IO
l/±6 MEMOIRES
ecarmouchant sur les Gandois de cheval, chargea sur un homme-d'armes : mais la gourmette de son cheval rompit : et ainsi ne le peut tenir, qu'il ne fust des gens-de-pié pris, enclos, et assommé. Là aborda l'artillerie des Gandois : et par trois fois, et à trois reposées, marchèrent les Gandois, gaignant place et champ sur les ecarmoucheurs : n'onques les batailles, ne les ordonnances, ne se bougèrent. Bien fut vray que le mareschal de Bourgongne manda au signeur de Beauchamp, et au signeur d'Espiry, qu'ils reculassent leurs enseignes et leurs compaignies , pour plus-avant attraire les Gandois : mais le signeur de Beauchamp respondit que Ton l'avoit trop avancé pour reculer : et, combien que la response meust de haut et vaillant courage, et que tout bien prist de celle chose, si fut il conseillé de prier mercy au duc, de la désobéissance qu'il avoit faicte à son mareschal : et ce veuil je bien escrire, pour monstrer aux jeunes gens, qui mes Mémoires liront que, selon l'arbre de bataille, nulle chose n'est extimee bien faicte, contre le commandement du chef, ne de ses lieutenans.
L'artillerie des Gandois tiroit à grand'force. Si fut avisé d'envoyer de la légère artillerie, devant les premières compaignies : et , si-tost que ladicte artillerie fut assise, et qu'elle commença à tirer, les Gandois s'ouvrirent et se déreiglérent de leur ordre. Si chargèrent les signeurs de Beauchamp et d'Espiry dedans, moult-vivement. Là fut chevalier messire Philippe de Lalain, frère du bon chevalier messire Jaques, dont cy-dessus est assez escrit : et à celle charge fut tué, d'un canon, un cscuyer bourgongnon, nommé Jehan
d'olivier de la marche. i^7
de Poligny. Or reviendrons aux mille archers , qui estoyent à pie', sous la conduite de messire Jaques de Luxembourg, nouveau chevalier. Le chevalier et sa bande marchèrent , et coururent au-devant de leurs ennemis moult vaillamment , crians et tirans de force et de courage : et, à la vérité, là cheut la grande puissance des Gandois : car tous tirèrent contre la rivière. Là eut grande presse et dure deffense : et là fut tué, d'une picque, un escuyer flamand, nommé Olivier de Launoy, homme-de-bien , et fort-renommé. Là abondit l'avantgarde, les bannières et les estendars. Si furent les Gandois rompus, et mis en fuite : et s'enfuit Jehan Van Nielle , et ses gens-de-cheval : et nagèrent la rivière : et là entroyent les Gandois, armés de leurs jaques, haubergeons, panciers, et hunettes : et s'aventuroyent de nouer (0, en tel estât, la rivière : mais les archers les tuoyent , noyoyent , et assommoyent comme bestes, sans mercy et rançon : et, en nageant parmy l'eaue, on les tiroit de flèches , si que peu se sauvèrent par nager.
Le duc de Bourgongne (qui moult estoit loing de l'avantgarde) fit crier, Nostre-Dame> Bourgongne : et marcha aveques sa bataille : et furent les archers moult-travaillés, d'avoir si-loing marché à pié : et furent les bannières et les enseignes premières sur les ennemis, que les archers de la bataille : et, durant le temps que les premiers estoyent ensongnés à ceux qui avoyent pris le bord de la rivière , une grosse compaignie de Gandois se trouva retraite d'aventure en un preaii (2), assez grand et spacieux. Celuy preail estoit clos de la rivière de l'Escaud, en tournoyant,
(0 Nouer : nager. — (') Preail : pré.
