CHAPITRE VI

Comment les Suisses dèconfirent le duc Charles de Bourgongne par deux fois.

En ce temps le comte Ame de Romont (0 rua jus certain nombre de chariots, apartenans aux Suisses : lesquels prirent mal en gré d'avoir este' pillés par le comte de Romont : et se mirent sus à grosse puissance : et le duc de Bourgongne vint au secours dudict de Romont, et prit aucuns Suisses, qui estoyent pour garder la place de Granson , apartenant au prince d'Orange : lesquels Suisses le duc de Bourgongne fit pendre et estrangler : et desiroit moult le duc de trouver les autres aux champs, et de les combatre : et, pour leur donner amorse de venir, il envoya ses archers de corps dedans le chastel de Vaumarcou : et le duc de Bourgongne l'endemain amena son armée , pour secourir ses archers de corps : et y eut grosse écarmouche : et fut le duc, et ses gens, rebouté : et à celle écarmouche mourut Pierre de Lignane : qui estoit un moult vaillant escuyer. Là mourut le signeur de Chasteauguyon , le signeur du Mont-Sainct-Sorlin, Jehan deLalain, Louis Raulin,

W Amè de Romont: lisez Jacques de Romont.

3c)6 MEMOIRES

signeur de Prusely, et plusieurs autres gentils personnages. En fin de compte (0, le duc de Bourgongne perdit celle journée, et fut reboute' jusques à Joingné : où il se sauva et garantit : et est raison que je die comment, et par quelle manière, se sauvèrent les archers de corps du duc. Apres la bataille déconfite, le capitaine d'iceux archers ( qui estoit un jeune escuyer , nommé George de Rozimbos ) quand il veit la bataille perdue pour nous, il parla aux archers : et leur dît , v Vous voyez l'inconvénient qui nous est advenu , et « le danger où nous sommes. Je seroye d'opinion « qu'encores-ennuict , à l'heure qu'il fera la plus- « grande nuict , et que les ennemis seront le plus- « endormis , que nous saillions tous ensemble Tespee « au poing, et passions parmy l'ost : car il est heure « de garantir noz vies. » Tous s'acordérent au conseil de leur capitaine, excepté un, qui estoit blecé. Si se partirent tous ensemble du chasteau , ainsi qu'il avoit esté conclu : et fut leur fortune si bonne, qu'ils passèrent franchement : et toute nuict chevauchèrent, et se vindrent rendre à Salins : où je les vey arriver : car je ne fu point à la journée , à cause d'une maladie que j'avoye. De Joingné le duc tira à Noseret : et devez entendre que le duc estoit bien-triste, et bienmelancholieux , d'avoir perdu celle journée : où ses riches bagues furent pillées , et son armée rompue.

Le duc se tira devant Lonzanne : où il se refortifia le mieux qu'il peut : et fit venir gens nouveaux, du païs de Hainaut , et aussi du païs de Gueldres : et en peu de temps refit une grosse armée : et se tira en

(0 Enfin de compte : la bataille de Granson fut livrée au mois d'avril 1476.

d'olivier de Là MARCHE. 3()7

païs , pour trouver lesdicts Suisses : et ala mettre le siège devant Morat (qui est une vile de la comté de Romont ) et y fit grandes batures et grandes aproches : et ne faillirent point lesdicts Suisses d'y venir : et pour la seconde fois fut déconfit M le duc de Bourgongne devant Morat : et luy tuèrent beaucoup de ses gens. Ainsi eut le duc de Bourgongne la fortune deux fois contre luy en peu de temps : et là mourut le comte de Marie, fils du comte de Sainct-Pol, et ce bon et vaillant escuyer Jaques du Mas , l'estendard du duc de Bourgongne en ses bras , qu'onques ne voulut abandonner.

Et, afin que je n'oublie rien , j'ay à ramentevoir ce que fit le duc de Bourgongne, après qu'il eut gaigné Liège , et que le Roy se fut party de luy. Le duc ouït dire 0») que les Liégeois s'estoyent retirés au païs de Franchemont : et se délibéra de les aler combatre : et vint en Franchemont par le plus-grand froid, qu'il est possible de faire : et se logea en un vilage, qu'on appelle Pouleuvre : où luy et ses gens endurèrent et faim et froidure. Toutesfois ceux d'Ais en Alemaigne luy envoyèrent quatre queues de vin : qui luy vindrent bien à point : et prestement en envoya l'une à monsieur de Bresse , et au signeur de Savoye ( qui estoyent aveques luy) dont ils firent grand'feste : et commencèrent vivres à venir : qui moult réconfortèrent l'armée. Au regard des Liégeois et de ceux de Franchemont, quand ils sceurent la venue du duc, et de son armée , ils s'enfuirent tous en divers lieux , et mesmement au plus espois des bois ; et avint que

(•) Fui déconfit: la bataille de Morat fut livrée au mois de juin 1 4?6\ — (3) Le duc ouït dire : cet événement est de Tannée 1 468.

le signeur de Traves, bourgongnon , et de ceux de Toulongeon se mirent si-avant en leur poursuitte, qu'ils furent par les Liégeois merveilleusement batus et navrés, et en danger de mourir : et, après que le duc de Bourgongne eut demouré certains jours à Pouleuvre, cuidant que les Liégeois luy deussent venir courre sus , il se partit d'icelu y lieu : et prit le chemin contre ses païs : et traversa les rivières de Franchemont (qui sont roides et profondes) par si -grand froid , qu'on ne pourroit plus-grand froid au monde. Là vey j'un flascon d'argent , plein de tizanne. La tizanne fut si-engelee dedans le flascon , que la force de la glace rompit ledict flascon : et pouvez penser si les pouvres gens-d'armes eurent pas leur part de la grande froidure : et le duc passa outre lesdîctes rivières, et se mit en chemin contre Namur, pour retourner en ses païs.

Et, après les deux fois (0 qu'avoit esté le duc rompu, nouvelles luy vindrent que le duc de Lorraine avoit mis le siège devant Nancy, et reconquis la plus-part du païs de Lorraine sur le duc de Bourgongne : et le duc (qui moult estoit courageux) à tout les gensd'armes qu'il peut recueillir , se tira prestement en Lorraine, en intention de secourir messire Jehan de Rubempré, son lieutenant, en la vile de Nancy. En ce temps, ou peu par-avant, les comtes de Chimay et de Maigne, en intention de fortifier la paix, qui estoit entre le Roy et le duc de Bourgongne, conclurent une trêve de neuf ans , pour le Roy , pour le

(') Et , après les deux fois : l'auteur se reporte ici aux deux défaites que Charles éprouva en Suisse. La trêve dont il est question fut conclue au mois de septembre i^5.

d'olivier de la marche. 399

duc , et leurs hoirs : où fut compris nommément monsieur le Dauphin , fils du Roy , et madame Marie de Bourgongne, fille du duc de Bourgongne (car ils estoyent nés et vivans) et fut celle trêve jurée et acordee du Roy et du duc : et, afin qu'il en soit mémoire, j'ay incorporé et enregistré ladicte trêve de neuf ans en ces présents mémoires, ainsi que le contenu de mot à mot ensuit.