CHAPITRE XXV

Comment le duc de Bourgongne défit ceux, qui fuyoyent du siège d' Audenarde > vers Gand : et

comment plusieurs rencontres et ècarmouches se firent entre les Bourgongnons et les Gandois *

durant cette guerre.

Vérité fut que celuy jour, et si-tost que le comte d'Estampes fut en Audenarde, et qu'il eut les Gandois mis en fuite , il envoya , à toute diligence , son héraut , nommé Dourdam , au lieu de Grammont , pour porteries nouvelles du siège levé' : et fit le héraut si-grande diligence, qu'il vint de haute heure devers le duc : et si y a, d'Audenarde à Grammont, cinq lieues. Et, quand le duc fut averti du siège levé, il fit sonner ses trompettes, pour estre chacun à cheval à toute diligence : et se mirent les routes aux champs, et au chemin, chacun qui mieux mieux, pour tirer à la porte de Gand , et du costé où les fugitifs Gandois du siège devoyent rentrer en leur vile. Le comte de Sainct - Pol , et messire Jehan de Ci ouy avoyent l'avantgarde : et se partirent les premiers : et, pource que par bonne avanture je fu des premiers armés de l'hostel du comte de Charolois (à qui je fu serviteur) il m'envoya devant, pour sçavoir des nouvelles de ce , qui pouvoit advenir par celle chevauchée. Si m'acompaignay d'un ancien escuyer bourgongnon , nommé Philippe d'Arlay ( qui beaucoup avoit veu de

la guerre) et chevauchasmes si-diligemment parmy l'avan tgarde, que nous passasmes plusieurs enseignes, cornettes, et guidons , et ratteindismes le premier guidon : qui estoit audict messire Jehan de Crouy : qui estoit acompaigné d'environ cinq cens archers, et vingt hommes-d'armes : où je recongnu messire Jehan de Rubemtprè : qui moult fort chevauchoit celle route : pource qu'ils avoyent nouvelles qu'à un moulin à vent , à l'entrée des maladeries de Gand , aucuns Gandois se rassembloyent. Ce qui estoit vray : et certes, quand la compaignie y aborda, ils estoyent ja rassemblés plus de huict cens hommes-de-pié, à une enseigne de Nostre-Dame : et disoit on que c'estoit le mestier des tisserans.

Archers mirent incontinent pie à terre, de l'autre part du grand chemin : et, selon qu'ils abordoyent, ils se mettoyent en bataille : et certes je regarday bien à loisir la contenance desdicts Gandois : mais ils estoyent si effrayés et si-dereiglés , que peu se mirent en ordonnance pour combatre , mais par monceaux : et, si-tost que les archers se trouvèrent deux cens à terre, ils crièrent, Nostre Dame , Bourgongne , et coururent sus aux Gandois moult-fiérement : et les Gandois, pour toute deiFense, s'enfuirent par la maladerie, et par le fauxbourg, contre Gand : et bien le pouvoyent faire. Car ils furent assaillis sur costiére : parquoy ils avoyent le chemin de la vile à leur commandement. Les hommes-d'armes commencèrent à aprocher, et les gens-d'armes à cheval : et dura la chace et la tuerie des Gandois , jusques aux portes de la vile : et plusieurs furent dedans les dernières barrières , et par- dedans les maisons du faux-

D OLIVIER DE LA MARCHE. bD

bourg de la maladerie. Plusieurs Gandois estoyent musses (0 sous les licts et es chambres, planchers et celliers , chacun qui mieux mieux , pour garantir sa vie : mais les archers et gens-de-pié cherchoyent (2) les maisons, et les prenoyent et occioyent sans mercy et sans rançon : et n'est pas à douter que la vile de Gand ne fust en grand efFroy de ceste chose. Si sonnèrent leur belfroy, et coururent à la porte, à moultgrand nombre de gens : et le duc de Bourgongne, le comte de Charolois son fils, et toute la bataille, se mirent en ordonnance, au moulin à vent dessusdict, en attendant ceux , qui chaçoyent les ennemis : et estoit ja basse vespre, et bien tard, quand tous furent revenus et rassemblés.

Si prit le duc conseil qu'il estoit de faire : et fut conseillé d'aler à Gavre, pour essayer si ceux de la place se voudroyent rendre au duc, pour l'ebaïssement du siège levé : et fut toute nuict, quand le duc y arriva : et se logea chacun sans grand ordre pour celle nuict, les uns es maisons, les autres es jardins et es champs : et toute nuict tirèrent ceux du chastel sur noz gens , et par le vilage , de canons et de serpentines (dont ils estoyent bien^pourveus) et ne voulurent n'ouyr, ne parlementer. Le l'endemain , bienmatin, le duc fit sonner les selles, et fut envoyé messire Robert de Miraumont, et messire Pierre son frère, acompaignés de deux cens archers, le chemin de Gand, pour sçavoir si les Gandois estoyent point issus : et le duc s'en retourna le droit chemin de Sainct Adrian de Grammont : et là se logea et y demoura par aucuns jours. Sur la fin d'avril, le duc et

10 Musses : cachés. -r-. 0) Cherchoyent; fouilloicnt.

le comte, son fils, se tirèrent à Audenarde : et, le premier jour de may, le comte d'Estampes, le signeur de Kavastain, le bastard de Bourgongne , messire Antlioine le Bastard , le signeur de Haubourdin , et plusieurs autres capitaines , firent une course devant Gand : et vindrent assez matin devant la vile : et furent gaigne's deux ou trois forts boulovarts sur eux. Mais finalement les Gandois, à grosse puissance de gens et d'artillerie, gardèrent leurs prochains forts : et ne fut faict autre exploict pour celuy jour : sinon qu'ils perdirent plusieurs vilains, pris et tues : et avint que, tandis que l'on ecarmouchoit devant la vile, aucuns des Gandois se retraïrent en une maison, close de fossés, qui sied sur les marests : là où ils furent snyvis et assaillis par gens de toutes pièces, qui les poursuy virent: et à celuy assaut messire Jehan, signeur de Miraumont, fut atteint d'un trait d'arbaleste à la gorge : dont il mourut : et fut dommage : car il estoit un notable et vaillant chevalier. Assez tost après le duc se tira à Termonde : et ordonna ses garnisons, fortes et puissantes. Le comte de Sainct- Pol et le signeur de Cimay furent envoyés à Allost. Le comte d'Estampes demoura à Audenarde : et le mareschal de Bourgongne fut ordonné à Courtray : et eut bien trois cens lances de Bourgongnons : et furent les chefs le signeur de Bay, le signeur de Beauchamp , le signeur d'Espiry, et autres : et le duc, voyant la rivière de l'Escaud estre grande et profonde devant Termonde, et que là convenoit passer par bateaux, pour aler courre devant Gand, et pour aprocher ses ennemis d'iceluy costé, fit mander ouvriers de toutes pars, pour faire un pont sur tonneaux, à

cordes et à planches : et, pour deffendre ledict pont, fît, outre l'eaue, faire un gros boulovart de bois et de terre : et là se logèrent le signeur de Ternant, et le signeur de Humiéres, tous chevaliers de la Toison d'or, sachans et expérimentés en armes : et avoyent la charge et conduite, tant de l'ouvrage, comme de la garde d'iceluy costé.

Le jour de l'Ascension Nostre-Signeur, au poinct du jour, passèrent le pont le signeur de Launoy, le signeur de Humiéres, messire Jaques de Lalain , et messire Jehan , bastard de Renty , acompaignés de plusieurs jeunes chevaliers et nobles hommes, qui desiroyent d'eux éprouver contre les ennemis : et tirèrent à un gros vilage, à trois petites lieues près de là, que l'on appelle Locres C1). Ceîuy jour conduisoit les archers ledict messire Jehan, bastard de Renti : et avoit aveques luy la plus-part des archers du duc : dont il estoit capitaine. Si passa une grande eaue, qu'il faut passer à un pont de bois : et entra au vilage : et mit les Gandois et fuite : qui ne se doutoyent point de sa venue : et aucuns se retraïrent en l'église : et tantost passèrent les autres chevaliers et leurs routes. Si commencèrent les archers à fourrer et à piller le vilage , et les autres à assaillir ceux , qui estoyent retraits au clocher du monstier : et demourérent en tel desroy, sans ordre et sans guet, près de deux heures : et tandis les cloches des vilages Gandois sonnèrent l'elfroy : et les Gandois, fugitifs, coururent es autres gros vilages : et se rassemblèrent plus de trois mille hommes : et vindrent marcher en deux compaignies , les uns droit au vilage , et les

(0 Locres : lisez Lokeren.

autres sur costiére, à la couverte des hayes, et des plessis (') : et tant firent qu'ils gaignérent le pont, par où les gens du duc esloyent entrés audict vilage : où ils mirent le feu en leurs propres maisons : et, à l'avantage du vent, surprirent, brûlèrent, et occirent, plusieurs de noz gens, et la pluspart mirent en desroy et en fuite : et, quand ils cuide'rent regaigner la rivière par le pont, ils trouvèrent les Gandois, qui leur couroyent sus à longues picques, et avec arbaiestes : et enfondroyent chevaux, et tuoyent gens sans mercy ou répit : et les gens du duc repassèrent la rivière (qui moult estoit grande et périlleuse) à nou (Q) de cheval, et de piè, à moult-grand danger : et les chevaliers, qui la conduite avoyent , mirent moult-grand peine de rassembler et de ralier leurs gens. Or, pource que bien-faict ne doit estre teu, ne celé en sa vérité, il faut bien, à ce besoing, que je parle du bien-faict et de la vaillance, que fit ce jour le bon chevalier messire Jaques de Lalain. Il couroit, en sa personne, là où il voyoit la plus-grand'presse d'ennemis, et le plus grand besoing, pour ses gens secourir. Il combatoit l'espee au poing, comme un chevalier sans paeur et sans doute : et passa et repassa la rivière par plusieurs-fois : et sauva si-grand nombre de gens, de mort et de péril, que tous luy donnèrent l'honneur de la journée : et disoyent au retour tous les compaignons, en généralité, que la chevalerie de messire Jaques de Lalain les avoit préservés de mort. Cinq chevaux eut occis dessous luy celuy jour : et, quand il cuida avoir tout achevé, et mis ses gens à sauveté devant luy, comme le bon

(0 Plessis : jardins clos. — (2) A nou : à la nage.

pasteur fait ses brebis, il sceut que son frère, Philippe de Lalain , estoit enclos des ennemis. Si retourna : et fut suyvi d'aucuns : et à force d'armes recouvra son frère des ennemis : et qui me demanderoit qui furent ceux qui le suy virent, et dont il se loua fort de leur bonne compaignie pour celuy jour , certes je le sçay par ledict messire Jaques : et fut Gaspart de Dourtan , un escuyer bourgongnon ( qui fit armes à luy en Bourgongne) Jehan Rasoir, escuyer de Hainaut , son serviteur ( qui fit armes aussi en Bourgongne contre Michau de Certaines : comme il est escrit cydessus) et un fol-joyeux (qui estoit au comte de Charolois) nommé Andrieu de la Plume : et de ces trois se loua fort le chevalier pour celuy jour, sur tous autres.

Finalement se partit la journée, à foule et perte de noz gens : mais, toutesfois, perdirent les Gandois trop plus de gens , sans comparaison, que ne firent les nostres : et le duc de Bourgongne (qui bien sçavoit que ses gens avoyent eu à souffrir ) les attendit au boulovart, outre la rivière : et là fit aporter son souper : et soupérent aveques luy les chevaliers , qui avoyent esté à la journée : et fit seoir messire Jaques de Lalain empres luy, et au-dessus de luy : et dît qu'il vouloit tenir les anciennes bonnes coustumes : qui estoyent que l'on devoit honnorer le meilleur chevalier du jour.

Le duc de Bourgongne, voyant que le pont qu'il avoit fait faire estoit fort assez pour passer grande armée, et que les tonneaux, les cordes, et les planches, levoyent et soustenoyent tel faix que l'on leur vouloit bailler, prit conseil de faire passer et courir

ijO MEMOIRES

plus-grande puissance : et, assez tost après la journée devant-dicte , le signeur de Crouy en eut la charge, et fut chef pour celuy jour : et menoit et conduisoit Festendard du duc de Bourgongne, et le portoit pour celuy jour, Maillait de Fleschin , un escuyer de Picardie , escuyer d'escuyerie du duc : et fut acompaigné iceluy estendard par Adolf, monsieur de Cle'ves , neveu du duc , par Cornille , bastard de Porrgongne, par le signeur deTernant, par messire Jaques de Lalain , et moult -d'autres signeurs : qui passèrent le pont par un mardy : et, pource qu'on fut averti que les Gandois estoyent à grand nombre en un vilage, my-chemin de Termonde et de Gand , nomme' Hovermaire (0, où. ils gardoyent un haut et puissant boulovart, qu'ils avoyent fait pour garder et deffendre iceluy vilage de Hovermaire , marcha la compaignie celle part : et le comte de Sainct-Pol, messire Jehan de Crouy, messire, Jaques de Luxembourg, et plusieurs autres, grandement et noblement acompaignés, estant mandés et avertis par le duc de Bourgongne, partirent de leur garnison d'Àllost, et vindrent à Termonde, et passèrent le pont, en moult-bel ordre, suyvant la première compaignie : et le signeur de Crouy, et sa route, tiroit tousjours avant : et furent ordonnes, par manière d'avantcoureurs, le signeur de Ternant, et messire Jaques de Lalain, acompaignés de Michau de Changy, d'Anthoine de Lornay, et d'autres.

Si trouvèrent les Gandois sur leur boulovart, en grand nombre, et en grand appareil de deffense : et me souvient que le signeur de Ternant , en sa pei -

(') Hovermaire . lisez Overmeire. L.

sonne, monstrales ennemis : et dît, «Beaux-Signeurs, « voilà les ennemis et rebelles de nostre prince. Or « y perra (0 ce jourd'huy qui bien le fera. » Et prestement furent pointes de soulies coupées : et hommesd'armes et archers se mirent à pie, qui mieux mieux. Là furent chevaliers nouveaux faicts en grand nombre par le signeur de Crouy, Adolf, monsieur de Cléves, Cornille, bastard de Bourgongne, Philippe de Crouy, fils du signeur de Cimay, Jehan de la Trimouille, signeur de Dours, Guy de Brimeur, signeur d'Hymbercourt, Philippe de Crévecueur, signeur des Cordes, Charles, fils du signeur de Ternant , Philippot de Jacourt, signeur de Vilîarnoul, et grand nombre d'autres , les noms desquels je n'ay peu retenir ne savoir : et, selon que les chevaliers nouveaux estoyent faicts, ils marchoyent contre ledict boulovart : qui fut promptement assailli : mais les Gandois, quand ils virent venir et aprocher enseignes et gens , les uns après les autres , et que l'on les assailloit si-baudement, ils se mirent à la fuite, et abandonnèrent les deOenses : et furent chacés pesle-mesle : et plusieurs en y eut d'occis : mais ils avoyent grand avantage, tant pource qu'il faloit gaigner et monter ledict boulovart sur eux , comme pource qu'ils estoyent légèrement arme's , et le chaud estoit grand, et le sablon pesant et chaud à marcher, et fort au desavantage de noz hommes-d'armes : et certes l'un des premiers hommes, que je vey sur le boulovart, fut messire Jaques de Lalain. Messire Adolf de Cléves, et messire Cornille, bastard de Bourgongne, montèrent promptement sur ledict boulovart, sans attendre et sans marchander,

(') Y perra : il paroîtra j on verra.

t)2 MEMOIRES

et poursuyvirent les ennemis moult-longuement , à pie : et me souvient que Guillaume de Sainct-Songne, un moult notable escuyer ( qui gouvernoit et avoit nourry ledict bastard de Bourgongnc) courut audevant, et l'arresta : et luy dît : « Comment? Monte sieur , voulez vous, par vostre verdeur et jeunesse, « mettre ceste noblesse en danger, qui vous suit à « pie, à pesantes armes, et par telle chaleur, qu'il « faut les plusieurs porter et soustenir par les bras ? « Vous devez estie le chastel et le fort, où tous les « autres se doivent rassembler et fortifier : et l'on ne « vous peut consuyr (') ne ratteindre : et certes, si « les ennemis 1 etournoyent , et vous trouvoyent en « tel travail et desroy , ceste vaillance vous seroit « tournée à honte, par le dommage qu'à vostre cause « pourroit avoir la compaignie. »

Le bon chevalier (qui moult obeïssoit à celuy qui l' avoit nourry ) s'arresta : et se rassembla chacun à Tentour de luy : et tandis fut le boulovart rompu : et à cheval monta messire Jehan de Crouy (qui estoit venu en la seconde compaignie) et passa son enseigne et sa compaignie : et chacea jusques à Gand : et furent les chevaux ramene's à ceux, qui estoyent descendus à pie : et, tandis que ces choses se faisoyent, les Gandois, estans à Locres en grand nombre, sachans que leurs compaignons, estans à Hovermaire, avoyentà souffrir, se partirent bien trois mille hommes, et vindrent celle part : et cuidérent enclorre la compaignie par derrière, pensans qu'encores durast l'assaut au boulovart : et si-bien avint que la compaignie, qui avoit assailli, estoit desja à cheval : et le comte

{*) Consuyr : suivre.

d'olivier de la marche. 93

Louis de Sainct-Pol et sa compaignie ( qui nes'estoyent bougés de la bataille , ne rompu leur ordre, pour chose qui fust avenue ) fut assez-tost averti de la revenue des Gandois, tant par la poudre qui se levoit en leur chemin, comme par aucuns chevaucheurs, qui se perceurent d'eux. Si se mit chacun en devoir, et en ordre, pour recevoir iceux Gandois.

Fièrement marchèrent lesdicts Gandois : et reculèrent ce qu'ils trouvèrent de noz gens : et avoyent archers et arbalestiers, qui tiroyent devant leur bataille. Si trouvèrent un grand fossé : où ils s'arrestérent , se mirent en bataille , et attendirent les uns les autres : et noz gens aprochèrent, et entrèrent partie en un champ devant eux : et de costè furent envoyés environ cent archers : qui tirèrent tous à une fois sur costiére : et commença le hu et le cry de toutes pars : et prestement se rompirent lesdicts Gandois, et se mirent en fuitte : et certes il en mourut bien, à celle rencontre, quinze cens : et fut un droit enoysellement (0, et un gibier pour les jeunes et nouveaux chevaliers : dont plusieurs y en avoit, qui estoyent nouveaux gens-d'armes : et s'en retourna la compaignie à Termonde , celle nuit , menant grande proye de prisonniers, de bagues, et de bestial, conquis sur les ennemis.

Le vingt -cinqiéme jour de may, le comte d'Estampes, estant à Audenarde, fort-acompaigné de la noblesse et puissance de Picardie , fit une emprise , pour aler gaigner sur les Gandois le vilage de ]Néve (2)?

(0 Enoysellement : chasse aux oiseaux. — (a) Ne've, lisez Nevèle. Le comte cTEtampes vouloit se venger «les Gandois, qui, quelques jours auparavant, avoient brûlé Vive, bourgade qui lui appartenoit.

en Flandres : que les Gandois et le peuple , leur aidant et bien-veuillant, avoyent moult-fort fortifie' : et y estoyent grand nombre de vilains assemblés. Si fit le comte ouvrir les portes devant le jour : et marcha Tenseigne de messire Ànthoine , bastard de Bourgongne, la première : et vindrent bien-matin es barrières de JNéve : et descendirent à pie aveques les archers, le signeur de Herin, Guyot Dusie, Errard de Digoine , Sibvet Pellerin, et plusieurs autres jeunes gens : qui tousjours queroyent à eux monstrer, où. qu'ils se trouvassent : et fut l'ecarmouche si-bien et si-hardiment entreprise et conduitte, qu'ils reboutérent les ennemis : et entrèrent audict vilage à puissance d'armes : et s'enfuirent les Gandois à petite perte de leurs gens.

Si commencèrent archers et compaignons à piller et fourrer les maisons, pour butiner et pour gaigner: et se dereiglérent tellement, que les enseignes démoulèrent toutes seules, excepté d'aucuns gens-de-bien, à qui le dereigle et la pillerie déplaisoit moult : mais autre chose n'y pouvoyent faire : et tandis se rassemblèrent les Gandois fugitifs, aveques autres, qui leur venoyent au secours : et vindrent par la porte, par où estoyent entrées les enseignes du comte d'Estampes : et, quand ils les veirent venir, aucuns, qui bien sçavoyent le dereigle des gens -d'armes parmy le vilage, fermèrent une barrière, qui estoit devant un pont, faicten haste,surun grand fossé profond, qui clooit ledict vilage : mais incontinent y vindrent le signeur de Herin, et Jehan de Chassa, dict le Benestru, et un grand tas de jeunes gens, pleins de feu et de courage : qui sans grand conseil , ouvrirent la bar-

d'olivier de là marche. q5

riére, et, sans attendre archers ou aide, marchèrent dehors, et coururent sus aux premiers ecarmoucheurs des Gandois, et les reculèrent jusques à l'ombre d'une grosse censé, où Gandois s'estoyent embuschés à grand nombre. Si saillirent sur iceux hommes-d'armes, et en occirent, et blecérent : et reculèrent ceux, qui se peurent sauver, si-lourdement par le pont, qu'aucuns y furent noyés, et autres en grand danger.

Là fut tué Sibvet Pellerin : qui moult-vaillamment s'estoit monstre celuy jour. Celuy Pellerin estoit un escuyer du Dauphiné : qui avoit ejté nourri en la maison du duc de Bourgongne, et son page aveques moy, et mon compaignon : et estoit apparent (s'il eust vescu ) d'estre fort-renommé de vaillance. Là fut occis le signeur de Herin, nommé messire Anthoine, un chevalier de Picardie, vaillant, et moult-bon corps, Jehannequin le Prévost , Chariot de Moroges , et autres : et là fuient blecés, et en grand danger, Errard de Digoine , Guyot Dusie, Jehan de Chassa , et moult d'autres : lesquels furent plus-sauvés par l'aide de Dieu ; que par autre cause : et de ce coup se boutèrent les Gandois dedans le vilage, et en regaignérent et conquirent bien la moitié, avant que l'on y sceust remédier.

Le comte d'Estampes lit sonner à l'estendard , par ses trompettes : et ne pouvoit ses gens rassembler : et fitPhilippot Bourgeois, un escuyer de Nivernois , qui portoit l'estendard du comte, moult-bon et asseuré devoir : et là se rassemblèrent les enseignes de messire Anthoine, bastard de Bourgongne, de messieurs de Haubourdin , de Saveuses, d'Emeries, de Rubempré, de Miraumont, de Neufville , d'Aplaincourt ,

et autres : et marchèrent vaillamment icelles enseignes, sans attendre ou regarder qui les suyvoit. Si reprit chacun cueur, et hardement : et marchèrent archers et hommes -d'armes : et reboutérent et déconfirent de-rechef les Gandois : et de celle recharge receurent les Gandois une moult -grande perte. Car aucuns, qui ne sçavoyent où se garantir, ne sauver, se retraïrent , en grand nombre, sur une moite , close d'eaue et de marests : et furent tellement bersaiilés 0) de traict, qu'ils se vindrent rendre, pour tout gâtant, es mains de leurs ennemis : et furent tous occis, sans mercy. Moult fut le comte déplaisant des gens-de-bien, qu'il avoit perdus celuy jour : et aussi furent les autres signeurs, qui les congnoissoyent : mais il les convint passer et porter, par la fortune de la guerre. Si fut trouvé par conseil , que l'on ne pourroit les corps emmener : et furent mis en une maison : et y fut bouté le feu : et par tout le vilage de Néve : et se remit le comte au chemin, pour retourner à Audenarde : mais les vilains du païs avoyent les arbres abatus sur les chemins : et s'estoyent assemblés et armés : et tout le jour firent desroy et effroy, ou devant, ou derrière la compaignie : et bien le pouvoyent faire : car tout le pais est tout fossilîé 02), à l'avantage des gens-depié, et au desavantage de cecx de cheval. Là fut tué un escuyer, mais tre-d'hos tel du comte, nommé Janin Dinde, et moult-de gens et de chevaux navrés, et blecés : et ainsi se passa la journée.

Ainsi se faisoit la guerre entre le duc et les Gandois, ses rebelles : et y, eut moult d'emprises, et de

(») Bersaillés : blessés. — W Fossillc : rempli de fossés.

D OLIVIER DE LÀ MARCHE. (jj

rencontres, faictes d'un costé et d'autre : et moult de gens pillés et tués par petites compnignies : dont ensemble se trouveroit grand nombre : et se tindrent assez près de la Hamette et de Renais , par les bois et par les fortes hayes, aucuns Gandois : qui se nommoyent les compaignons de la verde tente : lesquels firent moult de maux et de pillages, sur les gens du duc : et, pource que le pais du Was (qui sied entre le Lis et l'Escaud) et aussi le pais des Quatre-mestiers, estoit le droit païs, et la droite s ourse, et la fourmilière, où estoit, et dont naissoit le plus-grand pouvoir de ceux de Gand , le duc se délibéra de passer l'Escaud, pour entrer en iceluy païs, à toute puissance.

Si fit au lieu de Terremonde son appareil et son mandement : et vint le duc Jehan de Cléves, son neveu, moult bien acompaignéde nobles hommes, et de crennequiniers d'Alemaigne : et par un mardi , cinqiéme jour de juin, furent envoyés les mareschaux des logis, fourriers, et autres ; et fut chef le signeur de Contay, pour lors maistre-d'hostel de la duchesse de Bourgongne, un moult-notable, vaillant, et diligent chevalier, et lequel estoit lieutenant pour le mareschal de Bourgongne : et fu envoyé aveques luy pour le logis du comte de Charolois : et pour chacun signeur y avoit gentils-hommes envoyés, un, ou plusieurs, pour faire les logis. Celuy mardi nous passasmes l'eaue , devant Biplemonde : et passasmes environ trois cens combatans : et trouvasmes un escuyer gascon : qui se nommoit Bertrandon , et estoit capitaine du chastel dudict Riplemonde. Celuy nous dît tout haut, « Beaux signeurs, la nuict io. 7

« aproche : et vous estes près de voz ennemis : et suis « asseuré qu'à Themesie (0 a deux mille Gandois, qui « n'attendent que nouvelles de vostre descente : et « d'autre part, cy au plus-près, en ce vilage que pouce vez veoir, a tresgrosse puissance, aprestee contre « vous. Si pensez de vous clorre et asseurer, pour vous « dépendre , si besoing en avez : car, pour chose qu'il <c avienne, je n'ouvriray le chastel, que mon prince « m'a baillé en garde : si je n'ay autres nouvelles, « lettres, et enseignemens de luy. » Si se mirent les principaux ensemble. Là estoit messire François l'Arragonnois, pour lors maistre de l'artillerie : qui avoit par bateaux amené dix ou douze serpentines, à légers chariots. Là estoit messire Jaques signeur de Harchies, le signeur de Rabaudanges, et autres. Si parla , le premier, le signeur de Contay : et dît, « Beaux « signeurs, combien que le vilage soit tout brûlé « et vague, il nous y convient choisir une place, et « la clorre sur les ennemis, de ce que nous avons d'ar- « tillerie, et faire un feu, et demourer en armes tous « ensemble ceste nuict. »

Ainsi fut faict, et la place prise devant l'église, et ordonnés et mis gens-de-bren à pié, et à cheval pour escoutes : et les Gandois (qui estoyent à Vasselle (a), si-pres de nous, qu'à veiïe de vilage) firent grand guet de leur coslé, et ne furent pas avertis de nostre convive : et pour celle nuict ne fut rien empris les uns sur les autres. Le lendemain, au plus-matin, le comte de Sainct-Pol, et le signeur de Cimay (qui conduisoyent l'avantgarde) passèrent, en leurs personnes. Le signeur de Contay et plusieurs autres leur alerent

(0 Themesie : Tamise. — (*) Kussellc, li;>ez Baerssele. L.

D OLIVIER DE LA MARCHE. t)()

au-devant* Si demanda le comte audict signeur de Contay, où son logis estoit délivré : lequel luy respondit, et monstra que Ton avoit délivré son logis à l'entrée du vilage de Vasselle, en certaines maisons: mais il convenoit voisiner aveques les ennemis : qui estoyent en grand nombre audict Vasselle. Lors dît le comte de Saincî-Pol, que si pies ne pouvoyent loger, sans débat. Si renvoya les charriéres, et les bateaux, où il estoit passé, et de ses gens, pour faire passer hastivement mille archers à pie, et trois cens lances, à deux chevaux pour hommes d'armes, pour le plus : et tandis alérent le comte et le signeur de Cimay ouir messe : et furent ceux, qu'ils avoyent ordonnés, tantost passés : car ils avoyent quatre grandes charriéres, et d'autres batteaux, à passer gens-de-pié. Si fut prestement sonné, et commandé, que chacun s'apprestast , pour combatre les ennemis : et marchèrent les enseignes, qui furent passées, et ces archers à pié : qui moult desiroyent de grever leurs ennemis.

Quand les Gandois sentirent venir et veirent aprocher les compaignies, ils se retraïrentà garder un gros boulovart, qu'ils avoyent fait et élevé sur le grand chemin : mais peu y ai estèrent, que les archers ne le fissent desemparer : et en y eut plusieurs morts et pris , et les autres s'enfuirent : mais grande partie d'eux furent si-pres-hastés et suyvis, qu'ils se retraïrent en une petite maison, close d'eaue, et autres en un monstier. En ces deux lieux, et à une fois, fuient Gandois assaillis : et dura l'assaut plus de trois heures : et le comte de Sainct-Pol (qui tousjours doutoit la rencharge des Gandois ) entretenoit les hommes-

d'armes sous l'estendard, le mieux qu'il pou voit : mais les jeunes gens estoyent fors 0) à tenir en ordre : et se dèroboyent, pour aler assaillir avequesles archers, et tellement que les enseignes démoulèrent (telle fois fut) petitement acompaignees : et le comte dît par plusieurs fois, « Nous nous mettons en desordre, « contre la doctrine de la guerre : et (peut estre) noz « ennemis sont plus-près que nous ne pensons. Chacun « se veut avancer : et cuide bien faire : mais je dy « qu'il aquiert assez honneur, qui se garde de honte. » Le signeur de Cimay mettoit grand'peine de recueillir ses gens : et avint que l'église et le chastel furent si-fiérement assaillis , que les Gandois demandèrent les capitaines, pour eux rendre : et allèrent celle part le comte, et le signeur de Cimay: et tandis les Gandois, qui se tenoyent à Themesie, et autres, s'assemblèrent environ trois mille : et avoyent plusieurs chariots de petite artillerie, et légère : et abordèrent droit devant l'estendard des hommes-d'armes : et trouvèrent la compaignie en petit ordre. Si se monstrèrent les Gandois à une foule, moult-fièrement : et s'arrestèrent , pour le creux d'un grand chemin. Là vey je Guy de Benthun (qui portoit l'estendard du comte de Sainct-Pol) marcher sur les ennemis, sans regarder qui le suyvoit : et endura et soustint, sans démarcher, moult-vaillamment : et fut moultlonguement sans grand secours, ou aide. Toutesfois chacun recourut à son enseigne : et revint le comte à son estendard : qui fut suivy de ses gens : et d autre part le signeur de Cimay ralia les archers : et vint, à la couverre des hayes du vilage, donner sur costièie

(x) Fors , ou plutôt forls : difficiles.

D OLIVIEll DE LA MARCHE. 10 I

de ses ennemis. Si fut marché sur eux baudement, d'un costé et d'autre : et combien que les Gandois eussent grand ordre et grand vouloir, toutesfois si se mirent ils prestement en roupture et déconfiture : et furent gaignés leurs chariots, et artillerie, dont ils avoyent assez amené aveques eux : et se continua la chace loing, et longuement.

Le duc de Bourgongne ( qui fut de l'autre part de la rivière) ouit le hu et la noise, qui se faisoit à l'ecarmouche, d'une part et d'autre. Si entendit que les premiers avoyent à besongner : et se bouta en une petite nacelle, luy et son fils le comte de Charolois, et son neveu le duc de Gléves, et messire Cornille , bastard de Bourgongne : et passa l'eaue : et, selon que les gens-d'armes passoyent , ils les faisoient mettre en bataille, pour soustenir ce que besoing faisoit : et tousjours passoyent gens-d'armes, à force et à puissance : et chacea le comte de Sainct-Pol jusques à ce que le signeur de la Hauverdrie et autres luy certifièrent, qu'ils avoyent veu les Gandois entrer es barrières et fermetés de Gand : et certes les Gandois perdirent, celuy jour, bien deux mille hommes : et le bon duc recueillit les signeurs et les compaignons moult-agreablement : et, durant l'écarmouche, passoyent les gens-d'armes : comme dict est. Le comte d'Estampes (qui pour ce jour faisoit l'arriéregarde ) fut averti qu'aucuns Gandois vouloyent rompre une digue : par#quoy l'eaue pouvoit nuire, et grever l'armée : comme l'on disoit. Si fit passer des archers en petit nombre : qui rompirent icelle emprise : et en tuèrent, et prirent : et ainsi se passa celle journée : et dura le passage des gens-d'armes celuy jour, et la

plus-part du jeucly : et estoit la compaignie grosse et belle : car le duc de Cle'ves vint servir le duc, son oncle, à quinze cens chevaux, gens moult-bien monte's et armés à la façon et guise d'Alemaigne : et disoit on l'armée du duc de Bourgongne, de huict à neuf mille combatans, et non plus.

Le vendredy, au poinct du jour , fut faicte une alarme : et se tira chacun à son enseigne, armé et emhattonné, comme il appartient : et fut ordonné que chacun seroit à pié, exceptés les chevaucheurs et découvreurs , au nombre de cent chevaux-legers, pour sçavoir des nouvelles et convive des ennemis. Si tira le duc, et ses enseignes, en une grande place, qui est entre Vasselle et Ruplemonde, et sur la venue de ceux de Gand. Hervé de Meriadet portoit, celuy jour, l'estendard du duc : et le conduisoit le bastard de Bourgongne : qui moult bien le sçavoit faire : et , combien que le comte Charles fust jeune, et en sa première armée , toutesfois il marchoit , ou l'espee , ou le batton au poing : et tenoit gens en ordre, et en bataille : et se faisoit douter et obeïr ; et monstroit bien que le cueur luy disoit et apprenoit qu'il estoit prince , né et élevé pour autres conduire , et gouverner. Fiére chose fut à voir telle assemblée, telle noblesse, et tel peuple : dont seulement la fierté de l'ordre , la resplendisseur des pompes et des armeures, la contenance des estendards et des enseignes, estoit suffisant pour ébahir et pour troubler le Iîardement et la folle emprise du plus-hardi peuple du monde : et demeurèrent les batailles en ordre, jusques il fut haute heure , que les chevaucheurs importèrent que ce nVstoit rien. Si se retrait chacun en son logis ; et cer-

d'olivier de la marche. io3

tifie qu'avant qu'il fust midy , l'on eut deux ou trois alarmes en l'ost , suivans l'un l'autre : et sailloyent les enseignes hors du logis , et les gens armés , à pie et à cheval : et, à ce que j'entendi depuis, ce fut par les chevaucheurs : qui veirent saillir ceux de Gand et leur charroy, se mettans en ordre autour de leur vile ('), pour venir combatre leur signeur : dont messire Louis de Mamines fît le vray raport : comme vous orrez cy-apres. Celuy jour , environ une heure après midy, le duc (qui fut averti que les Gandois à tout effort estoyent issus de Gand, pour venir leur signeur assaillir et combatre) se mit aux champs, les archers à pie, et les autres à cheval : et fut le champ pris entre Ruplemonde et Vasselle : et laissa le duc aprocher les Gandois, et yenir jusques au vilage, et le plus-avant que faire se peut.

Le comte de Sainct-Pol et messire Jehan de Crouy eurent la première écarmouche : et le duc de Bourgongne envoya le duc de Cléves, et sa compaignie, tenir le visage, à la venue de Themesie : où l'on disent que s'estoit assemblé grand nombre de Gandois : et doutoit on qu'ils ne vinssent à puissance de costé, ou par derrière : et à ceste cause fut mise la bataille du du£ , par deux ou trois fois, à rechange de place. Là fit le bon duc chevaliers, de sa main, l'infant Jehan de Portugal , fils du duc de Coïmbres , Philippe Pot, signeur de la Pvoche , Guillaume Raolin, signeur de Beauchamp , Guillaume de Sainct-Songne , Michau

(*) Autour de leur vile : tout ce récit semble invraisemblable, parce que l'armée du duc de Bourgogne étoit alors à buit grandes lieues de Gand. 11 paroît, suivant l'ancien commentateur, qu'il s'agit ici de la ville de Tamise.

de Changy, Anthoine et Philippe, bastards du duc Anthoine de Brabant , et moult d'autres. Là vey je messire Louis de la Viévile, signeur de Sains, relever bannie're : et le présenta le roy-d'armes de la Toison d'or : et ledict messire Louis tenoit, en une lance, le pennon de ses plaines armes : et dît ledict Toison, « Mon tresredouté et souverain signeur, voycy vostre « humble suget , messire Louis de la Viëvile, issu « d'ancienne bannie're , à vous sugette : et est la sice gneurie de leur bannière entre les mains de son « aisné : et ne peut, ou doit, sans méprendre, porter « bannière, quant à la cause de la Viévile, dont il « est issu : mais il a par partage la si gneurie de Sains, « anciennement terre de bannie're. Parquoy il vous sup- « plie (considérée la noblesse de sa nativité, et les serre vices faicts par ses prédécesseurs) qu'il vous plaise de « le faire banneret, et le relever en bannière : et il vous « présente son pennon armoyé, suffisamment acom- « paigné de vingt cinq hommes-d'armes pour le moins, « comme est , et doit estre , l'ancienne coustume. » Le duc luy respondit que bien fust il venu , et que voulontiers le feroit. Si bailla le roy-d'armes un couteau au duc : et prit le pennon en ses mains : et le bon duc, sans oster le gantelet de la main senestre, feit un tour au tour de sa main, de la queue du pennon : et de l'autre main coupa ledict pennon : et demoura quarré : et, la bannière faicte, le royd'armes bailla la bannière audict messire Louis : et luy dît , « Noble chevalier , recevez l'honneur , que « vous fait aujourdhuy vostre signeur et prince , et « soyez aujourdhuy bon chevalier : et conduisez vostre v bannière à l'honneur de vostre lignage. »

d'olivier de la marche. io5

Ainsi fut le signeur de Sains relevé en bannière : et prestement se pre'sénta messire Jaques, signeur de Harchies , en Hainaut : et porta son pennon , suffisamment acompaigné de gens-d'armes, siens, et d'autres, qui l'acompaignoyent. Celuy messire Jaques requit à son souverain signeur, comme comte de Hainaut, qu'il le fist banneret en la signeurie de Harchies : et, à la vérité, bien luy devoit estre acordé : car il estoit un tresvaillant chevalier de sa personne : et avoyent luy et les siens honnorablement servi en toutes guerres. Si luy fut acordé : et fut faict banneret, celuy jour, le signeur de Harchies : et de ces deux bannières je fay différence : d'autant que l'un relève sa bannière, et l'autre entre en bannière : et tous deux sont nouveaux bannerets celuy jour : comme dict est : et ay voulontiers ceste chose escrite : afin que ceux, qui après viendront, sachent ce que j'ay apris et compris des cérémonies , appartenantes à noblesse, pour en cueillir le fruit, et laisser le mauvais.

Ainsi se firent chevaliers et bannières : et le comte de Charolois faisoit chevaliers, en sa première bataille : et aprenoit œuvres de prince à faire. Là fit il chevalier Jehan de Rossimbos, signeur de Formelles, son second chambellam, et Baudoin de Noyelles, son maistred'hostel , et moult d'autres : dont il ne me souvient. Le comte d'Estampes et messire Anthoine, bastard de Bourgongne , tenoyent une moult -grosse arriéregarde, ainsi que sur costiére, pour joindre, et pour secourir si besoing faisoit : et, comme dict est, sur l'avantgarde cheut l'écarmouche : et se trouvèrent les Gandois en moultrgrand nombre.

Si commencèrent trompettes à sonner, artilleries à poudre de toutes pars à tirer , et archers a huer, à marcher, et à tirer de moult-grand courage : et s'avança messire Jaques de Luxembourg chevaleureusement, sur un coursier bon et puissant : mais le cheval fut abatu sous luy par les Gandois : et y eut de grandes armes faictes à le secourir, et recourre. Fièrement fut la première pointe combatue : mais les Gandois ne peurent le traict, ne le faix des gens-d'armes porter, ne souffrir : et se mirent à la fuite et desroy : et se mirent les derniers et seconds à fuir, de l'effroy des premiers. Advint que messii e Cornille , bastard de Boui gongne, quand il veit les Gandois branler , se déroba de la bataille , où il estoit aveques le duc, son père : et fut suyvi des jeunes gens de sa chambre, en petit nombre : comme Jaques Dorsan , Pierre Chenu, Tierri de Charmes, Jehan de Longchamp, et de peu d'autres : et vint passer le chevalier à un passage, où il rencontra les Gandois à grosse flotte : qui s'en fuyoyent ensemble, et serrés. Si ne regarda pas le noble chevalier quel nombre, et quelles gens : mais coucha sa lance, et les rompit, et en abatit plusieurs, de celle rencontre : et fut suyvi courageusement des nobles hommes dessusdicts. Mais ainsi avint que Fortune (qui a les yeux bandés, et qui ne congnoit, ne veut grand ne petit congnoistre : ains de sa perverse condition , et propriété irraisonnable, ressemble l'aigle, ou l'oyscau de proye qui se fiert parmi les coulombs, et ne quiert, ne demande, que des meilleurs, pour sa pasture et proye) guida la picque ou la lance aiguë d'un vilain , maudit et déloyal : et fut atteint le noble chevalier en la bouche, d'un coup en montant, tel-

d'olivieii de la marche. 107

lement qu'il eut la teste persee en-dessus : et luy client le sang et la cervelle en la bouche : et prestement mourut.

De grandes armes firent les nobles hommes dessusdicts, et grandes diligences : et moult y eut de Gandois piteusement occis, tant pour la déconfiture, que pour la vengeance d'icelle mort : et fut l'endemain certifie', par gens à ce commis, que Ton avoit compté, sur le lieu, plus de trois mille hommes morts. L'honneur, la journée, et la victoire, demoura au duc : mais il fit si grande perte, à la maison de Bourgongne, en la mort du bastard, que la vengence de cent mille vilains, morts à ceste cause, ne sauroyent la perte satisfaire. Grand deuil et grand regret fit le bon duc, à- part, de son bastard : que moult aymoit. Aussi fit le comte de Charolois, et messire Anthoine, bastard de Bourgongne, son frère : et de là en-avant ne fut plus appelé ledict messire Anthoine par son nom , mais bastard de Bourgongne seulement. Ainsi se départit celle journée : et le corps de messire Cornille fut envoyé à Brucelles : et le fit enterrer la duchesse à Saincte- Goule, moult-honnorablement: car elle l'aimoit moult pour ses bonnes vertus : et fut mise sur luy sa bannière,) son estendard, et son pennon : et depuis me dît Toison d'or, qu'il n'appartenoit à homme ces trois choses estre mises en pareure sur sa sépulture, s'il n'estoit mort en bataille : mais bien l'un, ou les deux, et non point les trois ensemble. Celuy jour fut blecé le signeur de Cimay, au pié : et messire Jaques de Lalain eut la jambe faucee, d'une pique : et demeurèrent, pour aucuns jours, au chastel de Buplemonde, et jusques à ce qu'ils se peurent aider,

ioB MEMOIRES

Or fut la bataille de Ruplemonde le vendredi : et le lendemain vindrent les Holandois à grand nombre de bateaux : et furent bien trois mille combatans : et les menoyent et conduisoyent le signeur de la Vére, le signeur de Brederode, et le signeur de Launoy, gouverneur de Holande : et fut tresbelle chose à les veoir venir par la rivière de l'Escaud : et ont une manière d'aler en armes et en guerre : qui est telle , que tous les jours les nobles hommes ont les cottesd'armes vestues : et portent les bannerets leurs bannières dépleyees, et les autres leurs pennons armoyés, dèpleyés : et toute celle guerre, des qu'ils descendirent de leurs bateaux, alèrent à piè ou à chariots, en tel estât qu'il est escrit cy-dessus. Assez tost après se partit le duc, de Riplemonde : et tira en un gros vilage, que l'on appelle Eursel (0 : et là cuidoit trouver les Gandois : mais ils estoyent tellement épouventès de la bataille, que tous ceux de ce quartier là s'estoyent retirés à Gand, pour eux garentir : et fit le duc bouter le feu par plusieurs vilages, en son pais rebelle : et envoya messire Anthoine , bastard de Bourgongne, le signeur de Bausignies, messire Jaques de Lalain , et les Holandois , au païs des Quatre mestiers.

Si sceurent les Gandois que le bastard de Bourgongne estoit logé en leur signeurie : comme ils disoyent. Si eut un coutelier , qui faisoit couteaux et canivets , à la marque du wibrekin : qui en françois est appelé un foret à percer vin. Celuy coutelier éleva les Gandois en grand nombre : et vindrent courre sus auxdicts signeurs : qui se mirent en bataille : et

(0 Eursel, lisez Eluersele. L.

leur coururent sus, et les déconfirent : et moult en occirent, et prirent : et les fugitifs de celle journée rencontrèrent les Holandois , qui estoyent logés à Eurselle : lesquels les déconfirent pour la seconde fois celuy jour : et fut pris le coutelier, et pendu : et de tous ceux, que Ton prenoit, on en faisoit justice, de main de bourreau : et congnut ledict coutelier, à sa mort, que les Gandois luy avoyent donnée la comté, et le païs de Was : mais il en prit piteuse possession. Ainsi faisoit le duc de Bourgongne la guerre contre les Gandois, ses rebelles (0 : et destruisoit son propre païs , par celuy accident , de sang et de feu: car l'on mettoit ce, qui estoit atteint, tout à sang et à justice : et bruloit on tout le plat-païs : dont si-grand nombre de maisons et de vilages furent ars et brûlés, qu'il montoit, en nombre, à une grande province : et, combien que le duc fust en ce déplaisir et haine contre les Gandois, et leurs adherans , toutesfois se tenoyent es bois, et es marests, plusieurs pauvres gens, et en grande quantité, qui se venoyent rendre à la mercy de leur prince : et il leur pardonnoit libéralement , et les envoyoit à sauveté , selon qu'ils se rendoyent.

(0 Les rebelles : ces deux mots sont supprimés dans l'édition publiée par Laurens. On remarque encore, au revers de ce feuillet, que , dans le titre du chapitre xxvi , le même éditeur a remplacé la phrase suivante : et comment les Gandois continuèrent en obstination et rébellion, par celle-ci : sans toutesfois riens prouffiler. Voyez, à ce sujet, l'avertissement placé en tête du tome ix. ( JY. du Libr.-édit, )