uj

au milieu d'un bois, où il trouva de vingt cinq à trente soldats espagnols, lesquels eurent l'alarme de luy,et tirèrent force harquebousades , se jectans dans le bois qui estoit à l'entrée du village, par lequel ledict Baptiste vouloit faire son chemin , qu'il faignit lors prendre par autre part; mais, pour mieux pouvoir porter quelque certaineté des ennemis , et les approcher à couvert, il y rentra par aultre endroit; et arrivant jusques près du camp, qu'il trouva logé par deçà Boulac, printneuf ou dix soldats italiens qui alloyentbusquer (0 par les villages, et s'en revint. De ce logis l'Empereur partit pour se retirera Thionville, à cause de quelque indisposition de sa personne : et à deux jours de là, Paul Baptiste retourna autre fois de nuict sur les champs vers Theoncourt et Creanges, pour aller se mettre derrière les ennemis; mais il fut mal guidé, et ne peut sortir l'exécution de ce qui avoit esté entreprins. Toutesfois, s'accostant plus près du camp, trouva vingt cinq ou trente Marangeois près d'un bois, qui donnoyent la chasse à quinze ou vingt soldats italiens des ennemis. Ledict Paule printles uns et les aultres; et, passant encores plus avant, trouva que le camp estoit deslogé de Boulac, et s'en venoit vers les Estangs. Il approcha à un demy quart de lieue de plusieurs esquadrons de gens de pied et de cheval, qu'il suyvit un temps. Et voyant quelques Espaignols et aultres soldats s'escarter de la grosse troupe, les print prisonniers, et les conduict à Metz.

Ce soir logea la cavalerie de l'ennemy audict lieu des Estangs, qui est à trois lieues de Mets , et toiit le reste de l'armée à demie lieue par delà, où ils se tin-

(0 Busquer : piller.

LE SIÈGE DE METZ. 2Q l

drent encores lendemain, à cause du mauvais temps qui les empeschoit mener l'artillerie; mais ce ne fut sans que M. de Guyse leur envoyast sur le jour et sur la nuict donner l'alarme par quelques petites trouppes de nostre cavalerie, de sorte que toute la leur fut contraincte se tenir longuement en bataille. Et les eust on encores travaillez plus souvent, et par plus grand nombre des nostres , n'eust esté que la retraicte estoit mal aysée, et qu'on n'eust sceu faire si petite perte qu'elle n'eust esté trop grande pour le besoing qui s'apprestoit. La nuict , ils envoyèrent des harquebouziers à deux ou trois cens pas de la ville, auprès d'un pont de pierre, du costé de la grande rivière, pour visiter, ainsi qu'on pense, le lieu et l'assiette de leur camp, lesquels furent descouverts de la muraille. Et les fust on allé veoir de plus près sans l'incommodité de la nuict.

Deux jours après, qui fut le dixneufîesme d'octobre , le duc d'Albe , capitaine gênerai de l'armée de l'Empereur, et le marquis de Marignan , coronel des gents de pied italiens , par lesquels deux la plus part des affaires se conduisoyent, délibérèrent venir recognoistre la ville, et le logis qui seroit plus propre pour l'assiéger , estimants , puis que la principale charge de l'entreprinse leur touchoit, qu'aussi devoyent ils veoir à l'œil tout ce qui pourroit faciliter ou empescber l'exécution. Ils s'approchèrent à un petit quart de lieue, avec quatorze mille hommes de pied, quatre mille chevaulx et six pièces d'artillerie de campaigne , qui furent descouvers sur les neuf heures du matin par la guette du clochier ; et le seigneur de La Brosse, qui estoit ce jour de guet hors la ville avec la compagnie

de M. de Lorraine, en donna certain advertissement à M. de Guyse. Et, ayant retiré ses sentinelles, commença s'approcher au pas vers un pont de pierre du bourg Sainct Julian, où il trouva de noz harquebouziers qui estoyent sortiz pour le soustenir, lesquels y attendirent la descente des ennemis, et le gardèrent assez longuement ; mais , se voyants charger d'une grand force par teste et par flanc, oar à trente pas du pont n'y avoit eaue qui y peust faire empeschement , commencèrent se retirer, et, par le moyen d'un bon ordre et commandement du seigneur de La Brosse, qui leur faisoit souvent monstrer visage, et prendre de pas en pas les lieux advantageux pour tirer à couvert , ils gaignerent la faveur de noz murailles sans qu'il s'en perdist pas un. De l'autre costé, sur la porte des Alemans, descendoyent environ deux mille harquebouziers espagnols ou italiens , ayants laisse' la grosse trouppe à huict ou neuf cens pas plus hault, vers les bordes de Valieres, et leurs gents de cheval un peu à gauche en bataille. M. de Guyse feit sortir le seigneur de Rendan avec vingt cinq chevaulx seulement, pour les aller recognoistre , sans permettre qu'il en sortit d'avantage , à cause que cest endroit vers la montaigne, couverte de vignes, n'estoit commode à combattre pour la cavalerie. Et ayant ordonné quinze haï quebouziers de chascune enseigne de gents de pied se tenir prests avec un chef des principaulx de chascune d'icelles , il en bailla deux cens au capitaine Favars , maistre de camp, pour l'aller soustenir, et encores le seigneur Pierre Strozzy pour commander aux uns et aux autres, et conduire l'escarmouche. Ledict seigneur de Rendan n'alla gueres avant sans rencontrer ceste force d'har-

quebouziers qui venoit au grand pas, en bon ordre et contenance de soldats, pour s'attaquer aux nostres, et tira sur sa trouppe. Toutesfois il les nombra jusques aux derniers, puis, se retirant au pas vers la première ruine de dessus la porte des Alemans , appele'e de Brimba , trouva le seigneur Pierre , qui le feit passer et touts les chevaulx, plus bas vers la ville, s'appi estant avec ses harquebouziers faire teste aux ennemis , lesquels il arresta un temps à coups d'harquebouze ; mais, d'autant qu'il les voyoit renforcer tousjours, et que , par les costez , commençoyent d'environner le lieu , il retira peu à peu ses gents vers l'autre ruine plus basse et prochaine de la ville , appelée de Saincte Elizabet ; et là , tenant ferme , garda que les ennemis ne passassent oultre; bien qu'ils en feissent leur effort, et continuassent harquebouzer plus de deux heures les uns contre les autres. Encores estoyent autres cent ou six vingts harquebouziers, du reste de ceulx que M. de Guyse avoit ordonné , sortiz au-devant d'autre grosse trouppe d'ennemis venuz aux vignes sur la porte Mezelle , qui furent soustenuz , et les nostres trouvez aussi roiddes et asseurez qu'aux autres endroits. Ainsi s'attaqua l'escarmouche en plusieurs lieux entre les deux rivières, et veoyoit on touts les coustaux et montaignes pleins de feu et fumée de l'escopeterie. Cependant le duc d'Albe, et le marquis de Marignan qui estoit descendu de sa lictiere, où il alloit à cause de quelque mal de jambe, et remonté sur une hacquenée , vindrent à la Belle Croix, d'où ils peurent, mieulx que de nul autre lieu, veoir le circuit et contenu de la ville, recognoistre les commoditez de loger auprès, et les endroits par où elle se pourroit mieulx battre. Quel-

ques Espagnols passèrent le bourg Sainct Julian.vers la rivière , comme voulans sonder deux guaiz qu'il y avoit pour passer en l'isle, dans laquelle fut jecté une partie de la compagnie de M. le prince de La Rochesuryon, et quelques haï quebouziers du capitaine Sainct Houan, pour les empescher. L'escarmouche dura depuis les unze heures jusques à vespres (0, que les ennemis, voyants ne pouvoir faire démarcher (2) les nostres des lieux qu'ils s'estoyent resoluz de garder, tant s'en fault qu'ils les peussent forcer pour approcher la ville de plus près, commencèrent les premiers se retirer vers leur grosse trouppe , et puis touts ensemble à leur camp, laissans l'avantage aux nostres, ausquels ne fut donné peu de louange par M. de Guyse, d'avoir maintenu si long combat sans estre rafraischiz ne renforcez, là où les ennemis l'avoyent esté par trois fois, et tousjours de gros nombre et gents choisiz , comme ceulx qui estoyent venuz préparez de ceste entreprinse , en laquelle la situation du lieu les avoit encor favorisez de pouvoir venir jusques près de nous, couverts par fossez et cavins. Il fut tiré des deux costez plus de dix milles harquebuzades, et y perdismes du nostre le seigneur de Marigny de Picardie, et cinq soldats, qui furent tuez sur le champ; les seigneurs de Mompha, lieutenant de la compagnie du seigneur de Rendan,de Silly, le capitaine Sainct Aulbin, le capitaine Soley et son enseigne La Vaure, et l'enseigne du capitaine Gordan, avec dix ou douze autres soldats, furent blessez, dont Silly, Mompha et La Vaure moururent en peu de jours. Le seigneur de Mey Robert , homme d'armes de la compagnie de M. de Guyse, fut prins. De leur

(*) Jusques à vespres : jusqu'au soir. — (a) Démarcher : déloger.

costé, ne receurent moindre dommage que de huictou neuf vingts hommes , entre lesquels en y avoit de ceulx qu'ils appellent signalez, ainsi que nous avons sceu depuis. Le soir mesmes M. de Guyse, estant allé au lieu de l'escarmouche, trouva des paisans qui l'asseurerent avoir veu un nombre de charrettées de morts et blessez que les ennemis ramenoyent, oultre quelques uns qu'il veit demeurez sur la place. Nostre artillerie des voultes des églises et des platesformes avoit fort tire' , mesmes de la plateforme des Rats, quelques coups de canon et de longue coulevrine dans les ruines de Sainct Julian, à cause que des Espagnols s'y estoyent retirez , qui n'y feirent pourtant long séjour. Des ce premier rencontre les ennemis tindrent nos soldats en bonne réputation, ne leur ayants veu, pour aucun danger, reculer ou advancer le pas qu'en gents de guerre et bien asseurez ; qui fut un advantage lequel M. de Guyse cognoissoit estre requis qu'un chef, au commencement d'une guerre, taschast le plus qu'il luy seroit possible de gaigner.

Le seigneur don Loys Davilla , gênerai de la cavalerie espagnole, escripvit lendemain une lettre par son trompette à M. de Guyse, pour ravoir un esclave qui s'estoit venu rendre à nous, et qui , à ce qu'il manda , avoit desrobe un cheval d'Espagne et la bourse de son maistre. M. de Guyse feit response que l'esclave s'estoit retiré plus avant dans les pays du Roy, comme estoit la vérité, et quant bien il seroit encore en la ville, la Iranchise qu'il y avoit acquise , selon l'ancienne et bonne coustume de France, qui donne liberté aux personnes, ne permettroit qu'on le peust rendre ; bien luy renvoyoit le cheval, qu'il avoit racheté de celuy à qui

l'esclave l'avoit baille'. Bon nombre de leurs soldats se vindrent depuis rendre à M. de Guyse pour le service du Roy, mesmement Italiens, tant à cause des defaulx qui estoyent en leur camp que pour la défiance qu'ils disoyent les ennemis avoir d'eulx et de leur nation ; ausquels fut baillé passage et moyen de se retirer en France, après toutesfois qu'on eust tiré d'eulx ce qu'ils pouvoyent sçavoir du faict des ennemis ; entre autres choses , que le marquis de Marignan , estant à la Belle Croix pour recognoistre la ville , avoit dict qu'il veoit un lieu pour faire une belle et grande brèche, et où leur artillerie nous pourroit garder de ramparer et de la défendre, qui fal cause que M. de Guyse alla luymesme là hault sur la montagne , et recogneut que ce n'estoit autre chose que ce dedans du mur d'entre la plateforme des Rats et la tour des Charriers, qu'il avoit auparavant assez remarqué; lequel et le pied mesmes estoit veu de la montaigne, n'ayant rien encores esté touché à la tranchée auparavant ordonnée par le dedans, avec un rampar et deux flancs , n'y aux traverses qu'on avoit advisé relever pour le couvrir, à cause que M. de Guyse avoit mesuré , par le temps que les ennemis seroyent contraincts mettre à gaigner l'isle, faire les approches et puis la brèche , qu'il auroit le loisir d'y pourvoir, et ce pendant les autres besongnes, qui sembloyent plus pressées, ne seroyent retardées; ainsi que par fois en divisant il disoit entre ses plus privez, qu'il veoit plusieurs choses ayants besoing de quelque remède, lesquelles il passoit sans en faire semblant, à fin de ne donner cognoissance à touts des foiblesses qu'il trouvoit dans la ville , et n'estre importuné d'y faire ramparer , pour mettre les autres ou une partie

en arrière. Il commanda toutesfois deslors la tranche'e et fortification nagueres dictes , où fut besongné tant diligemment par noz soldats, avec la conduicte du vidame de Chartres , qu'en peu de temps l'endroit fut mis en estât pour estre défendu.

Les ennemis passèrent trois jours sans se monstrer en campaigne : laquelle chose meut M. de Guyse d'envoyer Je comte de La Roche foucaud veoir ce qu'ils faisoyent ; lequel trouva leur camp assis un peu par delà Saincte Barbe, à une lieue et demie de Mets ; et, après avoir recogneu ce qu'il peut de leur estât et de leur logis, s'en retourna en bruslant les villages des environs , où leur cavalerie eust peu trouver du couvert. Et la nuict après, le seigneur Paule Baptiste sortit avecques quelque nombre de chevaulx pour les aller esveiller ; lequel arriva de grand matin tout auprès du camp , et donna jusques dans le corps de garde des gens de pied italiens , d'où vint l'alarme si chaulde , que tous leurs gens de pied et de cheval se mirent en bataille. De ce temporisement des ennemis nous revenoit tousjours quelque loisir et moyen de nous fortifier : bien que la grandeur de la ville et tant de lieux foibles qu'elle avoit nous missent en doubte ausquels on debvoit premièrement entendre , à toute adventure l'on advisa de commencer en (plusieurs, à fin que, si possible estoit, l'entreprinse des ennemis se trouvast tousjours prévenue de quelque chose. Mais il ne tarda seulement que jusques au vingtiesme du mois, environ les cinq heures du matin , qu'un grand nombre de tabourins se ouyt batre par les champs, par où jugeasmes que leur camp approchoit. Et, sur les sept heures , que le grand brouillait de la matinée fut tombé, nostre

campagnilh (0 commencea descouvrir les esquadres des gens de pied et de cheval de leur advantgarde ; el, peu après, on les veit apparoistre sur le hault du mont appelé de Ghastillon, et une grosse trouppe de leurs gens de cheval passa vers les bordes de Bonny , sur la porte des Alemans, se tenir en bataille jusques que leur camp seroit logé. Et autre nombre 'vint courir jusques à nostre guet, près du pont de pierre du bourg Sainct Julian, qu'ils trouvèrent fourni de cavalerie et d'harquebouziers, aussi bien et seurement accommodez pour les recevoir , avec la faveur de nostre artillerie , qu'en la dernière escarmouche ; mais ils s'en retournèrent incontinent sans se vouloir attaquer. Ils campèrent sur ce mont Ghastillon , et feirent des tranchées pour la garde de leurs pièces, qu'ils mirent à la veue de la ville, mais si loing que la nostre n'y pouvoit batre, et plantèrent dessus unze enseignes de gens de pied, estendants leur logis jusques à Grimont par le derrière et du costé gauche jusques à la rivière , poiis de l'autre costé jusques auprès du bourg Sainct Julian ; qui fut cause de remuer depuis nostre guet qui se faisoit là, et l'asseoir un peu par dessus les ruines de Brimba , et les sentinelles posées vers la Belle Croix , si près des ennemis qu'ils se pouvoyent ouir parler , ne leur laissants gaigner pays sur nous que pied à pied, et le plus tard qu'on pourroit. Ce soir, environ minuict, arrivèrent les deux frères de M. de Vendosme , messieurs d'Anghien et prince de Condé , pareillement messieurs de Montmorency et de Danville , fdz de M. le connestable. Ils estoyent accompaignez de soixante ou

(.0 Campagnilh : vraisemblablement la sentinelle placée dans un clocher.

quatre vingts gentilshommes , lesquels autrement je ne nommeray en particulier, ny aussi plusieurs aultres qui auparavant et depuis arrivèrent, de peur que l'omission de quelcun le rendist à bonne occasion mal content. Suffira de dire que ceux qui sont venuz pour leur plaisir, n'ont peu de louange de s'estre libéralement ofFers à un tel danger comme celuy de ce siège se representoit , mesmes que, où depuis il a este' question de combatre, ils se sont fort vaillamment portez, et où deramparer ils ne s'y sont aucunement espargnez.

Estans les choses en ces termes, M. de Guyse voulut purger la ville des personnes superflues pour l'espargnement des vivres , et ordonna à la gendarmerie renvoyer leur train et baguage en leurs garnisons accoustume'es, sans retenir que deux vallets et deux chevaulx de service pour homme d'armes, et un vallet et un cheval pour archier, rengeant la cavalerie legiere selon l'ordre des archiers ; et aux gens de pied de dix en dix un gojat, et six chevaulx seulement en chascune bande : il feit aussi remonstrer aux habitans de la ville qu'il leur seroit mal aysé de soustenir l'efFroy , peine, ennuy et aultres dangers qu'un long siège aaccoustumé d'apporter, et que le peu d'expe'rience de telles choses les rendroit plus tost incommodes que utiles au service de la ville. A cause de quoy seroit besoing que la plus part se retirassent en quelque ville de France, où ils ne seroyent moins bien receuz qu'en leurs propres maisons, ou bien au duché de Lorraine, et aultres pais alliez du Roy , laissant seulement en la ville les gens de guerre qu'il avoit pieu au Roy y envoyer pour la garder, et portassent avec eulx, si bon leur sembloit, leur or, argent, vaisselle, bagues,

joyaulx, linge, et autres meubles, sinon ceulx que eulx mesmes cognoistroyent les gents de guerre logez chez eulx ne s'en pouvoir passer, et quant aux vivres et autres biens qu'ils ne vouldroyent remuer , ils les missent en quelque lieu seur, et en baillassent un inventaire aux seigneurs de Piepapé et de Sainct Belin, commissaires des vivres , qui donneroyent ordre de bien conserver le tout , et qu'il ne se trouverait rien deperi à leur retour.

Geste remonstrance faicte, beaucoup de gentilshommes, eschevins, bourgeois, chanoines, prestres, religieux, et autres personnes, se retirèrent es lieux où ils estimoyent se pouvoir mieulx accommoder ; mais encores en demouroit il trop grand nombre. Dont M. de Guyse en feit faire une description de touts , et enrôler à part environ douze cens hommes de travail , comprins charpentiers , massons et ouvriers de fer , pour mettre tant aux rampars, fortifications, que au service de l'artillerie; soixante ou quatre vingts chanoines, prestres ou religieux , pour continuer es églises le service de Dieu ; et aussi des armuriers , mareschaulx, boulengiers, cordonniers, chaussetiers et autres artisans, certain nombre limite' de chascun mestier, duquel l'on ne se pouvoit passer, en faisant élection des plus gents de bien et des plus experts, et mieulx garnis d'étoffes , pour subvenir aux nécessitez des gens de guerre ; et par exprès les barbiers , chirurgiens, esquels il feit advancer de l'argent pour se fournir de drogues et onguents requis à la cure des blessures. Le surplus qui n'avoyent billet de ceste retenue eurent commandement de vuider la ville dans lendemain. Encores, pour l'ordre de ceulx qui demeu-

LE SIÈGE DE METZ. 3o I

roycnt , défendit à toutes personnes de ne sonner aucune cloche pour quelque occasion que ce fust, sinon la grande du beufroy aux alarmes, feu ou retraicte du soir, et deux horloges, à cause de la grandeur de la ville, où l'on ne se pouvoit passer de moins, dont encore en commit la charge à des soldats fidèles ; et que les citoyens, à peine de mort, n'eussent à sortir hors de leurs maisons quant l'alarme seroit par la ville ; et si c'estoit de nuict, qu'ils eussent à jecter de la lumière à leurs fenestres ou portes; d'avantage, pour plus grande seureté , qu'un nombre de soldats seroit en garde jour et nuict par les places et carrefours de la ville ; et le prevost des mareschaulx , avec trente ou quarante hallebardiers, se promeneroit ordinairement par tout, à fin qu'à toute heure, et de touts costez, se trouvassent gents prêts pour appaiser les desordres qui pourroyent survenir, et se saisir de ceulx qui entre prendroyent les faire. Oultre ce, pour éviter inconvénient de peste , ou autre mortalité qui pourroit estre causée par mauvais air, fut commandé au mesme prevost prendre quelques pyonniers, chevaulx et tombereaux, à fin de purger souvent la ville, jecter les charongnes et autres immondices dehors, et faire tousjours tenir nettes les rues, pourvoyant, quant aux soldats qui pourroyent tomber malades de blessures , ou à cause des gardes de nuict et courvées qu'il leur fauldroit faire à la pluye et au froid , qu'ils seroyent retirez en un hospital, et illec pensez, serviz et traictez de tout ce qui leur feroit besoing, pareillement les pyonniers en un aultre hospital, s'ils venoyent estre blessez ou malades travaillant aux rampars, ou en aultres services pour la defence de la ville.

Et lors M. de Guyse feit le département des murailles par quartiers aux princes et capitaines , pour les défendre quand l'affaire viendroit : premièrement à messieurs d'Anguien et prince de Condé, depuis la porte Sainct Thibaud jusques à la rivière de la Seille ; à M. le prince de La Rochesuryon , tout le bas pont des Barres jusques à la tour des Charriers; à M. de Nemours, depuis les grilles du Gravier jusques à la tranchée du seigneur Pierre Strozzy ; à messieurs le grand prieur , marquis d'Albeuf, et ledict seigneur Pierre, depuis ladicte tranche'e jusques aux moulins de la Seille ; à messieurs de Montmorency , de Danville et de Gounor, tout le retranchement et quartier demouré hors d'iceluy ; au duc Horace , entre les portes Champeneze et de Sainct Thibault; au vidame de Chartres, depuis la tour de Charriers jusques à Pontiffroy ; au conte de La Roche Foucault, la plateforme de la porte à Mezelle; puis les compagnies de messieurs de Guyse, de Lorraine, et du seigneur de Rendan , ordonnées à la place du Change , pour s'y rendre aux alarmes, à pied, la picque au poing; et par tout des gens de pied, selon que le besoingy seroit plus grand, leur ayant este' distribué en chasque bande un nombre de corselets et mordons qui avoyent esté trouvez aux chasteaux des portes et aultres lieux de la ville. Et oultre, fut commandé auxmareschaulx des logis, avec certain nombre de gentilshommes de chascune compaignie, se promener à cheval par les quartiers aussi tost que l'affaire surviendroit, pour prendre garde à toutes choses, et remédier aux soubdains inconveniens qui pourroyent advenir.

Les ennemis tindrent ce logis du mont Chastillon

LE SIÈGE DE METZ. 3o3

jusquesau dernier du mois, et cependant le duc d'Olsten, les seigneurs d'Ayguemont, de Brabançon et du Bossu , arrivèrent avec la cavalerie et gens de pied qu'ils amenoyent des Pays Bas. Et une nuict quelque nombre de leurs harquebouziers furent envoyez dans l'isle', recognoistre le quartier d'entre les deux rivières de la Moselle et de la Seille, où l'on avoit craint qu'ils dressassent une de leurs batteries. Il faisoit si grande pluye que lesnostres ne les pouvoyent veoir; mais, les entendants au bruit et au marcher, leur tirèrent force harquebouzades, et ne leur donnèrent le loisir et moyen de recognoistre tous les endroicts qu'ils eussent bien voulu. Lendemain , nonobstant le mauvais temps, nous commenceasmes encores une grande tranchée, et un bon rampar derrière, au joignant de l'aultre qui a esté nagueres dict, depuis le recoing de la tour des Charriers jusques à l'encongneure de PontifFroy, afin de mettre tout le quartier de ceste isle en défense, auquel, à la vérité, n'y avoit rien que la seule muraille, sans aucun flanc ny fossé, qui vallust gueres mieux que de n'en avoir point. La nuict d'après vint advertissement que l'on avoit veu un nombre de pionniers besongner à une tranchée au bort de la montaigne de d'Ezirmont , et qu'il y avoit un peu plus en derrière huict pièces d'artillerie attelées ; en quoy nous j ugeasmes qu'on les vouloit loger à la Belle Croix pour tirer dans la ville, ce que nous feit efforcer à l'advancement des tranchées et aultres couvertes qui se faisoyent pour n'estre veuz de la montaigne.

Durant que les ennemis sejournoyent sur l'haulture de Metz, nostre cavalerie les alla souvent veoir; mesmes un jour, Paule Baptiste, avecques un bon nom-

3o4 LE SIÈGE DE METZ.

bre , courut jusques à leurs tentes , et ramena cent chevaulx de leur artillerie qu'il print , et n'en laissa gueres moins de tuez sur le lieu. Une aultre fois, le vidame de Chartres sortit sur le chemin des fourageurs , pour veoir s'ils alloyent aux vivres sans escorte, où fut tue', prins ou blessé bon nombre d'hommes et chevaulx. Les ennemis, le cuydans surprendre et enfermer, vindrent gaigner l'entre deux de la ville et de luy ; mais , ayant esté bien pensé de sa retraicte, trouva le pont de Magny sur la Seille refaict , qui auparavant avoit esté rompu afin que les ennemis n'y passassent ; et se retirant par là , eut loisir d'amener deux chariots attelez de bons chevaulx, chargez de gerbée. Ainsi chascun jour se faisoit du dommage aux ennemis , prenans soldats , marchans, chevaulx, mullets , et gastant les vivres que l'on leur amenoit. Quelques gens de cheval des leurs descendoyent au pied du mont Chastillon , le long de la rivière , à la faveur des gens de pied logez près du bourg de Sainct Julian ; mais c'estoit sans arrester, à cause que nostre artillerie y battoit , et mesmes y tua quelque personnage de qualité , avec ce que M. de Guyse mettoit tous les jours une compagnie de chevaulx legiers et quelques soldats en l'isle, pour tousjours garder que l'entrée et les guais ne fussent recogneuz ; et ceux là leur tiroyent d'un bort.de la rivière à l'aultre, pour n'estre gueres large. A ceste cause , les ennemis mirent deux pièces sur un coing de montaigne, et tirèrent souvent à nos gens , mais nonobstant elle ne fut abandonnée, ny eux entreprindrent la gaigner.

Le pénultième du mois se présentèrent douze ou quinze cens chevaulx et un gros bataillon de gens de pied bien armez du costé de la porte Mezelle ; lesquels

LE SIEGE DE METZ. 3û5

feirent contenance d'estre là, plus pour escorte du duc d'Mbe et des mareschaulx du camp , qui possible estoyent venuz recognoistre ce quartier de pais et les commodilez d'y loger, que pour venir à l'escarmouche, et ne la voulurent attaquer avec la compagnie de M. de Nemours que le seigneur Paule Baptiste avoit mene'e ce matin en garde , tout au près du lieu où ils estoyent ; comme aussi ne feirent ils avec le conte de Là Rochefoucault, qui vint avec la sienne, et avec trente aultres gentilshommes et quelque nombre d'harquebouziers, relever le seigneur Paule après midy.

Lendemain au poinct du jour, les bandes espagnoles^ italiennes, et quelques regimens de lansquenets, commencèrent à marcher vers la ville pour venir gaigner le logis de la Belle Croix , et leurs gens de cheval plus avant, à main droitte, sur la porte Mezelle , hors toutesfois la portée du canon, auquel lieu ils se tindrent en bataille jusques à tant que les gens de pied fussent assiz , qui ne le peurent estre si tost à cause que les soldats de la garde de M. de Guyse, avec trente aultres , leur allèrent commencer l'escarmouche , qu'ils maintindrent longuement et de grand asseurance, puis feirent leur retraicte si seure , qu'il n'y en eut que l'un d'eux blessé. Ce logis des ennemis occupa tout le quartier depuis la Belle Croix jusques à la rivière de la Seille , à main droitte ; parquoy fut besoing remuer encores nostre guet de cheval à Sainct Arnoul et vers le pont de Magny, entre les deux rivières. La nuict, leurs pionniers , qu'ils avoyent en nombre d'environ cinq mille, qu'on avoit admené des Pays Bas, et deux mille de Bohême, Autriche et Tirol, avec l'artillerie, feirent une tranchée sur le bort de la montaigne , à 3a. 20

3o6 LE SIÈGE DE METZ-

main gauclie de la Belle Croix , tirant vers le bourg Sainct Julian , ensemble des traverses , pour y pouvoir estre mieulx à couvert de nostre artillerie qui estoit sur les églises, laquelle tiroit souvent pour les empescher, mais non encores tant que M. de Guyse eust voulu, à cause que quatre pièces de sept dont l'on avoit commencé à tirer s'estoyent esventées, et n'osoyt on plus les charger qu'à demi , mesmes quelque fois nous en servions autant pour leur faire peur du bruit que les endommager de l'effect; toutesfois ils ne furent espargnez des menues pièces et faulconneaux es endroits qu'on les peust descouvrir. Lendemain ils meirent cinq enseignes de gents de pied à ceste tranchée pour la garde de quelques pièces qu'ils y avoyent logées la nuict, desquelles, ce jour et celuy d'après, ils commencèrent tirer dans la ville; mais nostre diligence avoit desjà conduict si hault noz traverses et autres couvertures, qu'on s'y pouvoit assez seurement tenir. Un de noz harquebouziers à cheval monta jusques à la tranchée, tirer de grande asseurance aux ennemis, puis se retira tout au pas sans se haster; mesmes, pource que la descente estoit roide, print le loisir de mettre pied à terre, et mener son cheval à main. Et sur les unze heures du soir estants vingt ou vingt cinq de noz soldats sortiz pour aller recognoistre leur tranchée, usèrent de telle diligence, qu'ils cuiderent surprendre les sentinelles du camp; puis, montans pour harquebouzer et donner coup d'espée à ceulx de la garde, gaignoyent une de leurs enseignes s'ils eussent esté encores autant. A. la fin, faisans leur retraicte vers la ville, furent suyviz d'un nombre d'Espagnols et Italiens qui descendirent assez près de la porte Saincte Barbe,

LE SiÉGE DE METZ. 3oT

crians escalle ! escalle ! ce qui donna bien peu d'effroy à la ville, n'estant gueres subjecte au danger de l'eschelle. Toutesfois la sentinelle du clochier, à cause du bruit, feit l'alarme ; dequoy M. de Guyse marry , commanda que delà en avant la cloche n'eust à sonner, sinon pour la retraicte du soir, et que l'alarme se donneroit par des t'abourins aux quartiers qu'elle survien droit.

On s'esmerveilla pourquoy le duc d'Albe et marquis de Marignan voulurent laisser ce logis de la Belle Croix, auquel ils avoyent mis peine de s'accommoder , et desjà faict des tranchées, estant le lieu fort à propos pour eulx s'ils eussent voulu donner l'assault du costé de l'isle, ou par le quartier demouré hors du retranchement d'où nous avions assez doubté. Mais il est possible qu'en considérant mieulx le dedans de la ville, ils cogneurent que la fortification de ce costé estoit en meilleur estât qu'ils n'avoyent cuiclé , et que la plateforme des Rats estoit parachevée pour battre dans Fisle, et rendre malaisées les approches ; aussi que la tran- • chée , depuis celle plateforme jusques au recoing de la tour desCharriers, estoit desjà faicte , avec son rampar et traverses, qui est tout l'espace entre les deux eaucs de la Mozelle, qu'ils pouvoyent découvrir de la montaigne ; d'avantage, la courtine de terre et deux boulevars du retranchement estoyent en si bonne defence, que, quant ils auroyent beaucoup travaillé à gaigner ce qui estoit de par delà, ils seroyent encores à recommencer,, ou bien que nostre artillerie et faulconneaux des platesformes et lieu haults leur portassent grande nuissance. Quoy que soit , le second jour de novembre ils deslogerent secrètement sans sonner tabourins, et

3o8 LE SIÈGE DE METZ.

osterent de bonne heure leur artillerie, faisans encores paroistre les enseignes sur la tranchée, lesquelles à la fin peu à peu, et comme si le vent les eust abbatues, les retirèrent, mais non si finement que M. de Guyse ne s'en apperceust, ayant desjà envoyé quinze ou vingt soldats pour en recognoistre la façon de plus près, qui furent suivis d'aucuns autres, et arrivèrent de si bonne heure , qu'ils surprindrent de leurs gens dans les loges et tranchées, dont ils en tuèrent aucuns, en amenèrent prisonniers d'autres, et trouvèrent de quoy faire butin d'armes, de chevaulx, d'habillements et vivres. Le seigneur Pierre Strozzy fut envoyé jusques là, avec deux censharquebouziers, qui veit la vérité du deslogement, et que une grosse trouppe d'Alemans estoit plus avant en la plaine, marchant en bataille, sur laquelle il envoya la moitié des siens desbandez, mesmement ceulx qu'il estima plus dispots ; lesquels s'approchèrent à cinquante ou soixante pas, couverts de quelques hayes, et tirèrent souvent dans eulx, les pressans si fort, qu'ils les contraignirent trois ou quatre fois tourner le front du bataillon pour leur courir sus ; mais les nostres se retiroyent au pas vers le seigneur Pierre, ayants tousjours l'œil sur les ennemis, lesquels ne se remettoyent si tost en leur ordre pour marcher, que ceulx cy retournoyent leur faire nouvelle recharge ; et en ceste façon conduirent ces Alemans presque d'un logis à l'autre, soubs la faveur et rafraîchissement que le seigneur Pierre leur faisoit, gaignant tousjours derrière eulx l'avantage des lieux pour les soustenir. Beaucoup d'autres soldats, et aussi des gens de cheval , s'estoyent desrobbez pour aller à l'escarmouche, et en plusieurs lieux estoyent venuz aux mains avec les ennemis, mesmes

LE SIEGE DE METZ. 3oO,

avec aucuns qui avoyent jà passé le pont de Magny, vers lequel quartier la moitié de la compagnie de M. de Nemours estoit en garde, et le duc Horace, suivy de quelques autres gentilshommes, y avoit accouru, qui combattit et donna coup d'espée. M. de Guyse , voyant qu'un grand nombre des siens estoit dehors, et que la chaleur du combat les avoit attirez bien loing, voulut asseurer la retraicte des uns et des autres. A.ceste cause, il sortit huict ou neuf cens pas hors la ville avec six cens chevaulx, où assembla encores le plus de corselets qu'il peut près de luy , allant sa personne retirer ceulx qui avoyent marché jusques là où les harquebouziers estoyent, et les vint mettre tous en bataille au près des gens de cheval ; puis , pour ramener le tout en lieu de plus grande seureté, commanda maintenant à un tiers de gens de cheval marcher tout bellement trente pas vers la porte Mezelle, puis à l'autre tiers s'aller joindre aux premiers, et de mesmes aux gens de pied, pendant que le reste monstroit visage. Ce que fut faict par quelques diverses fois, de sorte que, faisant tousjours une grande teste vers l'ennemy , il les eust menez près de la retraicte avant qu'on cogneust qu'il les voulust retirer. Puis , laissant la gendarmerie à gauche de la porte Mezelle soubs la conduicte de M. le prince de La Rochesuryon , et la cavalerie soubs la conduicte de M. de Nemours à droitte près de la montaigne, retourna au lieu de l'escarmouche, et quasi aussi tost vingt ou vingt cinq chevaulx des nostres, qui alloyent gaigner le hault pour veoir la contenance des ennemis, furent chargez d'un gros nombre de cavalerie, dont se retirans vers la nostre, M. de Nemours leur feit faveur de s'advancer vingt ou trente pas,

3lO LE SIÈGE DE METZ.

comme pour aller charger les ennemis, lesquels s'arresterent et s'en retournèrent sans suivre plus avant. Cependant M. de Guyse donna ordre au rafraîchissement et renforcement de noz harquebouziers, advisant ceulx qu'il y envoyoit prendre leur advantage ; et faisoit quelque fois changer de place aux uns , retiroit les autres quand il estoit besoing, puis tournoit visiter la gendarmerie, et ores la cavalerie, leur ordonnant ce qu'ils avoyent à faire ; ce que fut continué jusques à la retraicte du soleil, que noz gens feirentla leur, n'ayans receu dommage que de cinq ou six soldats, et le capitaine Maugeron et Bueil y furent blessez.

Les ennemis campèrent celle nuict au pont de Magny, et demoura le seigneur de Brabançon avec trois régiments de haults Alemans, un de bas , et trois mille chevaulx, au lieu de Grimont, en la colline derrière le mont Chastillon, où il a tousjours demeuré durant le temps du siège, que depuis on a tousjours appelé le camp de la royne Marie (0. Geste nuict nous arrivèrent encores vingt cinq ou trente gentilshommes vënans de Verdun, qui furent les très-bien receuz; mais de là en avant on ne peut entrer dans la ville qu'à bien grande difficulté. Le matin, tout le camp passa la rivière de Seille sur le pont de Magny , et estant le seigneur de Rendan avec sa compagnie sorty pour la garde vers ce quartier, ne peut mieulx faire que de se retirer, voyant en quelle force les ennemis venoyent, lesquels avoyent mis devant cinq ou six cens harque-

(') Le camp de la royne Marie. Les soldats du duc de Guise prétendoient, ce qui étoit faux, que Brabançon étoit l'amant de Marie, reine de Hongrie , gouvernante des Pays-Bas, sœur de Charles- Quint. Ils en firent des plaisanteries, ^et' donnèrent au poste quï fut occupé par Brabançon le ndta de cette reine.

LE SIÈGE DE METZ. 3ll

bouziers desbandez, avec mille autres qui les suivoyent , et bon nombre de gens de cheval à leur costé, marchants tousjours sans s'amuser à l'escarmouche que noz gens leur vouloyent attaquer , et puis vingt cinq ou trente enseignes d'Alemans en bataille, pour en cest ordre gaigner les abbayes de Sainct Clément, de Sainct Arnoul, et autres lieux commodes à loger. Les nostres, ne s'y osans arrester de peur d'y estre investiz, se vindrent renger près des ruines de Sainct Pierre, dans lesquelles s'allèrent jecter environ quatre vingts de noz harquebouziers pour y faire teste, et mesmes pour passer plus avant en la campagne escarmoucher une trouppe de leurs gens de pied qui couloyent le long des jardins, comme pour venir encores gaigner ce lieu de Sainct Pierre ; mais ils ne s'approchèrent gueres, bien que les nostres les allassent chercher; seulement furent tirées quelques harquebouzades des uns aux autres. De ce lieu de Sainct Pierre noz soldats feirent depuis si bonne garde, plus de dix jours durant, que les ennemis ne s'en peurent prévaloir, jusques à ce que leurs tranchées venoyent desjà coupper le chemin de la ville, que l'on les retira ; et depuis , une partie des Italiens qui estoyent à Sainct Andrieu y vint loger.

L'armée campa à Sainct Clément, quelque nombre d'Espagnols à Sainct Arnoul , certaines bandes de bas Alemans au pont deMagny, don Loys d'Avilla avec la cavalerie espagnolle à la Maladerie, le mareschal de la Moravie avec les chevaulx bohemois à Blery, le demourant à Olery, à Sainct Priech, à La Grange aux Dames, à La Grange aux Merciers, et autres lieux à l'environ.

3l2 LE SIEGE DE METZ.

Jusques alors les autres quartiers de la ville nous avoyent donné tant d'affaires, que en cestuy cy, de la porte Sainct Thibaud jusques à la porte Champeneze, n'y avoit esté faict autre chose que la plateforme de l'encoingneure Saincte Glocine. Mais ce jour Ton commença un rempar au tenant de l'église des Augustins, de vingt et quatre pieds de large , jusques au recoing de la chapelle des Prez , où le duc Horace print charge d'y faire besongner, et y feit si bonne diligence, qu'en sept ou huict jours le terrain fut haulsé à trois pieds du parapect de la muraille : ceste haulteur y estoit nécessaire, pource que cest endroit, quand il eustesté battu , estoit si bas , que de plusieurs lieux les ennemis eussent esté à cavaler de la brèche. Et pource que le fossé n'y valloit rien , l'on meit incontinent gens à le croiser par le milieu, en forme de tranchée, de huict ou dix pieds de large, pour puis après le remplir des esgouts de la ville. Ceste chose fut commise au seigneur Dautraigues, qui en feit tel debvoir, qu'il ne passa jour sans y descendre pour y employer le travail des pionniers. En mesme jour, commença l'on remplir la teste du boulevart de la porte Champeneze de terre grasse et argilleuse, fort propre à ramparer, que Ton descouvrit aux fossez, laquelle encores on mouilloit à cause que le temps estoit alors chault et venteux, qui la seichoit incontinent : l'on envoyoit quérir de la facine hors la ville, par delà les ponts, pour espargner tant que l'on pourroit celle qui se pouvoit trouver dans les jardins et clos de la ville, et aux isles plus voisines.

Les ennemis commencèrent du premier jour remuer terre, à main droicte du chemin de la ville à Sainct Arnoul, et y firent un cavalier, qu'ils eurent

LE SIEGE DE METZ. 3l3

gabionné et dressé dans quatre jours, pour sept ou buict pièces, qu'ils n'y logèrent pas si tost; et seulement, de deux qu'ils avoyent mis au coing de l'abbaye de Sainct Arnoul , tirèrent vers la petite terrasse des Augustins, où nous avions deux menues pièces qui leur donnoyent de l'ennuy. Ce jour, à quelque occasion, les ennemis envoyèrent un trompette vers M. de Guyse, bien advisé de tomber en propos pour compter du siège de Hedin, et comme les François l'avoyent rendu au seigneur du Rbu (0, chef pour l'Empereur en l'armée qui estoit devant, et aussi la prinse de M. le duc Daumalle par le marquis Albert de Brandebourg. Je pense bien que ce n'estoit pour nous en cuider faire plaisir.

En ces entrefaictes fut descouverte l'entreprinse du bastard de Fontanges et de Clavieres , soldats de la compagnie du capitaine Bahuz, qui avoyent quelque praticque avecques l'Empereur, laquelle, du commencement, ils avoyent faict semblant mener avecques le sceu de M. de Guyse, par le moyen dequoy on esperoit s'en prévaloir; mais il fut trouvé qu'ils avoyent incliné du costé de l'ennemy, et faict d'autres menées, qu'ils celoyent à M. de Guyse, bien dommageables au service du Roy, mesmes, soubs couleur de faire entrer un simple soldat dans la ville , y avoyent mis un ingénieur de l'Empereur ; ils furent retenuz prisonniers, et, peu après, ledict Clavieres mourut de maladie, de qui la teste fut mise sur la porte de Champagne, et le bastard, ayant confessé la vérité du faict, exécuté à la fin du siège. Un espion surprins alentour des rempars, qui estoit entré pour

l1) Seigneur du Rhu : Antoine de Croy, comte de Reux.

3l4 LE SIÈGE DE METZ.

faire rapport aux ennemis des lieux où il ne verroit rien de fortifié, fut sur l'heure mesme desfaict en la grande place.

Après que les ennemis se furent logez dans Sainct Àrnoul, un jour quelques harquebouziers et autres soldats des leurs, furent veuz vis à vis de la porte Sainct Thibault, ausquels le seigneur de Rendan fut commandé aller faire une charge avec trente chevaulx de sa compagnie ; et fut permis aux contes de Martigues et de La Rochefoucaud , aux seigneurs de Clermont de Suze, et deux RufFecs, estre du nombre. Quand ils se fuient apprestez, M. de Guyse les retint encores dans le boulevart de la porte Champeneze, par laquelle ils debvoyent sortir, pour laisser tousjours asseurer et approcher les ennemis, jusques à ce qu'il veit l'heure à propos; et lors leur feit ouvrir la porte, les advertissant de charger à main gauche, par ce que le lieu estoit plain et plus commode pour gens de cheval : ce que tout à un coup ils feirent si bien, qu'ils surprindrent ces harquebouziers qui estoyent dans le chemin, les rompirent, et en feirent demeurer quelques uns sur la place. Le conte de La Rochefoucaud s'adressa à un, lequel, monstrant asseurance de soldat, l'attendoit avecques la harquebouze, et le blessa en la main ; mais aussi il ne faillit pas d'estre porté mort par terre. Le demeurant qui peurent gaigner de vitesse l'abbaye se sauvèrent. Cependant le capitaine Caubios, ayant seul faict une charge dans les vignes sur autres harquebouziers qui estoyent à main droicte, fut abbattu mort d'un coup de harquebouze qu'il receut en la teste, et fut la perte que les nostres receurent à ceste saillie.

LE SIÈGE DE METZ. 3l5

Or, voulut M. de Gùyse, à cause que les ennemis s'estoyent tournez vers cest endroit des portes Champeneze et Sainct Thibault,, s'en approcher, et deslogea de la maison de sire Jeham Droin, qui est en la grand place , pour venir à Saincte Glocine , à fin d'estre à toute heure sur le lieu où l'affaire et le plus grand danger se preparoyent. Deslors il ordonna que, pour garder les ennemis de venir jusques à l'avant porte Champeneze, au costé du boulevart, un des arceaux du pont de pierre (car n'y en avoit de levis) seroit abbattu, couppant le pillier qui le soustenoit, comme le semblable avoit esté faict à celuy de la porte aux Alemans, sans laisser, de sept portes qu'il y avoit en la ville, que les trois du pont des Mores, Pontiflfroy, et à Mezelle pour s'en servir, les quatre autres terrassées et condamnées.

Le deuxiesme jour après, qui estoit le cinquiesme du moys, il envoya le seigneur Paule Baptiste avec quarante ou cinquante sallades entre le grand camp et celuy de la royne Marie, essayer de faire quelque chose de bon sur l'ennemy. Et estant arrivé au lieu où luy sembla devoir mettre son imboscade, envoya le seigneur de Navailles avecques les coureurs, descouvrir plus avant s'il y avoit rien en campagne; et luy cependant assist des sentinelles sur les costez, à fin de n'estre surprins. Noz coureurs rencontrèrent les ennemis bien forts, qui leur donnèrent la charge ; et eulx se voulans retirer, les sentinelles vont en cest instant descouvrir à main droicte et à main gauche sept ou huit cens chevaulx , qui venoyent à toute bride pour leur coupper chemin, et les empescher de se rejoindre à leur trouppe. Dont se voyans enfermez, se résolurent tour-

3l6 LE SIÈGE DE METZ.

ner visage sur ceulx qui les suivoyent, comme ils feirent, et les repoulserent assez loing : soubdain refeirent la charge sur la grosse trouppe de pistolliers, qui desjà estoyeut entre eulx et le ledict Paule, et passèrent par force tout à travers, executans ceulx qui se trouvèrent en chemin. Le viconte de Riberac y cuida demeurer prisonnier, mais il fut recouvert. Cependant ledict Paule Baptiste, avec tout le reste, avoit accouru à leur secours, et, les ayant recouverts, se retira le pas, avec la perte seulement d'un des siens, qui fut blessé, et lequel depuis mourut.

Après que les ennemis eurent faict ce cavalier que nous avons dict à droicte du chemin de Sainct Arnoul, ils en commencèrent un autre pour six pièces à main gauche, et une tranchée au pied d'iceluy , tirant vers la porte Sainct Thibault , par où feismes jugement que leur effort se pourroit addresser entre celle porte et la porte de Champagne ; au joignant de laquelle , pour ceste occasion, fut entreprins un nouveau rampar jusques à la plateforme de l'encoignure Saincte Glocine, et advisé que le parapect de ladicte plateforme, laquelle auroit beaucoup à souffrir, seroit renforcé d'un quatriesme rang de gainons, avec encores douze pieds de ceste terre grasse et argilleuse des fossez , de crainte que quelque grand batterie nous en chassast : et nous voulions sauver, s'il estoit possible, deux canonnières qui estoyentpar costé, afin de servir de flanc au long de la muraille vers la porte Sainct Thibault. Encores n'ayans assez d'asseurance en cela, il fut ordonné de faire une nouvelle plateforme en celle encoigneure mesmes, derrière l'autre, par dedans la muraille, pour, à toutes adventures, nous en servir , si es-

LE SIÈGE DE METZ. 3l 7

lions contraincts quitter celle de devant. Oultre cecy , il restoit plus de soixante et dix toises de muraille foible, et mal pourveue de fossé, entre les deux portes , depuis l'église Sainct Gengoulf , au bout de ladicte encoigneure , jusques à la chappelle des Prez , où M. de Montmorency eut charge de faire travailler les gens de pied, ausquels départit la besongne par bandes; et y donnèrent si soubdain advancement les uns à l'envy des autres, par la solicitation qu'il leur en faisoit, que leur travail de deux jours porta incontinent monstre d'une sepmaine. Aussi en l'encoigneure où ce rampar venoit joindre celuy du duc Horace, furent ouvertes deux canonnières haultes et deux basses, pour flanquer les deux courtines ; et aux deux costez de la porte Champeneze, dans la faulsebraye, furent commencez deux massifs de' terre pour servir, tant d'espaule à garder que l'entrée du portail ne fut veue du canon , comme aussi des deux flancs, pour battre le long des faulses brayes dans lesquelles on feit d'advantage une tranchée par le milieu , de huict pieds de large , à loger des harquebouziers pour les défendre. •

L'on pouvoit desjà cognoisti e à quel train se reduisoyent les choses de ce siège : de quoy M. de Guyse voulant donner advis au Boy par le seigneur Thomas Delveche, lequel pour autres occasions il avoit auparavant envoyé deux fois vers luy , advisa de le despescher ceste troisiesme fois, le huictiesme de novembre , avecques bien amples instructions de tout ce qui touchoit le dedans de la ville, et de ce qu'avoit esté jusques lors apprins du dehors ; faisant entendre comme l'armée de l'Empereur s'estoit arrestée devant Metz, et desjà obligée y continuer le siège. Dont le Roy pour-

3l8 LE SIÈGE DE METZ.

roit employer ses forces au recouvrement de Hedin , ou en tel autre endroit que son service le pourroit mieulx requérir, sans se incommoder de rien, pour la liaste de nous venir donner secours encores de dix mois , ayant dedans la munition dequoy nourrir les gens de guerre jusques à la fin d'aoust ensuyvant; cognoissant au reste tant de cueur et vertu en ce nombre de gens de bien qu'il avoit auprès de luy, et tant d'affection en son service , qu'il espéroit , avec la grâce de Dieu, si bien garder la place, qu'elle neseroit emporte'e par force ; dequoy le Roy eut très grand contentement, mesmement que, de la part de M. de Guyse, d'où se devoit attendre la requesle d'avoir secours, venoit le conseil de l'employer à quelque autre entreprise pour le bien de ses affaires. Et deslors le Roy despescha M. l'Admirai avecques une partie de ses forces vers M. de Vendosme en Picardie, pour reprendre le chasteau de Hedin , comme l'entreprinse en estoit desjà faicte; dont s'en ensuyvit l'efFect que depuis on a veu.

Ce jour s'estoit passé , et se passa encores lendemain, que les ennemis ne mirent aucune pièce sur leurs cavaliers, bien continuoyent leurs trancbe'es vers Sainct Thibault. Et souvent noz soldais sortirent pour escar- . moucher ceulx qui estoyent dedans en garde, et recognoistre ce qui s'y fajspit. Aussi de noz murailles on tiroit sans cesse toutes les nuicts avec harquebouzes à croq et à main, là où se pouvoit entendre qu'ils besongnoyent, mesmement le neufiesme du mois, sur les huict heures du soir , que, pour la doulceur du temps , on les oyoit fort clairement remuer terre, et approcher leurs tranchées vers la ville. Et à demie heure de

LE SIÈGE DE METZ. 3lQ

là, les ennemis nous saluèrent de cinquante six coups de leur artillerie dans la ville, et aux parapects des murailles , pour endommager les nostres qui leur tiroyent : toutesfois il n'y eut personne attaint. Peu après, le capitaine Cornay et Sarlabou furent envoyez, avecques quarante soldats, veoir s'ils conduisoyent quelques pièces à leurs cavaliers; mais les tranchées se trouvèrent si renforcées et pleines de gens, qu'ils se contentèrent pour ce coup de leur donner seulement l'alarme, et les faire descouvrir, pour leur tirer de la muraille. Celle nuict et la nuict d'après, les ennemis logèrent quatre canons, ou doubles canons , sur le cavalier de main gauche. Et le dixiesme du mois , sur les sept heures du matin, commencèrent battre le chasteau de la porte Champeneze, qu'ils percèrent assez bas près du portail , à l'endroit où il n'estoit le plus fort. Lendemain, feste de Sainct Martin, sur le commencement du jour, continuèrent en mesme endroit, et ayants abbatu l'un des d< ux tournons qui estoit au dessus duchasteau, et laissé l'autre prest à tomber, commencèrent battre la tour carrée prochaine de ceste porte, tirant vers l'encoigneure Saincte Glocine ; et M. de Guyse , l'allant visiter par le dehors en la faulse braye, fut en grand danger d'estre emporté d'un coup de canon , et se trouva tout couvert d'esclats ; mais la providence de Dieu le nous préserva. Ils continuèrent jusques à la nuict, qu'ils veirent avoir fort ouverte ceste tour aux deux estages par le dehors , et par mesme moyen battirent aux defences de l'église des Augustins, et à la plateforme de l'église Sainct Thibault.

Les deux jours d'après, ils tirèrent en batterie qua-

tre cens soixante et seize coups au boulevart de la porte Champeneze , qu'ils endommagèrent beaucoup, et y feirent jour et brèche par dessus le cordon , nonobstant qu'il eust l'espesseur de dixhuict pieds -, mais on y portoit tousjours beaucoup de terre des fossez , et et n'y avoit prince ou capitaine qui s'y espargnast. Le seigneur de La Palice y fut frappé d'un esclat par la teste, dont depuis ne profita, et mourut.

De nostre plateforme Saincte Marie on tiroit à leur cavalier et à leurs pièces, et en furent desmonte'es deux par nostre double canon ; mais bien tost l'une des clavettes d'iceluy commença sortir dehors, parquoy fallut de là en avant l'espargner. Aussi une des deux grandes coulevrines que nous avions s'esclata par le bout, environ un pied et demi , non point qu'on luy eust baillé trop grande charge , mais pour estre de matière si aigre, que ne pouvoit endurer le demy de ce qu'il luy falloit: M. de Guyse la feit scier, et s'en servit on depuis assez bien. Il délibéra lors faire refondre quelques pièces pour en faire de meilleures neufves : à l'occasion dequoy assembla quelques canon niers et autres qui avoyent veu autrefois conduire des fontes, et leur commit du commencement faire une coulevrine et une bastarde, pour, avecques cest essay, s'asseurer de leur expérience et de ce qu'ils sçavoyent faire, à fin que si l'on s'en trouvoit bien il leur baillast après plus de besongne.

Un peu auparavant ces choses , le marquis Albert avoit mis fin à ses simulations, et apertement monstre la mauvaise volunté qu'il avoit au service du Roy ; car, par un matin, il avoit avec tous les siens changé l'escharpe blanche en rouge , et depuis ramené son camp

LE SIÈGE DE METZ. 3ll

auprès de la ville : dont le treziesme du moys , vint avecques toutes ses trouppes devant le pont des Mores pour se camper sur le mont de l'abbaye Sainct Martin, au pied duquel ses gens de pied se tindrent quelque temps en bataille, et sa cavalerie plus avant en la plaine, entre ce pont et le Pontiffroy, avecques des pièces de campagne qui battoyent souvent et menu aux issues , et le long de l'un et de l'autre. Le capitaine Gordan eut commandement de s'advancer, avecques quarante harquebouziers de sa compagnie, jusques à la croix par delà le pont des Mores, pour escarmo'ucher deux ou trois cens Alemans qui estoyent près de jà , contre lesquels il se mainteint bonne pièce (0 , sans , leur laisser gaigner aucun advantage. Cependant M. de Guyse commanda au capitaine Cantelou de s'y en aller avec autant de ceulx de sa bande : lequel estant sorty , le capitaine Gordaii retira les siens à une petite tranche'e où ravelifi sur le bort du pont, tant pour les rafraiscbir que pour soustenir ceulx cy au bçsoing : lesquels quand les ennemis veirent bien advancez, ils feirent passer la croix à soixante chevaulx pistoliers des leurs, qui se vindrent mesîer dans eulx ; mais les nostres, ne perdans asseurance, tirèrent chascun son coup ; mesmes le seigneur de Sonbarnon 02) , qui estoit à pied avecques la harquebouze, abbatit mort un des premiers, et n'y eut gueres coup des autres qui ne fut bien employé; puis, changeants leurs harquebouzes en l'autre main , prindrent les espées, se joignans auprès de Cantelou , lequel d'une halebarde tua le cheval de celuy qui estoit le plus advancé : et se retirants au pas jusques au bout du pont, le demeurant des nostres

(0 Bonne pièce : long-temps — ''*) Sonbarnon : Sombcrnon.

3'A'i LE SIÈGE DE METZ.

les souslindrent à coups de harquebouze, et contraignirent les ennemis de repasser la croix, qui ne fut sans laisser brisées en chemin de morts et de blessez de leur trouppe, sans que les nostres receussent aucun dommage , sinon, ainsi qu'ils estoyent sur le pont, leur artillerie tua un de noz harquebouziers, et avoit tue' un homme d'église qui regardoit l'escarmouche par dessus les murailles.

Ainsi qu'il se faisoit tard et leurs gens de cheval veirent le camp desjà assiz, ils commencèrent faire marcher leurs pièces vers Sainct Martin, et eulx suivoyent au pas, ayants laissé deux sentinelles à cheval auprès du PontifFroy ; mais soubdain le seigneur Paule Baptiste, avec quarante chevaulx, sortit sur eulz , et noz coureurs, en baillant la chasse à ces sentinelles, feirent remettre leur camp en bataille, et leurs gens de cheval tourner; lesquels, se gênants serrez, ne se desbanderent jamais pour venir charger les nostres qui tenoyent l'escarmouche large, comme M. de Guyse leur avoit commandé, jusques à ce que le seigneur Paule, ayant veu un nombre de fourrageurs qui venoyent à leur camp devers Thionville, avoit envoyé sur eulx dix ou douze aultres des siens qui les exécutèrent, et meirent le feu à des charrettes de fourrage, dont les ennemis, pour leur donner secours, y coururent à toute bride; mais la promptitude des nostres les y feit arriver tard. Ce faict, le seigneur Paule s'approchant vers la ville, pour estre desjà nuict, et se re- , tira sans avoir rien perdu. Ce troisiesme camp du marquis nous osta la liberté de la campagne qui nous restoit par delà la Moselle tirant vers France, nous privant par mesme moyen de la commodité d'avoir

LE SIÈGE DE METZ. 3s3

nouvelles du Roy, ne luy pouvoir faire entendre des nostres.

Or estoit advenu, depuis le temps que les ennemis estoyent approchez de la ville, que le marquis de Marignan, sçachant le trompette de M. de Nemours estre en leur camp pour y avoir ramené quelque prisonnier espagnol, l'envoya quérir, et luy demanda du portement (0 du duc Horace, de qui il avoit espousé la tante , et qu'il desiroit fort parler à luy en lieu seur, ou, s'il ne vouloit venir en personne, le prioit qu'il envoyast quelqu'un des siens parler à luy. Ce propos fut entendu deM.de Guyse et du duc Horace, esquels sembla n'estre le temps de parlera l'ennemy ; car desjà y avoit quelques pièces sur la tranchée de la Belle Croix pour battre dans la ville. Depuis, iceluy mesme trompette fut retenu en une escarmouche, blessé d'un coup d'espée, et mené es mains du gênerai de la cavalerie de l'Empereur, qui luy feit bon traictement ; et, monstrant estre marry contre ceulx qui l'avoyent blessé sans observer le devoir de la guerre, l'envoya au marquis de Marignan, qui estoit pour lors logé à l'abbaye Sainct Arnoul, lequel incontinent mit ordre d'estre seul en sa chambre avec le trompette, et luy demanda la response que luy avoit faict le duc Horace sur le propos de l'autrefois ; dont entendant qu'il n'avoit eu charge de luy en porter aucune, le renvoya sans l'enquérir lors plus avant : mais dans une heure après, prenant nouvel advis, lefeit autrefois venir vers luy, et en paroles braves commence à dire qu'il sçavoit bien que la ville n estoit si forte qu'elle ne se peust prendre aiseement, et considérant de nostre costé la

(0 Du poitement : comment se portoit.

perte de tant de princes, seigneurs, capitaines et autres gentilshommes et gens de bien qu'il y avoit dedans, lesquels les Espagnols et Italiens ne pourroyent sauver des mains des Alemans et Bohemois , qui leur portoyent haine presque aussi grande qu'aux François ; aussi que le Roy estoit desnué d'argent, et sans moyen de nous donner secours, et que, de leur costé, l'Empereur estoit vieux, maladif, et luy (parlant ledict marquis de soy mesmes ) goutteux , avec volunté de se retirer maintenant sur le dernier de son aage à repos en sa maison , desireroit grandement que quelques bons termes d'accord se peussent mettre en avant entre ces deux princes : à cause dequoy il prioit de nouveau le duc Horace trouver moyen qu'ils se peussent assembler, ou, au moins, qu'il feit venir quelqu'un de ses fidèles serviteurs capable pour conférer de telle chose avecques luy, et qu'il pourroit encores dresser un expédient d'accommoder le faict de Parme , chose qui touchoit l'Estat du duc Octavie Farnez , frère du duc Horace. Ce discours peut faire penser que les chefs du camp de l'Empereur veoyent desjà l'entreprinse de Metz forte , ou bien s'attendoyentfaire valoir les nouvelles de telle assemblée, si elle se fut faicte, vers les estrangiers, pour le moins vers les princes et villes de l'Empire, afin de les y eschauffer davantage ; aussi que par le moyen de quelque espérance ils ostassent à leurs soldats une partie de l'ennuy et malayse qu'ils avoyent à souffrir, comme desjà au camp de la royne Marie se semoit que nous avions demandé à parlementer. Sur quoy fut advisé, pour la première fois, que le trompette retourneroit en leur camp, et que le marquis le feroit pour mesme occasion

venir vers luy ; qu'il seroit instruit de respondre en ' ceste sorte : c'est que navoit osé porter un tel propos au duc Horace, sans le faire premièrement entendre à M. de Guyse , lequel , oyant mettre en compte et en rang de pitié ceulx de la ville comme perduz , luy avoit dict qu'il ne souvenoit point au marquis qu'il fust dedans , n'y tant de gens de bien en sa compagnie, estans tous, depuis ies princes jusques aux simples soldats, en estât de ne souffrir aucun mal, comme ceux qui n'avoyent faulte de vivres, d'artillerie, munitions de guerre, d'argent, ny d'un bon et grand maistre, qui les avoit pourveuz de toutes choses pour faire recevoir honte à ceux qui les vouldroyent assaillir; et puisqu'il confessoitqueson maistre estoit vieux et caduc, ledeust avoir conseillé se contenter de ses fortunes passées, sans se venir à ceste heure heurter à noz murailles, où il verroit plus tost le bout de sa vie qu'il n'arriveroit au bout de son entreprinse; que le peu d'amitié que les Alemans et Bohemois portoyent aux Espagnols et Italiens ne touchoit en rien les François , estant un chascun de nous mis hors la puissance des uns et des aultres, avec ce que les Alemans n'avoyent occasion porter haine à nous, qui estions entrez en guerre pour leur liberté; mais eux, qui les avoy ent pillé et mené la guerre en leur pais, pour les opprimer et réduire en servitude, avoy ent à y penser, et ne se tenir pour bien asseurez, estants entre leurs mains.

Les termes de ceste responce convenoyent fort bien à ceux que le marquis avoit tenuz, par le moyen desquels M. de Guyse rompoit la broche (0 à tels parlemens : toutesfois il en advertit le Roy, asseurant bien

(0 Rompoit la broche : mettoit fin, empêchoit.

({•je si les ennemis le pressoyent après cecy , qu'il respondroit n'avoir charge que de bien garder la place. Le trompette fut despesché soubz prétexte de porter une responce au prince de Piedmont, sur ce qu'il avoit mandé à M. de Nemours luy apprester à disner, et que le dimanche après le viendroit manger en son logis , comme s'ils s'asseuroyent de prendre ce matin la ville. Mais les ennemis, pour quelque considération que n'avons descouverte, ne voulurent laisser passer le trompette à leur corps de garde, qui fut cause qu'il s'en retourna.

Ils travailîoient cependant jour et nuict à estendre leurs tranchées et les renforcer, pour y pouvoir loger un gros corps de garde, comme ordinairement ils les fournissoyent, de seize enseignes pour le moins. Et encores, craignans les saillies des nostres, y firent des defences en façon de petits bastions, pour battre tout du long, en quoy ils meirent beaucoup de temps, lequel cependant nous employons à ramparer dans la ville, mesmement au boulevart de la porte Champeneze, où. la batterie s'estoit continuée de six à sept cens coups de canon ou double canon , depuis le treziesme du mois jusques au dix-septiestne à dix heures, qu'ils y eurent faict quarante pas de bresche, par où le terrain de derrière leur apparut, qui leur feit de là en avant cesser la furie d'y tirer, et seulement employèrent, en cinq jours ensuyvans, jusques au vingtroiziesme du mois, environ cinq cens coups de canon de loing à loing aux defences. L'un desdicts jours, sur une apresdinée, furent veuz plus de trois cens hommes des ennemis s'amuser à cueillir des herbes et naveaux aux jardins qui sont au long de la rivière de sa Seille, n'ayans

armes que leurs espées. M. de Guyse feit sortir les capitaines La Faye et Toucbepres, lieutenant et enseigne du comte de La Rochefoucaud, avec trente chevaulx , et le capitaine Lanque, avec vingt cinq harquebouziers par la porte Mezelle, pour les aller charger ; lesquels, ayant passe' le pont que M. le connestable avoit faict faire de ce coste' sur La Seille, les coureurs s'adyancerent charger les ennemis, et leur baillèrent la chasse jnsques à l'abbaye Sainct Clément où estoit la teste de leur camp, qui eut l'alarme ; et sortirent plus de douze cens harquebouziers ou corcelets, sans ordre ny personne qui leur commandast, crians après les noslres, et se laissans attirer jusques au capitaine La Faye, auquel cependant messieurs le marquis d'Albeuf et de Montmorency, qui s'estoyent desrobez de M. de Guyse, et douze ou quinze gentilshommes de leur suitte, s'estoyent venuz joindre : toute la trouppe feit semblant se retirer avec les coureurs, puis tout à coup tourna , et chargeants vivement ce grand nombre d'ennemis qui les suyvoyent en desordre, les contraignirent prendre la fuite, et les chassèrent jusques au bord d'un fosse' plein d'eaue, qui, de fortune, se trouva en chemin, lequel garda les nostres de passer delà, pour suyvre l'exécution jusques dans les tentes, car autre chose ne s'estoit presenle'e qui les en eust peu garder. Cependant les moins dispots furent mal traitiez. Plus de deux mille Espagnols et Alemans se jettererent incontinent en campagne, devant lesquels les nostres se retirèrent au pas, à la faveur du capitaine Favars, maistre de camp, qui estoit, avec les harquebouziers de la garde de M. de Guyse et de sa bande, dans les ruines de Sainct Pierre, et aussi des harquebouzes à croq, dont la mu-

raille estoit bien fournie, qui ai restèrent les ennemis : et cependant les nostres rentrèrent dans la ville, avec la perte seulement d'un soldat et du capitaine Cornay, lieutenant dudict Favars, qui fut blesse', et après mourut; au lieu duquel son frère fut depuis son lieutenant. Et pource qu'on s'attendoit bien que les Espagnols de la garde des tranchées, au moins bonne partie, courroyent à l'alarme, M. de Guyse avoit mis le seigneur Pierre Strozzy dans le fossé de la porte Champeneze, avec quarante corcelets, cent cinquante harquebouziers, des bandes de Cantelou, Pierrelongue Choqueuze , et vingt chevaulx de la compagnie du seigneur de Rendan, pour donner sur la garde des Italiens du bout de la tranchée, vers la grande rivière, lors qu'il verroit les ennemis plus eschauffez de l'autre costé, ce qui fut bien observé; et tout premier il envoya cinquante harquebouziers , lesquels allèrent d'asseurancerecognoistre la mine de ces Italiens, qui lafeirent bonne, et ramenèrent les nostres jusques au bort du fossé, d'où descocha incontinent le reste de nOz gens de pied, ensemble vingt aultres gentilshommes sortis pour leur plaisir avec l'espée et la rondelle ; et peu après suivit le seigneur de Rendan avec ses chevaulx , ayant toutesfois donné quelque espace à ceux cy de s'advancer. Les ennemis entreprindrent faire teste quelque temps à leur corps de garde, mais ils furent enfoncez ; et, sans que les nostres en sauvassent qu'un prisonnier, exécutèrent le demeurant tant qu'ils peurent, jusques à les tuer de leurs dagues. Et ayans faict cequ'avoyent entreprins, demeurèrent encor près d'un quart d'heure sur le lieu, nonobstant que les ennemis s'engrossissent tousjours de ceux qui venoyent de l'aul-

tre escarmouche; pais, se retirans au pas, sonnant le tabourin et tirant tonsjours sur ceulx qui les suivoyent, rapportèrent dans la ville un grand butin d'armes qu'ils avoyent gaigné aux tranchées, sans avoir perdu que trois soldats, dont le jeune Harbouville en estoit l'un. Ouarty y fut blesse', et le cheval du seigneur de Rendan receut deux harquebouzades et un coup de halebarde.

M. de Guyse s'estoit ce jour mesme souvenu en quelle façon et effort les ennemis estoyent venuz, lorsqu'ils avoyent couppé chemin , et mis au milieu d'eulx les coureurs du seigneur Paule Baptiste, et avoit ordonné que la compagnie de M. de Lorraine, celle de M. de Nemours, et cinquante harquebouziers du capitaine Sainct André, sortiroyent entre les deux camps, soubz la conduitte des seigneurs de La Brosse et Paule Baptiste, les uns par la porte Mezelle , et les aultres par l'isle, afin que les ennemis n'en peussent recognoistre le nombre , lesquels s'estans tous renduz en un fond près la Belle Croix, ensemble messieurs le prince de Gondé, duc de Nemours, duc Horace, grand prieur de France , de Danville , et plus de cent aultres gentilshommes, que M. de Guyse ne voulut empescher sortir, cognoissant le lieu où il les avoit commandé se mettre, assez estroit pour n'estre combattuz que d'un costé. Navailles partit d'avec eux avec quarante chevaulx, et alla battre le chemin bien avant. Le marquis d'Arembergue Brabançon les ayant descouverts , feit incontinent monter grand nombre des siens à cheval, et menant encores des gens de pied, commanda quarante pistoliers s'advancer pour se mesler avecques les nostres , afin qu'il peust venir à temps pour les desfaire,

xSavailleslors,en faignant avoir crainte, print lacargue si longue, que les ennemis, cuidans n'y avoir imboscade, le suivirent vers nostre trouppe, où il feit teste, et, nonobstant le gros nombre de cbevaulx et gens de pied qui suivoyent, nos princes et gentilshommes allèrent donner dedans, et se meslerent si bien , qu'après les lances rompues ils donnèrent coups d'espée. A la fin , les ennemis se retirans de leur costé , et les nostres aussi , le petit pas vers la ville , avec dix ou douze prisonniers , laissèrent le capitaine Sainct André et ses harquebouziers sur la queue, qui gardèrent bien que les ennemis n'entreprinsent de suivre plus avant. M. de Guyse estant à la porte pour les recueillir, avec ce bon visage qu'il monstroit tousjours à ceux qui revenoyent de la guerre, eut grand plaisir, et donna louange à chascLin, selon le rapport de ce qu'ils avoyent bien faict. Ce jour mesmes le marquis Albert avoit mis ses gens aux champs, devant les ponts de la grande rivière, et faict séparer toutes les enseignes, se mettant chascune en rang, qui nous feit juger n'estre pour autre chose que pour faire la monstre. Et lendemain, sur les trois heures après midy, Saincte Geme, lieutenant du seigneur de Gounor, sortit par Pontiffroy avec quarante cbevaulx, et alla donner, durant une grande pluye qu'il faisoit, jusques dans le camp du marquis, où ayant faict de l'exécution , courut vers Sainct Heloy, sur des fourageurs qu'il despescha, et print quelques cbevaulx de bagage; de quoy l'alarme fut si grande en leur camp, que se mettans touts en armes, à enseignes desploye'es, suyvirent noz gens jusques près du pont, non sans perte de quinze ou vingt des leurs, sans qu'un seul des nostres y demeurast; seulement Saincte Geme

fut blessé, mais depuis il est guary, et quelques clievaulx rapportèrent des tronçons de picque en la teste. M. de Guyse considéra que le cas advenant qu'il y eust brèche raisonnable du costé de la batterie , et que ceulx du camp vinssent à l'assault, le marquis pourroit essayer faire quelque bravade du costé de son camp, à fin de nous travailler et embesongner de plusieurs endroits, et partant ordonna que les portes des ponts seroyent fortifiées où n'y avoit aucun pontlevis, comme en nulle des autres portes de la ville. M. le prince de La Rochesuryon voulut avoir la charge de ceulx cy, et les feit bien terrasser, laissant seulement le passage de la poterne pour un homme à cheval, à fin de ne priver nous mesmes de la commodité de noz saillies, et haulsa un petit rampar aux ravelins, pour y pouvoir estre à couvert de l'artillerie du marquis, qu'il tenoit ordinairement braquée pour y battre.

Trois jours après, qui fut le dixneufiesme du mois, M. de Guyse commanda au seigneur de Biron prendre trente chevaulx de la compagnie de mondict seigneur le prince, et au seigneur de La Faye trente autres de celle dont il estoit lieutenant, pour aller, l'un donner une alarme parle pont des Mores au camp du marquis, et l'autre par Pontiffroy sur les forrageurs et escorte qu'ils avoyenl; et que, se retirans, ils prinssent garde comme ils seroyent suy viz , et quels passages il y avoit , afin qu'une autrefois, venant mieulx à propos, l'on y peust faire une belle entreprinse. Le seigneur de Biron sortit le premier par le pont des Mores, s'estans les seigneurs de Duras, Dachon, de Mortamar, de Sainct SulpiceetNantoillet,meslezdanssatrouppe, ensemble le frère du capitaine Lanque, avec quatre ou cinq bar-

quebouziers de sa compagnie. Iïuict chevauix des ennemis, qui estoyent en sentinelle derrière la croix du bout du pont, voulurent à toute bride gaigner le camp, ausquels le guydon de la compagnie de M. le prince, qui menoit les coureurs, bailla la chasse jusques aux tentes d'un de leurs regimens qui logeoit en la plaine, au pied du mont Sainct Martin ; et sortans sur luy cinquante chevauix qui faisoyent la garde entre les saules du chemin de Sainct Heloy , il attendit les plus avancez , et rompit sa lance , portant par terre un qui fut tue' sur la place. Bon nombre de pistoliers vindrent encores du camp à la foule se joindre à ceulx cy, et tous ensemble suyvre noz coureurs, lesquels le seigneur de Biron receut , et , faisant teste , repoulsa les ennemis plus de soixante pas, où la plus part des nostres rompirent leurs lances, armes que M. de Guyse estima, du lieu d'où il regardoit l'escarmouche, estre bien fort craintes de ces pistoliers , il en demeura encores un autre des leurs mort. Et se retirant le seigneur de Biron au pas, monstrant chasque fois visage, délibéra soustenir les ennemis , qu'il veoyoit retourner avec leurs pistolets , et les chargea si à propos , qu'il leur feit monstrer le dos, et print un nomme' Hans Moufel, homme de qualité, prisonnier. Encores 7 à la fin que noz gens s'approchoyent du pont, les autres se trou vans renforcez du nombre de ceulx qui estoyent venuz à la file, qui estoyent environ six vingts , entreprindrent les enfoncer ; mais les nostres estans bien serrez, refeirent la troisiesme charge, et les contraignirent gaigner au pied si loing, qu'ils eurent puis après loisir faire leur retraicte au pas, sans empeschement ny perte d'un seul homme, estant tout le dom-

mage tombé sur cinq ou six cbevaulx. L'artillerie du marquis avoit tousjours tiré ; mais à cause que les pièces estoyent sur le hault , et ne pouvoyent plonger justement dans noz gens, ne les peut endommager.

Ainsi que M. de Guyse recevoit d'un bon visage ceulx cy sur l'entrée du pont, louant leur conduitte et valeur ? le capitaine La Faye arriva avec sa trouppe , ayant longuement attendu à Pontifïroy par où il devoit sortir, et ne pouvant finer (0 des clefs, estoit venu chercher yssue par cest autre pont. Faisans doncques ceulx qui entroyent l'argue 02), ces autres sortirent recommencer le combat, envoyans sept ou huict coureurs tous premiers, lesquels trouvèrent la charge bien près; car ce gros nombre de pistoliers revint de grand furie sur eulx, dont La Faye, pour soustenir et retirer les siens, donna dedans; et voulut la fortune que les nostres, après avoir donné coup de lance et d'espée, se peussent touts desmesler pour regaigner le pont à la faveur d'un nombre de noz soldats harquebouziers qui avoyent accouru celle part P). Le capitaine Fayolles , enseigne de la compagnie du seigneur de Rendan, et un harquebouzier à cheval y furent blessez , et depuis en moururent.

Du costé des tranchées, les ennemis n'avoyent cessé de les conduire tousjours plus avant , vers la porte Sainct Thibaud, et en avoyent commencé depuis deux jours une nouvelle, plus près de la muraille, au pied de la potance qui est devant l'encongneure Saincte Glocine, et mené quasi au joignant du ravelin de la porte Sainct Thibaud , comme pour y loger des har-

(*) Finer : se servir. — (*) Faisans l'argue : tenant ferme. — (33 Celle part : de ce côté-là.

quebouziers; par où se confirma l'opinion de ceulx qui avoyent jugé qu'ils nous battroyent de ce coste', et fut mis lors le feu aux estançons des églises de Sainct Thibaud et des Augustins , qui joignoyent la muraille au dessoubz la porte Sainct Thibaud, lesquelles nous eussent beaucoup empesclie' , et avons sceu que les ennemis eurent grand desplaisir quant ils les veirent ruiner.

Et pource qu'aucuns de noz rampars avoyent esté levez à plomb, malaisé que du pied on peust défendre le dessus, à cause de leur baulteur, sur laquelle eust encores esté plus dangereux se tenir, il fut advisé qu'on y adjousteroit un terrain en taluz qui les renforceroit, et serviroit de montée aux gens de guerre jusques à pouvoir combattre main à main , et le demeurant leur feroit parapect pour se couvrir. M. de Guyse un matin feit sortir Sainct Estephe, lieutenant du capitaine Abos, avec quinze ou vingt barquebouziers, pour aller rëcognoistre celle nouvelle tranchée, et n'y fut trouvé personne en garde, à cause, comme on peut penser, que estant encores estroite on ny pouvoit loger grand nombre de soldats pour la défendre.

En telle façon qu'a esté dict, s'estoyent passées les choses de ce siège du costé des ennemis et du nostre jusques au vingtiesme de novembre, que l'Empereur arriva en son camp; lequel, estant venu depuis Thionville en lictiere , monta à l'approcher sur un cheval turc blanc, et visita son armée , laquelle se mit toute en bataille , réservé les seize enseignes de la garde des tranchées, et furent faictes trois salves de touts les harquebouziers , tant de pied que de cheval, ensemble de l'artillerie, ce que nous dénonça assez sa venue; et

ayant soustenu un quart d'heure la peine d'estre à cheval, vint descendre au logis du duc d'Albe, en un petit coing eschappé du feu dans l'abbaye Sainct Clément, attendant que le chasteau de La Orgue, appartenant au seigneur de Thalauges, près de Magny, fust accousti é , où il Jogea durant le siège.

En ceste sorte, le plus grand Empereur qui fut jamais esleu en Alemaigne, et auquel sa sagesse et la fortune avoyent jusques à ceste heure maintenu le nom de victorieux, se trouva devant Metz avec quatorze regimens de sept vingts et trois enseignes de lansquenets, compte' celles du marquis Albert, et avoyent esté levées à la façon et nombre de gens accoustumé d'Alemaigne, dont ne fault estimer que ne fussent bien complettes, venans fraischement de leur pais; d'avantage, vingt et sept enseignes d'Espagnols, seize d'Italiens, et neuf à dix mille chevaulx , adjouxtant encores ceulx de son camp jusques à douze mille , oultre sa Court et la suite de beaucoup de grands princes d'Alemaigne, d'Espagne et d'Italie, qui estoyent venuz avecques luy ; cent quatorze pièces d'artillerie, sept mille pionniers, trèsgrande munition de pouldies et boulets, et une plus abondante provision et commodité de vivres qu'on ait jamais veu en armée d'hy ver. Nous estimasmes lors estre vray ce que don Garcilasso da Vegua, et don Alonço Pimentel , gentilshommes espagnols , devisants avecques le seigneur de Biron en une isle par dessus le pont des Mores, avoyent dict que les forces de ceste armée estoyent plus grandes de quinze mil hommes qu'autre que l'Empereur eut jamais assemblé par deçà. Il est à croire que son arrivée porta nouveau conseil d'entreprendre la ville par aultre endroit que celuy auquel

ils avoyent desjà bien advancé leurs tranchées; car lendemain menèrent des pièces au cavalier de main droicte du chemin de Sainct Arnoul , duquel ne s'estoyent encores serviz; et commencèrent remuer terre de ce costé au champ appelé de Papane, tirant à la grand rivière , ayans possible eu advei tissement par quelques uns de la ville qui estoyent en leur camp, qu'iln'y avoit rien de ramparé entre la porte Champeneze et la plateforme Saincte Marie , comme Ton ne s'y estoit encores préparé que d'un commencement d'abattre maisons au long de la muraille. Et fault attribuer à la grande diligence qu'avoit esté mise de fortifier les lieux plus foibles ce desavantage aux ennemis, d'avoir esté contraincts venir par celuy que nous estimions le plus fort; à quoy les pourroit bien avoir encores invité la commodité du logis et l'assiette du lieu , assez hault et à propos pour y battre en cavalier, et l'aysance du fossé sans eaue et sans grand empeschement d'y pouvoir descendre pour venir à l'assault. Comment qu'il soit, leur plus grande entreprinse tourna de celle part; de quoy M. de Guyse eut lendemain advertissement venant de leur camp, et feit aussi tourner nostre plus grand travail à fortifier celuy endroit, où ce qu'estoit desjà abbatu d'édifices nous feit grand bien , attendu le grand nombre qu'il y en avoit, lequel falloit tout mettre par terre, prendre le pied du rampar bien bas et luy donner beaucoup de largeur, afin qu'il peust soustenir la haulteur et l'espesseur où il le falloit conduire pour arrester le coup de canon , lors que, la muraille ostée, les ennemis le viendroyent battre, qui n'estoitsans grande difficulté, à l'occasion de plusieurs caves, lesquelles se retrouvoyent parla où le rampar

devoit passer, par où fusmes contraincts estançonner les planchiers, afin qu'ils ne défaillissent soubz la pesanteur de la terre. Les plus grands jusques aux moindres mirent la main à l'œuvre jour et nuict , si diligemment qu'il fut bien tost recogneu que nostre travail previendroit celuy des ennemis, lesquels toutesfois nous monstrerent, le deuxiesme jour après sur le matin, un grand nombre de gabions plantez à soixante ou quatre vingts pas de nostre fossé," en ce champ de Papane, où ils avoyent desjà mis sept ou huict pièces d'artillerie, desquelles, avec celles des deux premiers cavaliers , tirèrent en batterie , le vingtroisiesme du mois, environ trois cens coups au pan de mur, et aux trois tours desWassieux, Ligniers et de Sainct Michel, entre la porte Ghampeneze et la plateforme Saincte- Marie.

Sur les vespres, pource que les ennemis faisoyent semblant de besongner tousjours aux tranchées devers la porte Sainct Thibaud, pour nous tenir en la crainte d'une seconde batterie, comme ils nous avoyent souvent menassez, M. de Guyse envoya Sainct Estephe et Deschamps , lieutenans des capitaines Abos et Cantelou, avec soixante soldats, pour veoir ce qu'ils y faisoyent, où d'arrivée les nostres gaignerent plus de cent cinquante pas de tranchée , tuans ceulx qu'ils y peurent surprendre, et les gardèrent plus de demie heure par force, jusques à ce que, se faisant tard, et arrivant gros nombre d'ennemis fraiz pour la garde de nuict, les nostres se retirèrent, sans qu'il y eut perte que d'un soldat. La nuict les ennemis continuèrent planter autre nombre de gabions, et dresser un autre cavalier dans la vigne appelée des Wassieux, plus près 32. 11

de la rivière, pour battre la grosse tour de la faulsebraye, appelée la tour d'Enfer, nous faisans veoir le matin, en deux endroits de la grande gabionade, des canonnières pour loger treutesix pièces en l'un , e* quinze en l'autre, et y en avoyent desjà amené vingtcinq, desquelles tirèrent ce jour et lendemain jusques à la nuict, quatorze cens quarante huict coups contre le pan du mur qu'avons dict, d'entre la porte Ghampeneze et la plateforme Saincte Marie , et contre les trois tours qui y sont, dont les deux des JLigniers et de Sainct Michel feirent le sault, et la tierce des Wassieux, plus près de la porte, fut bien endommagée, ensemble les gabions de la plateforme Saincte Marie presque tous emportez, qui estoyent du vieulx ouvrage, faict par les habitans de la ville, rempliz de quelque terre de jardins, si menue et legiere, que ne pouvoit soustenir le coup non plus que cendres : de façon que quelque fois le boulet en perçoit trois, et y furent tuez derrière tout plein de noz harquebouziers et autres. De là en avant, les ennemis ne furent gueres grevez de nostre artillerie, n'ayans autre lieu en ces quartiers pour les en pouvoir battre, que celle plateforme.

De ce commencement de batterie, ne se trouvoit encores le pan du mur gueres miné , à cause qu'il estoit bon, et n'avoit on continué tirer en un endroit arresté, mais suyvy du long, comme pour le taster, et mesurer ce qu'ils entendoyent faire de brèche , qu'estoit environ trois cens pas, et avoyent aussi tiré quelques coups à la tour d'Enfer.

Ce jour feit, M. de Guyse, nouveau département de garde entre les gens de guerre, baillant au capi-

LE SIÈGE DE METZ. 33q

taine Glenay particulièrement leboulevart de la porte Cliampeneze ; au capitaine Haucourt la tour d'Enfer , et au capitaine Verdun la grand place : les autres vingt bandes, départies de deux en deux, à chascun quartier des murs et defences de la ville, divisées eh dix , dont l'une garderoit un jour les murailles, et l'autre les brèches, et puis changeroyent lendemain, afin de faire part à chascun de l'honneur des brèches, a usquelles deux capitaines en chief, pour le moins, s'y tiendroyent tousjours, avecques les squadres et caporals qui seroyent de la garde, faisant commandement aux liarquebouziers de se tenir bien pourveuz de pouldre et boulets. Et pource qu'on ne craignoit plus tant le costé de Tisle , fut advisé que la compagnie de M. le prince de La Rochesuryon se renclroit aux alarmes, avec celle de M. de Lorraine, devant le logis de M. de Guyse, en la court Saincte Glocine, et les autres aux lieux desjà ordonnez, en armes, avecques la picque, pour estre prêts de secourir là où il leur sej oit commandé. D'advantage, que deux capitaines de gens de pied feroyent ordinairement toutes les nuicts la ronde entière de la ville , passant par tous les quartiers, et en tous les corps de garde, pour venir incontinent faire le rapport à M. de Guyse de tout ce qu'ils auroyent veu et ouy , à quelle heure que ce fust, et en quel estât qu'ils le peussent trouver, et donneroyent ordre qu'il n'y eust jeu ou autre amusement entre les soldats de la garde, afin de ne perdre l'occasion de tirer ou offencer l'ennemy , s'il s'approchoit de noz murailles et fossez.

Cependant ne se passoit jour que quelques trotippes de noz gens de cheval n'allassent donner l'alarme

aux ennemis , et battre les chemins entre les deux camps, où se faisoit degast de vivres, butin de prisonniers , de chevaulx et de bagages ; mesmes les coffres et charroy de l'evesque d'Arras, garde des seaux de l'Empereur, y avoyent esté prins; mais pource que d'abordée on tua les chevaulx qui les trainoyent , ne peurent estre conduicts en la ville. Et quant aux prisonniers, on tenoit cest ordre, de ne mettre dedans les valets et garçons de fourrage , de qui on n'esperoit tirer aucune rançon, afin qu'ils ne consumassent les vivres, ains seulement les gens d'apparence qui monstroyent estre pour se racheter : lesquels encores on leur bouschoit les yeux en entrant dans la ville, afin qu'ils ne peussent noter aucune chose de nostre faict et fortification.

Le vingt et sixiesme du mois avant jour , leur grande gabyonnade se trouva fournie de vingt et cinq ou vingt et six pièces d'artillerie, le cavalier d'auprès de la rivière de quatre, les deux autres premiers de cinq ou six. Et sur demie heure de jour quelques uns des nostres veirent arriver aux tranchées un personnage, lequel à cause de la suitte et du nombre d'harquebouziers et hallebardiers de garde qui avoyent passé devant, et qui suivoyent , fut estimé estre l'Empereur ; depuis nous avons sceu qu'il y avoit esté. Inr continent après toutes les pièces commencèrent battre aux endroits mesmes qu'avons dict, continuans dételle furie et diligence, qu'avant la nuict furent comptez treize cens quarante trois coups de canon, et feirent jour en trois lieux de la muraille, par où un nombre de noz harquebouziers s'attiltrerent (0 de tirer entre

(0 S'attiltrerent : convinrent entre eux.

deux voilées ; un autre nombre cependant estoit dans le fosse', voyans passer les canonnades sur la teste, qui servoyent tant pour escorte des pyonniers qui descendoyent cercher terre à ramparer , que pour garder que l'on n'y vint rien recognoistre , et demeurèrent ainsi tout le jour entre la batterie et la muraille, si près des tranchées des ennemis , qu'ils se battoyent avec eulx à coups de pierres : et souvent M. de Guyse et les autres princes et seigneurs se trouvoyent aussi dans le fossé, pour veoir l'effect de la batterie : n'estants cependant les uns ny les autres paresseux de haulser le rampar, bien que les boulets et esclats tombassent souvent entre nous, où plusieurs gentilshommes furent blessez : aussi fut le seigneur de Bugnenon tirant de sa harquebouze par un des créneaux de la muraille, et lui fallut trépaner la teste. Un chascun se rendoit si subject à la besongne, que tous ont esté veuz porter beaucoup de peine , quand le besoing l'a requis, et tousjours s'y employoit une bonne partie de la nuict : dont sur les dix heures du soir , estant M. de Guyse avec les princes et beaucoup de gentilshommes, à porter terre aux endroits des brèches, une volée de dix ou douze canons que les ennemis avoyent afFusté de jour, y tira, laquelle se passa avec la perte d'un gentilhomme de la maison de M. de Nemours , appelé Boisherpin , lequel fut emporté. De leur costé les ennemis travaillèrent celle nuict à une autre tranchée, si approchée de nous, qu'au sortir d'icelle estoit entrée dans nostre fossé, où ils logèrent depuis gros nombre d'harquebouziers , qui pouvoyent tirer jusques à ce pont par où l'on y descendoit, dont nous fust ostée la commodité de ceste bonne terre à remparer,

3+2 Lb SIÈGE DE METZ.

que jusques à lors les pyonniers avoyent accoustumé d'y prendre.

Le lendemain matin le jour n'estoit gueres bien clair quand une pareille batterie recommença, et encores de trente-six coups plus grande que celle de treze cens quarante-trois du jour précèdent. En quoy le seigneur Jehan Manrique, maistre de l'artillerie de l'Empereur, ensemble ceuix qui executoyent les pièces, feirent grand devoir, et leur donnasmes la louange d'estre fort bons et justes canonniers. La promptitude de noz harquebouziers gaigna tousjours l'entredeux des voilées à tirer par les bresches, lesquelles, avant la nuict, furent beaucoup eslargies, et la tour d'Enfer fort battue à l'estage du milieu. M. de Guyse alloit d'heure à autre recognoistre le dommage que noz murailles et tours recepvoyent, et se mettre en lieu d'où il peut mesurer le tout de son œil, sans se fier au rapport qu'on luy en pouvoit faire, s'exposant beaucoup de fois à plus ^rand hazard que l'importance d'une si grande perte qu'eust esté de sa personne en ce lieu, et en temps de telle affaire, n'eust bonnement requis. Il pourvoyoit, avecques le seigneur Pierre Strozzy (qui n'avoit peu d'advis ny faulte de moyens en telles choses), et avec les seigneurs de Gounor , de Sainct Remy et Camille Marin, à sauver noz défenses, en faire de nouvelles et ordonner nouveaux rampars là où il estoit besoing. En quoy on ne sçauroit estimer qui aidoit plus à M. de Guyse, ou l'expérience et pratique qu'il pouvoit avoir eu auparavant de telles choses, ou bien son naturel disposé à la conduitte et maniement du faict et appartenances de la guerre ; et croy que les deux ensemble le rendoyent si entendu, qu'en la plus grande partie

LE SIÈGE DE METZ. d^S

des délibérations qui s'en faisoyent, son opinion se trouvoit digne d'estre exécutée.

Le jour après, vingt et huictiesme du mois, continuans les ennemis leur batterie , ouvrirent la tour d'Enfer de dixhuit ou vingt pieds de large, devinants l'endroi t d'une cheminée qu'estoit le plus foible du mur, ou bien quelqu'un de la ville qui sçavoit le contenu du dedans le leur avoit enseigné. Sur le midy tout ce pan du mur d'entre les tours des Wassieux et Ligniers, pour avoir esté fort battu et couppé assez bas, commença pencher en dehors et se départir de la terre qui l'appuyoit. Deux heures après, continuants les ennemis y tirer, tomba tout d'un coup dans la faulsebraye, mais une partie soubs soy, rendant la montée malaisée pour venir à l'assault.

Les ennemis voyants renverser la muraille jecterent un cry et feirent démonstration d'une grande joye> comme s'ils estoyent arrivez au bout d'une partie de leur entreprinse : mais quand la poussière abbatuTe leur laissa veoir le rempar desjà huict pieds par dessus la brèche, encor que bien raze et large, ils eurent à rabattre beaucoup du compte qu'ils avoyentfaict , sans estendre plus avant ceste grande risée qui ne s'entendist plus.

Un de noz soldats, appelle Montilly, feit la bravade de descendre incontinent par la brèche, comme pour donner cognoissance aux ennemis qu'il ne nous soûlcioit guieres qu'on y peust aiseement monter ; noz gens de guerre de pied et de cheval plantèrent leurs enseignes, guidons et cornettes sur le rempar; et tous les matins, au remuement de la garde, on ne failloit les y mettre. Gros nombre de noz harquebouziers, que

M. de Guyse avoit faict apposter, ayans attendu que la muraille fust ostée, comme s'il leur eust faict etnpeschement, tirèrent incontinent, et tousjours jusques à la nuict, dans les tranchées et cavaliers des ennemis, qui fut cause que depuis leurs harquebouziers de la tranchée du bord du fossé s'adviserent faire de petites canonnières dans le terrein, pour tirer à couvert et de poinct en blanc au long de la brèche, afin de garder que les nostres ne s'osassent présenter au dessus : toutesfois , les gensdarmes ayans l'armet en teste et leurs sayes de livrée vestuz,ne laissoyent à monter beaucoup de fois au plus hault, pour y vider la hotte, sans craindre le danger; tellement que les pyonniers mesmes et femmes qui servoyent au rampar s'accoustumerent peu à peu à les y suivre. Le reste du jour les ennemis essayèrent ce rampar, qu'ils veoyent, à coups de canon ; mais combien qu'il fust fraischement faict, toutesfoissetrouva en plusieurs endroits assez fort pour arrester le boulet.

La nuict feit cesser la batterie qui avoit depuis le matin esté de neuf cens à mille coups de canon ; et nous, à plus grande diligence que jamais, eslevasmes et renforçasmes le rampar, pourvoyans, quant à la tour d'Enfer, de jecterde la terre devant l'ouverture, et y faire un rampar espais jusques à la moitié du second estage,reservans l'autre moitié, quiestoit devers nous, pour sauver des canonnières à battre le long delà faulsebraye devant la brèche , et nous y loger dedans pour la défendre.

Les deux jours d'après, leur batterie se conduisit plus lentement qu'auparavant; car ils ne tirèrent que six cens trente coups, tant au long du rempar de la brèche, pour nous garder d'y porter terre, que à la tour

d'Enfer, laquelle, après avoir este' remparée en l'estage du milieu, où ils avoyent faict la bresche, la percèrent en Festage de dessus, environ sept ou huict pieds de large, par où ils entrèrent en espérance de nous en chasser, et venir maistres du second qui leur estoit assez ouvert, puis qu'ils ne pouvoyent de là en avant estre offencez par ce grand œil de la clef de la voulte qui veoit sur la brèche ; mais il y fut pourveu , comme en l'autre estage, d'un rampar faict de fumier, de quelque peu de terre et de balles de laine, le plus legier qu'on pouvoit pour ne charger trop la voulte. Ce soir, sur le tard , M. de Guyse eut quelque advertissement que les ennemis entreprenoyent de venir la nuict gaigner la tour d'Enfer, ayans faict grande provision de facines aux tranchées pour y faire la montée. Dont commanda au seigneur de Biron y aller, avec vingt gentilhommes de la compagnie de M. le prince de La Rochesuryon, pour renforcer la garde jusques à minuict, et au seigneur d'Antragues avec autres vingt de sa compagnie le venir relever. Ce que fut par après continué toutes les nuicts par la gend'armerie et cavalerie par rang de chascune compagnie. Les princes et seigneurs voulurent estre de la partie, et messieurs de Nemours , de Montmorency, de Martigues , de Danville, et autres, commencèrent les premiers de veiller au logis du conte de La Rochefoucaud, voisin de là, pour s'y trouver au besoing. M. de Guyse travailla cependant à faire remuer des pièces d'artillerie de la plateforme Saincte Marie, au boulevart et allée de la porte Champeneze, qui estoit desjà remparée, et y avoit canonnières pour battre en flanc à la dicte tour.

Le conte d'Aiguemont partit du camp avec deux

mille chevaulx et quelques enseignes de gens de pied pour aller au Pont à Mousson , où il entra; et, passant oultré, se vint présenter devant la ville de Thoul, qu'il somma se rendre : à quoy le seigneur d'Esclavolles, gouverneur d'icelle, feit responce que, quand l'Empereur auroit prins Metz; et seroit venu faire autant d'efforts contre sa ville, il adviseroit lors à la responce qu'il debvroit faire.

Au commencement de décembre les ennemis menèrent une autre tranchée par travers, depuis la grande qu'ils avoyent faicte, tirant à la rivière, jusques au devant de leur grande plateforme devers nostre fossé, et quelques autres avecqnes grand advis et mesure, les doublant et triplant pour la defence les unes des autres. Et continuèrent le premier jour du mois tirer au long des rempars et à la tour d'Enfer, environ cent ou six vingts coups de canon.

L'apresdisnée, M. de Guyse commanda au seigneur de La Brosse prendre cent chevaulx de la compagnie de M. de Lorraine, au seigneur de Saint Luc son guidon, quarante de la sienne, et au capitaine Lanque ses liarquebouziers à cheval, pour aller donner sur les fourrageurs et vivres qui venoyent devers Thionville, et du port d'Olizy au camp du marquis, et que s'il sortoit quelque nombre de gens en desordre, ils feissent ce qu'ils pourroyent juger et cognoistre à l'œil estre raisonnable, sans rien bazarder: ils furent suyviz de plusieurs autres, qui se trouvèrent prests au sortir. Et d'abordée une partie de noz coureurs chargea sur les fourrageurs, qui estoyent en grand nombre, lesquels, ensemble leurs chevaulx, furent tuez ou prins, et leurs charretées de vivres menées depuis en la ville. Les

autres allèrent donner dans le camp et à l'abbrevoir, où ils tuèrent force gens et chevaulx. Un nombre de leurs gens de pied du régiment logé en la plaine, sortirent pour les repoulsçr, et les suy virent jusques à un fossé, environ cent pas par deçà le camp, où l'un d'eulx, plus advancé que les autres, demanda en langage françois le coup de picque, et, s'adressant au capitaine Lanque, qui le venoit charger, luy tua son cheval. Ledict Lanque se voyant à pied, se joignit à l'Alemant, et avec un espieu qu'il portait l'abbatit mort à terre. Ce faict, noz coureurs se trouvans rassemblez et joincts, entreprindrent faire une charge sur ces premiers venuz, qu'ils repoulserent, et les eussent chassez bien loing ; mais quinze ou dixhuict enseignes de leurs gens de pied estoyent desjà aux champs et s'avançoyent vers eulx. Parquoy commencèrent se retirer, et incontinent sept ou huict cens de leurs harquebouziers et picquiers se desbanderent de dessoubs les enseignes, pour courir après comme à une huée, sans tenir ordre, ensemble cent ou six vingt chevaulx avec pistolets ou lances, et prindrent le seigneur de Chastelet, guydon de la compagnye de M. de Lorraine, lequel fut quelque temps en leurs mains, en grand danger de sa vie : quoy voyant le seigneur de La Brosse, et que le desordre présentait une fort belle occasion de leur faire une bien bonne charge, ordonna au capitaine Sainct Luc de se jecter à main droitte sur les gens de cheval, et que luy, à gauche, donneroit dans les gens de pied; ce que fut exécuté si à propos, que les gens de cheval et les gens de pied furent repoulsez les uns dans les autres, et tous ensemble menez à coups de lance et d'espée jusques à la teste de leurs enseignes 7 lesquelles s'arres-

terent tout court. En ce lieu mesme, le marquis Albert, qui estoit venu à l'escarmouche, faillit, pour la vistesse de son cheval, à recevoir un coup de lance du baron de Tourcy, et le seigneur de Brabançon, qui estoit venu le matin disner avec le marquis, y fut blessé. Il en demeura des autres plus de quatre vingts estenduz sur la neige, et huict ou dix prisonniers, dont il y en avoit quatre de cheval. Les nos très se retirans vers le pont, trouvèrent le capitaine Favars, avecques cent soldats, harquebouziers et corselets, envoyez pour les soustenir. Ceste escarmouche fut à la veue des trois camps, et ceulx qui estoyent aux tranche'es, tirèrent quelques coups de deux pieces,par delà la rivière, au long de la prairie, pour favoriser les leurs, et tuèrent deux soldats des nostres en revenant sur le pont ; tous les autres rentrèrent dans la ville, fors un homme d'armes et un archier de la compagnie de M. de Lorraine, qui demeurèrent prisonniers; et les seigneurs de Rocofeuil, de Fogeon, de Trêves, et un autre homme d'armes furent blessez, qui dans peu de jours après moururent. Le seigneur de Clermont eut une harquebouzade à la main, et le seigneur de Suze un coup de picque entre la teste et le morrion, qui ne print que la peau. Beaucoup de chevaulx furent blessez, mesmes celuy du seigneur de La Brosse d'un coup de picque, et en moururent dix ou douze. Il ne tint qu'à M. de Guyse que les princes n'avoyent esté de l'entreprinse, car il la leur cela jusques à ce que ceulx cy se trouvèrent dehors, et puis les clefs furent perdues : n'ayant eu peu de peine , toutes les fois qu'il a convenu sortir, de retenir ceulx qui se venoyent présenter, et s'elForçoyent de passer la porte. De l'autre

LE SIÈGE DE METZ. 34y

costé, entre les deux camps , avoit esté envoyé à mesme heure Navailies, avecque vingt et cinq chevaulx, qui feit beaucoup dédommage aux fourrageurs, et gasta force vivres, faisant tousjours boucherie sur les passages.

Les trois jours ensuivans, les ennemis poursuivirent leur baterie environ cent ou" six vingts coups par jour contre le rampar de la bresche et la tour d'Enfer, à laquelle ils avoyent faict plus de dixhuict pas de bresche, mais nous renforceasmes tousjours le rampar en l'un et l'autre estage, pour sauver celle moitié qu'a esté dict. Ils estendirent leurs tranchées, et le bout du cavalier à main droicte, encores plus vers la rivière, comme pour battre les tours des boulengiers et charpentiers, derrière celle d'Enfer et le pan de mur qu'est entre deux, où n'avions encores ramparé; mais incontinent y fut mis nombre de gens de guerre et de pionniers, pour y relever un rampar de vingt et quatre pieds de large, avec une tranchée de trente par le devant, reculez de quarante pieds de la muraille; ce que fut poursuivy de bien grande diligence. Et pour ne laisser conduire aux ennemis leur entreprinse sans les empescher de ce qu'on pourroit, M. de Guyse jecta de nuictle capitaine Candeau, lieutenant de sa garde, et le sergent du capitaine Glenay avec douze harquebouziers dans le fossé, par une secrette yssue qu'il avoit faict faire dans le boulevart de la porte Champeneze, lesquels allèrent jusques aux tranchées. Les uns coururent à un bout harquebouzer les ennemis, qui commencèrent couler tout du long, dont Candeau, qui se trouva sur le milieu, et le reste des nostres, leur donnèrent force coups d'espée en passant: et, ayant de-

^5o LE SIÈGE DE METZ.

meure bonnepiece dehors, se retirèrent sansavoir rien perdu. Lendemain sur le midi, le capitaine Thomas, de la compagnie de M. de Guyse , avec trente de ses compagnons, sortit entre les deux camps, et, de fortune, rencontra le seigneur de Brabançon qui retournoit du logis de l'Empereur au camp qu'il avoit en charge, accompagne' de vingt et cinq gentilshommes assez mal armez. Noz gens le chargèrent de sorte, que, sans ce qu'il gaigna de vistesse quelques maisons assez près de son camp, et se jecta dedans, il estoit prins : mais , n'osant le seigneur Thomas ny les siens mettre pied à terre, à cause que l'alarme solicitait les ennemis de courir à la recousse de leur gênerai, et y venoient de tous costez , se retirèrent avec un butin de deux tonneaux pleins de bottes, marchandise bien requise et nécessaire à la ville. Le jour après, cinquiesme du mois, le capitaine Simon de Lee, de la compagnie de M. de Nemours, retourna, avec vingt chevaulx, au mesme chemin, et n'eut gueres demeure' en son imboscade, qu'il veit passer environ quatre vingts chevaulx alemans venants du camp de l'Empereur , et s'en retournoyent à celuy de la royne Marie. Noz gens les surprindrent, et, donnans dessus, feirent sonner bien chauldement , à l'estendart et dedans , à deux trompettes de M. de Nemours, qu'ils avoyent de fortune amené. Dequoy les ennemis estonnez prindrent la fuite, mais il en demeura quatre prisonniers : et, retournans les nostres à la ville, feirent encores butin de quatre mulets chargez de vivres. Ce jour nous perdismes deux hommes de bon service, Camille Marin, au bout d'un rampar qui servoit despaule, joignant la tour d'Enfer, auquel lieu, après que M. de Guyse eut

essayé recognoistre, par entre deux halles de laine, le remuement de terre que les ennemis faisoient en estendant leur tranchée , et liaulsant le cavalier de main droitte vers la rivière , il y voulut regarder pour cognoistre oùs'adressoitleurentreprinse, et pouvoir mieulx entendre les moyens d'y remédier, mettant la teste au lieu d'où M. de Guysevenoit de retirer la sienne, soubdain il y receut un coup de harquebouze qui luy espandit la cervelle ; et le lieutenant du capitaine Glenay , qui estoit en garde au boulevart, fut frappé d'une autre harquebouzade, et dans une heure après mourut. La nuict les ennemis remuèrent une partie des pièces qu'ils avoyent mis en batterie, comme si elles estoyent esventées, et en feirent venir d'aultres, et tirèrent lendemain au recoing de la rivière, poury faire une nouvelle bresche, et dix ou douze coups par heure, au long des autres desjà faictes, pour nous garder de remparer, toutesfïbis on y travailloit tousjours. Ce soir la compagnie de M. le prince de La Rochesuryon retourna estre de garde à la tour d'Enfer , et M. le prince mesmes en voulut estre, qui, sur quelque heure de la nuict, descendit au plus bas estage, et luy sembla entendre un bruit de pioches, comme si les ennemis faisoyent quelque mine. M. de Guyse y vint lendemain, qui en eut aussi sentiment, et adjousta foy aux advertissemens qui luy avoyent esté donnez de ceste chose. Le seigneur de Sainct Pvemypoursuyvit diligemment de leur aller au devant avec les contremines qu'il avoit desjà commencées, tant en celle tour en deux lieux, qu'au boulevart en autres deux, et autant le long de la faulsebraye devant la brèche. Lendemain M. de Guyse feit avaller par une corde au coing der-

35l LE SIÈGE DE METZ.

riere la tour d'Enfer le lieutenant et un soldat de sa garde, pour recognoistre par le dehors en quel endroit elle estoit plus endommagée, et si les ennemis y faisoient aucune sappe, aussi pour sonder à coups de marteau si la mine respondoit encor au pied de la muraille ou entre les deux murs ; lesquels rapportèrent n'avoir rien apperceu de nouveau, et le tout estre au mesme estât qu'avoit auparavant esté recogneu : et pour lors ne peusmes avoir plus grande certaineté de leur entreprinse soubs terre, fors quelehault d'un pavillon fut veu au bout d'une de leurs tranchées, qui avoit esté tendu celle nui et, et tout autour on le remparoit de terre argilleuse, ressemblant celle que nous tirions descontremines,parlequelindicefutestiméquelàestoit la bouche de leur mine, comme depuis il se trouva. Sur les deux heures après midy, dix ou douze chevaulx de la compagnie du seigneur de Gounor sortirent vers le camp du marquis Albert, pour veoir si l'on auroit fait en la plaineaucun fosséoutranchée*etprendregardequelle contenance les ennemis tiendroyent à les charger, afin que s'ils avoyent avisé nouveau moyen de nous nuire aux saillies, l'exemple de ceste heure nous en fust advertissement pour une autrefois que plus grande force sortiroit; les advisant qu'ils eussent à feindre de n'oser soustenir aucunes de leurs charges, afin de lesr'assurer et leur donner volunté de venir par après aussi peu retenuz aux escarmouches, qu'ils souloyent auparavant qu'on leur eust donné ces attaintes qu'avons dict dessus. Mais, pour faire que noz gens n'eussent à s'opiniastrer au combat, M. de Guyse leur feit laisser au sortir de la porte les lances, les accoustremens de teste et brassais : ils allèrent jusques au camp , et y eut

alarme ; mais, après avoir couru la campagne , laquelle ne monstra que ce qu'on avoit accoustumé veoir, se retirèrent à la faveur d'un nombre de noz soldats de pied harquebouziers, lesquels gardèrent les ennemis qui couroyent après eulx desuyvre plus avant.

Le jour ensuyvant , septiesme du mois, de grand matin, on ouit sonner beaucoup detabourins au camp de l'Empereur, et, sur les huict heures, deux grosses trouppes de leurs gens de pied s'approchèrent au bord des tranchées, derrière ces murailles qui s'estendent vers Saînct A.rnoul, par dessus lesquelles on veoyoit apparoistre leur grand nombre de picques : et bien que M. de Guyse n'estimast y avoir grand danger , estant encores la faulsebraye devant la brèche toute saine et entière, il feit toutesfois , sans donner alarme, rendre tous les gens de guerre aux lieux qui leur estoyent ordonnez, tant aux brèches, flancs , places de secours, que au long des murailles, où se trouva bien petit nombre de gens pour une ville de si grande garde , mais tous appareillez de bien faire , et monstrans celle bonne volunté et délibération qu'il falloit pour vaillamment repoulser l'ennemy. Les princes de Bourbon , les deux de Guyse, celuy de Nemours, le duc Horace, messieurs de Montmorency, vidame de Chartres, de Martigues, et les autres seigneurs et gens de bonne maison, avec plusieurs gentilshommes marchans soubs la cornette de M. de Guyse, prindrent le premier rang à la brèche, suiviz d'un bon nombre de soldats. Cependant ledict seigneur alla visiter les uns et les autres, non sans avoir grand aise du maintien et bonne contenance qu'il veoyoit en chascun , ny sans les soliciter encores en passant par beaucoup de ces bons mots qui incitent

à l'honneur, à la vertu et à *la victoire. Le capitaine Kavars, maistre de camp, ordonnent de ses gens de pied, et encores par dessus luy le seigneur Pierre Strozzi, ensemble sur les gens de cheval. Le seigneur de Sainct Remy estoit préparé de ses artifices à feu et engins de guerre, lesquels avoyent este' apportez de bonne heure en une maison prochaine, pour les employer sur les premiers qui viendroyent; aussi le seigneur de Crenay, et autres gentilshommes et soldats choisiz de toutes les compagnies et bandes aux costez de la brèche, pour exécuter bon nombre de harquebouzes à croc ; pareillement le seigneur d'Ortobie et ses compagnons, commissaires de l'artillerie, avec leurs canonniers aux flancs et défenses ; et furent toutes choses si promptement mises en leur .ordre , et Tordre mesme par tout si bien observe', que les ennemis eussent prins mauvais conseil de nous venir assaillir. Aucuns d'eulx s'adviserent d'aller sur la montaigne qui regardoit à la brèche, d'où ils la peurentveoir fournie de museaux de fer, de mordons et corselets, qui ne fut chose qui leur deust beaucoup plaire.

Sur le soir vint un trompette de la part de l'embassadeur d'Angleterre résidant auprès de l'Empereur, porter des lettres à deux gentilshommes anglois estàns a la suitte du vidame de Chartres , parens du milor ïïavard , debitis C1 ) de Callais , par lesquelles les persuadoit éviter le hazard où ils estoyent, et de s'en venir au camp, pour delà se retirer en Angleterre : mais, estant cogneu que c'estoyent des ruzes dcl'ennemy, le trompette fut renvoyé avec responce qu'ils estoyent

(•) Debitis. On ignore la signification de ce mot. Les historiens con temporains donnent à milord Howard le litre de lieutenant de Calais

plus asseurez dans la ville qu'ils ne seroyent dehors.

Après que le seigneur Thomas Delveche, qui estoit aile' vers le Roy, comme avons dict, eust eu saresponce et attendu quelques jours à Verdun la commodité de se pouvoir conduire en ceste ville , il print le hazard de traverser le pais du costé mesmes des ennemis, et, par entre les deux camps, se rendit lehuictiesme du mois, après minuict , auprès de la ville, où M. de Guyse le feit entrer par la porte Mezele ; et par luy nous furent confirmées les nouvelles que l'armée du Roy s'en alloit assiéger Hedin , signe de n'espérer de long temps autre secours que celuy qui restoit aux armes et aux b ras d'un chascun de ceulx de la ville : aussi ne faisoit on semblant de le désirer ; bien nous asseura que la délibération du Roy estoit de venir lever le siège , nous resjouissans cependant de la prinse que M. le mareschal de Brissacavoit faict sur l'Empereur de la ville d'Albe en Piedmont, comme le seigneur Thomas disoit. Ce que M. de Guyse permit au premier trompette qu'iroit au camp de l'Empereur le dire à ceulx qui l'enqueroyent des nouvelles, en recompense qu'ils nous avoyent auparavant mandé la prinse de Hedin.

Ceulx qui estoyent prins du camp de l'Empereur nous chantoyenttousjours que la délibération de leur maistre estoit ne partir jamais qu'il n'eut prins la ville, et quand l'armée qu'il avoit seroit ruinée il en feroit venir une autre, et après la seconde la tierce; de sorte que, craignant M. de Guyse la longueur que ce siège pourroit prendre, mit encores nouvel ordre et mesnageaux vivres, faisant regarder aux particulières provisions que chascun pouvoit avoir en son logis, pour y user avec autant de discrétion que si c'eust esté la

munition du Roy, et resserrer tout le vin qui se trouveroit par les quartiers des gens de pied en une ou deux caves, soubs les clefs que leurs capitaines tiendroyent , pour en distribuer puis après a chascun soldat deux pintes par jour. Encores, pource qu'on avoit commencé bailler aux pionniers du pain de la munition , qui en eussent à la longue beaucoup consumé, il en feit casser de douze cens les six cens, reservant tout ce qu'il pourroit pour l'entretenement des soldats; ausquels, estant desjà failly le bled qu'avoyent amassé au temps de la récolte, leur ordonna, pour le commencement, deux pains pour jour de douze onces chascun , proposant leur en retirer peu à peu par quarts et demy onces, ce qu'il cognoistroitleuren pouvoir faire passer, afin d'estendrela munition, s'il luy estoit possible, encores par delà les douze mois qu'il pensoit avoir pourveu , tenant le bled pour le plus précieux thresor qu'il eust en la ville, avec resolution d'opposer une autre opiniastreté contre celle de l'Empereur, et d'attendre la dernière souppe à l'eaue, avant que donner lieu à son entreprinse. Aussi pourles vivres des chevaulx de service feit départir la paille qui s'estoit trouvée aux granges de la ville, par les compagnies de la gendarmerie et cavalerie, ayant encores, pour leur allonger les vivres le plus qu'il seroit possible, faict commandement aux gens de pied de tuer les courtaux (0 qu'il avoit entendu estre retenuz plus que de six par bande, contre ce que l'ordonnance faicte du commencement portoit, et les mettre au sel, donnant charge au prevost des mareschaulx passer par après en tous les quartiers , pour prendre céulx qui seroyent trouvez oultre le

(») Courtaux : chevaux sur lesquels les hommes d'armes voyageoient.

nombre permis, et leur aller coupper les jarrets hors la ville.

Et, pource que desjà avoit esté usé beaucoup de pouldre, il meiten besongne des salpestriers à tirer du sàlpestre et le raffiner , afin que la munition des pouldres s'entretint , et ne s'y trouvast faulte au besoing. Oultre ce , voyant que du mois passé et de cestuy n'avoit esté faict payement aux soldats, ny estoit possible que le Roy mist de l'argent dans la ville, pour leur en faire encores tenir durant le siège, et que à la fin ils se pourroyent, par faulte d'argent, accoustumer de prendre ce qu'il leur seroit besoing d'habillements ou autre chose sans payer, par où pourroit venir quelque desordre dans la ville, et entre eulx mesmes, délibéra, pour ne mettre rien de la commodité de tous en ar riere, qu'il feroit battre de la monnoye soubz l'authoritédu Roy, et luy donneroit beaucoup plus hault pris que de sa value , soubz obligation toutesfois, enquoy il se soubmettoit par cry publicq , de la reprendre pour autant qu'on la bailleroit ; dont en fut commencé faire quelque petit nombre , qui se veoit en mains d'aucuns.

Le marquis Albert se sentoit picqué des saillies que l'on avoit souvent faict sur son camp, et avoit mis gens de pied et de cheval aux aguets dans les saules prochains, et es fossez et jardins près de la croix du bout du pont des Mores, et autres lieux où il estimoit pouvoir mieulx surprendre et nuire à noz gens. Ce qu'ayant bien attiltré deux ou trois jours de rang , envoya passer tout auprès du pont quelques chevaulx et fourrageurs pour amorser les nostres et les attirer dehors, lesquels, M. de Guysey ayant faict prendre garde, et

->^y LE SIÈGE DE METZ.

luymesmes entreveu quelque chose de l'enti eprinse , ne les voulut laisser sortir à la poste (x) du marquis, reservant le faire une autre fois qu'il n'y auroit si bien pourveu : et du costé des tranchées envoya, la nuict d'après, le seigneur Pierre Strozzy avec un petit nombre de soldats, veoir s'il s'y commençoit aucun nouvel ouvrage. Ceulx de la garde furent surprins , et quelques uns despeschez , sans qu'ils osassent entreprendre sortir pour repoulser lesnostres, lesquels, ayansrecogneu autant que l'obscurité le leur pouvoit permettre, se retirèrent. Estans rentrez dans la ville, ils trouvèrent à dire le sergeant du capitaine Glenay , lequel fut veu lendemain mort sur le bord et pendant de leurs tranchées, où plusieurs soldats s'offrirent l'aller quérir; mais on ne voulut pour telle occasion les bazarder à si évident péril : mais son gojat, meu de grand amour et pitié vers le corps de son maistre , feit grand instance qu'on le luy permist ; et, sans craindre l'harquebouzerie des ennemis quHuy tirèrent grand nombre de coups, l'alla en plein midy charger sur ses espaules , et l'apporta dans la ville pour luy faire recevoir sépulture : enquoy il mérita estre faict soldat, comme il fut, de la bande dudict Glenay.

Après que les ennemis eurent, depuis le cinquiesme du mois, tiré assez mollement six cens vingt coups de canon, ettoutesfois ouvert à l'encongneure de la rivière la tour des Charpentiers, qui joinct l'eaue, et abbatu le bois de la couverture de la tour d'Enfer, ils remuèrent d'autres grosses pièces à leurs cavaliers, et feirent nouvelles canonnières à main gauche de la grande gabionade, comme pour tirer à nostre boulevart, bien

(') A la poste : au désir.

qu'ils le veissent remparé : et le douzième du mois, de bien grand matin , ils se mirent à le battre plus fort que les jours passez, comme s'ils vouloyent parachever de le réduire tout en breschej et, continuants jusques au soir environ trois cens cinquante coups, tout ce qu'ils avoyent battu tomba plus de vingt pas de long et bas, jusques au dessoubs du cordon, y ayant, avec ce qui avoit esté ouvert auparavant, cinquante pas de bresche. Vray est qu'ils n'y eussent peu monter sans eschelle, et n'y tirèrent plus de là en avant, s'appercevant qu'ils estoyent à recommencer, à cause qu'ayant par nous esté cogneu de bonne heure ce boulevart estre en lieu où falloit par nécessité nous en ayder , lavions très bien mesnagé de tout ce qui se pouvoit faire pour ne le perdre point, luy fortifiant, comme a esté dict, la teste et puis la porte d'un grand rampar de bonne terre, où leurs canons eussent bien trouvé à manger; et encores avoit- on faict une traverse derrière iceluy, dans les édifices, pour nous en servir au cas que la teste vint à estre ouverte. L'on avoit aussi remparé l'allée d'entre ce boulevart et la porte Champeneze d'un vingt et cinq pieds de large de chascun costé, afin que les ennemis, en croisant leur batterie, ne nous en banissent; et, pour mesme cause, avions relevé deux gros massifs de terre aux deux encogneures de la susdicte porte, pour servir d'espaule à la garder, et de flanc aux faulsesbrayes ; soubz lesquels massifs avoit un pas sage couvert, venant de la ville à la faulsebraye de main gauche, puis à l'allée du boulevart, et d'icelle allée un semblable passage entrant en la faulsebraye de main droitte, pour tousjours avoir chemin a secourir noz faulsesbrayes, boulevart, et son allée, en la-

quelle avions faict deux bonnes canonnières, malaysées à oster, lesquelles battoyent dans les fossez le long des brèches, et jusques à la tour d'Enfer, encores deux autres à mesme effect, soubz un des arceaux de ceste allée ; et avions ouvert au fond du boulevart une secrette saillie pour jecter des gens de pied dans le fossé, n'oubliant y faire force contremines. Et bien que les mauvais fondemens d'iceluy boulevart et les arceaux foibles et fenduz de l'allée nous menassassent de la prochaine ruine de l'un et de l'autre, toutesfois le besoing présent nous solicitoit d'y mettre encores tous les jours la main.

Lendemain les ennemis reprindrent leur batterie au long de la grande brèche, à la tour des Wassieux, prochaine de la porte Champeneze, qui estoit desjà bien entamée, et la feirent tomber, partie à deux heures après midy, et le reste à trois heures après minuict, dont y eut de quatre vingts à cent pas de brèche bien raze d'un tenant, joignant laquelle estoyent les deux autres, l'une de trente, l'aultre de vingt au long du mur. Ce jour mourut le capitaine Favars, maistre de camp, qui avoit esté blessé d'une harquebouzade sur le rampar de la grande brèche, bien près de M. de Guyse, et fut son enseigne baillée au capitaine Cornay son lieutenant, et le capitaine Glenay faict maistre de camp , qui voulut la garde de la tour des Charpentiers, laquelle estant en l'encongneure de la rivière, estoit desjà ouverte et le lieu assez dangereux : lors fut commis le capitaine Gordanavecsa bande au boulevart, et le capitaine Cantelou à la porte du pont des Mores, le demourant à tenir tousjours l'ordre qui avoit esté au paravant commandé. Estant nuict, et lors qu'il faisoit

plus obscur, Glenay commanda à un de ses soldats s'en aller près des tranchées, pour escouter les ennemis, et veoir quel guet ils faisoyent, afin de leur donner une estrette, s'il s'y cognoissoit occasion de le faire. Le soldat tomba entre trois sentinelles estans dans le fossé, qui le chargèrent ; et luy, prompt, encor qu'il n'eust autres armes que l'espée, s'en défendit au mieulx qu'il peut, et se retira blessé d'un coup de corsesque (0 au visage, et pour celle nuict n'y eut plus grande entreprinse.

Ceulx de la garde des tranchées appeloyent souvent, et par divers propos solicitoyent les nostres de parler, qui pourtant ne leur faisoyent aucune responce, à cause que la defence y estoit, et mesmes quelques uns avoyent esté du commencement chastiez, pour l'avoir osé entreprendre sans congé.

La matinée du jour ensuivant fut pluvieuse, et se doubterent les ennemis qu'ils auroyent quelque alarme de la ville , comme on leur en avoit tousjours donné lors qu'il faisoit bien mauvais temps. Ils se jecterent en grosse trouppe à la campagne, et trouvèrent à charger quinze ou vingt chevaulx des nostres, de la compagnie de M. de Lorraine, qui estoyent allez bien matin entre les deux camps; mais ne les peurent empescher de leur retraitte, qu'ils feirent sans aucune perte.

Après midy, le seigneur de Biron sortit avecques cinquante ou soixante chevaulx par PontifFroy, vers le camp du marquis, et envoya battre le chemin des vivres par une partie de ses coureurs avec le capitaine Lanque , lequel descouvrit une grosse imboscade d'ennemis dans les saules vers Sainct Heloy, et en advertit la

(') Corsesque : poignard.

trouppe. Les autres coureurs, qui avoyent donne' jusquesau camp, ne peurent attirer les ennemis dehors, lesquels avoyent possible pensé que les nostres les iroyent chercher jusques là, et que ceulx de Fimboscade leur viendroyent coupper chemin. A tant le seigneur de Biron , ayant demeuré un temps au milieu , pour favoriser ceulx qui avoyent couru vers droicte et vers gauche, à la fin les retira avecques quelque butin de fourrageurs, chevaulx et charrettes de vin qu'ils avoyent prins.

Navailles retourna lendemain matin entre les deux camps, et trouva que les ennemis y estoyent bien forts, ausquels, avec vingt et cinq chevaulx qu'il avoit, attaqua l'escarmouche , temporisant le plus qu'il peut pour veoir s'il leur pourroit donner une charge à propos; mais voyant n'y avoir lieu de s'opiniastrer d'advantage, se retira saulve avec prinse d'un des leurs, natif de Savoye, lequel dit à M. de Guyse qu'on tenoit pour chose certaine au camp, que leurs mines entroy ent desja cinquante toyses dans la ville.

Sur les deux heures après midy se feit une autre saillie par le pont des Mores, de trente chevaulx seulement, desquels le conte de Charny, Ouarty, Riberac, Tourcy, Crequi et La Roche -Chalez estoyent. M. de Guyse advisa le capitaine La Faye qui les conduisoit, n'abandonner de gueres le bout du pont, mais envoyer cinq ou six jusques au corps de garde du marquis, pour se faire suyvre et attirer ce qu'ils pourroyent d'ennemis au près du pont, où il avoit faict mettre des harquebouziers, et porter des harquebouzes à croc pour les recevoir. Les coureurs allèrent jusques à ce corps de garde, qui estoit plus fort que

mesmes toute nostre trouppe, lequel les rechassa bien vistement : La Faye faignit prendre aussi la fuite pour se faire suivre, et que les ennemis se desbandassent, comme advint, courans après à qui premier auroit attaint les nostres, lesquels tout d'un coup tournèrent, et, trouvant les autres endesordre, les menèrent battans jusques au près de leur camp , duquel sortoit desjà force cavalerie pour venir à l'escarmouche, et se trouvèrent bien tost six ou sept vingts ensemble. Ils en feirent avancer cinquante sur nos gens, lesquels prenans la cargue (0 pour les attirer à noz harquebouziers, comme leur estoit commandé, attendirent un petit la recevoir de trop près, tellement que ceulx cy leur estoyent desjà sur les bras, et le reste de leur grosse trouppe n'estoit gueres loing, qui mai choit tousjours au trot. Et ayant voulu le capitaine La Faye demeurer derrière, comme vaillant qu'il est, son cheval eut un coup de lance, et luy porté par terre et tenu prisonnier. Ceulx de la trouppe tournèrent, et feirent tout ce qu'ils peurent à bien combattre pour le recouvrer; mais ne fut possible, et se retirèrent avecques celle perte , et du seigneur de Vitry, qui demeura aussi prisonnier. Le seigneur d'Ouarty fut blessé en la teste, et La Roche-Chalez en la jambe droicte, qu'il luy fallut scier, et depuis en mourut. En mesme temps le seigneur de Rendan avoit faict la tierce saillie par le Pontiffroy, avec autres vingt chevaulx et dix harquebouziers du capitaine Lanque, pour, ce pendant qu'on les amuseroit d'un costé, battre de l'autre le chemin vers le moulin d'Olizy, où estoit le port de leurs vivres, et par où les fourrageurs et vivandiers venoyent ; ce

(') Prenans la cargue : se préparant à charger.

qu'il eut loisir de faire, et renversa deux charretées de pain, et le feit fouler dans la fange, print du vin du Rhin, et amena chariots, chevaulx et prisonniers dans la ville, oultre ceulx qu'il defeit sur le lieu.

La nuict ensuivant vindrent quelques Aleraans du camp du marquis, pour abbattre le parapect du pont des Mores, qui couvroit le ravelin du bout d'iceluy, dans lequel on jectoit ceulx qui estoyent envoyez pour faire les saillies , qui ne pouvoyent estre là offencez de leur artillerie, et essayèrent de rompre une des arches du pont, pour nous oster entièrement l'issue par là; ce qui devoit à meilleure raison estre entreprins de nous, pour empescher à eulx l'advenue de noz portes et murailles. Toutesfois noz harquebouziers , qui estoyent en garde sur le portail, pourveurent à cecy, tirants si souvent là où ils entendoyent le bruit, qu'ils leur feîrent abandonner le pont; et fut trouvé le matin beaucoup de sang et quelques flasques M des leurs brisées. Deslors fut ordonné que trois ou quatre harquebouziers seroyent jectez toutes les nuicts en sentinelle hors la porte, qui se tiendroyent dans le ravelin.

Le soir on avoit veu porter du camp de l'Empereur grand nombre d'eschelles dans les tranchées, dont fut donné advertissement aux gens de guerre se tenir prests, et à la fin n'y eut rien d'entreprins. Il advint celle nuict une chose de rizée : c'est qu'un Wallon du camp des ennemis, pensant avoir beaucoup cheminé et estre arrivé aux portes de Thionville, vint heurter à la porte Saincte Barbe, où le caporal de la garde joua si bien son roole, qu'il l'entretint longuement en cest erreur,

(0 Flasques : partie de l'ailut d'un canon. Il paroit qu'il faudrok lire : quelques fiasques brisées.

et luy feit dire tout ce qu'un homme de sa qualité pouvoit sçavoir de Testât du camp, mesmement de la difficulté que s'y faisoit de prendre la ville. On attendoit qu'il fust heure d'ouvrir les portes pour l'aller retenir prisonnier ; mais aussi tost qu'il fut un peu jour, s'advisant de sa faulte, se mit à fouir, et les nostres l'accompagnèrent à coups de harquebouze, et luy tuèrent son cheval.

Les ennemis avoyent tousjours continué , depuis le douzième du mois, tirer par heure dix ou douze coups de canon en endroits differens , afin que noz harquebouziers ne s'osassent monstrer sur les brèches, et aussi pour nous empescher de remparer, à quoy toutesfois on n'avoit mis cesse, n'estant passé jour, depuis le commencement qu'ils feirent leurs tranchées, que noz gens de guerre n'eussent ordinairement la hotte sur l'espaule quand ils n'y avoyent les armes, ou n'estoyent en garde : et ne les veoit on moins adventurer ou aller hardiment sur le hault du rampar, tirer le coup de harquebouze, ou porter terre, que si le canon ou harquebouzerie des ennemis n'y eust battu, dont souvent en a esté emporté de bons hommes; mais l'asseurance ne fut pourtant diminuée. Et, pour les saulver, furent mises des pavesades et mantelets au costé des brèches, sur les flancs, hors la batterie du canon, afin qu'ils peussent tirer mieux à couvert, et garder d'apparoistre les ennemis sur les tranchées. Lesquels poursuivirent encores le seiziesme du mois leur batterie à l'encongneure d'auprès de la rivière, et y feirent dixhuict pas de brèche , portants par terre la tour des Charpentiers, dont la plus grand partie tomba dans soymesme«, et un peu dedans le fossé, mieulx à propos

que n avions espéré, craignant que le tout y allast et peust faire pont aux ennemis. Ce jour un gentilhomme italien , parent du seigneur Ludovic de Birague , se vint rendre à nous, nous advertissant de la diligence que les ennemis mettoyent à conduire leurs mines, et qu'il estoit bruit au camp qu'elles s'en alloyent prestes à mettre feu. Le seigneur de Sainct Remy s'advançoit tant qu'il luy estoit possible de se trouver au devant, pour faire à eulx mesmes une fricassée; et M. de Guyse descendoit plusieurs fois le visiter dans les contremines, mesmement sur la nuict, qui estoit l'heure qu'on les entendoit mieux besongner, mettant ordre que bon nombre de gens de guerre se tinssent prests pour les repoulser, si , après y avoir mis le feu , il s'y faisoit brèche, et vouloyent venir à l'assault.

Environ ces jours, le seigneur de Brabançon, pour recompenser l'honnesteté que M. de Guyse avoit usé vers quelques prisonniers des leurs, qu'il avoit renvoyez sans rançon , et faict rendre leurs armes et chevaulx, offrit pareil traictement à deux soldats françois, l'un du capitaine Haucourt, et l'autre de La Queusiere, pourveu qu'ils se retirassent en France, estant l'opinion de l'Empereur sur la raison de la guerre, qu'on ne devoit renvoyer dans une ville assiégée ceulx que Ton en avoit peu prendre prisonniers. Par ainsi leur bailla un tabourin pour les conduire vers Nancy ; mais eulx ayans renvoyé le tabourin demy chemin, disans qu'ils se sçauroyent bien conduire , mirent devant les yeulx le serment qu'avoyent faict de servir le Roy soubs la charge de leurs capitaines, qui estoyent enfermez dans la ville, et la honte que leur seroit les abandonner en tel affaire , dont meuz d'un bon cueur et vray naturel

François, s'arresterent dans un bois jusques à la nuict, à la faveur de laquelle passèrent assez hazardeusement entre les deux camps, etse vindrent rendre à noz portes. Un peu au paravant que le capitaine La Faye feist la saillie par le pont des Mores, comme avons dict, le trompette de la compagnie de M. de Lorraine estoit allé vers le marquis Albert pour le différent de la rançon d'un homme d'armes des nostres, qu'il tenoit plus haulte que la soulde d'un mois, contre ce que luy mesme& avoit requis pour tous ceulx qui seroyent prins d'un costé et d'autre, et fondoit l'occasion sur la libérale offre de l'homme d'armes, qui s'estoit taxé plus qu'au triple; ce qu'il n'avoit peu, puisque la loy estoit autrement. Le trompette fut retenu sans pouvoir obtenir congé de s'en revenir tant que le siège dura, de peur, comme on peut penser, que la diminution de ses gens, et la mortalité qui estoit en son camp, fussent rapportées en la ville, et mesmement que la plus part s'en estoyent allez à faulte de payement, et un grand nombre estoyent morts de l'injure de l'hyver. On n'avoit aussi voulu laisser passer le trompette de M. de Guyse vers le camp de la royne Marie, où il estoit envoyé pour autres prisonniers, l'ayant arresté aux sentinelles et porté là sa responce, afin qu'il ne veist les grands cimetières qui estoyent à l'entour de ce camp. De là à deux jours, ayant le marquis à requérir quelque Alemant prisonnier, emprunta le trompette du ducd'Albe, se persuadant gu'il ne seroit arresté , pour autant qu'il ne se advoueroit de luy : mais M. de Guyse, sçachant les causes de la guerre du duc d'Albe et du marquis estre une, et tous deux soubz l'Empereur, retint ce trompette pour le nostre.

Le dixseptiesme du mois après le midy , se vint présenter, du costé de la montaigne , entre les deux camps, le seigneur don Loys d'Avilla, gênerai de la cavalerie de l'Empereur, avec cinq cens chevaulx, et feit donner ses coureurs jusques à la portée d'un mosquet (0 près de noz portes, ayant de fortune M. de Guyse lors faict monter à cheval les seigneurs de La Brosse, de Rendan, et Paule Baptiste, avec quinze chevaulx chascun de leur compagnie, pour aller recognoistreà la campagne les moyens de pouvoir faire une entreprinse qui sera dicte cy après. Il leur bailla encores soixante harquebouziers, lesquels, estans dehors, ils logèrent si à propos pour les soustenir , que les ennemis ne se voulurent attaquer, et seulement quelques harquebouziers à cheval tindrent l'escarmouche large entre les deux trouppes, où y en eut de blessez de leur costé, et aussi le capitaine Simon de Lee, de la compagnie de M. de Nemours, du nostre. Quelqu'un de leur trouppe s'advança de demander un coup de lance; ce que fut accepté par le seigneurTorquato da Conty, gentilhomme du duc Horace, qui se mit en avant; mais l'Espagnol se retira vers les siens. Un autre, appelé Loupes de Para, enseigne de la compagnie de don Alonse Pimentel, demanda Navailles, qu'il avoit l'année passée cogneu en la guerre de Parme, pour parler un mot à luy. Navailles, qui menoit les coureurs, le luy accorda; et, devisans ensemble, l'Espagnol luy feit offre que , s'il y avoit des capitaines fi ançois jjui voulussent rompre une lance , il y en avoit là des leurs tous prests , ayans licence de leur gênerai. Navailles n'eust remis ce parti à un autre, sans ce qu'il se trouvoit encores

(') Mosquet : mousquet.

si mal d'une blessure receue en celle guerre de Parme, qu'il ne se pouvoit aider du bras de la lance, et respondit qu'il n'estoit sorti gueres de noz capitaines dehors, toutesfoiss'enretournoit jusques à nostre trouppe les en advertir. Suffira, dist il, de deux. Ceste nouvelle pleut grandement aux nostres, et les seigneurs de Rendan et de Ghastelet, guydon de la compagnie de M. de Lorraine, prièrent Navailles mesmes s'en retourner vers la ville impetrer de M. de Guyse qu'eulx deux deussent satisfaire à cest offre : ce t[ue M. de Guyse accorda, en condition que l'affaire fust de capitaine à capitaine, et que s'ils presenioyent homme d'armes ou cheval legier, il en fust baillé de semblable qualité' des nostres. Navailles leur alla incontinent faire entendre ceste permission, et que noz gens estoyent prests. Ils voulurent lors différer l'entreprinse, s'excusans qu'il estoit tard ; à la lin en présentèrent un qu'ils asseurerent estre capitaine, lequel fut mené par un trompette françois du costé de la ville, et le seigneur de Rendan par un trompette espagnol du leur, au milieu des deux trouppes, avecques seureté qu'elles ne s'approcheroyent, et, advenant que l'un d'eulx tombast, ne seroit retenu prisonnier, et qu'ils ne donroyent aux chevaulx. Ils coururent une et deux fois sans rompre , pour crainte de toucher aux chevaulx, desquels celuy de Rendan n'estoit aussi choisi pour un tel acte, ne s'estant luy gueres mieulx monté qu'en cheval legier, lorsque l'entreprinse de sortir s'estoit faicte. A la tierce course il rompit sa lance de droit fil , et l'Espagnol , passant sans toucher, laissa tomber la sienne encores entière sur la place, qui demeura aux nostres. Nous avons sceu depuis que c'estoit dom Henrique Menri- 3a. »4

que, capitaine de chevaulx legiers, et lieutenant du gênerai, et qu'il eut le brassai et bras droit faulsez de ce coup.

Vers le costé du marquis Albert s'estoyent aussi monstrez des gens de cheval en la plaine, et avoit M. de Guyse envoyé Broilly, homme d'armes des siens, avec quinze ou vingt de ses compagnons, et quelques harquebouziers du capitaine Lanque , pour les escarmoucher. Les ennemis ayans nombre' le tout, et veu qu'ils n'estoient*tant qu'eux, vindrent donner sur les coureurs, et des coureurs à la trouppe, laquelle les receut etsoustint la charge àcoupsd'harquebouze et de lance, contraignans à toute force les Alemans, après avoir deschargé leurs pistollets, tourner les espaules ; et les nostres les suivyrent battans , jusques à un autre nombre de chevaulx qui venoyent pour les secourir. Noz gens s'arresterent , prenans garde à la contenance des ennemis, lesquels, se trouvans beaucoup engrossiz, s'apprestoyent de faire une recharge; mais eulx, marchans au pas vers leur retraicte, et monstrans souvent visage, et harquebouzans ceulx qui s'advançoyent poulies amuser, rentrèrent dans la ville, sans laisser rien du leur aux mains des ennemis. La nuict deux sentinelles de ce mesme camp s'approchèrent jusques à mettre le nez de leurs chevaulx sur le ravelin que nous avions faict au bout du pont des Mores, où de noz harquebouziers du capitaine Cantelou, qui estoyent mis en sentinelle hors de la porte, assirent si bien leurs coups, qu'un de ces deux Alemans s'en retourna blessé , et l'autre avec son cheval demeura mort sur la place, et son corps tiré dans le ravelin.

Les Espagnols des tranchées , ayans celle nuict

mesmes entreprins venir chercher du bois de la tour des Charpentiers , qu'ils avoyent abbatue dans les fosse z, en l'encongneure de la rivière, ou bien le duc d'Mbe, de venir recognoistre le fossé, comme nous avons sceu depuis qu'il y avoit esté , firent tirer une voilée de douze ou quinze pièces pour chasser les nostres d'entour les brèches, lesquels, pour cela, ne s'en esloignerent ; mais, se doubtans d'une ou autre entreprinse, furent en grand aguet de touscostez. Et quelques-uns des premiers, qui s'advançoyent pour ce bois, y demeurèrent, faisans tousjours les nostres un estât résolu de ne laisser gaigner aux ennemis aucune chose sur nous, tant fust elle petite, qu'à l'extrémité, et après toute la resistence qu'on leur auroit peu faire.

Le jour ensuivant, dixhuictiesme du mois, Navailles mena vingtcinq ou trente chevaulx de la compagnie de M. de Nemours jusques au camp du marquis, pour attirer ce qu'il pourroit d'ennemis auprès du pont des Mores , où un nombre denoz harquebouziers estoyent, comme autrefois, attiltrez pour les recueillir. Les Alemans ne faillirent de venir en grosse trouppe sur luy, qui, se retirant au pas devant eulx à la mesure qu'il estoit suivy , sans autrement prendre la cargue, etleur faisant souvent teste, les eschauffa si bien, qu'ils se laissèrent mener à la butte de noz harquebouziers, lesquels leur tirèrent à plaisir. Et eulx, se voyans tant approchez, essayèrent faire quelque effort de les enfoncer; mais ils n'en rapportèrent du nostre que force plombs et boulets d'harquebouze dans le corps. Encores lendlmain, sur les deux heures après midy, pource qu'on veoyoit tout plein de leurs fourrageurs et vivandiers amener du charroy devers Sainct Heloy , M. de Guyse

ai:

les envoya encores visiter par Monserie, gentilhomme du vidame de Chartres, avec vingt chevaulx, lesquels il feit sortir par Pontifîroy en temps si à propos, qu'ils eurent defaicts ces fourrageurs,couppé les jarrets aux chevaulx, et mis le feu à leur fourrage, avant que les cinquante ou soixante chevaulx de leur garde y eussent accouru; ausquels aussi , pource qu'ils s'approcîioyent vers le pont, fut entretenue l'escarmouche jusques sur le tard, qu'il fut heure de se retirer.

On alloit souvent du costé du marquis, pour la commodité de nostre cavalerie qui y trouvoit la plaine rase, et pouvoit on nombrer de la muraille ce qui sortoit d'ennemis en campagne , et juger du bon ou dangereux succez des entreprinses, pour y remédier selon qu'on en verroit le besoing. Encores le jour d'après, dixhuictiesme du moys, M. de Guyse jecta quinze chevaulx de la compagnie du conte de La Rochefoucaud, et quelques harquebouziers de celle de Lanque, avec Touchepres, par le pont des Mores, qui feirent tenir en armes et à cheval, depuis le midy jusqu'au soir, la cavalerie du marquis, et quelque autre espagnolle qui avoit passé le matin de ce costé , comme la faulte où le marquis s'en trouvoit lors Favoit contrainct d'en demander à l'Empereur , pour respondre à nos saillies. Entre les deux camps , sur les vignes de la porte à Mezelle , s'estoyent monstrez, environ vespres du jour précédant, douze ou quinze chevaulx espagnols ; Navailles qui estoit dehors avec vingt cinq autres , les avoit envoyez recognoistre par huict des siens, lesquels quand les ennemis veire&t approcher du dessus de la montaigne, avoyent prins la cargue d'eulx mesmes pour les attirer, ensemble 4a

trouppe s'ils eussent peu (laquelle marchoit tousjours au pas), près d'une censé où. ils avoyent trois cens chevaulx en imboscade. Ce qu'estant recogneu par les nostres, n'avoyent passé lors oultre; mais ce jour ensuyvant, le seigneur de Rendan et Paule Baptiste avecques meilleur nombre de chevaulx y allèrent ? et trouvans environ deux cens des ennemis en ce lieu , bien choisiz à l'advantage pour eulx, les solicitèrent longuement et à coups d'harquebouze d'en sortir, mais ne le voulurent abandonner; et d'autant que de l'un et l'autre camp venoit cavalerie à leur secours, les nostres se retirèrent.

Lendemain estoit le vingtdeuxiesme de décembre, et n'avoyent les ennemis cessé tous les jours precedans de tirer, mesmement contre la tour d'Enfer, laquelle estoit aux deux estages de dessus et du milieu entièrement ouverte. Et desjà avoyent approché deux canons au bout de la tranchée des harquebouziers du bort du fossé, en un pendant, qui plongeoyent au dessoubs du cordon au bas estage , ayants commencé l'ouvrir à l'endroit d'un souspirail; qui nous donna crainte qu'elle s'en iroit perdue, et l'entreprinse viendroit par ce moyen plus aisée aux ennemis, à cause que ce flanc osté nous n'eussions peu les empescher qu'ils ne logeassent leur artillerie dans le fossé, pour battre les defences qu'avions de reste au boulevart et allée de la porte Champeneze , et puis feroyent la sappe à la muraille de la faulsebraye devant la brèche, comme ils avoyent entreprins. M. de Guyse tint conseil sur le saulvement de celle tour , au moins de deux canonnières de ce bas estage, qui regardoyent dans le fossé, lesquelles, bien que fussent assez couvertes du

rond de la tour pour ne pouvoir estre veues du canon, on n'y eust toutesfois peu loger ny harquebouziers , ny aucunes pièces, à cause que, ruinant les vossures, comme leur estoit maintenant aysé, ils emportoyent entièrement les deux premiers estages, et nous ostoyent la descente du troisiesme , laquelle estoit par le milieu de la vossure, avec une eschelle à main, et par ainsi noz flancs d'embas perduz. Il fut advisé que par le dedans de la ville l'on feroit une ouverture jusques à l'allée de l'une des contremines, laquelle iroit trouver la canonnière de nostre flanc, couverte de bons chevrons, assez forts pour soustenir la cbeute de lavoulte et du terrein et rempar qui estoit dessus, ensemble pour conserver noz gens au dessoubz , n'ayants noz ennemis non plus de moyen se tenir dedans la tour à descouvert pour nous y offenser , que nous. Oultre ce, d'autant qu'ils pourroyent entreprendre de courir la faulsebraye, fut ordonné pour les empescher qu'un massif de terre, en façon de plate forme, seroit relevé dedans, à main droitte de la tour, pour leur coupper chemin, et pour battre à l'entrée et porte d'icelle, afin qu'ils ne s'osassent monstrer de ce costé, non plus que de l'autre à main gauche le long de la brèche, où le flanc et massif de la porte Champeneze battoit. Ce jour, M. de Guyse descendit dans le fossé, avec quatre soldats de sa garde , fort hazai deusement , veu le grand nombre d'harquebouziers espagnols qui se tenoyent tousjours à la tranchée du bort d'iceluy. Il recogneut le defaillement des arceaux qui soustenoyent l'allée du gros boulcvatt, lesquels il commanda estançonner et les appuyer de grosses boizes, pour s'en servir présentement, reservant y faire ouvrage de plus

grande durée, quant l'on en auroit le loisir et commodité. Quelque heure après, les ennemis voulurent remuer des pièces de leurs cavaliers ; mais noz harquebouziers et harquebouzes à croq , donnèrent tant de dommage à leurs gens et chevaulx , qu'ils les contraignirent d'attendre qu'il fist nuict.

Le jour ensuivant, vingt et troiziesme du mois, après midi, se feit une belle saillie, qui avoit esté entreprinse par le vidame de Chartres, sur les gens du marquis, et M. de Guyse l'a voit trouvé bonne; mesmes l'occasion s'y vint présenter de quarante chevaulx alemans, qui vindrent environ deux cens pas par deçà le camp au bord d'un fossé, avec des gens de pied harquebouziers, pour en estre favorisez. M. de Guyse, ayant ordonné ceulx qui devoyent sortir, envoya , comme il avoit de coustyme, garder qu'on ne montast sur les murailles, et, pour mesme occasion, des hallebardiers aux plateformes et autres lieux de la ville qui estoyent veuz du camp, afin que l'amas de gens qui s'y souloit au commencement faire pour veoir les saillies, ne donnast advis aux ennemis de ceste cy : car il s'estoit quelque fois apperceu qu'ils y en avoyent prins , et s'estoyent mis en armes pour nous recevoir. Sept ou huict harquebouziers à cheval des nostres allèrent premiers jusques à eux, lesquels n'eurent si tost tiré leur coup, qu'ils furent suivis jusques à nostre trouppe, laquelle estoit de vingt chevaulx que Monserie menoit, qui ne s'advança tant qu'il les eust veu estre cent ou six vingts pas par deçà le fossé : et lors, ayant receu les coureurs, tous ensemble leur allèrent faire une charge, laquelle les ennemis attendirent à coups de pistolets quelque temps; mais à la fin ils la prin-

ô~6 LE SIÈGE DE METZ.

cirent toute entière jusques à leurs gens de pied : et, s'arrestanslà à cause qu'ils sentoyent le renfort d'autres quarante ou cinquante chevaulx qui venoyent à la file , les nostres feirent semblant prendre au pas la retraitte vers PontifFroy, par où estoit ordonne' que les seigneurs Dantragues et de La Brosse sortiroyent avecques chascun cinquante chevaulx, entre lesquels M. le prince de Condé, qui s'estoit desguisé en cheval legier, pour en estre l'un, s'y trouva; mais d'iceulx n'en apparoissoyent que dix ou douze, qui avoyent couru de l'autre costé sur les fourrageurs et vivandiers qu'ils avoyent surprins, et mis le feu aux fourrages, et amenoyent un trouppeau de vaches et moutons qu'ils avoyent gaigné, qui estoit provision en ce temps bien receue dans la ville; car la chair fraische avoit commence' à faillir, et plusieurs de noz soldats se prenoyent aux chevaulx. Les ennemis n'ayans, comme il leur sembloit, à se craindre que de ceulx qu'ils veoyent, se sentans, comme avons dict, bien renforcez, descocherent sur les nostres, qui pour cela n'avancèrent leur retraitte qu'au petit pas, et bien serrez, tournans deux ou trois fois visage, et autant de fois arrestans les Alemans, qui par ce moyen s'amusèrent, et se laissèrent attirer près des jardins, entre noz deux ponts, où les nostres faisant teste , se meslerent les uns dans les autres; et lors le vidame, qui avoit attendu long temps ceste opportunité derrière le ravelin du pont des Mores , avecques soixante chevaulx, desquels le duc Horace estoit du nombre, sortit à toute bride leur couper chemin. Lesharquebouziers du fossé, cuidans que ceulxcy s'adressassent à eulx , commencèrent à gaigner au pied vers un bataillon de quatorze enseignes, qui avoit

LE SIEGE DE METZ. d'J'j

desjà marché plus de soixante ou quatre vingts pas par deçà les tentes, mais ils tournèrent au fossé, voyants, que noz gens chargeoyent leurs gens de cheval, lesquels, prenants la fuite , donnèrent bon moyen aux nostres, qui estoyent peslemesle aveceulx , et à ceulx qui estoyent survenuz, d'en faire grande exécution. Les mieux montez gaignerent comme ils peurentla faveur de leurs harquebouziers, avec lesquels faisants teste au bort du fossé, y fut encores combattu à leur grande perte. Les seigneurs Dantragues et de La Brosse s'advancerent cependant pour retirer noz gens, qu'ils trouvèrent n'avoir autre dommage que du capitaine Bordeille blessé de trois coups de harquebouze ou de pistolet, de quoy il est guery, et le cheval du jeune Mally tué d'une canonnade. On sceut lendemain, par un Alemant mesmes de leur camp, qu'il avoit esté tué des leurs, ou de coups de main, ou d'une coulevrine qui avoit tiré de la plateforme Sainct Sirnphorien trois fois dans eulx, plus de trente cinq hommes de cheval, et bien quarante de blessez, la plus part de leurs chevaulx tuez, ou si fort blessez, qu'ils ne les avoyent peu rapporter au camp ; aussi des gens de pied, vingt cinq ou trente demeurez sur la place. De ceste perte les ennemis donnèrent cognoissance : car estant , le jour après, le conte de La Rochefoucaud sorti encores de leur costé, pour battre le chemin de Sainct Heloy, vers le port d'Olizy , où il defoncea des tonneaux, print des marchans et vivandiers à leur veue, ils ne feirent meilleure contenance que de craindre une pareille touche qu'ils avoyent senty le jour précédant. Les marchans prisonniers dirent estre bruit que l'evesque de Maience faisoit lever des gens de

guerre pour envoyer à l'Empereur, et qu'il luy venoit d'avantage huict pièces d'artillerie par eaue, de la ville de Constance.

Trop long seroit, et possible ennuyeux, de particulariser toutes les saillies qui se sont faictes durant le siège , desquelles aussi une partie n'a peu venir à ma cognoissance, à cause qu'il s'en faisoit en mesme heure deux et trois par diverses portes, estant contrainct perdre les unes pour les autres, et quelquefois noz gens ne rencontrans les ennemys, s'en retournoyent sans faire chose digne de récit; d'autres aussi, que les saillies n'estoyent ordonne'es pour autre chose que pour veoir leur contenance, et recognoistre ce qui se auroit à faire pour une autrefois , et la pluspart dont l'effect tournoit sur les vivandiers et fourrageurs seulement : comme, à l'heure que le comte de La Rochefoucaud gastoit les vivres du camp du marquis , Navailles en faisoit autant entre les deux camps de l'Empereur et de la royne Marie (0, ce qu'on n'auroit aggreable d'ouir si souvent dire qu'il a esté souvent faict. Suffira que par le récit d'une partie soit monstre ne s'estre jamais présenté un seul moyen de nuire ou gaigner surl'ennemy, que M. de Guyse (quant la raison de la guerre le luy a conseillé) ne l'ait entreprins et faict sagement exécuter, tenant tousjours l'entreprinse secrète jusques à l'heure qu'il y envoyoit. Et lors, en ayant bien instruit le chef qui la devoit conduire , jectoit premièrement les coureurs dehors tous ensemble , et puis ceux de la grosse trouppe bien serrez, sans y permettre d'avantage que le nombre qu'il avoit ordonné , faisant mettre des gens de guerre aux

^) De la royne Marie. Voyez la note de la page 39.

LE SIÈGE DE METZ. S^g

lieux de garde en armes, afin que, d'aventure lors que serions amusez d'un costé, l'on ne nous surprint de l'autre : et luy se tenoit à la porte avec autre nombre de gens, tant de pied que de cheval, afin que , si quelque occasion se presentoit de faire d'avantage, ou bien qu'il fallust soustenir et recevoirles nostres pour estre foibles, il peust promptement faire sortir ceulx cy aussi avant qu'il en verroit estre besoing, n'ayant jamais faict retraitte, quand il y avoit grosse trouppe dehors, fust de pied ou de cheval, que au pas et en bon ordre, et que la trompette et le tabourin ne (l'eussent sonnée, advei tissant toutesfois n'estre raisonnable qu'on demourast longuement dehors à la teste d'un camp. Celle nuict, veille de Noël, le guet et garde des bresches et murailles furent renforcez , afin que le demeurant de noz gens de guerre peussent, en plus grand repos, solennizer une si grande feste, ainsi que M. de Guyse avoit tousjours bien observe' les choses appartenantes à la religion, et aussi que les ennemis ne se servissent de telle occasion pour nous venir cependant dresser quelque enti eprinse. Apres le service de minuict, il alla visiter tous les corps de garde. Et le propre jour de Noël, tant du costé des ennemis que du nostre , la dignité de la feste fut assez bien gardée , sans nous porter grand dommage ; seulement ils tirèrent quelques coups de canon, et nous leur rendismes des mosquetades et harquebuzades en eschange.

Lendemain de Noël, nous comptasmes le soixantecinquiesme jour de la venue des ennemis, et le quarante-cinquiesme du commencement de leur batterie, qu'encores ne veoyoit l'Empereur gueres d'advancement en son entreprinse , demeurant l'endroit des

brèches aussi fort et mal aisé (par le moyen des bons et larges rampars que nous y avions dressez) que si noz murailles n'eussent point este' battues, noz flancs par mesme diligence sauvez , et plusieurs faicts de nouveau ; la faulsebraye entière, et aussi bon ou meilleur maintien en noz gens, que le premier jour que son armée arriva; laquelle il cognoissoit que à toute heure alloit en diminuant , à cause de la mortalité grandement eschaufîee en ses trois camps , en danger d'estre entièrement ruinez , si sa première délibération ne cedoit à la présente nécessité, et mesmement au temps, qui s'estoit réduit depuis le commencement de décembre à la froidure et gelée plus véhémentes que la belle saison qu'ils avoyent eu du commencement ne les en avoit menassez. Parquoy commença ordonner de sa retraite, et feit passer la rivière de Mozelle a quelques pièces d'artillerie, lesquelles le marquis de Brandebourg logea auprès d'un de ses regimens en la plaine, comme pour assubjectir davantage les yssues de noz ponts. Et pource que de la ville on ne s'estoit encores apperceu d'aucun signe de deslogement que les ennemis voulussent faire , nous ne pouvions penser à quelle occasion on avoit passé celles pièces. M. de Guyse envoya la compagnie de M. de Nemours, pour en recognoistre ce qu'on pourroit , et sortirent premiers par le pont des Mores trente chevaulx avec Navailles, pour courir jusques là, le demourant par PontifFroy avec M. de Nemours. Les deux trouppes ne parurent si tost sur les ponts, que toute l'artillerie du marquis, tant du hault que de la plaine, et celle qui restoit encores aux tranchées, tira comme si elle eust esté auparavant braquée pour ceste

saillie. Ce nonobstant, Navailles alla jusques près des pièces , qu'il nombra seize, lesquelles nous jugeasmes estre des douze canons, six coulevrines, et cinq mortiers que le marquis avoit preste à l'Empereur , comme nous avions bien sceu ; et estoyent gardées de trois ou quatre escadrons de gens de pied. Il temporisa assez long-temps à l'entour, cuydant attirer les ennemis hors du camp : mais ils ne voulurent faire autre jeu que de leur artillerie, de laquelle ne receusmes dommage que du cheval du seigneur de Murât d'Auvergne, qui eut la jambe emportée. Encores du matin, estoit sorty l'enseigne de la compagnie du seigneur de Gounor , avec trente chevaulx , qui les estoit allé chercher bien avant ; mais ils n'avoyent voulu se monstrer en campagne, s'advisans pour lendemain de mettre une embusche de deux cens chevaulx vers le chemin de leurs fourrageurs, à main gauche de Saint Héloy, pour surprendre les nostres , si le seigneur de Sainct Phale , enseigne de la compagnie de M. de Guyse(qui eut commandement de sortir avec soixante chevaulx, pour leur coupper tousjours les vivres), n'eust envoyé une partie de ses coureurs vers ce costé, qui les descouvrirent ; et lors ils envoyèrent quelques chevaulx pour charger nosdicts coureurs, espérant que Sainct Phale s'advanceroit avec toute la trouppe, pour faire la recharge: mais, comme bien advisé, il receut seulement les siens, qui venoyent de faire la descouverte, et autres qu'il avoit envoyé donner jusques au camp , sans suivre les ennemis, lesquels d'eulx mesmes prenoyent la cargue.

Environ une ou deux heures après, M. de Guyse estant allé , selon sa coustume, visiter l'entour des mu-

railles , jecta sa veue du costé de Sainct Pierre des Champs , où estoit le logis des Italiens du camp de l'Empereur, et n'y voyant promener aucun, pensa qu'ils l'avoyent abandonné, ce qu'il envoya incontinent recognoistre par les capitaines Aboz et Cornay , avec des harquebouziers, qui n'y trouvèrent personne. Et par mesme moyen fait donner Sainct Estephe , avec autre nombre de soldats, jusques dans les tranchées de la porte Sainct Thibaud, ou furent trouvez quelques Alemans , lesquels, abandonnans leurs picques, harquebouzes et allebardes, furent chassez jusques au corps de garde derrière le prochain cavalier d'auprès Sainct Arnoul , d'où sortit une grosse trouppe d'harquebouziers et corselets pour repoulser les nostres , lesquels, se retirans par les tranchées mesmes, rapportèrent les armes qu'ils y avoyent gaignées. De ces deux choses feismes nous la première conjecture que les ennemis se vouloyent lever (0; laquelle se confirma encores sur le soir par advertissement d'un garçon de l'aage de dix ans, natif de la ville, qui vint du camp se rendre à nous , lequel satisfaisoit avec raison aux choses qu'on luy demandoit.

Lendemain, jour des.Innocens, s'exécuta une entreprinse sur trois ou quatre cents chevaux, lesquels, pour empeschernoz saillies de la porte à Mozelle, les ennemis mettoyent ordinairement en garde en la plaine d'entre les deux camps ; et avoit M. de Guyse( comme en chose pensée de longue main) faict recognoistre par le seigneur de La Brosse et Paule Baptiste, les moyens et chemin qu'il faudroit tenir pour y faire un boneflfect : mesmes, par autres saillies, avoit plusieurs

(') Se vouloyent lever : vouloimt lever le siéqe.

foisfaict mesurer le temps que le secours leur pouvoit venir de l'un ou l'autre camp. Il ordonna bon nombre de gens de cheval se rendre environ midy à la place du Change, et es autres endroits les plus couverts de la ville , afin qu'on ne les veist des haults lieux du dehors; et jectant premièrement Navailles avec quinze chevaulx dehors, l'envoya devant pour reculer les sentinelles des ennemis, qu'ils avoyent assises au bord de la montaigne pour descouvrir jusques à nos portes ; et puis le seigneur Pierre avec la cavalerie, pour aller faire la charge ; la gendarmerie après , soubz M. le prince de La Rochesuyron, qui les soustiendroit. Tous les princes et seigneurs qui estoient dans la ville furent de la partie. Le seigneur Pierre approcha les ennemis le plus couvertement qu'il peut; mais l'un des leurs, qui estoit en sentinelle tant à l'escart que Navailles n'y avoit peu arriver sans se perdre, voyant qu'un si grand nombre sortoit, leur en courut donner advis. Ils se voulurent du commencement retirer au pas vers le camp, puis à toute bride, se sentans pressez ; mais noz coureurs et les gens du seigneur Pierre se trouvèrent si près, qu'ils semeslerent dans eûlx, et fut tout ce corps de garde forcé et rompu, demeurans quelques uns sur la place, et trente trois retenuz prisonniers : tout le reste fut mis en routte. Ceste deffaitte fut à la veue du logis de l'Empereur, lequel incontinent commanda à ceulx de sa maison monter à cheval, et marcha sa cornette jusques au pont de Magny. Or, voyans M. le Prince et le seigneur Pierre leur entreprinse exécutée, et que de demeurer longuement entre les deux camps en pourroit venir inconvénient, feirent sonner la retraitte, à quoy fut obey d'un chas-

cun, bien qu'il en restast en la campagne etàleurveue quelques charrettes et fourrageurs, sur lesquels noz gens commençoyent descocher (0 ; mais le commandement qu'en ceste et autres saillies avoit faict M. de Guyse d'obéir aux chefs de l'entreprinse les retint, comme sera tousjours fort requis qu'en tel affaire l'obéissance y soit entièrement rendue. Ce jour les ennemis voulurent monstrer qu'ils n'estoyent encores à bout de leurs pouldres et boulets , et s'estoyent mis de bon matin à tirer dans la ville, de douze ou quinze pièces qui restoyent encore sur leurs cavaliers, plus fort qu'ils n'avoyent faict depuis la grande batterie. Continuans tout lendemain, jusques environ minuict, qu'ayans parfourny le nombre de quatorze mille coups de grosses pièces et plus, depuis ledixiesme novembre , oultre douze ou quatorze cens tirez du costé du marquis, osterent toutes leurs pièces des cavaliers, et les menèrent à l'abbaye Sainct Arnoul , où, un peu devant le jour , ceulx de la garde des tranchées se retirèrent ; laquelle chose estant le matin recogneue, noz soldatsallerent incontinent gaigner la première tranchée des harquebouziers au bort du fossé, et de ceste cy à la seconde, tant qu'ils coururent toutes celles de devant les cavaliers, où presque tout le jour ne cessèrent d'harquebouzer les uns sur les autres, et y perdismes des nostressix ou sept soldats. On veit les quatre ouvertures des mines que les ennemis avoy ent commencé , dont l'une respondoit desjà soubs la tour d'Enfer. Or, s'estoyent advisez les ennemis de fournir de nuict les ruines de Sainct Pierre, desjà abandonnées, d'un gros nombre de gens de pied et de cheval, et jecter le ma-

l1) Commençoyent descocher : commoncoient à tomber.

tin quelques vaches paistre assez près de la ville vers cecoste', pour y attirer les nostres; mais M. de Guyse ne voulut qu'on y sortist, prévoyant l'entreprinse des ennemis, laquelle se descouvrit sur le soir qu'on veit retourner ces trouppes au logis. Quinze ou vingt chevaulx des nostres furent envoyez entre les deux camps essayer de faire quelque prinse sur tant de charroy et de gens qu'on veoyoit aller de l'un à l'autre; mais il s'y trouva si grosse escorte de cavalerie, que noz gens s'en retournèrent sans rien faire. La nuict, voulant M. de Guyse donner advis au Roy de ce commencement de retraitte, feit sortir nombre d'harquebouziers par le pont des Mores, pour reculer les sentinelles des ennemis qui estoyent assises au bout d'iceluy, et après eulx jecta le messagier, lequel alla prendre le chemin de Thionville, et puis tourna où luy sembla meilleur pour se pouvoir seurement conduire. Sur le premier somme, le feu se print en une maison de la ville où le capitaine Lanque estoit logé, joignant laquelle y avoit quelque munition de pouldre, et les greniers du Roy n'en estoyent pas loing. L'alarme futdonne'e, dont s'allèrent les gens de guerre incontinent rendre aux brèches et autres places ordonnées ; et M. de Guyse vint au lieu du feu pour faire remuer les pouldres et pourveoir au demeurant ; si bien qu'il n'y eut dommage que d'une partie de la maison, llfaisoit un tresmauvais temps, d'un venl impétueux, meslé de neige si espesse, qu'on ne se ' pouvoit voirny ouyr: et, de peur que cela n'invitast les ennemis à quelque entreprinse , on se tint presque toute la nuict en armes. A quoy s'adjousta une nouvelle occasion de ce qu'une partie du rampar, qu'on avoit faict à main gauche de l'allée, entre la 32. 25

porte Champeneze et le boulevart, tomba; de quoy les ennemis eussent possible essayé s'en servir, s'il fust advenu quelque jour auparavant.

Lendemain après midy, pource que ^quelque nombre d'harquebouziers ennemis se monstroyent entre Sainct Arnoul et la ville, vers les dernières tranchées, noz barquebouziers sortirent, et y eut une aspre escarmouche , ne laissans prendre advantage les uns sur les autres de plus de trois heures. A la fin les Espagnols se retirèrent dans les ruines de l'abbaye, où estoit le fort de leur garde, et avoyent faict des canonnières et petites ouvertures aux murailles, d'où ils tirèrent encores quelques coups à seureté, et bien couverts, sur les nostres, et y fut blessé au bras le capitaine Pierre Longue, et aussi l'enseigne du capitaine Bethume, et cinq ou six soldats morts. Du costé de Pontiffroy, les seigneurs de La Rochefoucaud et de Rendan allèrent battre les chemins vers1 Sainct Heloy, tirans à Thionville, par où une partie du camp s'en alloit, et trouvèrent des Espagnols malades, qu'on menoit en chariots, vers lesquels feirent tant d'humanité de les laisser passer sans leur faire sentir nouvelle infortune. Et se tenans encores sur le chemin, prindrent un page, un valet de chambre et un laquay du duc d'Albe, lesquels M. de Guyse renvoya depuis par honnesteté à leur maistre, et renvoya aussi un nommé Jaspar suisse, et deux chevaulx legiers espagnols, queBroilly et Mareval avoyent prins en une saillie du [vingtseptiesme dudict mois.

Les deux jours ensuyvans se feirent force saillies de quinze et vingt chevaulx sur les routes de Ceulx qui commençoyent s'en aller; et par quelques Espagnols

et autres des leurs qui furent prins, sceusmes le deslogement de l'Empereur du chasteau de La Orgne, qui s'en estoit parti ce premier jour de l'an, et retire' à Thionville , avecques le malcontentement qu'on peut penser, de se veoir descheu de son espérance, et sa grande armée, qu'il avoit assemblé de divers endroits de la chrestienté, ruinée, son entreprinse tournée à néant, et luy quasi mis pour servir d'exemple à faire veoir au monde que la force et conseil des plus grands hommes n'est rien au regard de la providence de Dieu. Ce mesme jour une trouppe de noz gens de cheval sortit par le pont des Mores,- pour aller donner jusques à la file de ceux qui passoyent soubz Je mont Sainct Martin, et trouvèrent beaucoup de cavalerie espagnole qui luy faisoit escorte. Les nostres commencèrent attaquer l'escarmouche; mais l'un des ennemis appela un de noz harquebouziers à cheval, pour s'enquérir que c'estoit que les Françoys demandoyent; et comme il luy fust respondu qu'ils chercheoyent à combattre et donner coup de lance , l'Espagnol dist leur trouppe n'estre maintenant en estât pour respondre à cela, qu'ils se retiroyent, et qu'on les laissast aller en paix. Ce propos donna envie au nostre de sçavoir son nom, qui le luy dist, et se nomma le capitaine Sucre , lequel feit incontinent retirer ses. gens.

Après le partement de l'Empereur, ses deux camps se levèrent le deuxiesme de janvier, par un signe de feu qu'ils feirent de l'un à l'autre, sur les unze heures de nuict , et marcha celuy de la royne Marie jusques à Arcancy, lieue et demie de Metz, contre bas la Moselle, et le grand soubs la conduite du duc d'Albe, par delà le pont des Moulins; sur la queue duquel de-

libérant M. le prince de La Rochesuryon faire lendemain une entreprinse avec sa compagnie et cent chevaulx de celle de M. de Guyse, ensemble les chevaulx legiers du seigneur de Rendan, messieurs d'Anguyen, de Condé, de Nemours, grand prieur de France, marquis d'Albeuf, duc Horace de Montmorency, vidame de Chartres, Danville, et autres seigneurs en voulurent estre. Et n'ayans autre yssue que par la poterne des moulins de la Seille, furent contrai nets mettre pied à terre pour sortir. En quoy alla tant de temps , que les ennemis eurent cependant passé ce pont des Moulins, ayants laissé au bout d'iceluy, et à l'advenue de la ville, un gros nombre d'harquebouziers et de corselets , lesquels, pource qu'il estoit trop dangereux de les enfoncer là où ils estoyent, les nostres essayèrent souvent les attirer à la campagne; mais ils n'y voulurent venir: dont s'en retournans , eurent le spectacle d'une si grande ruine de camp, qu'on eust plus tost jugé l'armée y avoir esté vaincue que s'en' estre levée; tant d'hommes morts de quel costé qu'on regardast, beaucoup à qui ne restoit qu'un peu de vie, et une infinité de malades qu'on oyoit plaindre dans les loges, lesquelles à ceste occasion ils avoyent laissées entières; en chascun quartier cimitieres grands, et fraischement labourez, les chemins couverts de chevaulx morts, les tentes, les armes et autres meubles abandonnez, et généralement une si grande misère en tout, qu'elle esmeut à compassion ceulx mesmes qui leur estoyent justement ennemis. Ils trouvèrent d'avantage plus de douze mille pains et autres vivres gastez. Par où l'on peult cognoistre que la provi-

dence (0 de l'Empereur estoit merveilleuse, d'avoir si longuement et en liyver entretenu un tel et si grand peuple, sans aucune disette, en pays desjà ruiné et destruit. Peultestre que si le rigoreux commandement de la guerre eust esté en main d'un prince non tant humain que M. de Guyse, qu'on eust envoyé incontinent mettre le feu par tout le camp, mais sa pitié ne le peult souffrir, ains envoya assembler les malades, ordonnant une charitable aulmosne pour les nourrir et guérir , et sépulture à ceulx qui estoyent desjà trespassez. Puis feit entendre au duc d'Albe que s'il vouloit envoyer de ses gens pour leur pourvoir, et les conduire à Thionville, il les accommoderoit volun tiers de batteaux bien couverts pour les y mener. Au moyen de quoy il adjousta à son nom ( bien que tresgrand de beaucoup d'autres louables œuvres) encores ceste humanité, qui en rendra et la mémoire, et luymesmes immortels. Dès le matin le duc d'Albe avoit envoyé vers luy un trompette, pour le prier de recevoir en la ville un gentilhomme espagnol, nommé le seigneur Rouméro, fort malade, afin d'y est^e traicté, et qu'il luy pleust l'avoir en recommandation : ce que fut libéralement accordé, et ledict Rouméro receu avec ceulx qu'on luy avoit laissé pour le servir. Ce mesme jour le seigneur de La Rrosse, avecques la compagnie de M. de Lorraine, celles du seigneur de Gounor et du capitaine Lanque, ensemble quelques soldats du capitaine Voguedemar, sortirent par la porte Saincte Barbe, pour aller donner sur la queue du camp de la royne Marie ; mais il avoit tant cheminé depuis environ minuict, que le seigneur de La Brosse ne trouva autre chose, fors

(0 Providence : prévoyance.

une pitié pareille à celle qui avoit esté veue de l'autre costé. Voguedemar avecques ses soldats descendit vers la rivière , et passa jusques au village de Malleroy, où il trouva sept ou huict vingts caques de pouldre , qui furent gardées quelque temps, soubz espérance de faire descendre des batteaux , et amener le tout dans la ville ; mais sentant approcher la nuict, et que une longue attente seroit dangereuse , mesmes que beaucoup d'ennemis du camp du duc d'Albe n'en logeoyent pas loing, fut advisé d'y mettre le feu. Encores sur le hault, le seigneur de La Brosse veit les marques de beaucoup de pouldre bruslée par traînées, et grand nombre de boulets que les ennemis avoyent laissé, comme aussi en avoyent laissé beaucoup à l'autre camp, et mesmes en avoyent ensevely soubz terre, par où se descouvrit encores mieulx le grand appareil de guerre que l'Empereur avoit mené, et la licence qu'il s'estoit donné d'en prendre en passant par les villes d'Alemaigne. L'on a creu que les cinq cens milliers de pouldre dont ils nous menassoyent tant, furent à peu près employez ou gastez. #

Quand il fut nuict, M. de Guyse despescha le seigneur Thomas Delveche, pour aller donner advis au Roy du succès de ce siège , et des termes en quoy les grands forces de l'ennemy estoyent reduictes; et lendemain un nombre de chevaulx fut envoyé vers Saincte- Barbe , sur le chemin que le seigneur de Brabançon et ceulx du Pays Bas tenoyent : et, après les avoir suiviz tout le jour, ne les peurent attaindre, ny trou" verent autre chose que quelques reliques de mors et malades, d'armes et bagage abandonnez par les chemins.

LE SIEGE DE METZ. 3y I

Le marquis Albert n'avoit encores rien remué, ains le jour précèdent avoit tiré de dixhuict ou vingt pièces à toute oultrance dans la ville, comme pour descharger son charroy de ceste munition : et pource qu'on veit quelques harquebouziers espagnols en imboscade assez près de son camp, M. de Guyse envoya trente chevaulx a^vecques Monserie par Pontiiïroy, pour les recognoistre. Noz coureurs s'approchèrent jusques k donner coups de harquebouze dans eulx, mais ils ne voulurent venir à l'escarmouche.

Le jour d'après, le marquis ne feit encores semblant de bouger, et y avoit par deçà son camp, le long de la plaine, en bataille, autre nombre de gens de cheval, qu'on sceut depuis estre Bohemoys , se tenants là comme pour escorte de quelque charroy, lequel, à juger deloingj on estimoit estre artillerie. Le seigneur de Biron «ut commandement , avec trente chevaulx , d'aller veoir que c'estoit. Ainsi qu'il sortoit par le pont des Mores, huict chevaulx des ennemis, qui estoyent en sentinelle derrière la croix dudict pont, se monstrerent, lesquels le guydon de la compagnie de M. le prince de La Rochesuryon, avec trois chevaulx de noz coureurs, alla charger ; et, prévoyant le seigneur de Biron que le jeu viendroit estre mal party , mesmes que six chevaulx s'approchoyent encores de renfort aux ennemis, il envoya le seigneur de Dampierre et trois autres desnostresse joindre aux premiers qui estoyent desjà meslez : et avoit ledict guydon esté blessé, se trouvans les uns si avant dans les autres, que, venant autre trouppe d'ennemis bien forts , comme est leur coustume, et qui n'esloyent gueres loing de là, un des nostres ne se peut demesler, et, pour la faute de son

3t)2 LE SIÈGE DE METZ.

cheval qui tomba, fut retenu prisonnier. Le demeurant print la cargue, et furent suiviz jusques sur les bras du seigneur de Biron, lequel , voyant les ennemis si près, encor qu'en grand nombre, comme de sept ou huict vingts, délibéra les soustenir, de peur que, s'il se retiroitsans faire teste, ses coureurs fussent perduz, et que les ennemis se vinssent mesler dans £1 trouppe, en danger de la rompre. Parquoy commanda qu'on chai geast, et tout à un coup les nostres donnèrent dedans les ennemis; lesquels, après que leur opiniastreté eut duré quelque temps à coups de pistolet, ils furent à la fin contraincts tourner le doz, et furent chassez plus loing que le seigneur de Biron n'eust voulu, qui s'efforça retenir les nostres; mais il faisoit si beau suivre les autres, qu'ils fuient menez battant plus de quatre à cinq cens pas, portans par terre et executans ceulx qui peuient estre attaints. Et, pource qu'il se monstroit autre trouppe d'ennemis bien serrez à main droicte , il meit peine de rassembler la sienne, et se retira peu à peu , monstrant plusieurs fois visage, jusques au pont, sans perte que d'un second prisonnier et d'un autre tue'.Ceste escarmouche avoit prins un dangereux commencement, considéré la force des ennemis ; mais la fin revint à estre bien et heureusement conduitte. Les seigneurs de Duras, de Bordeille, de Mortamar, de Sainct Supplice et La Couldre, s'y trouvèrent, qui feirentbienle devoir; et sceut lors M. deGuyse que ce camp du marquis n'arrestoit que pour l'artillerie de l'Empereur, laquelle n'estoit encores passée, et marchoit à grand peine, à cause que le temps estoit au dégel, et la neige fondoit, par où le pays estoit rendu

si mol et enfondré, qu'un cheval délivré (0 avoit assez aiïaire à s'en retirer; mesmement que une partie de leurs pièces estoyent doubles canons ou basilics, et presque toutes de plus gros calibre que ne sont communeement les nostres. Ceste mesme cause avoit aussi contrainct et contraignoit encores le duc d'Albe tenir son camp au pont des Moulins à trop grande perte de ses gens, qui mouroyent tousjours : mais il ne vouloit avoir la honte d'abandonner l'artillerie. Ce jour le vidame de Chartres fut, aVec quelque nombre de chevaulx, vers Saincte Barbe, et s'approcha de la rivière, où veit de l'autre coste' la file de ceulx qui se retiroyent tousjours vers Thionville , sur lesquels il s'advisa d'une entreprise, et considéra la commodité' du lieu pour l'exécuter. La nuict il y feit descendre deux bateaux, et luymesmes lendemain matin s'y trouva avec vingt cinq ou trente harquebouziers et autant de gens de cheval, et jecta de ces gens de cheval sur Je costé des ennemis, autant que les deux bateaux en peurent passer pour une fois , ensemble dix harquebouziers pour la garde de chascun bateau ; lesquels chevaulx passez oultre , couvers sur les armes et croix de manteaux gabansO2), se saisirent premièrement des trois ou quatre premiers charriots qu'ils trouvèrent, lesquels ils rangèrent en forme de barrière devant les bateaux, pour saulver leur retraitte et se pouvoir embarquer, s'ils estoyent forcez de gros nombre de cavalerie; puis, retournans se pourmener le long du chemin, trouvoyent maintenant six, puis huict, tantost dix des ennemis > ausquels ils faisoyent entendre que leur plus court

(0 Délivré: libre. — (*) Manteaux gabans. C'étaient des manteaux de feutre, dont on se servoit par le mauvais temps.

3c)4 LE SIÈGE DE METZ.

estoit passer le long de l'eaue, et y adjoustoyent la force quand ils n'y vouloyent aller de gré, ou, les ayant desvalizez,les envoyoient oultre, afin que ceulx qui venoyent après n'en eussent cognoissance. La file s'y adressa d'ellemesme si espesse, que les nostres estoyent assez embesongnez de les despescher, retenans ceulx qu'ils jugeoyent pouvoir payer quelque rançon. Ce passetemps dura environ deux heures sur trois ou quatre cens; et l'eust encores le vidame continué, sans un Espagnol mesmës prisonnier, lequel, l'ayant veu rendre une belle jeune femme à un Alemant qui disoit l'avoir espousée, meu de cesle honnesteté, l'advertit se retirer de bonne heure, et que toute la cavalerie espagnolle estoit logée aux environs, laquelle, en moins de rien , pourroit estre sur luy : dont prenant ce conseil, ne fut si tost repassé à son bort, que ceste cavalerie se monstra de l'autre part, laquelle ne luy peut faire plus grand mal que de luy en souhaiter.

L'apresdisnée deux gros esquadrons de gens de cheval furent veuz du costé du marquis, ausquelsM. deGuyse envoya Navailles, avec vingt et cinq chevaulx, attaquer une escarmouche pour en attirer une partie, s'il pouvoit, vers la croix, où desjà s'estoyent jectez bon nombre d'harquebouziers et corselets pour les recevoir. Les ennemis se tindrent tousjours serrez, et n'envoyèrent que quelque petit nombre de harquebouziers à cheval sur les nostres, non gueres loing de leur trouppe , qui se harquebouzerent un temps les uns les autres.

Or y avoit il une isle dedans la Mozelle qu'on appelle le Pré de l'Hospital, et venoit par l'un des bouts

LE SIEGE DE METZ. 3o,5

joindre bien près du pont des Mores, s'estendant puis après contremontla rivière, jusques à trois ou quatre cens pas de l'abbaye Sainct Martin , et autant jusques au champ de Wassieux, où le bout des tranchées des ennemis respondoit. M. de Guyse avoit souvent pensé y jecter de l'artillerie pour tirer dans l'un des deux camps , ne fust l'inconvénient qu'il seroit tousjours battu de l'autre par le derrière : aussi estoit danger qu'avec nombre de batteaux, que les ennemis eussent aiseement recouvert et faict descendre, estans maistres du Pont à Mousson, vinssent jecter nombre de gens dans l'isle, et gaigner noz pièces : mais, à ceste heure qu'ils avoyent abandonné le Pont à Mousson , et n'avions plus ennemis que d'un costé, luy sembla estre temps de mettre à effect sa délibération. Et premièrement feit passer dans ceste isle deux bastardes, qu'on approcha le plus que l'on peut du camp du marquis , et essaya l'on d'en tirer à ces esquadres d'ennemis qui se tenoyent derrière les escai moucheurs : toutesfois la haulteur du bort de la rivière de leur costé les couvroit, et garda qu'on ne les peut gueres offenser. Depuis on y passa un canon, une longue coulevrine et quelques faulconneaulx, afin de fascher le marquis dans son camp , et le contraindre de laisser le logis du monttSainct Martin.

Cependant M. le duc deNevers, qui s'estoit longuement tenu à Thoul avec bon nombre de chevaulx, pour garder que l'ennemy îie jouist de ce quartier de pays, et luy coupper tousjours les vivres , vint à Metz , où il n'eut peu de plaisir à veoir le bon estât de toutes noz choses, et l'ordre qui avoit esté mis pour repoulser l'ennemy. Estant l'apresdisnée du costé des ponts avec-

3t)ti LE SIÈGE DE METZ.

ques M. de Guyse , pour veoir le camp du marquis, et recognoistre s'il y avoit moyen d'y rien entreprendre-, M. de Nemours sortit avec quelques chevaulx de sa compagnie, et la compagnie du seigneur de Rendan, envoyant les seigneurs de Clermont, Suze, La Koue, Dampierre, Sombarnon, et trois ou quatre autres, donner jusques au camp, où les ennemis ne coururent à autres armes qu'à l'artillerie , qu'ils feirent tirer incontinent, sans donner à congnoistre qu'ils voulsissent sortir de leur fort, laissants aux nostres maistriser la campagne jusques auprès de leurs tentes. Encores le jour après, le comte de La Rochefoucault et le capitaine Lanque sortirent, afin que jamais on ne leur laissast prendre le repos qu'on leur pourroit oster, et allèrent les coureurs tuer des Alemans jusques dans le camp, approchans à soixante pas de leur artillerie, sans que leurs gens de cheval se monstrassent. Et lendemain, au poinct du jour, les nostres , couverts d'une petite tranchée dans l'isle et Pré de l'Hospital , commencèrent tirer à l'église et abbaye où le marquis estoit logé, et au long de son camp, qui nous estoit quasi tout en bute , lequel eut à souffrir cela jusques au soir; et non seulement tint on subjects ceulx cy, mais encores quelques squadrons de cavalerie que le duc d'Albe avoit envoyé en la plaine pour escorte de leur artillerie, qui marchoit tousjours vers le port d'Olizy, où l'on l'embarquoit pour de là la conduire à Thionville, lesquels, au passer et repasser du chemin qui est entre le mont Sainct Martin et noz pièces, se desbandoyent, courans sans attendre lés uns les autres , pour se jecter hors de la portée. Les deux camps du duc d' Albe et du marquis se levèrent lendemain matin ,

LE SIÈGE DE METZ. ( 3g7

et eut leur cavalerie passé avant jourtant de la plaine que noz pièces pouvoyent battre, et s'alla renger en esquadrons au pied du Cousteau , attendant les gens de pied, lesquels, laissants la plaine, feirent un chemin nouveau à travers et au pendant des vignes, pour s'asseurer du canon : puis vindrent regaigner les gens de cheval en la plaine. M. de Guyse feit sortir quinze ou vingt chevaulx de sa compagnie , et huict ou dix harquebouziers du capitaine Lanque, qui leur attaquèrent l'escarmouche , et leur furent sur les bras jusques à midy, qu'on les envoya rafraischir de pareil nombre jusques à la nuict, que les nostres retournèrent en la ville, et les autres prindrent logis aux premiers villages près d'Olizy. M. de Guyse visita les deux lieux de Moulins et du mont Sainct Martin, ausquels et à Longueville, Chazelles , Seyc et autres villages d'alentour, il trouva de merveilleuses restes de mors et malades, de sorte que nous jugions la perte d'hommes, qui pouvoit avoir esté aux trois camps , de environ vingt mille ; et beaucoup des leurs, qui tombèrent depuis prisonniers es mains des nostres, nous asseurerent que le nombre passoit jusques à trente ', et possible trentecinq mille. Quelque autre jour après, M. de Guyse alla ve\>ir le lieu où avoit esté le camp de la royne Marie, laissant dans la ville, pour ne demeurer despourveue de conseil et conduitte, M. le gouverneur (0 et quelques autres de qualité , ainsi qu'il avoit accoustumé faire toutes les fois qu'il sortoit dehors. Et furent trouvées des tranchées et flancs en ce camp, vers la venue de la ville, tout ainsi que si les ennemis eussent eu en teste une armée de pareille ou plus grande force à la leur.

(0 M. le gouverneur : Artus de Cossé, seigneur de Gonnort,

3l)8 I.E SIÈGE DE METZ.

Il coula le long de l'eaue pour veoir le logis et port d'Olizy, que le duc d'Albe avoit prins, lequel estoit de l'autre bort en lieu hault, et dominoit la plaine basse et raze du costé de deçà, en laquelle ils avoyent relevé un fort de terre, et y tenoyent des harquebouziers pour la seureté du port, afin que les nostres n'empeschassent d'un bort à l'autre l'embarquement de leurs pièces, desquelles en avoyent cependant logé six bien a propos pour défendre les deux costez du fort; 'et véritablement le lieu estoit choisy en gens de guerre, et à bon avantage pour eulx. Le vidame de Chartres alla escarmoucher ces harquebouziers du fort , qui sortirent à la campagne soubz la faveur d'un gros nombre d'autres logez en un prochain village, qui leur vindrent au secours, et ne fut à la fin passe à gueres grand combat d'un costé n'y d'autre : bien fut remarqué par les nostres le moyen de surprendre dans le logis ces derniers venuz ; mais eulx , craignans ceste entreprinse, repassèrent des la nuict l'eaue, et ne les trouvasmes au village le jour d'après, que M. de Guyse mesmes y fut avecques bon nombre de gens de pied et de cheval. 'De l'autre costé, les seigneurs de La Brosse et de Touchepres , avec quarante ou cinquante clievaulx, estoyent allez à la queue du camp, pour recognoistre l'ordre qu'il tenoyent à leur retraitte. Et furent jusques au chasteau de Donchamp, d'où ils furent descouverts , et sortit bon nombre de soldats les charger à coups de harquebouze , de fossé en fossé, comme le pays en est bien garny, qui fut cause de les faire retirer sans passer plus avant, et n'y eut rien perdu de nostre costé.

Apres cecy, M. le mareschal de Sainct André arriva

LE SIÈGE DE METZ. 3o,0,

avec une trouppe de gendarmerie et cavalerie , lequel avoit tenu dix ou douze jours la campagne, pour fascher les ennemis et les garder de s'eslargir, comme aussi durant le siège il leur avoit tousjours défendu les terres de Verdun et des environs , mesmes faict plusieurs belles desfaictes sur eulx, et souvent avoit envoyé donner des alarmes jusques au camp qui estoit devant Metz. Or, nous trouvans pour sa venue beaucoup renforcez de gens de cheval , fut mis en conseil comme on pourroit offencer les ennemis ; car nous voulions, à leur retraitte, essayer tous les moyens qui seroyent bons et asseurez pour le faire. Il fut trouvé que, à cause de la grande rivière qui leur flanquoit le costé droit, et la faveur que leur faisoit à gauche la forest de Brey, fort espaisse et bien advantageuse pour gens de pied , et qu'ils avoyent mis grand force d'harquebouziers avec leur cavallerie sur la queue, aussi beaucoup de mauvais passages et estroicts jusques à leur logis, on ne pourroit rien entreprendre sur eulx qu'à nostre trop grand desavantage : toutesfois le seigneur Faule Baptiste eut commandement d'aller encores veoir de près si la commodité d'aucun lieu , ou quelque desordre d'entre eulx, nous pourroit bailler occasion de les aller visiter ; mais il ne trouva autre chose en leur camp qu'un grand nombre d'affûts, flacques (0 et rouages d'artillerie laissez sur la place et sur le port, ayans eulx passé le pont de Rozemont et approché Thionville. Dont fut considéré, puisqu'ils s'estoyent acheminez, qu'ils marcheroyent lendemain encores par delà, et nous esloignerions par trop de la

(») Flncques : flasques. Voyez la note de la page 364-

retraitte si on les poursuivoit si avant, parquoy M. de Guyse se donna repos de telle chose.

C'est à peu près le sommaire de tout ce qu'est advenu en ce siège de Metz, grand et notable pour beaucoup de respects, soit pour la grandeur de l'Empereur, qui en avoit juré l'entreprinse, et pour le nombre des princes qui estoyent avecques luy, soit pour toutes ses forces et appareil de guerre qu'il y avoit amené, et pour la longueur du temps qu'il a campé devant; d'aultre costé, l'importance de la ville, en laquelle consistoit un grand advantage de la guerre commencée entre ces deux princes; les personnages de qualité qui estoyent dedans pour la garder; la louange que noz gens de guerre se peuvent donner de l'avoir fortifiée, avitaillée et défendu pour le Roy en cinq mois. Oultre tant d'autres belles et grandes choses qui s'y sont faictes, où, si la vaillance et le bien faire d'aulcuns ne s'y trouvent recitez comme ils méritent, ils soyent asseurez qu'il n'a tenu à l'avoir voulu , mais à ne l'avoir sceu, ou ne l'avoir sceu bien faire : ce qui les venge assez de moy, en ce que mon ignorance revient à punition de mon default, et souhaiterois, pour le reparer . à la faveur de ceulx qui pourroyent avoir occasion de se plaindre, avoir aussi peu obmis de la vérité comme suis trescertain n'y avoir rien adjousté.

Lendemain dimenche , quinziesme du mois, fut faicte une procession générale, à laquelle s'assemblèrent toutes les églises, couvents et colleiges de la ville, et y assista M. de Guyse, ensemble les autres princes, seigneurs et gens de guerre, en toute dévotion, rendans grâces à Dieu de nous avoir tenu la main à la defence de la ville, et à nous saulver de la puis-

LE SIEGE DE METZ. 4° l

sance des ennemis. Et pouree que M. Guyse fut adverti qu'en plusieurs lieux de la ville il y avoit des livres contenants doctrine reprouvée, M. de Guyse les feit, sans scandale d'aucun, touts assembler en un lieu et y mettre le feu, donnant ordre que les habitans eussent pour l'advenir à suyvre un train de meilleure vie qu'auparavant qu'ils eussent esté receuz à la protection du Roy.

Le lundi fut publié une ordonnance de par luy, pour le retour des habitans , commettant des capitaines et aultres personnages de qualité , à s'enquérir par tous les quartiers s'il y avoit esté faict aucun desordre par les soldats, dont on peut sortir plainte raisonnable, afin d'y pourveoir au mieulx qu'il seroit possible.

Et les jours après il regarda à la police des citoyens et habitans, que le trouble du siège avoit aucunement altérée et changée, pour la remettre en mesme estât qu'auparavant; aussi à la fortification de la ville, pour redresser les brèches et ruines que le canon y avoit faictes , avecques la poursuite des autres choses qui avoyent esté mises en desseing. Puis feit faire la monstre générale aux gens de guerre, tant de pied que de cheval, avec payement de tout le temps qu'ils avoyent servi et qui leur estoit deu. En quoy la libéralité du Roy se monstra , de ne précompter en rien les vivres qu'ils avoyent eu et qui leur avoyent esté distribuez durant le siège; offrant en oultre M. de Guyse d'obtenir pour eulx autres plusieurs biensfaicts et particulières grâces du Roy, selon la cognoissance qu'il avoit des mérites d'un chascun, ainsi que depuis il s'y employa tresvoluntiers. Et ayant ordonné du nombre 3a. 26

des gens de guerre qui demeureroyent par après dans la ville, la laissa en la garde du seigneur de Gounor, gouverneur d'icelle ; et, le vingtquatriesme jour dudict mois, s'en retourna vers le Roy.

Estant le précédant discours sur la presse , l'imprimeur, d'adventure , a recouvert un roole des princes , seigneurs , capitaines et autres gentilshommes et gens de guerre, qui estoyent dans Metz durant le siège 9 et Va adjousté icy , pensant que telle chose sera bien convenable à la suitte des autres que Vautheur y a couchées : en quoy, si le rang n est observé selon la dignité de ceulx qui y sont nommez , il sera excusé ', pour n avoir la particulière cognoissance de la plus grande partie d'iceulx , ayant suyvy en cela le Mémoire qui luy en est tombé entre mains.

Monsieur le duc de Guyse, lieutenant de Roy, avec sa compagnie de cent hommes d'armes, et les seigneurs d'Àntragues, de Sainct Phale et de Sainct Luc , lieutenant, enseigne et guydon d'icelle.

M. le prince de La Rochesuryon , avec sa compagnie de quarante hommes d'armes ; et les seigneurs de Biron , de Guron et de Montrent], lieutenant, enseigne et guydon d'icelle.

Le seigneur Pierre Strozzi, chevalier de l'Ordre, ayant avec luy un nombre de personnages de bon service.

La compagnie de M. de Lorraine, de quarante hommes d'armes; et les seigneurs de La Brosse, de Lemont et de Chastelet, lieutenant , enseigne et guydon d'icelle.

M. de Nemours, avec sa compagnie de deux cens chevaulx legiers; et le seigneur Paule Baptiste Fregoze son lieutenant , le seigneur de Pailiez son enseigne, après la mort duquel le filz du conte de Lude la porta.

Le seigneur de Gounor, gouverneur de la ville, avec sa compagnie de cent chevaulx legiers ; et les seigneurs de Saincte Gemme et de Mebertin, lieutenant et enseigne d'icelle.

Le conte de La Rochefoucault, avec sa compagnie de cent chevaulx legiers ; et les seigneurs de La Faye et de Touchepres, lieutenant et enseigne d'icelle.

Le seigneur de Rendan, avec sa compagnie de cent chevaulx legiers ; et les seigneurs de Montpha et de Fayoles, lieutenant et enseigne d'icelle.

Le seigneur de Lanque, avec sa compagnie de cent harquebouziers à cheval, et le chevalier de Lanque et le jeune Lanque, lieutenant et enseigne d'icelle.

Bandes de gens de pied , et premièrement celles qui furent laissées dans Metz quand le Roy marcha en Alemagne ; sçavoir, des capitaines

Haucourt. Gauzere. Pierre Longue.

Biques. Verdun son frer$. Aboz.

Bahus. Soley. Sainct Houan.

Trois qui furent envoyées après que le camp fut rompu , au retour de Haynault ; des capitaines

Gordan. Ambres. La Grandie.

Sept envoyées depuis, pour la garde de la ville, quand M. de Guy se y arriva ; sçavoir, des capitaines

Glenay, qui fut depuis maistre de camp, après la mort

du capitaine Favars.

Choqueuse. Sainct Aubin. Maugeron.

Sainct - André. Bethune. La Mole.

Aultres quatre que M. le connectable envoya depuis ; des capitaines

Favars, maistre de camp. Laquelle, luy mort, futbail-

le'e au jeune Cornay son lieutenant.

Salcede. Voguedemar. Cantelou.

Commissaires ordinaires des vivres dans Metz :

Les seigneurs de Piepape et de Sainct Belin.

Commissaires de V artillerie, et gens experts au f aie t des fortifications :

Le seigneur de Sainct Remy, le seigneur d'Ortobie, le seigneur de Popincourt, Camille Marin.

Nombre des princes, seigneurs et gentilshommes qui vindrent pour leur plaisir au siège :

De Montpesat.

De Brosses et son frere.

Messieurs d'Anguien.

Prince de Conde'.

Grand prieur de France.

Marquis d'Albeuf.

De Montmorency et Danville frères.

Duc Horace Farnez. ,

Vidame de Cbartres.

Conte de Martigues , et marquis de Bauge frères.

Conte de Benon.

Conte de Charny.

Conte de Créance.

Conte de Nantueil.

Les seigneurs de Mezieres.

Vidame d'Amiens.

De La Palice.

De Crevecueur.

D'Ouarty.

De Boysdaulfin.

De Canaples, deux frères.

De Rocofeuilh.

De Luce\

De La Chapelle desUrsins.

De Rufec et son frere.

De Suse.

Du Lucey.

De Rochebaron de Bor-

goigne.

De Clermont.

De Soubize.

De Dampierre.