CHAPITRE XV

Briève répétition d'aucuns des precédens faicts de Maximilian d'Austriche , avec nouveau récit de quelques autres siènes gestes.

Ce noble roy Maximilian, archeduc d'Austriche, en l'aage de dixneuf ans releva l'ordre de la noble Toison d'or (qui estoit morte et perie, par la mort de feu de noble mémoire le duc Charles de Rourgongne , chef d'icelle ordre ) et , prestement qu'il eut relevé ladicte ordre, pource que le roy Louis de France avoit pris à madame Marie plusieurs viles et chasteaux, il prit les armes, et assembla ce qu'il peut 10. 3o

de gens, et se tira aux champs a l'encontre du roy de France, et luy présenta la bataille en plusieurs lieux. Il reconquesta le Quesnoy et Condé : et le roy de France se retira : et fut contraint de luy-mesme faire bouter le feu à Mortaigne ( qui estoit son propre héritage) et ainsi de celle première rase, il recula le roy de France : et ne sera pas trouve', que, depuis sa venue pardeça , le roy de France gaignast un pie de terre sur luy, ne sur madame son espouse.

Il soustint la guerre contre les Flamans : et, au plus - fort d'icelle guerre , il gaigna sur eux Termonde et Audenarde : et leur fit la guerre par mer et par terre , tellement qu'il vint à paix aveques eux, et entra à Gand le plus -fort. Ce que je n'ay pas trouvé que comte de Flandres fist jamais. Il contraindit ceux de Gand à luy ramener son fils demielieue hors de la vile , et le luy rendre : lequel fils ils avoyent détenu, et le detenoyent, contre le vouloir de son père : et il le tira de leurs mains , et ramena sondict fils en son païs de Brabant : et par ce moyen fut la paix faicte entre le Roy et les Flamans.

Il ala courre devant Tournay : où estoyent les gens-d'armes de France : et leur présenta la bataille devant les barrières dudict Tournay. Il déconfit le signeur des Cordes, et la puissance des François devant Guignegate : et y eut beaucoup de François, archers, et autres gens-d'armes, morts, et tués. Il gaigna Malaunoy, Sainct-Venant, et Waurin , tenant le parti de France : et depuis il gaigna Terouenne : et, du costé de ceux de Liège, il soustint contre leur

d'olivier de la marche. 4^7

mauvaise voulonté : et gaigna sur eux Tongres, et Saintron : et sous luy furent déconfits les gens de messire Guillaume d'Are mberch : et depuis s'appaisa le faict de Liège. Du costé d'Utrecht, il gaigna la cité par deux fois, en un mesme siège : et les fît venir à appaisement : et, pour abréger mon escrit, si jeune qu'il estoit , il fit chose digne de mémoire. Il présenta, au Pont-à-Lessau , et plus -avant, outre le Pont-à-Vendin , la bataille au roy de France (qui estoit à Arras, fort acompaigné de gens-d'armes) et de ces choses j'ay veu la plus-part en son service : et, du surplus, j'en suis si-bien acertené, que je le puis et doy escrire.

Il est donc temps que j'escrive de ses hauts faicts ce, que je n'ay pas veu, à cause de mon ancienneté : mais je ne diray chose, que je n'en soye bien acertené : et faut entendre que le Roy s'en retourna en Alemaigne , pour ayder à l'Empereur , son père , à recouvrer les terres, que le roy Mathias luy avoit prises, et non pas seulement le royaume de Hongrie, mais avoit conquis la plus-part d'Austriche : et avint que le roy Mathias mourut ( auquel le roy des Rommains avoit ja commencé la guerre) et en assez peu de temps le roy des Rommains reconquit toute la duché d'Austriche (où il acquit un grand honneur) et puis se bouta en ce royaume de Hongrie (où il trouva grande résistance) et vint devant la vile d'Alberegale : où il trouva deux des capitaines du roy Mathias, et bien huict cens combatans, et gens-deguerre, sans y comprendre ceux de la vile : qui sont tous gens de deffense. Il fit assaillir Alberegale , de

Ho.

toutes pars : et là eut de grandes armes faictes d'une part et d'autre : et là fit on plusieurs chevaliers nouveaux : et y fut chevalier messire Hugues de Salins, signeur deVincelle, Bourgongnon , et des autres largement : dont je ne sçay à parler : pource que ce sont Alemans, et n'en congnoy les noms : et aussi les Aieïïians ont acoustumé de se faire chevaliers à plusieurs fois, et en tous les bons lieux où ils se trouvent: parquoy je me passe de les ramentevoir. Pour conclusion, Alberegale fut gaignee d'assaut, par les gens du roy des Rommains (où. l'on trouva merveilleusement de biens) et à tant le Roy se délibéra de tirer à Rude (qui est la maistresse cité du royaume de Hongrie) et n'y a point de faute qu'il n?eust gaigné la cite' de Bude : mais il ne peut avoir ses gens hors d'x4.1bere~ gale , pour trois raisons. La première , ils avoyent sigrand butin et grande proye gaignee audict Alberegale , que nul ne vouloit abandonner son profit , et sa part du butin. Secondement , ils trouvèrent à Alberegale tant de vivres, de vin, de chair, et de pain, que soixante mille hommes ne les pouvoyent déconfire. Tiercement, le payement estoit failli : et est la coustume des Alemans, que, s'ils estoyent payés jusques aujourd'huy, et demain il y avoit assaut ou bataille, ils entendent qu'il leur est deu nouvel argent : et ceux, qui crioyent le plus -haut, c'estoyent les lansquenets, et les gens-de-pié : et, conclusion, ils ne voulurent point marcher avant : mais s'en revint le Roy en Austriche : où il reconquit plusieurs places et chasteaux , que le roy Mathias avoit gaigné sur l'Empereur son père : et , en moins de six mois ,

d'olivier de la marche. 4%

il reconquit tout ce, que le roy Mathias avoit mis six ans à conquérir : et, pource que le roy de Boesme estoit prochain parent du roy des Rommains , ils firent un apointement, que le royaume de Hongrie demoureroit à iceluy roy de Boesme, sa vie durant seulement , sans en pouvoir faire sens ne folie : et donncroit au roy des Rommains, tous les ans, cent mille ducats de Hongrie : et ainsi le roy des Rommains s'asseura, pour luy et ses hoirs, du royaume de Hongrie.

En continuant de parler des vaillances du roy des Rommains, il gaigna viles et chasteaux en la comté de Bourgongne, sur le roy de France : et si-bien y exploita, que ladicte comte' est demouree à monsieur son fils : comme c'estoit raison. Qui plus est, pour monstrer qu'il estoit homme , et chevalier pour rencontrer un autre de sa personne, de son humilité il fit armes en lices closes, et sous pouvoir de juge, et par emprise levée, a l'encontre de messire Claude de Vaudré, signeur del'x4Ligle,un chevalier bourgongnon, son suget, mais homme fort, et expérimenté à faire armes à pié et à cheval : et en icelles armes se gouverna le Roy chevaleureusement, et en partit à son honneur. Par-ainsi j'ay recité, en brief, les grandes choses, que le Roy a faictes : dont les unes j'ay veues, et les autres sont venues à ma congnoissance. Ce noble Roy, après avoir1 les guerres dessusdictes achevées, il ne demoura pas oyseux.

Il visita son empire, jusques à descendre en ce quartier d'embas: et puis remonter es hautes Alemaignes: et travailla à pacifier les débats de l'Empire : à sçavoir

à appaiser toutes questions, qui pouvoyent estre de vile à autre, de signeurs à viles, et de princes à princes, tellement qu'à l'heure que j'escrivy cestes (qui fut le treizième jour de juing, l'an i5oi) l'Empire ne fut onques si paisible, qu'il estoit à-present, par la diligence et poursuitte de cestuy noble Roy. mais il ne suffit point d'avoir monstre les grandes vaillances, et courage de luy : et parlerons comment il se gouverna à l'encontre des Suisses, ses ennemis : et fut vray, que, l'an i499? ies Suisses, et les sugets du roy des Rommains, commencèrent à noiser et villener les uns contre les autres, et tellement que chacun, de sa part, rompit les trêves, qui estoyent entre le roy des Rommains et lesdicts Suisses : et mesmement lesdicts Suisses outragèrent et agravèrent, par elfect , l'evesque de Cours ( pource qu'il s'estoit tiré devers le roy des Rommains, pour cuider bien faire, et pour appaiser l'outrage qu'ils avoyent fait à un abbè, suget de la maison d'Austriche ) et continuoyent lesdicts Suisses à faire la guerre au Roy, tant en Austriche comme en Ferra te, à feu et à sang : et, quand le Roy veit leur obstination, il assembla quinze ou seize mille combatans : et poursuyvit les Suisses (qui t estoyent retirés en leur païs ) et entra par le costé de la comté de Tirolle : où il y a fort païs, et grandes montaignes à passer , pour venir au païs desdicts Suisses : et toutesfois entra le Roy et son armée, à pié et à cheval , esdicts passages : et, si le duc de Milan , nommé Ludovic, eust tenu ce qu'il avoit promis au Roy, d'amener des vivres à l'entrée des passages, pour fournir l'armée pour leur argent, il est

d'olivier de la marche. 47 *

apparent que le Roy leur eust fait le plus -grand reboutement , qu'ils eurent onques : mais le duc de Milan ne tint point ce, qu'il avoit promis : et ne trouvèrent les gens-d'armes nuls vivres : et furent cinq ou six jours en moult-grande disette de pain et de fourrage, de vin, et de tous autres vivres : et, si le commun de l'armée eust eu le courage et la sobresse qu'avoit le Roy, de sa personne , les Suisses estoyent deflaicts en ce quartier : mais par faute de vivres (comme dict est) il falut que le Roy retirast son armée : et depuis les Suisses assaillirent les gens du Roy, qui estoyent en Ferrate : mais Dieu estoit pour les Ferratois : et furent les Suisses déconfits : et eurent grand honneur, à celle journée, Louis de Vaudré, Rodigues, bastard de Lalain , et ceux de la garde du Roy, et autres Wallons, qui se trouvèrent à celle journée : et depuis fut faict un appointeront entre le Roy et lesdicts Suisses : et se sont retirés de leur costé.