CHAPITRE XXX

Ensuivent une partie des vœus ., que firent le tresnoble et tresredouté prince Philippe , par la grâce de Dieu duc de Bourgongne * de Brabant etc. et plusieurs autres grands signeurs , chevaliers , et gentils -hommes j Van i453 : et premièrement le vœu d'iceluj prince.

« Je voue tout premièrement à Dieu , mon créateur, et à la glorieuse Vierge Marie sa mère, en-apres aux dames, et au faisan, que, si le plaisir du treschres-

d'olivier de la marche. 195

tien et tresvictorieux prince, monsieur le Roy, est de prendre croisée, et exposer son corps pour la deffense de la foy chrestienne, et résister à la damnable emprise du grand Turq et des Infidelies, et si lors je n'ay loyale ensongne (0 de mon corps, je le serviray, en ma personne, et de ma puissance, audict sainct voyage, le mieux que Dieu m'en donnera la grâce : et, si les affaires de mondict signeur le Roy estoyent tels, qu'il n'y peust aler en sa personne, et son plaisir est d'y commettre aucun prince de son sang, ou autre signeur, chef de son armée, je à sondict commis obeïray et serviray, audict sainct voyage, le mieux que je pourray, et ainsi que si luy mesme y estoit en personne. Et, si pour ses grans affaires il n'estoit disposé d'y aler, ne d'y envoyer, et qu'autres princes chrestiens à puissance convenable emprennent le sainct voyage, je les y acompaigneray, et m'empleyeray aveques eux à la deffense de la foy chrestienne, le plus-avant que je pourray : pourveu que ce soit du bon plaisir et congé de monsigneur le Roy, et que les pais, que Dieu m'a commis a gouverner, soyent en paix et seureté. A quoy je travailleray : et me mettray en tel devoir de ma part, que Dieu et le monde congnoistront qu'à moy n'aura tenu, ne tiendra : et, si durant le sainct voyage je puis par quelque voye ou manière que ce soit, savoir, ou congnoistre, que ledict grand Turq ayt voulonté d'avoir à faire à moy, corps à corps, je, pour ladicte foy chrestienne, le combattray, à laide de Dieu tout puissant, et de sa tresdouce Vierge mère : lesquels j'appelle tousjours en mon aide. Faict

(lA Jïnsongne : empêchement.

à Tlsle, le dixseptiéme jour de février, l'an de l'incarnation de Nosti e Signeur , i453 , signe' de ma main.

Philippe. »

Le vœu de monsieur de Charolois.

« Je voue à Dieu mon créateur , et à sa glorieuse mère, aux dames, et au faisan, que, si mon tresredouté signeur et pe're va au sainct voyage, ainsi qu'il entreprend, et le désire d'acomplir, et ce soit son plaisir que j'y voise aveques luy, que j'y iray, et le serviray au mieux que je pourray, et sauray faire. »

Le vœu de monsieur de Cléves.

« Je voile aux dames et au faisan, que je serviray monsieur mon oncle, s'il luy plaist, en cas que les affaires de mon païs le puissent porter. »

Le vœu de monsieur d'Estampes.

« Je voiie à Dieu mon créateur, et à sa glorieuse mère premièrement, et en après aux clames et au faisan , que , si le plaisir de mon treshonnoré signeur et oncle, est que je voise en sa compaignie au sainct voyage de la deffense de la foy chrestienne, et résistance de la damnable emprise du grand Turcj, et des Inlidelles, je l'acompaigneray et serviray de ma puissance : et durant ledict sainct voyage , si je puis savoir, ou congnoistre, qu'il y ait aucuns grans princes ou grans signeurs de la compaignie dudict grand Turq, et tenans sa loy, qui aycnt voulontë d'avoir

a. faire à moy, corps contre corps, deux à deux, trois à trois, quatre à quatre, ou cinq à cinq, je, pour ladicte foy chrestienne soustenir, les combatray, à laide de Dieu le tout-puissant et de sa tresdouce mère : lesquels j'apelle tousjours en mon aide, par la manière dessusdicte. Estampes, a

Le vœu de monsieur de Ravastain.

« Je voiïe etc. si mon tresredouté signeur et oncle va en ce sainct voyage, si c'est son plaisir, que je seray prest d'aler aveques luy, tout par tout où son plaisir sera. Et, si tant est que inondict signeur ne puisse aler audict sainct voyage, et son plaisir soit à moy faire cest honneur, de moy y envoyer, je m'o ire à le servir de mon corps et de ma chevance, tant et si-avant, qu'il me sera possible. Adolf de Gléves. »

Le vœu de monsieur le Bastard.

« Je Anthoine, bastard de Bourgongne, voue aux dames et au faisan, que, si mon tresredouté signeur va en ce sainct voyage, j'iray aveques luy, et le serviray de mon corps et chevance : et, au cas qu'il n'y voise, et il luy plaise moy y envoyer, et commander aucune chose sur ce , en quelque manière que ce soit, je m'y empleyeray de tout mon pouvoir, comme tenu y suis : et, des le jour que je partiray, je prendray une emprise, laquelle je porteray tout le voyage durant, pour combatre un Turq, en quelque manière qu'il voudra requerre : et ce feray sçavoir en l'hosteî du Turq. »

Le vœu de monsieur de Pons.

« Je voue premièrement à Dieu , aux dames et au faisan, que, s'il plaist à mon tresredouté signeur et puissant prince, monsieur le duc de Bourgongne, aler encontre le grand Turq, et autre part sur les Sarrasins, et il me fait tel honneur que j'aie en son service, je le serviray de mon corps, tant que ma vie durera, ou qu'il luy plaira. Item,, si son bon plaisir n'est que je soye en son service , je voiie à Dieu , comme dessus , en demy an prochain venant, que je ne sejourneray en vile quinze jours passés, jusques à tant que corps à corps j'aye combatu un Sarrasin d'iceluy Turq, ou d'autre lieu, selon que je le pourray trouver premier, à l'aide Nostre - Dame : pour l'amour de laquelle jamais ne coucheray en lict le samedy, jusques j'aye acompli ce que dict est. Faict le dixseptiéme de février, i453. »

Le vœu de monsieur de Charny.

« Je voue aux dames et au faisan , que , si mon tresredouté et souverain signeur, monsieur le duc, entretient ie voyage sainct sur les Infidelles , je le serviray de mon corps et de mes biens , au cas toutesvoyes que je n'auray maladie, ou loyal ensongne de mon corps : et, en ce cas, j'y envoyeray huict ou dix gentils-hommes, payés pour un an. »

Le vœu de monsieur de Crouj.

« Je Anthoine, signeur de Crouy, considéré le vœu qu'a fait mon tresredouté signeur, monsieur le duc

deBourgongne, en ensuyvant iceluy, voiïe à Dieu mon créateur, aux clames , et au faisan , qu'au cas que mondict signeur le duc entretienne son voyage et aimée, que sous les conditions contenues en sondict vœu , qu'il a voué de faire sur les Sarrasins et mécreans , par ainsi que ce soit son plaisir, j'yray aveques luy et en sa compaignie, et le serviray, pour l'honneur de Dieu, en sondict voyage, de mon corps, et à mes despens, un an entier, sans pource prendre ne de luy, ne d'autres Chres tiens, aucuns gages ou biensfaicts : et obeïray à luy, ou à çeluy qu'il luy plairra ordonner son lieutenant en ceste partie, en tout ce qu'il luy plaira à moy enjoindre et commander, en renonçant à toutes vaines gloires, orgueil, et autres choses mondaines , qui en aucunes manières pourroyent empescher ou retarder ce que dessus est dict, et généralement à toutes autres choses, qui me pourroyent survenir, excepté mort, prison, ou maladie, ou autre empeschement raisonnable, et tel qu'à mondict signeur, et autres princes, sembleroit estre digne et suffisant pour excusation, et tellement que ce sera au plaisir de Nostre- Signeur, à la salvation de mon ame, et à mon honneur. Tesmoing ceste cedule, signée de ma main, etc. A. de Croy. »

Le vœu de monsieur de Cjmaj.

«Je Jehan de Crouy, signeur de Cymay, fay autel et semblable vœu à Dieu mon créateur, et à sa glorieuse me're, aux dames, et au faisan, qu'a fait monsieur mon frère, et tel que cy-dessus est contenu : et, au cas que par maladie ou autre empeschement, qui fust

si-apparent que chacun congnust que je n'y pourroye aler, j'y envoyeray huict gentils -hommes de nom, et d'armes, à mes despens, payés pour un an entier, pour servira l'honneur de Dieu, mondict signeur et prince, sous et par la manière dessusdicte» Tesmoing mon signe, cy mis. i. de Ciioy. »

Le vœu de monsieur de Santés.

« Je voue à Dieu mon créateur et à la glorieuseVierge Marie, sa douce mère, en présence detreshaute et trespuissante princesse, des nobles dames et damoiselles, qui cy sont, et à ce faisan, que, si le Roy, ou mon tresredouté signeur, monsieur le duc de Bourgongne, prendent la croisée, pour résister à la puissance, et contre l'empereur desTurqs, ennemis de la saincte foy ichrestienne, je les y serviray et acompaigneray en ma personne, l'espace d'un an : et, si à l'occasion de ma vieillesse et foiblesse de corps je n'y pouvoye aler, si y envoyeray je, pour gaigner les pardons, et satisfaire aux péchés et deffautes que j'ay par cydevant commises, et moy aquiter de l'obligation que je doy à la foy de Jesus-Chi ist à cause du sainct baptesme, deux hommes-d'armes et deux archers, suffisamment montés et armés : lesquels je payeray et soudoyeray, par l'espace d'un an, à mes despens. »

Le vœu de monsieur de Crequi.

« J'ay ouy et entendu la pitoyable complainte de nostre mère Saincte-Eglise : dont mon cueur a receu amére et douloureuse déplaisance : mais, quand j'ay sceu 3e vœu de mon tresredouté signeur, celle douleur

s'est ainsi comme cessée ou adoucie, pour le grand espoir que j'ay, qu'aucun bon et sainct fruit s'en ensuyvra : et , combien que chose, que faire puisse, pourroit peu profiter et valoir à la ressourse et grande désolation d'icelle , neantmoins , pource qu'aveques les grans princes de la chrestienté, raison est qu'elle soit secourue et servie à sa nécessité, des moyens et des petis, je voiie aux dames et au faisan, que, moyenant la grâce de nostre benoist créateur et de sa benoiste mère , au cas que les besongnes et affaires de mondict tresredouté signëur pourront souffrir qu'il entreprende le sainct voyage dont en son vœu est faicte mention, et il luy plaist moy recevoir en sa compaignie, je me mettray en son service, à mes despens, en tel estât et compaignie de gentils-hommes, et autres, que bonnement faire pourray, selon les biens que Dieu m'a donnés : et m'y emp^yeray en telle façon, à mon pouvoir, que j'espère que Dieu et le monde seront de moy contens : pourveu toutesvoyes que lors ne soye empesché de mon corps : et, s'il avenoit ( que Dieu ne veuille ) j'y envoyeray, tant de gentilshommes, comme autres, en tel et si-grand nombre, que la faculté de ma chevance pourra porter. »

Le vœu de monsieur de Haubourdin.

« Je voue à Dieu mon créateur, et à sa glorieuse mère, aux dames, et au faisan, que, si mon tresredouté signeur prend la croisée et va en ce sainct voyage, je le serviray de mon corps et de ma puissance, tout le mieux que je pourray : et, si mondict signeur avoit ensongne, parquoy il n'y peust aler en

sa personne, et il y envoyé aucun de son sang en son nom , je luy serviray et obeïray , comme je feroye à mondict signeur : et ne laisseray que je ne voise audict sainct voyage, en la manière dicte, si méhaing (0, ou prison , ne m'en détournent : et ne m'en retourneray, que je ne m'y soye empleyé un an du moins, si ce n'est pour aucuns gratis biens, ou profits, pour la chrestienté, et par l'exprès commandement ou ordonnance des princes, avec qui je seray : et, s'il avient que pendant le temps que je seray audict sainct voyage il y ait journée de bataille, je feray tant, au plaisir de Dieu, que Chrestiens et Turqs auront congnoissance de mon nom : et me mettray en mon loyal devoir, sans passer, toutesfois , n'aller hors l'ordonnance, faicte et commandée par les princes , si je suis à la bataille ou eschelle, à l'endroit où le Turq soit, que j'aborderay le jour à sa personne : et, si Dieu par sa grâce donne victoire aux Chrestiens, et que je puisse veoir que le Turq parte de la bataille pour soy sauver (quelque chose qu'il m'en puisse avenir) je ne laisseray la chace de luy ( si je ne suis mort , ou si fort navré, que je ne le puisse parfournir, ou que mon cheval me faille en chemin) jusques je l'aye mort, ou prisonnier : si, devant que je l'ataigne, il ne se sauve en fortresse, ou par si-fort passage, qu'on ne le puisse passer. »

Le vœu de monsieur le chancelier de Bourgongne.

« Pource que je, Nicolas Raoulin, obstant mon ancienneté et foiblesse , ne pourroye bonnement aler en

(») Méhaing: maladie, blcssurcé

d'olivier de LA MARCHE. 20J

personne , au sainct voyage que mon tresredouté signeur , monsieur le duc de Bourgongne , entend faire , pour la deffense de la foy chrestienne, et ainsi et par la manière qui declairee est en son vœu sur ce faict, je voue à Dieu premièrement, et après aux dames, et au faisan, qu'en mon lieu j'envoyeray, avec mondict tresredouté signeur, en son service, audict sainct voyage , un de mes enfans , acompaigné de vingt-quatre gentils- hommes , armés et montés suffisamment : et les entretiendray à mes despens, tant et si-longuement que mondict signeur le duc y sera. »

Le vœu de monsieur de Ber gîtes,

« Je voue aux dames et au faisan , qu'au cas que mon tresredouté signeur le duc voise en ce sainct voyage , et qu'il luy plaise que je le serve , je le serviray de ma personne, en telle façon que mondict signeur le m'ordonnera : et, si par maladie, ou autre empeschement , je n'y puis aler, j'y envoyeray et entretiendray douze gentils -compaignons crannequiniers, un an, à mes despens. »

Le vœu de monsieur de Commines.

« Je Jehan , signeur de Commines , voue à Dieu et à la Vierge Marie, aux dames et au faisan, que, si mon tresredouté signeur, monsieur le duc, va en ce sainct voyage, qu'il a intention de faire , pour résister aux emprises du grand Turq et des mécreans, je le serviray par tout où bon luy semblera ( soit par mer, ou par terre ) de mon corps , et à mes despens : et , en cas de maladie, ou d'autre empeschement, si-appa-

rent que chacun congnoisse que je n'y puisse aler, j'y envoyeray quatre gentils-hommes de nom, et à mes despens : lesquels je payeray tant et si-longuement, que l'armée de mondict signeur s'entretiendra par-de-là : pourveu que ce soit le bon plaisir de mondict signeur. »

Le vœu de monsieur de Rochefort.

« Je Charles, signeur de Rochefort, fay vœu à Dieu mon créateur, et à la glorieuse Vierge Marie , aux dames, et au faisan, que, si mon tresredouté signeur, monsieur le duc , va au sainct voyage , sur les Infidelles , ennemis de nostre foy, si son bon plaisir est, j'yray aveques luy, et l'acompaigneray et serviray de mon corps , et de ma puissance : et , au cas que mondict signeur n'yra en cedict sainct voyage, et mondict tresredouté signeur et maistre, monsieur le comte d'Estampes, y va, si c'est son plaisir, j'yray semblablement aveques luy , et le serviray de mon corps et de ma chevance : pourveu qu'aucun accident de maladie , ou autre, ne me survienne, parquoy je ne puisse aler au sainct voyage : auquel cas j'y envoyeray six gentils-hommes , armés et habillés : et les payeray pour un an entier. Et, si ainsi est que mondict signeur d'Estampes trouve lesdicts Infidelles , qui le fournissent pour son vœu ( c'estassavoir de combatre deux contre deux, trois contre trois, quatre contre quatre, ou cinq contre cinq) et le plaisir de mondict signeur et maistre est que je l'acompaigne, en ce cas, je seray voulontiers de ceux , qui combatront aveques luy lesdicts Infidelles, par la maniéré dicte, et ainsi que mondict signeur l'entent. »

D OLIVIER DE LA MARCHE. 20i

Le vœu de Jehan du Bois.

« Je voue à Dieu , à Nostre-Dame, aux dames, et au faisan, que, s'il est ainsi que mon tresredouté signeur, monsieur le duc de Bourgongne , entreprenne, et voise au sainct voyage ordonne', pour la deffense de la foy chrestienne, et que son plaisir soit que je voise en sa compaignie , je le serviray de mon corps et chevance , et ne l'abandonneray tant qu'il y sera, ou que la vie me durera : et que, des le jour que partiray, ne mangeray , par vendredy, chose, qui ait receu mort , jusques à ce que je me seray trouvé embesongné, combatant main à main à un, ou plusieurs ennemis , de ladicte foy. hem , et si mon dict tresredouté signeur a bataille au grand Turq, et que la bannière de mondict tresredouté signeur, et celle de ses adversaires y soyent dépleyees , et je soye en ma franchise et liberté, sans estre méhaigné, je m'aborderay à la bannière du grand Turq, si je la puis nullement congnoistre : et la trebucheray par terre , ou je mourray en la peine. Et, au cas que les affaires de mondict tresredouté signeur ne puissent porter d'y aler en sa personne, ou il y commette monsieur son fils, monsieur d'Estampes, ou autre, je le serviray en toute obéissance, comme la personne de mondict signeur. Et, s'il avient que monsieur d'Estampes emprende bataille à aucun prince, acompaigné de certain nombre de nobles hommes, et il luy plaise, de sa grâce, moy faire cest honneur, que j'en soye l'un , je m'y empleyeray tellement, qu'au plaisir de Dieu , de Nostre-Dame , et de mon-

2o6' MEMOIRES

sieur Sainct George ( ausquels je prie qu'ils m'en donnent la grâce) je luy feray honneur. »

Les vœus de monsieur de Boussu, et de messire Philippe de Lalain.

« Monsieur de Boussu et messire Philippe de Lalain vouent à Dieu, à Nostre-Dame, aux dames, et au faisan, que, si mon tresredouté signeur, monsieur le duc de Bourgongne, va en Turquie, à l'encontre des Infidelles, les dessusdicts le serviront bien et loyaument, si le plaisir de mondict signeur est qu'ils y voisent : et du jour qu'ils partiront, ils porteront une emprise, pour en combatre deux : et, si le tiers y venoit, ils en prendront telle aventure, que Dieu et Notre-Dame leur voudront envoyer. »

Le vœu de messire Claude de Toulongeon.

« Je voue à Dieu, à Nostre-Dame, et à madame saincte A.nne, aux dames, et au faisan, que je serviray mon tresredouté et souverain signeur, monsieur le duc et comte de Bourgongne, au sainct voyage qu'il a intention faire à l'encontre du Turq, ennemy de nostre foy : et le serviray du corps, tout le temps qu'il y sera : et des biens, que Dieu m'a donnés, j'y empleyeray tout ce qu'il me sera possible : et, au cas que mondict signeur ait quelque empeschement, par quoy il n'y peust aler, s'il y envoyé aucun de son sang, je le serviray, et obeïray, durant ledict voyage, comme je feroye la personne de mondict signeur : et, outre-plus, incontinent que je seray hors

des marches de pardeça, je porteray une emprise, pour faire armes, à pie ou à cheval, à rencontre d'un des gens dudict Turq : laquelle emprise je feray signifier (si je puis) en son ost : et tout par le bon gré et licence de mondict signeur : lequel j'en suppliray et requerray : et, si celuy, qui voudra lever madicte emprise, ne me vouloit venir combatre devant mondict signeur, ou son commis, je l'iray combatre devant le Turq, moyenant que je puisse avoir bonne seurté. »

Les voaus de messire Chrestien et de monsieur Evrard de Digoine.

« Nous Chrestien et Evrard de Digoine, frères, chevaliers, vouons à Dieu, à la benoiste Vierge Marie, aux dames, et au faisan, que, si nostre tresredouté signeur, monsieur le duc de Bourgongne, va au sainct voyage contre les Infidelies, nous irons aveques, et le servirons de corps et avoir : et , s'il avient que nous nous trouvions en bataille aveques les Infidelies, nous ferons nostre pouvoir de porter jus la première enseigne, qui appei ra des ennemis : et de ce ferons sigrand devoir, qu'il ne sera point dit, que nous n'en ayons faict nostre possible. Et, s'il plaisoit à nostre tresredouté signeur, monsieur d'Estampes, de nous faire cest honneur, et grâce, que nous fussions deux de ceux dont il s'acompaignera pour fournir aux armes de son vœu, nous le servirons tellement, qu'au plaisir de Dieu, luy et tous autres devront estre contens. Et, outre, je Chrestien de Digoine, voue comme dessus, que, s'il plaist à mon créateur et à sa glorieuse

mère, moy faire tant de grâce que je retourne, je repasseray par trois royaumes clnestiens : dedans lesquels je porteray emprise, pour faire armes à pié et à cheval. »

Sur quoy finit ledict banquet, et lesdicts vœus.