DE LA GUERRE

Or avons devisé de l'ordre de justice, si faut deviser de la guerre, et de son estât, qui est l'appuy et le baston, et aussi le soustenal de la seigneurie, et de la chose publique, car sans seigneur, et sans seigneurie, de seigneur ne pouvons nous vivre,. et sans

Soustenir le droict et l'autorité du seigneur et de la seigneurie du pays : et faut aucunefois le soustenir par assaut, et aucunefois par defFence : et pource est nommée la guerre en l'arbre des batailles , ou nombre des branches de justice, et se nomme justice à main forte. Pourquoy en ensuyvant mon commencement, qui a este' du service de Dieu, en descendant de l'Eglise à la justice, je perseveray par la tierce, qui est de la guerre, et par laquelle Dieu peut, et doibt estre servy, entreprenant et faisant guerre justement, et en l'exécutant par forme deuë.

Le duc a quatre chevaliers ordonnez, devant lesquels se mettent les matières de guerres, pour en faire le rapport au duc , et se rassemblent iceux quatre chevaliers en la chambre du premier chambellain, où se tiennent à conseil, et n'y entrent nuls, que le premier chambellain , le chancelier , le grandmaistre, les quatre chevaliers, les maistres d'hostel, et mareschaux de l'ost , et du logis, et le maistre de l'artillerie, le roy -d'armes de la Toison d'or, et deux secrétaires du nombre dessusdit , qui escrivent et mettent en forme les choses conclues, ordonnées et exposées : et sont iceux secrétaires nommez et ordonnez, pour la matière delà guerre, et des choses advisées et exposées, les quatre chevaliers en font rapport au duc, pour en faire son bon plaisir.

Et pour ce que grande chose, grand estât, et grans affaires ne se peuvent conduire sans grans deniers, et sans grandes finances, je continueray la matière de servir Dieu par la quarte voye, et monstreray comment le duc voyt, et cognoist Testât de ses finances, et comment le service de Dieu y peut estre

employé : car un prince par despendre sans sçavoir où les deniers se prendent et treuvent, apprend à ses secrétaires de prendre le sien sans desserte, et retenir à ceux qui Font desservy, et à ordonner et distribuer les biens à leur plaisir, et singulier proufit, et sans discrétion, dont le peuple porte grands faiz, grans cris, et grandes plaintes devant Dieu : parquoy il appert, que le prince qui a le regard et l'œil aux choses dessusdictes , sert Dieu, et luy mesmes en proufite, et en conscience.