CHAPITRE XVI

Des surnoms , attribués à l empereur Maximilian d* Austriche , et à Varcheduc Philippe , comte de Flandres, son fils.

Or pour cette fois je dissimuleray un peu de parler de ce noble roy des Rommains, de ses grands faicts,

et de ses vaillances (où j'ay espoir de venir tout à temps) et est besoing que j'escrive, et mette par escrit, le sens, et la bonne conduitte de monsieur Philippe d'Austriche , son fils. Mais premièrement, comme les autres ducs de Bourgongne ont eu nom, et tiltres , qui leur ont este' donnés à leur honneur, je suis delibéré, en cet endroit, de bailler tiltre acquis à ce noble roy Maximilian d'Austriche : et suis en pensée de le nommer Maximilian Cueur-d'or, ou d'argent : mais je ne trouve point que ce nom luy soit suffisant, quant à la hauteur de son courage : car l'or, l'argent, et le plomb, sont métaux, qui par fondre et souvent manier s'amoindrissent et affaiblissent : et je ne trouvay onques, que, pour quelque fortune avenue à ce noble Roy, il ayt esté pleyé n'amoindry en courage, n'en haute emprise. Le nommerons nous Maximilian Cueur-de-fer? je dy que non : car trop petit est le nom, selon ses grans mérites. Le fer est d'une nature, que la goutte de la pluye, venant du ciel, cave le fer : et par une goutte d'eaue, venant du ciel, souvent tombée sur le fer, et en une place, celle goutte concave le fer, et le perce en telle manière, que la goutte d'eaue se monstre plus-forte que le fer, qui la reçoit. Parquoy je vueil dire que le nom n'est pas suffisant à si-haute personne : mais me conclu que je le nommeray Maximilian Cueur-d'acier : et trouve que l'acier est plus noble chose que l'or, l'argent, le plomb, ne le fer : pource que de l'acier, comme du plusnoble metail ; l'on fait les armeures et les harnois : dont les plus-grans du monde se parent, et asseurent leurs corps contre la guerre, et autrement : et de

l'acier se font les espees, les dagues, et autres glaives : dont les vaillances se font d'ennemis sur ennemis. Puis que, donques, je trouve cet acier plus-noble, qu'autre matière, dont on puisse forger, ne mettre en œuvre, je demoui e qu'il aura nom Maximilian Cueur-d'acier. Quantes parolles semées haineusement contre luy par ce noble Roy endurées, et ouïes? ce que courageusement, et de grande vertu, il a porté et soustenu, sans se démettre, pleyer, n'amoindrir, non plus que l'acier, dont je fay comparaison. Quants heurts de guerre? quantes batailles et rencontres il a soustenus et portés en sa personne? et mesmement venant de ses sugets? jusques à estre prisonnier, et détenu en prison fermée par ceux de Bruges , et en sa présence meurdrir , gehainer, et décapiter ses loyaux officiers, et autres, et les plus-grans de* sa maison livrés es mains de ses ennemis : et n'oyoit autres nouvelles , fors qu'ils seroyent décapités , et nommément messire Jehan Karondelet, son chancelier, l'abbé de Sainct Bertin, chancelier de son ordre, noble homme, et de ceux de Launoy, messire Martin de Polhem , et messire Wolfart de Polhem, Philippe, comte de Nassau, et messire Jaspart May, alemans, et du privé conseil de cestuy noble Roy, et le signeur de Mingonal, son grand maistre-d'hostel, messire Jehan de Jaucourt , signeur de Villarnou, et messire Philippe Loete, signeur d'Aresches , tous chambellans , et maistresd'hostel du Roy : et pouvez entendre et croire, que, toutes et quantes fois qu'il souvenoit à ce bon Roy de la soumette et danger d'iceux serviteurs, il avoit le cueur bien-pressé et bien-déplaisant : mais toutes-

fois ce Cueur-d'acier demoura tousjours en la bonne espérance et fiance de Dieu : et tant endura et attendit sa meilleure fortune, qu'il échapa de ce danger, et luy et ses serviteurs dessusdicts. Ces choses considérées, je demoure en ceste opinion , qu'il a le cueur aussi fort et aussi ferme que d'acier : et je l'ay épreuve' par experiment.

Or est besoing que je revienne à parler et à escrire du faict de monsieur l'archeduc Philippe son fils : et commenceray par luy donner surnom acquis, jusques à-present. Le duc Philippe, fils du roy de France, fut nostre premier duc, depuisle temps que le roy Philippe deValois (0 succéda à ladicte duché, par estre issu d'une fille de Bourgongne : et luy vint la succession par femme, comme il est assez notoire et publié par tout le monde. Ce duc Philippe fut surnommé Philippe le Hardi, pour les raisons que j'ay mises ailleurs : et de ïuy vint le duc Jehan , qui fut surnommé Jehan sans Peur. Du duc Jehan vint le bon duc Philippe : qui fut surnommé Philippe l'Asseuré. Du duc Philippe vint le duc Charles : qui fut surnommé Charles le Travaillant. Du duc Charles vint madame Marie : qui espousa ce noble prince Maximilian, archeduc d' Aus triche : lequel noble duc nous appelons Maximilian Cueurd'acier. De l'archeduc Maximilian vient l'archeduc Philippe, que nous appelons Philippe Croit - conseil : et ainsi j'ay rendu compte de tous les ducs de Bourgongne, venus à macongnoissance : et, pour éclaircir ce que j'ay surnommé l'archeduc Philippe, Philippe

(») Le roy Philippe de Valois : l'auteur veut dire le roi Jean , son fils, qui eut pour mère Jeanne de Bourgogne , fille de Robert II.

d'oliviep, de la marche. 47 5

Croit -conseil, il est bien raison que je declaire les causes, pourquoy ce nom luy est attribué : et trouverez vray que luy, estant en la sugettion de ceux de Gand , il estoit en l'aage de trois ou quatre ans : et lors mourut et trépassa de ce siècle feue de noble mémoire madame Marie de Bourgongne, sa mère : et par celle mort fut successeur ce jeune archeduc, de toutes les signeuries appartenantes à la maison de Bourgongne : où il avoit cinq duchés , et dixsept comtés, toutes terres grandes, et signeurieuses: comme la duché de Bourgongne , la duché de Lotrich , la duché de Lembourg, la duché de Brabant, la duché de Luxembourg, et la duché de Gueldres : les comtés de Flandres, d'Artois, et de Bourgongne, les comtés de Mascon et d'Auxerrois, la vicomte d'Auxonne, la comté de Charolois,. les signeuries de Salins, de Malines, et de Noyers, la signeurie de Chasteau-Chinon, et moult d'autres belles parties : et, combien que le roy de France , par puissance et par hauteur, ait pris et mis en sa main plusieurs d'icelles signeuries, toutesfois c'est à tort et sans cause : et Dieu, qui l'a permis, quand il luy plaira, il les rendra à celuy qui y a le droit : et (comme j'ay dit dessus) à l'heure que vindrent lesdictes successions à monsieur l'archeduc Philippe , et en son jeune aage, il estoit encores en la main des Gandois : et avoit bien besoing d'estre bien conseillé : mais son noble père, le roy des Rommains, le tira hors d'icelle chetivoison (0, et le ramena en ses païs et en son franc arbitre : et, pour la principale

(0 Chetivoison : captiviié.

seui été de ce noble enfant, il fut mené en sa vile de Malines : où il fut gardé, et soustenu : comme les bons sugets doyvent faire de leur prince , ainsi qu'il est escript cy-dessus.

En ce temps madame Marguerite d'Austriche, sœur de mondict signeur l'archeduc Philippe, par la puissance des peuples et des viles , et en espérance d'avoir paix , fut mariée à Charles, fils du roy Louis de Fiance, dauphin de Viennois : mais le mariage ne sortit point d'eflfect : par ce que le roy Louïs mourut : et le roy Charles, son fils , appeta et eut désir d'avoir la duché de Bretaigne : et fit grandes guerres et grans effors : et, en conclusion, par le moyen d'aucuns, et principalement par le prince d'Orange, le mariage fut faict du roy Charles, et de l'héritière de Bretaigne : et si avoit ladicte héritière espousé solemnellement, et par procureur fondé, messite Wolfar de Polem, pour et au nom du roy des Rommains : et par ce moyen madame Marguerite (qui avoit esté tenue neuf ans pour royne de France) fut ramenée pardeça : et depuis elle espousale prince de Castille : mais la fortune fut telle, qu'il ne vesquit guéres : dont ce fut pitié et dommage: car il estoit apparent d'estre un noble prince. Si laissa madame la princesse enceinte : et eut un fils : mais il ne vesquit pas longuement , et demoura madame la princesse jeune vefve : et depuis revint pardeça, moult-bien étofee de bagues et de joyaux : et fut bien traittee en Espaigne : et l'allérent quérir messii e Philippe de Crouy, signeur de Sainct-Py, et la Mouche, signeur deVere : qui la ramenèrent honnorablement pardeça : etluy fut envoyée au-devant, jusques

Î)'0L1VIÉR DE LA MAIICHE. 477

à Bordeaux, madame de Halevin, et plusieurs belles damoiselles, et le signeur de Fiennes, et plusieurs nobles-hommes : qui ramenèrent madicte dame Marguerite : et traversèrent grande partie du royaume de France : où il leur fut faict honneur, et bonne chère.

Or nous tairons à-present de la venue de madame la princesse de Castille, et de son retour : et parlerons du faict de monsieur Tarcheduc , nostre prince , et des grans affaires , où il se trouva : et comment par croire conseil il se ressourdit (0, et porta le temps sagement, comme nous dirons cy- après : et peut on entendre et sçavoir que ce jeune prince se trouva en de grans affaires : car le roy des Rommains, son père, avoitla guerre au roy de France, aux Gandois, et à messire Philippe de Cléves, porté et soustenu du roy de France. La guerre fut longue : et par ce moyen fut à l'arriére de deniers, et en grand somme : et mesmement messire Frederik, duc de Zasse (qui bien le servit en son adversité) demandoit quatre cens mille escus : qui est une grande partie. Il servoit bien : mais il vouloitestre bien payé : et fut trouvé un moyen, que l'on bailleroit, audict duc de Zasse, le droit, que Monsieur avoit et pouvoit avoir en la haute Frize (que l'on dit l'un des dixsept royaumes chrestiens) et le duc de Zasse conquit le pais à force d'armes, à l'aide d'un sien fds nommé Henry : qui moult-bien se porta en icelle guerre. Et ainsi fut monsieur farcheducbien-conseillé : et creut conseil : car par ce moyen

(0 11 se ressourdit: il se releva.

il fut quitte d'un grand debte : et demoure'rent amis le duc de Zasse et luy : mais le duc de Zasse ne vesquit gue'res depuis : ains mourut de maladie : dont ce fut grand dommage : car c'estoitun vertueux prince.