CHAPITRE IX

Comment madame Marie j fille et seule héritière du feu duc Charles de Bourgongne ,fut mariée à l'archeduc Maximiliam d 'Austriche : et des guerres qu'ils eurent avec le roj Louis de France „ onzième de ce nom.

En ce temps les Gandois tenoyent prisonniers messire Guillaume Hugonet , chancelier, et le signeur d'Imbercourt : et (quelque requeste ou prière, que leur sceust faire madicte dame pour eux : combien qu'elle fust leur princesse ) ils firent iceux deux mourir : et les décapitèrent (0 sur le marché de Gand : et, au regard de moy, je ne fu pas conseillé de me bouter en leurs mains : et demouray à Malines, aveques madame la Grande : qui me traitta humainement : et me tint tousjours compaignie un sommelier de corps du duc Charles , nommé Henry de Vers : et ainsi jedissimulay le temps, jusques après Pasques.

En ce temps , le duc Louis de Bavière , et l'evesque de Mets ( qui estoit de Bade ) par charge l'Empereur

(-) Les décapitèrent : cette exécution fut faite le 3 avril 1 477* -^es ministres étoient accusés d'intelligences avec Louis XI.

d'olivier de la marche. 423

vindrent devers madame Marie : et pratiquèrent le mariage de monsieur Maximiliam d'Austriche , fils de l'Empereur, et de madame Marie de Bourgongne : et, à la ve'rité', ils avoyent bien couleur de poursuyvre ledict mariage : car monsieur le duc Charles , en son vivant, désira qu'iceluy mariage se fist. D'autre part, Madame estoit requise du roy d'Angleterre, pour monsieur d'Escalles, fre're de la Royne : et faisoit le Roy de grandes offres : et le roy de France vouloit avoir madicte dame pour monsieur le Dauphin. Monsieur de Cléves la vouloit avoir pour son fils : et monsieur de Ravastain pour le sien : et ainsi estoit madicte dame pressée de toutes pars : et à un conseil, qui fut tenu , fut dict à madicte dame qu'elle feroit bien de de'clairer son vouloir, et lequel d'iceux maris elle vouloit avoir : et elle respondit froidement , « J.'enten « que Monsieur, mon père (à qui Dieu pardoint) conte sentit et acorda le mariage du fils de l'Empereur et « de moy : et ne suis point délibérée d'avoir d'autre « que le fils de l'Empereur. » Et, par celle seconde raison , les deux ambassadeurs dessusdicts avoyent bien cause de poursuyvre Madame : et , à la ve'rité, madame la Grande (0 tint fort la main au fils de l'Empereur, et au mariage d'eux deux : lequel, averti, descendit le Rin : et je m'en alay aveques le signeur du Fay, et le signeur d'Irlain : et furent mes aproches tellement faictes , que je fu retenu grand et premier maistre-d'hostel du fils de l'Empereur : lequel vint à Coujongne : et de là se tira à Gand : où il fut honnorablement receu, et à grand triomphe : et le soir,

(') Madame la Grande : la duchesse douairière.

après souper, monsieur Maximiliam, archeduc d'Austriche , vint veoir madamoiselle Mai ie de Bourgongne : et à l'aborder fut si-grand'foulle et si-grand'presse, qu'on ne sçavoit où se sauver.

Si vindrent en la chambre de parade : et là fut parlé du mariage : et ne fut pas ce propos longuement tenu : car tantost l'on fit venir un evesque : qui les fiança tous deux : et prirent jour, au Tendemain, de faire les noces : et Tendemain au matin fut amenée Madame, nostre princesse, par deux chevaliers ses sugets (asçavoir le comte de Chimay, et le signeur de la Gruthuse) et devant elle ( qui portoyent les cierges) estoyent Min Joncker de Gueldres, et madamoiselle de Gueldres sa sœur : qui esloyent lors deux beaux jeunes enfans : et fut toute la pompe, qui fut faicte à marier le fils.de l'Empereur, à la plus-grande héritière du monde : et ainsi se passèrent icelles noces (0 : et n'y eut autre chose faicte pour celuy jour.

Apres la mort du duc de Bourgongne, le roy Louis (qui avoit juré la trêve de neuf ans) n'en tint rien : mais assembla grosse armée, et prit des signeuries et des biens de madame Marie de Bourgongne , héritière, ce qu'il en pouvoit prendre et avoir. Il prit la duché et comté de Bourgongne, les comtés de Mascon , de Charolois , et d'Auxerre : et tout ce mit en sa sugettion. Il prit la comté d'Artois, et mesmement Arras: et luy changea son nom, en l'appellant Franchise. Il gaigna des principaux du conseil de la duchesse : et fit d'iceux paï's comme des siens propres : et marcha jusques devant Sainct-Omer : mais le signeur de Chan-

(0 Icelles noces : le mariage de Maximilien et de Marie fut célébré le 18 août 1 477*

d'olivier de là mahche. 4'2^

teraine , acompaigné des gens de l'hostel du duc Charles, et autres, entra dedans Sainct-Omer : et fit grande résistance à l'enconti e des François : et, pource que la duchesse de Bourgongne n'estoit pas lors bienfournie d'argent , ledict signeur de Chanteraine fit pour dix ou douze mille escus de monnoye de plomb, et la faisoit courre, et avoit cours parmy Sainct-Omer, et à-ï'environ : et par traitte de temps il rachapta toute icelle mauvaise monnoye, et paya ses créditeurs : qui luy fut grand honneur et grande décharge de conscience.

Quand le roy de France eut demouré assez longuement devant Sainct-Omer, et il veit et congnut qu'il n'y auroit point d'entendement , et que la vile estoit bien gardée, il se délogea, et s'en retourna contre Arras : et, par entendement qu'il eut aveques le signeur des Cordes , la vile luy fut rendue (0 : et, en ce temps, monsieur Maximilian d'Austriche, nostre prince, prit cœur et courage : et commença à. congnoistre quels gens-d'armes il avoit : et, depuis sa venue, je ne trouve point que mondict signeur ne Madame perdissent aucune chose , par la puissance ou soubtiveté du roy de France : et tantost se tira l'archeduc aux champs , à bonne puissance de gensd'armes : et vint mettre son camp assez près de Valenciennes, et de là es faux-bourgs de Douay : et, pendant ce temps, le comte de Chimay , à la requeste du roy de France, se tira devers luy : et pratiquèrent unes trêves briéves : et par ce moyen rendit le Roy la vile du Quesnoy , qu'il tenoit en ses mains :

(') La ville luy fut rendue : Louis XI prit Arras au mois de mars

auquel estoit le comte de Dammartin , et ses neveux , et beaucoup de bons gens-d'armes : qui abandonnèrent le Quesnoy , par le commandement du Roy : et fut icelle trêve bien entretenue : et l'archeduc s'en retourna voir sa femme.

En ce temps, par le moyen de l'evesque de Tournay , et de maistre Ànthoine Auveron , le roy de France acorda unes trêves pour les laboureurs et seyeurs de blé : et, quand le roy de France veit que lesdicts seyeurs estoyent au plus -grand nombre, nonobstant la trêve , il envoya ses gens-d'armes , et fit prendre tous iceux laboureurs et seyeurs : et en tirèrent les gens - d'armes françois grans deniers et avoir : et, onques depuis, le roy de France ne voulut ouïr parler de celle trêve, ne de celle exécution. L'archeduc d'Austriche se tira en sa vile de Bruges : et là furent mandés ceux, qui estoyent demourés âei chevaliers de la Toison d'or : qui n'estoyent point grand nombre. Mais l'archeduc fut conseillé de relever ladtcte ordre , vaquant par la mort du duc Charles : et estoit commune renommée que le roy Louis vouloit relever laclicte ordre de la Toison d'or , comme duc de Bourgongne : et vouloit dire, que par les ducs de Bourgongne estoit celle ordre fondée : et luy sembloit qu'il se fortifieroit, pour relever icelle ordre, et que sa conqueste de Bourgongne en vaudroit de mieux : mais l'archeduc anticipa : et vous declaireray la manière, qui fut tenue à relever icelle ordre.

Les chevaliers de l'ordre, venus en leur conclave, trouvèrent en la place du chef (c'est à dire de monsieur le duc Charles) un coussin de velours noir : et sur

d'olivier de la marche. 427

iceluy avoit un colier de la Toison : et les chevaliers requirent tous à mondict signeur l'archeduc, qu'il vousist iceluy ordre renouveler, et prendre le lieu de monsieur le duc, que Dieu pardoint. Ce qu'il acorda libéralement : et marchèrent, pour venir à l'église préparée à ce, par la manière qui s'ensuit. Premièrement marchoyent quatre officiers de la Toison, et après iceux toutes manières d'officiers -d'armes, la cotte d'armes au dos : et les deux principaux menoyent par la bride une blanche haquenee, couverte de velours noir : et portoit ladicte haquenee le coussin , et le colier , dont j'ay premier parlé : et puis venoyentles chevaliers de l'ordre, à tout leurs manteaux, deux et deux : et puis venoit monsieur l'archeduc d'Austriche (qui ne portoit point encores l'habillement de la Toison ) et estoit ce triomphe bel, et piteux à veoir : et vindrent descendre à Nostre-Dame : et y avoit un hourd préparé, et principalement pour seoir les chevaliers : et , les chevaliers assis, monsieur de Tournay fit une harangue en latin : par laquelle il donnoit à congnoistre, à monsieur l'archeduc, que c'estoit de celle Toison, et comment il en faloit user : et fit de moult -belles remonstrances , à mondict signeur l'archeduc d'Austriche : et , pour acomplir le mistére, monsieur de Ravastain fit chevalier monsieur l'archeduc : et puis luy et Toison-d'or le menèrent en une chapelle : où ils luy vestirent le manteau de Tordre, et luy mirent le colier de la Toison au col, et puis le ramenèrent à la veiïe d'un chacun : et lors commença la messe, et le service de Dieu : et, la messe achevée, s'en retournèrent comme ils estoyent venus : excepté qu'il ne fut plus nouvelle ne de la ha-

quenee, ne du coussin : et sur ce point s'en alérent disner : et tantost furent nouvelles aportees à l'archeduc, que le roy de France estoit entré en ses païs , et avoit assiégé la vile de Condé : en laquelle estoit capitaine, pour l'archeduc, le signeur de Mingonal : qui ne tint pas la vile longuement : mais la rendit au roy de France.

En celuy jour, qu'il avoit relevé la Toison d'or, se partit l'archeduc, acompaigné du comte de Chimay : et rassembla ses gens-d'armes le mieux qu'il peut : et tira contre le roy de France, à toute puissance et diligence : et si -vivement marcha, que le roy de France fut contraint de mettre le feu à Condé, et mesme à Moi taigne ( qui est l'ancien héritage du roy de France) et se retira le Roy à Arras et l'archeduc d'Austriche le suivit jusques au Pont-à-vendin : et ainsi l'archeduc reconquit, en peu d'heure, plus que le roy de France ne luy avoit pris du sien : et monstroit bien que luy, qui n'avoit que dixneuf ans , avoit courage de prince, et d'homme chevaleureux : et marcha contre le Pont-à-lesaux : et eut tantost des gens-d'armes assez : et y vindrent les Brabançons , en grosse puissance : et monsieur de Romont et le bailly de Gand amenèrent les Flamans en grand nombre.

En ce temps madame l'archeduchesse acoucha, à Bruges, d'un beau fils : qui està-present nostre prince, le plus-bel, le mieux-adextré, etadrecé, que l'on pourroit nulle part trouver. Dieu le nous veuille garder. Grande joy e fut , parmy l'ost , de la nativité de ce noble enfant : et fut requis monsieur l'archeduc, que l'enfant eust nom Philippe, en mémoire des biens et de la tranquillité, que les pais eurent du temps du bon duc

d'olivier de là marche. 429

Philippe, que Dieu pardoint (0. Le noble enfant fut baptisé à Bruges : et fut monsieur de Ravastain compère, et madame la Douagiére commère : et* fut porté à Sainct-Donas, par-dessus un pont élevé, à grand nombre de torches, et lumière. Là estoyent madame de Ravastain, madame de la Vére, et si-grand nombre de dames et de damoiselles, que c' estoit belle chose à voir. Les nations, tant estrangéres que privées, firent de celle nativité grande feste : et fut l'enfant baptisé solennellement, et eut nom Philippe comme j'ay dit dessus. Encoresvit et règne iceluy Philippe, et est nostre prince : et Dieu le nous veuille garder.

Or laisserons à parler du faict du baptesme : et retournerons à la conduite de la guerre, et du logis de monsieur l'archeduc , qu'il fit au pont-à Lessault. L'archeduc estoit fort acompaigné : car il avoit Flamans et Brabançons en grand nombre : et si avoit une bonne puissance de ceux de Juilliers : que le duc de Juilliers luy avoit baillés pour ce voyage. Il avoit une bonne esquadre de Lansquenets : et se meut un. débat entre lesdicts de Juilliers et les Lansquenets : mais l'archeduc les appaisa : et ne fut pas sans grand' peine. Ainsi fut longuement nostre prince attendant la bataille : car le roy de France estoit à Arras, à grosse puissance de gens aveques luy : et faisoit le Roy pratiquer une trêve de dix mois : laquelle , après plusieurs journées tenues, luy fut acordee , en espérance que7 pendant iceluy temps, un bon appointement de paix se trouveroit. Les trêves jurées (2) d'une part et d'autre, l'archeduc s'en retourna à Bruges, et destendit

(0 Pardoint : pardonne. — W Les tre'y es jurées : ces trêves sont du mois de juillet 1478.

43o MEMOIRES

son armée : et, au relèvement de celle noble princesse, furent faictes joustes, tournois, banquets, danses, et carolles, et toutes manières de bonne chère : et se retirèrent l'archeduc et l'archeduchesseà Gand : et, certains jours après, ils firent venir l'enfant (0 au maillolet, et es mains de sa nourrice : et devez croire que l'on luy fit bonne chère, et principalement madame sa mère : et de Gand tirèrent à Brucelles : et l'archeduc sollicita de ses affaires : car il voyoit la trêve faillir : et estoit besoin qu'il pourveust à son faict.

En ce temps, sous le port et faveur du prince d'Orange, les Bourgongnons mirent les François hors de la comté de Bourgongne : mais le roy de France fut diligent, et bien servi : et, si tost que la trêve fut passée (2) , il reconquit la comté sur les Bourgongnons : et disoit on que c'estoit le signeur d'Àrban, qui avoit vendu au Roy le chasteau de Jou , quatorze mille escus (lequel chastel madame Marie luy avoit baillé en garde) et que par celle entrée la comté dé Bourgongne fut légèrement par les François reconquise : et, sur la fin d'icelles trêves, le roy de France fit ses aprestes, de son costé, pour courre sus à l'archeduc : et l'archeduc faisoit semblablement ses aprestes, pour courre sus au Roy : et se tira l'archeduc à l'Isle, et de là au Pont-à-vendin : et estoit fort acompaigné de Flàmans, et plus que je n'en vey onques ensemble : et certes le bailly de Gand, messire Jehan, signeur d'A.dizelle, les tenoit en bon ordre, et en grande crainte :

(0 Venir l'enfant : cet enfant fut porté à Gand au mois d'août i4/8. Les Gandois allèrent au-devant de lui avec trois mille chevaux; il fut reçu à la porte par une députation de deux cents enfaus des meilleures familles. — (2} La trc've fut passée : en i479-

d'olivier de la marche. 43 r

et estoit fort-aimé en Flandres. L'archeduc avoit une bonne bande d'Alemans , Lansquenets , et bonne et grosse armée des nobles-hommes de ses pais : et le Roy envoya au Pont-à-vendin , devers luy, monsieur de Courton, neveu du comte de Dammartin, et un escuyer de sa chambre, nommé Brandely de Champaigne : et tendoit à fin de ralonger lesdictes trêves : mais l'archeduc n'y vouloit entendre : et se partit ledict signeur de Courton, sans rien faire, pour celle fois : et je fu envoyé devers le Roy, pour luy parler de ceste matière , en luy persuadant et requérant qu'ils se peussent voir eux deux, et qu'ils acorderoyent bien ensemble : mais le roy de France s'excusa, et à ceste veiïe ne voulut point entendre : parquoy l'archeduc passa le Pont-à-vendin, et luy, et son armée, à moult-belle ordonnance, et vint prendre camp, et se mettre en bataille, demie lieue outre le Pont-à-vendin : dont le roy de France fut moultmal-content : car il n'avoit voulonté de combatre : et tant pratiqua le Roy, que trêves nouvelles furent acordees, et jurées d'une part et d'autre : et l'archeduc repassa le pont : et donna congé à toutes manières de gens-d'armes, et s'ala festeyer à Tlsle, à son privé estât (0.

(0 A son privé estât : la bataille de Guinegate, gagnée par Maximilien, est omise dans ce récit, ce qui fait croire que le texte a été mutilé.