CHAPITRE XXXV

Comment le roy Louis mécontenta le comte de Charolois : dont luy sourdit guerre „ sous couleur du bien-public de France.

Comme j'ay dit dessus , le roy de France donna à monsieur de Charolois trente six mille francs de pension : et par aucun temps fut le comte bien payé de sa pension : mais le Roy (qui fut moult-subtil en ses affaires) tint une manière, que, quand il se vouloit servir du comte, il le traittoit bien, et tenoit mines contraires à ceux de Crouy : et , quand il se vouloit servir d'iceux de Crouy, il traittoit mal le comte de Charolois : et ainsi avint que le Roy rompit la pension de monsieur de Charolois , et rappela ceux de Crouy, dont il se vouloit servir et aider à ceste fois : et tant convindrent ensemble, que le Roy conclut de racheter la rivière de Somme : et, pour la vie du duc durant, le Roy avoit promis de ne la point racheter. Si montoit ledict rachapt a quatre cens mille escus : et contendoit le Roy qu'iceux quatre cens mille escus viendroyent en la main du comte : mais, quand le roy de France veit son plus-beau, il ne tint rien au comte, de ce qu'il luy avoit dict : mais en fit son

profit : et furent deux choses, qui moult depleurënt au comte : l'une ,. que le Roy luy avoit osté sa pension : et l'autre, qu'il avoit racheté (0 les terres, engagées, de la rivière de Somme, pour quatre cens mille escus : qui furent mis es mains de Jacob de Bresilles, lors garde des joyaux de mondict signeur le duc.

Le roy de France (qui lors se tenoit à Abbeville) visitoit souvent le duc de Bourgongne (qui se tenoit à Hédin ) et, entre autres parolles, luy offrit le roy de France, que, s'il vouloit, il luy feroit venir le comte de Charolois son fils, à la raison, et le mettroit totalement en son obéissance : mais le duc de Bourgongne (qui tousjours fut sage, prudent, et courageux) respondit au Roy, qu'il le laissast convenir de son fils, et qu'il en feroit bien : et sembla au duc que le Roy disoit ces parolles pour mettre sa maison et ses païs a plus-grand brouillis, qu'ils n'estoyent : et ne le prit pas bien en gré.

En ce temps un bastard de Rubempré aborda en Zeelande, à tout un léger bateau , d'avantage. Ledict bastard estoit homme-de-faict, courageux, et entreprenant : et fut tantost soupsonné contre luy, qu'il ne venoit pas pour bien faire : car le comte de Charolois (qui estoit jeune) se tenoit lors en Holande, et s'aloit jouer à son privé, de lieu en autre : parquoy les sages, qui estoyent autour de luy, ne s'asseurérent point dudict bastard : mais fut envoyé gens pour le prendre. Ce qui fut faict : et fut mis ledict bastard en prison fermée : et m'envoya ledict comte de Charolois à Hédin, devers le duc son père, pour

(*■) Ce rachat eut lieu en i\63.

l'avertir d'icelle prise, et des causes pourquoy : et le bon duc ouit ce , que je luy voulu dire , humainement , et comme sage prince : et , à la vérité , il se soupsonnoit des-lors des soubtivetés du roy de France.

Assez-tost-apres se partit le duc, de Hédin : et s'en revint en ses pais : dont le roy de France ne fut pas content : mais dépesclia une grosse ambassade (0 : dont fut chef le comte d'Eu : et vindrent trouver le duc de Bourgongne en sa vile de l'Isle : et firent grandes propositions contre luy : et vouloit le roy de France que je fusse mis en sa main , pour estre puni à son désir, de ce qu'il me mettoit sus que j'avoye esté cause de la prise du bastard de Rubempré, et aussi que le duc de Bourgongne s'estoit parti de Hédin, sans dire adieu au roy de France : mais le bon duc (qui fut amesuré en tous ses faicts) leur respondit que j'estoye son suget et son serviteur, et que si le Roy , ou autre , me vouloit rien demander , il en feroit la raison. Toutesfois ces choses se pacifièrent : et, pour guerdon de toute la grande despense qu'avoit fait le roy de France , luy estant dauphin , a la maison de Bourgongne , il luy donna , transporta , et quitta vingt mille escus , que le roy Charles, son père , avoit paye's , pour avoir le droit de la duché' de Luxembourg : et pour icelle somme demoura la duché de Luxembourg, en héritage paisible, au duc de Bourgongne, pour luy,-ses hoirs, et postérités quelconques.

Le bon duc en ce temps là estoit fort caducque et

(') Une grosse ambassade : c est à cette époque (i4^4) (Iue commencent les Mémoires de Comines.

le. 34 MEMOIRES

envieilly de sa personne, à cause d'une grande maladie qu'il avoit eue, et qui moult l'empira : mais toutesfoisil estoit prince de si-grand cueur, qu'il supportoit son mal : et ainsi le porta longuement. En ce temps les comtes de Charolois et de Sainct-Pol se commencèrent à entendre ensemble, pour la grande haine qu'ils avoyent à ceux de Crouy : et croy bien que les mauvais raports en estoyent bien cause : et visita le comte de Sainct-Pol mondict signeur de Charolois, au Quesnoy, et ailleurs : où ils conclurent partie de leur intention.

En ce temps monsieur Charles de France, fre're du roy Louis, en espérance d'avoir partage au royaume de France, parla main et en la conduite d'un noble capitaine, nommé Oudet de Rie, se partit soudainement de Tours , sur un bon cheval : et en peu de temps se trouvèrent en Bretaigne : où le duc François receut la compaignie à grand joye : et prestement le fit sçavoir au comte de Charolois, son frdfre-d'armes : et par le moyen du comte de Sainct-Pol commencèrent à faire aliances (0 de tous costés, contre le roy de France : et de celle aliance estoit monsieur de Bourbon, le duc Louis (2) : et sur luy commença la guerre par le roy de France.

Si fut une journée tenue à Nostre-Dame de Paris : où furent les seele's envoyés de tous les signeurs, qui voulurent faire aliance avec rnondict signeur, le frère du B.oy : et portoyent-iceux, qui avoyent lesseelés, secrètement , chacun une aiguillette de soye à sa ceincture, à quoy ils congnoissoyent les uns les au-

(0 Aliances : ces communications eurent lieu vers la fin de Tannée 14G4. — (■*) Le duc Louis y lisez le duc Jean.

d'olivier de la marche. 235

1res : et ainsi fut faicte ceste aiiance, et dont le Roy ne peut onques rien sçavoir. Toutesfois il y avoit plus de cinq cens, que princes, que chevaliers, que dames et damoiselles, et escuyers, qui estoyent tous acer-. tene's de ceste aiiance : et se faisoit ceste emprise sous ombre du bien-publiq : et disoit on que le Roy gouvernoit mal le royaume, et qu'il estoit besoing de le reformer.

En ce temps se mirent sus en armes, de tous coste's, iceux alie's, et autres du royaume de Fiance, et cuidoit le Roy que ce fust pour venir à son aide : mais il trouva bien le contraire. Et, au regard du comte de Charolois, il avertit le duc, son père, de l'aliance qu'il avoit faicte avec monsieur de Rerry, frère du Roy : où estoyent compris les ducs de Rretaigne, de Bourbon, et d'Alençon, ensemble le comte du Maine , le comte d'Armignac , le comte de Dunois et moult d'autres grans personnages : et en ce temps se conduisoit mondict signeur de Berry, par le conseil du duc de Bretaigne, et par le comte de Dunois : et requirent leurs aliés de toutes pars : et, quand le bon duc entendit que son fils estoit alié aveques tant de gens-de-bien , il fut content qu'il s'aquitast, et qu'il tinst promesse aux autres princes, et qu'il fist son armée en ses pais, telle qu'il la pourroit avoir. Ce qu'il fit : et assembla grans gens-d'armes et grande compaignie : et se tira aux champs, au jour qui estoit ordonne' : et avoit une moult-belle et puissante compaignie : où estoyent le signeur de Ravastain, le comte de Sainct-Pol, le bastard de Bourgongne, et plusieurs autres signeurs : et fut pour celle armée, par le commandement du duc, le signeur de Hau-

bourdin lieutenant général du comte de Charolois : et ainsi se tira celle armée aux champs : où il y avoit plus de dix mille chevaux, sans les sommiers et l'artillerie : qui estoit une grosse bande. D'autre part le duc de Berry et le duc de Bretaigne se tirèrent aux champs, en intention d'eux joindre ensemble, aveques le comte, au lieu de Sainct-Denis , à un jour, qui fut limite'.

Mais le roy de France, acompaignéde dixneuf cens lances des ordonnances, prit conseil qu'il estoit de faire, et sur laquelle des deux bandes il couroit sus, ou' sur les Bretons, ou sur les Bourgongnons : mais ils dirent tous qu'il valoit mieux courre sur les Bourgongnons : pource que l'ancienne haine, d'entre les François et les Bourgongnons , estoit plus grande que contre les Bretons : et esperoit le Roy qu'il auroit meilleur avantage et aventure. Les Bourgongnons marchèrent jusques à Montlehery : et le roy de France marcha au devant d'eux , à grosse et fiére compaignie de François.

Le comte de Charolois mit ses batailles en ordre : et là furent faicts chevaliers d'une part et d'autre : et en puis parler : car je fu ce jour chevalier. Le signeur de Clecy, Jehan de Monfort, Hemer Bouton, et pour nostre chef le signeur de Chasteau Guyen, fils du prince d'Orange , et de la sœur du comte d'Armignac, et plusieurs autres, fusmes chevaliers a ce premier rencontre. Le roy de France ordonna ses batailles outre un fossé : et fit partir environ trois cens hommes-d'armes, la lance sur la cuisse, sans varlet ou mesquine (0 : qui vindrent donner du costé du

(0 Mesquine , lisez Mefchin : serviteur.

comte de Charolois : mais les archers de monsieur le bastard donnèrent de leurs flèches par le ventre d'iceux chevaux, tellement qu'ils les firent ressortir, et tourner le dos : et le comte de Charolois donna dedans, et porta moult grand dommage aux François : et fit un tour, autour du chasteau : et puis il s'en revint joindre avecques ses gens : et avint que le comte fut rencontré d'aucuns François , et fort occupé de sa personne, jusques à luy dire qu'il se rendist : mais courageusement soustint l'assaut de ses ennemis : et avint que le fils de son médecin, nommé Robert Cotereau , monté sur un fort cheval , voyant son maistre en ce danger, se vint fourrer au milieu de ce débat, l'espee au poing : dont le ftançois, qui tenoit le comte moult-de-pres, s'élongna de ceste place : et fut le comte garenti pour celle fois : et prestement le comte fit chevalier ledict messire Piobert Cotereau, et le pourveut de l'office d'estre lieutenant des fiefs en Brabant : qui est un bel estât, et profitable.

Ainsi avint de celle journée : et donnèrent les François sur le quartier, à la main senestre : dont plusieurs portèrent le faix à grand'peine : et mesmement s'en fuirent aucuns des capitaines bourgongnons : dont la compaignie du comte fut fort amoindrie : et en demandoit on au signeur d'Emeries, au signeur d'Incy, et à plusieurs autres : et, à la vérité dire, je ne les sauroye comment excuser : car ils furent pris au pont Saincte-Maixance : et parut bien qu'ils estoyent pris sans tenir ordre , et comme gens fugitifs de la bataille.

Quant au comte de Charolois, combien qu'il fust blecé en la senestre partie de son col, et de poincte

d'espee, toutesfois il ralia ses gens, et se mit en bataille devant ses ennemis : et dura longuement qu'ils estoyent les uns devant les autres, sans guéres exécuter du mestier de la guerre : tellement que la nuict aprocha, et se retira chacun, pour celle nuict : et, pource que les François firent grands feux, et en plusieurs lieux, parmy le vilage de Montlehery, chacun de nostre parti cuidoit que le roy de France se fust arresté audict vilage , pour l'endemain venir combatre les Bourgongnons : mais non feit : ains toute la nuict chevaucha, et s'en ala à Corbeil, combien que le chastel de Montlehery tinst pour luy : et le comte de Charolois (ainsi blecé qu'il estoit) se tira à une grosse haye, sur le champ de la bataille : ou il demoura pour la nuict: et fusmes ordonnés cinquante hommes d'armes, qui veillasmes celle nuict à cheval, pour soustenir les premiers : et sur le poinct du jour fusmes envoyés aveques le signeur de Morneil, lors maistre de l'artillerie, pour gaigner et recouvrer certaines pièces d'artillerie , au pié du chastel de Montlehery. Ce qui fut faict : et à celle heure vint un cordelier du vilage : qui nous dît comme le Roy françois s'estoit en-alé à Corbeil, et que toutes manières de gens-d'armes françois avoyent abandonné Montlehery, exceptés ceux, qui tenoyent le chastel : et, pour plusgrande seureté, furent gens envoyés pour visiter le lieu : et fut trouvé que nuls François n'estoyent demourés audict vilage de Montlehery, n'a l'environ : et fut la fuite des François longue : car le comte du Maine fut ce jour au giste à Chasteleraux : et autres s'en alérent, d'une tire, à Partenay, et a Lusignan : et firent grande diligence pour eux sauver.

d'olivier de la marche. 239

En celle nuict le signeur de Condé fut tellement espouventé, qu'il abandonna le comte de Charolois, et s'enfuît jusques en Bourgongne : et le comte de Cliarolois, cuidant que ses ennemis le deussent l'endemain combatre et assaillir, tint un conseil au long de ladicte haye, sur utie pièce de bois abatue : et là se trouvèrent les grans, les sages, et les plus-gens debien de son armée. Là ouy je parler le signeur de Crequi,et le signeur de Haubourdin: qui ramentevoyent comment, estant le duc Philippe à sa première bataille, qui fut à Sainct-Riquier, ladicte bataille fut ce jour' perdue pour le duc, et puis recouvrée, et que plusieurs s'enfuyrent, qui depuis revindrent à icelle bataille : et fut cause du recouvrement d'icelle le. > comte de Ligny : qui amena une bande de gensd'armes, qui moult de bien firent au duc et à sa compaignie : et le duc s'éprouva si-bien de sa personne, qu'il prit trois prisonniers françois, de sa main, comme il est escrit en autres chroniques : et mesmes le duc prit, de sa main, Poton de Saintreilles : qui pour lors estoit nommé et tenu l'un des experts et des gentils hommes-d'armes du royaume de France. Ainsi se ramentevoyent les beaus faicts du père, pour honnorer le fils : et devez sçavoir que les aucuns du conseil doutoyent la journée de l'endemain : et mettoyent avant que bon seroit de tirer en Bourgongne, toute la nuict, et que là se pourroit recouvrer gens-d'armes, et bonnes places, pour, sauver et garentir ledict comte, de ce danger. Mais, quand vint à l'opinion du signeur de Contay, premier maistred'hostel du comte, il dît que Dieu n'avoit pas sauvé le comte de ce danger, s'il ne le vouloit mettre outré :

et qu'il demouroit d'opinion , que le comte attendist la fortune, et gardast le champ, et Montlehery, à l'encontre de ceux, qui luy voudroyent calenger : et sur ceste opinion le jour commença à poindre : et demoui a la conclusion , que Ton attendroit la fortune. Or est temps que je devise de monsieur de Berry, et du duc de Bretaigne : qui s'estoyent retirés, eux et leur armée, à Chasteaudun. Ils eurent, pour les premiéres nouvelles, que le comte de Charolois estoit déconfit , et que le roy de France avoit gaigné la bataille : mais, tantost après leur vindrent certaines nouvelles, que le comté de Charolois avoit gaigné la bataille, et tenoit le champ : et que le roy de France s'estoit retiré à Corbeil. Si conclurent les Bretons de se venir joindre avec mondict signeur de Charolois : et mondict signeur de Charolois garda ce jour le champ de la bataille ( que Ton nommoit anciennement le champ de Plours ) et le Tendemain se logea à Montlehery : où nous avions esté envoyés Jaques* de Montmartin et moy , pour faire les logis : et là trouvasmes, sur de la paille, le corps mort du sénéchal de la Varenne ( qui fut grand dommage ) et plusieurs autres nobles et bons personnages, françois, les uns morts, les autres blecés, et les autres prisonniers en diverses mains : et ainsi, pour ce jour second, se logea le comte à Montlehery : et le fit pour médeciner les navrés : dont il avoit grand nombre. Si moururent à ceste bataille, du costé du comte Charles, messire Philippe de Lalain , le signeur de Hames , Jehan de Pourlan , Jaques du Chasteller , et plusieurs autres gens-de-bien : et, le lendemain du logis de Montlehery, le comte fit marcher à Chastres (où il n'y a

d'olivier de la marche. 24 i

qu'une petite lieue) et ce en intention de rencontrer le duc de Berry , le duc de Bretaigne, et leur armée : qui estoit tresbeUe et puissante, et pleine de noblesse.

Or ay je devisé de la bataille de Montlehei y ( qui fut le seizième jour de juillet, Tan i465) : et comment elle fut conduite d'une part et d'autre : et ne déplaise à messieurs les historiographes françois : qui ont mis la bataille gaignee pour le roy de France : car il n'est pas ainsi : mais garda le champ, comme sa victoire, le comte de Charolois, par trois jours, sans élongner, en tout, plus d'une lieue, et pour les causes, que j'ay dites cy dessus. Quant au roy de France ( qui s'estoit retiré à Corbeil, pour sa plus -grande seurté , et auïsi pour estre seur de sa cité) il se tira à Paris : et fit bonne chère à chacun, aussi bien à ceux qui s'en estoyent fuis, comme aux autres : car ilavoit, à celle heure, faute de gens et d'amis : et ainsi se passa ceste bataille.

Si reviendrons à parler, en celuy temps, des Bourgongnons, que menoit et conduisoit le mareschal de Bourgongne, messire Thibaut de Neufchastel, signeur de Blancmont. Il avoit aveques luy les deux frères deToulongeon, messire Claude et messire Tristan : lesquels estoyent bien-acompaignés. Aussi ave it il le signeur d'Espiri , le signeur de Ru , le signeur de Soye, et les enfans de Vaudrey : que conduisoit Philippe de Vaudrey, gruyer (0 de Bourgongne. Il avoit Guiot Dusie, et plusieurs autres bons personnages : et d'autre part se joindit aveques eux le duc Jehan de Calabre, un moult -noble prince : et certes, quand

>') Gruyer : garde foreslier,

Q.\l MEMOIRES

les Bourgon gnons et les Lorrains furent assemblés ensemble, c'estoit une moult-belle armée, et puissante d'hommes-d'armes : et au milieu de la Beausse leur vindrent nouvelles que le roy de France avoit gaigné celle bataille de Montlehery, et que le comte de Charolois estoit ou mort, ou pris : dont de plain saut la compaignie fut moult effrayée : mais ce noble prince, monsieur de Calabre , reconfortoit toute la compaignie : et disoit qu'il ne croyoit point que celle noblesse, et puissance, fust déconfite pour un jour : et pria qu'on eust patience d'ouir les secondes nouvelles, et que les premières nouvelles de la guerre ne sont jamais seures ne viayes : et que, quand il seroit vray de la déconfiture (que Dieu ne vousist) il s'offrit en sa personne de demourer aveques les Bourgongnons : et conseilloil d'eux tirer devers le bon duc Pbilippe, pour prendre vengeance de ce grand méchef, à luy avenu : et se monstroit le duc de Calabre vray et loyal prince en ceste partie : et, combien qu'il y eust des picques, et des partialités , entre luy et le mareschal de Bourgongne, toutesfois il mit tout arriére dos : et besongnoit de conseil, et d'aide, avec ledict marescbal familièrement, et le mareschal aveques luy : et, en devisant de ces matières, et regardant qu'il estoit de faire, il vint un certain messager, qui luy certifia, sur sa vie, que le comte de Charolois avoit obtenu la journée, et gaigné la bataille. Si fut ce grand dueil mis en toute joye : et marchèrent pour venir devers le comte : et estoyent tous en esquadres : qui estoit moult-belle chose à veoir.

Quand les ducs de Berry et de Bretaigne sceurent la venue des Bourgongnons, et mesmes du duc Jehan

de Calabre , leur cousin , ils partirent de Moret en Gastinois, pour aler au-devant: et d'autre part se partit le comte de Charolois : et se joindit aveques monsigneur de Berry, pour aler au-devant du duc Jehan de Calabre : et pouvez croire qu'ils se firent grand honneur et grande feste à l'assembler : et, pendant ce temps le comte de Charolois fit tendre ses tentes et ses pavillons , sur la rivière de Seine , et sembloit que ce fust Raimondin , qui eust fait une nouvelle vile.

Là tindrent les signeurs un conseil, comment ils soustiendroyent la bataille, si les signeurs de France revenoyent encores une fois : mais monsieur de Bueil (qui moult sçavoit de la guerre) afferment tousjours qu'ils ne reviendroyent plus à la bataille, et que le roy de France en avoit assez pour ceste fois : et fut pris conclusion de tirera Sainct-Maturin-de-Larchamp , et que là se prendroyent conclusions de ce eju'il seroit de faire : et fut celle grosse armée séparée pour celle fois. Le duc de Calabre, et le comte de Charolois, et le comte de Sainct-Pol, demourérent à Sainct-Mathurin. Les ducs de Berry et de Bretaigne, et grande partie de la signeurie, se logèrent à Nemours : et le signeur de Haubourdin se logea en une viîe, qu'il avoit gaignee, aveques grande partie des signeurs, et de l'armée : et en ce temps fut tenu un conseil à Sainct-Mathurin (où estoit Tanneguy du Chastel , grand-escuyer de Fiance) et vouloyent les aucuns que celle noble armée se tirast sur les marches de Bourgongne, pour eux fortifier de gens et de vivres : mais le comte de Charolois (à qui estoit ceste première victoire) tenoit la main qu'on retournast devant Paris,

et que Ton fîst bonne et forte guerre au roy de France : et fu envoyé, aveques six archers, toute la nuict , devers mondict signeur de Haubourdin , pour l'avertir de la voulonté du comte, et qu'il tinst la main à monsieur de Dunois, et aux autres signeurs, d'ainsi le faire : et fit celle nuict le signeur de Haubourdin sibonne diligence, qu'il gaigna les signeurs, qui estoyent en icelle vile : et l'endemain, au plus matin, se tirèrent à Nemours : et fut la chose conclue, que Ton tireroit devant Paris , à l'appétit du comte de Charolois.

Et ne demoura guéres que toute l'armée tira devant Paris : et se logèrent monsieur de Berry et le duc de Bretaigne au chasteau de Beauté, et là environ : et le duc de Calabre et le comte de Charolois se logèrent à Conflans, au Pont - de- Chai anton , et à l'entour : et tous les jours se faisoyent de grandes écarmouches devant Paris, du costé de la porte Sainct-Anthoine. Le roy de France avoit assemblé à Paris grosse armée , et grans gens-d'armes : et les estoit aie quérir jusques en Normandie : et par une noire nuict envoya les francs-archers, normans, faire un tranchis sur la rivière : et estoit iceluy tranchis garni d'artillerie, tellement qu'il batoit du long de la rivière, et du travers : et se pouvoit on tenir à grand peine à Conflans : mais le duc de Calabre et le comte de Charolois visitèrent, en leurs personnes , ledict tranchis : et prestement firent aporter grandes cuves à vendanger ( car légèrement pouvoit on recouvrer desdictes cuves : pource que grans vignobles sont en ce quartier) et de ce firent gros boulovars, garnis de bonne artillerie : et tellement battoyent du travers de la rivière,

d'olivier de là marche. ^45

que les Normans, qui estoyent es tranchis, n'osoyent lever la teste : et firent iceux princes faire un pont sur la rivière , par lequel les Bourgon gnons passoyent : et tous les jours y avoit grande e'carmouche de là l'eaue : et , quand François se venoyent monstrer, le duc de Calabre avoit une petite compaignie de Suisses, qui prestement passoyent l'eaue , et ne doutoyent point les gens-de-cheval ; car ils estoyent communément trois Suisses ensemble , un piquenaire , un coulevrinier, et un arbalestier : et estoyent si-duits de ce mestier, qu'ils secouroyent l'un l'autre au besoing : et se bouta aveques eux un archer du corps du comte de Charolois, nommé Savarot : qui se monstra moultbien aveques lesdicts Suisses.

Ainsi se continuoit la guerre du costé de Conflans : et quasi tous les jours se tenoit conseil à Beauté, devait monsieur de Berry et les autres princes : et tous les jours y aloyent le duc de Calabre et le comte de Charolois , armés , et l'espee ceincte : et estoyent habillés de journades pareilles : et sembloyent bien deux princes, et deux capitaines, qui desiroyent plus le débat, que la paix : et tousjours estoyent ces deux princes d'opinion de mener la guerre outre : pource qu'ils trouvoyent le roy de France variable en ses promesses. A ce conseil venoyent les députés de Paris : et nommément l'evesque de Paris , un moult notable clerc, frère de maistre Alain Chartier : mais à nulle fois ne se peut trouver nulle bonne conclusion. D'autre part le roy de Fiance ( qui moult estoit subtil en ses affaires) mit sus, de son costé, un parlement : qui se tenoit en la Grange-aux-Merciers , assise assez pies de Conflans : et duquel parlement estoit chef mon-

sieur Charles, duc d'Anjou (0 : et monsieur de Berry et les princes y envoyèrent leurs de'putés : et tendoit iceluy parlement à fin de trouver un expédient sur la information du royaume, et sur le bien-public : dont les princes faisoyent plainte.

En ce temps moin ut madame Ysabel de Bourbon, comtesse de Charolois : et mourut à Anvers : et fut enterrée en l'abbaïe de Sain et Michel : où elle gist moult-notablement ensepulturee : et fut le vingtsixième de septembre, l'an 1^.65.

En ce temps furent prises plusieurs trêves d'une part et d'autre : et, durant lesdictes trêves, nous allions à Paris , faire grand chère , pour nostre argent : où nous estions les tresbien-venus : et qui me demanderoit comment se trouvoyent les vivres pour si-grande et puissante armée qu'il y avoit à Paris, et dehors, tant de gens-d'armes, comme de chevaux, je respon , certes, que la cité de Paris estoit lors fort pleine de ble's et de vins : et fit grandement son profit de l'armée. D'autre part, le comte de Roussi, fils du comte de Sainct-Pol , avoit trouvé manière de soy bouter , et tenir main forte , dedans la vile de Laignisur-Marne : dont moult de biens et de pourveances vindrent aux princes, et à l'armée, qui estoit hors de Paris.

En ce temps fut le comte Louis de Sainct-Pol faict connestable de France par le Roy : et depuis changèrent les entendemens et bonnes amitiés , qui estoyent entre le comte de Charolois et ledict connestable : pource que de là en-avant ledict connestable se declaira François, et abandonna la hantise dudict

(') Charles , duc d'Anjou, liiez Charles a Anjou , comte du Maine.

d'olivier de la marche. 24 7

comte : et fu audict temps envoyé', par le saufconduit du roy de France , devers le duc de Bourgongne, pour pratiquer cent mille escus, que le fils demandoit au père , pour payer ses gens-d'armes.

Or ne faut pas oublier, que, quand les Liégeois, anciens ennemis de la maison de Bourgongne, virent que le duc Philippe estoit dénué de ses gens d'armes, et leur sembla que plus à leur avantage ne pouvoyent prendre le noble prince, ils commencèrent la guerre, de feu et de sang : mais le bon duc ( qui jamais ne s'effraya de chose, qui luy avint) manda le signeur de Gasbecque, messire Philippe de Hornes, le séneschal de Hainaut, messire Anthoine, bastard de Brabant, et le fils du signeur d'Arcy : et de ces quatre fit capitaines, et leur bailla gens-d'armes, pour les acompaigner : et les envoya au-devant desdicts Liégeois : qui desja estoyent aprochés de Montenak : mais lesdicts gens-d'armes, sous la conduite dudict messire Philippe de Hornes , signeur de Gasbecque , leur coururent sus moult-asprement (car il estoit un tresvaillant chevalier , et asseuré ) et déconfirent lesdicts Liégeois, et en firent grand meurdre : et fut nommée icelle journée le remonstre de Montenak : et ainsi la puissance du bon duc Philippe soustint la guerre, et en France, et en Liège : et en vint à son dessus et à son honneur, par l'exécution de son fils.

En ce temps , pource que madame de Charolois estoit trépassée, entremetteurs se mirent sus, pour faire le mariage de monsieur de Charolois et de madame Jehanne de France (l), fille du Roy (qui de-

(0 Jehanne de France , lisez Anne. Ce fut la célèbre Anne du Beau jeu.

présent est duchesse de Bourbon) et, en espoir de faire celle aliance, le comte de Charolois, se fiant au roy de France , passa l'eaue , et ala souper en la bastille Sainct Anthoine , aveques le Roy : où ils parlèrent de plusieurs choses : et une autre fois le roy de France, luy sixième de chevaux, vint au milieu de toutes les gens -d'armes du comte : et sembloit d'eux toute privauté et bienveuillance : et en ce temps nous amenasmes, du trésor du duc, trois sommiers chargés d'or, où il pouvoit avoir quatre vingts mille escus : et le lendemain furent reveùes criées, et tous gens-d'armes sur les champs, pour recevoir argent : et là fut ce que le roy de Fiance vint, à six chevaux, visiter l'armée : et le comte de Charolois se partit de Conflans , sur un petit cheval , à tout son grand manteau de dueil, qu'il avoit fait pour la mort de sa femme : et sous les enseignes, et entre les batailles, se conjoingnirent et s'embracérent le Roy et le comte moult-amoureusement, comme il sembloit. Le Roy s'en retourna à Paris : et le comte veit ses reveùes : et le lendemain furent payées toutes manières de gensd'armes.

Grans parlemens furent tenus entre le comte et le Roy, touchant iceluy mariage : et offroit le Roy de donner en mariage, à sa fille, les comtés de Brie et de Champaigne : et pour ceste matière fut envoyé maistre Jehan Carondelet ( qui depuis a esté chancelier de Bourgongne ) avec charge d'aler à Paris , et de visiter les tiltres, pour sçavoir si un roy de France pouvoit donner en mariage, à sa fille, lesdictes comtés de Brie , et de Champaigne , et les oster de la Couronne : et , combien que le comte de Charolois fust

D OLIVIER DE LÀ MARCHE. 2$tj

en guerre, il eut tousjours avequesluy deux notables clercs, bourgongnons , pour conduire ses matières : dont l'un fut maistre Guillaume Hugonet (qui depuis fut chancelier de Bourgongne) et l'autre fut maistre Jehan Carondelet : que j'ay nommé dessus.

Tousjours se continuoit le mariage dessusdict : et durant ce temps fut pratiqué, en ladicte Grange-aux- Merciers, une paix: qui fut telle, que trente six hommes du royaume de France devoyent avoir le regard, pour augmenter le bien-public : et en estoit le Roy content : et à la verilé ce fut soubtiveté au Roy, pour estre quite de celle charge, et venir à paix aveques les princes de son royaume : car j'en ay assez enquis : et ne sceu onques qui estoyent les trente six, ne qui estoit le premier, ne le dernier : et, à mon jugement, le Roy se monstra le plus-subtil de tous les autres princes : et entretenoit le comte de Charolois du mariage dessusdict : et ne sçay s'il y a voit grande voulonté. Ainsi fut la paix criée de tous costés : et devoit le Roy, par ce traitté bailler à monsieur de Berry la duché de Normandie, pour son partage : mais, quand vint au fort de besongner , le roy de France en ouvra tout autrement : comme vous orrez cy-apres. Ainsi se détendit celle armée. Monsieurde Berry et le duc de Bretaigne tirèrent en Normandie : et le duc de Calabre et le comte de Charolois prirent le chemin de Villiers-le-Bel (qui est un gros vilage, assez près de Sainct-Denis) et là se visitoyent privément le Roy et le comte de Charolois, sous ombre dudict mariage : et tindrent la Toussaincts audict Villiers-le-Bel ensemble, moult-familiérement : et puis se partit chacun : et se retira le Roy à Paris : et le comte de

Charolois prit son chemin contre Nostre - Dame de Liesse : auquel lieu il fit ses offrandes dévotement : et puis se tira contre Liège, en intention de venger l'outrage et injure, que pretendoyent faire les Liégeois au duc, en l'absence de luy, son fils : et, quand il vint au pais du Liège, il les epouventa tellement, que les Liégeois vindrent à genoux crier mercy au comte, pour et au nom de son père : et promirent de non plus venir à armée contre luy : mais Liégeois ne sont pas bien coustumiers de tenir ce qu'ils promettent : et aussi ne rirent ils celle fois.

Quand le comte eut mis à mercy lesdicts Liégeois, il s'en retourna en ses païs, et nommément à Brucelles : où il fut grandement festeyé et receu, tant du père, et de la mère, comme de ses sugets : et tousjours se continuoit le parlement d'iceluy mariage : et estoyent les principaux, du costè du comte, le signeur des Cordes, et Guiot Dusie (qui depuis fut chevalier) et messire Guillaume Bische : et principalement le signeur des Cordes et Guiot Dusie : et ainsi se couloit le temps : et vivoit le roy de France aveques le comte , et le comte aveques le Roy.

Or avons nous devise de la guerre et de la paix : et est temps que je devise comment exploita monsieur de Berry à prendre sa possession de la duché de Normandie : à quoi le Roy avoit sagement pourveu : comme dict est : car prestement que le duc de Bretaigne fut entré à Rouen, plusieurs grans personnages (comme Jehan, monsieur de Lorraine, et autres) entrèrent en débat pour les grans offices : et d'autre part le duc de Bretaigne élongna de luy Tanneguy du Chastel, et disoit on que c'estoit à l'appétit du si-

d'olivier de la marche. aSi

gneur de Lescut, Oudet de Rie. Par ces brouillis le duc de Ben y n'entra point à Rouen : mais fut logé à Saincte-Katherine du mont de Rouen : et, quand le Roy sceut et entendit les brouillis qui estoyent à Rouen, il s'aprocha à grosse armée, pour voir et entendre à quoy celle chose prendroit fin ; et rapela en sa bonne giàce le duc de Bourbon, et le traitta bien, pour aux autres donner à entendre que ceux, qui se rendroyent à luy, seroyent amiablement traittés et receus. Il entretenoit le comte de Charolois , du mariage dessusdict : et se vengeoit, à l'espee , du surplus de ses ennemis : et le duc de Bretaigne prit conclusion de s'en retourner en ses pais : et monsieur de Berry fut conseillé de s'en aler aveques le duc. Ainsi s'en retournèrent en Bretaigne : et le roy de France entra à Rouen : où il fit grand chère.

En ce temps je fu envoyé, par monsieur de Charolois, pour sçavoir comment on exploitoit à ceste possession de Rouen et de Normandie : mais je fu tantost averti que les signeurs, que je queroye, estoyent desja en Bretaigne. Si passay parmy Rouen , et parlay au Roy : qui me demanda où j'alloye : et je luy respondy que monsieur, mon maistre, m'envoyoit devers monsieur de Berry son frère, pour sçavoir son estât, et aussi pour soy affranchir et aquiter du serment , qui estoit entre eux deux : et sur ce me laissa le Roy passer, et se contenta de mon voyage. Tant alay, que je vein en Bretaigne : et trouvay le duc et son estât à Rênes : et le duc de Berry avoit passé feaue , et estoit logé au chasteau de Vennes (que l'on dit l'Ermine) où le duc me traitta honnorablement. Il estoit acompaigné de monsieur de

Beaujeu , frère du duc de Bourbon , de l'evesque de Verdun (qui estoit de ceux de Heraucourt) de maistre Pierre Doriole, du neveu du comte de Dammartin, de messire Jehan Blosset, du signeur de Malicorne, de Joacliin de Velours, et de moult d'autres gens-debien : et, à la vérité, quand le duc de Berry et le duc de Bretaigne sceurent que j'estoye envoyé pour sçavoir de leur estât, et comment ils se portoyent, ils en furent moult-joyeux : et me fut faicte bonne chc're de toutes pars, et me baillèrent certaines bonnes charges à dire à mon maistre, toutes tendans à non rompre les premières aliances : et ainsi m'en retournay en la compaignie de monsieur de Beaujeu : auquel monsieur de Berry avoit donné congé de s'en retourner en France : et le Boy sceut que j'estoye à Tours : et me manda, pour parler à luy, à Jargueaux. Ce que je fey : et, si les bonnes parolles, dont il me donna charge , pour les dire à mon maistre de-par luy , eussent esté vrayes, nous n'eussions jamais eu guerre en France.

Ainsi me party du Boy : et pri mon chemin pour aler à Paris, et de là es pais de monsieur de Bourgongne : et ne demoura guéres après que monsieur de Beaujeu fut arrivé devers le Boy, que le Boy luy donna sa fille en mariage, celle mesme, dont il estoit parolle de monsieur de Charolois : et dît aux ambassadeurs du comte, qu'il avoit marié sa fille à meilleur marché, que de luy donner les comtés de Brie et de Champaigne : et, quand les ambassadeurs, et mesmes maistre Jehan Carondelet (qui avoit visité à Paris les lettres, de-par le Boy, comme dict est) furent retournés devers le comte, et qu'il eut ouy les habilletés

d'olivier de la marche. a53

du roy de France, il dît, que les heureux y faillent : et ainsi dissimulèrent le Roy et le comte , l'un contre l'autre, ce qu'ils avoyent sur le cueur.