CHAPITRE XXII

Comment le duc de Bourgongne fit sa feste de la Toison a Mons en Hainaut : comment les Qandois se firent ennemis diceluj leur signeur : et comment le comte de Charolois fit ses premières joustes.

Ainsi se passa Tan i45o : et entrasmes en Tan 5i , que le duc de Bourgongne tint sa feste de la Toison à Mons en Hainaut, moult-haute et moult-solennelle. Là fat en personne le duc d'Orléans, chevalier dudict ordre, et moult d'autres comtes, barons, et chevaliers : et, la feste tenue, fut tenu le chapitre de l'élection : et fut donné le colier au duc de Cléves dessusdict, et à messire Jaques de Lalain, au signeur de Launoy, et à autres grans personnages.

Au partir d'icelle feste furent envoyés en ambassade, messire Jehan de Crouy et messire Jaques de Lalain, devers le roy d'Arragon, dessusdict, et, à leur retour devers le roy de France : et ce pour aviser aucun bon moyen, pour la défense de la foy chrestienne. Car l'on estoit averti que le grand Turq se préparoit à grande puissance , pour entreprendre contre lessigneuries de l'empereur de Constantinoble : qui pour lors estoit terre chrestienne , et dont la cité de Constantinoble estoit l'une des élevées en renommée de pouvoir, beauté, et richesse, de tout le monde. Cestuy Turq (0 fut le propre fils de Lamo-

(0 Cestuy Turq : Mahomet II , fils cTAinurat IL

rault Bays : qui déconfit le duc Jehan de Bourgongne en Hongrie, jeune prince, vertueux en sa loy, et de haute entreprise.

Le bon duc Philippe (qui tousjours avoit, à son pouvoir, labouré pour la deffense de la foy chrestienne , et tousjours vouloit continuer) envoyoitses chevaliers et ambassadeurs , là où il cuidoit profiter d'aide pour cette matière : mais tous les autres princes furent si négligens, ou par voulonté divine, ou par leur mesme coulpe, que rien ne fut en ce pourveu : dont il advint que ladicte cité fut prise et destruite, l'Empereur mort, et sa noble génération impériale faillie et esteinte, et le pouvoir des Infidelles acreu et augmenté, et la foy chrestienne foulée, grevée, et amoindrie : comme cy-apres sera veu et leu.

Celle saison le duc de Bourgongne se partit de son païs de Brabant, et ala en la duché de Luxembourg, pour renouveler les hommages et les fidélités de ceux de Luxembourg : dont le duc estoit nouvellement signeur et gagé. Car la duchesse estoit trépassée : et, combien qu'ils fussent en la main du duc de Bourgongne (qui les tenoit en bonne justice) et que les voisins haussaires (0, rustres, et pillars , cessassent leurs courses, et leurs pilleries, de longue main acoustumees en iceluy païs, toutesfois les aucuns, et aucunes viles, avoyent au cœur le duc de Zasses, et les Zassons : et estoit bien-averti le duc, que ceux de Tionville n'avoyent nulle bonne voulonté envers luy : et pource ala le duc à Luxembourg : et renouvela leurs sermens : et tousjours leur laissa Cornille, son fils bastard : qui les gouvernoit et tenoit en moult-

(') Haussaires : arroçans.

d'olivier de la marche.

bonne justice, et les gardoit et garantissoit de toutes fouiles de voisins : et envoya le duc en Bourgongne, vers messire Claude et Tristan de Toulongeon, frères : lesquels luy amenèrent cent lances de Bourgongne : et le duc emmena le comte d'Estampes, pour lors gouverneur de Picardie, Anihoine, bastard de Bourgongne, le signeur de Saveuses, le signeur d'Emeries, et autres : qui emmenèrent environ mille archers de Picardie : et ala le duc en armes, et toute sa maison : et la duchesse et le comte de Charolois demourèrent à Brucelles, attendant la venue du duc : qui demoura environ trois mois : et, pendant ce temps, la comtesse de Boucquan, fille du roy d'Escoce, acoucha d'un fils, à la Vère en Zeelande : et ala le comte de Charolois lever l'enfant : et eut dur et merveilleux temps en la mer : mais il estoit à son désir : car il aimoit et desiroit les batteaux, et la mer : et ne luy sembloit nul vent ne nulle fortune dangereuse : et se congnoissoit, de son propre art naturel, au gouvernement des batteaux : et ainsi se passa le temps, jusques au retour du bon duc son père.

En celuy temps faisoit le roy Charles la guerre en Normandie : laquelle guerre le Roy chaudoya moultfort et moult -asprement, par grand sens, et par grand hardement : et avoit le roy françois trouve manière, et de longue-main , de mettre débat en Angleterre , à cause du gouvernement, entre le dua d'Yorch , et le duc de Sommerset : pource que le roy Henry d'Angleterre, fils du vaillant et sage roy Henry, dont cy-dessus est faicte mention, estoit un simple personnage, et plus adonné à Dieu et à dévotion > qu'à defFendre et croistre son royaume et sa signeurie :

et gouvernoit la royne Marguerite, sa femme, toute Angleterre : laquelle, à la vérité, fut une femme sachant, et de grand esprit. Geste Royne fut fille du roy de Cécile, et de la maison d'Anjou : comme cy-dessus est faicte mention. Par celle dissension les Anglois perdirent ce qu'ils avoyent en France, tant en Normandie comme en Guienne, en peu de temps : et furent déconfits à Fourmigny, par monsieur Artus de Bretaigne, comte de Richemont, connestable de France, et par monsieur Louis de Clermont, fils aisné du duc de Bourbon. Par celle division (qui par trop dura et continua en Angleterre ) telle malheurté et fortune cheut sur Angleterre, qu'eux mesmes firent mourir tout le noble sang, toute leur noblesse, et mesmes leur roy et souverain signeur : et mirent la couronne hors de la lignée de Lanclastre : et firent roy en la maison de la lignée d'Yorcli : desquelles matières, touchant Angleterre, je deviseray bien au long, en temps et lieu : pource que j'ay beaucoup veu et congnu dudict cas. Mais des guerres, et de la conqueste de Normandie et de Guienne (qui en cet an 5 1 se faisoyent ) j'en lairray escrire aux nobles et sages croniqueurs, qui ontsceu et enquis de ce. Car, de moy, je n'en ay rien veu : et corromproye mon entreprise, d'escrire plus que je n'ay veu , et dont j'ay labeur assez devant la main , grâce à Dieu : qui me doint le temps d'en rendre bon compte.

En celuy an, 5i , vint pardeça madame Ysabel (0 de Coimbres, et Jehan Monsieur, son frère : qui vint depuis en celle mesme saison. Iccux, frère et sœur,

(T) Madame Ysabel: elle étoit sœur du prince Jacques de Portugal ., dont il a été parlé plus haut.

li OLIVIER DE LA MARCHE. 57

furent depuis moult-bien adrecés, de vertus, et de bonnes meurs : et furent enfans au duc de Coimbres, mort et occis en Portugal, et neveu et nièce à la duchesse Ysabel deBourgongne, et chacéset exilés de leurs signeuries et héritage (comme il est cy-dessus escrit) et les receut le bon duc et la duchesse, ensemble le comte de Charolois, leur fils, moult-doucement, et en grande pitié de leur exil : et leur ala le comte audevant, et tous les princes et nobles hommes de la maison : et comment le bon duc les pourveut, et s'en aquita, sera veu cy-apres.

Autre chose n'avint en Tan 5i, qui à ramentevoir face : mais assez tost après se fit le mariage de monsieur de Ravastain, neveu de monsieur le duc Philippe, avec madame Ysabel de Coimbres, nièce de madame de Bourgongne : et se marièrent en la vile de Tlsle : où furent faictes joustes et tournoyemens : et certes ce furent deux gens, qui firent grand chère ensemble, et mesmes à tous ceux qui les aloyent veoir.

Or est besoing, pour declairer les choses et aventures que j'ay veiies en l'an 52, j que je reprenne aucunes causes, avenues au par-avant, et dont je n'ay point voulu ma plume travailler, pour attendre temps et lieu, afin de reciter autres choses, qui mieux emplissoyent, et causoyent les saisons, et les années, dont cy-devant j'ay rendu compte par mes Mémoires : et, à-present me vient à poinct et reigle de les ramentevoir. Comme par-cy-devant j'ay escrit, il peut clairement apparoir comme le bon duc tint, sous la main de Dieu, longuement ses païs en paix et à repos : et ne trouve point que ceux de Gand eussent aucun travail d'armes, ou de guerre : depuis le siège, mis

par le duc, en leur fiance, devant la vile de Calais(0, et duquel sie'ge je ne racompte rien en mesdicts Mémoires : pource que ce sont choses avenues avant mon avènement, et dont je ne parleroye que par ouyr dire : qui seroit contre la forme de mon entreprise. A cause de ce repos multiplie'rent tellement les Gandois, en peuple, richesses, augmentement de bourgeois et d'autres biens, que certes il n'estoit point bien-heureux en Flandres, qui n'estoit amy, bienveuillant, bourgeois, ou suget de Gand : et tenoyent le païs de Was, et celuy des Quatre-mestiers, en leur sugeUion, comme leurs bourgois et obeïssans, qu'ils estoyent : et, quand ils se virent augmente's de gens, de faveur, et de biens (comme dict est) ils s'oublièrent aucunement, à l'ocasion d'une demande de certain droit sur le sel (2), que leur avoit fait demander le duc, deux ou trois ans au-par-avant. Ce qu'ils avoyent refusé : dont le duc s'estoit parti mal content d'eux : et n'aloit plus, ne venoit, en sa vile de Gand, ne la duchesse, ne le comte de Charolois leur fils : et tou-

(0 Devant la vile de Calais : ce fut au mois de juin i436, que Philippe-Ie-Bon fit le siège de Calais. Ceux de Bruges et de Gand abandonnèrent l'armée sous le prétexte que, dans une sortie exécutée par les assiégés, la noblesse ne les avoit pas soutenus.

0) Certain droit sur le sel: le duc de Bourgogne mit cet impôt en i448 : il étoit de dix-huit sous par sac de sel Les habitans de Gand refusèrent de le payer, et telle fut la source des troubles qui éclatèrent bientôt après. Ce que dit Fauteur, de Daniel Sersanders, n'est ni clair, ni exact. Cet homme , après avoir exercé les fonctions de super-doyen des métiers, fut élu échevin en 1 449- Comme il s'étoit distingué parmi les adversaires du nouvel impôt, le duc ne voulut confirmer ni sa nomination , ni celle des collègues qu'on lui avoit donnés. Cependant, un an après, il redevint, malgré la Cour, super-doyen des métiers.

tesfois s'estoyentles matières entretenues par moyens, tellement que le débat n'estoit point plainement ouvert : et fut longuement apparence que le tout se deust appaiser.

Neantmoins en Fan 5i , les Gandois firent chef de leur conseil un nommé Daniel Cessandres : et députe'rent maistre Pierre Boudin, et maistre Gilles Bouin, et autres : qui, sous ombre de leurs privilèges, firent loy : et establirent bourgmaistres et eschevins à la vile de Gand, sans y appeler le prince ou ses officiers : édifièrent, et mirent en loy, toutes gens à leur main , et délibérés de soustenir leur opinion contre leur prince , et contre tous autres. De ces choses fut le bon duc moult-malcontent : mais par conseil Ton dissimuloit, sous ombre des entreprises, qui se faisoyent pour l'apaisement. Mais en cette saison (comme dict est) les matières agrevérent plus-fort que devant, pour les raisons dessus-dictes, et comme il est escrit cy-dessus. Ainsi se dissimuloit le temps : et se tenoit le bon duc Philippe , et la duchesse, en la vile de Brucelles, en grans festimens de joustes, de tournois, de banquets, et autres plaisans passetemps : et en cest an 5i, environ la Toussaincts, fut une jouste criée, et publiée : et à celle jouste lit le duc préparer son seul fils et héritier monsieur Charles, comte de Charolois, pour jouster pour sa première fois, et lequel n'avoit que seize à dixsept ans d'aage : et se préparèrent les jeunes signeurs, qui avec luy avoyent esté nourris, pour jouster aveques luy, et aussi plusieurs autres princes, chevaliers, et escuyers, rudes jousteurs, et acoustumés du mestier.

Et , pource que c estoit la première fois que le noble

comte avoit mis la lance en l'arrest, ne porté le harnois pour exécution, environ trois jours avant la feste, l'on fit essayer le comte, et par délibération des signeurs et des dames de la Court, fut ordonné que le comte , nouvel homme-d'armes , courroit la première lance contre messire Jaques de Lalain : et disoyent tous, que contre meilleur chevalier ne pourroit faire sa première épreuve, et que ce seroit heur en armes, à si haut personnage, d'atteindre et d'estre atteint, pour le premier, de chevalier renommé : et ainsi eut messire Jaques, le bon chevalier, cest honneur, par effect, de courre là, et d'éprouver la noble personne du fils de son souverain signeur, et son signeur apparent à venir : et fuient montés et armés au parc de Bru^ celles : où fuient le bon duc et la duchesse presens à celle épreuve. Lances leur furent baillées : et à celle première course le comte ferit messire Jaques en l'escu, et rompit sa lance en plusieurs pièces : et messire Jaques courut haut : et sembla au duc qu'il avoit son fils épargné : dont il fut mal-content : et manda audict messire Jaques, que s'il vouloit ainsi faire, qu'il ne s'en meslast plus. Lances leur furent rebaillees : et ledict messire Jaques de Lalain laissa courre sur le comte : et d'autre costé vint le comte moult-vivement : et se rencontrèrent, tellement qu'ils rompirent leurs lances tous deux en tronsons : et de ce coup ne fut pas la duchesse contente dudict messire Jaques : mais le bon duc s'en rioit : et ainsi estoyent le père et la mère en diverse opinion. L'un desiroit l'épreuve, et l'autre la seureté : et à ces deux courses faillit Fessay du noble comte , et duquel essay furent les sages moult-contens et rejouis : pource qu'ils virent leur

d'olivier de la marche. 6i

prince, à venir, prendre les armes, et soy monstrer courageux, et homme pour ensuyvir la noble lignée, dont il estoit issu : et se passa le temps, jusques au jour des joustes : qui se firent sur le marché de Brucelles : là où il y eut grande assemblée, et grande noblesse : et fut amené le comte Charles sur les rangs, et acompaigné par le comte d'Estampes, son cousin, et par plusieurs autres princes, chevaliers, et nobles hommes : et le tenoit fort de près le signeur d'Auxi , et Jehan de Rosimbos, signeur de Formelles : et ces deux l'avoyent nourry et gouverné des son enfance.

Si fut couvert et paré d'orfaverie : et, d'autre part, là vindrent jousteurs de toutes pars : et là jousta le comte de Boucquam, Philippe de Crouy , Jehan de la Trimouille , Charles de Ternant , et plusieurs autres jeunes signeurs et nouveaux jousteurs , nourris aveques le comte : et ainsi commença la jouste : et , à la vérité, le comte rompit seize ou dixhuict lances, donna et receut de tresbonnes atteintes, et fit si-bien le devoir y que chacun luy donna le bruit d'icelle jouste : et luy fut, le soir, présenté le prix par deux princesses : et fut crié Montjoye par les heraux, moulthautement : et certes ledict comte continua la jouste longuement depuis : et fut tenu pour moult-puissant et rude jousteur : et gaigna plus de bruit à la jouste, que grand maistre que l'on sceust : et pource je commence à emplir et fournir mes Mémoires de luy , et de ses faicts : et n'en parle pas par ouyr dire, ne par raports : mais comme celuy , qui ay esté nourry aveques luy des son enfance , tant au service du bon duc son père, comme de luy, je toucheray et parleray de sa nourriture , de ses mœurs ? conditions , et

usances, depuis le temps que je le vey premier : qui est escrit en mes Mémoires cy-dessus.

Quant à ses conditions , je commenceray par le pire bout. Il estoit chaud , actif, et dépit , et desiroit, en sa condition enfantine, à faire ses voulontés, à petites corrections : et toutesfois il eut l'entendement et le sens si-grand qu'il résista à ses complexions, tellement qu'en sa jeunesse ne fut trouvé plus-doux ne plus-courtois de luy. Il ne juroit Dieu, ne nuls saincts. Il avoit Dieu en grand cremeur (0 et révérence. Il apprenoit à l'escole moult-bien, et retenoit, et s'apliquoit à lire et faire lire devant luy , du commencement les joyeux comptes et faicts de Lancelot et de Gauvain : et retenoit ce, qu'il avoit ouy, mieux qu'autre de son aage : et de sa nature desiroit la mer , et les bateaux , sur toutes riens. Son passetemps estoit de voler à émerillons (2) : et chaçoit moultvoulontiers, quand il en pouvoit avoir le congé. Il jouoit aux eschets, mieux qu'autre de son temps. Il tiroit de l'arc, et plus-fort que nul de ceux, qui estoyent nourris aveques luy. Il jouoit aux barres, à la façon de Picardie : et escouoit (3) les autres par terre, et loing de luy : et depuis, en fournissement de jours et de force, il fut tenu et nommé moult-bon et puissant archer, et moult-rude, fort et adroit joueur de barres : et ainsi croissoit le comte : et estoit nourri, duit, et apris, et de soy queroit et s'adonnoit à tous bons et honnestes exercices : et à tant me taira de la nourriture, et de l'exercice du comte Charles : et retourneray h ce, qui avint en celuy temps.

(0 Cremeur : crainte. — (2) De voler à e'merillons : d'aller à la ohasse au vol des oiseaux. — l3) Escouoit: jetoit.

d'olivier de la marche. 63

Or approchasmes nous de l'an 52 : et tousjours aloyent et venoyent ambassadeurs des Gandois devers le bon duc feindant tendre à apointement : et dissimuloit le duc leur milice, attendant son point, et qu'il eust asseuré son faict devers le Roy françois : aveques lequel , par moyens d'aucuns qui gouvernoyent en France, il avoit tousjours quelque chose à refaire : et mesmement sembloit au Roy, que le duc tenoit le parti, et s'entendoit aveques son fils, monsieur Louis de France, Dauphin : lequel s'estoit parti de la maison du Roy son père , et contre son congé se tenoit au Dauphiné, et faisoit aliances contre le Roy et ses bien-veuillans : et se maria à la fille du duc de Savoye : et se maintenoit et conduisoit en toutes choses à sa guise , sans le conseil ou plaisir de sondict père : et recueilloit et élevoit, par dons et par promesses, tous ceux qui vouloyent abandonner son père : et, à la vérité', il assembla, au Dauphiné, une moult-grande compaignie de gens-de-bien : et leur estoit large et abandonné , plus qu'autre de son temps : et , par cette séparation du père et du fils , ledict Dauphin ne fut point es conquestes, que fit le Roy françois en Normandie et en Guienne, contre les Anglois : et de ceste matière je me tairay pour le présent : combien que j'en aye personnellement assez veu : car, tost après le mariage faict dudict Dauphin , et de la fille de Savoye, jallay , de gayeté de cœur ? et sans charge d'autruy en Savoye et au Dauphiné, pour veoir les assemblées des deux princes, et leur noble Court : et en ce temps, ou peu paravant, la noblesse de Savoye, et les plus-grans signeurs se meslérent, et s'emeurent en débat les uns contre les

autres : dont la plus-part , et les plus-grans furent ensemble , contre messire Jehan de Compais, signeur de Thorain : et fut outrage' ledict signeur de Thorain, de sa personne : dont le duc Louis et la duchesse furent moult-mal-contens : et portèrent et soustindrent ledict de Compais. Cestuy de Compais fut celuy, qui fit armes à l'Arbre-Charlemaigne, contre Anthoine de Vaudrey , comme il est recité en ce premier livre. Par le dehat dessusdict avint que , par le conseil et aveu dudict Dauphin , les signeurs de Savoye furent bannis du païs, et la place de Varembon rasée et abatue,: dont certes le païs eut moult à souffrir : et se mesla pour iceux signeurs le Roy, et le duc de Bourgongne : car plusieurs en y avoit, qui furent sugets du Roy, et aucuns dudict duc : et estoyent d'icelle guerre, contre le signeur de Thorain, le signeur de Barget , mareschal de Savoye , le signeur d1 Antremons, le signeur de la Queulle , le signeur de Lureu , de Varembon, de Varas, de Chaillant, de Virieu , de Manton , et jusques à vingtcinq ou trente chefs-d'hostels, barons, bannerets, et signeurs : laquelle guerre porta et soustint ledict de Compais moult-courageusement : et fut cette matière appaisee par le moyen du roy Charles, et du duc de Bourgongne : et de ce me tairay : pource que je veux entrer es guerres , que commencèrent les Gandois , contre le duc leur signeur : et ne reciteray chose , à l'aide de Dieu , que je n aye à la vérité sceiie et veiie.

d'olivier de la marche. 65