CHAPITRE XII

Comment V archeàuc Maximilian recouvra la vile de Gandj, et le comte de Flandres , son fils, dedans.

Or regardon comme ce bon Dieu meine les choses à son bon plaisir, et comme il fait de la guerre la paix, et de la paix la guerre. Iceluy bon Dieu inspira un grand doyen de Gand : qui avoit este' l'année de devant doyen des navieurs, et avoit grande puissance en la vile : et se nommoit Matis Paiart. Cestuy Matis, voyant le tort que ceux de Gand avoyent de leur prince, de luy tenir son fils contre son gré, la destruction du peuple de Flandres , et les maux qui tous les jours avenoyent , s'acompaigna d'aucuns compai* gnons de bonne part : lesquels estoyent serviteurs de monsieur de Ravastain, et de sa maison : et ausquels Matis Paiart découvrit son intention : et chacun assembla ses amis et bien-vueillans : tellement qu'ils se trouvèrent si-bon nombre de gens de bon

d'olivieu de la marche. 447

vouloir, qu'ils fuient maistres de la vile de Gand : et crioyent , Vive Austriche et le jeune prince : tellement que nul n'osoit parler au contraire.

Coppenolle s'enfuit en France.: et demoura la vile de Gand es mains de gens , qui ne demandoyent que la paix, et l'amour de l'arclieduc, et de leur prince : et prirent en conseil d'envoyer devers l'arclieduc, qui estoit à Bruges : et y fut Matis Paiart, et autres, des meilleurs de la vile. L'arclieduc leur fit bonne chère : et tellement traitèrent, que jour fut pris, que l'arclieduc devoit aler à Gand, fort et foible, et à son plaisir : et luy devoit on amener son fils au-devant, pour le recevoir : et, quand ce vint au partir de Bruges, il m'envoya querre le signeur de la Grutliuse en la prison : lequel me fut prestement délivré : et je l'amenay, par-derriére, à l'hostel-verd : et trouvay deux gentils- hommes , à qui monsieur l'arclieduc avoit baillé la charge , aveques aucuns archers, pour garder mondict signeur de la Grutliuse : et le fey venir après luy, à chariot, jusques à Gand : et le jour venu, que l'arclieduc devoit faire à Gand son entrée, il assembla son armée ( où il pouvoit avoir trois mille combatans, et non plus) et les mit en ordre, comme je vous diray : et, quand l'arclieduc approcha Gand, à une lieue près , le signeur de Ravastin acompaigna monsieur l'archeduc le jeune, à venir au-devant de son père : et estoit fort acompaigné : et monsieur l'arclieduc s'arresta emmy les champs : et luy fut amené son fils : dont il eut moult-grande joye : car il y avoit jahuict ou neuf ans (0, qu'il ne l'avoit veu. Le

(0 Huict ou neuf ans : le jeune archiduc ne l oit séparé de son père que depuis quatre ou cinq ans.

fils ne congnut point le père : si-non que, quand il aprocha, le père baisa son fils : et alors se prit le fils à larmoyer : et ainsi chacun se mit au chemin contre Gand : et messire George des Cornets, signeur de Meulebeck, alors grand-bailly pour ceux de Gand, présenta à mondict signeur la verge de Baillieu : mais mondict signeur ne la voulut point prendre : et dit qu'il la portast encores, jusques autrement en auroit ordonné : et ainsi se tira la compaignie contre Gand : et conduisoit monsieur de Nassau les gens-de-pié : et estoit mondict signeur de Nassau le premier en front, comme les autres, la picque sur le col : et d'empres luy estoit min Joncker de Gueldres, Philippe monsieur de Ravastain, et le comte de Joingny : et, par ordonnance faicte , ils devoyent tousjours marcher cinq ensemble : et après suivoyent barons et chevaliers, et puis les piétons Alemans : et estoit une moultbelle bande à veoir : car ils estoyent bien deux mille combatans : et puis venoyent les gens-de-cheval en une grosse flotte : et entre les gens-de-pié et les gensde-cheval estoyent monsieur l'archeduc , son fils, monsieur de Ravastain, et les autres grans signeurs, et les gens-de-conseil.

Ainsi entrèrent ils à Gand, sans nul contredict : et fut mené monsieur l'archeduc , et monsieur son fils, en leur hostel, à Gand : lequel ils trouvèrent préparé pour les y loger : et se logea chacun : et mesmement les piétons furent logés es hostels des bourgeois ( qui n'estoit pas au gré de tous) et, quand vint sur le soir, ceux de Gand se commencèrent à mutinacer : et tous d'une opinion coururent au marché : et les piétons Alemans, et autres se tirèrent à l'hostel du prince : et

d'olivier de la marche. 449

monsieur l'archeduc se vint loger en ma chambre (qui estoit sur la porte , devant) et ce fit il pour estre entre ses gens : là tint conseil qu'il estoit de faire : et sembla, pour le mieux, de voir que les Gandois feroyent pour celle nuict : et chacun se tint sur sa garde : mais le comte de Nassau, acompaigné de Wallons, avoit gaigné le pont, là où on coupe les testes : qui estoit la droite venue des Gandois, pour venir contre l'hostel du prince.

Ainsi se passa celle nuict : et, le lendemain matin, l'archeduc , acompaigné des piétons d'Alemaigne , marcha contre l'hostel de la vile : et fit arrester ses gens en un coing de rue, vers la poissonnerie : et ala parler à ceux de la vile : et leur offrit de prestement déloger ce peuple : mais ils luy prièrent qu'il n'en fist rien, et qu'ils trouveroyent manière que chacun s'en retourneroit en sa maison : et alérent deux des notables de l'hostel de la vile parler au peuple : et leur remonstrérent comment le prince ne pouvoit voir, ne souffrir iceux, assemblés contre luy, et qu'ils mettroyent la vile en grand péril : car, s'ils estoyent déconfits, ils estoyent morts, et la vile perdue : et leur conseilloyent d'eux retirer , chacun en son hostel : et qu'ils estoyent bien-asseurés du prince, et qu'il ne leur demanderoit rien. Ce peuple promit d'eux en retourner en leur maison, priant à l'archeduc qu'il se retirast en la sienne , et retirast ses gens-d'armes. Ce que l'archeduc fit : et ramena tous ses gens en sa maison : et se repeut chacun de ce qu'il pouvoit avoir : mais les Gandois ne bougèrent du marché : et, à la vérité, ils estoyent si effrayés, qu'ils ne sçavoyent qu'ils devoyent faire : car ils estoyent 10. 29

peu de gens mal-conduils , et mal-empoint : et le comte de Nassau ofFroit tousjours de leur courre sus, et de les deffaire : et par ce moyen estoit le prince perpétuellement signeur et maistre de Gand, et de toute Flandres : mais monsieur Philippe de Cléves favorisoit les Gandois : et disoit à monsieur l'archeduc, qu'il ne se pouvoit faire, sans destruire Gand : et, quand Gand seroit destruite, il perdroit la fleur et la perle de tous ses païs : et ainsi ne sçavoit l'archeduc que faire : et dissimula jusques à la nuict : et les Gandois se délogèrent du grand marché ( pource qu'ils estoyent trop peu de gens ) et se vindrent loger au petit marché ( qui est entre le chasteau et saincte Vairle) et fut une fois conclu de les assaillir pai -derrière, du costé de la coppe, et de rompre les maisons, pour passer les gens-d'armes : et ne demandoit monsieur de Nassau autre chose : et persuadoit tousjours que Ton fist celle exécution : et au regard des Alemans , qui estoyent en la court , à l'hostel du prince, ils estoyent en bonne voulonté de bien besongner : et estoit belle chose de voir faire les dévotions, et eux recommander à Dieu : et s'estendoyent tous sur la terre, en baisant icelle : et, en vérité, je vey voulontiers leur manière de faire : et ainsi vint le noir de la nuict : et ne peut estre monsieur de Nassau creu, au conseil qu'il donnoit : et par celle noire nuict les Gandois se dérobèrent de la compaignie, et se retira chacun en sa maison.

Au poinct du jour les notables de l'hostel de la vile vindrent à monsieur l'ai cheduc : et luy remonstrérent que ce peuple estoit retiré, et qu'il luy pleust avoir pitié d'eux. Ce que l'archeduc acorda : et ordonna à

d'olivier de la marche. 45*

monsieur de Ravastain, et à moy, de conduire monsieur son fils, à Termonde. Ce qui fut faict : et l'archeduc vint convoyer son fils, jusques hors de la vile deGand : et avoit ses gens-d'armes aveques !uy : mais ils ne partirent point hors de la vile de Gand : et ainsi fut monsieur le jeune prince tiré de la vile de Gand, et hors de leur pouvoir , et mené en sa vile de Termonde : où il fut receu à grande joye : et l'archeduc s'en retourna à Gand : et furent aucuns pris des pluscoupables de celle émotion : et furent décapités : et le tout pardonné à Gand , moyennant certaine somme de deniers.

L'archeduc envoya messire Baudoin de Launoy, et messire Jehan de Bergues, pour mener monsieur l'archeduc son fils à Brucelles. Ce qui fut faict : et puis l'archeduc vint après : et fut l'armée destendue pour celle fois : et se tira l'archeduc, en sa vile d'Utrecht sur Meuse : où il séjourna assez longuement : et là eut nouvelles d'Alemaigne ( qui luy furent fort-agreables) et se tira en son pais de Brabant : et s'en ala tenir en un petit chasteau, qui est à l'abbé de Sainct-Michei d'Anvers , et hors de la vile : et là n'avoit que ceux de son secret conseil : et fit plusieurs lettres en Alemaigne, pour gaigner les électeurs et princes du païs : et là fît préparer secrètement les dons et presens qu'il vouloit faire : et, à son parlement d'Utrecht, il ordonna l'evesque de Cambray, l'abbé de Sainct-Bertin , et moy, pour demourer audict lieu d'Utrecht, et parlamenter aveques les Liégeois : et y demourasmes bien six mois à peu d'exploit, et à grandes paroles : car messire Guillaume d'Arembercu tenoit la vile de Liège sous sa main : et ainsi y perdismes le temps.