CHAPITRE VIII

Comment le duc Charles de Bourgongne se saisit de madame de Savoje et d'un sien Jîls : et comment il fut déconfit et tué devant la vile de Nancy A en Lorraine,

Apres que le duc de Bourgongne eut esté la deuxième fois déconfit des Suisses devant Morat, luy , cuidant conduire son faict cauteleusement , fit une emprise, pour prendre madame de Savoye (0 et ses enfans, et les mener en Bourgongne : et, moy estant à Genève, il me manda , sur ma teste , que je prisse madame de Savoye et ses enfans, et que je les luy amenasse : car ce jour madicte dame de Savoye revenoit à Genève. Or , pour obéir à mon prince et mon maistre, je fi ce qu'il me commanda, contre mon cueur : et pri madame de Savoye et ses enfans, au plus-près de la porte de Genève : mais le duc de Savoye me fut dé-

(!> Prendre madame de Savoye : quelque temps auparavant, Charles avoit fait la guerre aux Suisses, pour défendre les droits de la maison de Savoie. Après sa défaite de Morat, il apprit que cette maison avoit trailé avec Louis XI Ce fut ce qui le détennina à s'assurer de madame de Savoie- Cet événement est de 1476.

robe (car il estoit bien deux heures en la nuîct) et ce par le moyen d'aucuns de nostre compaignie, qui estoyent'sugets du duc de Savoye : et certes ils ne firent que le devoir : et ce, que j'en fi , je le fi pour sauver ma vie : car le duc , mon maistre , estoit tel , qu'il vouloit que l'on fist ce qu'il commandoit, sur peine de perdre la teste. Ainsi je me mi en chemin : et portoye madame de Savoye derrière moy : et la suy virent ses deux filles, et deux ou trois autres de ses damoiselles : et prismes le chemin de la montaigne, pour tirer à Sainct-Claude. J'estoye bien-asseuré du second fils : et le faisoye porter par un gentilhomme : et cuidoye estre bien-asseuré du duc de Savoye : mais il m'avoit esté dérobé, comme j'ay dit : et , si tost que nous fusmes élongnés, les gens de la duchesse, et nommément le signeur de Manton , firent aporter torches et falots, et emmenèrent le duc de Savoye à Genève : dont ils eurent grande joye : et je , à tout madame de Savoye , et le petit fils ( qui n'estoit pas le duc ) passasmes la montaigne , à la noire nuict : et vinsmes à un lieu, que Ton appelle My-Jou, et de là à Sainct-Claude : et devez sçavoir que le duc fit tresmauvaise chère à toute la compaignie, et principalement à moy : et m en danger de ma vie , pource que je n'avoye point amené le duc de Savoye.

Si s'en ala le duc à Morat, et de là à Salins, sans me rien dire, ne commander : toutesfois je menay madame de Savoye après luy : qui ordonna qu'on l'amenast au chasteau de Rochefort : et de là fut menée à Rouvre, en la duché de Bourgongne : ne depuis je ne me meslay d'elle, ne de ses affaires : et fut pratiqué, devers le roy de France, d'envoyer quérir sa

d'olivier de la marche. f.jq

sœur. Ce qu'il fit : et y envoya deux cens lances : qui eurent entendement au chasteau : et par ce moyen fut la duchesse de Savoye recousse de la main de monsieur de Bourgongne.

Au temps dessùsdict (0, le comte de Varvick contraindit le roy Edouard d'Angleterre, de partir hors du royaume : et vint descendre en Zeeiande, où le duc de Bourgongne l'ala voir, et le reconforta de ses biens, le mieux qu'il peut : comme l'un frère doit faire l'autre, en tel cas : et aussi y descendit le duc d'Yorck , son frère : et fut le roy d'Angleterre grandement festoyé par messire Lois de Bruges, signeur de la Gruthuse : et depuis luy donna le roy d'Angleterre une comté, et luy fit des biens largement. Le roy Edouard estoit moult-aimé en Angleterre : et, conclusion , il retourna en son royaume, et en chacea le comte de Varvick : et ainsi je ren compte, par ce présent volume, de moult de choses avenues en six, ou en huict ans par-avant «j Ainsi, et par la manière dessusdicte, se fit la paix entre le roy de Fiance et le duc : qui donna moult- grand joye à tous leurs païs.

Alors le duc, averty du siège de Nancy, se hasta, à toute diligence, pour venir au secours de ses gens : et vint faire un logis es fauxbourgs de la vile de Tou (3) : et fut averti que ses gens, qui estoyent à Nancy, avoyent rendu la vile es mains du duc Régné : et fut par les Anglois ( qui estoyent les plus-forts dedans Nancy) qui contraindirent messire Jehan de

(0 Au temps dessùsdict : l'auteur se reporte à tfa. - « Paravant : avant la trêve qui Se trouve dans le chapitre vu de ce livre. ~

C3) Ton : hscz Tout.

Rubempré à rendre ladicte vile : et estoit mort nouvellement un gentil compaignon , Anglois , nommé Jehannin Collepin : et , tant qu'il vescut, il tint les Anglois ses compaignons en telle discipline , qu'ils n'eussent jamais rendu ladicte vile, ne tenu les termes, qu'ils tindrent audict messire Jehan de Rubempré : et en ce temps revint le comte de Campobasse , des marches de Flandres , et le comte de Chimay : qui amena les fiefs de Flandres : et estoyent desja une grosse bande : et le duc de Bourgongne retourna aveques eux, et revint mettre le siège devant Nancy, et commença la bature des gros engins , de toutes pars : et ne demoura gueres que le comte de Campobasse se partit du duc, bien-mal-content, pour certains deniers, que le comte disoit que le duc luy devoit. Soit vray, ou non, il abandonna le duc : et fit son traité secrettement aveques le duc de Lorraine ( ce que le duc de Bourgongne ne vouloit croire) et le duc de Lorraine pratiquoit les Suisses, pour les faire venir devant Nancy : et le Roy secrettement fournissoit argent au duc de Loi raine, délirant que l'on fist au duc de Bourgongne ce, que luy-mesme n'osoit entreprendre : et tant fit le duc de Lorraine , qu'il amena les Suisses, bien douze mille combatans : et le duc de Bourgongne leur ala audevant : et pren , sur ma conscience , qu'il n'avoit pas deux mille combatans : et estoit le duc mal-parly : et assemblèrent les deux puissances : mais les gens du duc de Bourgongne ne tindrent point : ains s'enfuirent : et se sauva qui mieux mieux : et ainsi perdit le duc de Bourgongne la troisième bataille (0 : et fut en sa personne ra- (0 La troisième bataille : elle eut lieu le 5 janvier i477-

d'olivier de la marche. 421

teint, tué, et occis de coups de masse. Aucuns ont voulu dire que le duc ne mourut pas à celle journée : mais si fit : et fut le comte de Chimay pris et mené en Alemaigne : et le duc demoura mort au champ de la bataille, et estendu, comme le plus-pauvre homme du monde : et je fu pris, la Mouche de Vere , messire Anthoine d'Oiselet , Jehan de Monfort , et autres : et fusmes menés en la vile de Fou en Barrois : et fut celle journée par un grand froid merveilleusement : et pouvez bien entendre que, quand nous fusmes avertis de la mort de nostre maistre, nous fusmes bien deconforte's : car nous avions perdu, en celuy jour, honneur, chevance, et espérance de ressourse. Toutesfois il faut faire du mieux que Ton peut, quand Ton est en nécessité.

Si fismes aveques noz ennemis pour noz rançons , le mieux que nous peusmes : et je demouray pleige (0 pour tous les autres : lesquels s'en alérent au païs, faire leur finance : et tant fi, que je finay la finance, dont j'avoye respondu : et, de moy, je demouray prisonnier toute la quaresme, et jusques environ Pasques, que ma finance fut trouvée : qui me cousta bien quatre mille escus : et avoye à faire à gentils compaignons de guerre : qui me tindrent ce qu'ils m'avoyent promis : c'est qu'il ne me revendirent point : et n'eu à faire qu'à un homme , nommé Jehannot le Basque : duquel je me loue, et de sa bonne compaignie. Mon argent trouvé, mes maistres me menèrent jusques à une vile , qu'on appelle Yguis : et là me délivrèrent et quitérent de toutes choses : et en celle vile d'Yguis j'avoye bien cent chevaux de la garde ( dont j'es-

(0 Pleige : caution , otage.

toye capitaine) qui attendoyent mon retour de prison : et, après avoir demouré trois jours à Yguis, je m'en party, et m'en retournay en Flandres, devers madame Marie de Bourgongne ma princesse : qui me receut, de sa grâce, humainement.