DU QUATRIESME ESTAT

Or ay-je devisé la manière de servir la bouche du prince, faut que j'entre au quatriesme estât, qui est de l'escuyrie, et prent iceluy estât et office à la labeur des autres , car les autres prennent leur nom et leur office par la manière que j'ay escript cy dessus , car le nom de l'escuyrie se prend sur le nom de l'escuyer pour ce que l'escuyer gouverne l'office, et n'y a estât en la maison qui se puisse nommer escuyer sans queue, sinon l'escuyer d'escuyrie, et quand on dit j'ay veu l'escuyer, c'est à dire l'escuyer d'escuyrie, et ne desplaise à ceux qui disent, j'ay veu ou parlé à monsieur l'escuyer d'escuyrie, car certes c'est mal usé de la manière de parler selon la coustume ancienne de la maison de Bourgongne, car l'on doit dire l'escuyer seulement , et en France l'on dit le grand escuyer et non autrement , mais je croys bien, que nous avons aprins ceste manière de parler aux autres maisons de princes voisins, et ne peut-on trop honnorer le nom et Testât, car il le vaut, et est de grande magnificence.

Le duc a un escuyer d'escuyrie , lequel a soubs sa charge cinquante escuyers d'escuyrie , et a pouvoir et auctorité sur eux, et sont gouvernez par chambrées et esquadres , comme il est escript es trois estats dessusnommez ; et soubs luy se rend compte par les escroes , et soubs sa certification de toute la despence faicte pour les chevaux, de rembourure, de médecine, et autres choses nécessaires à la despence commune. Et c'est à la charge du maistrc de la

chambre aux deniers , et au regard de pompeux habillemens des chevaux et des pages, des painctures pour bannières et estandarts de harnas, ces choses aussi se payent soubs certification par la main de l'argentier.

L'escuyer d'escuyrie doit avoir trois proprietez , qui ne sont pas trop légères à racompter ensemble. Il doit estre puissant de corps , sage , juste , vaillant et hardy. Premièrement je diray pourquoy il doit cstre vaillant, car force de courage est le principal point de vaillance, et la principale des quatre vertus cardinales. Il doit estre vaillant et hardy, pource que en armes, il doit avoir l'estandart du prince et gouvernement , qui est l'enseigne qui tousjours est porte'e et veue, et que chascun sceut , et où chascun tient reigle, et où l'on se rallie : et convient que celuy qui le meine et conduit, soit hardy pour emprendre, et vaillant pour soustenir, et doit estre telle sa renommée , pour donner à chascun courage de valloir , et honte de faire le contraire. Il doit estre puissant de corps, pource que luy mesme en personne porte à la bataille l'estandart du prince, qui est un puissant faix à porter , car l'estandart du prince doit estre grand et eslevé par dessus les autres, et se doivent toutes autres enseignes ployer et amendrir (0 , là où est l'estandart du prince , et toutesfois pour desployer la bannière du prince où sont ses propres armes, les bannières de ses subjects ne se reployent point, ains se desployent : et la raison est, que les enseignes doivent révérence à l'estandart, comme font les petits batteaux en la mer devant une carracque ou une

(.0 Amendrir : humilier.

grande nef. Et pour l'autre enseigne qui est la bannière, on doit aussi hommage et service, et pource desploye chascun baneret la bannière de ses armes , pour monstrer qu'il sert en personne , et qu'il veut tenir sa foy et loyauté, comme il doit mourir et vivre avec son prince.

L'estandart doit estre painct des couleurs et devise du prince, afin d'estre recognu, et doit avoir un fer de lance au bout de l'estandart en haut, car l'escuyer (au besoing) peut coucher son estandart, si la bannière est à celle heure desployée, et pareillement doit avoir fer la lance du penon , pource que l'escuyer du prince est si près du prince ordonné en la bataille, qu'au besoing il le doit deffendre, et faire lance de son pennon , et ne sceus oncques par escrit ou autrement, où le pennon fut desployé sans la baniere, ne la baniere sans le penon : mais j'ay bien sceu et veu de bien grandes choses soubs l'estandart du prince seulement : et pour le tiers point, l'escuyer doit estre juste , car il se mesle de toutes les pompes et parures qui se font pour le prince , d'armer et atinter (0 le prince, soit pour la guerre, ou pour tournoy, ou pour joustes, et pource faut-il qu'il soit sage et juste , comme jay dit. L'escuyer doit avoir en la guerre la première chambre après le prince , et en la paix la dernière , et la raison est , pource qu'en la guerre à toute heure il doit estre prest pour armer le prince , et toutes les fois que le prince chevauche en armes à estandart desployé, doit avoir plat comme le sommellier de corps, son estandart doit chevaucher en armes le premier de tous escuyers , excepté quant

(') Atinter : ajuster, parer.

53o ESTAT DE LA MAISON

le penoïi est desployé, comme j'ay dit dessus, car chascune esquadre doit accompaigner son enseigne. Or je demande si le prince chevauchoit en armes par esquadre, et ne portassent que les cornets des esquadres, et que l'estandart n'y fut point, s'il venoit un effroy à laquelle des quatre cornettes se viendroient rallier les escuyers, je respons, que ce seroit à l'escuyer d'escuyrie, et ce pour deux raisons : la première, pource que l'on est plus accoustumé que tous soient soubs la gouvernance de l'estandart, et soubs la sienne , que des autres : et l'autre raison , pource qu'il est plus accoustumé de tenir enseigne, que nuls des autres, et je cuyde bien juger de bailler l'autorité à l'escuyer quant à ce point.

Nota qu'il y a guidon à l'estandart, comme penon à la baniere , que jamais à la guerre on ne ployé , car c'est à quoy et soubs qui les archers se conduisent et rallient , et le gouverne le capitaine des archers du prince.

L'escuyer a jurisdiction sur ceux de son escuyrie, et peuvent demander leur renvoy au bureau de toutes matières , qui touchent partie à partie. Et pource que deux personnes de l'escuyrie seroient ensoignez par plusieurs journées, et ne pourroient estre d'empres leurs chevaux , parquoy pourroit advenir que par maladie desroy y fut , ou qu'aucuns chevaux se perdroient , pource sont -ils renvoyez devant l'escuyer, mais si un homme de l'escuyrie estoit adjourné pour autre cause, et contre un autre que de l'escuyrie , il seroit tenu de respondre , et n'auroit point de renvoy, et toutesfois s'il avoit deservy d'estre mis en prison pour quelque cas, on le rendroit à l'escuyer

chargé de ses faiz , s'il le vouloit avoir , et si la matière ne touchoit à l'encontre du prince. L'escuyer doit porter l'espée du parlement devant le prince à toutes entrées honnorables , soit à pied ou à cheval , et le doit tenir en sa main dextre entre la croix et le pommeau, et doit porter icelle espée couchée sur l'espaule, la pointe dessus, et doit estre l'escuyer avec l'espée seul, et la première personne devant le prince. Soubs l'escuyer sont trompettes, menestriers, et tous joueurs d'instrumens, messagiers et chevaucheurs portans les armes du prince , et leur donne le prince la retenue, et l'escuyer leur mect leur boyte armoyée. Il a en garde la coste-d'armes et Festendart, mais les paintres qui les font, sont vallets de chambre, et n'ont que faire à luy que pour leur mestier. Les armuriers sont pareillement varlets de chambre, et respondent à l'escuyer seulement , et non à autre : pages et varlets de pied sont soubs luy, et tous autres de l'escuyrie : et quand le prince jouste ou tournoyé, il doit avoir les parures du prince et de son cheval, en quoy il a jousté et tournoyé pour chascune fois, quelque riche qu'elle soit, réservé l'or pur, et la pierrie , car ce revient au proufïit du prince.

Les escuyers d'escuyrie doivent mettre l'estrier au pied du prince, et l'ayder à monter et à descendre, et tenir la bride de son cheval, et le varlet lacquay doit tenir l'estrier hors du montoir, et doivent estre soigneux que le cheval soit prest à l'heure qu'il le demande. Les escuyers d'escuyrie doivent estre bons chevaucheurs , et deux ou trois fois le mois ils doivent aller aux champs selon le temps , si l'escuyer ordonne de chevaucher les chevaux du prince.

532 ESTAT DE LÀ MÀISOtf

Or est temps que nous devisons du nombre de ceux~ qui sont en l'escuyrie, et quels gens : le duc a douze pages , enfans de bonne maison , lesquels sont en la subjection et gouvernement de l'escuyer, comme dict est, et doivent chevaucher après le prince, ainsi que leur ordonne le palfrenier, et n'ont que faire iceux pages autour des chevaux , sinon de brider chascun son cheval , et les mener boire après le palfrenier, et par ordre de chevaucher après le prince, comme dict est, et doivent aller à la viande, et l'escuyer se sert d 'iceux pour les endoctriner : ils ont vallets aux despens du prince, qui les pensent et nettoyent, et se doivent iceux vallets tenir hors de la cuisine, pour garder les chevaux des pages, quand ils vont à la viande du prince. Le plus grand et le plus puissant des pages, doit porter l'estandart après le prince, et le prince selon qu'ils viennent grans, les faict ses conseilliers, et servent en armes auprès de luy pour faire message, et pour courir là où il les envoyé.

Le duc a un palfrenier, qui est le premier en l'escuyrie, et doit estre obey des autres au faict des chevaux, et doit chevaucher après les pages, et porter le manteau du prince, et non autre, il a en garde toutes les selles qui appartiennent aux chevaux, il mectles chevaux et les pages en ordre après le prince, comme dict est.

Le duc a quatre laquais vallets , et doivent amener le cheval du prince au montoir, et le doivent aller quérir à l'escuyrie, et le mener par la bride, et non monter sus, et bien garder que nul homme approche ledit cheval, et depuis que le palfrenier leur a délivré es mains, nul ne doit*attoucher le cheval sellé, ou

en harnassure, s'il n'est escuyer d'escuyrie, et doivent avoir lesdits vallets de pied chascun un blanc baston en la main, sans fer et sans glaive, et ce pour reculler le peuple qu'il n'approche point du prince , et ne seroit point bien séant que le pauvre peuple , qui amoureusement vient après le prince , et se tire pies pour le veoir, fust reculé ou féru de glaive, ou de trenchant, mais doit estre rebouté par iceluy baston qui n'a point de pointe. Les pages palfreniers, ou vallets laquais, doivent estre habillez pareils, et les vallets de pied ou palfreniers font les aumosnes avant les champs , à tous les pauvres que le prince rencontre , et rend compte en conscience celuy qui faict l'aumosne, de ce qu'il a donné, et doivent les vallets de pied aller aux sales, et entrées de toutes villes, et aller à pied autour de son cheval , comme dict est. En icelle escuyrie y a bien trente hommes à ceste cause, et chascun selon son estât, les vallets de corps nettoyent les chevaux d'estrilles, et de flassars (0, et leur donne avaine, font les lictieres , fientent les chevaux, et tiennent l'escuyrie honneste. Les mareschaux ferrent et medecinent les chevaux. Les bottelleurs livrent le foin, l'avaine et littiere, les chevaucheurs font la des^ pence et la pourvance, et les aydes d'iceux chevaucheurs sont fourriers de l'escuyrie, et prendent le logis : les vallets des sommiers, dont il y a plusieurs, pensent les chevaux des sommiers , et les meinent avec leur sommage : et outre plus, ils sont les chevaucheurs messagiers, et n'en y a que douze ordinaires, et lesdits douze messagiers ont un varlet aux despens du prince, et eux douze n'ont en l'escuyrie que quatre

(») Flassars : couvertures de chevaux.

chevaux , qui sont délivrez aux vallets des chevaucheurs chacun jour, et sont mis au proufict d'iceux où qu'ils soyent, car selon leurs charges et leurs commissions, aucunefois tous y sont , aucunefois néant et peu souvent, Tune fois deux, l'autre fois point et sont payez de leur voyages, quand ils vont dehors par l'argentier. Les officiers d'armes se créent, et baptisent à l'hostel du duc et pour ce fut il ordonné, qu'ils auroyent quatre livres par jour et non plus. Les varlets des chariots pensent de leurs chevaux , et se compte le tout soubsla main du chevaucheur, qui fait la despence par les escroes , et en l'office d'escuyrie, et doivent estre dessoubs l'escuyer tous ceux, qui portent esmail du prince , ou enseigne armoyé , excepté l'office d'armes.

Et puis que nous avons parlé de l'office d'armes , je deviseray d'iceux : le duc a en son hostel six roys d'armes, huict heraux , et quatre poursuyvans, et leur sont leurs cottes-d'armes délivrées et renouvellées par l'escuyrie, mais ils ne sont pas subjects à l'escuyer, et n'ont à respondre qu'au duc, et à son premier chambellain , et sont iceux comptez par les escroes, sinon quand ils vont es voyages , qui sont comptez par l'argentier : les officiers d'armes se créent et baptisent à l'hostel du duc es grandes jours, et es bonnes festes , et à faire un poursuyvant doit avoir deux heraux , qui doivent tesmoigner qu'il est personne honneste , qu'il a discrétion et renommée de vertu et de vérité pour entrer en l'office d'armes, qui jadis furent nommez les voirdisans. Le prince luy donne tel nom qu'il luy plaist, en le nommant, le baptise de vin, que les heraux luy ont apporté en une tasse , et puis donne

DE CHAULES LE riA.F,DY. 535

la tasse au poursuivant, et le rachapt communément d'un marc d'argent, et puis les heraux luy vestent la cotte d'armes du long des bras , et non autrement , et le doit ainsi porter tant qu'il soit poui suyvant , en différence des roys d'armes et heraux. Et si le poursuivant se gouverne bien, et qu'il soit trouvé homme de vertu , il parviendra au noble office de héraut , et doit avoir en sa création deux roys d'armes et quatre heraux, qui doivent certifîier de sa première conduite, et qu'il a esté poursuivant sept ans , et qu'il est digne d'estre héraut. Si doit estre batizé encore une fois, et luy change le prince son nom, et les heraux luy tournent la cotte d'armes selon ce qu'elle doit aller, et pour créer un héraut à estre un roy d'armes, convient que tous les roys d'armes, heraux et poursuivans que l'on peut finer (0 soyent là r et qu'ils portent tesmoignaige devant le prince des vertus du héraut, et qu'il est stillé au treshaut office de roy d'armes, qui est si haut, si noble, et si grand, que jamais ne peut avoir plus haut nom en l'office d'armes. Le héraut doit avoir la cotte d'armes vestue, et le prince luy met la couronne en la teste, qui doit estre d'argent doré , et non point d'or, et n'y doit avoir pierres que saphirs, en segniffant que le roy d'armes ne doit point avoir regard à nulles richesses, fors au ciel seulement, que le saphir figure, et dont il doit tirer vertu et vérité. La couronne doit estre en quatre lieux croisettée, et non flouronnée, et luy doit estre baillée nom de province subjecte au prince, où d'ancienneté il y ait eu nom de roy d'armes. Et au regard du roy des royers , il se nomme par le marquis

(') Finer : trouver.

du sainct Empire, et se crée par l'Empereur, et ne luy doit refuser, et est l'un des principaux roy-d'armes, qui soit en lachrestienté. Et du temps des nobles tournois , ils se combatoyent par deux partis , les uns royers , et les autres poyers. Et furent deux roy-d'armes faicts pour soustenir iceux deux partis, et pour mettre par ordre les blasons des nobles hommes, en gardant à chascun son estât et degré. C'est à sçavoir Je roy d'armes des royers pour toute la noblesse de Germanie, et le roy d'armes des poiers pour toute la noblesse de Gaule , et certes les matières sont de grandes recommandations. Mais je m'en passe pour abréger, et pour entresuivre ma matière. Et qui aura désir de sçavoir de ceste chose à parler, cherche un traicté que fit Anthoine de la Salle, et il trouvera matière de grande recommandation , et au regard de créer le roy d'armes de la Toison, il doit estre faict par élection des chevaliers de l'ordre. C'est le premier et le principal de l'hostel du duc de Bourgongne, et à l'entremise de la feste de la Toison, et ne doit avoir autre officier d'armes pour conduire les cérémonies que luy seulement , et se doit aider d'iceux poursuyvans, et non plus. Ils doivent tous à toutes choses grandes acompaigner le prince, leurs cottes d'armes vestus , ils ont de grands droits et de grans dons. L'office d'armes doit honorer les nobles, et la noblesse les doit nourrir, soustenir, et porter. Les officiers d'armes doivent porter les blasons du prince au costé dextre selon nostre coustume , mais les officiers d*armes d'Angleterre portent leurs blasons au costé senestre. Et autresfois ay demandé au roy d'armes de leur party, pourquoy ils avoyent telle coustume en Angleterre.

DE CH AILLES LE HAHbîT. 'JOr]

Surquoy il me respondit que leur raison estoit plus grande qu'autre. Et si un noble jeune homme qui jamais n'auroit esté armé, vouloit sçavoir de quel costé il devroit prendre son escu, il le verroit aux blasons des officiers d'armes et de quel costé ils le portent. Et pardeça les officiers d'armes , les portent au destre costé, pource que le dextre est le plus noble pour faire honneur au blason, et ainsi chascun a opinion raisonnable. Et la cause pourquoy le prince leur donne la tasse d'argent à les créer, est pour faire le blason de ses armes , et me tais à tant des cérémonies de l'office d'armes, pour entresuyvre ma matière.

Le duc de Bourgongne a douze trompettes de guerre, les meilleurs qu'il a sceu finer, et sont iceux trompettes gouvernez par un d'eux qui est leur chef, et le matin que le prince doit partir , ils doivent tous ensamble venir faire une basture devant les fenestres du prince, pour le resveiller à l'heure qui leur est baillée, et puis se partent quatre, et vont sonner à mettre selle par les quatre parties de la ville , ou de l'ost , et au retour de chascun ils doivent, sonner un mot au rentrer du logis du prince, et se doivent la rallier tous ensamble, etdesjeuner aux despens du prince. Et le chef des trompettes se doit tenir prest pour sçavoir quand on sonnera à cheval, et quand le prince le commande, les trompettes se départent, et vont sonner à cheval, et se mettent chascun en armes et en habillemens, et se retire chascun dessoubs son chef, et dessoubs sa cornette, et les trompettes se tirent devers le prince, comme la première fois, et assez tost après sonnent les trom-

pettes la tierce fois, et viennent les cornettes et esquadres acompaignez chascun de leurs gens devant l'hostel du prince, et quand tous sont venus, les trompettes font une basture, et à ceste heure monte le prince, et les trompettes doivent sonner à toutes entre'es et sallies, tant que la ville dure, ou le camp où l'on a esté logez. L'escuyer d'escuyrie leur livre banieres de trompettes , ils ont droit aux deniers donnez en largesse , dont l'office d'armes prent la moictié, et les trompettes, menestriers et joueurs d'instrumens l'autre moitié. Le duc a six hauts menestriers, qui sont gouvernez par un des menestriers qui est roy d'iceux , et portent les armes du prince, et sont comptez par les escroes comme les trompettes : le duc a quatre joiieurs de bas instrumens, pareillement comptez, et portent les armes du prince: et m'a esté force d'entresuyvre les estats non pas par ordre par règle. Et combien que ceux dont je parleray cy après soyent plus nobles, toutesfois j'ay voulu entresuyvre l'escuyrie , et ce qui en dépend. Le duc a soixante deux archers pour son corps, qui sont gouvernez par deux chevaliers, qui se nomment capitaines des archers, et sont comptez par les escroes ordinaires, et les peuvent iceux capitaines corriger et punir, et doivent annoncer les deflaillans au bureau 7 et aux maistres d'hostel, pour les royer si besoing est, et on ne leur doit point refuser quand ils le dient, ils ont tous les ans, ou souvent palletots d'orfaverie richement chargez , ils font le guet tour à tour devant le prince , ils le doibvent accompaigner à pied ou à cheval où qu'il voye , s'ils sont à pied , ils doivent estre autour de son cheval, le gouge

DE CHARLES LE HARDY. 5 3o,

ou le baston sur le col, et s'il est à cheval, ils doivent chevaucher après leur enseigne , et doit aller leur enseigne devant celle des escuyers, et entresuyvre les archers de la garde, comme je declaireray cy après. Le duc a six vingts et six hommes de sa garde, pour la seureté de sa personne, tous nobles hommes, et les faict appeller les escuyers de sa garde, et a chascun un homme-d'armes et un archer à cheval , et sont lesdits hommes -d'armes et archers gouvernez et conduits par un capitaine , qui se nomme capitaine de sa garde, et par quatre escuyers chefs d'esquadre, dont chascun a soubs luy trente hommes d'armes , et trente archers en son esquadre , et est chascune esquadre conduite par quatre chefs de chambre , lesquels en ont dessoubs eux chascun six hommes-d'armes, et leurs archers; ainsi sont en chascune chambre sept hommes-d'armes qui sont vingt huict pour les quatre chambrées , et a chascun chef d'esquadre deux lieutenans,l'un pour conduire les hommes-d'armes en son absence , et l'autre pour conduire les archers en chas^ cune esquadre. Le capitaine de la garde a pour sa chambre, outre et pardessus le nombre dessusdit, plusieurs hommes-d'armes, qui ont requis estre de la garde, et pource que ce n'est chose ordinaire, fors que volonté, et que le nombre est aucunefois plus, et l'autre moins, je ne m'y veux guère arrester, mais viendray à l'ordinaire seulement. Le capitaine a ordinairement huict archers et deux conseillers , deux trompettes et un chappellain, qui sont comptez aux gages du prince : Item il a deux hommes-d'armes ses lieutenans, dont l'un conduit l'estandart en son absence des hommes-d'armes, et l'autre conduit le gui-

don des archers de toute la garde, et ont les chefs d'esquadre chascun un archer ordinaire aux despens du prince, et a tels gages que les autres, et d'abondant les chefs d'esquadres et le lieutenant, ont chascun un conseillier de crue paye aux gages du prince, ainsi sont douze conseilliez en la garde, et servent iceux d'aller avec le fourrier de la. garde prendre les logis , et les deux conseilliez font le logis pour leur esquadre, et le troisiesme doit revenir au devant de l'esquadre , pour les mener au logis, et chevauchent iceux hommes-d'armes et archers, en huict esquadres tousjours en armes , soit en temps de paix ou de guerre. Et chevauche le second lieutenant du capitaine le premier, et le guidon des archers après luy, et pource se nomme iceluy capitaine des archers de la garde, et après luy chevauche la première esquadre des archers , qui est conduicte par i'homme-d'armes, second lieutenant de la première esquadre, et puis chevauche la seconde esquadre la tierce et la quarte, et sont conduictes par le second lieutenant , comme dict est. Et après eux chevauchent les archers de corps à guidon desploye', soubs le gouvernement du premier capitaine , et si c'est en temps de paix , les escuyers des quatre estats du prince, chevauchent après luy par ordre, et puis les chevaliers, les grans pensionaires, et puis ceux du sang, princes et autres, et puis les trompettes et l'office d'armes en ordre , et au regard des huyssiers d'armes , ils chevauchent deçà et delà , pour tenir la place ouverte, et puis devant le prince chevauchent sergeans d'armes, la mâche sur l'espaule, et le dernier l'escuyer d'escuyrie avec l'espe'e, et en

DE CHARLES LE HÀIlDY. 5ifl

tel ordre chevauche le prince, ses pages après luy, et derrière luy vient le capitaine de sa garde à l'estandart desployé , conduit par luy ou par son lieutenant, et après luy vient le premier chef d'esquadre, à cornette desployée, qui conduit la première esquadre des hommes-d'armes , qui accompaignent l'enseigne , et puis la seconde , la tierce, et la quarte, chascune conduite par son chef d'esquadre comme dict est. Mais quand le prince chevauche pour la guerre , ceux de sa maison chevauchent après la personne du prince, les chevaliers les plus pies de luy, les escuyers après, et puis la garde , et se ployé Testandart à demy, pour celuy du prince qui est desployé, et ne chevauchent devant luy entre les archers et sa personne , sinon les escuyers de sa chambre , et ceux de son sang , en la manière devant dicte , et tous les jours sont tenus ceux de la garde faire le guet devant le prince tour à tour , à chascune fois quinze hommes-d'armes, la première nuict le chef d'esquadre, et la seconde son premier lieutenant, avec le demourant, et doivent ceux du guet tous les jours accompaigner le prince embastonez et armez si besoin est : et sont ceux de la garde comptez par les escroes , et payez par le maistre de la chambre aux deniers, et font les clercs d'office un rolle tous les jours de leurs noms , et sont mis dedans le controlle par un petit escroe, et sont royez et recomptez par le capitaine de la garde seulement, qui a le regard sur eux : ils ont mantelines et parures du prince, et les archers palletots d'orfaverie, et sont comptez à si grans gages, et en tel estât, qu'ils ont chascun un couslillier armé, qui font cent

vingt six combattans, outre et pardessus le nombre armé : tous les hommes-d'armes ont par mois argent du prince et à ses despens, pour tenir sommier, amener le bagage : et à tant me tais du faict de la garde.

Et pour conduire ceste grande chose, faut deviser comment il se loge, et la police du logis , selon lequel est nommé en tout temps mareschal, pour servir au fait de la guerre , et doit livrer les cartiers aux fourriers des capitaines des gens-d'armes , et de tous les quartiers : le second mareschal, qui est mareschal de l'hostei du duc, doit avoir le chois pour loger le prince et son estât : et ne deviseray gueres pour le présent du mareschal du logis , pource que je reviendray en temps et lieu , mais deviseray du mareschal du logis de l'hostei , pour deviser de Testât de la fouriere , et comment elle se doit conduire. Le mareschal du logis se souloit appeller l'escuyer du logis, et ne se mettoit iceluy estât sus , qu'en la guerre seulement, mais pource que le duc va tousjours en armes, et que sa maison est si grandement accompaignée, comme l'on peut veoir, il est ordonné qu'il seroit un mareschal du logis de l'hostei, et est un moult bel office et estât : en l'hostei du duc il y a quatre archers comptez, et une trompette par les escroes, qui accompaignent le mareschal où qu'il voye, et quand il doit partir pour aller faire un logis de ville en ville, il faut sonner sa trompette, et sa trompette revenue, il doit monter à cheval, et les fourriers du prince doivent venir devers luy , et doit avoir le mareschal une cornette pour enseigne, et doit aller par toutes les rues , et par tous les logis sa cornette après luy , et le doivent suyvre tous les estats. Le fourrier de la

garde accompaigné de coustilliers ordinaires , doibvent marcher en belle ordonnance , jusques au lieu où ils doivent faire le logis, et est bien besoing qu'en temps de paix , que ce soit par aucuns jours avant que le prince se parte , et se départ le logis en deux parties, dont la première partie est livrée au fourrier pour le prince , les chambellains , les quatre estais de la chappelle, les archers de corps de la garde, la chambre et les officiers domestiques, et le mareschal loge les princes et grans pensionnaires , chambellans , et gens du conseil , ambassadeurs , et autres survenans, qui ne sont point domestiques : et ainsi se départ le logis , et le fourrier et ses aydes font le logis qui leur est ordonné , et le gardier de la garde, et aussi délivre au fourrier de ladicte garde, et ledit fourrier départ son logis en cinq parties , Tune poulie capitaine , et pour ceux de sa chambre , et l'autre partie se départ en quatre , pour les quatre chefs , et leur quatre esquadres. Et combien que le duc de Bourgongne soit prince des plus belles villes du monde , toutesfois son estât est si grand , que l'on trouve peu de villes où ils puissent tous loger , et faut souvent adjonctions de villes et de villages : ainsi le duc a un fourrier comme dict est , et si ce ne fut pour tenir ordre en. mon escrit, j'eusse mis Testât de la fourie tenant à sa chambre , car la fourie est de la chambre : le fourrier faict la despense de tout le bois qui se despend en l'hostel du prince , réservé de la cuisine , et se compte par les escroes , soubs Testât de la fourie , et sur iceluy se comptent les espices de chambre , drageries et autres , qui se livrent par les espiciers , la raison est ,

pource que le fourrier est vallet de chambre, et aussi est l'espicier, et ne se compte aucune despence de la chambre sinon en fourie : et aussi pource qu'on ne veut point enlremeller la despence des officiers : le fourrier doit porter un baston , lequel doibt estre verd , en signifiance du bois , et le doit porter en manière , comme s'il vouloit tousjours hurter à un huys pour demander ouverture, sa marque doit estre tenue à tous , sur paine de mort. Le fourrier en sa personne doit batre le lict du prince de son baston comme je l'ay escrit une fois , et quand le prince vient , le fourrier doit mettre le bancq , les tresceaux et la table , il doit reculer, remettre, et oster à icelle table les tresceaux , et à toutes autres dont le prince est servy , il doit faire son banc, chaieres, et toutes autres ouvraiges de bois , il doit livrer les linceux et estrain pour les licts, et pour paillaces de l'hostel du prince, et livre bois de livrée et bois de despence, etsoubs luy se faict une tresgrande despence, et en iceluy office sont douze personnaiges , et aides pour aider le fourrier et servir en son absence , et y a varlets de fourrier qui portent le bois en la chambre du prince , et besongnent aux feux et aux lumières, comme il appartient et doivent tenir l'hostel du prince net et honneste, les serviteurs de l'eauë servans, doivent porter l'eauë en la chambre du prince, et livrent caches et ramons (l), et quand le prince tient un grand estât ou une grande feste, le serf de l'eauë doi t donner à laver à tous, excepte' aux princes servans et aux ambassadeurs.

Et pour continuer Testât du duc, nous parlerons

(0 Caches et ramons : cassettes et balais.

de lestât des portiers. Le duc a deux portiers et deux aides comptez par termes, le portier doit estre le premier levé i et doit estre loge' à la porterie du prince, et ne doit point ouvrir, que le chef du guet, et ceux qui ont faict le guet devant le prince, ne soyent venus, et puis il ouvre sa porte, et la doit bien songneusement garder , que nul n'y entre qu'il ne cognoisse bien : et quand il vient à l'entrée de la nuit , il doit allumer fallots à sa porte , et la doit garder comme dit est, jusques à ce que le prince soit couché , et que les chambellains et ceux qui ont esté à son coucher, soyent retraits, et doit le portier visiter la maison , et sçavoir s'il ne trouvera nulluy qu'il n'a point acoustumé de veoir, et le peut prendre et mettre en prison , et chascun retrait , le portier ferme la porte, et ne la doit point ouvrir pour personne , qui vienne sans le congé du prince, ou du premier maistre d'hostel. Le portier est garde des prisons de l'hostel du duc, et principalement de ceux que les maistres d'hostel font prendre , et punir. Et pour entresuyvre ma matière , je parleray des ser* geans , et huyssiers d'armes, et principalement parlerons de ses sergeans d'armes.

Le duc a quatre sergeans d'armes comptez par termes, et tous les deux servent tousjours, et doivent lesdits sergeans d'armes estre devant la porte du prince. Et quand le prince part hors de sa chambre pour aller à la messe ou ailleurs , les sergeans d'armes se doibvent mettre devant luy : et quand le duc tient estât , au millieu de la sale doit avoir deux basses tables, dont l'une est petite pour quatre personnes seulement, et doit estre tournée devers le prince, et devant io. 35

luy , et au milieu d'icelle doivent seoir deuxhuyssiers d'armes, et aux deux bouts lesdils deux sergeans d'armes, en couclians chascun les masses sur les bouts de la table , et ayans leurs visages devers le prince , et derrière eux , doit estre la table des officiers d'armes, qui doivent estre du long de la table, et seoir leur costes d'armes vestues. Mais je demande pourquoy ne sont les roys-d'armes et heraux plus près du prince, que les huyssiers et sergeans-d'armes , et toutesfois ils ont leur costes d'armes vestues , et sont de plus noble estât que les autres. A ce je respons, que c'est pource que les huyssiers et sergeans d'armes sont les exécuteurs du prince , et que telles nouvelles pouroyent advenir , ou telle chose pouroit estre faict , que le prince voudroit mettre la main au plus grand de ses pays ou autres, et pource doivent estre assis iceux sergeans devant sa face , pour promptement exécuter son bon plaisir et commandement. Et au regard des huyssiers d'armes, le duc a bien vingt-quatre servans par termes, dont les uns servent à garder la chambre des chevaliers, autres à garder la chambre des escuyei s , et autres à garder la chambre du conseil , et doivent iceux huyssiers faire place devant le prince quand il va de lieu à autre, et doivent garder la sale où il mange, et aller et venir où il le commande, ils adjournent gens au conseil, soit devant le chancellier , chambellain , ou mai eschal , et exécutent toutes choses ordonnées par le conseil. Or feray fin de l'ordre de l'hostel du prince, et de son estât, et entrerons à parler de sa guerre, et le nombre de ses gens qu'il tient journellement, et de son ordonnance , et ne me suis pas arresté à plusieurs choses ,

qui sont journellement en toutes nobles cours. On sçait bien que le confesseur confesse le prince, et que luy ou le clercq de la chappelle dict ses heures avec luy , et que le prince offre tous les jours , et cent initie menues choses, qui sont en la maison du prince commune à tous , et aussi n'est pas à entendre que les ordres, les coustumes, et les loix soient pardessus les princes , mais les princes pardessus elle , pour en ordonner à son bon plaisir, et sont communément les statuts des princes conformes à leurs conditions. Or j'ai devisé de Testât et de l'ordre de la maison du duc Charles de Bourgongne , et est besoin que je devise de Testât de sa guerre , du nombre de ses gens-d'armes, et comment ils sont conduits, exercitez et gouvernez, et aussi comment les conducteurs et chefs d'esquadres sont faicts et créez.

Le duc a deux mille deux cens hommes d'armes en ses ordonnances , compté chascun homme d'armes à tels gages qu'à coustilliers(') armez, et dessoubs chascun homme- d'armes y a trois archers à cheval, et d'abondance pour chascun homme-d'armes y a trois hommes de pied armez , arbalestriers , colevi iniers et picquenaires, ainsi font huict combattans pour une lance, mais les gens de pied ne sont pas gouvernez par les gens de cheval.

Et pour gouverner icelle compaignie qui monte à dixhuict mille combattans, à prendre les conducteurs, lieutenans et autres archers, qui sont outre nombre, huict combattans pour lance : et sont iceux payez et comptez tous les jours à la souldée du prince

(0 Coustilliers : soldats armés de la coustille, qui étoit une sorte d'épée à deux trauchans.

par la main du trésorier des guerres. Je monstreray par la conduite de cent lances, comment se gouvernent tous les autres, et semblablement ceux de pied : en chascune cent lances y a un conducteur, soubs qui respond icelle compaignie, et se nomme conducteur, pource que le duc veut estre seul capitaine de ses gens à en faire et ordonner son bon plaisir. Et pour entresuyvre ce propos , nous parlerons de la forme et manière comment le duc crée les conducteurs, puis après de leur conduite, et m'en abregeray le plus que je pouray, pource que le duc Charles qui a ses ordonnances mis sus à labeur si notablement en sa personne, et faict mettre par escrit les ordonnances de sa guerre, si bien et si notablement, et a tous misteres esclarcy en telle forme et manière, que mon escriture ne me sembleroit que temps perdu , et lesquelles ordonnances sont portées en Angleterre, et si besoin est, sont recouvrables pardeçà, toutes et quantes fois que besoing sera , parquoy je m'en passe pour abréger, et parferay ce que j'ay dict.

Le duc renouvelle tous les ans les conducteurs de ses ordonnances , comme il est escript en sesdits or^ donnances , et contre le temps que sesdicts conducteurs se doivent renouveller, iceux conducteurs viennent ou envoyent devers le duc, selon leurs affaires, et selon la charge qu'ils ont, et en iceluy temps ceux qui désirent d'avoir charge de conducteur pour l'année advenir, se tirent devers les secrétaires, qui sont ordonnez pour la guerre , et ils enregistrent et mettent en mémoire : et en temps ordonné, ils apportent icelles mémoires au duc, qui les retient par devers luy, par certains jours et à son bon plaisir, et selon

les recommandations des mérites d'un chascun , il poinctie ceux à qui il veut donner la charge de conducteur , et à la fois de ceux qui l'estoyent paravant , et à la fois non , et les fois par noms de compaignie, dont Tune s'appelle la première compaignie , l'autre la seconde , et ainsi jusques à la vingtdeuxiesme, et par ce moyen sçavent les conducteurs en quelle compaignie ils doivent aller quand ils ont le don. Et au jour ordonné, il mande par un huyssier d'armes les conducteurs qu'il a choisi , et les faict venir en une sale , en laquelle le duc sied en chayere parée, comme à prince appartient, et là sont les seigneurs du sang, le conseil, et les nobles de la maison, et sont là presens ceux qui paravant ont esté conducteurs. Et le duc par son chambellain faict dire la cause pourquoy il se contente des conducteurs passez, et si grandes causes survenoient de parler à aucun particulièrement, en soy contentant ou non contentant, le duc feroit dire publiquement, pour rendre à chascun mérite selon sa desserte. Et n'ay point veu que le duc n'ayt deschargé les conducteurs de leurs charges à leur tresgrand honneur et recommandation. Et après iceux estre deschargées, le duc faict parler à ceux qu'il a choisi pour l'année, et leur faict lire les ordonnances qu'il faut à la conduicte de la guerre : et après la lecture d'iceîle , il faict appeller devant luy chascun conducteur particulièrement l'un après l'autre, et publiquement baille à un chascun deux choses. Premièrement le livre de ses ordonnances richement faict et escript, et couvert de velours, en moult honneste vollume, sellé du grand seau en cyre verde, et en lacs de soye :

55o ESTAT DE LA MAISON

et en luy baillant, parlant le duc par sa bouche, il dict, «Vous tel, je vous fays conducteur pour l'an- « née de telle compaignie de cent lances de mes gens- « d'armes. Et afin que vous sçachez, entendez et ne « puissiez ignorer comme j'entens le faict de mes gensce d'armes , et de la guerre estre conduicte et gouver- « née, je vous baille les ordonnances que j'ay sur ce « faictes et ordonnées, et vous commande de les es- « troittement tenir et garder, selon le contenu en « icelles : » et puis prend le duc un baston qu'on appelle baston de capitaine, et est iceluy baston couvert de bleu entortillé de blanche soye, qui sont les couleurs du prince , et baille le baston au conducteur et luy dict. « Affin que vous soyez obey, et plus « puissant sur ceux, dont vous avez par moy charge, « et que vous puissiez entretenir et faire entretenir « mes ordonnances, et faire mes commandemens, je <c vous baille le baston pour avoir la main forte sur « voz gens, et vous donne en effect de les gouverner « et punir par telle auctorité que moymesmes, » et sur ce reçoit le conducteur le serment de faire et entretenir les ordonnances du prince, et selon le contenu d'icelles, et ainsi l'un après l'autre crée le duc deBourgongne ses conducteurs , et sont tenus de renvoyer icelles ordonnances et le baston à la fin de l'année, pour les bailler à celuy à qui il plaira au duc d'y ordonner? et se tire chascun en la compaignie à luy ordonnée. En chascune compaignie de cent lances y a quatre chefs d'esquadre, dont Tun est ordonné par le duc, et y met communément un des escuyers de son hostel , et n'ay guerres veu que le conducteur ne face d'iceluy son lieutenant, combien qu'il le peut faire

d'un autre s'il luy plaist , et au regard des autres chefs d'esquadre, le conducteur les peut choisir à son bon plaisir, et soubs chascun chef d'escadre y a quatre chefs de chambre , lesquels chefs de chambre , le chef d'esquadre peut nommer et choisir, sans ceux de son escadre à son bon plaisir. Soubs chascun chef de chambre a cincq hommes d'armes, qui sont en chascune des chambres, à prendre le chef de chambre et les hommes d'armes, soubs luy sont six hommes d'armes. Ainsi sont vingtquatre hommes d'armes, et le chef d'esquadre, et ainsi par quatre chefs d'esquadres trouverons cent lances soubs le conducteur, chascun homme d'armes a soubs luy trois archers à cheval, ainsi sont trois cens archers en chascune compaignie, et chevauchent chascun cent lances en huict esquadres , c'est à sçavoir les archers en quatre esquadres, et en chascune esquadre d'archers septante cinc archers, et sont conduits iceux archers par un homme d'armes principal en chascune esquadre, au regard et à la devise du chef d'icelle esquadre, et chevauche le guidon des archers au front devant la première esquadre , et pareillement l'estandart des hommes d'armes au front de la première esquadre des hommes d'armes.

Or nous faut deviser de Testât des gens de pied, lesquels sont conduits par un chevalier chef de toutes gens de pied, et soubs qui respondent tous les chefs d'iceux gens de pied, sur chascune compaignie de trois cens piétons a un capitaine, homme d'armes à cheval, et port -enseigne et guidon, et sur chascun cent hommes a un centenier homme d'armes à cheval, qui porte autre plus courte enseigne, et respon-

f)5î ESTAT DE LA MAISON

dent iceux centeniers aux capitaines dessus nommés , et outre plus en chascun trente et un hommes , l'un est trentenier, à qui respondent tous les autres, et marchent par compaignies , et par ordre de capitaine de centeniers et de trenteniers, et communément sont gardes de l'artillerie et du charroy, et pour les raisons devant dictes, je me passeray à deviser des ordonnances sur ce faicte , et combien que j'ay mis en escript le nombre des hommes d'armes, archers à cheval, et gens de pied des ordonnances de monsieur de Bourgongne , et que j'aye devise' les gens-d'armes , et qu'ils sont tousjours prests et armez les uns comme les autres, où vous trouvez en nombre plus de vingt mille combattans, toutesfois n'est encores tout le nombre de ses gens d'armes comptez, journellement prests et en point , car de nommer outre et pardessus le nombre dessusdict , il a fourny sa maison de douze esquadres d'archers d'Angleterre, lesquelles douze es-, quadres sont conduites par douze hommes d'armes anglois par la manière qui s'ensuit.

Premièrement le duc a ordonné un escuyer pour conduire quarante archers pourl'esquadre de la chambre , et est à entendre deux archers pour chascun homme de sa chambre, qui sont vingt hommes d'armes, à prendre l'escuyer et les quatre sommelliers comme dit est. La seconde esquadre est de quatrevingt hommes pour les quarante archers tousjours compter , et les départir en la manière dessusdit. Item quatre autres esquadres chascune de cent archers , pour les quatre cstats des escuyers , pour chascun estât, qui sont cinquante hommes, deux archers, et pource cent archers pour chascune es-

quadre. Item et pour renforcement de la garde, sont ordonnez quatre esquadres de quarante archers pour cliascune esquadre , qui pareillement est à entendre deux archers pour chascun homme d'armes , et sont trente hommes d'armes en chascune esquadre. Et puis que nous avons devisé des gens d'armes ordinaires, il faut deviser de l'artillerie, laquelle est une merveilleuse despense et grande.

L'artillerie se conduit soubs un chevalier qui se nomme maistre de l'artillerie, lequel a telle auctorité , qu'il doit estre obey en «on estât comme le prince , il a soubs luy le receveur qui paye les officiers , et les pouldres, les canons, les forges, et les pionniers , les chartons et tous les ouvraiges qui se font à cause de l'artillerie, et certes la despence qui passe par ses mains monte par an plus de soixante mille livres , et devez sçavoir que en la pluspai t des armes du duc, il meine avec luy pour le fait de l'artillerie seulement, plus de deux mille chariots , les meilleurs et plus puissans que l'on peut trouver en Flandres et en Brabant , et certes le duc peut avoir trois cens bouches de l'artillerie , dont il se peut ayder en bataille, sans les harcquebusses et coulevrines, dont il en a sans nombre. En l'artillerie est le controlleur, qui tient par ordre et par escript le conterolle de toute la despence , faicte et payée de toute la provision de l'artillerie , comme d'arcs , flesclies , arbalestres , de de trait, de baston à main, de cordes, et toutes autres choses nécessaires appertenant à iceluy estât , là est le maistre des œuvres , carpentiers , marisschaulx , forgeurs, et toutes manières de gens. Et quant le duc est devant une ville, il faut asseoir les bombardes, il

convient pour chascune bombarde un gentil homme de son hostel pour la conduite d'icelle bombarde , et la suyt , qui est es mains du bombardier. Et est l'artillerie estoffée et garnie de toutes choses, tellement que le duc ne se soussie point à passer rivières de mille pieds en peu de temps, si besoin est, et est puissant et fort pour passer la plus grande bombarde du monde.

Le maistre de l'artillerie a prevost en son artillerie, lequel a jurisdiction et auctorité de justice sur ceux de l'artillerie, et en peut faire justice criminelle ou civile, telle qu'il luy plaist, et n'est pas à oublier le faict des tentes et pavillons , qui est une somptueuse chose , et se conduit par un gentilhomme qui a la charge d'icelny estât, et meine aux despens du prince plus de quatre cens chariots, puissamment atteliez, et se comptent iceux chariots soubs la despence de l'artillerie. Et certainement le duc délivre pour sa compaignie bien mille tentes et mille pavillons , à prendre pour ambassadeurs et estrangiers , pour la maison du duc pour ses serviteurs et gens-d'armes : et à chascun voyage le maistre des tentes a nouvelles tentes et nouveaux pavillons aux despens du prince , et monte icelle despence à prendre toille et ouvrages seulement plus de trente mille francs.

Or ne suffit-il d'avoir seulement devisé de ce grand nombre de gens-d'armes à cheval et à pied, et de ce grand nombre de chariots , qui est une chose merveilleuse, car combien que le duc donne à tous argent particulier pour tous sommiers , et merveilleux nombre de chariots et charettes, pour leur nécessite', pour ce que le duc faict communément durer la guerre

en temps d'hiver aussi bien qu'en temps d'esté, pource faut il plus de provisions contre les froidures , et antres nécessitez. Et ne suffiroit point qui ne deviseroit par quelle manière, et par quel ordre se loge iceluy grand ost. Le duc a pour son grand principal officier le mareschal de Bourgongne , lequel a telle prééminence, qu'il prend droit de mareschal sur tous gensd'armes , mais non point es gens-d'armes des ordonnances , et se nomme ledit mareschal de Bourgongne pour un mareschal de France , et prend droit avec comme les autres, et ce de toute ancienneté, et se conduit le fait de la guerre par sa main avant tous les autres, et doit estre à l'avantgarde du prince comme le principal , et toutesfois si le prince mettoit en l'avantgarde aucun prince de son sang, le mareschal luy seroit per etcompaignon, touchant ladicte avantgarde, et en l'absence dudit mareschal de Bourgongne, se faict un mareschal de l'ost , qui est son lieutenant , lequel conduit les matières de guerre , et prent les droits de mareschal , et ordonne les commissaires , comme si luy mesmes y estoit, et sont soubs ledit mareschal, ou son lieutenant, les mareschaux des logis et de l'hostel , et par ledit mareschal de logis est logée ceste grande armée.

Le mareschal du logis , quand le prince doit prendre logis nouveau , il doit faire sonner sa trompette , et doit avoir enseigne desployée , et à luy se doivent assambler le mareschal de l'hostel , et tous les fourriers de toutes les compaignies, soit de pied ou de cheval, et doivent chevaucher en ordre et en bataille soubs la conduite dudit mareschal , et quand ils sont prests à loger , il peut faire arrester les compaignies avec son