CHAPITRE XXIV

Comment le siège d' Audenarde fut levé par bataille: que gaignèrent les gens du duc de Bourgongne j, contre les Qandois.

Quand le duc de Bourgongne entendit que les Gandois avoyent assiégé la vile d'Audenarde, il se partit hastivement de Brucelles , et fit tirer, des coffres de son épargne, grans deniers, et grand avoir, pour payer ses gens-d'armes : et furent iceux deniers départis aux trésoriers, et clercs à ce commis, pour faire payemens de toutes pars : et se tira le duc et le comte, son fils, en la vile de Hast (0, en Hainaut : où il attendit par aucuns jours son armée, et ses gens-d'armes : qui se préparoyent et aprestoyent, chacun du mieux, et le plus-diligemment, qu'il leur estoit possible : et, pendant ce temps, les Gandois, qui estoyent devant Audenarde, trayoyent contre la vile, de leur artillerie à poudre : et faisoyent du mieux, et du pis qu'ils pouvoyent : et, pour cuider mettre le peuple en soupson et imagination contre leurs capitaines, et principalement contre ledict messire Symon de Lalain, ils tirèrent de leurs arbalestes plusieurs traits, et viretons (2) escrits, les aucuns en flamand, et les autres en François : et y avoit, qu'ils requeroyent et semonnoyent ledict messire Symon, de rendre et délivrer la vile, au jour qu'il avoit pris avecques eux,

C1) Hast, lisez Aet. L. — (») Viretons : traits d'arbalète.

j4 MEMOIRES

et que l'argent, qu'ils luy avoyent promis, estoit tout prest.

Plusieurs tels traits furent aportés à messire Symon de Lalain : mais incontinent luy-mesme les portoit aux signeurs et principaux de ladicte vile : qui se rioyent et gaboyent(0 des Gandois, et de leur folie : n'onques le peuple ne s'en meut, ny n'en creut aucune chose, contre le bon chevalier : mais, parle contraire, plus grevoyent les Gandois ceux de la vile, plus croissoyent en courage, à souffrir et porter ce, qui pouvoit avenir, pour la querelle de leur prince : combien qu'ils estoyent souvent en grande melancholie, de ce qu'ils n'avoyent aucunes nouvelles du duc, et de leur secours. Car les Gandois les avoyent environnés de toutes parts, si qu'il ne pouvoit nul entrer, n'yssir de la vile, qui ne cheust en leurs mains : et toutesfois messire Symon de Lalain soubtiva de faire nager à mont la rivière de l'Escaud (qui passe par la vile) et par l'obscurité de la nùict envoya aucuns messages : qui revindrent sauvement : et raportérent la grand'ai mee, qui marchoit pour les secourir, et si-certaines enseignes du duc leur prince, que le peuple en fut tout reconforté et réjouy : et, quand les Gandois veirent et congnurent que ceux d'Audenarde ne prendroyent autre soupson contre leur capitaine, s'appensérent de faire autrement.

Ils sceurent que messireSymon de Lalain avoit deux petis filz de sa femme, et que l'on les nourrissoit en Hainaut, sur les marches de Flandres. Si prirent deux autres petis enfans de semblable aage, et les aportérent devant les murailles : et les monstroyent , les

(l) Caboycnt : se moquoient.

d'olivier de la marche. 7 5

glaives tirés à l'entour, prests pour iceux enfans meurdrir et occire : et crioyent qu'ils avoyent couru en Hainaut, et pris iceux enfans : et, s'il estoit père , qu'il le monstrast : car, si prestement il en rendoit ou delivroit la vile a leur voulonté, ils occiroyent lesdicts enfans : et cuidoyent que la dame (qui estoit femme, mère, et de piteux courage) deust mener tel dueil, et monstrer tel effray, qu'il deust faire pour elle ainsi qu'ils avoyent proposé. Mais le noble chevalier n'en tint compte : et fît afuster canons et serpentines celle part , et tirer sur eux , plus-fort que devant : et disoit au peuple, que, pour ses enfans veoir mourir, il ne vouloit perdre sa loyauté, son honneur, ne ses amis.

Ainsi se continua le siège d'Audenarde : et croissoit et multiplioit tousjours le pouvoir des Gandois : car (comme dit est) le peuple du plat-païs de Flandres avoit ceux de Gand en telle extime, par crainte et par foie amour, que tous acouroyent à leur aide. Mais l'armée du duc de Bourgongne se levoit, et tiroit aux champs : et se partit le duc, de Hast, pour aler à Grandmont ( qui est une grosse bourgade, non-guéres forte : et là est adoré le corps de Sainct Andrieu (0) et sur le chemin aborda avecques luy le comte Louis de Sainct-Pol, son frère messire Jaques de Luxembourg, messire Jehan de Crouy, signeur de Chimay, pour lors grand bailly de Hainaut : lesquels avoyent bien deux mille archers, et cinq cens hommes-d'armes : et le duc avoit aveques luy Adolf Monsieur, frère du duc de Cléves, l'infant dom Jehan de Coimbres, et Gornilîe, bastard de Bourgongne :

(0 Sainct Andrieu : Sainl-Adrien.

qui pour lors n'avoit charge de gens-d'armes, que de ceux de son hostel : pouice que l'on attendoit les Bourgongnons (que le mareschal estoit aie' querre) et luy devoit on bailler cent lances, aveques ceux de Luxembourg : qui encores n'estoyent pas arrivés. Encores s'estoyent tirés plusieurs capitaines, et ceux de rhostel, devers le duc, et pouvoit avoir, tout compris, en sa compaignie, quatre mille combatans : et se logea audict lieu de Grantmont : et tous les jours envoya clievaucheurs , pour visiter le siège, par plusieurs petites compaignies, les unes après les autres: qui raportoyent leur avis, quant à la puissance de leurs ennemis, et la manière de leurs forts et de leur siège. Mais, pour revenir au comte d'Estampes (qui avoit sa charge levée) il se tira pour prendre son chemin à Vaitreloz (0 : et fut averti que grand nombre de Flamâns, tenans le parti des Gandois, s'estoyent assemblés au Pont-des-pierres (2), et qu'ils vouloyent garder et deffendre le passage de la rivière du Lis. Si lit prestement marcher celle part le signeur de Saveuses : qui tousjours (quelque vieil qu'il fust) vouloit estre des coureurs, et des premiers. Robert de Miramont et autres le suy virent, et quelques jeunes gens de Thostel du comte, et ceux, qui desiroyent d'eux éprouver : et prestement mirent pie à terre, jusques à cinq cens combatans : et commencèrent à tirer ces archers de Picardie et de Hainaut, et à marcher sur les Gandois : et en peu d'heure gaignérent le port sur eux.

Si se mirent Gandois à la fuite : et les hommes-

(') Vaitreloz, lisez Waterloz, village situé entre Tournai , Lille et Courtrai. L. — W Pont-des-pierres ; lisez pont de Spiere. L.

D OLIVIER DE LA MARCHE. ^fj

d'armes les poursuyvirent à cheval : qui les abatoyent : et les archers et les gens-de-pié leur coupoyent les gorges, comme à moutons : et se boutèrent bien deux cens vilains en une église : et deflendoyent l'entrée de la porte, à longues picques, moult-vigoureusement. Là furent hommes-d'armes : qui poussoyent de leurs lances : et n'avoyent point l'avantage : car les picques et les glaives des Flamans estoyent plus longs. Là s'abordèrent les archers : et ne dura pas longuement l'assaut du traict, quand les vilains abandonnèrent la porte, et s'enfuirent garentir, les uns au clocher, les autres derrière les autels, chacun qui mieux mieux : mais tout ce ne leur valut : car ils furent poursuyvis, et tous occis. Ainsi gaigna le comte d'Estampes le passage du Pont-des-pierres : et ala loger à Vaitreloz, et à Launoy : et envoya visiter le sie'ge de jour et de nuit, par diverses compaignies, pour mieux entendre leur convive (0, et ouir les opinions. L'une fois y aloit le signeur de Saveuses, et autresfois le signeur de Haubourdin : et tant visitèrent et entendirent du faictde leurs ennemis, que, sans guéres arrester, conclusion fut prise et délibérée de les assaillir de leur costè : et par un matin (qui fut le vingtsixième jour d'avril) se délogèrent, et tirèrent contre Audenarde : et avoit la charge de l'avangarde Anthoine, bastard de Bourgongne : qui portoit, pour enseigne, un grand estendard blanc, à unebarbacane de brodure, moult-bien-acompaigné : et le suyvoyent le signeur de Saveuses et mouit d'autres signeurs et nobles hommes : et conduisoit son faict, et sa compaignie, George de Rosimbos, un moult notable escuyer.

(W Convive : disposition.

Quand les Gandois veirent le premier estendard venir, ils n'en tindrent pas grand compte : et cuidoyent avoir une petite compaignie , qui les deust légèrement ecarmoucher : mais prestement ils veirent deux , trois , et quatre estendai s , et grosse compaignie de gens-d'armes, et grandes fumées de chevaux, et la poudre si-haute et si-grande, qu'ils furent tous emerveille's : et toutesfois se mirent en bataille et en ordre , au long de leurs tranchées : et firent sçavoir de l'autre part du siège , que chacun se pre'parast : car ils voyoient les ennemis, et doutoyent de la bataille. Or furent les compaignies les unes devant les autres : et les archers lioyent et attachoyent leurs chevaux les uns autres : et furent tantost grand nombre à pie, et plusieurs hommes-d'armes aveques eux : et le comte d'Estampes ( qui encores n'estoit chevalier) requit au bastard de Sainct-Pol, signeur de Haubourdin, qu'il le fist chevalier. Ce que ledict signeur de Haubourdin fit par moult-honnorable façon : et quand le comte fut chevalier, il fit chevaliers, de sa main, Anthoine, bastard de Bourgongne, le signeur de Moreul, Philippe deHornes, signeur de Bausignies, Anthoine Rolin , signeur d'Emeries , le signeur de Rubempré, le signeur de Cre'vecueur, le signeur du Bois, Jehan, signeur de Mirammont, Robert et Pierre de Mirammont , frères , et moult d'autres nobles hommes : et croy que ce jour furent faicts plus de deux cens chevaliers.

Or vous compteray du noble chevalier, messire Jaques de Lalain : qui ne queroit, et n'entendoit à faire et exe'cuter de sa main, qu'oeuvre chevaleureuse. Si regarda faire les chevaliers nouveaux ; et leur remonstra

qu'il estoit à celle heure lieu et temps de gaigner honnorablement leurs espérons dorés : et qu'il avoit choisi un endroit sur les ennemis, où la closture estoit de petite force, et le fossé peu-profond : et que, combien que les Gandois fussent grand peuple à celuy costé, si-tost qu'ils verroyent que l'on leur courroit sus asprement, ils n'oseroyent la place tenir : et que bien-heureux seroyent s'ils pouvoyent rompre la presse de ce peuple : et qu'il vouloit estre aveques les nouveaux chevaliers. A ce s'acordérent iceux chevaliers, qui furent tous bien -montés et armés, et suivis chacun d'un varlet à cheval, seulement. De celle compaignie fut le signeur de Bausignies, le signeur de Crévecueur, le signeur du Bois, le signeur de Belle-fouriére , le signeur de Herin , et autres : et (comme dit est) ledict messire Jaques avoit choisi une grosse compaignie de Gandois : qui estoyent en bataille, sur une terre labourée : et s'estoyent fortifiés au front du grand chemin, qui va d'Audenarde à Courtray. Si se serrèrent les chevaliers l'un pies de l'autre : et couchèrent leurs lances : et se ferirent au milieu de la presse. Les Gandois baissèrent leurs picques et leurs glaives : et certes, au passer, ils recueillirent les chevaliers tresdurement : et navrèrent plusieurs de leurs chevaux, les uns de coups de picques, et les autres de grands couteaux trenchans et pesans. Les chevaliers passèrent outre moult-vailkmment : et rompirent leurs ennemis, à leur endroit : mais tantost se remirent ensemble : et messire Jaques (qui fut hastif de repasser) redonna de l'esperon , et se ferit au troupeau, l'espee au poing, comme un lion. Si fut le bon chevalier envelopé des Gandois : et

8o MEMOIRES

il les combatoit de sa main , et de son cheval : et plusieurs en abatit par terre : et certes à celle heure les nouveaux chevaliers s'e'prouvérent moult-honnorablement : et estoit chacun d'eux si - empressé des ennemis, que l'un ne pouvoit l'autre secourir, n'aider : et en celle bataille avint que messire Jaques de Lalain (qui faisoit merveilles d'armes et de vaillances, et qui soustenoit ce que corps en pouvoit porter ne soufrir) se trouva enserré de deux ou dé trois costés : et estoit arresté et clos, et en danger d'estre tué par la main des Gandois, quand un varlet, serviteur du signeur de Bausignies ( que l'on nommoit le Bourgongnon ) sans armeure ou aide, s'aventura, et ferit son cheval des espérons , une javeline en sa main : et sibien exploita, que du poitral de son cheval rompit les picques de l'un de ces costés, qui tenoyent le bon chevalier enserré : et rompit la presse à-1'entour de luy. Or avint qu'à celle recousse (') le varlet, qui s'estoit si-vaillamment prouvé, receut un coup sur la teste , d'une mace creslelee (2) : et fut abatu de son cheval, au milieu de la presse : et receut plusieurs coups. Mais, quand messire Jaques veit le varlet en danger, il se ferit au plus-espes de la presse, l'espee au poing : et mit le corps et la vie en aventure, pour secourir celuy, qui l'avoit osté de danger: et eut si -bonne fortune, que les nouveaux chevaliers, ses compaignons, s'estoyent démeslés : et moultbien le firent et chevaleureusement : et, sur tous , le signeur de Bausignies : qui avoit moult de coups receus : et bien y parut à son cheval : qui estoit playé

(0 Recousse : délivrance. — 00 Creslelee : entaillée en forme tlç dents.

D'OLIVIER DE LA MA.RCHE. 8l

et navré moult-durement. Si vindrent tous à celle recousse : où moult abatirent de Gandois : et recouvrement le varlet : qui ne fut point occis : mais il eut moult de playes : dont il fut longuement malade : et à celle cause , et pour le bon renom de luy, le bon duc le retint varlet-de-corps en son escuirie : et depuis, plus de vingt ans après, il mourut contre les François, devant Corbie, archer des ordonnances, sous ma charge : et fut tousjours tenu pour un bon et vaillant compaignon.

Or me faut revenir au surplus de l'aventure de celuy jour. Le comte d'Estampes fit descendre ses archers, et aucuns hommes-d'armes : et les hommesd'armes à cheval tenoyent une aelle (0, à la main dextre, tresgrosse et tresfiére : et les Gandois (qui plus suyvoient leur outrecuidance , qu'ils n'avoyent regard à quelles gens ils avoyent alfaire ) marchèrent sur noz gens à toute puissance : mais, quand ils sentirent ces flèches d'archers, qui leur perçoyent haubers et pansiers, ceux, qui virent les premiers, ou leurs prochains, ainsi navrer, choir, mourir et affouler, se rompirent incontinent, et se mirent à la fuite comme les moutons devant les loups : et les hommesd'armes (qui estoyent à cheval) les poursuyvoyent et abatoyent, tellement que les archers les rateindoyent, et en prenoyent , et occioyent à leur plaisir : et, à ce que j'ay ouy nombrer, avant qu'ils peussent repasser le pont qu'ils avoyent fait, il y en eut plus de trois mille occis, et tués en la place : et, si n'eust esté que les gens -de- cheval ne s'osèrent aventurer sur ledict pont (qui n'estoit faict que pour gens-de-

(') Tenoyent une aelle : formoient une aile.

pie ) certes le meurdre et la tuerie eust este' moultgrande : et devez entendre que messire Symon de Lalain et ceux d'Audenarde furent moult-joyeux, quand ils se veirent desassiegés , et hors de la servitude de ce peuple.

Si ouvrirent leur porte : et firent armer et monter leurs soudoyers : et entra le comte d'Estampes , et la signeurie, à grande joye , en la vile d'Audenarde : et prestement fut l'autre porte ouverte : et passa messire Jaques de Lalain outre la rivière , à la poursuite des ennemis : et le suyvirent moult de jeunes gens, et de gens-de-bien, comme Evrard de Digonne, Guyot Dusie , Sibvet Pellerin , messire Anthoine de Herin , et plusieurs autres : et trouvèrent que l'autre siège de Gandois fut levé de peur , et de l'effroy que leur firent les suyvans de l'autre part : et s'enfuyoit chacun , qui mieux mieux , tirant et retournant à Gand.

Or vous lairray de la fuite des Gandois, et de la chace ( qui ne porta pas grand fruit : pource qu'ils se trouvèrent peu de gens, et nuls archers) et retourneray au duc de Bourgongne (quiestoità Grantmont) et comment il exploita , quand il sceut les nouvelles du siège levé.