AU ROY

IBE

Les hommes vertueux qui travaillent en vostre service , oultre les bicnfaicts qu'ils peuvent espérer de vostre libéralité, attendent encorcs ceste recompense que le tesmoignage de leurs faicts soit rendu tel , quils puissent estre estimezentre voz aultres subjects, etjouyr toute^ leur vie de l 'honneur qui leur demeuré de vous avoir bien servi , laissans après la mort leur nom perpétuel à la postérité. Dont il advient que si de leur vivant on leur fait gouster lefruict et douceur de ceste gloire, ils s'estiment non seulement estre bien rémunérez ? et pour la plusparl satisfaicts de ce quils ont mérité, mais sont encores par là incitez a continuer vostre service en tout ce qui peut toucher le bien de vos affaires; mesmes ceulx qui sont de cueur semblable , et aussi les successeurs , esquels l'exemple en appartient comme par héritage 7 entrent plus franchement aux périls que ceulx ci ont passé , soubs espérance d'acquérir une semblable gloire que leurs majeurs ont rapportée. A ceste cause , Sire, j'ay proposé d'autant plus volontiers' mettre par escript ce qu'est advenu au dernier siège de Mets , et réduire de jour en autre ce que j'y ay peu veoir et apprendre soubs M. de Biron , un de vos capitaines, diligent enquereur et soigneux observateur de la vérité. En quoy si je ne peux bien dire tout ce qui conviendrait du grand chef vostre lieutenant , et tant d' aultres vaillants

2 54 Au R0Y-

princes, seigneurs , gentilshommes et gens de guerre qui estoyent en la place , à tout le moins je feray tout ce quest en moy de leur rendre le tesmoignage d'honneur deu a leur vertu; et peut estre exciteray la volonté a plusieurs aultres de suyvre le chemin qu'ils ont tenu , nespargnants leur vie en ces actes vertueux et louables, qui, pour estre dédiez à vostre service, rendent grand honneur en la vie , et laissent une bien heureuse mémoire à ceulx qui viennent après.

Sire, je supplie à Dieu quil vous doint (i) en toute prospérité et santé très longue vie. De Paris le i5 de may i553.

Vostre très humble et très obéissant subject et serviteur,

B. de Salignac (0* Qu'il vous doint : qu'il vous donne.

«WWWMI i/Wty WWAi

Aphes que le Roy fut de retour des quartiers d'Alemaigne qui sont deçà le Rhin, où il avoit marché avec une grosse armée es mois d'apvril, may et juing mil cinq cens cinquante deux, pour restablir la liberté de la Germanie, et favoriser le duc de Saxe Maurice, celuy de Meckelbourg, et autres princes de l'Empire ses alliez, quiestoyent en armes contre l'empereur Charles cinquiesme, tant pour le regard de leurs franchises que pour la délivrance des duc de Saxe et lansgrave de Hessen , prisonniers ; et que le Roy en retournant eut exécuté plusieurs entreprinses au duché de Luxembourg et pays deHaynault,et,cefaict, rompu son camp et séparé son armée pour prendre quelque loisir de se rafreschir, nouvelles vindrent, sur la fin de juillet, que l'Empereur, s'estant reconcilié avec le duc Maurice (0, et ayant retiré à soy la plus part des forces qu'il avoit, faisoit encores en Alemaigne grande levée de gens de guerre, qu'on ne pouvoit bonnement juger s'il vouloit employer, du costé de Hongrie , au secours du roy des Romains son frère, qui estoit fort travaillé des Turcs, ou bien convertir sesforces à faire descente en France. Tant y a que le Roy, désirant en toutes sortes pourvoir à la seuretéde ses frontières, pour soubstenir les premiers efforts

(0 L'Empereur s'estant réconcilie avec le duc Maurice. Cette réconciliation se fit par le traité de Passau, conclu le 2 août i55î entre Charles-Quint et les princes protestans d'Allemagne.

que pourroit faire son ennerny pendant qu'il rassemblèrent son armée, pensa de plus près au faict de la ville de Mets. Surquoy convient entendre qu'au voyage dessus mentionné, le Roy, à la grand requeste de l'evesque, consentement des habitans d'icelle, et accord des princes de l'Empire estants lors en ligue avecques luy, l'avoitmiseen sa protection, et y avoit laissé pour gouverneur le seigneur de Gounor (0, gentilhomme de sa chambre, avec quelque nombre de gens de guère : et desjà avoit on commencé de besongner à la fortification, mesmement en l'endroit où l'on retranchoit la ville, en y faisant deux boulevars, et tirant entre deux une courtine, depuisles molins delà basse Seille jusques à la grand muraille qui regarde la Mozelle, au devant l'église des frères Baudez, cordeliers, et aussi continué la plate forme de la porte des Rats, dont ceulx de la ville avoyent auparavant faict un desseing. Mais tous ces ouvrages n'estoyent guieres advancez , pour le peu de gens qu'on y employoit, à cause que l'on n'estimoitle danger estre si prochain que bien tost après apparut. Or l'Empereur avoit par diverses praticques moyenne et obtenu qu'aucuns des estats de l'Empire , et mesmement des villes franches, luy fournyroient un bon nombre de gens de guerre, pour employer au recouvrement de Mets, qu'il disoit estre occupé par force. Et de faict, soubs couleur de procurer le bien de l'Empire, on luy voyoit tourner ses desseings pour ravoir ceste place, congnoissant de quelle importance elle luy estoit, ayant esgard à son duché de Luxembourg et Pays Bas; et jugeoit bien estre nécessaire qu'il fist der-

(0 Le seigneur de Gounor : Artus de Gossé, frère de Brissac qui rommandoit Farmée d'Italie.

niere preuve de sa puissance pour la remettre entre ses mains. Dequoy le Roy estant adverty, et luy voulant en oster le moyen, afin qu'il ne s'en peust ayder, comme il avoit au paravant tousjours faict en toutes les armées qu'avoit dressé contre le royaulme , délibéra de la garder, tant pour estre chose convenable à sa grandeur de conserver ceulx qu'il avoit mis en sa protection, comme aussi fort requise au bien de ses affaires , et au besoing qui se presentoit d'arrester par ce moyen la puissance de son en nemy, qui estoit lors autant grande que de prince qui print oncques les armes contre la France. A. tant, pour y pourvoir de personnage qui fust, non seulement pour le nom et dignité de sa maison aiséement obey, mais aussi pour saprudence et bonne conduitte suffisant à soubstenir les efforts d'un empereur si puissant, le Roy feit élection de monseigneur le duc de Guyse , messire François de Lorraine, pair et grand chambrelan de France, pour y estre son lieutenant gênerai, et donner ordre à tout ce qui seroit requis pour la garde et defence de la ville.

A ceste cause , M. de Guyse partit de la Court sur le commencement du moys d'aoust, et passa près de Thoul, ville de sa charge, remise en mesme temps, et par mesmes causes que Mets, soubs la protection du Roy, où pour lors la peste estoit fort eschauffée; mais, nonobstant le danger, il entra dans la ville pour visiter les réparations qu'on y avoit commencées, et trouva qu'à cause de la mortalité et de la maladie du seigneur de Sclavolles, gouverneur de la ville, on y avoit bien peu advancé. Il y mit le meilleur ordre qu'en telle saison estoit possible, et de là s'en vint à Mets, ayant 32. 17

en sa compagnie le marquis d'Albeuf son jeune frère r le comte de La Rochefoucauld, le seigneur de Randan frères, et le seigneur de Riron, gentilhomme de la chambre du Roy, qui l'estoyent venu trouver en chemin , et plusieurs autres de sa maison. De quoy estans advertiz M. le duc de Nemours, les seigneurs de Gounor, vidame de Chartres, de Martigues et autres seigneurs et capitaines qui estoyent dans la ville , sortirent au devant avec les compagnies de gens de cheval et de gens de pied, pour le recueillir en la sorte que sa grandeur et le lieu qu'il venoit tenir le requeroyent.

Des le lendemain , dixhuictiesme du mois , il commença dispenser si justement le temps au faict ordinaire de sa charge, que tant d'yeux qui ont tousjours eu le regard sur luy jusques à la fin du siège, n'ont veu qu'il ayt mis en espargne une seule heure pour la donner à son plaisir particulier : comme, à la vérité, le besoing si grand et si présent requeroit bien qu'on usast de ceste extrême diligence; car la ville, aussi grande qu'elle est, comme de huict à neuf mille pas de tour, n'estoit forte en endroit quelle eust, n'ayant un seul pied de rempar en toute la muraille, n'y espace pour y en faire,d'autant que le tout estoit entièrement occupé de maisonnages, d'églises et autres grands bastimens, sans qu'il y eust aucune plate forme en estât, fors celle qu'on appelle de Saincte Marie, ny aucun boulevart que celuy de la porte de Champaigne, qui est rond et d'ancienne structure, et peu commode pour s'en servir : oultre ce, estoit mal fossoyée en la pluspart, et mal flanquée par tout, et au demourant aisée à battre en plusieurs lieux, et veue presque par tout le dedans, et par courtines des montaignes voisines.

LE SIÈGE DE METZ. î*5<)

Quatre ou cinq jours après la venue de M. deGuyse, arriva le seigneur Pierre Strozzi ('), chevalier de l'Ordre , personnage de grande suffisance, et que M. de Guyse avoit demandé au Roy, cognoissant sa vertu , expérience et bon conseil es choses d'importance ; avec lequel et les seigneurs de Gounor, de Sainct Remy et Camille Marin , fort experts et entencluz en faict de fortifications, il visita diligemment tous les endroicts de la ville; et, ayant recongneu les defaulx et foiblesses qu'avons dict, commencèrent à faire desseing de platesformes, rampars, tranchées, flancs et autres défenses qu'ils y congneurent estre nécessaires. Mais la difficulté estoit de recouvrer nombre suffisant de pionniers pour fournir tous les endroits où il falloit mettre la main , à cause que la saison^e mestives (2) où nous estions, et les vendanges qui s'approchoyent , avoyent tiré aux champs la plus part des hommes de travail, estant seulement demourez quelques pauvres femmes et petits garçons à la ville. Neantmoins l'ordre y fut donné si bon, que, du premier jour, les plus pressées et nécessaires fortifications furent poursuyvies , comme le haulsement de la courtine, et deux boulevars du retranchement dont cy dessus est faict mention , afin d' estre à couvert de la montagne d'Ezirmont , ou autrement de la Belle Croix , qui voyoit jusques au pied parle dedans, où l'on craignoit que l'ennemy deust faire son premier effort. L'on besongna aussi en toute diligence à la plateforme de la porte à Met/elle Q) , pour battre depuis la porte des Alemans jusques vers

(0 Pierre Strozzi. Ce général, parent de Catherine de Médicis, étoit surtout très -habile dans l'artillerie. — 0) Mestives : moissons. (3) La porte à Metzelle : la porte de la Mozeile.

Sainct Pierre des Champs, et de mesmes à la plateforme de la faulse braye, derrière l'encoingneure de Saincte Glocine, que ceulx de la ville avoyent au paravant commencée, pour battre vers Sainct Clément et Sainct Pierre, et servir de flanc le long de la muraille vers la porte Saint Thibaud, pareillement à la plateforme des Rats pour défendre du costé de l'isle. A quoy furent départies toutes les centeines et nombre de pionniers dont on peut finer (0; et fut donné charge aux gens de pied soldats d'abbattre les plus empeschans édifices qui nuisoyent à conduire la besongne.

Il restoit encores le quartier qui prend vis-à-vis du retranchement jusques à la porte des Alemans, lieu fort suspect, et lequel M. de Guyse estimoit debvoir estre promptement ramparé, ad^ant pour le mieulx d'en fortifier la faulse braye, assez ample et large pour mettre nombre de gens à la défendre , estant favorisée d'un bon et grand fossé, sans donner cest advantage à l'ennemy de la pouvoir gaigner. Mais pour ne deffournir les autres atteliers, et aussi pour donner exemple, luy mesmes entreprint l'œuvre avecques les princes, seigneurs et gentilshommes qu'il avoit en sa compagnie, portant quelques heures du jour la hotte, et monstrant estre bien convenable à un chef de soustenir au besoing le travail et la sueur en sa personne, comme la vigilance en l'esprit.

11 voulut aussi sçavoir quelles munitions de guerre pouvoyent estre en la ville, et trouva qu'il y avoit bien peu de grosse artillerie, et mesmes que la fonte d'icelle avoit esté conduicte par homme non expert, ayant

(») Dont on peutfinev: dont on pul disposer.

LE SIEGE DE METZ. 26 i

laissé la matière mal alioyée (0, et sans observer les mesures, dont quelques pièces estoyenl desja gastées, les pouldres, quasi toutes vieilles de trente et quarante ans, en moindre quantité qu'il ne suflisoit pour l'exécution qui estoit convenable de faire advenant quelque grand force ; et se feit bailler Testai du tout par le seigneur d'Ortobie, commissaire ordinaire de l'artillerie, lequel le Roy avoit laissé en la ville depuis ïe mois d'apvril qu'il y passa. Et oultre cest estât, il trouva encores quelques milliers de salpestre au magazin , pour lequel employer il mit ordre que plusieurs moulins à pouldre fussent dressez.

Quant au faict des vivres, pource qu'il n'y avoit de la munition que deux mil huict cens à trois mil quartes de bled, et que d'en faire amaz la chose estoit encores mal aisée, à cause que les laboureurs du pays n'avoyenl coustume de battre leurs grains en esté, sinon à mesure qu'ils en avoyent affaire pour leur vivre , semer ou payer leurs redevances, il luy fut besoing faire plusieurs et diverses ordonnances pour y pourvoir. Et du commencement feit venir les quarteniers du pays et contrée, ausquels il commanda assembler les maires des villaiges, pour leur enjoindre qu'ils eussent à faire battre diligemment les grains, et en amener à certain jour, cliascun du lieu de son mandement, telle quantité à la ville qu'ils declairerent pouvoir faire, et à quoy ils furent lors quotisez : ordonnant que ces grains seroyent mis en seure garde, au profict de ceulx à qui ils apparliendroyent ; et où besoing seroit d'en prendre pour la nourriture des gens de guerre, ce seroit à pris et payement raisonnable. Il s'en trouva quelques uns,

(0 Mal allô y ce : de mauvais aloi.

mais en petit nombre, qui obeyrent au premier mandement; et à iceulx mesmes les ennemis de la garnison de Thionville et les Marangeois (0, plus brigands que gens de guerre, donnoyent empeschement, pillans les charroys et chevaulx en chemin , et retenans les laboureurs prisonniers. Sur quoy , autant ceulx qui avoyent bonne volunté d'obéir comme ceulx qui ne l'avoyent, sceurent colorer quelques jours la cause qu'ils prenoyent de différer; mais nos chevaulx legiers sortirent plusieurs fois aux champs pour leur donner escorte et asseurer les chemins, mesmes un jour M. de Nemours avec sa compagnie, ensemble les seigneurs de Gounor, vidame de Chartres, les contes de Martigues, de la Rochefoucaud, les seigneurs de Randan, de Biron, et plusieurs autres seigneurs et gentilshommes, vers Enery, aux environs de Thionville. Et advint que quelques soldats françois, partiz la nuict du chasteau de Rodemar (2), que lors nous tenions, s'en venoyent à Mets. Les ennemis en estant advertiz, les suyvirent jusques au chasteau de Donchamp, où ils furent apperceuz par noz gens, estant la rivière entre deux; et nonobstant qu'elle fust bien grosse , le seigneur Paule Baptiste Fregose, lieutenant de M. de Nemours, la passa quasi à nou (3) avec quinze ou vingt chevaulx, et les alla attaquer. M. de Nemours et ses gens, voulant suivre, hazardoyentde passer en un endroit bien profond; mais le péril du trompette dudict seigneur vidame, qui avoit premier voulu essayer le gué, et avoit esté forcé du courant et porté à vau l'eaue, leur fut advertissement d'attendre celuy qui avoit guidé le seigneur

(») Les Marangeois : les habitans du canton de Moorange. — (?) Roriemar : Rodemback. — '}) A nou : à la nage.

Paule pour leur monstrer un passage plus aisé, en quoy il coula quelque espace de temps, k la fin, les ennemis les voyans passer, bien qu'ils fussent en plus grand nombre qu'eulx, gaignerent le pont de Rozemont (?) , où ils avoy ent des gens de pied, lesquels ils conduirent dans les boys prochains de là, où les ayans jettez à sauveté, les gens de cheval prindrent la fuite à toute bride jusques aux portes de Thionville. Ceste saillie et autres que noz chevaulz legiers feirent souvent, furent cause que les ennemis ne coururent tant le pays, n'y tindrent les chemins si subjects qu'ils avoyent accoustume', de sorte que la ville commença à se fournir de bleds ; joinctque M. de Guyse trouva moyen d'en faire porter autre grande quantité', à mesme condition, d'aucunes prevostez et quartiers de Lorraine , de Barrois et de l'abbaye de Goze, appartenant à M. le cardinal de Lorraine son frère, voisins de ladicte ville. Et furent commis gens à toutes les portes pour tenir registre de la quantité qui entreroit chascun jour, et en rendre compte aux seigneurs de Piepape et de Sainct Belin, ordonnez commissaires et superintendans à toutes les munitions et provisions de vivres , lesquels rapportoyent le tout par extraict au lieutenant de Roy. Aussi se commença l'on à fournir de foin , avoyne et paille, par le moyen que certains villages furent dédiez particulièrement aux compagnies des gens de cheval qui pour lors y estoyent, et qui depuis y vindrent pour en prendre leur provision , en payant le taux qui en estoit faict à pris raisonnable , et quelque chose d'advantage pour la voicture s'ils prenoyent les chariots ; n'estant toutesfois permis les occuper que les jours de

(0 Rozemont : Richemont.

dimenche et lundy, à fin que le demeurant de la sepmaine fust réservé à semer les terres , et que , en nous jectant hors d'une nécessité présente , il fust encores pourveu à celle qui pourroit après survenir.

Douze enseignes de gens de pied trouva M.deGuyse dans Mets, lesquelles, pour estre bandes nouvelles, il tascha à dresser et aguerrir. Entre autres choses, il commanda que les squadres (0 d'une chascune bande , qui estoyent de garde pour la nuict , se rendissent tous les soirs en armes, marchans en ordonnance, de leur quartier jusques à la place qui estoit devant son logis, où se rengeoyent les uns pies des autres, de façon que tous assemblez avoyent forme d'un bataillon, qu'il faisoit quelques fois marcher en avant, puis soubdain en arrière, monstrer visaige de tous costez, baisser les picques comme pour combattre , ayant faict ficher un blanc a une muraille où les hârquebouziers se adjustoyent; et après leur avoir faict entendre ce qu'il vouloit par le capitaine Favars , leur maistre de camp, et donné le mot du guet, les envoyoit en mesme ordonnance à leurs postes et gardes. A quoy ils s'estoyent si bien accoustumez, que, combien que leur chemin s'adressast à divers endroits de la place , et qu'aucunes trouppes se vinssent croiser dans les autres, toutesfois ils ne se desmentoyent jamais de leur ranc et file. Au reste, furent faictes plusieurs belles ordonnances sur la forme de vivre desdicts soldats, à ce qu'ils eussent à converser paisiblement avecques les habitans de la ville, sans leur faire ou dire mal , ne prendre aucune chose qu'en payant ; laissant les clefs des vivres et marchandises à ceulx à qui elles appartenoyent,

(0 Les squadres : les escoiutdos

LE SIÈGE DE METZ. a65

sans retenir leurs meubles, fors ceulx qui estoyent nécessaires pour leur usage ordinaire, et de ne les contraindre en rien oultre leur gré; qui fut chose si bien observée, que les uns vivans avecques les autres de si bon accord, sembloyent estre citoyens d'une mesme ville. Au surplus, pour éviter mutinations et brigues, furent faictes, de par luy , défenses aux soldats de ne prendre querelles les uns avecques les autres, ne mettre la main aux armes dans la ville, sur peine d'avoir le poing couppé; en quoy il fut si bien obey, que jamais ne fut veu nombre de gens de guerre demourer si longuement ensemble où il y ait eu moins de quereles et débats. En ceste façon les choses de Mets commencèrent à se réduire en bon train et conduitte ; mais, à fin qu'il n'y eust rien à dire quand le besoing viendroit, M. de Guyse envoya le seigneur Pierre Strozzi vers le Roy , lui remonstrer par le menu ce qui pouvoit entièrement toucher Testât, tant des victuailles, artillerie, munitions de guerre, fortifications, faulte de pionniers, que du petit nombre de soldats qu'il y avoit pour défendre une telle et si grande ville, aussi pour entendre comme ledict seigneur de Guyse avoit à se gouverner avec le marquis Albert de Brandebourg, dont cy après sera plus amplement parlé ; lequel estoit desjà arrivé à Trieves avecques une armée, au cas qu'il s'accostast plus près de Mets. La response du Roy fut qu'il pourvoyroit à toutes choses nécessaires aussi tost qu on pourroit cognoistre la vérité que les entreprinses de l'Empereur s'adresseroyent à Mets ; et , quant à la particularité du marquis Albert, que M. de Guyse usast en son endroit comme de personnage qu'il esperoit retirer à son service , sans toutesfois avoir trop

grande fiance de luy ; et qu'il taschast Fesloigner de la ville, et le jecter sur le chemin que l'Empereur devoit tenir venant en ça, pour consumer de tant plus les vivres au devant de l'armée qu'il meneroit.

Au commencement de septembre, les compagnies d'hommes d'armes de messieurs de Guyse,de Lorraine et prince de La Rochesuryon, trois de chevaulx legiers et sept enseignes de gens de pied, furent envoyées pour estre de la garde et seureté de Mets; lesquelles, estant venues près du Pont à Mousson , M. de Guyse advisa les embesongner au faict de la récolte, ne voyant que aucun besoing le pressast encores de les mettre dedans, estimant que ce seroit autant de vivres espargnez. Et pource que les habitans du plat pays se monstroyent lents et tardifs à porter leurs grains, il despescha commission , le second jour de septembre , au seigneur Dantragues (0, lieutenant de sa compagnie, au seigneur de La Brosse , lieutenant de la compagnie de M. de Lorraine, et au seigneur de Biron , lieutenant de celle de M. le prince de La Rochesuryon, de mener ceste trouppe es terres de la ville et de l'evesque de Mets les plus esloignées, pour faire avec la force, si besoing estoit, que les commandements de la récolte fussent exécutez. En quoy ils procédèrent si sagement, que , du gré du peuple, à qui on permettoit en retenir quelque quantité pour leur nourriture de certain temps, et pour semer, fut amené de ces quartiers, avant le vingtiesme de septembre , environ douze mille charges de grains dans la ville.

(') Au seigneur Dantragues. Guillaume de Balzac. Son fils, François d'Enlragues, épousa Marie Toucliet, maîtresse de Charles IX et mère du comte d'Auvergne. Il en eut la marquise de Vcrneuil, maîtresse de Henri IV.

Et pource que le temps ne nous promettait assez de loisir de pouvoir conduire en défense noz rampars et platesformes avant la venue des ennemis, et mesmement qu'estions incertains par quel endroit ils nous vouldroyent assaillir, M. de Guyse embesongna les gentilshommes de sa maison à faire une prompte provision de plusieurs choses requises, pour jecter à une brèche soubdainement faicte où l'on n'auroit eu temps de remparer : l'un de certain bon nombre de gabions; un autre assembler deux cens grosses poultres de boys ; autres à trouver deux mille grands tonneaux, et de planches et tables ferrées en grand nombre ; remplir quatre mille sacs de terre , et de sacs de laine autant qu'il s'en trouveroit, sans y omettre force pics, hoyaulx, pelles, hottes, moutons pour abbattre murailles; les autres à la charge des pavezades (0, des cavaliers de bois pour l'harquebouzerie, des parapects, mantelets, tréteaux , barrières, râteaux chevillez, et autres engins, de chascune espèce diverses sortes, pour s'en aider par teste et aux flancs, selon la diversité' des lieux et places où l'affaire le requerroit; au seigneur deSainct Remy, se pourvoir de bonne heure de tous artifices à feu ; aussi au seigneur de Crenay remonter grand nombre d'harquebuz à croc avec leur appareil et fourniment. Et fut la diligence telle , que toutes ces choses se trouvèrent prestes et assemble'es es lieux à ce ordonnez avant que le besoing fust.

Noz soldats n'estoyent cependant paresseux à la démolition des bastimens vers la porte Saincte Barbe, portans par terre ce grand nombre d'édifices demourez

(0 Pavezades : sorle de pavois derrière lesquels on mettoit les soldats pour les préserver des balles.

hors du retranchement, afin que si iceluy quartier venoit à estre prins , lequel toutesfois on ne delibéroit legierement abandonner, il ne s'y trouvast rien en estât qui peust faire faveur à l'ennemy. Et de mesmes poursuyvoyent les maisons joignants les murailles de la ville , y faisant un espace tout du long pour y mettre gens en bataille et y pouvoir faire rampars et tranchées. Pareillement au dehors de la ville ils abbattoyent les faulxbourgs, jardins, édifices de plaisir, et autres murailles qui eussent peu nuire , dont il y en avoir grand nombre jusques dans les fossez, ainsi qu'on veoit en ces grandes et riches villes qui ont jouy longuement du bien d'une profonde paix. Et pourroit on s'esmerveiller de l'obéissance qu'en tel dommage d'édifices ce peuple de Mets rendoit, car, estant la chose conduitte par l'authorité de M. de Guy se , et par gracieuses remonstrances dont il usoit, il ne s'en veit un seul qui feist semblant le trouver dur ; et la plus part mettoyent d'eulx mesmes la main à les abbattre , comme concernant le bien public et la perpétuelle seureté de leur ville.

Encores, pour ne laisser aucune commodité de couvert à l'ennemy s'il vouloit venir loger près de la ville, ils ruinoyent les bourgs de Sainct Arnoul, de Sainct Clément , de Sainct Pierre des Champs , de Sainct Julian, de Sainct Martin, et autres tout à l'entour : chose qu'il ne fault estimer de petit travail n'y peu hazardeuse , veu la presse du temps qui ne donnoit le loisir d'y besongner en seureté ; de sorte qu'ils y sont demourez ensepveliz et couverts soubz les ruines plus de deux cens pauvres soldats, ou autres qui leur aidoyenl. Vray est que, quant aux grandes églises, tant du de-

dans que du dehors, ne les voulant M. de Guise veoir mettre par terre , si la venue de l'ennemy et le saulvement de la ville n'en monstroyent une grande nécessité, les pilliers qui en soustenoyent les voultes, et pans de mur, furent pour lors seulement couppez et estançonnez de boys, mesurans que l'espace d'un jour ou deux nous en feroit tousjours venir à bout quand le besoing nous y contraindroit, ainsi que depuis avant cinq sepmaines fut mis à exécution. Mais, pourceque celle de Sainct Arnoul estoit de grande estendue, et assise en si hault et proche lieu de la ville, que la voulte eust peu servir aux ennemis d'un dangereux cavalier sur tout le quartier de la porte Champeneze, on s'advança de l'abattre, de crainte qu'ils feissent quelque grand effort de s'en saisir avant qu'on y peust remédier. Et usa M. de Guyse de pitoyable office vers l'abbé et religieux dudict Sainct Arnoul , ensemble vers les autres gens d'église et de religion de toutes les abbayes, couvenset colleiges abbatuz, qu'il accommoda es autres églises, dont est demeuré grand nombre en estât dans la ville, trouvant suffisant espace pour les y loger tous, avec leurs aornements et joyauls, sans aucun empeschement de pouvoir vaquer au service de Dieu aussi bien qu'au paravant; et feit transférer en solennelle procession les corps et reliques de plusieurs saincts , qu'il accompaigna , et les autres princes et seigneurs avec luy , la torche au poing , teste nue , depuis l'église et abbaye Sainct Arnoul , jusques en l'église des Frères prescheurs (0.

Il ne fault omettre qu'à mesme jour et procession furent transferez les cercueils esquels gisoyent, en

(0 Des Frères prescheurs : des Dominicains.

l'église et abbaye Sainct Arnoul , la royne Hildegarde, femme de Charles premier de ce nom, surnomme' Charlemaigne, roy de France et d'Austrasie, duquel royaulme d'Austrasie la ville de Mets estoit la capitale, et depuis Empereur; le roy Loys, surnommé Débonnaire, fils des susdicts Charles et Hildegarde, aussi roy des deux royaulmes, et Empereur, qui fut inhumé à Sainct Arnoul, l'an huict cens quarante et un; deux de ses seurs, Hildegarde et Aleide (J); et deux seurs du roy Charlemaigne, Rotayde et Aleide ; Droguo, qui fut archevesque de Mets, et frère dudict roy Loys Débonnaire, ne scay au vray si légitime ou bastard; Vitro, duc de Lorraine, père de Saincte Glocine ; Beatrix., espouse d'unHerwic, duc de Mets; Amalard, archevesque de Trieves , jadis chancelier de Charlemaigne, et depuis canonizé pour sainct : lesquels fui ent tous apportez en l'église des Frères prescheurs , et illec enlevez avec telle solennité, et aussi honorablement que faire se peut, et que l'opportunité du temps le permettoit.

Le marquis Albert de Brandebourg, duquel avons dessus parlé, s'estoit faict chef d'une partie des meilleurs gens de guerre que les princes d'Alemaigne eussent en leur armée contre l'Empereur, ayant retiré de sa part le duc de Zimmeren, parent du conte Palatin, l'Ansgrau de Lytembourg (2) , le conte Ludovic d'Ottinguen P>), et soixante deux enseignes d'Alemans, lesquelles il avoit reparties en quatre regimens : dont Jacob d'Ausbourg, auparavant son lieutenant, estoit colonel de vingt deux ; le conte Daltenbourg de seize ;

(') Aleide : Adélaïde. — (2) L'Ansgrau de Lytembourg : landgrave de Lichtemberg. — (3) iyOltinguen : d'OEttingcn.

Rifemberg de douze, et des douze autres Joassen Fondalbic (0, avec huict squadrons de chevaulx , chascun de deux cens , ensemble trente quatre pièces d'artillerie; et estoit venu des haultes Alemaignes, en branschattant et rançonnant le pays, passer le Rhin à Spire, et courir toutes les terres d'Auxois, jusques à la ville de Trieves, de laquelle il s'estoit saisy et mis des gens de cheval dedans , avec le régiment de Fondalbic pour la garder. Maintenant s'estoit venu camper au lieu de Roranges (a) sur la Mozelle, près de Thionville, à trois lieues de Mets, d'où envoyoit souvent demander vivres à M. de Guyse pour la nourriture de son camp, faisant publier qu'il estoit là pour le service du Roy. Et de faict , le Roy tenoit auprès de luy l'evesque de Bayonne, pour traiter la condition du payement qu'il luy fauldroit en se servant de luy. Or, n'osoit M. de Guyse le refuser, afin qu'il n'en causast quelque mal contentement ; aussi craignoit d'autre part desfournir sa ville. Parquoy advisa sagement de ne tomber en l'une n'y en l'aultre nécessité, envoyant la première fois au marquis tel nombre de pains et pièces de vin pour luy satisfaire , qui ne fut de grand foulle à la munition du Roy. Et depuis, sur semblable demande, luy feit entendre qu'il n'oseroitn'y vouldroit plus toucher à la munition , mais luy envoyoit une autre provision de pain et de vin qu'il avoit faict venir pour la fourniture particulière de sa maison , adjoustant encores nouveau présent d'un coursier que le seigneur de Louvieres , son escuyer d'escuerie , mena audict marquis. A. la fin , ne voulant M. de Guyse user vers luy , sinon en la façon que le Roy luy avoit mandé,

(>) Joassen Fondalbic : Joachim Caiwitz. — . (*) Roranges : Floranges.

•2yA LE SIÈGE DE METZ.

et voyant quil importunoit tousjours pour vivres , envoya le seigneur Pierre Strozzy luy remonstrer que la raison de la guerre, laquelle il cntendoit bien, neportoit que Ton jectast vivres d'une place de telle importance que Mets, mesmement à ceste heure qu'on entendoit l'Empereur s'approcher avec une grosse armée pour la venir assiéger, avecques ce qu'elle n'estoit gueres bien fournie; et à peine en pourroit on tirer la nourriture de son camp trois jours , qu'on ne l'espuysast beaucoup ; mais qu'il pourroit prendre son chemin vers les Sallins (0, pays tres-fertil, et là entretenir pour un temps son armée. Ce propos sembla avoir esté bien receu de luy, mesmes demanda quelque personnage pour luy monstrer le pays. Mais le bon jugement du seigneur Pierre avoit desjà descouvert, par les termes et propos qu'il avoit tenu, que ses fins tendoyent seulement à tirer de l'argent du Roy, et projectoit deslors jouer ce beau tour que depuis on a veu. Lendemain fut despesché Gaspar de Hus, seigneur de Buy, gentilhomme natif de Mets, pour l'aller conduire vers les Sallins ; mais , au lieu de prendre ce chemin , il s'approcha une lieue plus en çà, vers la ville, venant camper à Aey, d'où envoya trois de ses gens vers M. deGuyse, luy faire entendre que d'aller vers les Sallins ce seroit trop s'exposer a l'ennemy, en danger que luy et ses gens fussent rompuz , et que son intention estoit de passer la Mozelle ; parquoy prioit qu'on luy feist faire un pont, et ce pendant le fournir de vivres nécessaires, ensemble mettre en liberté quelques uns des siens qu'il disoit estre arrestez dans la ville. M. de Guyse en-

(0 Vers les Sallins. H paroît qu'il est ici question du territoire de Salins en Franche-Comté.

voya recueillir et festoyer ses gents par des gentilshommes de sa maison, ausquels ces Âlemans feirent grande instance de prendre la lettre du marquis leur maistie , qui contenoit leur charge, pour la porter à M. de Guyse, et qu'ils viendroyent puis après luy faire la révérence et dire le surplus. Tantost après s'en retournèrent sans se présenter: de laquelle façon M. de Guyse assez esmerveille' ne laissa pourtant à rendre responce, et ramentevoir au marquis touchant les vivres la raison que dessos ; et quant au pont , qu'il n'avoit moyen d'en faire dresser promptement, mais qu'il commanderoit que tous les bateaux de Mets etdu Pont à Mousson se rendissent à l'endroit où il vouldroit faire passer ses gents, pour en tirer la commodité qu'il pourroit ; au reste qu'il n'avoit aucun des siens prisonnier , ny ne vouldroit qu'ils eussent moins de liberté' et bon traictement dans la ville que les François. Ceste response estoit suffisante, et satisfaisoit au tout ; parquoy estima ledict marquis que ce luy seroit honte de ne la prendre en payement, et commença incontinent penser à quelque autre nouveaulte' : c'est de faindre estre requis que M. de Guyse et luy parlassent ensemble, et qu'il fust advisé un lieu hors la ville pour s'assembler. L'excuse estoit présente à M. de Guyse, que, ayant la garde de la place, ne seroit trouvé bon qu'il en sortist, offrant au marquis que, s'il luy plaisoit venir dedans, il mettroit peine de le bien recueillir et traicter. Le marquis donna parole de venir le jour ensuyvant; dont M. de Guyse envoya bonne trouppe de gentilshommes hors la ville , vers la venue de son camp au devant de luy : et trouvèrent quelques Alemans qui vouloyent entrer, lesquels furent receuz. Et après 32. ï8

que l'on eut longuement attendu, le marquis envoya dire qu'il ne viendroit jusques au lendemain, auquel jour il approcha encores le matin son camp jusques au village de Mercy et autres d'environ , à une lieue de la ville. Estans des nostres sortiz comme le jour précèdent, rencontrèrent autre trouppe d'Alemans qui di» soyent le marquis n'estre gueres loing, et qu'ils s'estoyent mis devant pour acheter ce pendant quelques besongnes (0 en la ville. L'entrée leur fut donnée comme aux premiers ; et sur le midy , un gentilhomme envoyé de la part du marquis vint porter excuse qu'il ne pouvoit encor venir de ce jour , requérant M. de Guyse qu'il luy pleust recevoir dans la ville un nombre de mortiers et quelques munitions de boulets, pour descharger d'autant son charroy , qui commençoit marcher difficilement à cause que le temps s'estoit dispose' à la pluye. Dequoy,' encores qu'il en fust quelque chose, car à la vérité le pays est gras et boueux pour si peu d'eau qu'il y tumbe, si est il à croire que cela tendoit plus à imprimer quelque fidélité de luy qu'au soulagement de son charroy ; car en l'hyver après il traina tousjours lesdicts mortiers et boulets sans nouvel attellage de chevaulx. M. de Guyse luy accorda sa demande, et mesmes qu'il pourroit laisser un de ses gens dans la ville pour avoir la garde de ce qu'il y mettroit. Ce soir, il envoya lesdicts mortiers, qui arrivèrent bien tard, et à l'heure que l'on n'a accoustumé ouvrir places de garde : toutesfois, pour ne luy laisser aucune apparente occasion de se plaindre, M. de Guyse, ayant jecté quelques chevaulx dehors pour faire la descouverte, à fin d'obvier aux entreprises

(0 Quelques besongnes : qiielcfues provisions.

qui se pourroyent faire, et mis force soldats en armes à la porte, quelque nombre d'arquebouziers aux barrières, receut ce charroy à diverses ouvertures de porte , et à diverses fois le visitant à la raison qu 'ils entroyent les uns après les autres, a fin qu'il n'y eust chose dont peust venir inconvénient à la ville , et cela si dextrement, qu'il ne fut donné aucune cognoissance de souspeçon. Le tiers jour, on veit venir autre grosse trouppe d'Alemans , et nulles nouvelles que le marquis arrivast : dont M. de Guyse , considérant ceste façon , et le logis qu'il estoit venu prendre si près de noz portes, se doubta qu'il pourroit avoir quelque dangereuse imagination ; parquoy ne permeit que ces Alemans venuz dernièrement entrassent, mais doulcement feit sortir ceulx qui estoyent dedans, en nombre de plus de quatre cens, leur offrant faire porter de la marchandise à la porte autant qu'ils en voudroyent acheter. Sur l'heure arrivèrent gens de la part du marquis, pour dire que leur maistre ne pourroit estre bien à son aise en lieu où l'on essayast faire ses gens prisonniers, et que à ceste occasion il n'y estoit voulu venir. A quoy avoit tant peu d'apparence, que l'on ne daigna luy en mander satisfaction ; car aussi n'estoit véritable, comme M. de Guyse, s'en estant soigneusement enquis des l'autre fois qu'il luy avoit mandé le semblable, l'avoit ainsi trouvé. Toutes lesquelles choses , rapportées au succez de celles qui advindrent dans six sepmaines après, feront juger que le marquis avoit entreprins une de trois choses : ou de tirer le plus de vivres qu'il pourroit pour desfournir la ville, ou bien surprendre la personne de M. de Guyse, et mettre en danger tout le demeurant, ou bien de

gaigner, avec le nombre de ses gens qui estoyent ainsi entrez, une des portes par où il peust mettre toutes ses forces dedans , et en demourer le seigneur ; mais Dieu ne permist qu'il en advint ainsi.

Nous avions alors passe' la mi septembre, et commençoyent venir plus d'advertissements de la venue de î'Enipereur qu'auparavant; lequel, avec les bandes espagnolles, italiennes, et les autres forces qu'il avoit assemblées à lspurg ('), Munie, Augsbourg et Ulme, s'estoit acheminé jusques sur le Rhin , lequel sa personne, avec quelque nombre de chevaulx et certaines pièces d'artillerie, l'avoyent passé sur le pont à Strasbourg, le demeurant de l'armée par batteaux; s'estant encores venus joindre à luy à Laudourf , maison du conte Palatin près de Spire, où il faisoit quelque séjour, deux régiments qui venoyent de Francfort et Ratisbonne : par le moyen de quoy son armée estoit encores engrossie , et s'approcha depuis aux Deux Ponts, qui est un lieu à quinze lieues de Mets, d'où M. de Guyse eut advertissement qu'il faisoit advancer quinze cens ou deux mil chevaulx vers le pays Metsein , pour desfaire les nostres qui y estoyent pour la récolte. Parquoy manda aux seigneurs d'Antragues, de La Rrosse et de Biron, s'approcher vers la ville avecques leur trouppe, faisans entendre par le pays que l'on eust à mettre plus grande diligence que jamais de porter vivres, et ceulx qui ne le pourroyent si tost faire, eussent à les jetter hors des granges, maisons et édifices, à fin que s'il estoit besoing en faire le gast pour empescher que l'armée de l'ennemy ne s'en prevalust, on les peust brusler sans endommager les

( ■ ) Ispurg : Inspruck .

bastiments et meubles, espargnant ce pauvre peuple le plus qu'il seroit possible. Il leur fut aussi mandé qu'ils rapportassent un roole de tous les moulins des lieux et environs où ils passoyent, pour les envoyer rompre au devant de l'Empereur; les advertissant encores d'amener en venant un grand nombre de charroy, pour s'en servir à resserrer promptement tout ce qui se ti ouveroit à deux ou trois lieues à l'entour. Ces choses exécutèrent les susdicts ainsi qu'il leur estoit mande', et se retirèrent avec leurs gens vers M. de Guyse , qui les feit entrer dans la ville le vingtdeuxiesme jour de septembre, et les envoya loger chascun au quartier qui luy estoit departy, les bandes de gens de pied près des murailles, à fin d'estre voisins des lieux où ils auroyent à faire la garde, et les gensd'armes et chevaulx legiers sur le milieu de la ville; ordonnant à tous capitaines, chefs de gens de guerre, gentilshommes et soldats, ne faire logis hors de leurs quartiers, sur peine d'en estre puniz.

Et sçachant que la noblesse françoise est assez coustumiere de courir la part (0 où l'affaire survient, et, advenant le siège, qu'un bon nombre s'en retireroit en ceste ville, où, s'ils n'avoyent à qui rendre particulière obéissance, vouldroyent prendre logis où bon leur sembleroit , et estre de toutes les factions (2) qui s'entreprendroyent , dont on a veu souvent advenir plus d'inconveniens que de bons effects; à ceste cause feit commandement que tous gentilshommes et autres qui viendroyent pour leur plaisir, eussent à choisir un des capitaines de gens de cheval ou de gens de pied estans en

(*) Courir la part • courir du côté. — 0) Toutes les factions : toutes les entreprises.

la ville , pour se retirer devers luy, et avoir logis dans son quartier, le suyvre et accompaigner à toutes les saillies, factions et entreprises qui se feroyent par luy, obéissant à l'exécution d'icelles tout ainsi que s'ils avoyent receu soulde, et faict le serment au Roy soubs sa charge, et n'entreprendre rien d'advantage, sur peine d'estre mis hors la ville. Et pource que les ennemis eussent peu, en moins de six jours, se faire maistres de la campaigne et occuper les vivres, ne tarda gueres à renvoyer la cavalerie legiere faire le gast qu'avons dict cy dessus, et rompre les moulins, leur commandant aller commencer au plus près de l'ennemy, et au plus loing de la ville qu'il leur seroit possible, faisans en sorte qu'il demeurast le moins de nourriture et de commodité de toutes choses devant leur armée que faire se pourroit.

Cependant, à fin que Ton feist plus grande diligence de reserrer ce qui estoit encores dehors, fut de nouveau ordonné que dans quatre jours on eust à mettre tous les vivres et le bestiail des villages dans la ville, pour en fournir la munition , ou les vendre au marché à tel pris que l'on trouveroit, sur peine que, le terme passé, les gens de guerre et soldats en pourroyent aller prendre sans payer là où ils en trouveroyent. Ce commandement feit venir en ces quatre jours grande quantité de tous vivres; car la plus part du peuple et les habitans de la ville , qui avoyent encores leurs granges et maisons aux champs toutes pleines, obéirent dans le temps ; et ceulx qui ne le voulurent faire sentirent bien tost la punition du mespris et refuz qu'ils faisoyent, par ce que les gens de guerre sortirent comme il leur estoit permis, et

allèrent faire particulière provision de tout ce qu'ils peuvent trouver : qui fut cause que aucuns se repentans venoyent offrir libéralement de porter tout ce qu'ils avoyent, et que la main fust resserrée aux soldats : ce que M. de Guy se feit volontiers, regr étant la foule du peuple, pourveu que la ville eust son fournissement. En ceste façon, ne vint gueres de dommage que sur ceulx qui avoyent trop mauvaise volunté, et cela mesmes porta quelque espargne à la munition du Roy, tenant lieu de distribution aux soldats plus de six sepmaines durant le siège. M. de Guyse avoit usé de plusieurs autres moyens sur le faict des provisions de bleds, vins, bestiail, chairs sallées, poisson, beurre, huille, sel, froumages, riz, et tous autres vivres de garde qu'il avoit faict venir de France, Lorraine, Barrois, et autres lieux où il s'en pouvoit recouvrer, n'ayant espargne ny son crédit ny ses deniers, de sorte que la ville fut mise en estât pour ne souffrir faim d'un bon an.

Sur le vingtiesme de septembre, M. de Guyse envoya la seconde fois le seigneur Pierre Strozzi vers le Roy, l'advertir qu'il estoit temps d'envoyer le secours qu'il avoit advisé donner à Mets , veu que l'ennemi s'estoit tant approché qu'il ne falloil plus doubter de sa venue. A quoy Sa Majesté respondit que de Sainct- Mihel , où M. le connestable alloit dresser un commencement d'armée, y seroit pourveu avant que les- ennemis peussent estre arrivez.

Quelques jours au paravant le marquis Albert de Brandebourg estoit retourné vers Trieves pour retirer les gens de cheval, et le régiment de Fondalbic qu'il y avoit laissé, et autresfois revenu au tour de Mets ,où il

feit cinq ou six logis, entretenant tousjours l'evesqne de Bayonne de paroles générales sur lesquelles on ne pouvoit faire aucun bon fondement ; car il luy proposoit chascun jour demandes nouvelles, et si excessives, queledict evesque eust passe' grandement sa charge de les luy accorder. Il envoya quérir les mortiers qu'il avoit laisse' dans la ville, lesquels M. de Guyse luy permit reprendre. Et environ ce temps le Roy despescha encores le seigneur de Lanssac pour venir prendre quelque conclusion avecquesluy; mais il trouva moyen de mettre tousjours la chose en longueur , et cependant s'approcha du Pont à Mousson , venant loger tout joignant les portes ; auquel lieu M. le connestahle envoya de nouveau le seigneur de La Chapelle de Biron, et à la fin M. de Chastillon son nepveu, à présent admirai de France : lequel, après avoir quelquefois conclud une chose, incontinent après le marquis l'envoyoit conditionner de quelque autre, tant esloigne'e de raison qu'il s'en retourna sans resolution. Geste façon intraictable de ne se laisser conduire à quelque party honneste de plusieurs qui luy estoient oflers, le rendit suspect à M. le connestahle, qui commença penser de luy comme d'un ennemy ; et, par le trouble qu'il donna, veint cest inconvénient à la ville, que M. le connestahle ne nous peult secourir de tout ce qu'il eust bien voulu, mesmement d'artillerie : car il ne l'eust peu faire conduire avecques moindre force que d'une armée, pour la défiance qu'avions du marquis et de son camp. Bien avoit faict approcher de bonne heure quatre enseignes de gens de pied au Pont à Mousson avant que le marquis y passast, lesquelles furent deslors retirées dans la ville, et depuis envoya deux cens pyonniers et un

nombre de pouldres que le seigneur Horace Farnez duc de Castres admena, lorsqu'au dixseptiesme du moys ensuyvant il vint pour attendre le siège; oultre lesquelles M. deGuyse, pour la crainte d'un long siège, avoit mis peine à en assembler, ou de ce qu'il en avoit tire' de ses places, ou par aultres moyens, dix milliers.

Pource que le mois d'octobre estoit venu, et nous approchions de l'hyver, quelques uns estimèrent que l'Empereur n'entreprendroit si tard nous assiéger, cuidans, puis qu'il avoit conduit jnsques ici sagement ses affaires, il ne vouldroit forcer à ceste heure la nature du temps, et tant contemner (0 la rigueur du ciel, que de bazarder une si grande armée à la mercy des neiges, pluyes et gelées, qui sont bien véhémentes en ce pays, et se contenteroit, pour ceste année, de s'estre monstre en armes en Alemaigne , et d'avoir reduict à sa dévotion les princes de* l'Empire, qui, au commencement de l'esté, estoyent entrez en guerre contre luy; mais qu'il pourront entreprendre de venir en quelque quartier de la Champaigne, ou en Lorraine et Barrois, pour y faire hyverner son armée, et temporiser jusques en la belle saison, que l'exécution de ses entreprises viendroit estre plus aysée ; mais il estoit aussi à penser qu'un si grand amas de gens de guerre, et la grand despence de les souldoyer, avec les bravades et menasses dont il* avoit usé, et qu'il avoit faict publier par ses ambassadeurs et ministres, tant en Alemaigne qu'en Italie, de vouloir avant toutes choses pourveoir au recouvrement de ce qui touchoit à l'Empire, luy feroient avancer ce siège; à quoy de plus

(.* ) Contemner : mépriser.

fort l'inciteroit la foiblesse qu'il sçavoit estre encores en la ville, et la crainte que les affaires du Roy, par trop temporiser, se peussent tant affermir qu'il ne fust plus heure de l'empescher ; aussi qu'un esprit picqué se promet souvent de surmonter les plus grandes difficultez , mesmes qu'il avoit aultresfois bien heureusement mené la guerre en hyver. Parquoy faisant M. de Guyse un conseil sur toutes ces choses, résolut de poursuivre sa première et sage délibération , de continuer avecques la plus grande diligence qu'il pourroit la fortification commence'e. Et, y estoit si attentif, que souvent il faisoit porter son disner aux rempars, de peur de mettre trop de temps à aller et venir en son logis. Et si quelques fois il alloit dehors à cheval, c'estoit pour recognoistre le pais, visiter les advenues et logis que les ennemis pourroyent faire à l'entour de la ville, et prendre garde aux lieux par où ils nous pourroyent nuire ,«t aussi à ceulx qui seroyent advantageux, tant pour noz saillies et mettre des emboscades, que par où nous ferions noz retraictes.

Les vendanges estoyent lors achevées, lesquelles avoyent este' faictes sans aucun empeschement , et y avoit grande fertilité de vin par tout le pays ; dont après qu'on en eut retiré une grande quantité dans la ville, beaucoup de gents de travail vindrent, qui furent employez à la besongne , par le moyen desquels les platesformes commencèrent d'approcher à la haulteur suffisante pour s'en pouvoir servir. Et feit lors M. de Guyse asseurer et habiller les voultes de plusieurs églises en platesformes, armées de balles de laine, qui seroyent cavalliers aux inontaignes pour y mettre de l'artillerie, et battre au loing, à l'advenue des

ennemis. Et pourautant que l'on disoit estre chose bien aisée de nous priver de celle partie de la Mozelle qui passe dans la ville, rompant la chaussée qui la soustient, au moyen de quoy toute l'eaue retourneroit en son ancien canal, du pont des Mores, hors des murailles,, et demoureroyent deux grandes ouvertures servants de brèche aux ennemis, soubs les deux ponts des Barres, par où ladicte rivière entre et sort dans la ville, furent commencées des pallificades dans l'eaue, reculées de vingt cinq ou trente pas desdicts ponts vers le dedans de la ville, pour n'estre exposées à la batterie, avec bon rempar des deux costez du canal , depuis lesdictes pallificades jusques aux ponts, servant de flanc l'un à l'autre. Et aussi pour le mesme danger que, perdant l'eaue, fussions privez des moulins qui estoyent dessus, M. de Guyse en feit faire un bien grand nombre d'autre à bras et à chevaulx, pour mouldre les bleds et battre les pouldres.

En ces enlrefaictes on entendit que l'armée de l'Empereur avoit passé les Deux Ponts, et s'approchoit vers la Mozelle, s'engrossissant toujours du nombre de gents qui suyvoyent d'Alemaigne, et d'autres qui venoyent des Pays Bas ; dont ne voulant M. de Guyse leur laisser en proye une enseigne de gents de pied du capitaine La Prade, qui estoit dans Rodemar, à fin qu'ils ne se peussent avantager d'avoir à leur arrivée fait quelque prinse sur le Roy, mist en délibération et conseil de les retirer, ensemble l'artillerie qu'ils pouvoyent avoir. Et furent les capitaines de cest advis : que du premier jour on envoyast quérir les gents de pied, congnoissants que la place n'estoit pour attendre une moyenne force, non qu'une si grosse armée qu'on disoit estre

celle de l'Empereur; mais ils trouvoyent si malayse', que quasi jugeoyent impossible d'en pouvoir retirer l'artillerie, à cause qu'il y avoit six grandes lieues de mauvais chemin de Rodemar à Metz, qui en valloyent douze françoises, beaucoup de passages difficiles, tant de montaignes que de grands boys entre deux , et le temps qui s'estoit mis à la pluye \ d'autre costé les forces de l'ennemy voisines, et mesmes vingt enseignes de leurs gents de pied desjà loge'es à Luxembourg et Thionvilie, entre lesquels Rodemar faisoit le milieu, estant chose contraincte de passer à l'aller et au retour à la porte'e du canon de Thionvilie, dont pour y user seurement ne fauldoit moindre escorte que de tout le nombre de gents qu'il y avoit dans nostre ville, lesquels, pource qu'il conviendroit mettre beaucoup de temps à trainer l'artillerie , ne seroyent encores peu hazardez en telle entreprinse; mais qu'on la rompist et portast sur sommiers (0 ce qu'on pourroit des munitions de guerre qui s'y trouveroyent. Suyvant cecy, M. de Guyse envoya le lendemain, quatriesme d'octobre, le capitaine Lanque, avec ses harquebouziers à cheval, advertir le capitaine La Prade de tenir luy, ses gents et son affaire prests, et qu'il envoyeroit encor plus grand escorte pour les conduire seurement à Metz. Dont pour cest effect il despescha deux jours après le seigneur Paule Baptiste et la moitié de la compagnie de M. de Nemours, lesquels passèrent, sans estre apperceuz de ceulx de Thionvilie, à la faveur d'une escarmouche que M. de Nemours et le conte de La Rochefoucault, avec le reste de leurs compaignies, allèrent attaquer devant la ville , sur lesquels sortirent quel-

(*) Sommiers : chevaux de bagages.

ques gents de cheval, qui furent incontinent rembarrez dans les portes. Et allèrent encores les nostres donner dans un nombre d'harquebouziers sortiz avec les gents de cheval, lesquels avoyent gaigne' un fossé, cuydans de la tirer mieulx à seureté; mais ils furent enfoncez et rompuz, où le seigneur d'Auradé, gentilhomme de la maison de M. de Nemours, receut une harquebusade dans le genoil,de laquelle, à trois ou quatre jours delà, il mourut. Les capitaines Baptiste, Lanque et La Prade exécutèrent, le huictiesme du moys, ce qu'ils avoyent en charge de la ruine du chasteau et rompement de pièces, conduisants par une nuict les gents de guerre à sauveté, avec un nombre de pouldres et d'arquebouzes à croq qu'ils avoyent faict charger, jusques au pont de Rozeraont à demie lieue de Thionville , où le seigneur de Biron, avec la compagnie de M. le prince de La Rochesuryon, et sept enseignes de gents de pied soubs le capitane Favars, maistre de camp, se trouvèrent à l'aube du jour pour les recueillir. Et pource que quelque maladie assez contagieuse avoit couru entre ces soldats de Rodemar, à fin d'éviter inconvénient dans la ville, M. de Guyse les envoya loger au pont des Moulins, où , après leur avoir faict faire monstre, leur commanda se retirer au camp, vers M. de Chastillon leur coronel. Et en ce temps il choisit parmy ses autres bandes trente soldats des plus estimez pour sa garde, dont en y avoit six des laquaiz du Roy, qu'il a, durant le siège, souvent employez à diverses entreprises, esquelles ils se sont tousjours portez fort vaillamment. Aussi en sont demeurez les treze ou quatorze morts ou impotents de leurs membres.

Trois ou quatre jours après, M. le prince de La Roche-

suryon, venant de sa maison, arriva en poste pour le désir de se trouver en un siège tel qu'on prevoyoit estre cestuy-cy : la venue duquel fut ti esaggreable à M. de Guyse et à touts les gents de guerre. Il voulut du premier jour prendre charge de quelque besongne, et commencea un rampar à l'endroit d'une poterne près l'église Sainct Tbibauld, qui fut continué à main gauche jusques à l'entrée de la rivière de la Seille, et de l'autre costé jusques aux Augustins, comme de mesmes feit le seigneur Pierre Strozzy au rempar et tranchée d'entre la porte des Alemans et la plateforme de la porte à Metzelle. A ladicte plateforme les conte de La Roche Foucaud et le seigneur de Rendan , et les seigneurs de Gounor et de La Rrosse à la courtine, et deux boulevars du retranchement ; le seigneur d'Antragues au ravelin et portai des Alemans ; le seigneur de Biron à la plateforme des Rats ; le seigneur de Parroy à celle de l'encongnure de Saincte Glocine, et certains aultres seigneurs venuz au paravant, qui estoient superintendans à tous les atteliers, faisoyent valoir la diligence des pyonniers et des gens de travail, n'espargnants celle mes me des gens de guerre de pied ou de cheval, lesquels y employoient quatre et six heures chascun jour, dont leur gaillardise ayda beaucoup à l'advancement delà besongne : joinct que noz ennemis estoyent lents et nous donnoyent loisir de nous fortifier, séjournants plus d'un demy moys au logis qu'ils avoyent prins aux Deux Ponts et aux environs : mais celaprocedoit, comme il est vray semblable, de ce que l'Empereur vouloit pourveoir , avant passer oultre , aux munitions de guerre et vivres qui seroyent nécessaires durant le siège à l'entretenement d'une si grande ar-

mée; comme deslors il pratiqua que de Strasbourg luy seroit fourny durant deux mois deux cens mille pains par jour, et des aultres villes assises sur le Rhin et la Mozelle, selon qu'ils le pourroyent faire. Il attendoit aussi que sa grosse artillerie fust arrive'e à *Thionville, laquelle il faisoit descendre par le Rhin jusques à Confluence (0, et puis remonter par la Mozelle. D'aultre costé le duc d'Olsten (2), frère du roy de Dannemarc , et les seigneurs d'Aiguemont, de Brabançon et Du Bossu , luy devoyent amener un autre nombre de gens de guerre qui estoyentbas Alemans, tant de pied que de cheval , lesquels ne pouvoyent si tost arriver; mais, sentant qu'ils s'approchoyent, et qu'au demeurant tout l'appareil de son armée estoit prest, il s'achemina vers Serebruch (3).

A tant M. deGuyse, désirant avoir particulière congnoissance de Testât de ceste armée, commanda au seigneur de Rendan s'en aller avec sa compaignie si avant qu'il la peust recognoistre ; lequel chemina jusques par delà Vaudrevanges sans avoir nouvelles des ennemis; et, passant un peu plus oultre contremont la rivière de Sarre , trouva que leur camp venoit loger ce soir à Forpach , un peu par deçà Serebruch , à sept lieues de Mets. Surquoy M. de Guyse feit certain jugement qu'ils se venoyent adresser à Mets; et, bien qu'il veist noz enseignes de gens de pied si mal complettes qu'elles n'avoyent lors plus de quatre mil cinq à six cens hommes en tout , que la cavallerie n'avoit faict monstre sinon de quatre cens quarante quatre chevaux, aussi les trois compagnies delà gendarmerie

(0 Confluence : Coblentz. — (») Olsten : Adolphe de Holstein , frère de Christine III. — (3) Serebruch : Saarbruck.

comptez pour neuf vingts hommes d'armes, plusieurs y avoyent esté trouvez absens pour estre malades, ou allez se rafraischir du voyage d'Alemaigne, et grande difficulté qu'il en peust estre désormais secouru déplus grand nombre, n'y d'aulcune aultre chose, neantmoins se résolut avec telle trouppe , qu'il cognoissoit estre pourveue de gens de bien, attendre les ennemis, sans demander autre chose au R.oy que sa bonne grâce , laquelle il esperoit mériter, exposant sa vie à la défense et garde de ceste sienne place , comme à la vérité c'estoit service aultant relevé qu'on eust peu faire à la venue de si grand force, et où chascun de bon et sain jugement peut aiseement cognoistre de quelle importance en estoit la conservation ou la perte. Doriques, sentant les ennemis si près comme a esté dict, de peur que s'ils avoyent intelligence ou moyens aulcuns de surprendre la ville ils en voulussent à leur arrivée essayer l'exécution, il feit renforcer la garde des murailles, ordonnant que les capitaines, les seigneurs, gentilshommes et gents d'ordonnance, feissent ordinairement tout le long de la nuict la ronde ; et luy-mesmes le plus souvent estoit à visiter les corps de garde et sentinelles. Aussi ordonna un guet à cheval hors la ville, qui se feroit de jour un peu par dessus le bourg de Sainct Julian , vers la montaigne et venue des ennemis, afin que d'heure à aultre il fust advei ty de tout ce qui pourroit survenir de leur costé.

Bien tost après il envoya le seigneur Paule Baptiste sur les champs , pour avoir encoi es plus seures nouvelles du chemin qu'ils tiendroyent : lequel, avecques trente ou trente cinq chevaulx, chemina un jour et la nuict, et un peu de l'aultre matinée vers Sere-

bruch, et trouva que leur camp estoit encor à Forpach : toutesfois il en deslogeoit ce mesme matin pour venir à Sainct Avau , en Rapprochant deux lieues de nous. Ledict seigneur Paule, estant couvert d'un peu de bois et du brouillard qui faisoit lors, demoura quelque temps à veoir passer ce camp : à la fin, voyant trois ou quatre de leurs soldats débandez, les feit prendre sans que le camp en eust aucune alarme, et avec cest advis et langue s'en retourna en la ville. Ainsi nous continua l'advertissement que l'Empereur approchoit, dont moins que jamais perdismes heure ny temps à faire tout ce qui estoit possible pour la fortification et defence de la ville.

La nuict du deuxiesme jour après, le conte de La Rochefoucauld sortit pour aller de rechef veoir les ennemis. Et estant près de Boulac, à quatre lieues de Metz, se tint en emboscade, envoyant le capitaine La Faye, son lieutenant, avec six salades, descouvrir plus avant; lequel alla donner jusques dans les faulxbourgs de Boulac, où y avoit quelques harquebouziers en garde, qui furent chargez et contrai nets gaigner le fort, donnants l'alarme à huict ou neuf cens chevaulx qui estoyent logez là pour escorte des vivres. Ledict La Faye se retira vers la trouppe, et le conte avecques le tout vers la ville, trouvant en chemin grande quantité de bled et vin pour les ennemis, qu'il gasta et desfonça. Et ne tarda gueres après que M. de Guyse, pour estre tousjours bien adverty de ce que les ennemis feroyent , renvoya Paule Baptiste sur le chemin de leur camp ; lequel, estant aussi parti de nuict, arriva, ainsi que le jour commençoit à poindre, en un village qui est entre le petit Metz et les Estangs,