CHAPITRE XIV

Comment ceux de Bruges et de G and firent de-rechej guerre au roy des Rommains j sous la conduitte de monsieur Philippe de Cléves : et comment cette guerre fut app aisée.

On fut vray que monsieur Philippe de Cléves , quand vint à pleiger le Roy, requit au Roy qu'il ne fist point de guerre, jusques à ce qu'il fust hors de sa

pleigerie. Ce que le Roy avoit voulonté de faire : mais l'Empereur et les princes d'Alemaigne descendirent à val le Pûn : et vindrent à Malines, si-courroucès et en si-grande malveuillance contre ceux de Bruges et de Gand, qu'il n'estoit pas au roy des Rommains, de les démouvoir de faire guerre : et commença la guerre plus-forte que devant, de tous costés : et, quand monsieur Philippe de Cle'ves veit que la guerre recommençoit, et que le Roy ne luy avoit pas tenu ce qu'il luy avoit promis, il fit son profit de ceste matière : et fit le serment à ceux de Gand et de Bruges, et aussi au roy de France, de servir leur party, bien et loyaument : dont il s'aquita, plus qu'il ne devoit : et recommença la guerre de tous costés : et le roy de France envoya tantost gens à messire Philippe, et luy fit des biens, en deniers, et autrement, pour l'entretenir en ceste nouvelle guerre, et voulonté : et luy disoyent les François , qui venoyent devers luy , que le roy de France le feroit connestable de France : et on s'abuse bien sur moindre espérance.

L'Empereur et les princes alérent devant Gand (0 : et, quand ils virent la puissance de la vile, ils coururent le pais de Flandres, et principalement ce qu'ils entendoyent qui estoit ennemy du roy des Rommains, et de monsieur son fils : et, après avoir deinouré certain temps au pais, l'Empereur et les princes se délibérèrent d'eux en retourner en Alemaigne : et revindrent à Brucelles : et certes il y avoit une belle

(0 Devant Gand : celte ville fut assiégée par l'Empereur, le 5 juin i488. Le siège dura quarante jours ; l'Empereur le leva, après avoir perdu le marquis de Brandebourg, qui fut tué d'un trait d'arbalète.

d'olivier de la marche. 4^9

compaignie de princes et de gens-d'armes, tant des viles, comme autrement : et s'ensuyvent les noms des princes d'Alemaigne, qui descendirent en espérance de tirer le roy des Rommains, hors de prison : c'estassavoir l'empereur Frederik d'Austriche , père du roy des Rommains, le marquis Frederik de Brandebourg, le marquis Simon son fre're, le duc de Bronsvick, le duc Hoste de Bautere (0, le duc Christofle de Bavie're, le duc de Wolfkam de Bavière son frère, le duc Albert de Zasse et son fils, le duc de Juilliers, Je marquis de Bade et son frère , le lantgrave de Hessen , et plusieurs autres comtes , barons , chevaliers, et grand peuple : et certes c'estoit une puissante armée , et de gens bien-deliberès : et estoyent étofès d'argent et de vaisselle : et monstroyent bien qu'ils estoyent grans princes , et qu'ils venoyent pour exercer la guerre : et, quand ils eurent présenté la bataille devant Gand, et au milieu de Flandres, et qu'ils virent le roy des Rommains hors de prison , ils conclurent d'eux en aler en Alemaigne : et tindrent conseil, pour laisser l'un d'eux au gouvernement de monsieur Philippe, archeduc, et de ses païs : et conclurent de laisser le duc Albert de Zasse, pour lieutenant du roy des Rommains : car il faloit que le Roy retournast en Alemaigne, tant pour les affaires de l'empire, comme aussi pour certaine guerre particulière, que l'Empereur et le Roy avoyent, et dont je parleray cy-api es : et certes ils ne pouvoyent laisser meilleur lieutenant, ne gouverneur par-deça, que le

(") Hoste de Bautere: lisez Oto de Bavière.

duc de Zasse : car il s'y est si-bien aquité, si-loyaument , et si-honnorablement , qu'il en sera tousjours à priser et louer.

Sur ceste ordonnance l'Empereur et les princes d'Alemaigne s'en retournement chacun en son pais : et le duc de Zasse se trouva obeï des grans et des petis : et tellement se conduisit , que chacun le doutoit et aimoit : et au regard de monsieur Philippe de Cléves il fit la guerre aveques les François et Gandois : et mena de prim-saut son prince, le jeune archeduc , à ce qu'il n'avoit en Brabant , n'en Flandres , que trois viles , qui ne luy fussent contraires : et lesdictes trois viles furent Malines, Anvers , et Bosleduc : et certes ( puis qu'il en vient à parler) Malines garda le prince songneusement , et bien : et (que le prince ne doit jamais oublier) ils firent flotter les eaues au tour d'eux , avec gros boulovarts, qui gardoyent les passages. Ils firent grand guet et grande garde, et tellement qu'ils rendirent de leur prince bon compte à l'Empereur : qui à ceste cause en fit compte : et fit chevaliers messire Philippe Carreman, et autres de ladicte vile : pource qu'ils s'estoient si-bien conduits au service de son fils, leur prince : et ainsi se continuoit la guerre de tous costes : et avoit messire Philippe de Cle'ves un grand avantage : car il avoit le chasteau de l'Escluse : que le roy des Rommains luy avoit baillé, en fiance qu'il le serviroit dudict chasteau : et il en feit tout le rebours : car, par iceluy chasteau , il fit bonne et forte guerre au Roy et à monsieur son fils : combien qu'il disoit , et faisoit publier par tout, que ce, qu'il faisoit , il le

d'olivier de la marche. 4^£

faisoit pour le bien et utilité' du jeune archeduc , son prince.

En ce temps, monsieur de Zasse fît une assemblée de gens-d'armes, et s'en ala contresieger l'Escluse (0 : et luy vint en aide, de par le roy d'Angleterre, une bonne bande d'Anglois : et furent longuement devant l'Escluse : mais peu y profitèrent : et en cedict temps monsieur deRavastain, pe're de messire Philippe, envoya un officier-d'ai mes , à-present roy-d'armes de Hainaut : et manda audict messire Philippe son fils qu'il se deportast de celle guerre , et qu'il fist apoin*tement avec Farcheduc son prince : et ce dedans certains jours : et, au cas qu'il ne le faisoit , il luy declairoit qu'il feroit son héritier l'archeduc, et que jamais il n'amenderoit de chose qu'il eust vaillant, et luy mandast, pour la dernière fois ce qu'il vouloit qu'il fist. Ledict messire Philippe fit rendre response : mais il pensa sus , au dommage qu'il pouvoit avoir de désobéir à son père : et de là en-avant fut plus-gracieux en réponse , qu'il n'avoit esté : et le duc de Zasse poursuyvoit sa guerre : et reconquesta Saintron , Tieule^ mon , Genespe , et plusieurs autres viles et chasteaux. En ce temps le signeur des Cordes, acompaigné de grand nombre de François, entra au West-païs de Flandres, et s'arresta à Nieuport : mais, à l'aide du souverin de Flandres , nommé messire Daniel de Morquerke, et de Denis de Morbecke, ladicte vile de Nieuport luy fut si-bien deffendue, qu'il n'y gaigna rien : et y fut ledict signeur des Cordes blecé : par quoy il

(*) Contresieger l'Escluse : au mois de juillet i4©JU

convint qu'il s'en retournast en son quartier, pour se faire guarir : et ainsi fut le siège levé.

Et en ce mesme temps les Gandois rirent une emprise, pour cuider gaigner Dixmuyde : et y mirent le sie'ge (0 : auquel siège tirèrent les François, qui estoyent devant Nieuport, et plusieurs autres de leur party : et prestement, et diligemment, Denis de Morbecke et Pvaouland le Fevre, lors receveur de Flandres, tirèrent à Calais, et élevèrent une bonne compaignie d'Anglois, et de gens-de-bien : qu'ils amenèrent, pour lever le siège : et les acompaignérent tous les nobles, et toute la commune dudict West-païs : et se trouvèrent si-bon nombre , qu'ils se délibérèrent de combatre ceux , qui tenoyent le siège : et à l'aborder eut grande meslee d'archers, et de traict-à-poudre : et fut tué un chevalier anglois, nommé moult- vaillant chevalier, et de bon lieu : et fut la conclusion de la bataille telle, que les François et les Flamans, tenans party contraire, y furent déconfits : et y mourut grand nombre de gens : car les Anglois n'en prenoyent nuls à mercy, pour le déplaisir qu'ils avoyent du bon chevalier, qui estoit mort en ceste bataille : et ainsi le roy Henry d'Angleterre permettoit que monsieur le jeune archeduc fust servi de ses gens : et firent les Anglois, à mondict signeur, de bons services, celle saison. Tant fut parlementé entre le duc de Zasse et messire Philippe de Cléves, qu'apointement y fut trouvé, tel qu'il rendroit le chasteau de l'Escluse, et le mettroit es mains du comte de Nassau : et le

(0 Et y mirent le siése : les Gandois surprirent Dixmude dans la nuit du 25 janvier 1^9 '•

d'olivier de la marche. 4^3

Roy et Monsieur luy pardonneroyent toutes offenses passées : et luy rendi oyent sa pension ( car sans icelle ne pouvoit il vivre) et ledict messire Philippe renonçoit et quittoit toutes autres aliances, promesses, et sermens , pour se rendre bon et loyal suget de raondict signeur l'archeduc : et , pour abréger mon escriture, le traitté fut faict, acompli, et acepté d'une part et d'autre : et par ce moyen entra mondict signeur de Nassau au chasteau de l'Escluse : et la vile luy fit, de-nouveau, serment : et, pource que mondict signeur de Nassau ne se pouvoit arrester, ne vaquer au chasteau de l'Escluse, il y commit, pour son lieutenant , un escuyer bourgongnon , nommé Philippe d'Ailes : et mit dehors les soudoyers et serviteurs de messire Philippe : et ainsi fut la paix faicte : et ceux de Gand rançonnèrent les prisonniers , qu'ils avoyent : comme le chancelier de Bourgongne, l'abbé de Sainct Bertin , et les principaux et les plus-riches des Alemans : et en tirèrent de grands deniers : et encores fut au bien venir, qu'ils ne les firent mourir en prison.

En ce temps se mit avec ceux de Gand un mécanique ('), menant la charrue : mais bel homme estoit : et eut tantost autorité à Gand : mais l'autorité ne luy plaisoit guéres : comme bien le monstra : car , entre les commissions qui luy fuient baillées , on luy bailla charge, aveques cinq cens hommes, d'aler garder le pont à Dunze (2) : et luy , qui avoit tousjours une voulonté de quelque bien faite, quand il fut hors de la porte de Gand, il parla à ses gens , et leur remons-

(0 Mécanique : arlisan. — (*) Dunze: lisez Deinse.

tra qu'on l'envoyoit, et eux aveques luy , afin qu'il fust tué, et sa compaignie : car ils n'estoyent pas puissans de faire ce qu'on leur commandoit. Si conclurent d'eux rentrer en la vile, et de tuer tous ceux, qui leur voudroyent aucune chose demander : et rentrèrent en ladicte vile : et le premier, qu'ils rencontrèrent, fut Coppenolle : qui leur dît assez maistrisamment, pourquoy ils ne faisoyent ce qui leur estoit commandé : et le charruyer ( qui estoit grand et puissant ) haulsa une hache , et frapa Coppenolle en la teste, et le porta par terre : et là fut assommé des gens dudict charruyer : et en y eut de tués, et les autres s'enfuirent : et demoura le charruyer le maistre à Gand pour celle fois. Coppenolle mort , les bons et les sages de la vile de Gand , commencèrent à parlementer de paix aveques le prince : et à quérir ceste paix , tenoit fort la main messire Philippe Vilain ( qui tenoit le parti des Gandois ) et fut ladicte paix trouvée par ce moyen en toute Flandres.

Je laisse beaucoup de choses avenues, pour parler seulement des plus-grosses matières, et comment elles furent conduittes. Je ne parle point de la mort de monsieur de Raceguyen : que messire Philippe de Cléves fit tuer, en alant en sa maison : pource seulement qu'il avoit congnu son cas , et qu'il se duliberoit de tenir le parti du roy des Rommains , et de monsieur son fils. Si soit pris en gré ce que j'ay peu retenir d'icelle guerre , et du débat du Roy et de messire Philippe de Cléves : et , si je n'ay tout mis par ordre , au moins ay je dit la vérité , et récité ce , qui en est venu à ma congnoissance.

Or ay je devisé grand' partie, et le plus-beau de ce, que fay veu de mon temps : toutesfois , à cause de ma vieillesse je n'ay peu estre par tout. Si ne me puis je tenir (combien que ce soit contre ce que j'ay dit au commencement de mes Mémoires , que je ne parleroye, ou escriroye que de ce, que j'ay veu de mon temps) et aussi il me seroit bien dur, que je n'escrivisse du roy des Rommains, ce, dont je suis au vray averti: car j'ay veu, des son commencement, tant de vertu, de sens, et de vaillance , que ce me sembleroit grande faute à moy, que je ne ramenteusse comment il a poursuivy : qui a tousjours esté de bien en mieux.