CHAPITRE XXXIII

De quelques particularités en la maison de Bourgongne : de la retraite du dauphin Louis , vers le bon duc Philippe : et du courroux d'iceluj duc, contre le comte de Charolois , son fus.

Le duc s'en retourna à l'Isle : où il fît de grandes chères et de grans festiemens : et puis se tira en Hollande : où le faict de la Toison estoit préparé : et en ce temps devint grosse madame de Charolois : dont le pais fut moult-réjouy : et, en ce mesme temps, monsieur David, bastard de Bourgongne, fut éleu evesque d'Utrecht : et ne furent pas ceux de Devantel (0 obeïssans audict evesque : mais falut faire une armée : en laquelle le duc Philippe, en personne, et tous les grans de ses païs alérent en armes , comme il appartenoit : et leur fît on forte guerre par eaue et par terre : car ledict Devantel est fortifié d'une grosse rivière : et estoit le siège des Bourgongnons deçà la rivière : et à passer celle rivière eut plusieurs vaillances faictes , et plusieurs apertises d'armes : dont je me tay pour abréger.

[*) Devantel, lisez Def enter.

En ce temps vint, devers le roy Charles, l'ambassade du roy Lancelot de Hongrie, pour avoir madame Magdelaine de Fi ance en mariage, pour ledict roy Lancelot : et fut la plus-belle et la plus-grosse ambassade , qui onques vint en France : car ils portoyent le billon d'or : et, par privilège du roy de France, ils forgeoyent florins d'or , parmy lesvilages où ils se trouvoyent : et de trente six articles, dont ils avoyent à faire au roy Charles, jamais ne voulurent parler du second, que le premier article ne fust vuidé, fust par refus ou par acord : et ainsi de tous les autres points : et sans faute le mariage eust esté faict, si ne fust la mort dudict Lancelot : qui. mourut durant le parlement.

Durant iceluy siège de Devante!, nouvelles vindrent au duc, que monsieur Louis de France, Dauphin de Viennois, venoit de pardeça , et prenoit son chemin contre Brucelles : et à ceste cause furent moyens trouvés de surseance de guerre entre le duc Philippe et ceux de Devantel : et prit le duc son chemin, pour venir au-devant de mondict signeur le Dauphin : et envoya au-devant de luy, jusques à Louvain , le comte d'Estampes , et autres grans personnages, pour le bien-viengner, et depuis y vint monsieur le comte de Charolois : et aussi y envoya madame Ysabeau de Portugal, madame de Charolois, et madame de Ravastain, pour recevoir mondict signeur le Dauphin : et mondict signeur le Dauphin se tira à Brucelles, et fut logé au logis du duc : et ne demoura guéres après que le duc vint : et, tandis qu'il parloit à madame sa femme, monsieur le Dauphin descendit les degrés : dont monsieur le duc fut

moult-déplaisant : et là s'embracérent : et fit le duc moult-grand honneur et révérence à mondict signent le Dauphin : et faire le devoit : car c'estoit l'héritier de France. Ainsi s'entrerencontrérent monsieur le Dauphin et monsieur de Bourgongne : et eurent plusieurs parolles ensemble, secrettes, et qui ne sont pas venues à ma congnoissance : et firent grandes che'res ensemble : et y eut grandes joustes, et grans festeyemens : et fut sa venue pardeça, en l'an i456.

Eh ce mesme temps, madame de Ravastain acoucha d'une fille : laquelle monsieur le Dauphin tint sur les fons : et, assez -tost- après, madame de Charolois acoucha d'une fille ( qui fut madame Marie , mère de monsieur l'archeduc, qui est à présent) et estoit monsieur le Dauphin aie chacer à Genespe : mais monsieur de Charolois fort acompaigné l'ala prier et requérir d'estre son compère, et de tenir l'enfant. Ce qu'il acorda benignement : et retourna à Brucelles : et furent les choses préparées pour le baptisement de madamoiselle de Bourgongne : car en ce temps on ne la disoit point madame : pource que monsieur n'esloit pas fils de roy. Ainsi se fit ce baptisement moultsolennel, de prélats, de noblesse, et de luminaire • et du surplus je me passe, pour abréger.

Le roy Charles de France, voyant que son fils ne venoit point à son obéissance, se mécontenta, et mesmement du duc de Bourgongne : et disoit qu'il le tenoit en ceste obstination : mais il fut trouvé autrement : car mondict signeur le Dauphin déclaira piaillement, que, s'il n'estoit soustenu en ceste maison, il avoit son apointement en Angleterre , ennemis du royaume de France , et que là il seroit soustenu et

bien- venu : et, pour l'entreténement de mondict signeur le Dauphin, monsieur de Bourgongne luy bailla trente six mille francs de pension ordinaire : pourveu qu'il espousast madame Charlote de Savoye : laquelle il avoit pieça fiancée. Ce qui fut faict: et vint pardeça : et leur fut baille le chasteau et la vile de Genespe, pour tenir leur estât : et demoura pardeça mondict signeur le Dauphin bien cinq ans : pendant lequel temps il eut de beaux enfans, et mesmernent monsieur Joachin : qui fut l'aisné : et fut baptisé audict Genespe : où le duc, la duchesse, et son fils, furent au baptesme : et furent le duc Philippe et le signeur de Crouy compères, et madame de Charolois commère : et certes monsieur le duc Philippe fut si-joyeux de la nativité de ce noble enfant, qu'il donna mille lions d'or à Josselin du Bois, quand il luy aporta les nouvelles de celle nativité : et fut nommé monsieur Joachin : mais il ne vescut guéres, ainsi qu'il pleut à JNostre Signeur : et depuis fut née audict Genespe, madame de Bourbon, d'à-present, et autres nobles enfans : et réjouit moult le païs : et, au partir de ce premier baptesme, monsieur de Charolois , madame, et son mesnage, s'en retournèrent au Quesnoy (qui estoit lors le lieu de leur demeure ) et le bon duc Philippe s'en retourna en ses affaires : et se passoit le temps en ambassades, pour obvier à la guerre d'une part et d'autre : et tellement fut pratiqué, que nulle guerre ne se meut : et, à la vérité, le duc se mettoit en grand devoir devers le roy Charles, pour obviera ces inconveniens : et monsieur le Dauphin de sa part, se conduisoit sagement, et par conseil dudict duc Philippe : et les principaux du conseil dudict Dauphin

furent le signeur de Mon tau ban et le bastard d'Armignac, avec le signeur de Craon : et avoit mondict signeur le Dauphin de moult notables jeunes gens, comme le signeur de Cressol, le signeur de Villiers, de l'Estanc, monsieur de Lau, monsieur de la Barde, Gaston du Lyon, et moult d'autres nobles gens, et gens eleus : car il fut prince : et aima chiens et oyseaux : et mesmes, où il sçavoit nobles hommes de renommée, il les achetoit à poix d'or : et avoit tresbonne condition. Mais il fut homme soupsonneux : et lege'rement attrayoit gens, et légèrement il les reboutoit de son service : mais il estoit large et abandonné : et entretenoit, par sa largesse, ceux de ses serviteurs dont il se vouloit servir, et aux autres donnoit congé légèrement : et leur donnoit le bond à la guise de France.

En ce temps, et en celle saison, se meut une soupson et une deffidence, entre le comte de Charolois et les signeurs de Crouy, ses parens et allés : et disoit on que cette soupson mouvoit à cause des meubles de madame de Bethune, tante de madame de Crouy, du costé de Lorraine et de Baudremont : pource ique ledict signeur de Crouy avoit pris , et mis en ses mains, grande portion des meubles de madicte dame de Bethune : et le comte Charles disoit que son père, luy avoit donné la succession de madicte dame de Bethune, en héritages, et en meubles : et fut le premier poinct de la haine, et de la soupson dudict comte de Charolois. D'autre part le signeur de Crouy et les siens faisoyent plus-grande adréce à monsieur le Dauphin, qu'il ne sembloit bon audict comte pour son profit : et avoit abandonné le faict du comte, pour celuy de monsieur le Dauphin. A quoy mondict si-

d'olivier de LA MARCHE. 223

gneur de Charolois voyoit grand dommage pour luy, et pour la maison de Bourgongne : et avoit grande aliance le signeur de Crouy : car il avoit fait venir et arrester pardeça le mareschal de Bourgongne, homme actif, vindicatif, et prest pour soy venger : et hayoit le chancelier de Bourgongne Raolin , à l'occasion de la mort du signeur dePesmes, que ledict chancelier avoit faict mourir par justice : et ainsi ceux de Crouy, et leur maison, faisoyent leur faict à part, portés et aimés du duc merveilleusement : et d'autre part le chancelier Raolin se fit serviteur du comte de Charolois : et ainsi entra la maison de Bourgongne en bande et en partialité, les uns portés du père, et les autres portés du fils : dont grand dommage vint à ceste maison.

Orr de nouvel estoit faict Testât du comte de Charolois : auquel je fu mis et couché premier panetier du comte : et un moult honneste escuyer, nommé Philippe de Sasa, fut mon compaignon en iceluy estât, par demy an, selon et par la manière que sont comptés la plus part des nobles hommes par les escroes (0, et selon la coustume de la maison de Bourgongne. Avint que, faisant iceluy estât, fuient mis chambellans , messire Philippe de Crouy, fils de messire Jehan de Crouy, et aussi messire Anthoine Raolin, signeur d'Emeiies : qui avoit espousé la sœur de madame d'Estampes. En ce temps alérent dehors, et à leurs affaires, le signeur d'Aussy, premier chambellan du comte, et le signeur de Formelles, second chambellan : et demouroit la place de tiers chambellan, et du plat : et vouloit le duc que ledict Phi-

(') Escroes : registres.

lippe de Crouy tinst la place de tiers chambellan : et le comte de Charolois y vouloit avoir le signeur d'Emeries : et ainsi furent en question, le père pour l'un, et le fils pour l'autre : et le duc, voyant qu'il n'estoit point obeï de son fils, et qu'il vouloit tenir son opinion contre luy, par un jour de sainct George, au matin , ledict duc manda à son fils qu'il luy aportast lesdictes ordonnances en son oratoire. Ce qu'il fit : et le pète (qui moult estoit de grand cueur) prit les ordonnances, en la présence de la mère et du fils : et les getta dedans le feu : et dît à son fils , « Or allez querre « voz ordonnances : Car il vous en faut de nouvelles. » Et là, moult- furieusement fît partir son fils hors de l'oratoire : et la duchesse se monstra mère, et suyvit son fils : et ainsi commença le débat entre le père et le fils : et la maison entra en partialité : dont moult de maux avindrent : et avint que le duc abandonna sa maison, et s'en ala seul parmy les champs, comme un homme troublé, outre la raison : et devez croire que monsieur le Dauphin fut moult-ébahy et epouventé de ceste aventure : et queroit, par toutes voyes, d'amender ce méchef : et luy sembloit bien qu'il seroit dict en France, et ailleurs, que sa personne portoit toute malaventure, et qu'il ne viendroit en lieu, où débat et question ne se meust par malheur. Grandes diligences furent faictes pour trouver le duc : et fut sceu qu'il estoit arrivé en la forest, au feu d'un charbonnier : et de là se feit emmener au lieu de Senembergue (J) : où il trouva un sien veneur : qui le logea, et le traitta de ses biens, selon sa. possibilité : et ainsi

(0 Senembergue , lisez Sevenberghc. C'étoitune petile ville voisine tir Breda, L.

demeura ce grand duc celle nuict en la compaignie d'iceluy veneur, et en sa povre maison : et devez croire que ses povres serviteurs furent celle nuict en grand souci et melancholre, pour leur maistre : qui s'en estoit ailé et égare' d'eux si-estrangement. Mais nous reviendrons à parler comment se conduisit le fils.

Soy voyant en la male-grâce de son père, il s'en ala à Termonde> luy et son estât, escoutant et attendant nouvelles de son père : et le lendemain furent avertis monsieur le Dauphin et les gens du duc, qu'il s'estoit à Senembergue arresté, comme dict est : et tantost vindrent devers luy ses principaux serviteurs. Les uns le tensoyent : les autres le rejouissoyent : et faisoit chascun le mieux qu'il pouvoit : et, entre autres choses, se plaindoit le duc, de sa femme , la duchesse : qui l'avoit abandonné pour suyvir son fils : et je fu présent où le mareschal dît à madicte dame le regret, que mondict signeur le duc avoit en ceste partie. A quoy elle respondit qu'elle congnoissoit mondict sieur son mary pour un à redouter chevalier : et en ceste fureur douta qu'il ne courust sus à son fils : parquoy elle le mit hors de l'oratoire, et s'en alla après : priant à mondict signeur qu'il luy vousist pardonner, et qu'elle estoit une estrangere pardeça , et n'avoit point de soustenue que de sondict fils.

Ainsi se faisoyent allées et venues : et fut ordonné, que , de-par monsieur le Dauphin , monsieur de Ravastain et le 1 o y-d'armes de la Toison d'or iroyent à Termonde , pour entendre la voulonté du comte de Charolois , et de ses pratiques : dont je sçavoye à parler : car je fu par plusieurs-fois envoyé à Brucelles, 10. i5

de-par mondict signeur de Charolois , pour avoir l'avis du chancelier Piaolin , comment il se devoit conduire en ce présent affaire. Les dessusdicts , monsieur de Ravastain et Toison d'or , demandèrent à mondict signeur de Charolois, s'il vouloit demourer en ceste obstination envers son père : mais ledict comte leur respondit , qu'il ne vouloit point demourer obstiné , mais tout humble et tout obéissant au duc son père : comme c'estoit raison : et sur ce point y eut alees et venues : car le duc fut content de se contenter de son fils : pourveu qu'il envoyeroyt deux hommes hors de son hostel , ayant le duc imagination que ceux estoyent cause, de tenir en fiereté le fils contre le père. L'un des deux fut Guillaume Biche : et l'autre fut Guillot Dusie. Iceluy Guillaume Biche se tira à Soissons et à Paris : et Guillot Dusie se tira en sa maison en Bourgongne : et à ces deux fit le comte de grans biens en leur exil : et mesmes le roy de France retint de son hostel ledict Guiot Dusie : et, à la vérité, ledict Guiot estoit pour lors un des gentils escuyers delà maison : et ainsi fut le duc obeï : et Guillaume Biche ( qui estoit un homme sage et subtil) s'acointa de ceux de Paris, tellement qu'il sçavoit les secrets des consaux, tenus par les gens du roy de France : et moymesme fu par plusieurs fois envoyé devers luy, pour avertir monsieur le duc, et monsieur le Dauphin, de choses, qui grandement leur touchoyent : et par telles manières se commença à bander le royaume de France , les uns pour le roy Charles, le père, et, les autres pour monsieur le Dauphin , le fils : et se concluoit en France bien peu de matières de grand eilbct , dont monsieur le Dau-

pliin ne fust averti. Ainsi se dissimuloit le temps, par ambassades et par grans personnages, envoyés depar le duc, devers le roy de France : qui moult profitèrent que la guerre ne commença point pour ceste matière , mais demoura chacun en son entier : et, au regard du comte de Charolois , il retourna à Brucelles : où iMrouva le duc son père : et par le moyen de monsieur le Dauphin fuient ces choses appaisees, et aussi moyenant les choses dessus-dictes.