CHAPITRE XI

Comment T archeducMaximïlian d ' Austriche fit guerre aux Gandois^pour retirer Philippe , son fils j comte de Flandres , hors de leur gouvernement.

Or reviendrons aux Gandois : qui firent grande feste de ce qu'ils avoyent le jeune prince en leurs mains : et tantost trouvèrent assez d'adherans à leur voulonté, tant pource qu'ils payoyent bien et largement (car les deniers venoyent du peuple , et ne leur coustoyent rien) comme pource que ledict Guillaume Rin leur preschoit , et leur donnoit à entendre (à sçavoir au peuple ) que ce , qu'ils faisoyent , estoit pour le bien et utilité du jeune prince , et que tousjours vouloyent demourer ses loyaux sugets : et disoyent que l'archeduc, le père, ne vouloit avoir gouvernement du païs , ne du fils , sinon pour porter les grans deniers des païs de pardeça , en Alemaigne : et ainsi abusoitles gens et le peuple : et, au regard des adherans, ils eurent le comte de Romont, fils de Savoye , le signeur de Ravastain , le signeur de Reure f fils du bastard de Bourgongne, lé signeur de la Gruthuse, le signeur de Treisignies, le signeur de Raceguyen, le bailly de Gand, le signeur d'Adiselle, et moult d'autres : et ainsi monsieur l'archeduc, nostre prince , ressembla sainct Eustace , à qui un loup ravit son fils, et un lyon sa fille : et par ce moyen s'aigrit la guerre de toutes paris : et ne veuil point parler des

menues choses, avenues en icelle guerre (car ce ne sont que meurdres, et rançonnemens de gens) mais parleray des grandes choses, qui avindrent en celuy temps , et durant celle guerre : et commencerons à la prise de Termonde, faicte par l'archeduc, sur les Gandois (0.

En ce temps l'archeduc, nostre prince (qui avoit bon vouloir de se venger de ceux dé Gand ) conceut secrètement comment il pourroit prendre Termonde: et fit son assemblée de gens-d'armes en la vile de Malines : et estoit acompaigné de messire Jehan de Bergués, de messire Baudoin de Launoy, et du signeur de Chanteraine : et, pour conduire son faict plus subtilement, avec un peu d'entendement qu'il avoit en aucuns de la vile de Termonde, mit sus une douzaine de compaignons de guerre, dont Jaques de Fouquesolles estoit le chef : et habilla les uns en moynesnoirs; et les autres en moynes-blancs, les autres en religieuses noires, et les autres en religieuses blanches : et fit d'iceux religieux et religieuses deux chariots : et les envoya contre Termonde, pour aborder à la porte, sur le poinct du jour : car ceux, qui avoyent entendement aveques l'archeduc, devoyent avoir la garde de la porte à icelle heure. Si se partit l'archeduc, à tout ses gens-d'armes à cheval, bienmatin : et ala mettre une grosse embusche assez près de Termonde, en un lieu, qu'on dit la Maladrie : en laquelle embusche il estoit luy-mesme en personne.

C1) Sur les Gandois : on voit que plusieurs grands seigneurs s'unirent avec les Gandois conlre Maximiiien. Ils craigpoient que, si ce prince a.voit la garde de ses enfans, l'administration du pays ne tombât enlre les mains des Autrichiens.

d'olivier de la marche. 4^9

Il avoit ses signes entre les moynes et nonhains, et luy et son faict tresbien ordonné : et, quand vint à la porte ouvrir, les deux chariots de moynes et nonnains entrèrent en la porte , et firent signe à l'archeduc : lequel, luy et sa compaignie, à course de cheval, ala vers la porte de Termonde : et trouva que ledict Jaques de Fouquesolles et ses gens estoyent à pie', les vouges et les battons au poing : et avoit gaigné la porte : et tantost les gens-de-cheval entrèrent dedans, et tirèrent tout droit jusques au marché : et, à gaigner iceluy marché, fut tué l'un des fils du comte de Sorne : dont ce fut dommage : car il estoit bel et bon gentilhomme. Si ordonna Farcheduc gens-de-bien , pour aler par les rues, et asseurer le peuple : et par ce moyen chacun rentra en sa maison : et le Tendemain il ne sembloit pas que la vile eust eu affaire n'effroy : mais estoit toute rapaisee , sans pillage, n'autre meurdre : et demoura l'archeduc à Termonde assez longuement : et, pour la seureté et gouvernement d'icelle bonne vile, il y ordonna capitaine mesgire Jehan, signeur de Melun (qui s'y conduisit notablement) et s'en retourna l'archeduc à Brucelles.

En ce temps, monsieur de Romont (qui estoit lors capitaine de Gand , et de Flandres, pour les Gandois ) fit une assemblée de Flamans, et principalement Gandois : et se mit aux champs : et marcha jusques à Assele (0 : où il se logea, et y demoura certains jours : et monsieur l'archeduc, désirant de le combatre, voulut assembler gens, pour luy courre sus: mais ceux de Brucelles ne voulurent point que l'on fist guerre de la vile de Brucelles, contre ceux de

l1) Assele : lisez Assche, ou Ascha.

Gand : et ainsi ne peut l'archeduc pour celle fois rien exécuter : mais il fit praticquer le peuple de la vile de Brucelles : et par un matin le fit venir sur le marché, en grand nombre : et luymesme ala enl'hostel de la vile , et demanda aux gouverneurs , s'ils entendoyent point qu'il se deust defïendre de ses ennemis, par la vile de Brucelles. Us furent un peu longs en response : et l'archeduc leur dît , « Le peuple est as- « semblé pour me donner aide : et ( qu'il soit vray ) « venez aveques moy : et nous sçaurons d'eux leur « voulonté. »

Les gouverneurs furent tous ébahis : et parlèrent autrement qu'ils n'avoyent fait : et l'archeduc parla au peuple : qui tous se déchirèrent à faire ce qu'il voudroit, et eommanderoit : et, celle response ouïe, me dépescha l'archeduc : et à celle propre heure je me parti, pour aler pratiquer les Hannuyers, pour venir au service de l'archeduc. En ce temps l'archeduc avoit fait pratiquer un serviteur de Piètre Metenay, nommé le bastard de Retane : et estoit lors capitaine du chasteau d'Audenarde, pour les Gandois. Iceluy serviteur estoit lieutenant dudict Piètre audict chasteau : et asseura ledict archeduc de le mettre au chasteau, fort et foible : et , pour parfaire et asseurer ceste pratique, après que le comte de Bomont et ses gens se furent délogés du lieu d'Ask , l'archeduc se partit , et vint à Mons en Hainaut : et éleva les signeurs et les compaignons- de-guerre de Hainaut, pour l'acompaigner à mener fin à son emprise : et ne s'en découvrit pas à chacun. Il se mit devant , pour guider les gens-d'armes : et chevaucha la plus-part d'icelle nuict :et prit un si-grand tour au tour d'An-

d'olivier de la marche. 44 l

denarde, qu'il ne fut point ouy de ceux du guet : et par bonne guide fut mené à l'entrée du chastel d'Audenarde : où il trouva ledict bastard de Retane, son marchand : et fut pris, dedans, Piètre Metenay, couché avec sa femme: lequel ne sçavoit rien de celle emprise.

L'archeduc mit bonne garde audict chasteau : et, à torches et falots, et à grande puissance de gensd'armes, entra dedans Audenarde, environ heure de minuict : et fit dire par les rues, et par les maisons, que nul ne s'effrayast, ne bougeast de sa maison : et qu'il ne vouloit que bien à ceux de la vile d'Audenarde. Chacun se logea quoyement , et sans bruit : et le noble archeduc se logea au Cerf : et tint ses gens- d'armes en telle discipline , qu'il n'y eut ne pillage, bature, ne meurdre faict, en icelle prise: et le l'endemain furent les eschoppes , et bouticques ouvertes , et toute manière de marchandise mise comme par-avant : et ainsi fut celle vile d'Audenarde prise par le chasteau : et l'archeduc donna la capitainerie dudict chasteau , audict bastard de Retane : pource qu'il avoit esté cause qu'il avoit gaigné ladicte vile et le chasteau.

En ce temps le comte de Romont, averty d'icelle prise , assembla une grosse bande de François , de Gandois, et autre manière de Flamans, autant qu'il en pouvoit finer, ne trouver : et vint faire un gros logis entre Ayne et Audenarde , sur la rivière : et fortifia iceluy logis, de tranchis et d'artillerie, tellement qu'il estoit fort à conquérir : et en ce mesme temps le signeur des Cordes , fort-acompaigné de François, entraàGand, fortetfoible, et à son plaisir:

44 â MEMOIRES

et estoit commune renommée qu'il estoit venu pour emporter, au roy de France, le jeune archeduc. Fust vray, ou non, il ne se hasta point de découvrir son intention : et, durant ce temps, une e'carmoucbe fut entre aucuns Gandois et François à rencontre des gens de l'arclieduc : mais, pource que lesdicts François ne s'avanturérent point assez, au gré des Gandois leurs compaignons, ils mirent sus ausdicts François, qu'ils les vouloyent trahir, et laisser meurdrir, par les gens de l'arclieduc : et, sur ce, s'en revindrent en leur ost, et emplirent tantost, de ce language, toute la compaignie : et les Flamans, doutans que ce ne fust vérité, s'élevèrent tous à une flotte, et tous ensemble tirèrent contre Gand : et, quand le signeur des Cordes ( qui estoit a Gand) fut averty de la venue d'iceux Flamans, il monta à cheval, luy et sa compaignie : et se partit, sans dire à Dieu, par une autre porte : et tira à Tournay.

L'arclieduc et ses gens firent grande poursuitte, pour les atteindre : mais ils ne peurent : et tourna l'arclieduc son armée contre Gand, délibéré d'y donner l'assaut : et, s'il eust esté bien obeï, il leur eust fait une terrible venue ( car il avoit sagement pourgetté son faict) mais les Flamans firent un alarme à l'autre bout de l'armée : auquel alarme monsieur Philippe de Cléves courut, acompaigné de ses gens, et de grande partie de ceux de monsieur de Nassau : et par ce moyen le noble archeduc faillit à son emprise. L'emprise faillie, l'arclieduc s'en retourna à Àudenarde : et là les Wallons l'abandonnèrent : et , à la vérité, ils servirent longuement sans payement. Mais le noble prince ne s'ébahit de rien : et rassembla

d'olivier de ea marche. 44^

ce qu'il avoit d'Alemans : où il avoit une bonne bande: lesquels Alemans il contenta le mieux qu'il peut : et prit une picque dessus son col, comme un piéton: et mena iceux Alemans au païs de Vas : où ils trouvèrent grande paye, et grand butin de bestes à corne : et de là tira à Anvers : et fit desdictes bestes argent: et en revestit tous les povres compaignons de sa cornpaignie : et pendant ce temps il fit venir des navires , et se bouta en mer, et fit grande guerre aux Flamans de ce coste', et mesmes au quartier de Bervillier (0 : et estoyent les Flamans tous ébahis de la diligence et travail de ce prince : qui espousa la guerre incessamment, maintenant par la mer, maintenant par la terre : et nesçavoyent de quel costéeux garder. En celle saison Guillaume Rin (qui estoit l'idole et le dieu des Gandois) se tira à Allost, pour faire une exécution : mais ceux de Gand machinoyent desja contre ledict Guillaume Rin : et luy mettoit on dessus, qu'il avoit esté cause de faire venir le signeur des Cordes à Gand, et les François : et qu'il queroit de prendre et emmener le jeune prince es mains du roy de France, et plusieurs autres choses, que l'on a acoustumé de trouver sur un homme, que l'on veut deflaire : et principalement luy disoyent qu'il avoit esté cause de rompre certain traitté, faict à Termonde, pour le bien de la paix : et disoit que ses maistres ne vouloyent point tenir le traitté : et sesdicts maistres (c'est à dire ceux de la loy) disoyent qu'ils n'en avoyent onques ouy parler : et à defFaire Guillaume Rin tint fort la main le signeur de Ravastain, et maistre Jehan du Fay. Si fut dépesché un mande-

(>) Bervillier; lisez Biervliet.

ment , de-par ceux de Gand , pour aler prendre lediet Guillaume Rin au corps, et l'amener à Gand : et fui la commission baillée au bastard de Fievin , bon homme-d'armes : qui bien et diligemment l'exécuta : et amena Guillaume Rin prisonnier : et fut son procès faict, et par ce procès condamné à avoir la teste coupée. Ce qui fut faict, et exécuté publiquement sur le marché de Gand. Or pouvez à ce congnoistre quelle seureté on a à servir peuple : car Guillaume Rin avoit plus grande voix à Gand, et plus grand crédit , que n'avoit le prince du païs, ne les plus-grans de Flandres : et soudainement changèrent propos, et tous , en généralité , consentirent à sa mort : et sur le hourd on luy laissa faire ses remonstrances : mais onques personne ne respondit : et dît lediet Guillaume, sur ces derniers mots, «Ou vous ne me « respondez point, ou je suis devenu sourd. » Et sur cela prit la mort en gré : et eut la teste coupée , comme dict est : et, depuis icelle mort, monsieur l'archeduc eut plus d'entendement, pour le bien du païs, et pour la paix, qu'il n'avoit onques eu : et restoit encores , pour ceux qui tenoyent la vile contre le prince , un nommé Jehan Coppenolle a chaussetier, demourant à Gand : qui n'estoit guéres meilleur de condition , que Guillaume Rin : et fut retenu , pour entretenir ces brouillis , maistre-d'hostel du roy de France , à six cens francs de pension par an.

Or est temps que je revienne au faict de Bruges. Les marchands et les notables de la vile se tannèrent (0 de la guerre : et, à la vérité, ils devenoyent

(0 Se (annc'ieiU : se fatiguèrent.

pauvres et souffreteux. Si s'appensérent de mander monsieur l'archeduc d'Austriche et monsieur de Nassau, pour traitter d'appointement (0 : et vint monsieur d'Austriche à Bruges , acoinpaigné de monsieur de Nassau, et de grans personnages de son hostel : et fut receu, par ceux de Bruges, de grand cueur, et de toute bonne voulonté : et en ce temps estoit revenu de France le signeur de la Gruthuse : et pour la première exécution, qui fut faicte à Bruges, mondict signeur de Nassau, sachant que le signeur de la Gruthuse estoit en l'hostel de la vile, l'ala prendre , en la présence de la loy : et le fit prisonnier du prince : et luy fut demandé s'il vouloit estre jugé par ceux de l'ordre de la Toison d'or ( dont il estoit confrère ) ou par ceux de la loy de Bruges : et il respondit qu'il vouloit estre jugé par ceux de la loy de Bruges. Si fut mené en la maison des prisons de la vile, où il fut prisonnier par certain temps : et l'an Si , le vendredy des quatre- temps , avant Noël, la vile de Bruges murmura de reclief : et avoit un capitaine nommé Piccanet, qui n'estoit pas bon pour le prince : et ala en ce temps ledict Piccanet courre par mer : et fut pris des gens de monsieur de Nassau, assez près du Dam : et desiroyent qu'il vinst à Bruges, pour fortifier les bons, et rebouter les mauvais. Mondict signeur de Nassau prit aveques luy le chevalier de Tinteville , monsieur Jehan de Montfort , Philippe Dale, et aucuns autres, et s'en ala à pié, du Dam à Bruges : et courageusement, et en danger, entra à Bruges : où il fut recueilly des plus-gens-de-bien : et se trouva le plus-fort en ladicte vile : et preste- (0 Cela arriva en i485.

ment manda monsieur d'Austriche (qui estoit descendu de la mer , assez près de là ) et fut mondict signeur d'Austriche le bien-venu en sa vile de Bruges : et furent toutes choses appaisees : et prestement l'on lit décapiter ledict Piccanet , capitaine de Bruges, et certains autres ses complices : et de là en-avant fut monsieur d'Austriche, et ses gens, paisibles et bienvenus en sa vile de Bruges : et y lit régner justice, et la marchandise : dont il fut beaucoup mieux-aimé, et bien-voulu.