CHAPITRE XXXVI

Comment le bon duc Philippe envoya son fils naturel s Anthoine , sur les Sarrasins de Barbarie : et comment le comte de Charolois destruisit la vile de Dinand , et fit venir les autres Liégeois à mercj.

En ce temps le duc de Bourgongne (qui avoit acoustumé de recongnoistre , envers Nostre-Signeur les biens et les grâces qu'il luy faisoit, et mesmement par estre requis par nostre sainct-pére le Pape, pour donner confort à la foy chrestienne) éleva ses deux fils (0 bastards, et grande noblesse de ses païs, pour s'aler joindre aveques le Pape, et servir la chrestienté: et fit fréter et avitailler douze galees, et les armer d'environ dix mille combatans, de la plus-belle jeune noblesse et gendarmerie, qui fust en ses païs : et fut messire Symon de Lalain, signeur de Montigny, lieutenant général de monsieur le bastard, en celle armée : et estoit belle chose de voir les bannières et les pennons en chacun bateau : car chacun capitaine vouloit monstrer quel homme il estoit, en ce haut et sainct voyage. Les trompettes et clairons sonnoyent, à mon-

(0 Eleva ses deux fils : celle expédition se fit en i4^4> avant la guerre du bien public.

!i54 MEMOIRES

ter les gens-d'armes chacun en son navire-, et sous leur capitaine, qui donnoyent moult-grand réjouissement : et d'autre part tiroit l'artillerie : qui épouventoit et effrayoit toute la compaignie.

Ainsi montèrent les nobles hommes , et gensd'armes , chacun en son navire, par moult-belle ordonnance : et donna le duc Philippe, outre le ravitaillement, et autres fraiz qu'il faut faire à fréter tels navires, à mondict signeur le bastard , son fds naturel, cent mille escus d'or, content : que luy délivra Jacob de Bregilles, des deniers de l'épargne : et ainsi se partit le bastard de Bourgongne, et celle trèsbelle armée : et prirent la mer, le plus-tost qu'ils peurent, costoyérent les dunes d'Angleterre, passèrent les Raz Sainct-Mathieu , entrèrent en la mer d'Espaigne, et tant vaucrèrent, à l'aide de Dieu, du bon vent, et de la bonne fortune, qu'ils abordèrent devant Sceulte(0 : qui est une vile en Barbarie, que leroy de Portugal a conquise, et la tient en ses mains comme chrestienne : et avoyent les Mores et les Barbares fait une grosse armée, et avoyent assiégé ladicte vile de Sceulte, et la tenoyent fort à destroit : mais Dieu y amena monsieur le bastard et son armée : qui prestement prirent terre, et se préparèrent de combatre iceux Sarrasins : qui avoyent mis ledict siège : mais les Sarrasins, voyans le courage des Chrestiens, se levèrent et abandonnèrent leur siège : et n'y eut autre chose faicte. Car les Chrestiens n'avoyent nuls chevaux : parquoy se sauvèrent légèrement les Sarrasins et leur puissance. Monsieur le bastard ala visiter ceux de Sceulte, et les bons Chrestiens qui dedans

(') Sceulte : Ceuta.

d'olivier de la MARCHE. 1 55

estoyent : qui moult le merciérent de son bon secours : et retourna chacun en son navire : et reprirent la mer en intention de venir à Ostie, et eux joindre aveques pape iEneas : mais ils trouvèrent que le pape iEneas estoit mort, et son armée toute rompue : parquoy ils prirent le chemin de Marseilles : auquel lieu semblablement se rompit l'armée des Bourgongnons : et fut celle belle assemblée rompue à petit exploit.

En ce temps le duc Philippe de Bourgongne prit une maladie, dont il fut moult affoibli et agravé de sa personne : et depuis ne fit pas grand travail : ains se trouva vieil et maladif : dont ce fut pitié et dommage: car il avoitvescu courageusement, et en prince vertueux : et le bastard de Bourgongne, averti de la maladie de son pe're, s'en vint à diligence, pour le servir et honnorer, comme il devoit. Le duc Philippe donna audict bastard la comté de la Roche en Ardaine : mais on y trouva des difficultés : parquoy il l'eut à moult grande peine. Grande chère fut faicte audict bastard , par le père et par le fils ; car ils estoyent bien avertis qu'à luy n'avoit tenu l'exécution de la guerre : mais tint à ce que nostre sainct-pére le Pape mourut : parquoy toutes manières de gensd'armes se retirèrent : et doy bien ramentevoir la grande chère et bon recueil que fit le duc de Calabre à monsieur le bastard, et à ses gens, au lieu de Marseilles : et si fait à ramentevoir, que l'armée toute rompue, messire Piètre Was, et messire Frédéric de Wittem , garnirent leurs bateaux, le mieux qu'ils peurent : et firent un an la guerre aux Sarrasins, vaucrant la mer à leur avantage : où ils aquirent

Îl56 MEMOIRES

grand honneur ; car ce n'est pas peu de chose , après l'armée rompue, de soustenir la guerre un an, contre les Infidèles et Sarrasins : comme dict est.

En ce temps (0 le signeur d'Escales , fre're de la royne d'Angleterre, chargea une emprise, pour faire armes à pie et à cheval : et fit sçavoir à monsieur le bastard de Bourgongne, que, s'il vouloit lever son emprise, et le décharger de sa charge, il le desiroit devant tous autres. Monsieur le bastard (qui des pieça avoit quis de faire armes, et combatre en champ clos) fut bien-joyeux de ces nouvelles : et les porta au duc, son père : qui libéralement luy acorda d'acomplir lesdictes armes, au frère de la royne d'Angleterre : et ainsi furent icelles armes acceptées : et se prépara chacun de son costé , de ce que besoing luy estoit : et, pour acompaigner mondict signeur le bastard, Philippe Bouton et Jehan de Chassa se préparèrent de faire armes en Angleterre : et lors madame de Bourbon, sœur du duc Philippe, et ses filles, vindrent visiter le duc : et fut audict temps faict le mariage du jeune duc de Gueldres , et de madamoiselle de Bourbon , nièce du duc : et ainsi se passoit la saison.

En celuy temps, les Liégeois de Dinand, ennuyés de leur bonne fortune, et desirans réveiller leur malheur, s'élevèrent, et prirent Jehan le Charpentier, un moult-notable homme de Dinand, et le firent piteusement mourir : pource qu'il avoit communiqué avec le duc Philippe , et fait traitté aveques luy, au bien et utilité de ladicte vile de Dinand : mais ils le tour-

(') En ce temps : cette entreprise fut commencée en l/{66 et terminée en 1467, ainsi qu'il résulte du chapitre suivant.

nérent en un autre usage : et, comme dict est, firent mourir piteusement ledict Jehan le Charpentier : et ( qui plus est) disoyent, du duc de Bourgongne, toutes les injurieuses parolles, dont ils se pouvoyent aviser : et mesmement boutèrent le feu en la comté de Namur : et fut conseillé le duc, en ses vieux jours, de prendre les armes , et d'assembler gens- d'armes de toutes pars, pour soy venger d'iceux de Dinand : et se tira, luy et le comte son fils, à Namur : et fut conseillé le duc de demourer audict Namur : et envoya son fils à Bouvines : et l'acompaigna le comte de Sainct Pol, connestable de France, le mareschal de Bourgongne, et plusieurs signeurs de Brabant et de Hainaut : et conclurent d'aier mettre le siège devant Dinand : et se départirent en trois parties.

L'un des sièges tenoit le comte de Charolois : le second, le mareschal de Bourgongne : et le tiers siège tenoit le bastard de Bourgongne : et ïa quarte partie estoit la rivière : où il ne faloit point de siège : et ainsi fut Dinand assiégé de tous costés : et, combien que j'eusse veu plusieurs sièges de prince, toutesfois fut il là faicte une chose, que je n'avoye onques veue : car messire Pierre de Hacquembac, lors maistredc-1'artillerie, amena les bombardes devant les portes de Dinand, à heure de plain midi : et vous declaireray comment. Il avoit afusté sa menue artillerie, dont il avoit grand'planté (') , devant les portes et la muraille de Dinand : et, quand il aprocha à tous ses bombardes, le traict à poudre voloit si dru, que ceux de la vile n'osoyent mettre la teste hors des portes, ne

(*) Grand1 planté : beaucoup.

des murailles : et ainsi aprocha ses bombardes : el mena le premier cheval par la bride : et, les bombardes assises, la vile de Dinand ne dura pas longuement : ains se rendit à voulonté : et les Liégeois ( qui leur estoyent venus à secours ) s'enfuirent, et s'elongnérent de ce lieu : et le comte de Charolois et ses gens entrèrent dedans la vile, comme maistres et signeurs : et fut la vile pillée de toutes* pars : et puis fut mis le feu dedans : et fut brûle' Dinand, par telle façon, qu'il sembloit qu'il y eust cent ans, que la ville estoit en ruine : et le comte ( qui moult estoit grand justicier) fut averti que trois archers de sa compaignie avoyent dérobé une femme , et qu'ils Temmenoyent derrière les montaignes, afin qu'elle ne fust ouye par les cris, qu'elle feroit à son efforcement : mais le noble comte tira celle part , prit les malfaicteurs, et prestement les fit pendre et estrangler, au premier arbre qu'il trouva : et à la femme fit des biens, comme il appartenoit : et signifia à son père, par le signeur d'Imbercourt, la victoire, qu'il avoit de ses ennemis, et l'exécution qu'il avoit faicte, h y priant qu'il se voulsist contenter ( car il estoit bien vengé de ceux de Dinand ) et aussi demandait congé de poursuivre ses ennemis liégeois. : car il les avoit fait chevaucher : et sçavoit où ils estoyent arrestés.

De son exécution se contenta le duc Philippe, et luy donna congé de poursuivre ses ennemis : et s'en retourna le duc à Brucelles , le plus-tost qu'il le peut faire : et le comte et sa compaignie tirèrent après leurs ennemis : et les trouvèrent qu'ils se reposoyent de l'autre costé de la rivière de Haubsbaing : et les eust le comte défaicts, sans nulle faute : mais un che

d'olivier de la marche. 259

valier liégeois, nomme' messire Regnaud du Rouvray, moult-vaillant et sage chevalier, eut grand'pitié de veoir le peuple de sa nation en danger : car il congnoissoit bien que les gens-d'armes les défei oyent Si prit un asseuye courage : et dît aux Liégeois , « Mes « amis , ne vous bougez : mais attendez que jaye « parle' au comte de Charolois : et peut estre que je v trouveray le moyen , que vous ne vous combatrez « point lege'rement. » Et sur ce départit ledict messire Regnaud : et dît à monsieur le comte, « Monsieur, ce « povre peuple ne vous demande rien. Ils entendent « d'avoir traité aveques vous : et vous prient que les « veuillez tenir paisibles. » Mais le comte ( qui moult estoit fier ) respondit qu'il ne sçavoit nulle cause de leur venue en ce lieu, si non pour luy porter dommage : et qu'il n'avoit pas intention de les laisser partir, sans bataille. Messire Regnaud prit congé : et s'en retourna devers les Liégeois : et leur dît qu'il avoit bien parlé au comte, à l'avantage des Liégeois: et luy avoit remonstré qu'ils ne luy demandoyent rien : mais ils se défendroyent, s'il estoit besoing. Et ainsi parloit sagement messire Regnaud de Rouvray : et par ses alees et venues pratiqua tellement, que le jour faillit : et convint chacun soy retirer d'une part et d'autre, sans bataille, pour ce jour : et se logea chacun, qui mieux mieux : comme il est coustume de loger devant ses ennemis. Si furent grans feux faicts d'une part et d'autre : mais la rivière de Habsbaing estoit entre deux : qui garda la vie ce jour à maint Liégeois : et, quand le jour fut venu, et que le comte et son armée perceurent que les Liégeois s'estoyent retirés, le comte fit chacun tirer aux champs, à la

z6o MEMOIRES

poursuite desdicts Liégeois : mais pour celle fois il ne peut atteindre leur puissance : car ils s'estoyent ja retirés es bonnes viles : toutesfois il marcha avant, et espouventa tellement iceux Liégeois , qu'ils furent contrains de luy venir crier mercy : voire eux mesmes abatirent les murailles et les portes de leur vile : et ainsi se départit celle armée : et s'en retourna le comte de Charolois, et le bastard de Bourgongne, devers le duc leur père : qui les recueillit à grande joye.