, et gens de grand honneur , envoya la quérir en son pays en moult bel estât, comme il appartenoit. Et quand de la ville feut approchée comme à une journée, luy allèrent alencontre belle compaignée, tant de chevaliers et gentils-hommes des gens du mareschal, comme des plus notables hommes de la cité. Et ainsi au feur que elle approchoit , luy alloient gens au devant en moult riches atours, car tous se vestirent de robes de diverses livrées, depuis les plus grands qui de velours et nobles draps estoyent vestus, jusques aux artisans que nous disons gens de mestier. Tant que toute la communauté saillit hors à cheval celle journée, et tous luy allèrent faire la révérence , et à joye la receurent. Et ainsi en moult riche et grand arroy tant d'atour comme de robes et montures, et belle compaignée de dames, de damoiselles, de chevaliers, d'escuyers , et nobles bourgeois et peuple de Gennes, entra en la ville, où tres-joyeusement de son seigneur qui au palais Tattendoit feut receûe , et de toutes autres gens.
Si y eut grand feste démenée à icelle venue, et feut adonc la joye encommencée plus grande à Gennes. Car le bien, l'honneur, la courtoisie et le sens d'icelle noble dame accroissoit encores plus le plaisir et bien que ils prenoient en leur bon gouverneur. Car semblablement trouvèrent en elle tout sens , toute bénignité, grâce et humilité. Et ces dames de Gennes la preindrent à visiter à grands compaignées, et à elles
â6 LIVRE DES FAICTS
offrir toutes à son service et commandement, et la dame débonnaire les recevoit tres-doucement, et tant vers elles estoit bénigne, que tres-grandement toutes s'en loiïoient.
