CHAPITRE XXL

Comment le bon duc Philippe fil délivrer un riche Anglois j que le signeur de Ternant av oit fait prisonnier : et comment le signeur de Lalain teint le pas de la fontaine de Plours^ à Chalon sur Sosne.

jLjn celle saison messire Philippe, signeur de Ternant, fut conseillé de prendre un Anglois, que l'on disoit moult riche et puissant d'avoir et de deniers : et estoit assez coustumier iceluy Anglois, d'aler de Bruges à Calais : et passoit par Gravelines : et, pource que ledict signeur de Ternant sçavoit que la duchesse de Bourgongne portoit et soustenoit le cas et la querelle des Anglois, il s'apensa de conduire son cas et sa prise par subtilité : et tint manière de donner congé à plusieurs ses serviteurs , qui tous se r'assemblérent à l'entour de Gravelines : et les conduisoit un soudoyer 10. i

du chastel de l'Escluse (dont ledict signeur deTernant estoit capitaine) nommé Georget des Vignes. Finalement ils prirent ledict Anglois : et l'emmenèrent contre France, comme leur prisonnier.

Le duc de Bourgongne fut averti de ceste prise, faicte en ses pais, ou es limites : et, en estant aussi la duchesse avertie , fut faicte une merveilleuse poursuitte pour ceste matière : et finalement furent envoyée après, à toute diligence, les archers du duc, et autres : qui firent telle diligence, qu'ils surprirent ceux, qui emmenoyent ledict Anglois, en un vilage : et les prirent prisonniers : et ramenèrent ledict Anglois: et fut sceu par iceux, et par lettres, que ledict signeur de Ternant adreçoit iceluy prisonnier au signeur de Mongeay, en l'Isle de France : lequel avoit espouséune fille deRoye, sœur de la dame deTernant. Le cas de l'Anglois fut fort porté par la duchesse : et mesmes n'estoit ja ledict signeur de Ternant fort en sa grâce : et fut mis avant , que l'Anglois avoit seureté et sauf-conduit : et, combien que le duc aimast le signeur de Ternant beaucoup , estant son tiers chambellan, et moult-privé de sa personne, il le prit prisonnier, et l'envoya au chasteau de Courtray : où il fut plus d'un an, à grans fraiz et à grans despens : et depuis le délivra le duc, mais non-pas à son profit : car il restitua tout l'interest dudict Ang'ois : qui luy fut un merveilleux dommage. Ainsi se passa l'an 4^? sans autre aventure , et une partie de l'an 49 : et faisoit le duc grandes chères et grans festimens, par ses bonnes viles, où il estoit moult-aimé, et voulontiers veu.

Or maintenant nous l'entrerons à reciter le noble

d'olivier de la marche. 3

pas, que tint un an entier, le bon et vertueux messire Jaques de Lalain , au païs de Bourgongne, et les nobles armes qu'il y feit, et à quels nobles hommes il besongna. Mais avant est besoin que j'eclaircisse une question, qui pourroit estre demandée sur ceste matie're : qui est telle : c'estassavoir pourquoy ledict messire Jaques tint pas en Bourgongne, terre sugette de son souverain signeur et prince, sans avoir excepté les sugets de son prince , et aussi pourquoy il entreprenoit son pas en temps de jubilé , et durant icelle saison. A ce je respon , par la propre response à moy faicte par ledict messire Jaques (car j'avoye privauté et habitude à luy, pour sçavoir de ses secrets, autant qu'autre de mon aage, de la maison de Bourgongne) qui disoit que la cause de sa venue en Bourgongne tendoit à deux fins. La première, pource qu'il y avoit au païs grande noblesse, et gens, qui desiroyent d'eux monstrer nobles et courageux. La seconde, pource que le païs estoit situé au passage de France, d'Angleterre, d'Espaigne, et d'Escoce, pour aler à Romme (dont les saincts pardons et le jubilé de l'an 5o aprochoit) et ainsi sembloit que^ par ces deux raisons, plus de nobles hommes seroyent avertis de son emprise, et pourroyent plus de nobles hommes venir à son pas, et toucher à sa noble emprise : parquoy pi us-le gère meut luy estoit facile de parvenir au second poinct, qui estoit, qu'il desiroit, sous le plaisir de Dieu , d'avoir présenté sa cotte-d'armes , ou sa personne , en lices clauses, et avoir combatu trente hommes, avant qu'il eust trente ans d'aage. Car, à la vérité, il avoit, à l'heure qu'il vint en Bourgongne pour tenir son pas, plus de vingtneuf ans, d'un mois,

ou de sept semaines : et pour ces deux raisons (dont Tune tenoit de l'autre) tint ledict messire Jaques son pas en Bourgongne, au temps dessusdict : lequel pas s'exécuta par la manière qui s'ensuit.

Messire Jaques de Lalain se logea à Chalon sur la Sosne, une vile qui sied en Bourgongne, au duché : et s'acompaigna de messire Piètre Vasque, un tresgentil chevalier, et dont cy-dessus est faicte mention, et nommément là où est racompté le pas du signeur de Charny : lequel messire Piètre estoit homme duit, et suffisant de son corps, et de son conseil : et croy que, si ledict messire Jaques eust eu inconveniant de maladie, ou autrement, il entendoit de mettre en son lieu ledict messire Piètre Vasque : car par ses chapitres il ne s'obligeoit point de personnellement parfournir. Aveques luyavoit plusieurs hommes nobles: et tint un moult bel estât, grand, et planteureux : et d'autre part y envoya le duc de Bourgongne le roy-d'armes de la Toison d'or, pour estre juge en l'absence du duc.

Estant ainsi ledict messire Jaques de Lalain logé, prépara son pas , et son faict , à son propos et attendement : et fait à entendre (comme dict est) que la vile et cité de Chalon est située au duché de Bourgongne : et sépare la rivière de Sosne , meslee du Doux, la comté du duché : et se passent icelles rivières par un grand pont, dont au bout a un grand faubourg , que Ion nomme Sainct Laurens : et est iceluy faubourg clos de la rivière, à la manière d'une isle. En celle isle avoit une moult belle plaine , à manière d'un pré : où à-present est l'église des Cordeliers de l'observance : qui depuis y a esté édifiée.

d'olivier de la marche. 5

En icelle mesme isle fit faire l'entrepreneur les lices à combatre, et la toile, pour faire les armes à cheval : et fut le champ moult bien ordonné de sablon, et de tout ce qu'en tel cas appartenoit , et aussi de maison pour le juge , et pour les signeurs : et , le premier samedi de septembre i44<) ? mt un pavillon tendu, au bout du grand pont, du costé de Sainct- Laurens, souveraineté du duc de Bourgongne, à cause de sa viscomté d'Auxonne : et fut iceluy pavillon palissé et barré moult honnorablement : et n'y pouvoit nul aprocher , sans le congé de Charolois le héraut, un moult notable héraut, officièr-cParmes du comte Charles , de Charolois : lequel avoit sa cotted'armes vestue et un blanc batton en la main : et gardoit les images, ordonnées pour l'emprise de l'entrepreneur : et premièrement au dossier d'iceluy pavillon, et au plus haut, estoit , en un tableau, la représentation de la glorieuse Vierge Marie, tenant le Rédempteur du monde, son signeur et son fils : et plus bas , au dextre costé de l'image , fut figurée une dame , moult honnestement et richement vestue , et de son chef en simple atour : et tenoit manière de plorer, tellement que les larmes tomboyent, et couroyent jusques sur le costé senestre : où fut une fontaine figurée, et sur icelle , une licorne assise, tenant manière d'embracer les trois targes , conditionnées pour les trois manières d'armes, que l'entrepreneur vouloit fournir par son emprise : dont la première fut blanche , pour les armes de la hache : la seconde violette, pour les armes de l'espee : et la tierce (qui estoit dessous à manière de triolet ) estoit noire , pour les armes de la lance : et furent lesdictes targes toutes

semées de larmes bleues : et pour ces causes fut la dame nommée la dame de plours, et la fontaine, la fontaine de plours. Or ay je devisé de l'entreprise et de l'ordonnance de cestuy noble pas : lesquelles choses furent estranges et nouvelles au paï's, et fort remirees et veues de plusieurs et divers personnages.

Ce mesme jour vint au palais un héraut, noraraé- Toulongeon : qui apella le héraut, garde du pavillon : etluydît, « Noble héraut, je demande ouverture , « pour aler toucher l'une des trois targes , qui sont « en vostre garde, pour et au nom d'un noble es- « cuyer , nommé Pierre de Chandios. » Le héraut le receut moult joyeusement : et luy dît qu'il fust le tresbien-venu : et luy fit ouverture : et ledict Toulongeon , comme officier bien apris , s'agenoilla devant la Vierge Marie, salua honnorablement la dame de plours, et puis toucha à la blanche targe, et dît, « Je touche à la blanche targe, pour et au nom de « Pierre de Chandios, escuyer : et afferme en parolle « de veoir (0, disant qu'au jour, qui luy sera baillé, il « fournira de sa personne les armes conditionnées et « ordonnées pour ladicte targe , selon le contenu des « chapitres du noble entrepreneur , si Dieu le garde « d'encombrier , et de loyale ensongne (2). » Et atant se partit : et fut le palis reclos : et demoura le pavillon tendu et gardé , jusques au midi , que Charolois reporta son emprise : et fit son raport au bon chevalier, messire Jaques de Lalain , de son adventure du jour , et comment Pierre de Chandios avoit fait toucher la blanche targe : dont il fut moult-joyeux : et bien»

vO De veoir ; de vérité. — (2) Ensongne : embarras, soin.

D OLIVIEll DE LÀ MARCHE. "j

viengna Toulongeon le héraut rie ces bonnes nouvelles, luy donna don, et luy bailla brief jour pour combatre : qui fut le samedi suyvant.

Celuy jour ( qui fut le treziéme jour de septembre ) ]a lice fut préparée, et la maison du juge , et les pavillons tendus pour les champions : et fut celuy de messire Jaques , de satin blanc , semé de larmes bleues , et celuy de Chandios de soye vermeille , armoyé de ses armes , par les goutiéres : et veint le juge en place, acompaigné de Guillaume, signeur de Sarcy , pour lors bailly de Chalon , de maistre Pierre, signeur de Goux, un grand homme, du grand conseil du duc, et qui depuis fut chancelier, et de plusieurs autres conseillers, et nobles hommes , congnoissans au noble meslier d'armes. Eux avoir pris leur lieu , ledict messire Jaques se partit de l'église des Carmes , située à la porte de la vile, et du faubourg de la porte de Sainct-Jehan-du-Maiseau : et , après avoir ouy trois messes moult-devotement, entra en un batteau couvert, acompaigné de messire Piètre- Vasque, et de plusieurs autres nobles hommes de son hostel ( car il tenoit moult bel estât ) et d'abondant il trouva au païs deux nobles hommes , frères germains : dont l'aisné fut messire Claude de Toulongeon , signeur de la Bastie, et l'autre, Tristan de Toulongeon , signeur de Soucy : qui furent fils de messire Anthoine de Toulongeon , jadis mareschal de Bourgongne : et fut iceluy mareschal celuy sous qui fut gagnée la bataille de Bar, et pris le duc Régnier de Lorraine prisonnier. Ces deux signeurs estoyent de l'hostel du duc de Bourgongne , gens-de-bien, et de courage : et , pource que ledict messire Jaques estoit estranger au païs, ils

l'acompaignérent : ne depuis , durant son pas , ne l'abandonnèrent.

Ainsi traversa le chevalier la rivière de Sosne : et vint aborder à l'isle, où il devoit combatre : et là saillit hors de son batteau , vestu d'une longue robe de drap d'or gris, fourrée de martres. Il avoit sa bannerolle en sa main , figurée de ses dévotions : dont il se signoit à la fois : et moult bien luy seoit. Si vint en la lice : et se présenta devant le juge : et dît de sa bouche telles parolles, « Noble roy-d'armes de la « Toison d'or, commis de-par mon tresredouté, et « souverain signeur , monsieur le duc de Bourgongne « et comte de Hainaut , pour estre mon juge en ceste « partie, je me présente par-devant vous, pour garder « et defFendre l'emprise de cestuy pas, et pour de ma « part fournir et acomplir les arme^ emprises et re- « quises par Pierre de Chandios, selon le contenu des « chapitres à ce ordonnés. » Le juge, vestu de la cotted'armes du duc de Bourgongne , le blanc batton en la main , le receut et bien-viengna moult honnorablement : et se retrait l'entrepreneur en son pavillon.

Ne demoura guéres que , par-dessus le grand pont de Chalon , s'apparut ledict Pierre Chandios : qui venoit à cheval, armé de toutes armes, le bacinet en la teste, et la cotte-d'armes au dos : et, à la vérité, c'estoit un des grans et puissans escuyers, qui fust en Bourgongne, n'en Nivernois : et pouvoit avoir trente et un an, ou environ , d'aage. Il estoit acompaigné des signeurs de Mirebeau, de Charny, et de Seyl , ses oncles, et de la signeurie et noblesse de Bourgongne, si largement , que je puis extimer la compaignie plus de quatre cens hommes nobles. Ledict de Chandios,

entra dedans la lice, sur un cheval armoyé de ses armes : et mit pie à terre : et l'adextrà le signeur de Charny, jusques devant le juge : et porta la parolle : et dît, « Noble roy d'armes de la Toison d'or, comte mis de -par mon tresredouté et souverain signeur, « monsieur le duc et comte de Bourgongne , juge en « ceste partie, voicy Pierre de Chandios, mon neveu, « qui se présente devant vous, pour, à l'aide de Dieu, « fournir et acomplir, à ce jour, les armes par luy em- « prises et requises, à rencontre de l'entrepreneur de « cestuy noble pas, selon la condition des chapitres, « et de la blanche targe, à quoy il a fait toucher. » Le roy-d'armes le bien-viengna et receut comme il appartenoit: et se retrait en son pavillon : et, ce faict, se retrait chacun de la lice : et se commencèrent les cris acoustumés : et tandis un mien cousin germain, nomme' Anthoine de la Marche, signeur de Sandon, ordonné mareschal de la lice , se tira devers ledict Chandios, par l'ordonnance du juge : et luy demanda qu'il de'clairast le nombre des coups de hache, qu'il requeroit et demandoit, pour faire et fournir icelles armes : et ledict Chandios déclaira dixsept coups de hache. Si se tira ledict mareschal devers le juge, pour l'avertir du nombre des coups : et puis se tira devers ledict messire Jaques de Lalain, tant pour l'avertir de l'intention de sa partie , comme pour luy demander les haches, qu'il devoit livrer pour la bataille fournir et faire. Si luy fuient deux haches baillées et livrées : qui furent longues et poisantes : et furent les maillets et testes desdictes haches à manie're de becs de faucon, à grande et poisante dague dessus et dessous : et furent ferrées d'une platine de fer plate, à trois testes

de doux, gros et courts, en façon de diamants, et assez à la manière que l'on ferre lances, pour jouster en armes de guerre, sans roquet : et furent lesdictes haches aportees audict de Chandios, pour choisir, et l'autre fut ra portée à l'entrepreneur : et ne demeura guéres que Pierre de Chandios saillit hors de son pavillon, la cotte-d'armes au dos, le bacinet en teste, et la visière close, se signant de sa bannerolle : et puis luy bailla le signeur de Charny, son oncle, sa hache : et l'acompaigna jusques bien-avant en la lice. D'autre part saillit messire Jaques de Lalain : et avoit son harnois couvert, en lieu de cotte-d'armes, à manière d'un palîetot, a manches de satin blanc, semées des larmes bleues, de couleurs de la targe, à quoy avoit touché sa partie. Il estoit armé d'une petite salade ronde : et avoit la visière couverte, et armée d'un petit haussecol de maille d'acier : et, après la recommandation de sa bannerolle, luy bailla messire Pietre- Vasque sa hache.

Si marchèrent l'un contre l'autre les champions, moult-asseurément : et s'entrerencontrérent devant le juge : et de prime face se gardoyent l'un de l'autre : mais n'atargea guéres qu'ils se coururent sus : et se donnoyent de grans et poisants coups, chevaleureusement donnés et soustenus , d'une part et d'autre : et me souvient que ledict de Lalain (qui sçavoit que les haches, qu'il avoit baillées et livrées, n'avoyent point de dague , ny de pointe dessous, dont il peut faire faucee , ne grever sa partie) en faisant une grande démarche tourna sa hache, et mit le mail de la dague, de la part de sa main senestre, en faisant de la teste queue, et de la queue le maillet : et remarcha d'un grand poux î

et atteindit ledict Chandios, de la dague de sa hache, en la visière du bacinet : et donna si-grand coup, qu'il rompit la pointe sur la visière : mais ledict Chandios (qui estoit fort, grand, puissant, et courageux) onques n'en démarcha : mais recommença entre eux la bataille, plus-aspre et plus-fiére que pai avant, et tant, que si asprement se requirent l'un l'autre, qu'en peu d'heure les dix sept coups, requis par ledict de Chandios, furent acomplis.

Si getta Toison d'or le batton : et furent pris et séparés par les hommes-d'armes, ordonnés pour gardes et escoutes, et pour ce faire, comme il est de coustume en tel cas : et, eux amenés devant le juge, touchèrent ensemble : et s'en retournèrent chacun dont il estoit venu : et furent icelles armes achevées par un samedi dixhuictième (0 jour de septembre, l'an 49-

Ainsi se passa septembre, octobre, novembre, et décembre, et jusques au deuxième samedi de janvier, que messire Jehan de Bonniface, un chevalier arragonnois, et celuy qui autresfois a voit combatu ledict messire Jaques à Gand (comme il est cy-devant escrit) arriva au pavillon : qui continua tous les samedis de l'an d'estre tendu, selon le contenu des chapitres. Ledict de Bonniface venoit du costè de la comté de Bourgongne : et, quand il veit le pavillon tendu, les images et le mistére du pavillon , et le héraut qui gardoit la barrière, à cotte -d'armes vestue, il descendit de son cheval : et salua le héraut, et le pria qu'il luy voulsist declairer la signifiance et la cause du pavillon, et du mistére qu'il avoit trouvé. Le héraut ( qui bien le sceut faire ) luy declaira comment un

(0 Dixhuictième : l'auteur a dit plus haut que ce toit le 1 3 septembre.

chevalier , entrepreneur en cesle partie , sans luy nommer le nom, luy faisoit garder la fontaine de Plours , chacun samedi de l'an , pour fournir chacun noble homme , qui voudroit toucher à l'une des trois larges, ou à plusieurs, pendues à ladicte fontaine : et luy declaira la condition desdictes trois targes, et le plus-avant de celle entreprise , qu'il le peut faire , luy offrant de luy bailler les chapitres, par escrit. Le chevalier , se monstrant moult réjouy d'avoir trouvé icelle aventure , demanda ouverture : qui luy fut acordee et faicte : et luy-mesme toucha à la blanche et à la noire targe : et prit le héraut son nom , par escrit : et luy demanda son logis : lequel il luy declaira, à l'Asne rayé, empres Sainct-George , dedans la vile de Chalon. Le héraut, à son retour, fit son raport à messire Jaques , comment messire Jehan de Bonniface avoit les deux targes , blanche et noire , touchées. Si envoya ledict messire Jaques vers luy* deux nobles hommes : qui présentèrent , de par l'entrepreneur, cheval et harnois, et ce que mestier luy estoit, pour ses armes fournir : et luy fut baillé jour au vendredi , vingtquatriéme d'iceluy mois , pour faire les armes à cheval : et le l'endemain vingtcinqiéme, celles de pié. Ce qu'il acepta : et ainsi fut jour baillé, et icelles armes emprises. Le vendredi, vingtquatrième du mois dessusdict, les lices furent préparées, et la toile drecee, pour la course des chevaux , comme il appartenoit : et se présenta messire Jehan de Bonniface, armé de toutes armes, comme il appartenoit. Son cheval estoit couvert de ses couleurs : et fit dire au roy-d'armes de la Toison d'or, juge en ceste partie , comme il est dict dessus , qu'il estoit

D'OLIVIER DE Là MARCHE. î3

arrivé au pavillon par bonne aventure, et qu'il avoit veu la figure de la dame de Plours, ensemble les trois targes pendantes à la fontaine : et avoit ouy certains nobles chapitres , declairants l'emprise et voulonté d'un noble chevalier , entrepreneur de celuy noble pas, non nommé esdicts chapitres : et qu'il se présentait pour celuy jour, pour fournir les vingtcinq courses de lance, contenues esdicts chapitres, à rencontre dudict entrepreneur , que qu'il fust : et ces termes tenoit , comme non sachant que ce fust messire Jaques de Lalain , qu'il avoit autrefois combatu en la vile de Gand, ou pour feindre de non sçavoir que ce fust il.

Sa présentation faicte, il se retrait au bout de la toile, et par licence courut son cheval : et , tantost après, l'entrepreneur (qui estoit parti des Carmes, et avoit passe la rivière en son batteau) se présenta devant le juge, vestu d'une longue robe de velours noir : et estoit moult-noblement acompaigné des signeurs et nobles hommes de Bourgongne : qui desja, à l'ocasion de ses vertus , l'avoyent pris en telle amour et extime, que tous le queroyent, aimoyent, et prisoyent, et mesmement Pierre de Chandios, son compaignon (qui desja avoit fait armes à l'encontre de luy) et messieurs ses parens et amis. Puis se retrait en son pavillon ( qui fut à manière d'une petite tente de satin noir, semé de larmes bleues) et, après qu'il fut armé, il partit hors, monté, et armé comme il appartenoit. Son cheval estoit couvert de velours noir, semé de larmes bleues : et furent les lances baillées à Anthoine de la Marche, mareschal de la lice, ferrées et appointées comme il appartenoit.

l4 MEMOIRES

Cris furent faicts : et lances aportees : dont messire Jehan de Bonniface prit le choix : et de la premie're course ne s'atteindirent point. A la seconde, s'ateindirent tous deux. A la tierce, s'ateindirent tous deux, entre les quatre points : et rompit ledict de Bonniface sa lance. A la quatre, messire Jaques atteindit ledict de Bonniface, au défaut du grand gardebras : et fauça le harnois à jour : et rompit sa lance : et ledict de Bonniface de celle course fît une très-dure atteinte , sur la baviére de l'armet dudict messire Jaques. A la sixième , faillirent tous deux d'atteindre. A la septième course , ledict de Bonniface rompit sa lance, sur le grand gardebras de messire Jaques : et il atteindit Bonniface entre les quatre points, de plaine atteinte : et de celle course avint que la lance dudict messire Jaques se fendit, depuis le fer jusques auprès de la poignée, et ne fut autrement rompue : dont il avint que l'on raporta deux lances nouvelles : afin que le venant de dehors choisist. Or en prit ledict de Bonniface une : et ne vouloyent point ceux, qui le servoyent , que l'autre fust reportée à l'entrepreneur : pource qu'il disoyent que la lance, dont il avoit couru, n'estoit point rompue, pourtant s'elle estoit fendue : et que, par les chapitres, chacun devoit courir de sa lance, jusques elle fust rompue. Messire Jaques en vouloit bien courir : mais ceux , qui l'acompaignoyent, ne le vouloyent souffrir : et dura longuement cest estrif (0, d'une part et d'autre : et n'en sçavoit le juge que juger, ne qu'ordonner : car de la part de l'entrepreneur estoit dict, que la lance estoit esclatee et fendue de plaine atteinte, et que

v1) Estrif ': débat, différend.

d'olivier de la marche. i5

jamais n'en pourroit soufrir coup, qui fust de nulle recommandation : et d'autre part l'on requeroit au juge, qu'il ordonnast selon les chapitres,, et que la lance n'estoit point rompue ne tronsonnee : dont le juge estoit fort perplex , et ne sçavoit comment en juger. Si avint que le mareschal de la lice ( qui estoit homme, qui beaucoup avoit veu ) prit un batton, et le bouta en croisée par la fendure de ladicte lance : et l'aporta à messire Jehan de Bonniface : et luy dît, « Signeur chevalier, voulez vous que l'on coure contre « vous, de ceste lance, dont l'on ne vous peut mal « faire , ne grever? » Le chevalier vit la lance , qui estoit moult empiree : et dît que l'on l'ostast, et qu'il ne vouloit point courre contre lance rompue : et ainsi fut baillée à messire Jaques lance nouvelle, pour la huictiéme course : et faillirent tous deux d'atteindre. A la neufiéme course , messire Jehan de Bonniface agreva le fer de sa lance , en l'armet de son compaignon : et messire Jaques l'atteindit sous le grand gardebras, assez près de l'autre atteinte, et le persa à jour : et rompit sa lance. A la dixième course, Bonniface fît une tresdure atteinte : et messire Jaques n'atteindit point. A l'onzième, Bonniface faillit : et messire Jaques l'atteindit assez près des autres deux coups : et luy empira moult son harnois : et agreva sa lance. A la douzie'me firent tous deux tresdure atteinte l'un sur l'autre. A la tresiéme atteindirent tous deux : mais messire Jaques continua de quérir et d'atteindre, de costé, au lieu où il avoit desja empiré le harnois du chevalier : et disoit on que ledict de Bonniface avoit trempe' son harnois d'une eaue, qui le tenoit si bon, que fer ne pouvoit prendre sus : et,

l6 MEMOIRES

à la vérité, il couroit en un léger harnois de guerre : et n'estoit pas possible, sans artifice ou aide, que le harnois eust peu soustenir les atteintes, que fit dessus messire Jaques : mais l'heure et le temps de l'entreprise se passoit : dont il advint qu'à la quatorzième course messire Jaques assit près des autres coups , et fauça le harnois à jour : et, si l'arrest de la lance ne fust rompu de celle atteinte , le fer fust entré au corps du chevalier : et, quand ceux, qui acompaignoyent ledict de Bonniface, veirent le harnois ainsi empiré, et qu'en seureté il ne pouvoit plus courre, et mesmement les signeurs et nobles hommes presens, en avertirent le juge. Parquoy le chevalier fut mandé devant Toison d'or : qui luy dît, qu'il n'estoit pas suffisamment armé, pour la seureté d'un si-gentil chevalier qu'il estoit, et qu'il ne seroit point loyal juge de le souffrir plus aventurer devant luy. Parquoy il luy prioit, ou qu'il prist autre plus seur harnois, ou qu'il se tinst pour content d'icelles armes : car bien et bel avoit les quatorze courses fournies : et que, des autres unze courses, pour fournir les vingt cinq, ordonnées par les chapitres, selon la condition de la noire targe, à quoy il avoit touché, il s'en pouvoit bien contenter: mesmement qu'il avoit à combatre à pié, au l'endemain : et demanda vingt et un coup de hache : et ainsi furent icelles armes acomplies.

Le l'endemain (qui fut samedi) furent les pavillons tendus : et avoit ledict de Bonniface un petit pavillon de blanche toile, armoyé de ses armes : et se présenta en une noire robe : et s'alla armer en son pavillon. D'autre part se présenta messire Jaques de Lalain : et cris et cérémonies furent faicts : et deux

D OLIVIER DE LA MARCHE. . f]

haches baillées et présentées , et baillée à chacun d'eux la sienne : et, le tout prépare' saillit ledict de Bonniface hors de son pavillon , armé de toutes armes, la cotte-d'armes vestue : et, de son chef, il estoit armé d'un armet d'Italie, et par-dessus un grand plumas de plumes noires ; et marcha fièrement, et de grand courage, pamoyant sa hache : et crioit, en son Arragonnois, Avant chevalier. Qui à belle dame j si la garde bien. D'autre part marchoit messire Jaques, armé d'un haussecol , et de la salade, en la manière du harnois et de la pareure qu'il estoit , quand il combatit à Chandios : et marchoit fièrement audevant de son compaignon : et à l'arborder ledict de Bonniface haussa sa hache, pour ferir messire Jaques : mais le coup fut rabatu : et se requirent chevaleureusement , d'une part et d'autre , et , à la vérité , ledict de Bonniface se trouva mal-asseu rément armé de la teste , pour combatre à pié : et par doux ou trois fois ledict messire Jaques , en démarchant sous costiere, luy donna de grans coups du maillet de la hache : mais rien ne l'empira : et, quand ledict messire Jaques vit que de coups de hache il ne le pouvoit ébranler, il entra dedans sa hache, par une entrée de la queue, de revers : et d'icelle entrée il prit, de la main dextre, le chevalier par le plumas : et tira de toute sa force, en faisant une grande démarche : et de ce tour porta le chevalier par terre, le visage contre le sablon : et , ce faict, se tira ledict messire Jaques devant le juge : et le chevalier fut par les gardes et escoutes relevé, et amené devant le juge : lequel dît au chevalier qu'il estoit bien content de luy, et que bien avoit fourni les armes, par luy emio. 2

l8' MEMOIRES

prises à rencontre de messire Jaques de Lalain. Quand le chevalier ouit nommer messire Jaques de Lalain, son compaignon, et il le recongnut, il luy fit moult grand honneur et chère : et s'embracerent : et ainsi furent icelles armes acomplies : et depuis iceluy mois de février (0 ne vindrent nuls nobles hommes toucher aux targes , jusques au mois d'aoust, suyvant : et durant iceluy temps fit messire Jaques un tour à la Court : où il fut moult-voulontiers veu d'un chacun. En celle manière se passa l'an 49 • et entra fan 5o : qui fut le sainct et salutaire an de la Jubilee, que le grand pardon gênerai estoit à Romme : et de toutes pars passoyent pèlerins et pèlerines , allans à Romme, par le païs de Bourgongne et ailleurs, en si-grand nombre, que c estoit noble et saincte chose, et dévote à veoir : et m'est force de tenir propos , touchant le pas et emprise , commencée par le bon chevalier messire Jaques de Lalain, comme il est dessus-escrit : et que je recite les maintes et plusieurs chevaleureuses armes, faictes et exécutées en iceluy pas, par ledict chevalier et ses compaignons : dont grande perte et dommage seroit, si elles estoyent taisees ou oubliées : et m'en tiendroye pour lasche et recréant en mon labeur, si je laissoye en ma plume si-nobles faicts , que j'ay veus, sans les réciter à mon pouvoir, de mon petit sens.

Le premier samedi du mois de may, l'an i45o, le pavillon fut tendu, comme il estoit de coustume : et comme tousjours se continua chacun samedi de l'an, durant l'emprise dessusdicte. Si vint audict pa-

,N De février: l'auteur a dit plus haut que c'étoil le mois de janvier.

villon un jeune escuyer de Bourgongne, nomme Gérard de Rossilon, beau compaignon, haut et droit, et de belle taille : et s'adrecea ledict escuyer à Charolois , le héraut , luy requérant qu'il luy fîst ouverture : car il vouloit toucher la targe blanche, en intention de combatre le chevalier entrepreneur, de la hache, jusques à l'acompîissement de vingt cinq coups. Ledict héraut luy fit ouverture ; et ledict Gérard toucha : et de ce fut faict le raport à messire Jaques de Lalain ; qui prestement envoya devers luy , pour prendre jour. Or ledict Gérard avoit père, et de son faict n'avoit eu aveu , ne consentement , de nuls de ses parens, n'amis : pource qu'il estoit jeune, et ledict messire Jaques estoit chevalier renommé, duict, apris, et expérimenté au faict des armes. Si estoit l'escuyer seul , et petitement aidé, pour icelles causes, de son père, ne de ses amis : et n'estoit ne prest, ne fourni de harnois, ne d'habillemens, ou de ce qui luy estoit nécessaire. Parquoy furent mises icelles armes au vinghuictiéme jour d'iceluy mois de may : auquel jour comparurent plusieurs signeurs de Bourgongne, et plusieurs nobles hommes, pour acompaigner ledict Gérard ( car il avoit de bons et notables amis ) et les autres pour veoir lesdictes armes : et , pource que Toison d'or estoit lors en aucun voyage ou commission, par le prince fut ordonné, par commission du duc de Bourgongne, que Guillaume, signeur de Sercy, pour lors bailly de Chalon, seroit juge en ceste partie : car celuy Guillaume fut un escuyer homme de bien , sage , et moult-bien renommé : et fut premier escuyer d'escuirie du bon duc dessusdict : comme il est escrit cydessus.

Donques, le vingt-huictiéme jour dessusdict, furent les lices préparées : et fut ce jour Guillaume Rolin, signeur de Beachain , mareschal de la lice , et se présenta le chevalier entrepreneur, comme il avoit en tel cas acoustumé : et d'autre part vint ledict Gérard grandement acompaigné. Il estoit grand, armé, le bacinet en teste, la visière levée. Il estoit couvert et paré de sa cotte-d'armes, et son cheval semblablement : et faisoit porter devant luy une bannière de ses plaines armes : dont il fut aucunement parlé : et disoyent les aucuns, que le signeur de Clomo , son père, ne se tint onques pour banneret : et autres disoyent qu'il estoit de Chastillon en Bassois, que l'on dit en Nivernois la première bannière. Finalement ledict Gérard fit porter sa bannière sans autre contredit : et se présenta devant le juge : et parla bien-asseurément : et puis se retrait (0 en son pavillon (qui estoit bleu, à mon souvenant) et le eonduisoit Philebert de Vaudrey : qui moult Fadrecea pour celuy jour en son affaire.

Gris et cérémonies furent faictes , et les haches baillées, selon l'ordonnance. Si saillirent hors de leurs pavillons : et , pource que ledict Gérard estoit averti que ledict messire Jaques combatoit communément en salade, et en haussecol de maille, il se pourveut d'une salade ronde , et d'un haussecol de maille , et s'en arma : et marchèrent l'un contre l'autre : et marchoit ledict Gérard moult froidement : pource qu'à locasion de sa jeunesse on l'avoit fort-conseilîé de non estre chaud : et l'entrepreneur marchoit moultordonnément, comme celuy, qui estoit duict , acous-

(0 Se retrait : se retira.

D OLIVIER DE LÀ MÀPtCHE. 21

tumé, et apris du fier et redouté mestier, et passage de carnp clos. Si abordèrent l'un à l'autre devant le juge : et courut sus l'entrepreneur audict Gérard moult -asprement : et ledict Gérard soustint froidement les premiers coups, et courageusement : et rabatoit les coups et le chevaleureux assaut de messire Jaques de Lalain , par moult-grande asseureté : et, après avoir le premier assaut soustenu, vigoureusement assaillit son compaignon : et se monstra aspre, puissant, et courageux en sa bataille : et furent plusieurs coups donnés et receus d'une part et d'autre : et avint que ledict messire Jaques essaya d'atteindre ledict Gérard , du maillet de la hache : mais ledict Gérard , par une démarche de costiére , rabatit le coup : et de ce rabat atteindit l'entrepreneur, sur le bord de la salade , du costé dextre : et recheut le coup sur l'espanle du chevalier : mais rien ne luy greva : et, quand le chevalier veit et congnut la froideur et la hardiesse de l'escuyer , il getta la main senestre à la hache de son compaignon , et la tint : et , de la main dextre , haussa la teste de la sienne (qu'il tenoit près empoignée) et ferit après le visage de sa partie : mais l'escuyer getta la main dextre audevant : et toutesfois fut atteint en la joue dextre , et non pas de blessure, dont extime deust estre faicte : et en telle manière recouvra l'entrepreneur par plusieurs fois : mais autre avantage n'y acquit : et en celle bataille fut le batton getté , et les champions départis , à grand honneur et los d'un chacun d'eux : et fut ledict Gérard de Rossillon le premier, qui onques avoit combatu ledict messire Jaques à visage découvert. •

A rassemblée des armes dessusdictes , furent unes autres armes emprises , par requeste d'une part et d'autre, entre un escuyer de Hainaut (qui acompaignoit messire Jaques de Lalain) nommé Jehan Rasoir, et un escuyer bourgongnon , nommé Michau de Certaines : et furent icelles armes acordees d'une part et d'autre : c'estassavoir , qu'ils courroyent vingteinq courses de lance à fers émoulus, l'un contre l'autre, ainsi, et par la manière, que les chapitres du pas, qui lors s'executoit, contenoyent : et leur fut acordé de faire leurs armes en la lice d'iceluy pas, et de courre à la toile. Ce que le bailly de Chalon différa d'acepter : pource qu'il disoit qu'icelles armes se faisoyent et entreprenoyent hors de la cause du pas de la fontaine de Plours, et que par le pouvoir et commandement , qu'il avoit de son prince , il n'estoit commis juge en cette partie, que pour la fourniture du pas dessusdict. Mais messire Jaques luy bailla un pouvoir du duc : par lequel il pouvoit accepter d'estre juge d'icelles armes, et autres , si elles survenoyent durant le pas dessusdict : et ainsi accepta ledict bailly d'estre juge en icelles armes.

Si leur fut baillé jour le samedy suyvant : et comparurent montés et armés , comme en tel cas à nobles hommes appartient : et, à l'entrée de la lice, messire Jaques de Lalain prit son escuyer par la bride, et l'emmena présenter au juge : et estoit ledict Jehan Rasoir pare' , sur son cheval , d'une couverture de drap de damas violet : et parla ledict messire Jaques pour ledict Jehan Rasoir , en le présentant moult-honnorablement. D'autre part se présenta Michau de Certaines, sur un cheval couvert de ses armes:

d'olivier de la marche. ah>

dont plusieurs gens s'émerveillèrent : et sembloit à plusieurs que , considéré que les armes d'un noble homme sont et doyvent estre l'email et la noble marque de son ancienne noblesse, que nullement ne se doit mettre en danger d'estre trébuchee, renversée, abatue , ne foulée , si- bas qu'à terre , tant que le noble homme le peut détourner ou deffendi e : car , d'aventurer la riche monstre de ses armes , l'homme aventure plus que son honneur : pource que , d'aventurer son honneur , ce n'est despense que le sien , et ce où chacun a pouvoir : mais, d'aventurer ses armes, c'est mis en aventure la pareure de ses païens et de son lignage, et aventuré, à petit prix, ce où il ne peut avoir que la quantité de sa part : et en celle manière est mis en la mercy d'un cheval , et d'une beste irraisonnable ( qui peut éstre portée à terre par une dure atteinte, ou choper à-part soy , ou memarcher) ce, que le plus- preux et plus-seur homme du monde ressongne bien et doute de porter sur son dos en tel cas.

Ainsi fut présenté Michau de Certaines : et l'acom-* paignoyent, messire Jehan, signeur de Toulongeon (à qui il estoit serviteur, et de son hostel) messire Claude et messire Tristan de Toulongeon, et plusieurs autres nobles hommes bourgongnons : et furent cris et ordonnances faictes, lances ferrées, et mesurées, et baillées aux deux escuyers : qui furent chacun à son bout de la toile : et pour deviser des deux personnages, ledict Jehan Rasoir fut un petit personnage, gent, vif, et de bon courage, et moult-bien à cheval : et ledict Michau estoit grand et puissant homme, et fort-renommé homme-de-guerre : et n'a-

voit , à celle heure , guéres moins de cinquante ans.

Cris et cérémonies faictes et passées, les lances leur furent baillées : et coururent, l'un contre l'autre, vingtcinq courses de lance : mais, ainsi que les aventures des armes sont journales et aventureuses , ils firent aucunes atteintes : et furent lances rompues et agravees de toutes les deux parties : mais, à la vérité, ledict Michau de Certaines fit plus d'à teintes , que son compaignon : et fut ledict Michau blecé en la main dextre , du commencement : mais il se blecea luymesme à son arrest, en couchant sa lance : et en telle manière se départirent icelles armes : et le signeur de Toulongeon donna à souper à messire Jaques de Lalain , et à plusieurs nobles hommes : et demourérent les deux escuyers bons amis , de là en avant.

En ce temps le duc Charles d'Orléans ^celuy dont est escrit cy-dessus, que le bon duc Philippe le racheta de la prison des Angîois ) faisoit une guerre delà les monts : et avoit conquis la comté d'Ast, en Piémont : et mouvoit icelle guerre à l'occasion de la duché de Milan : que le duc Charles d'Orléans disoit à luy apartenir, à cause du duc Philippe Maria : qui estoit nouvellement trépassé, et n'avoit laissé nuls hoirs de son corps : et certes , à ce que j'ay peu sçavoir de ceste matière , ceste duché de Milan estoit le vray héritage du duc d'Orléans, et de ses successeurs. Car le duc Louis d'Orléans, père du duc Charles, eut à femme madame Agnes de Milan (0, sœur du duc Philippe de Milan, lors trépassé : et fut mère du duc Charles, dessusdict : et à ceste cause avoit esté,

C1) Agnes de Milan : lisez Valentine,

l'esté par-avant, le duc d'Orléans en Bourgongne : où l'on luy fit honneur et grande chère : et luy donna le pais dix mille francs, à la requeste et commandement du duc, son bel oncle : car moult s'entr'aimèrent toute leur vie. Outre-plus , à cause que le duc de Bourgongne n'avoit point de guerre, et que le temps estoit oiseux, il soufrit que le duc îevast gensd'armes en ses pais de Bourgongne, et qu'ils passassent outre les monts, pour le service du duc d'Orléans, en sa conqueste de Milan : et avint que Louis de Chalon, signeur d'Arguel, aisné fils du prince d'Orange , et lequel avoit espousé la fille du comte d'Estampes, nièce du duc d'Orléans (comme il est cydessus esciit et recité) éleva plusieurs gens-d'armes bourgongnons, et autres, où qu'il en peut finer (0, à grans cousts , frais , et missions : car le duc Philippe avoit longuement esté sans guerre ou division : et n'estoyent les nobles hommes nullement pourveus de chevaux, ne d'armeures. Si leur faloit donner : et cousta au signeur d'Arguel un grand avoir : laquelle chose son père, le prince d'Orange, ne prit pas bien en gré : et, quand le signeur d'Arguel vendoit aucune chose, ou aucune des signeuries, qui luy venoyent de la succession de sa mère , le prince les rachetait au nom de luy, ou de deux fils, qu'il avoit du second mariage, et de la fille d'Armignac : dont une telle rumeur et tel discord s'émeut entre le père et le fils, que le père fit depuis plusieurs traités, au préjudice du signeur d'Arguel, et de ses hoirs, et au profit des enfans, qu'il avoit de celle fille d'Armignac : et dont la maison de Chalon a esté fort enruinee , diminuée ,

(0 Finer : trouver.

rompue , et adommagee : comme l'on lira cy-apres. Ainsi doriques passa les monts le signeur d'Arguel: et fit son lieutenant Philebert de Vaudrey ( qui desja estoit viel homme) et, pour abréger, à l'ocasion que le duc d'Orléans ne peut fournir ne gens, ne payement, l'exécution fut de petit fruit : et s'en revindrent la plus-part sans chevaux, ou harnois, le bolevart en la teste : et, pour cuider attraire le Roy de France, ou les François, en son aide, le duc d'Orléans se tint longuement à Lyon sur le Rosne , et la duchesse aveques luy : et à son retour s'adonna son chemin par Chalon, au mesme temps que le pas se tenoit : et fut grand heur au chevalier, entrepreneur, que celle noblesse vint au lieu , pour veoir et entendre le haut mistére de son emprise : et mesmement si haut et si noble prince, et si belle et vertueuse princesse : et les festeya moult hautement, et mesmes au pavillon, devant la fontaine de Plours : et par un samedi, que ledict pavillon estoit tendu comme il avoit acoustumé , le duc d'Orléans , la duchesse , et madamoiselle d'Arguel sa nièce ( qui pour lors estoit la renommée et le bruit de tout le païs , en cas de beauté, de sens, et de vertu ) avec grande foison de dames et damoiselles , de chevalerie , et de noblesse , virent comment les targes estoyent gardées par le héraut dessusdict : et cuidoit le bon chevalier de Lalain, qu'aucuns d'iceux estrangers , François, Italiens, Provençaux, ou autres, dont il y avoit plusieurs grans, gorgias (0, et honnestes personnages, à la court du duc d'Orléans, deussent avoir pitié' de la dame de Plours, là figurée, et toucher à aucunes de ses targes:

(0 Gorgias : beaux.

D OLIVIER de la marche, 27

mais rien n'y fut empris , ny ne survint audict pas autre chose pour iceluy mois, ne jusques au mois de septembre, que Tan de l'emprise s'expiroit, et lequel mois de septembre fut honnorablement et chevaleureusement exécuté : comme vous orrez cy-apres.

Si ne firent le duc et la duchesse que passer par Bourgongne, en s'en retournant en leur païs : et là vey je la première fois, monsieur François, fils et héritier du comte d'Estampes (0, neveu du duc d'Orléans, et frère de ladicte damoiselle d'Arguel , jeune prince , pauvre et disetteux , mais bel , vertueux , et de grande apparence, et lequel par succession du duc Artus, connestable de France, fut duc de Bretaigne, et moult vertueux prince : comme j'ay intention , à l'aide de Dieu , de déclairer et mettre par escrit.

Le temps et les mois se passèrent ( comme dessus est dict) jusques au premier samedi de septembre, dernier mois d'iceluy pas : lequel samedi fut le deuxième, ou troisième jour d'iceluy mois : et, pource qu'il estoit fort- apparent que plusieurs viendroyent toucher les targes de l'emprise, grande noblesse et moult de gens s'assemblèrent à Ghalon, et se tirèrent au pavillon tendu.

Le premier, qui fit toucher, fut Claude de Saincte- Helene, dict Pietois, signeur de Sainct-Bouvot : et fit toucher la blanche targe. Le second fut un chevalier, qui se faisoit nommer le chevalier mécongnu : et fut messire ArnéBabutin, signeur d'Espiry : et la cause, pourquoy il se fit ainsi nommer, fut, pource qu'il avoit en iceluy pas veu faire armes et combatre le

(0 Du comte d'Estampes : il s'agit de Richard de Bretagne. ( Koyez la note de la page 3i6, tome 9. )

chevalier entrepreneur : et, selon les chapitres, ceux, qui voyoyent combatre ou faire armes en iceluy pas, ne devoyent,ou pouvoyent, faire armes après, à-l'encontre dudict entrepreneur. Si doutoit le chevalier que l'on luy refusast son désir : et ainsi, désirant faire armes, fit toucher, doutant que le mois ne passast : et se nomma par nom mécongnu : afin que, s'il est oit refusé, en fust moins de nouvelles : et fit unes gracieuses lettres, adreceant à messire Jaques de Lalain, entrepreneur, luy confessant qu'il l'avoit veu par aucunes fois combatre en iceluy pas , et qu'il l'avoit veu en si-chevaleureuse contenance, et avec tant d'adréce, de force, et de vertu de chevalier, que luy, entrepreneur, garde et deffendeur d'iceluy noble pas, enluminoit et élevoit si-haut la renommée dudict pas, qu'il desiroit, sur tous les biens qu'il pouvoit jamais acquérir, donner confort à la dame de Plours, estre du tresheureux nombre des combatans en ceste emprise , et soy éprouver à l'encontre de luy , que l'on tenoit et réputoit, en toutes pars, chevalier tout rempli de vaillance , de vertu , et de grâce , luy requérant moult-humblement , qu'il luy donnast licence de pouvoir exécuter son emprise : et luy faisoit cette requeste aveques plusieurs beaux et aornés mots , dont le chevalier estoit bien-garni. Car ledict signeur d'Espiry , fut tenu de son temps, l'un des vaillans, sages, plaisans , et courtois chevaliers , qui fust en Bourgongne, ne que l'on sceust nulle part : et fut l'un des tréze, qui gardoyent le pas à l'arbre de Charlemaigne , aveques le signeur de Charny , comme il est escrit en ce premier livre. Pour abréger, le bon chevalier de Lalain fut moult-joyeux : et luy acorda sa

requeste : et luy donna pouvoir, de par luy, de donner congé semblable à six autres nobles hommes , s'il en estoit requis.

Apres que le chevalier mécongnu eut fait toucher la blanche targe, comme le premier, vint au pavillon Savoye, le héraut, vestu de sa cotte-d'armes : et dît à Charolois, qu'il estoit là envoyé de par un noble homme : qui luy avoit commandé de toucher les trois targes , et qu'il desii oit de sa personne acomplir l'aventure des trois targes, pour le secours de la dame de Plours. Ce qui luy fut acordé : et nomma son maistre , en ceste partie , Jaques d'Avanchies , un moult gentil escuyer , de la duché de Savoye. Le quatrième fut Guillaume Basa m , un escuyer bourgongnon , qui lit toucher la targe noire. Le cinqiéme fut Jehan de la Villeneufve, dict Passequoy, escuyer pareillement bourgongnon, homme puissant et addrecé : qui fit toucher la blanche targe. Le sixième fut Gaspart de Dourtain , un escuyer de Bourgongne, en celuy temps puissant et redouté à merveilles : qui fit toucher la blanche targe : et le septième fut un escuyer de Bourgongne, nommé Jehan Pietois, grand et puissant : lequel fit pareillement toucher à la blanche targe : et furent apportés les noms d'iceux sept audict messire Jaques , enregistrés comme ils avoyent premier fait toucher : dont l'exécution fut telle, qu'il s'ensuit.

Le premier, qui se présenta en iceluy mois pour faire armes, fut messire Claude de Saincte-Helene, dict Pietois, signeur de Sainct Bouvot (lequel avoit le premier touché à la blanche targe : comme il est escrit cy-dessus ) et pareillement furent dépeschés les

3o MEMOIRES

autres , par ordre , comme les chapitres le contenoyent : et ay souvenance que ce fut par un vendredi , que ledict chevalier se pre'senta devant Toison d'or : qui lors estoit revenu de son voyage : et lequel s'acompaigna du conseil du duc , chevaliers et escuyers , discrets et sages hommes , et clercs , moultnotablement. Le signeur de la Queulle acompaigna ledict messire Claude , comme son parent, et plusieurs nobles hommes : et se présenta desarmé, en robe longue : puis se retrait en son pavillon. D'autre part se présenta messire Jaques de Lalain, comme il avoit acoustumé : et n'est pas à oublier , que le juge envoya, devers ledict messire Claude Pietois, le mareschal de la lice, pour sçavoir le nombre des coups, qu'il vouloit demander. A quoy le chevalier respondit, qu'il entendoit qu'ils devoyent combatre de haches, jusques à ce que l'un fust porté par terre, ou desembattonné : et qu'à celle intention avoit il touché la blanche targe. Ce fut raporté au juge , et a l'entrepreneur : lequel dît qu'il estoit content : mais le juge dît en effect , qu'il n'avoit pouvoir de son prince , que de veoir les armes , faictes et combatues selon le contenu des chapitres , signés et seelés par messife Jaques de Lalain : qui disoyent que le venant de dehors devoit requérir nombre de coups, et que pour veoir et juger armes en nombre de coups estoit il ordonné juge, et non autrement : et ainsi fut dict audict Pietois : mais tousjours demouroit en son opinion première : dont fut repris de ses païens et amis : et luy dirent que c'estoit arrogance d'emprendre contre les chapitres, et contre ce que les autres n'avoyent pas fait : et mesmes le juge dît qu'il ne verroit point

d'olivier de la marche. 3i

icelles armes, dont il n'avoit point de commission : et, quand ledict Pietois veit ce , il demanda quarante et un coup de hache : et ainsi fut ceste matière acordée.

Les haches présentées , et cris faicts , saillit ledict Pietois hors de son pavillon , jeune homme , moyen , quarré, puissant, et l'un des bons corps, qui fust en Bourgongne. Il estoit paré de sa cotte- d'armes, et sa teste armée de salade et de barbutte (0. D'autre part saillit messire Jaques de Lalain : et l'acompaigna , pour ce jour, le signeur de Charny : et ceux, qui pai avant avoyent fait armes aveques luy, y furent presens : et tousjours messire Piètre- Vasque : où il avoit moult grande fiance en conseil et en aide , pour tenir, et fournir en sa place , si besoing fust : et marche'rent l'un contre l'autre , jusques devant le juge. Ledict Pietois marchoit moult-fiérement : et d'arrivée cuida atteindre, du bout d'embas de sa hache, l'entrepreneur au visage : mais il rabatit le coup froidement. Ledict Pietois retira son batton près de luy : et le rua de toute sa force entre les jambes du dessusdict , en intention ( comme il pouvoit sembler) de l'empescher en sa marche , ou de le sourdre , ou lever par la fourchee des jambes , à son desavantage : mais l'entrepreneur mit la main dextre à la hache de son compaignon , et moult-asseurément se deffit de son emprise : et de ce coup rua le bras au col de son compaignon : et ledict Pietois l'embracea, aveques sa hache, par le faux du corps, moult-estroit : et ainsi furent les deux chevaliers l'un à l'autre liés : et tendoit chacun d'eux à faire luite de mortels ennemis.

(0 De saiaâe et de harbutte : de heaume et de mentonnière.

Messire Jaques emprit , deux fois, de porter son homme par terre , comme par manière d'une atrape : mais ledict Pietois soustint longuement la force et adre'ce de son compaignon , en monstrant courage et aspresse de chevalier de vertu : et, quand messire Jaques l'eut tasté et essayé en telle manière, il aprocha de sa main senestre la dague de sa hache, qu'il tenoit empoignée près de la teste, en tirant contre le visage de son compaignon : lequel ne le pouvoit détourner ou deffaire, s'il n'abandonnoit sa prise : où il ne voyoit point son avantage. Si tourna, pour tous remèdes, sa teste, par-dessous le bras de messire Jaques : et ainsi le tint à la cornemuse : et , quand il se sentit pris à son desavantage, prestement il s'évertua à tout pouvoir, pour cuider rompre la prise, et soy deffaire dudict messire Jaques : mais il tint prise : et le tira, aveques une démarche, par tel pouvoir, que tous deux cheurent l'un aveques l'autre : car onques ledict Pietois n'abandonna sa prise : et fut la cheute des deux chevaliers telle, que ledict Pietois cheut le dos au sablon , et ledict mesâre Jaques cheut à pattes : et ne demoui a sur ledict Pietois , sinon ce du corps dudict messire Jaques, qui ne luy pouvoit échaper à cause de sa prise : et se remit ledict messire Jaques sur son compaignon , en le croisant de sa hache sur l'estommac, sans autre semblant faire : et sur ce getta Toison d'or le batton : et furent par les escoutes pris et levés tous deux ensemble : et le tint tousjours ledict Pietois, jusques ils furent en pies : et furent amenés devant le juge, qui les fit toucher ensemble : et de ce avint que ledict messire Jaques luy voulut envoyer le bracelet, comme il estoit contenu :

D OLIVIER DE LA MARCHE. ôS

mais il contremanda qu'il en envoyei oit un autre au- * dict messire Jaques, et qu'il estoit aussi bien cheu de tout le corps que luy. Finalement amis se meslérent d'une part et d'autre : et ne fut plus-avant parlé dudict bracelet : et furent depuis grans amis : et acompaigna ledict Pietois messire Jaques , jusques au royaume de Naples, pour faire armes aveques luy, si besoing faisoit.

Ainsi se passa celuy vendredy : et le l'endemain , environ dix heures du matin, se présenta l'entrepreneur : et d'autre part se partit messire Amé Rabutin, signeur d'Espiry, celuy cheval er, qui se faisoit nommer lechevalier mécongnu : et pource que sa manière de faire me sembla honneste et de bon exemple pour les escoutans, j'ay bien voulu escrire , bien au long, son cas et son faict : qui fut tel , que grande noblesse l'acompaigna pour parens et amis : et fut adextré de messire Anthoine de Montagu, signeur de Gonches, et par le signeur de la Queulle (dont cy-dessus mention est faicte) qui estoyent deux grans signeurs en Bourgongne, et bien renommés en toutes" choses, que chevalier doit estre. Devant le chevalier estoyent deux officiers-d'armes , vestus de ses armes : qui le menoyent par la bride : et fut monté sur une haquenee, harnachée d'un harnois large , à trois pendans de velours cramoisy : et par-dessus estoit le cheval couvert d'un délié volet, tel que l'on voyoit le cheval et le harnois parmy : et trainoit la couverte jusques à terre : laquelle couverte estoit portée et soustenue par les quatre bouts , par quatre jeunes escuyers, de douze à treze ans d'aage : dont les deux furent les enfans de Blesey, neveux du signeur de Gonches dessusdict : et io. à

OJj. MEMOIRES

les autres deux furent fils du signeur d'Espiry : et furent vestus iceux enfans de robes longues de drap de damas blanc : et avoyent chaperons à bourelets , d'escarlate, et la cornete verde : et pareillement et semblablement estoit habille' le chevalier : qui seoit sur la blanche haquenee , comme dessus : et ainsi chevaucha jusques en la lice, ayant sa bannerolle de dévotion en sa main : et se présenta luymesme moultasseurément : et s'en retourna en son pavillon : qui fut à manie're d'une petite tente de satin blanc, parée et aornee comme vous orrez cy-apres.

Le chevalier requit cinquante cinq coups de hache : et furent les battons livre's à Michau de Certaines (qui pour ce jour eut la charge de mareschal de la lice) et furent aportees les haches au signeur d'Espiri, pour choisir le premier, comme c'estoit la coustume : et furent icelles haches ferrées, longues, et poisantes, à grandes dagues acérées dessus et dessous : et furent les premières haches, à dague dessous, que l'entrepreneur fist livrer en iceluy pas. Le chevalier, sans grande difficulté' ou épreuve, prit la première, qui luy cheut en la main.

Cris et cérémonies furent faictes : et, les gardes et escoutes ordonnées, saillit messire Jaques, entrepreneur, hors de son pavillon , moult-froidement : et estoit acompaigné de messire Piètre-Vasque , dessusdict, ensemble de ceux, qui desja avoyent fait ai mes, et combatu en lices à-1'encontre de luy : et me faut retourner à ce que le signeur d'Espiry fit requérir au juge, que ses quatre conseilleurs peussent demourer en la lice : qui furent les quatre jeunes escuyers dessusdicts. Ce qui luy fut acorde'. Si fut le pavillon du

d'olivier de la marche. 35

chevalier ouvert : qui estoit adossé, par dedans, d'un riche drap d'or noir : qui s'estendoit sur une grande chaize , et faisoit marchepié par tout le pavillon , et jusques dehors, plus de deux aunes. Le chevalier estoit assis sur la chaize, arme' de toutes armes, la cotte-d'armes au dos : et avoit une salade à visière et courte baviére : et tenoit sabannerolle en sa main : et acheva une oraison, qu'il avoit commencée. Il avoit les jambes croisées : et à la vérité' il ressembloit un Caesar, ou un preux, à son triomphe : et deçà et delà de luy estoyent les quatre enfans, ses conseilleurs, et non autres. Son oraison achevée, le chevalier se leva : et fit un grand signe de la croix, de sa bannerolle : et marcha hors de son pavillon , et puis de-rechef se signa, et bailla sa bannerolle aux deux jeunes es^ cuyers, qui l'adextroyent du costé senestre : et luy baillèrent ceux du dextre costé sa hache . et fut ceste cérémonie trop - plus -tost, et mieux faicte, qu'elle n'est escrite : et le bon chevalier de Lalain le regardoit devant son pavillon, armé comme il avoit de coustume , la hache au poing : et attendoit qu'il le vist en estât de marcher : et sembloit bien à veoir le personnage, qu'il estoit chevalier fort-asseuré et delibéré en son affaire.

Ainsi marchèrent les deux chevaliers l'un contre l'autre : et, quand le signeur d'Espiry eut marché environ six pas , il s'arresta : et prit la visière de sa salade, de sa main dextre : et l'arracha hors de la salade : et la getta loing de luy en arriére : et demoura le visage moult-fort découvert : et ce fit il pource qu'il estoit homme de courte veûe, et la vouloit desempescher. Si s'assemblèrent les chevaliers vigoureusement

l'un à Ta titre : et cliaudiërent fort leur bataille de chacune part : et queroyent asprement les chevaliers après les visages, du bout d'embas : et raba tirent et soustindrent plusieurs coups à leurs haches : et fuient atteints et touchés l'un et l'autre : et finalement achevèrent chevaleureusement les armes devisees, et nommées de cinquante cinq coups : et furent pris par les escoutes, et tous deux saisis de leurs battons, et combatant et assaillant l'un l'autre : et certes les deux chevaliers estoyent si-recommandés et aimés, que les amis, bienveuillans , et serviteurs de chacun d'eux desiroyent la bataille achevée, sans la foule ou déplaisir de l'un des deux : comme il avint : et ainsi furent amenés devant le juge : et de là se partirent frères et bons amis.

En ce temps et en celle semaine revint du voyage de Jérusalem, et de là retourna parRomme, pour gaigner le sainct pardon, messire Jehan, signeur de Crequi, un moult-nobîe et vertueux chevalier, et duquel cy-devant avons parlé, au présent livre de mes Mémoires. Cestuy signeur de Crequi fut oncle dudict messire Jaques de Lalain, et frère de sa mère : et, combien qu'il eust esté un an , ou plus, en son voyage , à grans fraiz et missions (car il estoit fort-acompaigné de chevaliers et de nobles hommes) toutesfois, pour l'amour qu'il avoit à sonclict neveu , il arresta au lieu de Chalon : et en fut sondict neveu , moult-noblement acompaigné : combien qu'à la vérité, par la vertu congnue audict messire Jaques, la noblesse de Bourgongne s'adonna tellement à l'aimer, que certes les derniers Bourgongnons, qui firent armes à luy, ne trouvoyent qui les acompaignast , contre ledict mes-

d'olivier de la marche. 3 7

sire Jaques, si non les si-prochains amis, qu'ils ne les pouvoyent par honneur abandonner. A cause de la venue dudict signeur de Crequi, ledict messire Jaques chaudoya les armes emprises en celuy mois, tellement qu'il fit neuf fois armes en quatorze jours, et, telle fois, deux fois armes en un jour ; comme vous orrez cy-apres.

Au lundi suyvant comparut Jaques d'Avanclïies, l'escuyerdeSavoye, qui avoitfait toucher les trois targes, comme dessus est dict : et ce pour faire les armes à pie, selon les conditions de la blanche targe : et se présenta ledict escuyer en une robe longue : et puis se retrait en son pavillon : et, après la présentation du chevalier entrepreneur, l'escuyer requit dixsept coups de hache. Si furent les haches présentées : et, cris et cérémonies exécutées, saillit l'escuyer de son pavillon , la cotte-d'armes au dos : et de sa teste il fut armé d'une salade à visière : et avoit le col couvert et armé d'un gorgerin de mailles seulement : et avoit le visage tout découvert : et , quant à messire Jaques de Lalain , il estoit armé à la manière acoustumee : réservé qu'il n'avoit point de gantelet en sa dextre main : et, au regard des haches que fit présenter l'entrepreneur, elles furent fortes, et pointuees dessus et dessous : et, depuis les armes précédentes de luy et du signeur d'Espiry, il fit tousjours présenter haches, a dague dessous. Ce qu'il n'avoit pas fait devant : comme dict est.

Ainsi marchèrent les deux champions les haches empoignées, l'un contre l'autre : et l'escuyer (qui fut homme menu, et petit personnage) assembla courageusement : et du premier coup ferit du maillet de la hache, après la main senestre de son compaignon

mais le chevalier le rabatit froidement : et, du second coup, Fescuyer recouvra du haut des bras, pour cuider plus haut atteindre : et le chevalier rabatit de la queue de la hache, de plus-grande force : tellement qu'il fit tourner l'escuyer ainsi qu'à demy : et de ce coup le chevalier recouvra de la dague de dessous, et l'atteindit au fort du gorgerin, tellement qu'il fit démarcher l'escuyer, pins de deux pas loing de luy : et, quand l'escuyer (qui fut aspre, et asseuré) se vit au danger du batton du chevalier, et congnut que, tant qu'il estoit plus loing, moins luy estoit le faix du batton soustenable, il s'aventura : et marcha, la hache au poing, jusques à messire Jaques : et de la main droitte prit la hache du chevalier : et prestement recouvra, de la senestre main : et abandonna la sienne, pour tenir plus fort celle de son compaignon : et me souvient que la hache dudict escuyer demoura appuyée contre messire Jaques : mais le chevalier démarcha deux ou trois grands pas, en tirant après luy, de tau te sa force, l'escuyer, qui tenoit sa hache : et par celle démarche cheut la hache de l'escuyer au sablon : mais Tescuyer ne perdit point sa prise : et, quand le juge vit l'escuyer desembattonné, il getta le batton : et furent pris, estant Jaques d'Avanchies dessaisi de sa hache, et tenant et empeschant à deux mains celle de messire Jaques : et estoye si près, que j'ouy que ledict messire Jaques dît, après qu'ils furent pris, a Laissez aller ma hache : car vous ne la pouvez « avoir. » Et lors la laissa aller : et vindrent devant le juge : et pour celle fois ne touchèrent point l'un à l'autre : pource qu'encores n'estoyent pas faictes les armes, emprises par ledict d'Avanchies, touchant les

d'olivier de LA MARCHE. 3()

targes, violette et noire : ausquelles ledict d'Avanchies avoit fait toucher.

Le mercredi ensuyvant, comparurent environ huict heures du matin, et se présentèrent, pour la seconde fois, messire Jaques de Lalain, entrepreneur, d'une part, et de l'autre part, Jaques d'Avanchies dessusdict : et se présenta ledict messire Jaques devant le juge vestu d'une robe longue de drap d'or cramoisi, fourrée de martres, en aprochantla pareure et la couleur de la targe violette , touchée par ledict Jaques : et se présenta l'escuyer en longue robe : et se retrait en son pavillon : et tantost se tira le mareschal de la lice, pour avoir les espees, à faire les -armes, en signifiant à l'entrepreneur, que l'escuyer avoit requis onze coups d'espee férus , marche's, et démarchés de trois pas, selon le contenu des chapitres. Lesdictes espees baillées et présentées à l'escuyer, il choisit à son plaisir.

Cris et cérémonies faictes, ils saillirent de leurs pavillons : et parleray premier de Jaques d'Avanchies : lequel saillit hors de son pavillon, armé de toutes armes, la cotte-d'armes au dos, et l'espee (que l'on dit estoc d'armes) empoignée : et tenoit la main senestre renversée, et couverte delà rondelle de l'estoc : et estoit armé, de la teste, d'un ai met, à la façon d'Italie, armé de sa grande baviére. D'autre part saillit l'entrepreneur, de son pavillon : qui fut à manière d'une petite tente : et fut de soye vermeille , semée de larmes bleues. Il estoit armé de toutes armes : et dessus son harnois avoit un palietot à manches, de soye vermeille, couvert de larmes, comme dessus : et ainsi continuoit ses pareures, à la sorte et selon qu'il avoit à besongneiv par les conditions des targes de son em-

prise : et, de son chef, il estoit armé d'un bacinet, à une grande visie're : laquelle il avoit close : et fut la première et seule fois, queledictmessire Jaques combatit onques le visage couvert : mais les armes de l'estoc, férus sans rabat, desiroyent seureté de harnois : comme chacun, qui congnoist le noble mestier d'armes, le peut légèrement entendre.

Quand ledict messire Jaques eut empoigné l'estoc, si me sembla l'un des beaux et fiers hommes-d'armes , qu'onques je veisse, et plus-beau, sans comparaison, que jamais ne l'avoye veu. Si marchèrent l'un contre l'autre : et, quand Jaques d'Avanchies aprocha, ainsi qu'à six pas de son compaignon, il s'arresta, et s'afferma en sa marche, dedans le sablon, le pie senestre devant, et la pointe de l'estoc tournée devers son compaignon : et monstroitbien qu'il vouloit soustenir et porter sagement son faix, et le pouvoir du chevalier : et messire Jaques marcha baudement : et celuy coup atteindit l'escuyer, entre l'espaule senestre, et le bord de la baviére de l'armet, un moult-grand coup : et l'escuyer atteindit messire Jaques sur le flanc senestre. Si se mirent les escoutes, ordopnees, entre deux : et furent reculés trois pas, comme il estoit dict par les chapitres : et pour la seconde fois marcha ledict messire Jaques sur son compaignon : mais l'escuyer s'afferma en sa marche, comme devant : et mit la pointe de l'estoc au devant du coup : et le chevalier, marchant pour la seconde fois, atteindit assez près de la première atteinte , tresdurement : mais l'escuyer soustint froidement, et sagement : n'onques n'en démarcha. Le chevalier (qui moult estoit asseuré en ses affaires ) ne fit autre poursuite : mais de luy mesme

d'olivier de la marche. 41

démarcha les pas ordonnés : et revint pour la tierce fois : et, pour abréger mon récit, tant continua le chevalier sa poursuite, et les démarches ordonnées, que les onze coups d'espee furent férus par le chevalier, et soustenus par l'escuyer, par la première forme, qui dicte est, sans ce que Fescuyer fust démarché de sa première place prise : et ainsi les fit le juge départir : et se retrait chacun en son pavillon : et s'en alérent les champions desarmer, et réarmer de nouveau, pour faire les armes de cheval, par eux emprises, et dont jour leur estoit assigné ce lu'ndy, comme dict est : et, tandis qu'ils se préparoyent, plusieurs alérent disner (car il en estoit grand temps) et assez tost furent les chevalier et escuyer montés, et armés : et se présenta Jaques d'Avanchies, le premier, devant le juge : et avoit son cheval couvert de ses armes.

D'autre part se présenta le chevalier entrepreneur, son cheval couvert de velours noir, semé de larmes bleues : et fit prestement tendre la tente noire, semée de larmes bleues , en continuant ses premières pareures et ordonnances : et fut ledict Toison d'or en ceste partie juge pour tous les deux : qui se pi ésentoyent pour la tierce fois devant luy, pour acomplir l'un à l'encontre de l'autre les armes emprises, requises, et touchées es trois targes, par ledict d'Avanchies : et après prirent chacun son bout de la lice. Cris et cérémonies furent faicts : et lances leur furent baillées : et de la première course ne firent point d'atteinte. A la seconde, firent une rude croisée. A la tierce, messire Jaques de Lalain rompit sa lance sur le grand gardebras de son compaignon. A la quatrième, firent tous deux atteinte : et agravérent les fers de leurs lances. A la

cinqiëme , ne se trouvèrent point. A la sixie'me , l'ecuyer rompit sa lance, par la poignée : et atteindit au placart du chevalier. A la septième, fit le chevalier atteinte, et l'autre non. A la huictiéme faillirent tous deux. A la neufiéme et dernière course d'icelles armes , le chevalier atteindit sur le bord de la croisée de l'armet de l'escuyer : et fut l'atteinte si grande, que ladicte coiffe fut enfoncée, jusques à la teste : et, si le coup fust descendu, aussi bien qu'il monta, certainement l'escuyer eust eu la teste faussée : mais la pointe glissa en amont : et ne fut point l'escuyer blecé : mais il fut tellement endommagé de son armet, qu'il fut conseillé de soy déporter de plus-avant poursuyvre, ne parfaire icelles armes : et, combien .que les vingt cinq courses ne fussent achevées, toutesfois le juge tint les armes pour acomplies, au contentement de tous les deux : et furent amenés et présentés au Juge : et lors touchèrent ensemble (pource que leur emprise estoit achevée ) et se retira chacun > comme il estoit venu.

Le vendredi suyvant comparut de rechef l'entrepreneur, devant le juge, pour la sixième fois d'iceluy mois : et d'autre part comparut un escuyer de Bourgongne, nommé Guillaume Bassam : lequel avoit fait toucher la targe noire (comme cy-dessus est declairé) au premier samedy du mois présent : et me semble que ledict Bassam estoit paré, sur son cheval, d'une couverte de ses armes : et d'autre part saillit l'entrepreneur, de la noire tente, son cheval couvert de mesme, en continuant ses pareures, et sa première manière de faire. Cris et cérémonies faictes, et passées, lances leur furent baillées. Si laissèrent le che-

d'olivier de la marche. 43

valier et l'escuyer courre l'un contre l'autre : et de celle première course firent tous deux tresbelle atteinte , sans toutesfois rompre lance, ne desarmer l'un l'autre : et depuis coururent quatre courses d'une suite, sans eux rencontrer. A la sixième course, messire Jaques rompit sa lance, d'une atteinte, entre les quatre points, sur son compaignon. A la septième, l'escuyer agreva le fer de sa lance plus d'un doigt. A la huictième, neufième, et dixième, n'atteindirent point. A l'onzième, firent tous deux une rude croisée, sans atteinte. A la douzième , l'entrepreneur rompit sa lance, par la poignée. A la trezième, quatorzième, et quinzième, n'atteindirent point. A la seizième fit l'escuyer une atteinte : dont il desarma l'entrepreneur, du petit gardebras : mais il fut prestement réarmé. A la dixseptième course, ne se trouvèrent point. A la dixhuitième course, messire Jaques de Lalain atteindit l'escuyer, sur le placart, au senestre costé : et la lance fut bonne et forte : et le fer (qui fut fin et acéré) prit audict placart : et de celuy coup fut ledict placart faussé tout outre, jusques à la cuirace : et certes, si la lance ne fust de celuy coup rompue , je fay doute que l'escuyer n'eust esté endommagé de sa personne, et que la cuirace n'eust peu soustenir l'atteinte, dont le placart (qui estoit le plus-* fort, et plus espés) estoit desja percé et faucé : et ainsi fut icelle dixhuictiéme course passée : et vouloyent les amis de l'escuyer qu'il ne courust plus, doutans que la lance ne rencontrast de-rechef en iceluy lieu. Mais ledict escuyer, comme homme d'honneur et de courage, dît qu'il achéveroit à l'aide de Dieu : et recommencèrent la dixneufiéme, vingtième, et vingt-

unième : et ne se trouvèrent point. A la vingdeuxiéme atteindirent tous deux : et, du surplus, parachevèrent vintgcinq courses de lances, sans autre chose faire : et ainsi furent icelles armes achevées : et plus n'y eut course de lance, pour celuy pas : et furent amenés devant Toison d'or leur juge : et touchèrent ensemble : et s'en retourna chacun à son plaisir.

Le l'endemain comparut l'entrepreneur devant le juge : et d'autre part un escuyer de la comté de Bourgongne, nommé Jehan de Villeneuve, dictPassequoy, un bon corps, grand et puissant de sa personne : et fut acompaigné du signeur de Champdivers, et de plusieurs nobles hommes du païs. Si se retrait en son pavillon , pour soy armer : et le mareschal de la lice fit porter les haches à l'escuyer , pour choisir : et, en raportant l'autre à l'entrepreneur, l'avertit que son compaignon avoit requis soixante et un coup de hache. Cris et cérémonies faictes et pass'ees, issirent les champions de leurs pavillons : et me souvient que l'entrepreneur estoit armé et paré, comme aux autres fois , qu'il combatit de la hache en celuy pas , réservé qu'il n'estoit point armé de la jambe, ne de la cuisse droite : et me fut dict depuis, qu'il le faisoit pour estre plus à son délivre , si son compaignon le joindoit au corps. Quant à l'escuyer, il estoit armé de sa cotted'armes vestue : et de son chef estoit armé d'une salade de guerre, et d'un haussecol de maille : et marchèrent l'un contre l'autre moult asseurement : et à l'aprocher de dix ou douze pas , messire Jaques hasta sa marche : et courut sus à l'escuyer : et contendit de luy bailler du bout d'embas au visage : mais l'escuyer rabatit le coup moult froidement : et le che-

d'oLIVIER DE LÀ MARCHE. 4^

valier voulut derechef recouvrer. Ce que l'escuyer rabatit : et de ce coup cuida donner l'escuyer sur le bras senestre de son compaignon , du maillet de sa hache : mais le chevalier rabatit le coup : et getta le bout d'embas de sa hache , et de la dague atteindit l'escuyer, au camail du haussecol : et le recula loing de luy. Puis l'assemblèrent ensemble vigoureusement, et de grande aspresse : et, à ce rassembler ? atteindit le chevalier ledict Passequoy , sur la cotte-d'armes, de la dague d'embas : et l'escuyer soustenoit asprement, et assailloit , quand il voyoit son avantage : et tant poursuyvirent leur bataille, que les soixante et un coups de haches furent acomplis : et lors getta le juge son batton : et furent pris, en combatant de leurs battons : et furent amenés devant le juge : et touchèrent ensemble.

Le lundy suyvant comparut l'entrepreneur , pour la huictiéme fois d'iceluy mois : et d'autre part comparut Gaspart de Dourtain , un escuyer de la comté de Bourgongne, homme puissant et renommé : et, après que tous deux furent armés en leurs pavillons , et que le mareschal eut les haches livrées, il annonça à l'entrepreneur, que l'escuyer avoit requis septante cinq coups de hache. Cris et cérémonies furent faicts. Si s'assemblèrent les champions, les haches empoignées : et me souvient que messire Jaques de Lalain estoit armé à la manière acoustumee : excepté qu'il n'avoit point de grève (0 à la jambe droite : et l'escuyer estoit armé, la cotte-d'armes au dos, le bacinet en la teste, et la visière close. Si se rencontrèrent devant le juge :. et commença la bataille entre eux,

{») Grés>e : bottine de fer.

forte et dure : et requeroit chacun son compaignon, en signe de mortels ennemis : et avint que messire Jaques de Lalain getta plusieurs coups mortels, après la visière de l'escuyer, contendant de l'enferrer de la dague de dessous : mais l'escuyer ( qui moult estoit puissant) rabatoit, et se deffendoit de l'emprise de son compaignon : et d'un rabat rompit la dague de la hache dudict messire Jaques : et , quand l'escuyer s'apperceut que le batton du chevalier estoit empiré, assaillit moult-vigoureusement : et messire Jaques (qui moult fut asseuré en tous ses faicts ) marcha plus-près de son compaignon : et rabatoit l'assaut de l'escuyer de si-pres , qu'il l'empeschoit de faire atteinte , ne de l'un des bouts , ne de l'autre : et , après plusieurs rabats, messire Jaques getta le bout rompu : et fit atteinte au col du bacinet de l'escuyer : mais rien n'en démarcha ledict escuyer : mais continua la bataille entre eux deux forte et dure : et tournoyèrent parmy la lice , chacun gardant sa place , et l'avantage du souleil : et ne sauroye dire , ne juger , que l'un gaignast sur l'autre un pie de la lice : et finalement , après avoir longuement combatu, messire Jaques de Lalain getta la main droite à la hache de l'escuyer : et la prit par le manche , entre la main senestre et le bout d'embas : et prestement getta le juge son batton : et furent pris les champions , et amenés devant le juge : et parla messire Jaques moult-asseurément , en soy offrant de parachever , si faute y avoit : et pareillement fut levée la visière de l'escuyer : et fut trouvé aussi frais, que quand elle luy fut close : et parla promptement devant le juge en grande asseurance : et voyoit on bien, à son parler, que l'aleine

d'olivier de là màuche. 47

ne luy estoit guéres endommagée. Si touchèrent ensemble : et depuis furent bons amis : et se trouva, depuis, ledict Gaspart, aveques ledict messire Jaques, en la guerre de Flandres : dont ledict messire Jaques se loua fort dudict Gaspart, comme nous lirons cyaprès : et tant en dy, à l'honneur de l'escuyer, que messire Jaques de Lalain me dît par plusieurs fois, qu'il avoit trouvé et senti Gaspart de Dourtain , homme à redouter, sur tous ceux qu'il avoit onques combatu.

Le mecredy suyvant (qui fut le quatorzième jour de septembre) se présenta messire Jaques de Lalain : pour la neufiéme fois d'iceluy mois : et fut la dernière dudict mois , et d'iceluy pas : et n'ay pas souvenance que ledict messire Jaques fîst onquepuis armes en champ clos. D'autre part se présenta un escuyer de la duché de Bourgongne, nommé Jehan Pientois : et s'armèrent tous deux en leurs pavillons : et furent les haches présentées : pour ce que l'escuyer avoit fait toucher à la blanche targe, et avoit requis cinquante deux coups de hache. Cris et cérémonies faictes, saillit l'entrepreneur de son pavillon, armé et paré des couleurs de la targe touchée , comme il avoit acoustumé : et n'avoit ledict entrepreneur la jambe droite de rien armée. D'autre part saillit ledict Jehan Pientois, armé comme en tel cas appartient, la cotted'armes au dos , et son chef armé d'une salade , et d'un haussecol de maille, assez semblablement que l'entrepreneur : et certes l'escuyer marcha en moultbelle ordonnance : et furent les champions assez semblables de grandeur : et fièrement s'assemblèrent de venue : et cuida l'escuyer ferir le chevalier de la

pointe d'embas de la hache : mais le chevalier rabatit le coup, et de celle venue contendit de ferir l'escuyer : mais il démarcha, et rabatit le coup : et ainsi se poursuy virent l'un l'autre par plusieurs coups, donnés et férus d'un costé et d'autre : et se chaudioyent moult-fort, et moult-fiérement, et de toute leur force. Environ les trente coups de haches, messire Jaques de Lalain abandonna son batton : et prit celuy de son compaignon : et le tint si-fort, que l'escuyer ne peut plus s'en aider : et mcssire Jaques tenoit en sa main dextre sa hache empoignée près du maillet : et ferit par plusieurs coups, de la dague de dessus, après le visage de son compaignon : et l'escuyer rabatit plusieurs coups de son poing dextre, dont il avoit clos le gantelet : et rabatoit (comme dict est) l'assaut du chevalier moult-vigoureusement : et feroit l'escuyer, le gantelet clos, de toute sa force, après le visage du chevalier : lequel à chacune fois rabatoit le coup , du costé, et du bras, dont il tenoit la hache de son compaignon : et tant continua leur bataille en ceste manière , que l'escuyer fut blecé à sang, de la pointe de la hache, au visage : et, après avoir treslonguement combatu, furent pris et depar^ tis par les escoutes : et messire Jaques dît à l'escuyer, « Ce n'est pas honneste bataille de combatre du poing, « comme les femmes. » Aquoy l'escuyer respondit : « Si vous n'eussiez pris ma hache , je vous eusse comte batu de mon batton : et sont les mains .faictes à « l'homme, pour assaillir et pour deffendre. » Et à tant furent les parolles rompues : et vindrent devant le juge : et parla messire Jaques de Lalain , à sa présentation , moult-notablement, disant qu'il se présea-

t)*OLIVIER DE LA MARCHE. 49

toit, pour la dernière fois, ayant , à l'aide de Dieu, achevé son emprise , et acompli , soy offrant d'en faire plus - avant , s'il sembloit que faire le deust y merciant le juge, sa bonne assistance, et son jugement : et, pource qu'avoit iceluy mois de septembre encores à durer quinze ou seize jours, et ne sçavoit si nuls ne -voudroyent encores venir au secours de la dame de Plours , il demoureroit tout celuy mois en la vile, luy priant que pareillement le voulsist faire. Ce que le juge luy acorda. Pareillement se présenta l'escuyer, de sa part. Si s'embracérent : et s'en, ala l'escuyer , tout armé , à Nostre-Dame des Carmes : et messire Jaques s'en ala désarmer en son pavillon : et de là envoya à Toison d'or (qui avoit esté son juge) une longue robe de drap d'or , fourrée de bonnes martres soubelines , pour recompenser son travail : et s'en retourna ledict messire Jaques comme il avoit acoustumé.

Le dimenche suyvant fit ledict messire Jaques de Lalain un grand souper , en manière de banquet , au palais del'evesque : et là eut grand'noblesse et chevalerie assemblée , grande foison de vins et viandes , et moult de divers et riches metz : et me souvient d'un gracieux entremetz, qui fut au milieu de la grand table : qui fut à manière d'une lice close : et de l'un des costés estoyent en front , et en rang , la représentation de ceux, qui avoyent combatu à l'encontre de l'entrepreneur , en celuy pas , montés et parés comme ils estoyent venus chacun à sa bataille : et devant eux estoit la représentation de l'entrepreneur, armé et paré, la hache au poing, comme plus-souvent il avoit combatu : et, avoit, devant ses pies, un io. 4

petit couplet d'esci ipture : qui disoit , en substance, comme il mercioit , à ses compaignons , l'honneur, que chacun luy avoit fait : et leur faisoit offre de les servir, comme ses frères et amis, tant qu'il vivroit, de corps et de biens. Grandement fut le souper servi , et, après tables levées et grâces dictes, furent les prix donnés par le raport de messire Jaques entrepreneur : et premier fut donnée la hache d'or à Gérard de Rossilion , pour avoir féru le plus-haut coup de sa hache, sur ledict messire Jaques : et fut pour un coup d'un rabat de la queue : par lequel ledict Gérard atteindit ledict messire Jaques sur le bord de la sailade : et recheut le coup sur l'espaule senestre : comme plus-à-plain est escrit au récit d'icelles armes. Pour le prix des armes de l'espee , il fut donné à Jaques d'Avanchies : et, pour iceluy prix donner, ne fut faicte aucune enqueste à l'entrepreneur : pource que luy seul avoit combatu d'espee à celuy pas. Au regard du prix des courses de lance, il fut donné à messire Jehan de Bonniface : lequel certes avoit moult bien couru, et atteint : comme il est cy-dessus declairé. A celuy soir fit ledict messire Jaques l'acord de Tristan de Toulongeon et de Gérard de Rossilion : qui pour un vert débat, par jeunesse, s'estoyent combatus : et estoit. ledict messire Jaques tant aimé et prisé de chacun , que jamais son conseil n'eust esté refusé.

Ainsi fut le banquet achevé, et le mistere d'iceluy pas : et le dernier jour , que le pavillon fut tendu, et que l'heure de midi fut passée, que l'on avoit acoustumé de destendre ledict pavillon , tous les nobles hommes, et serviteurs de l'hostel de messire Jaques,

vindrent acompaigner les officiers-d'armes r qui devoyent les misteres raporter , pour la dernière fois à cottes-d'armes vestues, et le plus-honnorablement que faire se pouvoit : et premier venoit Leal , le poursuy* vant dudict messire Jaques de Lalain ( qui portoit la licorne, la fontaine, et les trois targes) et après venoit Toulongeon le héraut (qui portoit la dame de Plours) et après venoit Charolois le héraut : qui portoit la représentation de la glorieuse Vierge Marie t dont ledict pavillon avoit esté paré et gardé toute l'année : et en tel ordre vindrent à l'hostel de l'entrepreneur : qui attendoit , aveques aucuns de ses amis , la fin de son emprise : et laissa passer pai devant luy la licorne : et puis devant la dame de Plours se denula, et devant la Vierge Marie s'agenouilla terre à terre, et la baisa aux pies moult-devotement : et depuis furent portés iceux misteres à Nostre-Dame de Boulongne : où l'on les peut encores voir et trouver en l'église, sur l'oratoire du duc de Bourgongne.

Tantost après , le signeur de Crequi s'en retourna en Picardie ( où il n'avoit esté de longue espace à l'occasion de son voyage : comme il est escrit cy-dessus) et messire Jaques , son neveu , demoura audict lieu de Chalon : où les signeurs du païs, et voisins, le festeyérent grandement, à leur pouvoir. Car (comme il est dict dessus) par sa vertu , douceur, et courtoisie, et aussi par les biens et asseurance qu'ils veirent en l'exécution d'iceluy pas, monstre par ledict messire Jaques, tant l'aimoyent et l'honnoroyent, que plus Ton ne pourroit : et devez croire que les dames du pais faisoyent de gracieuses devises, à la louenge de luy : et l'appeloyent le bon chevalier, et le nom-

moyent pour un nouvel Pontus en vertus, vaillance, et renommée. Ainsi faisoit parler de luy messire Jaques de Lalain : et élevoit sa renommée si hautement, que nul plus de son temps : et , quand le mois de septembre fut passé , ledict messire Jaques s'en ala à Komme, et de là à Naples moult-notablement acompaigné : et porta par les Italies, et en Naples, son emprise, qu'il avoit emprise à porter par la plus-part des royaumes chrestiens : mais nul ne toucha à son emprise : combien qu'à la court du roy de Naples l'on y vouloit toucher : mais le roy Alphonse (qui pour lors estoit roy d'Arragon, et de Naples) ne le voulut souffrir, pour l'amour qu'il avoit au duc Philippe de Bourgongne : à qui il estoit frére-d'armes. Audict lieu de Naples trouva ledict messire Jaques le duc Jehan de Cléves, neveu du duc de Bourgongne, ceîuy qui avoit nourri ledict messire Jaques : lequel duc de Cléves revenoit de Jérusalem (où il avoit esté faict chevalier ) et plusieurs autres signeurs de ses païs : et devez sçavoir que le roy d'Arragon le festeya et receut mouît-honnorablement , tant pour l'amour qu'il avoit à la maison de Bourgongne, comme pour l'honneur de la personne dudict duc de Cléves : qui fut, de soy , un des beaux, des sages, et des bienadrecés princes de son temps : et le roy Alphonse dessusdict fut large prince , honnorable, et abandonné : et de là se partit le duc de Cléves, et aveques luy messire Jaques de Lalain : et s'en retournèrent devers le duc de Bourgongne : qui pour lors se tenoit au païs de Brabant : et furent bienviengnés et bien receus : et atant se tait mon mémoire du pas de la dame de Plours.

D*OLIVIEJl DE LA MARCHE. 53

VVW\'Ti/VV ÎL/VM^ VWV^ ^i/V^V^ VVT^V VM^ti/^^