DU CONSEIL, ET DE LA- JUSTICE

En ensuyvant la chappelle, nous parlerons de Testât du conseil et de la justice, pource qu'après le service faict de Dieu en l'Eglise, la justice et le second service dont Dieu est servy. Et pour le conseil, tant

(') Nef: sorte de vase.

DE CHARLES LE HÀRBT. fâï

de ses grans affaires, que pour ladicte justice, le duc a un chancellier en chef, un evesque chef de conseil en son absence , quatre chevaliers notables , huict maistres des requestes, quinze secrétaires, huyssiers, fourriers, et autres officiers à ce servants : et quand le duc n'est point en la guerre, la chambre du conseil se tient près de celle du duc, et se trouve souvent le duc à cedit conseil, et principalement à déduire et déterminer grandes sentences et affaires, et prend la paine d'ouyr toutes les opinions, et ne peuvent en iceluy conseil autres que les ordonnez , les chevaliers dé la Toyson d'or, et les maistres d'hostels, sans y estre par le duc, ou par son chancellier menez ou mandez : et me passe de deviser de l'autorité et prééminence du chancelier, pour ce que l'on sçait bien partout, qu'un chancelier préside, et mesmesen la personne du prince, il demande les opinions, et a le grand seel en ses mains, et est le premier homme nommé, et le premier officier.

Et devant tout en toutes choses, audit hostel y a autre différence qu'en France, le connestable va devant, et encore va pardessus un lieutenant gênerai, nota que ledit chancellier est de plus grand proufit, que celuy de France, car il cognoit des finances, et autres choses que ne faict celuy de France.

En ensuyvant le faict de la justice, le duc estant en ses pays tient audience publique, pour ouyr et depescher toutes requestes qui luy sont apportées, et principalement des pauvres et des petits , qui pourroient faire plaincte des riches et des grans, et ne pourroient approcher ny avoir lieu devant luy , et pource tient il audience publicque en sa 10. 3t

personne deux fois la sepraaine. Et nous arresterons aux cérémonies et pompes de celle audience, afin que de tout sois adverty en temps et ordre.

L'audience se tient le lundy et le vendredy, et le duc au départir de son disner va en la salle, où l'audience est prepare'e, et est accompaigné de la noblesse de son hostel, assçavoir princes, chancelier, escuyers, et autres, et n'y oseroit nul homme faillir : le duc se sied en sa chaire, richement parée de palle (0 de drap d'or, et le marchepied, qui est large et de trois pas de montée, et tout couvert de tapisserie richement, et à ses pieds a un petit banc, auquel sont appuyez deux maistres des requestes, et l'audiencier qui lisent les requestes devant le duc, et aussi un secrétaire pour registrer les appointemens , et sont iceux quatre à genoux, et derrière ledit secrétaire a un clerc qui enfile lesdits requestes en un cordon, selon que luy baille ledit secrétaire, et sont les bancs chascun ordonné par ordre, à l'encontre du passet (2) pour seoir les princes du sang, les ambassadeurs, les chevaliers de l'ordre, et les grands pensionaires par ordre, et sçait chascun où il doibt aller. Et derrière la chaire, et le dos du duc, sont en pieds les escuyers du duc, c'est assçavoir ceux de la chambre, qu'en France on dit enfans d'honneur, qui aucune-fois servent à Testât deschanson, pannetier, et escuyer trenchant*, quand le prince est en chambre à sa privauté, et point descuyer d'escuyrie, pource que cestuy estât se sert publiquement. Et incontinent la forme de l'audience passée, la salle est close d'un grand parcquet tout baillié, et clos de bancs et bailles, et tout cou-

(0 Patte : tapis. — (2) Passet: passage.

DE CHARLES LE HARDY. Zf83

vert de tapisseries aux armes du duc : et sont au costé senestre escuyers trenchans, escuyers d'escuyrie debout à pied aux bailles : et au costé dextre les panetiers eschanssons, et escuyers du duc. Et devant icelles bailles sont bancs à l'entour du parcquet, où seent les chevaliers chambellains et estrangiers qui surviennent, et aussi les maistres d'hostels. Et au bout d'iceluy parcquet, devant la face du prince, sont les escuyers hommes-d'armes de la garde , chascun un baston au poing, ayans bailles comme dessus : et n'y vont ce jour que es quinze, qui doibvent faire le guet devant luy à l'entour, et allencontre d'iceluy parcquet, à la porte sont huyssiers d'armes, et devant le pied du passet sont deux sergeans d'armes à pied, et chascun la mâche (0 au col aux armes du prince, et se conduict icelle cérémonie par les maistres d'hostel, et l'assiette faicte, sont deux portes ouvertes aux deux bouts de ladicte sale, et entrent par l'une, ceux qui apportent les requestes, et présentent au duc, et s'e» revont par l'autre porte, et sont mises icelles requestes sur le banc, devant ceux, qui les doibvent lire, et lisent tour à tour, et le duc appoincte les requestes à son plaisir, et selon que le cas requiert, fit toutes les depesches avant qu'il parte de la place, et pendant ce temps, chascun se tait, et tient ordre, et le tout achevé, le duc s'en retourne en sa chambre, et chascun à ses affaires.

Continuant le faict de la justice, le duc a un prevost des mareschaux , fort accompaigné de compagnons de guerre, et sert iceluy prevost en temps de paix à faire les exécutions criminelles, et par tous les

iO Mâche : masse.

pays du duc a jurisdiction et pouvoir, et par toutes villes, excepté en l'hostel du duc, qui est à la jurisdiction des -maistres d'hostel , et sert iceluy prevost pour les divers pays, et diverses seigneuries, qui sont en la main du duc : car d'un cas criminel, meurtre, ou autre faict en Brabant, le* criminel ne pourroit estre poursuivy en Flandres, ny en Haynaut, pour ce que les justices ne sortissent point l'une à l'autre : et pareillement de pays, en pays se sauveroient les malfaicteurs. Pourquoy a esté ordonné le prevost des mareschaux, pour aller par tout, et a pouvoir du prince pour aller par toute la contrée : et certes il a moult prouffité depuis le règne du duc Charles, car il a dechassé plusieurs vicieux malfaicteurs , et a puny plusieurs cas mauvais, et dont raison vouloit punition : et au temps de la guerre, le prevost des mareschaux, soubs l'autorité du duc, et soubs l'autorité des mareschaux, conduict les marchans, et mect les vivres à prix, tient la justice parmy l'ost, tant criminelle, comme civile, et peut ouyr de toutes matières , excepté de faict de guerre , juge et exécute criminellement, appointe et juge les causes civiles, sans appeller à autre personne, s'il ne luy plaist.