CHAPITRE XXXII

D'un combat à outrance ., faict entre deux bourgeois de Valenciènes > en la présence du duc Philippe de Bourgongne > comte de Hainaut.

En continuant ma matière, le bon duc se partit de ses pais de Bourgongne : et vint tout droit à Valenciennes : auquel lieu il trouva la bataille preste entre deux hommes, pour franchise de vile : et devez savoir que la vile de Valenciennes est fondée sur privilèges, donnés par les empereurs , et par les comtes de Hainaut : et, entre autres, ils ont un privilège, que, quand un homme a occis un autre de beau faict (c'està-dire en son corps deffendant) il peut venir demander la franchise de Valenciennes, et qu'il veut main-

•Ali\ MEMOIRES

tenir, à l'escu et au batton, qu'il a faict le faict de beau faict : et sur ce luy est acordee la franchise : et ne luy peut nul rien demander pour ceste querelle : sinon qu'on le prenne et maintienne à l'escu et au batton ( comme dict est ) et devant la loy de k vile.

Or, ppurce que telles choses n'aviennent pas souvent, le bon duc s'arresta à Valenciennes, pourveoir celle bataille*: et fut vray qu'un, nommé Mahuot, avait tué un parent de Jacotin Ploùvier : et à ceste cause ledict Jacotin poursuyvit ledict Mahuot devant la loy de Valenciennes : et disoit qu'il avoit meurdry son parent, par aguet,non pas de beau-faict, et que ce luy vouloit ledict Jacotin prouver, et monstrer, à l'escu et au batton , selon la franchise de la vile : et de ce fut grand procès tenu devant la loy : et , fin de compte, fut jugé et dit, que le gage de bataille y estoit manifeste : et furent pris tous deux par la justice, et mis chacun en prison fermée à part : et attendirent si-longuement, que le duc revint des Alemaignes : et se trouvèrent le père et le fils à Valenciennes, pour veoir l'exécution des deux champions : combien que le duc n'estoit point juge en ceste partie : mais i'estoyent, et sont, ceux de la vile : et, à la vérité, ils tindrent moult belle cérémonie à la bataille des dessusdicts : et, combien que j'aye parlé de ceste matière au volume que j'ay fait du gage de bataille, toutesfois ne me puis je tenir, ne passer, que je ne die aucune chose de ce que je vey e© ceste bataille.

Les principaux assistans furent le prevost du comte, et le prevost de la vile : et fut, pour ce jour, prevost du comte, messire Gilles de Harchics, signeur de

D OLIVIER DE LA MARCHE. Si I J

Belligniers, et, prevost de la vile, un notable bourgeois, nommé Merciot du Gardin : et tenoyent ces deux la gravité et cérémonie du camp : et, de l'ordre de la vile, deux gentils-hommes avoyent le regard

'aux portes. Le peuple estoit grand sur le marché : et estoit conduit par un, nommé Nicolas du Gardin : qui se tenoit en une garne, à l'hostel de la vile, à tout un grand batton : et, s'il voyoit que le peuple se dérivast , ou muast en rien (0, il feroit de son batton : et crioyt, guare le ban : et sur ce mot chacun se tenoit quoy, et doutoit la punition de justice : et à la vérité tout le peuple et ceux de la vile estoyent pour Mahuot, en courage : pource qu'il combatoit pour la querelle de la vile. Or avons devisé de l'ordre de ladicte vile : et faut escrire du faict de la

• lice, et du champ clos, et comme les champions se maintindrent en ceste bataille.

Ce champ clos estoit rond, et n'y avoit qu'une entrée : et tantost ceux de la vile firent apporter deux chaizes , couvertes de noir , mises et apposées à l'opposite l'une de l'autre : et tantost après entra Mahuot en ladicte lice , et s'alla seoir en sa chaize : et n'arresta guéres que Jacotin Plouvier vint de l'autre part, qui semblablement s'asseit en la chaize pour luy préparée. Les champions estoyent semblables d'habillemens. Us avoyent les testes rases, les pies nus, et les ongles coupés , des mains et des pies : et , au reg«rd du corps , des jambes, et des bras , ils estoyent vestus de cuir bouilli, cousu estroittement sur leurs personnes : et avoyent chacun une bannërolle de sa dévotion en sa main : et tantost entrèrent ceux de la

C1) Muast en rien : remuât en arrière,

loy, commis à ce : qui portoyent un grand messel : et feirent le serment l'un contre l'autre : c'estassavoir que Mahuot jura qu'il avoit tue son homme de beau faict : et Jacotin Plouvier jura le contraire : et tantost leur furent apportés à chascun un esçu , peint de vermeil, à une croix de sainct George : et leur furent baillés les escusla pointe dessus : et me fut dict, que, quand le plus-noble homme du monde combatroit à Yalenciennes, il n'auroit autre avantage, sinon que la pointe de son escu seroit en bas, et pourroit porter son escu, comme un noble homme le doit porter. Item leur furent baillés deux battons de mesplier (0, d'un poix et d'une grandeur : et puis furent les chaizes ostees, et mises hors de la lice : et s'en retournèrent ceux de la loy, et laissèrent les champions l'un devant l'autre : et le prevost de la vile rua le gand, qui avoit esté getté pour faire ladicte bataille : et cria , chapun face son devoir.

Et prestement se levèrent les champions, et coururent sus l'un à l'autre, moult -vigoureusement : et devez entendre que les champions demandèrent à ceux de la loy trois choses : à sçavoir sucre, cendres, et oincture : et premièrement leur furent apportés deux bacins, pleins de graisse : dont les habillemens, que chacun d'eux avoit vestus, furent oingts et engraissés : afin que l'un d'eux ne peust prendre prise sur l'autre. Secondement leur furent apportés deux bacins de cendres, pour oster la graisse de leurs mains : afin qu'ils peussent mieux tenir leurs eircus et leurs battons : et tiercement fut mise, en la bouche de chacun d'eux, une portion de sucre, autant à l'un comme

(') Mesplier : néflier.

D OLIVIER DE LA MARCHE. il I -J

à l'autre, pour recouvrer salive et aleine : et de chacun des trois leur fut faict essay devant eux, comme devant deux princes.

Or, combien que ledict Mahuot ne fust si-grand ne si-puissant de sa partie, toutesfois vigoureusement il puisa du sablon , et le getta aux yeux et au visage de Jacotin Plouvier : et de ce coup luy donna de son batton sur le front : dont il luy fit playe et sang. Mais ledict Jacotin (qui estoit homme fort et puissant) poursuivit tellement et si-aigrement sa bataille, que ledict Mahuot fut abatu à bouchon : et Jacotin Plouvier luy saillit dessus : et fut la bataille à ce menée, que ledict Jacotin creva les deux yeux à son adversaire : et puis luy donna un grand coup de son batton : dont il l'assomma : et le mit hors de la lice : et en ce faisant mourut ledict Mahuot : et fut condamne' à estre mené au gibet, et pendu : et ainsi finit la bataille entre Jacotin Plouvier et Mahuot. Si soit pris en gré ce que j'ay sceu ramentevoir de ceste matière.

Assez tost après se firent unes autres armes à Valenciennes, de deux nobles hommes : dont l'un fut chevalier et l'autre fut un escuyer de l'hostel de monsieur le Bastard : et se nommoit Jehan de Rebremettes, signeur de Thibaviie. Ces deux, pour aucun estrif, comparurent, à jour ordonné, au lieu deValenciennes, armés comme il appartenoit, pour combatre à pié : et devoyent iceux getter un gect de lance, et puis combatre de.haches, jusques à vingt cinq coups. Les deux nobles hommes comparurent, parés de leurs cottes-d'armes : et se combatirent chevaleureusement, sans faire grande foulle l'un sur l'autre, et ainsi se

partirent icelles armes : et disoit on que Dieu avoit envoyé ces deux nobles hommes, pour faire honneur à Valenciennes : et tenoit on la bataille, faicte entre Jacotin Plouvier et Mahuot, plus honte qu'honneur: à cause du meurdre perpétré en la présence du prince.