IO

l4& MEMOIRES

et par devant avoit une grosse baye d'espines, fosselee, et moult forte à passer : et n'y avoit que deux entrées tresestroictes, par où l'on peust devers eux passer. Les Gandois (qui là se trouvèrent bien deux mille hommes, et ne pouvoient plus avant eux retraire, ne fuir, par la rivière) prirent cueur, et se mirent en defFense moult-vigoureusement. Là s'avancèrent messire Pierre de Miraumont , Jaques de Fallerans, le Moyne de Neufville, et autres nobles liommes-d'armes : mais certes ils furent durement recueillis, de picques, et de masses crestelees (0, par lesdicts Gandois : et furent leurs chevaux enfondrés, et occis, et les hommes- d'armes abatus et navrés moult- dangereusement. Là s'arresta le duc de Bourgongne, son fils, et toutes les bannières de la bataille. Le duc de Bourgongne , voyant ses ennemis et rebelles devant ses yeux , donna de l'esperon , sans autre conseil prendre : et entra dedans le preail. Il estoit richement armé et monté , et moult-bel et chevaleureux chevalier : et certes, quand les Gandois le virent venir, ils le recongnurent, et s'arrestérent tous devant sa noble personne : mais le venin , confit enlongue obstination, quils avoyent au cueur, fut subitement maistre de la raison. Si luy coururent sus moult-asprement : et le bon duc (qui fut un des vaillans chevaliers de son temps ) se ferit entre eux, non pas comme prince , ou personnage de prix ou d'estime ( tel qu'il estoit ) mais comme un homme chevaleureux, tout plein de hardement et de prouesse : et les Gandois feroyent sur le noble prince , de grand et de félon courage . et luy navrèrent son cheval en

(') Crestelees : arméVs de dents.

d'olivier de là marche. i49

plusieurs lieux. Là estoit Bei trandon , le pennon au poing, près de son maistre, pour enseigner et monstrer le prince , et où il estoit. Là vint le signeur de Haubourdin, à tout la bannière, et Hector de Meriadet à tout l'estendar. Là entra le noble comte de Charolois (qui moult aigredment chaçoit enseignes et gens -d'armes au secours du duc, son père) et aborda des premiers en la place : et fut blecè d'une picque au pie, par-dessous. Là vey je messire Anthoine de Vaudrey donner au travers des Gandois , moult-chevaleureusement. Là entrèrent les bannières du comte de Charolois, et des autres princes et signeurs : et sur ce poinct abordèrent les archers de la bataille : qui estoyent venus à piè, et de loing. Si commencèrent à lancer, et à traire, de moult grand courage. Là vey à piè deux hommes- d'armes de nom : et de plus ne m'en souvient. L'un fut messire Jaques de Foucquesolles ( qui portoit le guidon de messire Tibaut de Luxembourg, signeur de Fiennes) et l'autre fut messire Philebert de Jaucourt, signeur de Villarnou. Ces deux marchèrent che valeureusement sur les ennemis.

Si commencèrent, du traict des archers, les Gandois à perdre gens et place : et reculèrent, pour adosser la rivière : et se combatoyent et deffendoyent Gandois moult-vaillamment : et moult navrèrent et blecèrent de gens et de chevaux : et certes , un Gandois, vilain, et de petit estât, et sans nom pour estre recongnu, fit ce jour tant d'armes, tant de vaillance, et d'outrage, que, si telle aventure estoit avenue à un homme-de-bien , ou que je le scensse nommer , je m'aquiteroye de porter honneur à son hardement :

car vaillance est entre les bons si privilégiée, et de telle authorité, qu'elle doit estre manifestée, publiée, et dicte, de petite personne, ou de petit estât, comme des plus-grans.

Ainsi dura ceste bataille, en cestuy endroit, longuement : car (comme dict est) le lieu estoit fort d'entrée, et de closture : et se vendoyent Gandois pour Leur dernier jour : mais finalement le preail fut tel , que les Gandois furent occis sur la place, sans ce qu'un seul en réchapast, par prison, ou autrement : et certes la bataille ne se combatoit plus autre part : car les Gandois estoyent tous déconfits : et n'aborda point la seconde compaignie, qui se partit de Gand (comme il est esciit cy-dessus) à la bataille : mais s'enfuirent, de. l'efîroy des fugitifs : et furent chacés par aucunes compaignies de l'avantgarde : qui moult en prirent et occirent. Si fut tard : et se retrait chacun en son logis : et furent les bannières mises, sans repleyer , devant : qui estoit moult belle chose , à veoir le reflambloy de diverses armes des nobles princes et signeurs, qui bannières portoyent. Aussitost que le bon duc fut en son logis retourné, et après avoir rendu louenges à Dieu de sa haute victoire, il manda son conseil : et servoit alors, de premier chambellan , le signeur de Charny : et messire Pierre, signeur de Goux, fut là le principal du conseil, pour les clercs. Si dît le bon duc, tout haut, telles parolles, ou semblables.

a Celuy Dieu , qui nous a anjoui dhuy pourveus de « victoire, me doint grâce à ce jour de le recon- « gnoistre, et de faire chose, qui luy soit agréable. « Or, congnoissant iceluy Dieu mon créateur, Jésus-

d'olivier de la marche. idi

« Christ, tout piteux et misericors, en ensuyvant son « plaisir et commandement , combien que par la dite vine aide j'ay la main au-dessus de mes rebelles, les « Gandois , toutesfois je veux user de grâce et de « miséricorde : n'onques je n'eu pitié d'eux, ne de leur « cas , jusques à ceste heure. Si veux que lettres soyent « faictes, adreceantes a la vile de Gand, contenans « que , sans avoir regard à l'avantage que j'ay par la « victoire, mais pour l'honneur de Dieu seulement, « tout tel et semblable traitté, que je leur ay acordéà « l'Isle et ailleurs, en leur plus-grande prospérité, je « le veux tenir et acomplir. »

Si furent sur ce lettres faictes, moult-bien causées et devisees : car certes ledict messire Pierre de Goux fut l'un des adroits hommes de conseil, qui fust en son temps. Le l'endemain, au poinct du jour, sonnèrent les trompettes à mettre selles, et puis à cheval : et se partit le duc, son fils, et toute la signeurie , à tout leurs bannières au vent : et tirèrent contre Gand en moult bel ordre. Messire Gauvain Quieret, signeur de Dreul, conduisoit les coureurs : et estoit aveques luy le roy-d'armes de Flandres, vestu de sa cotted'armes : et portoit les lettres : et estoit introduit, pour les présenter à ceux de Gand. Le mareschal de Bourgongne et le signeur de Cimay menoyent Tavantgarde : et le duc et la bataille suyvoyent : et le comte d'Estampes faisoit l'arriégarde : et, quand les coureurs aprochérent la vile de Gand , ils s'arrestéi ent pour veoir la convive de la vile : et à cest endroit convient que je devise comment se conduirent les Gandois , quand ils sceurent la déconfiture de leurs gens.

Vérité fut que des plus légers du pie , ou des

l52 MEMOIRES

mieux-montés fugitifs de la bataille, vindrent à Gand, en petit nombre, les premiers : et dirent, à grand efïray, et à grande peur, les nouvelles de leur déconfiture. Si coururent ceux, qui gouvernèrent, et qui avoyent authorité lors en la vile : et vindrent aux portes de leur vile : et les fermèrent : et gardèrent, à puissance , que les fugitifs n'y rentrassent : pource qu'ils doutoyent qu'ils ne fussent si-aigrement poursuivis, que les Bourgongnons n'entrassent pesle-mesle. Ce qui estoit bien possible. Car, si n'eust esté le détourbier du preail, dont cy-dessus est escrit, il estoit plus croyable qu'autrement, que, qui eust poursuivy la chose, l'on eust entré en la vile , ou par la manière dicte, ou par l'épouventement, en gênerai, de tous les Gandois : dont pour ces causes furent les portes de Gand fermées : et certes les coureurs virent, à la porte de la vile, plus de quatre mille hommes, sans harnois et sans battons : qui s'estoyent sauvés de la bataille : et ne les vouloit on remettre en ladicte vile. Si s'approchèrent peu à peu les coureurs , pour sçavoir que vouloit dire ce grand peuple : et veirent qu'il estoit vague comme bestes : et ne faloit que les tuer. Si monstrérent signe : et vindrent aucuns audict signeur de Dreul : qui luy dirent la convive : et par iceux furent mandés ceux de Gand à la barrière : et leur porta le héraut les lettres : qu'ils receurent moulthumbîement, et en grande révérence : et tindrent leur parlement en la vile, sur lesdictes lettres : et assez brief firent response au roy- d'armes, qu'ils supplioyent à leur signeur , en l'honneur de la passion de Noslre-Signeur , qu'il se vousist retraire en son logis de Gavre, pour celle nuict : et que l'endemahi

d'olivier de la marche. i53

ils iroyent devers luy, et en telle façon, qu'il seroit bien-content d'eux, le remerciant de la grâce, qu'il leur faisoit par ses lettres.

Le bon duc acorda la requeste : et s'en retourna celle nuict chacun en son logis. Si vindrent, devers le duc , l'abbé de Sainct-Bavon , le prieur des Chartreux , et autres grans personnages : et n'acordérent pas seulement au duc ce qu'il avoit demandé selon les premiers traittés, mais sousmirent le tout à sa voulonté : et fit le duc en ceste chose petit changement : et tint ce qu'il avoit dict , comme prince de vérité, qu'il estoit : et fut i'amendise honnorable mise par escrit , ensemble les traittés , le pardon , et toutes choses : et fut jour pris, pour acomplir ces choses escrites.

Or parlerons de l'exécution de cette paix de Gand, et des cérémonies tenues à l'amende honnorable, faicte par les Gandois. Le dernier jour de juillet, le duc et son armée, en moult bel ordre , et tousjours demourans les bannières dépleyees, se tira contre Gand : et s'arresta à une petite lieue de la vile, et sur le grandchemin, qui vient de la porte dessous Sainct Pierre, pour tirer à Audenarde : et fit mettre le front de sa bataille audroit du chemin, et en manière d'une aelle, à dextre , son avantgarde , et son arrieregarde au senestre : et estoit moult-belle chose à veoir. Le duc fut armé de toutes armes : et fut monté sur le cheval, que les Gandois avoyent navré sous luy à la bataille, qui encores estoit farci d'estoupes en plusieurs lieux, pour le remède de ses playes. 11 estoit acompaigné du comte Charles son fils , du comte d'Estampes , de messire Adolf de Cléves , signeur de Ravastain, de messire Jehan de Portugal , fils du duc de Coïmbres,

du bastard de Bourgongne, de messire Nicolas Raulin , signeur d'Authune, cliancelier de Bourgongne, et des chevaliers de la Toison , comme du signeur de Charny, du signeur de Haubourdin , du signeur de Cimay , du signeur de Launoy , du signeur de Montagu , du signeur de Humiéres , de messire Baudot de Noyelles, et autres. Ceux se tenoyent au front de la bataille, devant la bannière, et devant les enseignes du duc : et le mareschal de Bourgongne, noblement acompaigné, conduisoit Tordre : et amena les Gandois faire leur amende : et premièrement venoyent à pie l'abbé de Sainct-Bavon et le prieur des Chartreux : et après marchoyent vingtcinq eschevins , conseillers, et houemans , des plus gi ans et principaux de ladicte vile : et estoyent iceux vingtcinq en leurs cbemises , nues testes, et déchaux : et après suyvoyent deux mille Gandois, vestus de noires robes, déceincts , nues testes, et déchaux : et tous se mirent à genoux devant le duc : et porta la parolle l'abbé de Sainct- Bavon : qui moult-piteusement, et en plourant, pria au duc, par trois fois, mercy pour son peuple mal conseillé : et certainement tous lesdicts Gandois, en généralité, se monstroyent repentans de leur mefaict, et déplaisans. Si leur respondit le bon duc, que, puis qu'ils demandoyent mercy, ils la trouveroyent en îuy : et qu'ils luy fussent bons sugets, et il leur seroit bon prince, et que jamais plus ne luy souviendroit de l'injure, par eux commise contre luy. Si furent les bannières des mestiers de Gand aportees toutes, et baillées au roy- d'armes de la Toison d'or: qui en la présence du duc, les lit mettre en un sac, et les fit porter au logis.

d'olivier. DE LA MARCHE. I 55

Ces choses faictes, s'en retournèrent les Gandois moult-joyeux : et fut la paix criée en leur vile : et firent feux, luminaires, et earolles (0 de joye, parmy la vile : et celle nuict plusieurs compaignons s'allèrent festeyer à Gand, et eurent grand chère : et le duc de Bourgongne pour celle nuict s'en retourna en son logis, à Gavre : et le l'endemain , après disner , se tira le duc en sa vile d'Audenarde : et , par manière de triomphe et de victoire , fit porter devant luy, par ses archers de corps et autres, les bannières des mestiers de Gand : et depuis furent portées, la moitié devant Nostre Dame de Boulongne, et l'autre moitié devant Nostie-Dame de Haulx : où l'on les pouvoit veoir, à l'heure que ceste guerre de Gand fut par moy enregistrée : et de là se tira le duc à l'Isle : et rompit son armée.

En ce temps estoit le signeur de Crouy à Luxembourg : et y faisoit la guerre aux iUemans : lesquels (comme il est escrit cy-dessus) s'estoyent émeus àl'encontre du duc de Bourgongne : et pouvoit avoir le signeur de Crouy mille bons combatans. Si reconquit plusieurs bonnes places par le pais : et se trouva unes trêves acordees de chacun costé, jusques à l'Ascension suyvant , par condition que ceux de Tionville et des places, qui tenoyent contre le duc, promirent, au cas que dedans iceluy temps de l'Ascension les Alemans ne les secouroyent par bataille, qu'en ce cas ils devoyent rendre ladicte vile, et les places, au duc de Bourgongne, ou à son commandement : et feray fin, cy-endroit, de ceste matière :

(*) Carolles : danses, concerts.

car la bataille ne vint point en iceluy terme : et se rendirent, et se remirent en la main du duc, comme ils estoyent.

Or reviendrons au bon duc, qui estoit à l'Isle, aveques la duchesse sa femme, et autres dames : et se faisoyent banquets, joustes, tournois , et festicmens, grans et pompeux : et le comte de Charolois y estoit en son verd, et croissoit en jours, et en force de corps : et l'acompaignoit le bastard de Bourgongne, moult-gentil chevalier. Si joustoit le comte tressouvent : et à ce mestier estoit renommé, non pas seulement comme un prince, ou un signeur, mais comme un chevalier dur, puissant, et à douter : et certes il frequentoit les joustes en iceluy temps : et gaignoit bruit et paix : et enduroit le faix et le travail : et donnoit et recevoit grans coups, sans soy épargner : comme si c'eust esté un pauvre compaignon, qui desirast son avancement à ce mestier. D'autre part il jouoit aux barres aveques les plus-forts, et les meilleurs meurs : et le tenoit on des très-bons. Il estoit si-puissant archer , que c'estoit merveilles : et , au regard de danses et de mommeries, combien que de sa complexion il n'estoit point adonné à telles oisivetés, toutesfois tenoit compaignie aux grans et petis, à ce qu'ils vouloyent faire : et dansoit tresbien. Il aprit l'art de musique si-perfectement , qu'il mettoit sus chansons et motets : et avoit l'art perfectement en soy. Tousjours continuoit le service de Dieu : et jcusnoit tous jeusnes , commandés pour le moins. Jamais ne se couchoit, qu'il ne fist lire deux heures devant luy : etlisoit souvent, devant luy, le signeur d'Hymbercourt (qui moult bien lisoit, et retenoît ■>

et faisoit lors lire des hautes histoires de Romme : et prenoit moult grand plaisir es faicts des Rommains. Bon compaignon estoit lors aveques les belles filles : car il n'estoit point marié : car, luy marié, jamais ne rompit son mariage : ny ne le sceu onques de luy, ne d'assez suffisans, pour ouir parler de tels secrets : et ce je certifie j usques aujourd'huy de mon récit. Il estoit si-grand ausmonnier, qu'il donnoit à tous pauvres, qu'il encontroit par les viles et par les champs. Il estoit en son vertueux avenir sage, large et véritable : et se nourrit en telles mœurs et en telles vertus, que je n'ay point leu, ne sceu, si-vertueux avènement de prince : et, si Dieu me donne grâce de continuer mon œuvre , et de réciter les hauts faicts que j'ay veus de luy, en moy aquitant de dire vérité, je monstreray évidemment que bel et délectable fut le verd, et la fleur, dont le maeur et le fruit est de si haute perfection.

• En ce temps se maria le duc Jehan de Cléves, et Ysabel de Bourgongne, seule fille et héritière du comte d'Estampes : et se faisoyent grandes chères, et grans festimens : et se mirent sus aucuns convives, que l'on appelle banquets : qui commencèrent à petis fraiz, et montèrent et multiplièrent en grandes assemblées, et fraiz de viandes, et d'autres mets : et montoyent et croissoyent iceux banquets de chevaliers à signeurs , et de signeurs à princes : et de grand à grand multiplioyent en despense : et vouloit chacun monstrer plus-grande chose, que son par-avant.

De ce temps avint que le pape Nicolas envoya devers le duc de Bourgongne, au lieu de l'Isle, un chevalier : et luy signifia la prise de Constantinoblc, qu!a-

I 5o MEMOIRES

voit fait le Turq, nommé Lamorat Bay (0 : qui fut fils de celuy, qui déconfit les Ghrestiens en Hongrie, et où fut pris le duc Jehan de Bourgongne, père du duc Philippe : et comment celuy Turq avoit assailly, par plusieursfois la cité (où il avoit trouvé merveilleuse résistance par les Chrestiens) et comment Saquambasac, un Mammeluz, avoit recommencé Tassaut, et parce fut la cité prise, et le noble Empereur occis, et tous ses enfans : et comment la riche église de Saincte Sophie avoit esté pillée, violée, et destruicte , et les sainctes reliques , voire le corps de Nostre-Signeur, Jesus-Christ, rué parmy la rue, par les fiens et ordures, aveques les pourceaux, sans les meurdres, les injures, et les efforcemens, faicts aux Chrestiens et Chrestiennes. Or certes les nouvelles furent piteuses à ouir : car (comme disoyent les voyagers) c estoit une moult-noble cité, que Gonstantinoble : et, aveques la pitié, la destruction du peuple, et l'amoindrissement de la foy chrestienne , faisoit moult a plaindre la mort et destruction du noble Empereur, et sa personne. Car, sans autre prince blasmer, ou amoindrir, je juge l'empereur de Constantinoble, vivant, la plus noble personne du monde : car l'empereur d'Aiemaigne n'est empereur que par élection : et cestuy de Constantinoble estoit empereur de ligne en ligne, et de père à fils, de plus de cinq cens ans de règne : et, puis qu'un empereur précède les rois en nom et en dignité, je cuide avoir fait seur jugement.

Si conclut iceluy chevalier, si le duc et la maison de Bourgongne avoyent jamais vouloir de servir l'Eglise, qu'il estoit heure de le monstrer par efî'ect.

0) Lamorat Bay : Mahomet II , fils cTAmurat.

Pareillement envoya l'Empereur (0 devers le duc, en iceluy mesme temps, lu y signifier ceste chose , et qu'il avoit mande' tons les princes d'Alemaigne au lieu de Rissebourg (2), pour illec conclurre sur le bien et ressource de chrestienté, en poindant et aiguillonnant le duc, qu'il ne devoit pas refuser de venir jusqnes à Rissebourg, pour si grand bien, et d'estre à la journée comme les autres, qui autresfois avoit offert de passer, en sa personne, jusques en Asie : et combien que pour ces matières le duc eust en ce temps envoyé prélats et chevaliers notables devers l'Empereur, et qu'encores y estoyent, toutesfois il conclut, et prit en propos, de soy-mesme aler en personne à la journée, et de soy préparer, pour servir l'Eglise et la foy : et, pour émouvoir les signeurs et nobles hommes de ses pais, et ses sugets à servir Dieu eh ceste partie, et que de leur voulonté et dévotion, et sans contrainte, ils entrassent au sainct voyage, prit conseil de publier son emprise, par voye de grande assemblée : et pource que les banquets et festeyemens se continuoyent et s'entresuivoyent de grans en plus grans, et s'aprochoit la fin des banquets , pour cheoir en la main du bon duc, et clorre la feste, il fit faire ses préparatoires d'entremets, et de viandes : et conduisoyent ceste chose messire Jehan, signeur de Launoy, un chevalier de l'ordre de la Toison, homme sachant et nouvel (3), et un escuyer, nommé Jehan Boudaut, homme moultnotable et discret : et me fit le bon duc tant d'honneur, qu'il voulut que j'y fusse appelé : et pour ceste

C1) L'Empereur : l'empereur d'Allemagne. — (2) Rissebourg , lisez Ratisbonne. — (3) Sachant et nouvel : savant et d'un esprit in-> ventif.

matière se tindrent plusieurs consaux (0 où fut appelé le chancelier, et le premier chambellan : qui lors estoit revenu de la guerre, qu'il avoit menée en Luxembourg , et dont il est escrit cy-dessus. Aussi furent à ce conseil des plus-grans et des plus-privés appelés : et, après délibération d'opinions, furent les cérémonies, et les mistéres conclus, tels qu'ils se devoyent faire : et voulut le duc que je fisse le personnage de Saincte-Eglise, dont il se voulut aider à celle assemblée : et fut une solennelle chose, et qui vaut le ramentevoir, et sert à nostre propos. Si ay enregistré, avec ceste, ledict banquet, le plus-largement que j'ay peu : afin d'en avoir mémoire.