II

longue chaîne d'or : dont ledict cigne faisoit manière de tirer la nef : et au bout de ladicte nef seoit un chastel, moult-bien-faict, et richement : au pie duquel flotoit un faucon, en une grosse rivière : et me fut dict (0 que ce signifioit, et monstroit , comme jadis miraculeusement un cigne amena dedans une nef, par la rivière du Rin, un chevalier au chasteau de Clèves : lequel fut moult vertueux et vaillant : et l'epousa la princesse du pais : qui pour lors estoit veuve, et en eut lignée : dont lesdicts ducs de Clèves, jusques à ce jour? sont issus : et pource il me semble que la manière de la criée ensuivoit l'effect de l'entremets.

En celle nuict fut présenté le chapelet à monsieur le comte d'Estampes : lequel fit son banquet environ dix jours après. Ce banquet fut moult plantureux et riche, et garni de plusieurs entremets nouveaux : dont je me passe , pour abréger, et pour venir à mon intention. En ceste feste fut le chapelet présenté à monsieur le duc, en telle façon que, quand les entremets furent levés, d'une chambre saillirent grande foison de torches : puis vint un officier d'armes , serviteur de mondict signeur d'Estampes, nommé Dourdan , vestu de sa cotte -d'armes : et après vindrent deux chevaliers , chambellans de mondict signeur d'Estampes ( c'estassavoir monsieur de Miraumont , et monsieur de Drueul) vestus de longues robes de

(0 Et vie fut dict : allusion à une tradition fabuleuse sur l'origine de la maison de Clèves. Selon cette tradition , Salvius Brabon, officier de Jules César, poursuivant un cigne dans la Moselle, arriva au château de Mpghen, où il épousa la sœur de César, veuve de Carie Ynacli 5 et de ce mariage sortirent les ducs de Clèves.

velours , fourrées de martres : et n'avoyent rien sur leur chef: et portoyent chacun, d'une main, un gentil chapelet de fleurs : et après eux venoit une tresbelle dame, jeune, de l'aage de douze ans, vestue d'une robe de soye violette, richement bordée, et estofee d'or : et luy partoyent unes manches, outre la robe, d'une moult-deliee soye, escriptes de lettres grégeoises : et estoit son chef paré de ses cheveux, beaux et blonds, et, par-dessus, une tocque, afïulee d'un volet (0, moult-enrichi de pierrerie : et estoit montée sur une haquenee, houssee de soye bleue : et l'amenoyent trois hommes à pie, vestus de manteaux de soye vermeille, portans chaperons à cornette de sôye verde : et aloyent ces trois, chantans une chanson, faicte à propos : et en telle ordonnance passérent par-devant les tables : et vindrent jusques devant le lieu où^eStoit assis mon tresredouté signeur, monsieur le duc : et, quand l'officier d'armes et les deux chevaliers luy eurent faict la révérence, Jedict officier dît ce, qui luy estoit enchargé, en ceste manière,

Tresexcellent, haut prince, et redouté, A vous venons en toute révérence.

Pour charge avons, que vous soit présenté Ce chapelet : lequel est aporté Par la dame, que voyez en présence.

Le comte d'Estampes en son absence La vous transmet en ce lieu , et envoyé : Et la nomme on la princesse de joye.

Quant l'officier d'armes eut ce dit, les deux chevaliers vindrent à la dame : et luy baillèrent le chapelet

(0 Affulee d'un volet : couverte d'un voile.

l64 . MEMOIRES

en ses mains : et lors les autres trois , qui l'anienoyent, la descendirent de sa haquenee.

Si-tost qu'elle fut descendue, les deux chevaliers l'adextre'rent (0 : et adonc elle fit la révérence à mondict signeur : et par uns petis degrés, faicts à ceste cause, elle monta sur la table, et s'agenouilla une fois sur le bord de ladicte table : et puis se mit à genoux devant mondict signeur, et là demoura jusques elle eust baisé ledict chapelet, et mis sur le chef de mondict signeur : qui à son relever la baisa': et s'en retourna ladicte dame , son emprise achevée. Ainsi fut présenté le chapelet à mondict signeur le duc. Parquoy il détermina le jour de son banquet : et fit moult grans préparatoires. Au jour de ce banquet, donques, monsieur Adolf (qui s'ettjit fait crier le chevalier au cigne ) vint après disner, de tresbonne heure sur les rangs : et fut acompaigné; du lieu où il s'estoit armé, par mondict signeur le duc, par monsieur de Charolois, par monsieur le bastard de Bourgongne , vestus tous trois de robes de velours sur velours noir : et avoyent chacun un colier d'or, moultenrichis de pierreries, comme diamans, balais, et perles : et portoit mondict signeur une cornette à son chaperon, si-riche de pierrerie , que je ne sçay autrement extimer, fors habillement de prince puissant. Monsieur Adolf, acompaigné (comme dict est) de mondict signeur, de monsieur de Charolois, et de monsieur le bastard, et, en outre, de monsieur d'Estampes, partit de son hostel , à grand compaignie de gens, vestus de ses robes : et aloyent devant : et, après eux aloyent tabourins : et après aloit un pour-

(') L'adextre'rent : l'instruisirent de ce qu'elle devoit faire.

D7OLIVIER DE LA MARCHE. l65

suivant d'armes, vestu d'une cotte-d'armes pleine de cignes : et après aloit un grand cigne , merveilleusement et subtilement faict, ayant une couronne d'or au col : à quoy pendoit un escu, des plaines armes de Cléves : et à celle couronne pendoit une chaine d'or : qui d'un bout tenoit à la tresse de l'escu du chevalier , et estoit ce signe adextré de deux sagittaires, moult-bien-faicts : qui tenoyent arcs et flèches en leurs mains, et faisoyent semblant de tirer à-l'encontre de ceux, qui vouloyent aprocher le cigne.

Ledict chevalier, tenant à la chaine d'or, suyvoit le cigne armé tresrichement de toutes armes : et estoit son cheval couvert de drap de damas blanc, et bordé de franges d'or, et son escu de mesme : et à dextre, et à senestre, et derrière, avoit trois jeunes enfans , pages, habillés de blanc, en manière d'angels, montés sur beaux coursiers, enharnachés de drap blanc, bien découpé : et après venoit un palefrenier, vestu de blanc , sur un petit cheval : qui menoit en main un destrier, couvert de drap blanc, brodé de grandes lettres d'or, et frangé d'or, à la devise dudict chevalier : et après venoit monsieur le duc de Cléves , frère dudict chevalier, et monsieur Jehan de Coïmbres, fils du roy Jehan de Portugal, avec grand nombre de chevaliers et nobles hommes, tous vestus de blanc, à la pareure du chevalier : et portoyent les lances en belle ordonnance»

En tel estât et compaignie fut mené ledict chevalier devant les dames : et fut présenté par Toison d'or, roy d'armes, à tresexcellente, treshaute, et trespuissanté princesse, madame la duchesse de Bourgongne, et aux autres princesses , dames et damoyselles : et

l66 MEMOIRES

puis il fut amené es lices : et lors le cigne , qui l'avoit amené', avec les sagittaires fut mis sur un homd, qui leur estoit préparé.

Gérard de Rossillon fut le premier, qui se présenta à l'encontre du chevalier : auquel le chevalier donna un si-grand coup, de la première course, qu'il luy perça et fendit son escu tout outre : dont ledict Gérard eut grand détourbier. Apres vint messire Jehan de Monfort, moult-gentement housse de soye et de brodure. Assez tost après vint monsieur le comte de Sainct-Pol , housse de drap d'or : dont la moitié estoit gris, et l'autre cramoisy. Apres vint monsieur de Fiennes, couvert de velours noir, à larmes noires, monstrees d'un peu de blanc. Tantost après, monsieur de Charolois, et monsieur le bastard ( qui s'en alérent armer, quand ils eurent convoyé mondict signeur Adolf) vindrent sur les rangs , housses de velours violet , bordé de franges d'or et de soye, et leurs escus de mesmes, estans chargées lesdictes housses de campanes d'argent : et estoyent bien acompaignés de grands signeurs : et, entre autres, monsieur d'Estampes servoit, de lance, monsieur de Charolois. Les dessus nommés joustérent, et plusieurs autres chevaliers bien en poinct : comme monsieur de Gruthuse, couvert de velours cramoisy, monsieur de Moui court de velours cramoisy , fourré de martres , messire Chrestien de Digoine, enharnaché de' drap, chargé de campanes dorées , messire Evrard de Digoine , couvert d'orfaverie, messire Jehan de Guistelle, couvert de menu vair, messire Philippe de Lalain, couvert de velours noir, à larmes d'or, aveques plusieurs autres jousteurs, tresbien en poinct : mais de leurs

d'olivier de la marche. i6j

coups ne sçay je point l'extime. Toutesfois je sçay de vray, que le chevalier au cigne et Louis du Chevalaut s'entrei encontrérent si-rudement, que tous deux s'entreportérent par terre, les chevaux sur leurs corps tel atournés, qu'il fut force à l'un, et à l'autre, d'abandonner la jouste pour ce jour. Du demourant je me tay. Chacun fit son mieux de la jouste : qui faillit par traict de temps : et, quand elle fut faillie, chacun se retrait.

Puis à heure convenable se trouvèrent en une sale : en laquelle mondict signeur avoit fait préparer un tresriche banquet : et là vint mondict signeur, acompaigné de princes et chevaliers, dames et damoiselles : et, trouvans ledict banquet à servir, ils se prirent à regarder les entremets, qui édifiés y estoyent. La sale, où se faisoit ce banquet estoit grande , et bien tendue d'une tapicerie, en quoy estoit faicte la vie d'Hercules. Pour entrer en ceste dicte sale, il y avoit cinq portes, gardées d'archers, vestus de robes de drap gris et noir : et dedans la sale avoit plusieurs chevaliers et escuyers, conduisans ledict banquet : desquels les chevaliers estoyent vestus de drap de damas, et les escuyers de satin desdictes couleurs de noir et gris. En celle sale avoit trois tables couvertes, l'une moyenne, l'autre grande, et l'autre petite : et sur la moyenne avoit une église, croisée, verree, et faicte de gente façon : où il y avoit une cloche sonnante , et quatre chantres. Il y avoit un autre entremets, d'un petit enfant tout nu, sur une roche : qui pissoit eaue rose continuellement. Un autre entremets y avoit , d'une caraque , ancrée , garnie de toute marchandise , et de personnages de mariniers : et ne me semble point qu'en

l()8 MEMOIRES

la plus grande caraque du monde ait plus d'ouvrages, ne de manières de cordes et voiles, qu'il en y avoit en ceste. Un autre entremets y avoit, d'une moult belle fontaine : dont une partie estoit de verre, et l'autre de plomb de tresnouvel ouvrage : car il y avoit petis arbriceaux de verre, feuilles et fleurs, si nouvellement faictes, qu'à merveilles : et l'espace de l'artifice 'estoit ainsi comme un petit preel, clos de roches de saphistrins et d'autres estranges pierres, et au milieu d'iceluy, avoit un petit sainct Andrieu , tout droit, ayant sa croix devant luy : et par l'un des bouts de la croix soûrdoit la fontaine, un grand pie de hauteur : et recheoit dedans le preel, par si-subtile manière, que l'on ne sçavoit que l'eaue devenoit. La seconde table (qui estoit la plus longue) avoit premièrement un pasté : dedans lequel avoit vingt huit personnages vifs, jouans de divers instrumens, chacun quand leur tour venoit. Le second entremets de celle table estoit un chasteau, à la façon de Lusignan : et sur ce chasteau , »u plus-haut de la maistresse tour, estoit Melusine, en forme de serpente : et par deux des moindres tours de ce chasteau sailloit, quand on vouloir, eaue d'orange : qui tomboit es fossés. Le tiers estoit un moulin à vent, haut sur une mote : et sur le plus-haut volant avoit une perche : au bout de laquelle estoit une pie, et gens à l'entour, de tous estats, ayans arcs et arbalestes : et tiroyent à la pie, à demonstrer que toutes gens tirer à la pie est mestier commun. Le quart fut un tonneau mis en un vignoble : où il y avoit deux manie'res de breuvages : dont l'un estoit bon et doux, et l'autre amer et mauvais : et sur ledict tonneau avoit le personnage d'un homme,

d'oliviePc de la marche. 169-

richement vestu : qui tenoit en sa main un brief : où il estoit escrit , Qui en veut > si en prenne. Le cinqiéme estoit un désert, ainsi que terre inhabitée : auquel avoit ifn tygre , merveilleusement vivement faict : lequel tygre se combatoit à l'encontre d'un grand serpent. Le sixième estoit un homme sauvage, monié sur un chameau : qui faisoit semblant et manière d'aler par païs. Le septième estoit le personnage d'un homme, qui d'une perche batoit un buisson, plein de peiis oyseaux : et près d'eux, en un verger, clos de treilles de rosiers, faict tresgentement, avoit un chevalier et une dame, assis à table : lesquels mangeoyent les oisillons, dont l'un batoit le buisson : et monstroit ladicte dame, au doigt, qu'il se travailloit en vain , et follement perdoit son temps. Le huictiéme estoit un fol, monté dessus un ours : et estoit entre plusieurs estranges montaignes de diverses roches, chargées de grésil, et de glaces, pendans de bonne façon. Le neufie'me estoit un lac, environné de plusieurs viles et chasteaux : auquel lac avoit une nef, à voile levée , tousjours vagant par l'eaue du lac, à par soy : et estoit ceste nef gentement façonnée , et bien garnie de choses appartenantes à navire.

La tierce table (qui estoit la moindre des deux autres) avoit une forest merveilleuse, ainsi comme si ce fust une forest d'Inde : et dedans celle forest estoyent plusieurs bestes estranges et d'estrange façon : qui se mouvoyent d'elles-mesmes, ainsi que si elles fussent vives. Le second entremets de celle table estoit un lyon mouvant, attaché à un arbre, au milieu d'un preau : et là avoit le personnage d'un homme,

qui batoitle cliien devant le lyon. Le tiers et dernier entremets estoit un marchand, passant par un vilage, portant à son col une hotte de toutes manières de merceries pleine.

Or , pour deviser la manière du service et des viandes , ce seroit merveilleuse chose à racompter : et aussi j'avoye tant autre part à regarder, que deviser au vray n'en sçauroye : mais de tant me souvient que chacun plat fut fourny de quarante huict manières de mets : et estoyent les plats du rost chariots étofès d'or et d'asur. En celle salle , au plus-près de la table, avoit un haut buffet, chargé de vaisselle d'or et d'argent, et de pots de cristal, garnis d'or et de pierreries : et n'aprochoit nul ce buffet , plus-avant des gardes de bois , qui estoyent là faictes : si non ceux, qui servoyent de vin.

Ainsi comme au milieu de la longueur de la sale, assez près de la paroy (0, à l'opposite de la longue table , avoit un haut pillier : sur quoy avoit une image de femme nue : qui les cheveux avoit si-longs, qu'ils la couvroyent par derrière, jusques aux reins : et sur son chef avoit un chapeau tresriche : et estoit envelopee, ainsi que pour musser (?) où il appartenoit, d'une serviette , à manière de volet bien deliè , escritte, en plusieurs lieux , de lettres grégeoises : et gettoit cest image , par la mammelle droite, ypocras (*) , autant que le souper dura : et auprès d'elle avoit un autre pillier, large , en manière d'un hourd : surquoy estoit atachè, à une chaisne de fer, un lyon vif, en signe d'estre garde et deffense de cest image : et contre

(') La paroy: la muraille. — (*) Musser : cacher. — (3) Ypocras : hydromel.

D OLlVIE.fi DE LA. MARCHE. I^I

son pillier estoit escrit , en lettres d'or, en une targe , Ne touchez à ma dame.

Mondict signeur donques, madame la duchesse, et toute leur noble compaignie mirent assez longuement à visiter ces entremets. Toute la sale estoit pleine de nobles gens : et peu en y avoit d'autres. Là estoyent cinq hourds bien ordonnés, pour ceux qui ne voudroyent point seoir à table : qui tantost furent pleins d'hommes et de femmes : dont la plus-part estoyent déguisées : et tant en sçay , qu'il y avoit des chevaliers et des dames de grand'maison , et qui là estoyent venus de loing , les uns par mer , et les autres par terre, pour veoir la feste, dont il estoit grande renommée. Pour le faire brief, après que chacun eut assez regardé les entremets, les maistres-d'hostel , qui la besongne conduisoyent, vindrent faire l'ordonnance de l'assiette.

Au milieu de la moyenne table s'assit mondict signeur le duc : et à sa dextre s'assit madamoiselle, fille de monsieur le duc de Bourbon : après elle monsieur de Cléves , madame de Ravastain , nièce de madame la duchesse, et femme de monsieur Adolf: et madame la duchesse fut assise à la senestre du duc, avec madame de Charny, madamoiselle d'Estampes, monsieur de Sainct-Pol , madame de Beures, femme de monsieur le bastard de Bourgongne , monsieur de Pons , et madame la chanceliére. A la grande et seconde table fut assis monsieur de Charolois , monsieur d'Estampes, monsieur Adolf, monsieur de Fiennes, monsieur le bastard de Bourgongne, et monsieur de Hornes , meslés avec grand nombre de dames et de damoiselles , et aussi tant d'autres chevaliers ,

que les tables estoyent pleines, d'un costé et d'autre : et pareillement à la troisième table furent assis escuyers et damoiselles ensemble , en telle façon que les tables furent fournies.

Quand chacun fut assis, ainsi que dict est, en l'église ( qui fut le premier entremets) sur la principale table, sonna une cloche, treshaut : et, après la cloche cessée, trois petis enfans , et une teneur,, chante'rent une tresdouce chanson : et, lors qu'ils l'eurent acomplie, au pasté ( qui estoit le premier entremets de la longue table, comme dessus) un berger joua d'une musette moult-nouvellement. Âpres ce, ne demoura guéres que, par la porte de l'entrée de la sale, entra un cheval à reculons , richement couvert de soye vermeille : sur lequel avoit deux trompettes, assis dos contre dos, et sans selle , vestus de journades CO de soye, grise et noire, chapeaux en leurs testes, et faux visages mis : et les mena et remmena ledict cheval , tout au long de la sale, à reculons : et tandis ils jouèrent une batture , de leurs trompettes : et y avoit, à conduire cest entremets, seize chevaliers, vestus de robes de la livrée. Cest entremets acompli , en l'église fut joué des orgues : et au pasté fut joué d'un cornet d'Alemaigne , moult-estrangement : et lors entra en la sale un luyton, ou un monstre tresdefiguré : qui, du faux du corps en bas avoit jambes et pies de grifon velus, et grans ongles : et, depuis le faux en amont, avoit forme d'homme : et, avoit vestu une jaquette juste, de soye blanche, rayée de verd, et chaperon tenant en sus. Il avoit estrange barbe et visage. Il portoit en ses mains deux dards, et une targe. Il avoit

(0 Journades : casaques.

d'olivier de la MARCHE. 1^3

sur sa teste un homme , les pies dessus : qui se soustenoit par ses deux mains sur les espaules du monstre : et ledict monstre estoit monté sur un sanglier, couvert richement de soye verde : et , quand il eut fait son tour pa.rmy la sale , il s'en retourna , par où il estoit venu. Quand le luy ton s'en fut rétourné, ceux de l'église chantèrent : et au pasté fut joué d'une doucine , avec un autre instrument : et tantost après sonnèrent, moult-haut, quatre clairons : et firent une joyeuse bature. Ces clairons estoyent derrière une courtine verde, tendue sur un grand hourd, faict au bout de la sale.

Quand leur bateure finit, soudainement fut tirée la courtine : et là fut veu, sur ledict hourd, un personnage de Jason, armé de toutes armes : qui se prommenoit en celle place , regardant au tour de luy , comme s'il fust venu en terre estrange. Puis s'agenouilla, et regarda vers le ciel : et lisit un brief (0 que Medee luy avoit baillé, quand il se partit d'elle, pour la Toison d'or conquerre : et, à son relever, il veit venir contre luy, grands et horribles beufs, qui luy vindrent courir sus : et tantost ledict Jason coucha sa lance, et s'apoincta pour combatre ces bestes: qui l'assailloyent de merveilleuse force, et si-vivement que c'estoit effrayante chose à regarder : car ils gettoyent feu et flambe par les narines , et par la gorge : et ledict Jason se deiTendoit et combatoit par si-belle façon, que tous disoyent qu'il avoit une contenance d'homme-de-bien. La bataille dura longuement, et tant que ledict Jason getta sa lance, contre les beufs : et mit la main à l'espee : et, en soy com-

(0 Brief: lettre.

bâtant, luy souvint que Medee luy avoit donné une fiole, pleine d'aucune liqueur, ayant telle vertu, qu'au moyen de ladicte liqueur il pouvoit lesdicts bœufs matter, et subjuguer, et esteindre leur ardant feu : qui luy nuisoit foi t. Si prit la fiole : et getta la liqueur contre les museaux desdicts bœufs : et prestement ils se rendirent domptés, veincus, et mats : et à tant fut la courtine retirée : et cessa ce mistére, pour celle fois. Après ce mistére fut joué des orgues, en l'église, par le long et espace d'un motet : et tantost après fut chanté au paslé, par trois douces voix, une chanson tout du long : laquelle se nomme La sauvegarde de ma vie.

Puis par la porte, dont les autres mets estoyent venus, après ce que l'église et le pasté eurent chacun jolie quatre fois, entra dedans la sale un cerf, merveilleusement grand et beau : lequel estoit tout blanc, et portoit grandes cornes d'or : et estoit couvert d'une riche couverte de soye vermeille, selon mon advis. Dessus ce cerf estoit monté un jeune fils, de l'aage de douze ans , habillé d'une robe courte de velours cramoisy, portant sur sa teste un petit chaperon noir, découpé : et estoit chaussé de gents souliés. Ce dict enfant tenoit , à deux mains, les deux cornes dudict cerf. Quand donques il entra dedans la sale, lors il commença le dessus d'une chanson, moulthaut et clair : et ledict cerf chanta la teneur, sans y avoir autre personne, sinon l'enfant, et l'artifice dudict cerf : et nommoit on ladicte chanson , qu'ils chantoyent , Je ne vej onques la pareille , etc. En chantant, comme je vous racompte, ils feirent le tour par-devant les tables : et puis s'en retournèrent : et

me sembla bon cest entremets, et voulontiers veu. Apres ce bel entremets du blanc cerf et de l'enfant, les chantres chantèrent un motet dedans l'église : et au pasté fut joué d'un lut, aveques deux bonnes v ix : et faisoyent ainsi tousjours l'église et le pasté quelque chose entre les entremets.

Apres ce, quand ceux dudict pasté eurent fait leur devoir, sur le houi d , auquel l'on monstroit l'histoire de Jason, sonnèrent une bateure les quatre clairons, qui paravant avoyent joué : et, après celle bateure achevée, l'on tira la courtine, dont devant est faicte mention : et à tant fut veu Jason : qui se promenoit, tresrichement embattonné (0, comme à l'autre fois. Si luy avint, à cest heure, que tout soudainement luy vint courir sus un treshideux et epouventable serpent. Ce serpent donques avoit la gorge et la gueule ouverte, les yeux gros et rouges, et les narines enflées : et estoit composé et édifié en telle façon, que par sadicte gueule, et par la plus-grand part de ses conduits, il gettoit venin trespuant, et feu et fumées merveillables. Quand Jason regarda ce serpent, et le veit venir et tirer vers sa personne, il se mit en deffense moult bien , et tresordonnément : et là se commencèrent à combatre ledict Jason et le serpent : et en ce feirent si -bon devoir, que ce ne sembloit pas mistére, ainçois sembloit trop mieux une tresaigre et mortelle bataille : et, pour l'assouvissement de leur personnage, Jason luy getta sa lance : puis le combatit de son espee : et tint manière de soy remembrer d'un anneau, que Medee luy donna, servant à ceste bataille. Si le monstra au serpent : et prestement il

{') Embattonné : arma.

l'jG MEMOIRES

fut vincu : et lors Jason le ferit tant de son espee, qu'il luy coupa la teste devant tous : puis luy arracha les dents, et les meit en une gibecière, qu'il portoit : et à tant fut la courtine retirée. A tant fut joué des orgues en l'église : et au pasté joue'rent de fîustes quatre ménétriers.

Puis par le haut de la sale partit, d'un bout, un dragon ardant : qui vola la plus-part de la longueur de la sale : et passa outre, tellement que l'on ne sceut qu'il devint : et lors chantèrent ceux de l'église : et au pasté jouèrent de vielles les aveugles. Apres, à un des bouts de la sale, en haut, partit tout en l'air un héron : qui fut escrié de plusieurs voix, en guise de fauconniers : et tantost partit, d'un autre bout de la sale, un faucon qui vint toupier (0 et prendre son vent : et d'un autre costé partit un autre faucon : qui vint de si-grande roideur, et ferit le héron si rudement, qu'il l'abatit au milieu de la sale : et, après la criée faicte , leclict héron fut présenté à mondict signeur : et alors fut encores une fois chanté en l'église : et au pasté jouèrent trois tabourins ensemble.

Apres ce , sonnèrent les quatre clairons sur le hourd : et, leur bateure achevée, fut tirée la courtine : et là fut veu Jason , armé et embattonné : qui les beufs avoit atachés à une charrue, qu'il tenoit et gouvernoit à guise de laboureur : et faisoit les beufs aler et tirer. Quand il eut labouré la terre , il abandonna les beufs : et prit les dents , qu'il avoit arrachés au serpent : et les sema parmy la terre, qu'il avoit labourée : et, selon ce que ledict Jason aloit

(0 Toupier : tourner.

1) OLIVIER DE LA MARCHE. înj

avant, en empleyant la semence desdictes dents, sourdoyent et naissoyent gens armés et embattonnés : et regardèrent l'un l'autre, et s'entrecoururent sus sifiérement, qu'ils se firent le sang couler : et à la fin s'entretuérent, en la présence de Jason (qui les regarda, quand il eut semé les dents) et, prestement qu'ils se furent tous abatus et occis devant luy, la courtine fut retirée.

Le miste're acomply, l'on joua des orgues en l'église : et au pasté fut faicte une chace , telle , qu'il sembloit qu'il y eust petis chiens glatissans, et braconniers liuans, et sons de trompettes, comme s'ils fussent en une forest : et par celle chace finit l'entremets dudict pasté. Tels furent les entremets mondains de celle feste : et laisseray à tant à en parler, pour compter d'un entremets pitoyable : qui me semble le plus espécial des autres : et fut tel.

Par la porte, où tous les autres entremets estoyent passés et entrés, vint uri géant plus-grand, sans nul artifice, que je visse onques, d'un grand pie, vestu d'une robe longue de soye verde, rayée en plusieurs lieux : et sur sa teste avoit une tresque , à la guise des Sarrasins de Grenade : et en sa main senestre tenoit une grosse et grande guisarme (0, à la vieille façon : et à la dextre menoit un éléphant, couvert de soye : sur lequel avoit un chasteau : où se tenoit une dame, en manière de religieuse, vestue d'une robe de satin blanc : et par-dessus avoit un manteau de drap noir : et la teste avoit afulee d'un blanc couvrechef, à la guise de Bourgongne, ou de recluse : et, si-tost qu'elle entra en la sale, et elle veit la

[*) Guisarme : hache à deux tranchans.

noble compaignie qui y estoit, lors, comme nécessairement embesongnee, elle dît au géant, qui la menoit,

Géant, je veuil cy arrester :

Car je voy noble compaignie :

A laquelle me faut parler.

Géant , je veuil cy arrester.

Dire leur veuil et remonstrer Chose, qui doit bien estre ouyc.

Géant, je veuil cy arrester : Car je voy noble compaignie.

Quand le géant ouy la dame parler, il la regarda moult-efïraye'ment : et toutesvoyes il n'arresta, jusques il vint devant la table de monsieur : et là s'assemblèrent plusieurs gens, eux emerveillans que celle dame pouvoit estre. Parquoy, si-tost que son éléphant fut arresté, elle commença une compleinte, telle, que cy-apres est escrite.

Helas , helas , moy douloureuse , Triste , déplaisante , ennuyeuse , Désolée , las , peu-heureuse

La plus , qui soit.

Chacun me regarde', et me voyt :

Mais ame ne me recongnoit :

Et me laisse on , sur cest endroit , En tell1 langueur , Qu'âme vivant n'eut onques tell1 douleur. J'ay cueur pressé d'amertume et rigueur, Mes yeux fondus , flestrie ma couleur ,

Qui bien y vise.

Oyez mes plaints , vous tous , ou je ravise. Secourez moy , sans le mettre en feintise. Plourez mes maux : car je suis saincte Eglise,

La vostre mère, Mise à ruine, et à douleur amére,

Foulée au pie, par aspre vitupère :

Et mes griefs maux porte , souffre, et compère,

Par voz dessertes.

Petitement vous souvient de mes pertes : Lesquelles sont si cléres et apertes :

Mes manoirs ars, et mes places désertes,

Et mes enfans Mors et noyés , et pourris par les champs, Où sont chartriers (*) , foiblement Dieu croyans. Mon dommaine est es mains des mécroyans.

J'en suis chacee Honteusement, comme pauvre égarée, Mussant, fuyant, par dure destinée, Si lassée, si esteincte, et grevée,

Qu'à peine say Dire les maux, où je suis, et que j'ay. Plus me complains, et moins de secours j'ay. Ma pauvreté toutesfois raainliendray,

Pour essayer Lesquels premier se voudront empleyer A secourir saincte-Eglise, et aider :

Qui ne requiers le travail sans mestier.

Ainsi je cours De lieu- en lieu, et puis de tours en tours, Criant premier l'Empereur au secours :

Et puis- après je gette cris et plours,

A toute outrance, Pour estre ouie , et avoir allégeance Devant le treschrestien roy de France, Victorieux : où j'ay bien ma fiance,

Et doy avoir.

Puis chemine, sans guéres remanoir, Aux autres roys , pour leur faire savoir Le grand mechef , où me faut remanoir :

Et puis revien Aux ducs, comtes, et puissans terriens, Princes, marquis, aux grands et aux moyens, Géneralment à tous bons chrestiens ,

C1) Charlriers : prisonniers.

Pour remembrance Du Créateur ( qui est nostt e espérance ) Que tout chacun s'appareille , et avance Pour le secours : qui est ma desirance.

Or suis, joyeuse, Que puis faiie ma complainte piteuse Devant toy, duc, dont je suis désireuse. Mets en mes mots entente savoureuse:

Et je t'en prie.

Aussi fay je à ceste compaignie.

Pour moy aider l'un à l'autre s'alie.

Car Dieu le veut : et nuls bien faicls n'oublie.

Ainsi me va, par le divin vouloir, Qu'à ce banquet je me suis embatue, Venant de loing par effrayé pouvoir, Cherchant les lieux, où cueurs sont à mouvoir A secours, moy doulente et éperdue.

Loué soit Dieu, que je suis cy venue : Car avis m'est que j'ay fait le voyage, Pour racheter mon ennuyeux dommage.

O toy, 6 toy, noble duc de Bourgongne. Fils de l'Eglise , et frère à ses enfans, Enten à moy, et pense à ma besongne.

Pein en ton cueur la honte et la vergongne , Les griefs remords, qu'en moy je porte et sens. Infidelles, par milliers et par cens, Sont triomphans en leur terre damnée :

Là où jadis souloye eslre honnoree.

Et vous, princes puissans, et honnorés, Plorez mes maux, larmoyez ma douleur.

Ma joye n'est, s'emprendre ne voulez, En moy vengeant, ce que faire devez, En servant Dieu, et aquerant honneur.

Par mes enfans je suis en ce mesheur.

Par eux seray (si Dieu plaist) secourue. Si requier Dieu, de conseil estre acreue.

Vous , chevaliers, qui portez la Toison , N'oubliez pas le tresdivin service :

d'olivier de la marche. 181

Et vous aussi , nés de bonne maison , ' Gentilshommes , voicy belle ochoison (0, Pour acquérir de los le bénéfice.

Mon secours est pour jeunes gens propice. Les noms croistront, et Famé enrichira, Du service, que chacun me fera.

Dont en amour de Dieu premièrement, Et en faveur de nom et de noblesse , Je te requier à certes fermement, Mon aimé fils, pour mon recouvrement :

Et vous, signeurs , pour toute gentilesse. Par tout m'en vois : car à l'œuvre me presse Mon faict pileux. Helas! qu'on ne l'oublie. Sous tel espoir Dieu vous doint (2) bonne vie.

La lamentation de nostre mère Saincte Eglise faicte , en la salle entrèrent grand nombre d'officiers-d'armes : desquels le dernier estoit Toison d'or, roy-d'armes. Ce Toison d'or portoit en ses mains un faisan, vif, et aorné d'un tresriche colier d'or, tresrichement garni de pierreries et de perles : et, après ledict Toison d'or, vindrent deux damoiselles : c'està-sçavoir madamoiselle Yoland, fille bastarde de mondict signeur le duc, et Ysabeau de Neufchastei, fille de monsieur de Montagu, adextrees de deux chevaliers de l'ordre de la Toison d'or : c'estasçavoir monsieur de Crequi, et messire Symon de Lalain. En telle ordonnance vindrent lesdicts officiers d'armes, et ledict Toison d'or, aveques le faisan, jusques devant monsieur le duc : auquel ils firent la révérence : puis luy dît ledict Toison d'or, en ceste façon ,

« Treshaut et trespuissant prince, et mon tresre- « douté signeur, voicy les dames, qui tresliumblement

(') Ochoison : occasion. — (2) Dieu vous doint : Dieu vous donne.

l82 MEMOIRES

« se recommandent à vous : et, pource que c'est la « coustume, et a esté anciennement, qu'aux grandes « festes, et nobles assemblées, on présente aux princes, «aux signeurs , et aux nobles hommes le paon, « ou quelque autre oiseau noble, pour faire vœus « utiles et valables, elles m'ont icy envoyé, avec ces « deux damoiselles, pour vous présenter ce noble fai- « san, vous priant que les veuillez avoir en souve- « nance. » Ces parolles dictes, mondict signeur le duc ( qui savoit à quelle intention il avoit fait ce banquet) regarda l'Eglise : et, ainsi comme ayant pitié d'elle, tira de son sein un brief, contenant qu'il vouoit, qu'il secourroit la chrestienté, comme il sera dict cyapres : dont l'Eglise fit manière de soy réjouir : et, voyant que mondict signeur avoit baillé à Toison d'or son vœu, et que ledict Toison d'or le lisit, elle s'escria tout haut : et dît,

Dieu soit loué , et servi hautement De toy, mon fils, doyen des pers de France. Ton treshaut vœu m'est tel enrichiment, Qu'il me semble que je suis clérement De tous mes maux à pleine délivrance.

Par tout m'en vois, requérir aliance :

Et prie à Dieu qu'il te donne la grâce Que ton désir à son plaisir se face.

O vous princes, chevaliers, nobles hommes, Voyez patron pour hauts faicts entreprendre. Rompez vostre aise, acoursissez voz sommes, Levez vos mains, tandis que nous y sommes. Offrez à Dieu ce que luy devez rendre. Je pren congé : car cy ne puis descendre : Mais vois tirant la terre chrestienne, Pour Dieu servir et abréger ma peine.

À ce mot le géant reprit son éléphant : et le rem-

d'olivier de la marche. l83

mena par-devant les tables, en la manière qu'il estoit venu. Quand j'eu veu cest entremets ( c'est-asçavoir l'Eglise) et un chasteau sur une si-diverse beste, j'arguay en moy, si je pourroye comprendre que ce vouloit dire : et ne peu autremeat entendre , fors que celle beste (qui nous est estrange, et diverse pardeça) elle avoit emmenée, en signe qu'elle travaille et labeure sur grandes et diverses adversités, en la partie de Constantinoble (lesquelles adversités nous congnoissons) et le chasteau en quoy elle estoit, signifioit Foy. En-outre, par ce que ceste dame estoit conduite et menée par ce grand géant, ayant la main armée, j'enten qu'elle donnoit à congnoistre, qu'elle doutoit les armes desTurqs,qui l'avoyent chacee, et qui queroyent sa destruction.

Quand donques elle se fut partie d'ilec, les nobles hommes, à tous costés, par pitié et compassion, encommencérent à faire vœus, et ensuyvir mondict signeur le duc, chacun selon sa faculté : et mirent ces vœus par escrit : ainsi comme il sera dict cy-apres. Mais, pource que tant de vœus se firent, ou s'appareillèrent de faire, que la chose eust esté trop longue, mondict signeur fit crier par Toison d'or, que la chose cessast atant,et que tous ceux, qui voudroyent vouer, baillassent le l'endemain leurs vœus audict Toison d'or, et il les tenoit valables, comme s'ils eussent esté faicts en sa présence.

Pour abréger mon escripture , tantost après le cry dudict Toison d'or, le banquet fut assouvi, les nappes furent levées, et chacun fut en pié par la sale : et, quant à moy, ce me sembla lors un songe : car, de tous les entremets des tables, il n'y demonra sinon

la fontaine de verre. Quand je ne vey rien plus de nouveau, à quoy passer le temps, lors commença mon entendement à mettre devant mes yeux plusieurs choses, touchant ceste matière. Premièrement je pensay en moymesme les outrageux excès et la grande despense , que pour la cause de ces banquets ont esté faicts puis peu de temps : car celle manière de chapelets avoit là treslonguement duré : dont chacun s'efforçoit à son ordre, et mettoit peine de recevoir la compaignie plus-hautement : et principalement raondict signeur avoit fait si-grand appareil, coust, et assemblée , que je nommoye ceste chose, outrageuse, et déraisonnable despense, sans y trouver entendement de vertu, sinon touchant l'entremets de l'Eglise, et des vœus ensuyvans de ce : et encores me sembloit si-haute entreprise trop soudainement commencée.

En celle pensée et imagination demouray longuement, et tant que je me trouvay d'aventure auprès d'un signeur, conseiller et chambellan, et bien-privé de mondict signeur le duc : auquel j'avoye assez d'acointance. Lors je me pri à deviser aveques luy : et luy racomptay la fantasie, en quoy j'estoye : et, quand je luy eu tout dict, il me fit cesle response ,

« Mon amy saches (et je le t'afferme, en foy de u chevalier) que ces chapelets, banquets, et festoyc- « mens, qui se sont menés et maintenus de longue « main, n'ont esté sinon par la ferme entreprise et « secrette desirance de monsieur le duc, pour parve- « nir à faire son banquet, par la manière qu'on a « cy veiie, désirant grandement, et de tout son cueur, « conduire à eiîèct, un ancien sainct propos, qu'il a « eu de servir Dieu, nostre Créateur : lequel propos

d'olivier de la marche. i«S5

« a esté, et peut estre , congnu par le vœu, dont « maintenant il a fait publication : c'est asçavoir pour « le bien de la chrestienté, et pour résister aux entre- « prises des ennemis de nostre foy : et des pieça a « bien monstre le grand désir qu'il en avoit : comme « d'y envoyer, et soudoyer navires et gens -d'armes « très-longuement. Mesmement il y a trois ans, ou « environ, qu'en la vile de Mons en Hainaut mondict « signeur tint la feste de l'ordre de la Toison d'or : « et là furent assemblés grand nombre de chevalerie, « portans iceluy ordre : et, à la messe du jour, monte sieur l'evesque de Challon, chancelier d'iceîle, pro- « posa, en sermon gênerai, la grande désolation et « ruine, en quoy l'Eglise militante estoit, en requête rant les chevaliers dudict ordre, et autres, pour le « confort d'iceîle nostre mère, désolée : et sur ceste « matière par iceux chevaliers furent prises de moult- « belles conclusions, pour le service de Dieu aug- « menter , et la foy maintenir : desquelles choses « mondict signeur fut tousjours principal émouveur, « et le premier délibéré d'y empleyer corps et che- « vance. Depuis lors ( comme il est certain ) luy est « survenue la rébellion de Gand : à laquelle subjuguer « a despendu du temps et de l'avoir : et, la grâce « Dieu , il en est venu à si - bonne et honnorable «conclusion, que chacun sçait. Or est ainsi que, « pendant ce temps, le Turq a fait de grandes choses « sur la chrestienté : comme d'avoir gaigné Constante tinoble (qui jamais n'avoit eu villenie si grande des « mécreans) l'Empereur mort, et l'Empire destruict. « Ces choses ont tousjours entamé le cueur et le désir te de mondict signeur, au service de Nostre-Signeur

l86. MEMOIRES

« Jesus-Clirist : car au besoing est deu le secours. Dont, « pour conclusion , saches qu'il mesme a ceste be- « songne conduite et démenée de longue main , pour « avoir temps de pouvoir Vouer, et monstrer le bon « vouloir et le désir qu'il a au bien-public, et gé- « neral profit de la chrestienté. »

Ainsi que ce chevalier et moy parlions et devisions de la cause et principale occasion pourquoy, à son entendement , celle feste et grande assemblée fut faicte , en la salle entrèrent , par la grande porte , grand' foison de torches : après lesquelles venoyent plusieurs joueurs de divers instrumens, comme tabourins, luts, et harpes : et après eux vint une dame, vestue d'une robe de satin blanc, moult-simplement faicte, à guise de religieuse : et par-dessus elle estoit affulee et habillée d'un large manteau de damas blanc : et avoit le chef atourné moult-simplement d'un blanc couvrechef, mis tout ainsi qu'à une chose saincte et dévote appartenoit : et sur son espaule senestre portoit un rollet (0 : où estoit escrit en lettre d'or, grâce dieu , signifiant et monstrant le nom d'elle. Apres vindrent douze chevaliers, chacun menant une dame par la main : et estoyent habillés de. pourpoints cramoisis, et de palletots à manches, la moitié gris, et l'autre noir, de satin brodé de feuillage, et chargé d'orfaverie : et avoyent chapeaux de velours noir, orfaverisés comme lesdicts paletots : et lesdictes douze dames furent vestues de cottes simples, de satin cramoisi, bordées de letices (2) : et par-dessus avoyent en manière d'une chemise, de si -fine toile, qu'on voyoit la cotte parmy : et avoyent un atour tout

V) Rollel : pelit rouleau. «■ (3) Letices : fourrures.

d'olivier de la marche. 187

rond , à la façon de Portugal , dont les bourelets estoyent à manière de rauces : et passoyent par-derriére , ainsi que pattes de chaperons pour hommes , de déliés volets, chargés d'oifaverie d'or branlant : et furent leurs visages couverts du volet : et, pour déclarer des dames, dont j'ay parlé par-avant, que Grâce Dieu menoit, il fait à sçavoir que tantost que ladicte Grâce se trouva devant mondict signeur, elle parla , et dît ,

Grâce Dieu suis, la divine aumonniére : Qui des biensfaits de Paradis pourvoye.

Ferme seurté, et espérance entière.

Miséricorde est dessous ma bannière , Dieu ne permet nuls dons, que je n'y soye. Par son plaisir à toy droit cy nïenvoye, Pour toy bailler ce brief, et, au surplus, Te présenter ces dames de vertus.

« Pource que mon benoist créateur a ouy le vœu, « que toy Philippe , duc de Boui gongne , as n'aguéres « fait en la présence de ceste noble compaignie , et « mesmes plusieurs autres nobles hommes cy-presens, « tous ensuyvans : lequel ton vœu, ensemble iceux, « procedans de bonne voulonté, sont agréables à Dieu : « à ceste cause il m'envoye par toute chrestienté, vers «empereurs, roys , ducs, comtes, et autres bons « chrestiens, leur présenter de par luy douze dames « ( que j'ay ici ) chascune portant le nom de vertu : « lesquelles si croire voulez, vous viendrez à bonne et « victorieuse conclusion de vostre emprise , et aquer- « rez bonne renommée par tout le monde, et en fin « Paradis. »

l8B MEMOIRES

Le.brief leu et ouy , ladicte dame, Grâce Dieu, reprit sa raison : et dît à Monsieur ,

Les dames cy bailleront par escrit Leurs parfaicts noms : lesquels je vous liray. Qui bien les voyt, moult plaist à Jesus-Christ : Auquel je prie , et au Sainct-Esperit , Qu'en vous soyent : si m'en rejouiray.

Voicy laFoy : que vous presenteray Premièrement. Or je vous prie oyez De tous leurs briefs ce que lire m'orrez.

En ce language proposant , comme vous avez ouy, ladicte dame, Grâce Dieu, présenta une de ses douze dames, et la première : qui avoit à nom, Foy. Ceste dame portoit un brief en sa main. Tantost, donques, que Grâce Dieu l'eut présentée, et mise avant, elle ( c'est à entendre Foy ) bailla son brief à Grâce Dieu , la guide, maistresse, et conduiseresse de ces douze dames : lesquelles toutes, Tune après l'autre, pareillement que Foy, furent présentées en ordre : et baillèrent leurs briefs : lesquels furent receus et leus de ladicte Grâce Dieu : et ces briefs signifioy.ent et demonstroyent ouvertement leurs noms, leurs vertus, leurs puissances , et trespleines et tresliautes authorités et prerogations : et, pour entretenir propos, le brief de Foy contenoit les mistéres, qui s'ensuyvent, sans adjonction, ne diminution.

Couplet de Foy.

Je suis la Foy, et divine espérance , Que chacun doit congnoistre sans erreur : Qui vicn à vous, duc de noble naissance, Et à tous ceux, qui sont cy en présence,

Pour mercier l'emprise de valeur, Touchant aux vœus de mérite d'honneur, Et au secours que vous me présentez :

Qui moult vaudra, si vous ne m'oubliez.

Couplet de Charité'.

Charité, mère des bienfaicts Suis au palais de Dieu nommée :

Qui par voz hauts vouloirs parfaicts, Signes d'amours non contrefaicts, J'espère la Foy confortée.

Si suis en ce lieu arrivée :

Afin que la guide je soye , Qui voz œuvres vers Dieu convoyé,

Couplet de Justice.

Justice ay nom, la droicturiére,

Le refuge des moins-puissans.

Quoy que l'on me nomme aspre et fiére ,

Si ren je par bonne manière

Les humains corps obeïssans.

Or vien j1 à vous, d'heure et de temps,

Pour advertir que servirez

Foiblement Dieu, quand ne m'aurez.

Couplet de Raison.

Je suis Raison , fille de sapience, , Amie de Dieu, son affine et prochaine.

Guerre amorti. Paix est ma nourrissance. Amour soustien , droict maintien en puissance. A vous servir je mettrny toute peine.

Je vien donques en la voslre demaine : Et Dieu le veut : pource qu'en son service Sur toute riens suis valable et propice.

Couplet de Prudence.

Pour vous parer, prince de haut affaire, Prudence suis : que Dieu à vous envoyé: En espérant que ferez, pour luy plaire, Et entendrez, pour le plus nécessaire,

A secourir l'Eglise, qui larmoyé.

Tant que m'aurez, et serez où je soye, Adversité n'aura nulle puissance De vous oster foy, ne bonne espérance.

Couplet d' Attrempance.

Attrempance, qui les hauts faicts mesure, Me nomment ceux , qui congnoissent mon estre. Il n'est nul heur, qui sans moy guéres dure. Mon faict est seur , non pas à l'aventure. De vous servir je me veuil enlreroettre. Soudain vouloir ne peut estre mon maistre. Si vous m'avez ( je le dy seulement ) Rien ne ferez, qu'à bon entendement.

Couplet de Force.

Force, ou bien magnanimité, M'appelle on : pource que je pense, Par effort de bonne équité, Pour tous en généralité , A livrer vive résistance.

Je suis contre vices deffense , Et puis moult en armes servir.

Pensez donc de moy retenir.

Couplet de Vérité'.

A vous je vien en telle intention Que ne ferez rien contre mon vouloir.

Vérité suis, de tell' condition, Que je ne fay nulle part mansion , S'honneur de bouche ne m'y fait remanoir. Tenez voz mots, si me voulez avoir.

Par voz vertus faites crier Montjoye : Et je seray la vostre , où que je soye.

Couplet de Largesse.

Grand faict sans moy nul ne peut achever, Ost acquérir, n'acquérir bon renom.

Qui me reboute, il fait fort à blasmer. Par moy peut on moult de gens assembler,

D OLIVIER DE LA MARCHE. igi

Et avoir bruit : qui que le veut , ou non. A vous je vien. Largesse m'appelle on.

Je serviray pour les povres aider, Qui serviront quand viendra le mestier.

Couplet de Diligence.

Diligence, la noble poursuivande ,

Suis nommée : pource que tant travaille,

Que maintes fois mes fortunes amande.

Dieu me transmet à voz yeux : et vous mande

Qu'à le servir sans sommeiller on veille,

Et que m'ayez : afin que je reveille

Les lasches cueurs : qu'on ne peut émouvoir

A travailler, pour tous les biens avoir.

Couplet d'Espérance.

Espérance, guidée de bon vouloir,

D'ardant désir à vous je me présente."

Le graud honneur, la richesse, et l'avoir

De ce monde, conquesterez pour voir.

Nul n'osera devant vous faire attente.

Requérez Dieu : et mettez ferme entente,

D'estre en brief temps prests pour le Turq combatre:

Et vous verrez son grand orgueil abatre.

Couplet de Vaillance.

Prince, enflambé de désir pitoyable,

Et vous, nobles, où tout honneur s'avance,

Cueurs, tous enflés de vouloir honnorable,

Aimans renom , queraus œuvre louable ,

A vous j'acour en grande ejouissance.

Fille d'honneur suis, et m'appelle on vaillance.

Je vous requier qu'on ne me laisse point.

Car, sans m'avoir, grand faict ne se fait point.

Apres les présentations de ces douze vertus , faictes par Grâce Dieu à mondict signeur, et nécessaires à la perfection de son emprise, quand les noms et leurs briefs furent leus, veus, et ouis en plaine salle, et

en commune audience, atant elle, comme ayant sa charge pai fournie, et son œuvre parachevé, d'illeques se voulut retraire. Si prit congé' , par la manie're qui s'ensuit , conseillant , et saluant mondict signeur , ainsi ,

Puis qu'ainsi est que je vous ay baillées Ces filles cy, pour vostre parement, Je vous requier que soyent recueillies Par tel moyen , que mieux apareillees Soyent d'entendre à vostre sauvement. A vous les laisse. A Dieu je vous command : A qui prie que brief vous voye faire Chose de nom, et qui luy puisse plaire.

À tant s'en retourna Grâce Dieu : et laissa les dames , qu'elle avoit amenées : et, pource que leur miste're fut achevé', leur furent oste's les briefs , qu'elles portoyent sur leurs espaules : et commencèrent à danser, en guise de mommerie, et à faire bonne che're, pour la feste plus joyeusement pai fournir : et cy ensuyvent les noms des chevaliers et des dames de celle mommerie : et premièrement les noms des chevaliers, monsieur de Charolois, monsieur de Cle'ves, monsieur d'Estampes, monsieur Adolf de Cle'ves, monsieur Jehan de Goimbres , monsieur le bastard de Bourgongne , monsieur de Bouchain , messire Anthoine, bastard de Brabant, messire Philippe, bastard de Brabant, messire Philippe Pot, messire Philippe de Lalain, et messire Chrestien 3e Digoine : et, pour les dames, madamoiselle de Bourbon, madamoiselle d'Estampes, madame de Ravastain, madame d'Arcy, madame de Gommines , madame de Santers, madame des Obeaux , madame du Chasteler, Mar-

io3

guérite , bastarde de Bourgongne , Anthoinette , femme de Jehan Boudaut , et Ysabeau Constain. Tandis qu'on dansoit en telle manie're , les roysd'armes et heraux , aveques les nobles hommes qui furent ordonnés pour l'enqueste , alérent aux dames et aux damoyselles , savoir à qui l'on devoit donner et présenter le prix, pour avoir le mieux jousté, et rompu bois pour ce jour : et fut trouvé que monsieur de Charolois l'avoit gaigné et desservy.

Si prirent les officiers -d'armes deux damoyselles, princesses (c'est asavoir madamoyselle de Bourbon, et madamoyselle d?Estampes) pour le prix présenter : et elles le baillèrent à mondict signeur de Charolois : lequel les baisa, comme il avoit acoustumé, et qu'il est de cousturne : et fut crié Montjoye, moult-hautement. Tantost après fut aporté le vin, et les espices : lesquelles espices estoyenten sept dragœuers (0, dont la plus-part estoyent de pierreries : et fuient à celle heure criées unes joustes, de-par monsieur de Charolois , pour l'endemain : lequel s'acompaigna de monsieur le bastard, et de Benetru de Chassa : et se firent nommer, en ladicte criée, trois compaignons aventureux, portans escu violet, et noir. Lesquelles joustes furent joustees tresbien : et gaigna messire Adolf le prix de dehors : et mondict signeur le bastard le prix de dedans : et donna ce jour mondict signeur le duc le banquet à toutes les dames en son h os tel.

Entre deux et trois heures après minuict, mondict signeur et sacompaignie, se partirent de la place où ce

(0 Dragœuers : peiiles boîtes où Ton mettoit dos dr.igées. 10. i3

banquet fut faict : et se retrait chacun en sa chacune. Or, pource que je sçay bien que plusieurs ont eserit de celle feste, et que chacun ne peut avoir tout veu, et pourroit on dire que j'en parle bien largement, afin que l'on sache que la manie're de mon récit et enregistrement est vray, je l'ay fait visiter par monsieur de Launoy, et par Jehan Boudaut, principaux gouverneurs des choses dessus- escrites , et par les maistres-d'hostel de mondict signeur le duc : et, après leur Visitation faicte , et seelee de mondict signeur de Launoy, je l'ay osé communiquer. Si supplie treshumblement mondict tresredouté et souverain signeur, monsieur le duc dessusdict, et à tous ceux qui liront, ou oyront ceste chose, qu'ils veuillent mon ignorance pardonner, et qu'ils prestent leurs oreilles à escouter partie de vœus, qui furent faicts à cause de cestuy banquet.

VW Q^/Ti/ty WTï/ty WiflW VVWi/WWW V^/W WWV VWlAl> tVWU'WtlAlJ WQ/ty Ç /Ti/^^ VtiAiAi/ W^VtlAi> V^/Tl/^' V^i/^A^ V^^^ VVV^l-'