CHAPITRE VIL

S'ensuit le contenu,, au long, des trêves de neuf ans, faictes et conclues par le roy Louis de France d'une part, et mon tresredouté signeur et prince, Charles, duc de Bourgongne , d'autre part, 'le treizième jour de septembre , Van de grâce i47^.

« Charles etc. A tous, etc. salut. Comme par-cydevant plusieurs journées ayent esté tenues en divers lieux, entre ler gens à ce commis et députés de par le Roy et nous, pour trouver moyen de réduire et mettre à bonne paix et union les questions , divisions, et différences, estans entre nous, et sur icelles trouver, recevoir, et accepter une paix finale (laquelle chose jusques ici n'a peu prendre conclusion ) considerans qu'à l'honneur et louenge des princes chrestiens rien n'est plus convenable, que de désirer et aimer paix , de laquelle le bien et le fruit , es choses terriennes et mortelles, est si-grand, que plus ne pourroit, nous, desirans envers Dieu nostre créa-

4oO MEMOIRES

teur nous monstrer , par eflfect vertueux, obéissant en toutes noz opérations, afin que l'Eglise, en vaquant au service divin , puisse pi endre vigueur, et demourer en vraye et seure franchise les nobles , et le cours des autres hommes mortels abandonner en repos et tranquilité, sans servitude d'armes, et que l'entreténement de noz païs et signeuries, tant au faict de la marchandise , qu'autrement, puisse estre par maintenu , et Testât d'un chacun demourer en son entier, et consequemment le povre menu peuple, ensemble tous noz sugets puissent labourer et vaquer, chacun endroit soy , à leurs besongnes, industries , et artifices, sans quelconque violence et oppression, et le temps à venir, moyennant la grâce de Dieu , entre eux vraye et perpétuelle paix et justice, nécessaire à toute ïa terre chrestienne, garder, entretenir, et observer et en icelle vivre et mourir invioiablement, avons, par l'avis et délibération de plusieurs signeurs de nostre chambre , et gens de nostre grand conseil , fait, conclu, et acordé, entre le Roy et nous, pour nous, noz hoirs, et successeurs, et par tous les païs, terres , et signeuries , d'une part et d'autre , trêves générales, en la forme et manière, qui s'ensuit. Premièrement, bonne, seure, et loyale trêve, estât, et abstinence de guerre, sont pris, acceptés, fermés, conclus, et acordés, par terre, par mer, et par eaues douces, entre le Roy, et mondict signeur de Bourgongne , leurs hoirs et successeurs, païs, terres, et signeuries , sugets et serviteurs , icelle trêve , seur estât et abstinence de guerre, commençant ce jourd'huy, treizième jour de ce présent mois de septembre, durant le temps et terme de neuf ans, et finissant

d'olivier de la marche. 40t

à semblable treizième jour de septembre , lesdicts neuf ans révolus : que l'on dira fan i4^4- Pendant lesquelles trêves, seur estât et abstinence de guerre, cesseront, d'une part et d'autre, toutes guerres, hostilités, et voyes de faict : et ne seront faicts par ceux de l'un party sur l'autre , de quelque estât qu'ils soyent, aucuns exploits de guerre, prises et surprises de viles, fortresses, ou chasteaux , tenus et estans es mains ou obéissance de i'un ou de l'autre, quelque part qu'ils soyent situés ou assis, par assauts, sièges, emblees, eschellemens, et compositions, par actions, ne sous couleur, de marque, contremarque, et represaille , ne sous couleur de debtes, obligations , tiltres, n'autrement, en quelque forme ou manière, que ce soit: supposé ores que les signeurs , ou les habitans desdictes viles, places, chasteaux, fortresses, ou ceux qui en auront la garde, les vousissent rendre, bailler, et délivrer, de leur voulonté ou autrement, à ceux du parti ou obéissance contraire. (Duquel cas (s'il avenoit) celuy par lequel, ou à l'aide duquel, auroit esté ce faict, et prise la vile, ou les viles, places et chasteaux, ou fortresses, les seront tenus faire rendre et restituer plainement à celuy, sur qui ladicte surprise auroit esté faicte, sans délayer à iadicte restitution , pour quelque cause ou occasion que ce soit avenu, en dedans huit jours après la sommation sur ce faicte de l'une desdictes parties à l'autre. Et, au cas que faute y auroit de ladicte restitution, ceh.y, sur le party duquel ladicte emprise auroit esté faicte, pourra recouvrer ladicte vile, ou viles, cités, places et chasteaux , ou fortresses , par sièges , assauts , escheilemens, emblees, et compositions, et par voye de faict 10. 26'

et hostilité de guerre, ou autrement, ainsi qu'il pourra^ sans ce que l'autre y donne re'sistance ou empeschement : ou qu'à l'occasion de ce lesdictes trêves, seùr estât et abstinence de guerre, en puissent estre, n'entendues, rompues, n'enfreintes, mais demourans, ledict temps durant, en leur plaine et entière force et vertu : et sera tenu celuy, qui aura fait ladicte restitution, rendre et payer tous cousts, et dommages, qui auront esté, et seront faicts et soustenus, en général ou particulier, par celuy, ou ceux, sur qui ladicte prise aura esté faicte.

« Item , et par les gens-de-guerre , et autres du party et aliance de mondict signeur de Bourgongne, qui voudront estre compris , ne seront faicts aucuns ranconnemens, prises et détrousses, de personnes, de bestes, ou d'autres biens quelconques, sur les gens, viles, places, signeuries, et autres lieux , estans du parti et obéissance du Roy : et pareillement par les gens-de-guerre , et estans du parti et aliance du Roy, qui voudront estre compris, sur les terres, viles, et places, estans du parti et obéissance de monsieur de Bourgongne : ains seront et demoureront tous les sugets et serviteurs d'un costé et d'autre, de quelque estât, qualité, nation et condition qu'ils soyent , chacun en son parti et obéissance, seurement, et sauvement, et paisiblement, de leurs personnes, et tous leurs biens : et y pourront labourer, marchander, faire, et préparer toutes leurs autres besongnes, marchandises, negotiations, et affaires, sans détourbier, ou empeschement quelconque.

«Ilem, pendant et durant lesdictes trêves, seur estât et abstinence de guerre, les sugets, officiers, et

d'olivier de la marche. 4o3

serviteurs, d'une part et d'autre , soyent prélats, gensd'église, princes , barons, nobles, marchans, bourgeois , laboureurs, et autres quelconques, de quelque estât, qualité, nation, ou condition qu'ils soyent, pourront aler, venir, séjourner, converser marchandement, et autrement, en tel habillement que bon leur semblera, pour quelconques leurs négociations et affaires, les uns avec les autres, et les uns es pais, signeuries, et obéissance de l'autre, sans saufconduit, et tout ainsi que l'on pourroit communiquer, aler, et marchander, en temps de paix, et sans aucun détourbier, arrest, ou empeschement : si ce n'est par voye de justice, et pour leurs debtes, ou pour leurs débets, abus, ou excès, qu'ils y auront par-cy-devant perpétrés et commis : sauf aussi que les gens-de-guerre, en armes, n'a puissance, ne pourront entrer de l'un parti en l'autre, en plus haut nombre d'octante à cent chevaux , et en dessous : et ne seront dictes ne proférées, à ceux qui iront ou converseront d'un parti à l'autre, aucunes injures ou opprobres, à cause du party : et, si aucuns font le contraire, ils seront punis et corrigés, comme infracteurs de trêves.

«Item, tous prélats, gens-d'eglise, nobles bourgeois, marchans, et autres sugets, officiers, et serviteurs d'un parti et d'autre, de quelque estât ou condition qu'ils soyent , durant lesdictes trêves , seur estât , et abstinence de guerre, auront et recouvreront la jouissance et possessions de leurs bénéfices, terres, places, signeuries, et autres biens immeubles, en Testât quils les trouveront : et y seront receus sans empeschement, contredict, ou difficulté, et sans obtenir autres lettres de main levée, nestre contrains à

4o4 Mémoires

en faire nouvelle feauté, ou hommage, en faisant serment en leurs personnes, ou par leurs procureurs, en la main du bailly, ou son lieutenant, sous qui seront lesdicts bénéfices, places, terres, signeuries, et biens immeubles, de non traitter et pourchacer d'iceux quelques choses préjudiciables au party où ils seront : et les signeurs d'un party, ausquels appartiennent places, estans es frontières de l'autre party, bailleront leurs seelés, de non en faire guerre au party: et, en recevant ladicte délivrance d'iceux , promettront, jureront , et bailleront leurs seelés, de non en faire guerre au party où elles sont, et que, cesdictes trêves expirées , les délaisseront en la plaine obéissance dudict party , où elles sont. Toutesfois , pour aucunes causes et considérations, le Roy est content que la place de Rambures soit entièrement baillée et délivrée au signeur d'icelle , sans y mettre autre capitaine, ou garde : pourveu qu'il fera serment aussi, qu'il baillera son seelé en la main de celuy, qui luy fera ladicte restitution, que durant ceste présente trêve, n'apres icelle finie , il ne fera , ne pourchacera, chose préjudiciable au Roy, à ses païs, signeuries, ou terres, n'aussi à mondict signeur de Bourgongne, ses païs , ou signeuries : et ne mettra garnison en icelle place , qui porte ou face dommage à l'une ou à l'autre des parties. Et, quant aux places et for tresses de Beaulieu et de Vervin , mondict signeur de Bourgongne consent qu'en luy faisant la délivrance réelle des viles et bailliages de Sainct-Quentin et places dont le traitté est faict entre le Roy et luy, les fortresses desdicts lieux soyent abatues , la revenue et signeurie revenant et demourant entièrement aux si-

d'olivier de là marche. 4°5

gneurs desdicts chasteaux. Et aussi est traitté et acorde' , pour plus-ample déclaration , que les terres et signeuries de la Ferté , Chastellier, Vendeul , et Sainct-Lambert , dependans de la comté de Marie, demoureront au Roy, en obéissance , pour y prendre tailles, aides, et tous autres droits, comme des autres terres de son obéissance, la signeurie et revenue demourant a monsieur le comte de Marie : et pareillement les chasteaux , viles , terres , chastellenies et signeuries de Marie, Gerrain, Moncornet, Sainct- Gobain , et Damsi, demoureront â mondict signeur de Bourgongne, en obéissance, pour y prendre tailles, aides, et tous autres droits dessus-dicts, les signeuries et revenues demourans au comte de Marie, selon le contenu de l'article précédant. Et aussi esdictes trêves et abstinence de guerre , en tant qu'il touche lesdicts articles de communication, hantise, retour, et jouissance de biens , ne seront compris messire Baudouin, soy disant bastard de Bourgongne, le signeur de Renty, Jehan de Chata, et messire Philippe de Commines : ains en seront et demoureront du tout exceptés et forclos.

«Item, si aucune chose estoit faicte, ou attentée, au contraire de ceste présente trêve, seur estât, et abstinence de guerre, ou d'aucuns des poincts et articles qui y sont contenus, ce ne tournera, ou portera préjudice, qu'à l'infracteur, ou infracteurs seulement, ladicte présente trêve tousjours demourant en sa force et vertu , ledict temps pendant : lesquels infiacteur, ou infracteurs , seront punis si-griévement, que le cas requerra : et seront les infractions ( si aucunes sont) réparées et remises au premier estât , par les

conservateurs cy-apres nommés, promptement , si la cîiose y est disposée : ou, du plus tard, commenceront à besongner dedans six jours, après que lesdictes infractions seront venues à leur congnoissance : et ne départiront lesdicts conservateurs, d'une part et d'autre, d'ensemble, jusques à ce qu'ils auront apointé , et fait faire lesdictes réparations : ainsi qu'il appartiendra , et que le cas le requerra.

« Item, pour la part du Roy, seront conservateurs pour la comté de (0 et Sainct-Vallery, et les autres places à- "environ, monsieur le mareschal deGamacbes: pour Amiens, Beauvoisis, et marches à l'environ, monsieur deTorchi: pour Compiengne,Noyon, et marches à l'envii on, le bailly deVermandois :pour la comté de Guise, la Trace, et Archelo, le signeur de Villiers : pour la chastélenie de la Faire et Larry, le prevost de ladicteLarry : pour toute la Champaigne, monsieur le gouverneur illec y pourra commettre : pour le pais du Roy, environ les marches de Bourgongne, monsieur de Beaujeu y pourra commettre : et pour le bailliage de Lyonnois, et pour toute la coste de la mer de France, monsieur l'admirai y pourra commettre.

« Item ; pour la part de mondict signeur de Bourgongne, seront conservateurs, pour les paï's de Ponthieu et de Brimeux, messire Philippe de Crévecueur, signeur des Cordes : pour Corbie, et la prevosté de Feuillay et de Beauquesne , le signeur de Contay : pour Peronne, et la prevosté dudict Peronne, le signeur de Clerry, et, en son absence, le signeur de la Hergerie, et pareillement pour les viles etchastellenies de Mondidier, Roye, et places d'environ : pour

C1) Pour la comté de : lisez pour la comté d'Eu.

d'olivier de là marche. 4° 7

Artois, Cambresis, et Beaurevois, Jehan de Longueval, signeur de Vaux : pour la comté de Marie, le signeur d'Imbercourt : pour le pais de Hainaut, monsieur d'Emeries, grand-bailly dudict pais : pour le pais de Lie'ge et de Namur, mondict signeur d'Imbercourt, lieutenant de mondict signeur le duc esclicts pais : pour le païs de Luxembourg, le gouverneur d'illec, marquis de Rothelin : pour le païs de Bourgongne, duché et comté, viles et places à Penviron, estans en Pobeïssance de mondict signeur de Bourgongne, monsieur le mareschal de Bourgongne : qui commettra en chacun lieu particulièrement, où il sera besoing : pour le païs de Masconnois, et places à Penviron , monsieur de Clecy, gouverneur dudict Masconnois : pour le païs et comté d'Auxerre , et le païs à Penviron , messire Tristan de Toulongeon , gouverneur dudict Auxerre : pour la vile et chastellenie de Bar-sur-Seine, et places à Penviron, le signeur des Chanets : pour la mer de Flandres, messire Josse de Lalain, admirai : et, pour la mer de Hollande, Zeelande, Artois, et Boulongnois, monsieur le comte de Boucam , admirai desdicts lieux.

« Iiem, s'il avenoit que, pendant et durant ledict temps de ladicte trêve, aucuns conservateurs, nommés d'une part et d'autre , alassent de vie à trépas , en ce cas le Boy, de sa part, et mondict signeur de Bourgongne de la sienne, seront tenus nommer, commettre, et establir, autres conservateurs : qui auront tel et semblable pouvoir, comme les précedans : et le signifieront aux conservateurs prochains : afin qu'aucun n'en puisse prétendre ignorance.

« Item^ que tels conservateurs particuliers, qui

ainsi seront commis pour la part du Roy, et pour la part de mondict signeur de Bourgongne, ou leurs subrogués et commis (s'ils avoyent légitime excusance de non y vaquer en personne) c'estasçavoir les deux de chacune marche, pour les deux costés, seront tenus d'eux assembler une fois es limites du Roy, et autresfois de mondict signeur de Bourgongne, en lieux propices et convenables, qu'ils aviseront, pour converser illec de toutes le pleintes et doléances, qui seront mises en-avant d'un costé et d'aulre, touchant lesdictes trêves, et prestement en apointer, et faire réparation : ainsi qu'il appartiendra. Et, s'il avenoit que, pour autre grande matière, il y eust difficulté entre eux, dont ils ne peussent apointer, ils seront tenus de signifier et faire sçavoir incontinent (c'estasçwoir les conservateurs de la part du Roy, pour les marches et pais de-pardeça, et les conservateurs de la part de mondict signeur de Bourgongne, es marches de-pardeça) à monsieur le chancelier et gens-de-conseil de mondict signeur de Bourgongne, et, es marches de Bourgongne, à monsieur le mareschal , et aux gens du conseil estans à Digeon , la qualité desdictes plaintes, et faire ce qu'ils en auront trouvé : lesquels seront tenus incontinent, et le plus brief que faire se pourra, après ladicte signification, vuider et décider lesdictes plaintes et doléances, et en faire jugement et décision, telle que de leurs consciences aviseront estre à faire,

« Item, au cas qu'à cause desdictes difficultés lesdicts conservateur renvoyent lesdictes plaintes, ainsi que dict est, et, s'il y a personne qui empeschelesdicts conservateurs, ils pourvoyent d'élargissement : et, s'il

avenoit qu'aucuns desdicts conservateurs se vousissent excuser d'entendre ausdictes réparations, maintenans et piétendans les infractions non estre avenues en leur limites, ils seront en ce cas tenus le signifier au conservateur, es limites duquel ils maintiendront lesdictes infractions estre avenues : lequel conservateur, au cas qu'il ne voudra entreprendre la charge d'amender seul ladicte réparation, sera tenu de soy assembler aveques l'autre conservateur, qui luy aura fait faire ladicte signification, pour ensemble, aveques le conservateur, ou conservateurs de l'autre costé, besongner esdictes réparations, par la manière dessusdicte.

« Item, seront lesdicts jugemens, que feront lesdicts conservateurs d'une part et d'autre, exécutés réellement et de faict : et à ce seront contrains les sugets d'une part et d'autre, nonobstant appellation, ou opposition quelconque, et sans ce que les condamnés puissent avoir, n'obtenir, aucuns remèdes au contraire, en quelque manière que ce soit.

« Item, en ceste trêve sont compris les aliés d'une part et d'autre cy-apres nommés, si compris y veulent estre : c'estasçavoir, pour la part du Boy, trèshauts et trespuissans princes, leroy de Castille, le roy d'Escoce, le roy de Dannemarc, le roy de Ierusalem et de Cécile, le roy de Hongrie, le duc de Savoye, le duc de Lorraine, l'evesque de Mets, la signeurie et communauté de Florence, la communauté et signeurie de Bergue, et leurs aliés, qui fuient compris en la trêve précédente, faicte en l'an 1 4 7 ^ , et non autrement, ceux de la ligue de haute Alemaigne, et ceux du païs de Liège, qui se sont declairés pour le Boy, et retirés en son obéissance : lesquels aliés seront te-

nus de faire leur déclaration, s'ils voudront estre compris en ladicte trêve , et icelle signifier à mondict signeur de Bourgongne , en dedans le premier jour de janvier, prochain venant. Et, pour la part de mondict signeur, y seront compris (si compris y veulent estre) treshauts et trespuissans princes, le roy d'Angleterre, le roy d'Escoce, le roy de Portugal, le roy Fernand de Ierusalem et de Cécile, le roy d'Arragon, le roy de Castille, le roy de Cécile, le fils, le roy de Dannemarc, le roy de Hongrie, le roy de Poulaine, le duc de Bretaigne, madame de Savoy e, le duc son fils, le duc de Milan et de Gennes, le comte de Romont, et maison de Savoye, le duc et signeurie de Venise, le comte Palatin, le duc de Cléves, le duc de Juliers, les archevesques de Coulongne, et evesques de Liège, d'Utrech, et de Mets : lesquels seront tenus de faire déclaration , s'ils veulent eslre compris en ladicte trêve, et le signifier au Roy en-dedans le premier jour de janvier, prochain venant. Ce toutesfois entendu, que, si lesdicts aliés, compris de la part du Roy, ou aucuns d'eux, à leur propre querelle , ou en faveur ou aide d'autruy, mouvoyent ou faisoyent guerre à mondict signeur de Bourgongne, il se pourra contre eux deffendre, et à ceste fin oflendre (') , faire, et exercer la guerre, ou autrement remédier, ou obvier, de toute sa puissance, et les contraindre et réduire par armes et hostilités, ou autrement, sans ce que le Roy leur puisse donner, ou faire donner, secours, aide, ou assistance, à Tencontre de mondict signeur de Bourgongne, ne que ladicte trêve soit par ce enfrainte : et pareillement,

(*) Offendre: faire une guerre olleniive.

d'olivier de la marche. 4tï

si lesdicts aliés, compris de la part de mondict signeur le duc, ou aucuns d'eux, à leur propre querelle, ou en aide et faveur d'autruy, mouvoyent ou faisoyent guerre au Roy, il se pourra contre eux deffendre , et à ceste fin les offendre, faire et exercer guerre , ou autrement y remédier et obvier de toute sa puissance, et les contraindre et réduire par armes, hostilités, et autrement, sans ce que mondict signeur de Bourgongne leur puisse donner, ou faire donner, secours, faveur, n'assistance, à-1'encontre du Roy, ne que ladicte trêve soit par ce rompue n'enfreinte.

« Item, pour oster toutes matières et occasions de guerre, ou de débat, pendant la trêve, le Roy se declairera pour mondict signeur de Bourgongne, à-Tencontre de l'empereur des Rommains, ceux de la cité deCoulongne, et tous ceux qui leur feront cy-apres aide, ou serment, à-1'encontre de mondict signeur de Bourgongne : et promettra le Roy de non leur faire aide, secours, n'assistance quelconque, à-1'encontre de mondict signeur de Bourgongne, ses pais , signeuries, et sugets , en quelque manière que ce soit, ou puisse estre.

« Item, pour considération de ce que ce présent traitté fut des pieça , mesmement au temps de ma}', l'an 74 > pourparlé entre les gens du Roy, et entre les gens de mondict signeur de Bourgongne, le Roy consent et acorde, que toutes les places, viles, et terres, qui, depuis ledict pourparlement de cedict présent traitté, ont esté prises et occupées sur mondict signeur de Bourgongne, ses païs, sugets, et serviteurs , de quelque païs que ce soit , par les gens du Roy, et autres, qui de sa part sont et voudront

estre compris en ceste présente trêve, soyent rendues et restituées à mondict signeur de Bourgongne, et à sesdicts sugets et serviteurs : et ainsi le fera faire par effect, le Roy, de toutes celles qui sont en son obéissance : et les autres, qui sont de sa part en cestedicte trêve, seront tenus de le faire, quant à celles qui sont en leur puissance, avant qu'ils puissent jouir de l'efFect d'icelles trêves. Item , pour meilleur entreténement desdictes trêves, est acorde' que les places de Harcy et de Grondelle seront abatues, si desja elles ne le sont : et les terres demoureront de tel service, qu'elles sont.

« Item, pour considération de laquelle trêve, et mieux préparer et disposer toutes choses au bien de la paix perpétuelle, le Roy sera tenu de bailler et délivrer, et par effect baillera et délivrera, à mondict signeur de Bourgongne, les vile et bailliage de Sainct- Quentin, pour les tenir en tel droit, qu'il faisoit paravant l'encommencement de ces présentes guerres et divisions : et dedans quatre jours, après la délivrance d e toutes les lettres acordees , le Roy en baillera , ou fera bailler, l'entière et plaine délivrance et obéissance h mondict signeur de Bourgongne, ou à son commis à ce, en telle puissance, et à tel nombre de gens, qu'il plaira à mondict signeur de Bourgongne, en rendant seulement par le Roy ladicte vile de Sainct-Quentin, en sorte qu'il en pourra retirer son artillerie , telle qu'il l'y a fait mettre et amener , depuis qu'icelle vile s'est mise en son obéissance, sans toucher à l'artillerie appartenant au corps de ladicte vile, n'a autre, y estant avant que ladicte vile fnst mise hors de l'obéissance de mondict signeur de Bour-

d'olivier de la MARCHE. Zf1^

gongne, ou appartenant à autre qu'au Roy, ou à ses capitaines : et à ceste fin pourra mondict signeur de Bourgongne avoir aucuns de ses gens pour voir charger et emmener ladicte artillerie, appartenant au Roy, et à sesdicts capitaines : et, en recevant ladicte ouverture, obéissance, et délivrance de ladicte vile de Sainct-Quentin pour mondict signeur de Bourgongne, iceluy signeur baillera, ou délivrera, ou par son commis fera bailler et délivrer, es mains des gens et commis du Roy à faire icelle délivrance, ses lettres^ pour les manans et habitans dudict Sainct-Quentin, de les garder et entretenir en leurs biens, droits, et privilèges, et de non les travailler ou molester pour les choses passées, et aussi main levée de leurs biens immeubles, et de leurs meubles, estans en nature, et debtes non receues , ou aquitees , estans es pais de mondict signeur de Bourgongne, et de les traitter ainsi que bon signeur doit traitter ses bons sugets. Item, quant à toutes viles, places, et autres choses quelconques, dont cy-dessus n'est faicte expresse mention , et sur lesquelles n'est aucunement disposé et ordonné, elles demoureront en tel estât, party et obéissance, durant et pendant ladicte trêve, comme elles sont de-present.

« Item, icelle trêve et abstinence de guerre, et autres poincts cy-dessus déclarés, le Roy et mondict signeur de Bourgongne, pour eux, leurs hoirs, et successeurs, promettront, en bonne foy, en parolîe de roy et de prince, par leurs serments , donnés aux sainctes Evangiles de Dieu , sur leur honneur, et sous l'obligation de tous leurs biens, pais, et signeuries, avoir et tenir ferme et stable ; et icelle garder , entre-