ESTAT DE LA MAISOJV DE CHARLES LE HARDY

enseigne, et prendre avec luy le mareschal, et ceux qui luy plaist , et là adviser le pays et le logis, et départ les quartiers pour l'avantgarde , pour la bataille, et pour l'arrieregarde, et ainsi conclud, assiet l'artillerie , et luy baille place.

Par ceste manière ceste grande armée logée , le mareschal de l'ost doit visiter advenues, et mètre en ordre les escoutes et guets , et doit soigner le mareschal ou son lieutenant, d'enquérir et sçavoir des passages du pays, et doit avoir des guides avec luy pour guider l'armée , et peut on appeller devant luy du grand conseil et du parlement, ou autre jugement pour matière de guerre, et qui touche le faict de la guerre, dont il peut juger, et de luy l'on ne peut appeller. Et je certiffie que j'ay expérimenté les faits de la noble maison de Bourgongne plus de trente ans, et que j'ay bien calculé et debatu à quelles sommes de deniers peut venir et monter la grand despence, dont j'ay icy devant faict mention , et certes je treuve que par an monte icelie somme de despence , bien environ deux millions , bien payez et comptez , chascun selon son estât et vacation à quoy il est appelle.

Et affin qu'il appert que je vueil que chascun sache, que ce qui est baillé par escript, est baillé d'homme qui le peult bien sçavoir, j'ay mis mon nom en escript soubs ceste présente epistre , en moy recommandant à vous, laquelle epistre j'ay faict et compilée au siège d'Aisse (0 en Allemaigne, au mois de novembre, l'an

(') Aissz : Aix-la-Chapelle.