IO

l/ji> [i 558] COMMENTAIRES

deux ou trois cens soldats. Et ltiy, d'un autre costé, ayant passé dans l'eauë jusquà la ceinture, se mit le premier devant toutes les autres troupes jusques au pied de la brèche, laquelle les François assaillirent de première furie de si grande hardiesse et impétuosité, qu'après avoir taillé en pièces ceux qu'ils rencontrèrent des premiers, contraignirent en peu d'heure le surplus leur quitter la place de ce chasteau, et les chassèrent et rembarrèrent dans la ville. Ainsi les nostres à vives forces s'advantagerent de ce passage et première entrée dans Calais , où M. de Guise leur commanda se fortifier et ne s'en laisser de'bouter pour le surplus de la nuict, leur laissant pour chefs et conducteurs messieurs d'Aumalle et marchis d'Àlbeuf ses frères ; et luy, pource que la mer s'enfloit, repassa de l'autre part en l'armée, afin de leur renvoyer secours incontinent qu'il seroit jour, et afin qu'il n'y advint désordre.

Quand les Anglois se furent un peu recognuz, et eurent repris leurs sens, se repentant de la grande faute qu'ils avoient faite, d'avoir abandonné si soudainement ce chasteau, par où ils voyoient l'ouverture aux'François dans leur ville, ils retournèrent avec une plus grande hardiesse que celle de l'assault, pour recouvrer ce chasteau, jugeant que ceux qui seroient là dedans ne pourroient soustenir longuement, et ne seroient secouruz, à cause que la mer étoit haulte et enflée. Pourtant la teste baissée vindrent à r'assaillir les nostres où il y eut fort aspre et obstiné combat ; mais ils y trouvèrent si grande et rebelle résistance , que finalement ils en furent aussi reculez qu'auparavant. Ce nonobstant, demourans opiniastres à regaigner leur chasteau, amenèrent deux ou trois pièces

DE FRANÇOIS DE KABUT1N. [ I 558] I/j.1}

d'artillerie sur l'autre bout du pont devers la ville, pour enfoncer la porte, et en chasser ceux qui s'y mettroient en défense ; et d'une plateforme qui estoit sur l'un des coings de la grande place faisans tirer en plomb là dedans infinies canonnades, leur sembloit qu'hommedu monde ne s'oseroit y monstrer, rechargèrent et redoublèrent un autre assault, encore plus furieux que le premier, où s'il y fust bien assailli , encore mieux défendu, car, les ayans repoulsez vivement, et y estans demeurez sur le champ morts ou blessez plus de deux ou trois cens de leurs plus braves hommes, malgré eux et à leur nez, les nostres fermèrent les portes, et tout soudain les remparerent par derrière. Dont après, tout courage et espoir défaillirent aux Anglois, tellement qu'ils adviserentdeslorsplustost à parlementer et traiter de quelque composition gracieuse et honneste, que decuider davantage résister, et l'obtenir par force. Parquoy le lendemain au matin le millord Dunfort (0, qui en estoit gouverneur , envoya devers M. de Guise deux des principaux de la ville, qui demandèrent fort grosses et advantageuses conditions ; toutefois finalement ils se rangèrent et receurentles capitulations et articles qui s'ensuivent : Qu'ils auroient la vie sauve, sans qu'aux personnes des hommes, femmes, filles et enfans, il fust fait force ny aucun desplaisir. Se retireroient les habitans de ladite ville la part que bon leur sembleroit, fust en Angleterre ou en Flandres, avec leurs passeports et saufs-conduits nécessaires pour leur seureté et passages ; demeurant ledit millord Dunfort , avec autres cinquante personnes, prisonniers de guerre, tels que M. de Guise

(l) Millord Dunfort : mylord Wentworth.

l£8 [l558] COMMENT AIRES

v ou droit choisir. Et quant aux autres soldats et gens de guerre , seroient tenus passer en Angleterre. Laisseroient l'artillerie, pouldres, boulets, armes, enseignes, et généralement toutes munitions, tant de guerre que de vivres, en ladite ville , sans en rompre, brusler, cacher ny endommager aucune chose. Quant à For et argent monnoyé ou non monnoyé, biens, meubles , marchandises et chevaux, le tout demeureroit en la discrétion de mondit sieur de Guise , pour en disposer ainsi que bon luy sembleroit. Toutes lesquelles choses estans transigées et accorde'es le huictieme de ce mois de janvier, ce prince commença à faire sortir et mettre hors la ville une grande partie de ce peuple ; et le lendemain le reste suivit , ainsi qu'il leur avoit esté promis , sans leur estre fait aucun tort ny destourbier, n'y demeurant un seul Anglois, mais bien une incroyable quantité de pouldres, artillerie , munitions , laines et vivres qui ont esté reservez et retenuz, et le surplus fut donné en proye aux soldats.

En ceste sorte, en moins de six ou sept jours fut reconquise toute la forteresse de la ville de Calais, que l'on estimoit pour le présent comme imprenable, devant laquelle , ainsi que le tesmoignent les chroniques de France, régnant Philippe vi , dit de Valois, et en Angleterre Eduard m, l'armée anglesque tintle siège l'espace d'un an entier. Finalement, estans les assiégez reduicts à telle nécessité et famine que de manger les ratz et les cuirs de beuf, estant dedans capitaine et chef un vaillant chevalier nommé messire Jean de Vienne, leur fut rendue le troisième d'aoust en l'an mil trois cent quarante sept. Et de laquelle ville iceux Anglois

DE FRANÇOIS DE RABUTIIÏ. [l558] l49

ont jouy depuis le terme de deux cens dix ans; tellement que maintenant Ton peult dire qu'en ayant esté par eux dépossédé un Philippes roy de France, estant un Philippes roy d'Angleterre, elle a esté réduite et remise es mains de son vray et naturel seigneur. Ainsi les faits esmerveillables de l'Omnipotent surpassent toutes les puissances et préméditations des hommes, quelque grands qu'ils puissent être. Il ne faut douter que, lorsque les Anglois l'usurpèrent, elle ne fust de beaucoup moins forte qu'elle n'est pour le jourd'huy ; car adonc, je pense, et comme encore l'on le peult veoir, elle estoit seulement fermée et close de murailles de pierre, avec force tours rondes , proches les unes des autres, percées pour tirer cassefrusts et flèches, et tous autres coups de traicts sans feu, à la vieille mode, sans aucuns rempars, ny autres artifices et fortifications inventées contre l'esmerveillable tempeste de l'artillerie dont à présent l'on bat les forteresses. Mais, en Testât où elle est maintenant, est jugée l'une des plus belles et fortes villes de guerre de l'Europe, d'autant qu'oultre ce que naturellement elle est située en lieu inaccessible, pour estre environnée des trois parts de rivière, ruisseaux etmarescages, et de l'autre flancquée de la mer, avec un fort grand et spacieux port, sans estre en rien subjette ny commandée , artificiellement ils luy ont donné une forme plus quarrée qu'autrement, revestue par le dehors de rempars fort larges et massifs et bien conroyez ; ayant aux trois coings devers les marets trois gros bouleverts en pointe et triangulaires, bien flancquez et armez , pour couvrir et défendre les courtines ; et à l'autre quarré, devers les dunes, est le chasteau, par lequel, pour n'en avoir esté cogneue, ou pour

l5o [ I 558] COMMENTAIRES

n'avoir remédié à l'imperfection, est advenue ceste dernière prise. Oultre plus, ceste ville est en tout environnée de fossez larges et fort creux , à fonds de cuve, tousjours pleins d'eaue, à cause qu'il y a une petite rivière qui vient devers Hames, laquelle passant à travers la ville les abbreuve et remplit ; aussi que tous les autres petits ruisseaux qui resourdent dans ces marets y tombent et s'y escoulent la pluspart. Mais, ce qui est encore plus à louer en une ville de guerre, il y a une des plus belles places publiques qu'il est possible , en laquelle pour le moins l'on mettra en bataille de quatre à cinq mille hommes. Pour conclure , je croy que ceste ville est accomplie de la meilleure part des perfections requises en une forteresse inexpugnable ; et si le profit et le grand revenu du port l'améliore encore davantage, pour estre l'un des principaux et plus renommez de la mer Oceane , auquel sont apportées de toutes les parties du monde infinies et inestimables richesses, et toutes sortes de marchandises , et de là aussi en après départies et distribuées en divers pays et régions; de laquelle traficque et commerce revient journellement grand denier et émolument. En ce port à la prise de ceste ville furent trouvez, prins et saccagez, quelques vaisseaux pleins et chargez de marchandises, et autres meubles de bonne estoffe et valeur ; et dit on que d'autres, se cuidans sauver à voile en mer, fuient combattuz et arrestez : toutefois il est fort difficile le spécifier et'déduire plus apertement, d'autant qu'en tels saccagemens et pillages le tout y est si confus, que le plus souvent le faux y précède le vray. Pendant aussi que l'on combattoit ceste ville, le tonnerre et bruit de l'artillerie estant entendu d'Angleterre, ou

DE FRANÇOIS DE 11A.RUT1W. [l558] I 5 I

bien estans advertis de ce siège, furent armez force navires, et remplis de soldats et toutes munitions pour y envoyer secours. Mais quand ils approchèrent, et qu'ils recogneurent les enseignes et croix blanches plantées et venteler desjà sur la tour de Risban et les murailles de la ville, sans- approcher davantage, s'en retournèrent pour reporter advertissement de ceste m au • vaise adventure en leur pays.

Estant la ville de Calais surprise et emportée en si peu de jours qu'a esté dit cy dessus, par la très prompte diligence de M. de Guise, fut en après disputé et consulté auquel des deux l'on s'adresseroit, ou à Gravelines ou à Guines, d'autant que ces deux forteresses sembloient estre comme les deux espaules et appuis de ceste ville, et comme deux forts bouleverts et obstacles pour clorre les deux principales advenues, à sçavoir : Gravelines pour Flandres et les Pays-Bas, et Guines pour France. Toutefois, toutes causes emplement débattues et espluchées, la plus saine opinion résolut, à mon jugement, que Guines importoit plus pour la conservation de Calais que Gravelines, encore qu'elle fust plus forte et de difficile oppugnation. Selon lequel advis, ce prince d'invincible courage, et auquel le travail de la guerre est comme exercice coustu mier, proposa l'assiéger, et n'en départir qu'il ne l'eust ou de gré ou de force. Parquoy, sans donner grand loisir à l'ennemy de respirer et penser aux remèdes , poursuivant de près sa victoire, le treisieme de ce mois enveloppa et alla assiéger Guines, là dedans estant chef un grand seigneur anglois, nommé inillord Gray, avec force gens de guerre et toutes autres munitions. D'arrivée noz soldats françois, trouvans la ville abandonnée,

l5'i [l558] COMMENTAIRES

s'y logèrent pour s'en aider à battre et assaillir la forteresse qui estoit joignante; mais les Anglois, les surprenans sur un commun desordre des logis, firent une sortie par une poterne du chasteau, et les en déboutèrent de première furie, et maugré eux mirent le feu par la meilleure part des maisons, puis se retirèrent. Tantost après, M. de Guise, suivant son accoutumée célérité et promptitude, fît commencer les tranchées, encor que l'espouvantable et incredible tempeste de l'artillerie luy donnast tous les empeschemens qu'il estoit possible : ce nonobstant , d'une obstinée asseurance, sans intermission fit poursuivre l'œuvre où luy mesme, pour augmenter les courages et pour servir d'exemple à chacun, se presentoit le premier, et avoit aussitost la main à l'outil et à tirer et poulser le canon , que le moindre pionnier de toute la troupe. Et tellement continua à remuer terre et dresser gabionnades, que dans deux ou trois jours après il approcha et mit les bouches de son artillerie, au nombre de trente cinq pièces, en batterie, jusques sur le bord et contrescarpe des fossez , pour battre tant de droit fil qu'en croisant et traversant en trois endroits, principalement l'addressant à l'un des plus grands et principaux bouleverts qui flancquoit d'un costéla courtine de la porte, et de l'autre part leur grand boulevert, qu'ils appelloient le grand boulevert de la Cuve, entreprenant le plus fort de ces bouleverts , soubs espérance d'obtenir en après à bon marché les moindres et plus petits. Autant ou plus soudainement commença la batterie, laquelle dura sans cesse deux jours et demy, en si esmerveillable furie et tonnerre, que le commun bruit est tel , en si peu de jours y avoir

DE FRANÇOIS DE RABUTIN. [l558] l53

esté deschargez de huit à neuf mille^coups de canon ; de sorte qu'estant ce gros boulevert desarmé et ouvert , la bresche apparut, dans le vingtième de ce mois, raisonnable pour l'assailliret forcer. Ce neantmoins, M. de Guise bien instruict, et sçachant en combien de sortes et artifices se peult racoustrer et réparer une brèche, et les moyens et ruses que l'ennemy peult inventer pour y attrapper l'assaillant et se fortifier au dedans, avant qu'y hazarder ses soldats voulut à plus que d'une fois faire recognoistre la bresche et l'accès pour y aller. Et pourtant du premier coup y envoya quatre soldats des plus dispos qu'il peut eslire, suivis d'une vingtaine d'autres braves et vaillans, qui en furent incontinent retirez par son commandement. Le lendemain de rechef y renvoya cinq ou six autres soldats non moins hardis et adventureux que les premiers, lesquels donnèrent bon espoir et advenue de ceste bresche. Ce nonobstant, ce prince très humain ne se fiant à tous ces rapports, pour ne vouloir exposer à creditet à une soudaine fricassée laviedevaillanshommes qui sont volontiers des premiers en un bon affaire, encore une autrefois envoya six vingts soldats françois pour gaigner et préoccuper des premiers le dessus et le plus hault du parapect qui estoit du costé des assaillans, afin de couvrir et soustenir certain nombre de pionniers qu'il y feit monter par mesme suite, pour applanir et adoucir la montée de la brèche qui estoit encore haulte et roide. Et commanda toutefois à ces six vingts soldats n'attenter n'y entreprendre au par-dessus de leur charge et ce qui leur avoit esté commandé : à quoy ils obéirent, executans hardiment et vaillamment ceste entreprise; et se peult croire que ce ne fut sans expérimenter et se

1 54 [l558] COMMENTAIRES

soubsmettre à infinis dangers qui sont ordinairement prests et préparez à ceux qui font les premiers essaiz des assaults, combien que ce prince les ayant en fort grand espargne, estimant leurs vies fort chères, pour les soulager les faisoitrafreschiret rechanger de fois à autre. Enfin estant certain que le chemin estoit abaissé et préparé, commanda à M. Dandelot, gênerai sur toute la fanterie françoise, se tenir prest avec ses soldats, pour, quand il donneroit le signe, se présenter promptement à l'assault. Et luy, pour spéculer et veoir à l'œil le commencement et l'issue de ce qu'il en advien droit, et, s'il estoit possible, le dedans de ceste brèche et l'appareil que noz gens y trotiveroient , monta sur un tertre et colline assez haulte, d'où il descouvrit que pour soustenir et défendre ceste brèche, ne se presentoient tant d'hommes qu'il doutoit et avoit en opinion. Parquoy tout à l'instant, ce mesme jour 20 de ce mois, feste Sainct Sebastien, feit avancer et marcher droit à la brèche, pour ouvrir le premier passage, un régiment d'Allemans esleus, lesquels, de grande asseurance et sans crainte, s'y enfournèrent \ par mesme moyen feit signe à M. Dandelot qu'il suivist avec ses troupes, comme il feit : et tout cela ensemble feit un merveilleux effort pour entrer, se plongeans la pluspart des soldats et entrans dans l'eau et les creux des fossez , profonds de septante pieds de haulteur , de telle ardeur et désespérée hardiesse, qu'ils en oublioient tout danger, fust de l'eauë ou du feu ; encore que M. de Guise eust fait bastir des ponts à travers ces fossez de pippeset vaisseaux vuides attachez les uns aux autres , sur lesquels l'on avoit fait jetter et lier des planches et clayes, ce nonobstant, la véhémente furie les préci-

DE FRANÇOIS DE RABUTIN. [l558] l55

pitoit et poulsoit tellement, qu'ils n' avoient esgard n'y à ponts n'y à passages, pour le seul désir d'y entrer : toutefois leur impétuosité ne peut estre si grande et furieuse, que de premier bond ne fussent repoulsez par les ennemis, s'aidans fort bien de leurs feux artificiels, et combattans pour leur tuition avec une estrange et incroyable obstination. Ce qu'appercevantM. de Guise, descendit incontinent de cette montagnette, et, se reL présentant au milieu d'eux, reprenant les uns, sollicitant les autres, leur remit de telle sorte le cueur en ventre, que, retournans visages et 1 ecommençans de plus belle, redoublèrent un extrême devoir, et s'y esvertuerent de telle force, que les assiégez défaillirent soubs le faiz, ne pouvans davantage soustenir ceste dernière recharge; et, estans ainsi renversez , abandonnèrent rentrée et la brèche auxnostres, avec perte des leurs de plus de trois à quatre cens hommes, entre lesquels se trouvèrent près de quatre vingts ou cent Espagnols des plus braves et de re'putation qu'ils eussent; le surplus tourna le doz , et furent, ou tuez à la furie, ou faits prisonniers. D'un autre costé, ce. jour mesme, les Allemans du colonel Reichroch, conduits par son nepveu, forcèrent et emportèrent deux autres petits bouleverts qui aussi avoient esté battuz, où l'on avoit fait bresches. Et ainsi fut ce jour du tout gagnée la basse court du chasteau. Le millord Gray , avant ceste perte , et prévoyant ce danger arriver, s'estoit retiré avec un sien fils dans le vieil chasteau et leur principal fort, qu'ils appelloientleboulevertdelaCuve,commeaussiestoient les principaux capitaines et meilleurs soldats, et avec eux avoient transporté leurs plus riches et précieuses bagues et meubles : tous ceux là, ayant quelque peu

l56 [l558] COMMENTAIRES

pourpensé à leur fait, ne se sentans assez asseurez et forts pour esprouver de rechef ceste effrénée et comme enragée furie des François, délibérèrent de parlementer; et envoya le millord Gray ce jour mesme deux gentils -hommes vers M. de Guyse , lui remonstrer qu'en défendant ceste place de marque et d'importance, à la garde de laquelle il avoit esté commis, il ne devoit trouver estrange ny mauvais s'il s'estoit, comme homme fidèle et selon son devoir, bien défendu et jusques à endurer l'assault; faisant autrement, que c'eust esté contre son honneur et sa foy, le requérant enfin luy octroyer une honneste composition. Ce prince, après avoir entendu ses propositions, en remit laresponse au lendemain, et non sans que depuis beaucoup d'hommes de bon jugement ne se soient grandement esmerveillez comme ce millord Gray, que l'on a tenu entre les plus expérimentez capitaines de sa nation, perdit si tost cognoissance et entendement, et que si soudainement le cueur et le courage luy assoupirent, se rendant si légèrement, sans adviser et considérer qu'il estoit encore sur pieds et presque aussi fort qu'en premier, ayant encore ce vieil chasteau sain et entier, de très forte et très ancienne matière, environné de fossez fort creux et pleins d'eauè', où il eust fallu faire nouvelle batterie, et où aussi il se fust peu retrancher, estant la place assez spacieuse. Oultre cela luy restoit ce gros et large boulevert de la Cuve , qui commandoit à tous les aultres, le tout garny d'artillerie et munitions, et défendu des mieux advisez et plus vaillans hommes qui fussent. Mais en cela ne faut donner autre response, sinon que ce sont œuvres de Dieu, lequel, quand il luy plaist , déprime et rabaisse les grands,

DE FRANÇOIS DE RABUT1W. [ l 558] l^1]

et fait faillie le sens et science aux sages, et extolle et esleve de mesme les petits et infimes. Or le lendemain, qui estoit le vingt et uniesme de ce mois, M. de Guise accorda ceste composition qui s'ensuit au millord Gray : Que les soldats sortiroient avec leurs armes , mais que leurs enseignes demeureroient dans la place avec toute l'artillerie, pouldres, boulets et toutes autres munitions, tant de guerre que de vivres. Quant au millord Gray et tous les capitaines et hommes de qualité qu'il avoit avec luy, ils demeureroient prisonniers de guerre, en la puissance du Roy et de M. de Guise. Estant ceste capitulation reçue et approuve' des assiégez, le jour ensuivant sortirent de ceste place de neuf cens à mil hommes de guerre, partie Anglois, partie Bourguignons, et quelque nombre d'Espagnols, sans le menu populaire, qui prinrent tous tel chemin qu'ils voulurent, sans leur faire aucun mal ny desplaisir; et restèrent ou furent en tout, par leur dire mesme, des leurs de morts ou blessez , de quatre à cinq cens. Le millord Gray fut retenu prisonnier; aussi fut un capitaine espagnol que l'on appelloit Mont-Dragon, lequel, auparavant ayant esté prisonnier en laBastille à Paris, s'estoit sauvé, et depuis s'estoit renfermé là dedans. Cela fait, M. de Guise, pource que ceste place sembla dangereuse si elle estoit reprise, et grandement nuisible au chemin de France à Calais, mesmement pour estre fort proche d'Ardres , aussi que ce seroit double despense de la garder, ayant fait mettre hors toute l'artillerie, munitions et vivres, la feit ruiner et démollir. A ce propos j'ay bien voulu cy adjouster qu'il est escrit aux chroniques de France qu'en l'an mil trois cent cinquante et un la ville et le chasteau de Guines

1 58 [i 558] COMMENTAIRES

furent prins par les Anglois, nonobstant les trefves qui estoient lors, pour la conspiration et trahison d'un nommé Guillaume de Beaucouroy, lieutenant du capitaine dudit lieu, lequel, pour ceste cause, et selon qu'il le meritoit, en fut décapite' et après pendu. Doncques ne restoit plus de tout le comte' d'Oye qu'un petit chasteau appelle' Hames, qu'il ne fust remis entièrement en l'obéissance du Roy : et, pource que ce chasteau, encore qu'il soit petit et non rempare', ny fortifié d'artifices, est neantmoins naturellement en telle difficile et comme inaccessible forte assiette , pour estre environné de paluds, viviers et marescages, qu'il est presque impossible d'y approcher n'y asseoir artillerie, n'ayant qu'une bien estroitte chaussée pour y aborder, encore traversée en plusieurs endroits de ponts de bois rompus et ostez, l'on estoit en fort grand doute en quelle manière et invention l'on le pourroit assiéger. En ces entrefaites, M. de Sipierre , qui avoit esté commis avec la compagnie de M. de Lorraine, dont il estoit lieutenant, et quelques autres, pour garder ceste chaussée, advertit M. de Guise que ceux qui estoient dans Hames, effroyez et espouvantez de la prise de Guines, l'avoient abandonné et s'en estoient fuis ceste nuict là par certains sentiers qu'ils sçavoient dans ces marets; et ainsi fut fort aisé à s'en saisir, où l'on trouva force artillerie et provisions. En après demeurèrent les François en tout et par tout les maistres, et n'y eut forts ny chasteaux qui ne leur fussent ou rendus ou abandonnez, iestant chose manifeste qu'en ces places que M. de Guise a conquis sur les Anglois, oultre les riches butins qui y ont, esté trouvez et pris, ont esté gaignez et recouvrez plus de deux à trois cens pièces d'artillerie de

DE FRANÇOIS DE RABUTIN. [ 1 558] l5()

fonte, montées sur roues, et autant de fer. En quoy sera clairement cognue la fertilité' et richesse du pays, et combien ceste gent angloise curieusement travailloit, et estoit songneuse à cultiver, augmenter et garder ceste province , laquelle, à mon opinion, est celle dont la seule ville de Calais porte le nom maintenant, et laquelle César escrit en ses commentaires avoir conjuré avec les Belges contre les Romains, et qui envoya en ceste guerre dix mil hommes de secours.

Au mesme temps que M. de Guise entreprenoit et estoit en ce voyage, M. de Nevers, qui n'ayme à estre, oysif et séjourner longuement en repos inutile, ayant envoyé au long de la frontière de Champagne, tant pour sçavoir comme toutes choses y passoient et estaient conduites, que s'il s'y pourroit recouvrer aucune occasion d'entreprendre sur l'ennemy de ce costé , fut adverty que la pluspai t des garnisons et forces ordinaires du duché de Luxembourg estoient retirées où estoit leur plus grosse armée, ou en leurs maisons, tellement que les places fortes estoient fort vuides et despourveues. Sur lequel advis voulant délibérer et fonder une bonne exécution , secrettement, et le plus couvertement qu'il fut possible, advertit les gouverneurs et capitaines qui estoient restez es places de son gouvernement , qu'ils eussent à tenir leurs compagnies prestes , et au meilleur équipage que faire pourroient , et, oultreplus, de recueillir et amasser tant d'hommes de guerre et soldats de cette contrée qu'ils en sçauroient recouvrer. Et d'ailleurs manda aux chefs et membres des compagnies de messieurs de Bouillon et de Jamets, qu'ils eussent à faire retirer en leurs garni-

l6o [l558] COMMEH AIKES

sons tous les gentilshommes de leurs compagnies avec armes et chevaux , pour estre prêts à estre employez quand ils seroient advertis : commandant oultre plus au sieur de Saint Simon, guidon de sa compagnie, qui lors estoit près de luy, mander et reserrer le plus qu'il pourroit de ceux de sadite compagnie, mesmement de ses voisins, carie surplus avoit eu congé pour se retirer es vieilles garnisons, afin de l'accompagner et se trouver en ce voyage. Ainsi ayant diligemment pourveu à toutes choses, M. de Nevers partit en poste d'une sienne maison près de Chaalons en Champagne , , le 2 de fe'vrier, feste de Nostre-Dame de la Chandeleur, et arriva le vendredy ensuyvant à Yvoy, ou ce jourmesme avoient assignation, et estoit le rendez-vous à tous les susdits capitaines, et où aussi se trouva ce bon vieillart et sage chevalier M. de Jamets. Auquel lieu , et en pre'sence de tous lesdits capitaines qui s'y estoient desjà assemblez, le seigneur de Haulcourt, gouverneur de ceste ville d'Yvoy, remonstra en bons termes, sentans son sage et bien advisé capitaine, à M. de Nevers , qu'il n'avoit pour l'heure place plus dommageable et nuisible à ceste frontière, que le chasteau de Herbemont, pour estre le principal lieu où s'amassoient toutes les assemblées des Ardennes , et où se dressoient toutes les entreprises que ils appareilloient ceste part, et où aussi après ils faisoient leurs retraites. Parquoy estoit la première place où il falloit, et où estoit le plus nécessaire s'addresser , en laquelle prenant, on couvroit non-seulement ceste ville d'Ivoy et toute ceste lisière , mais aussi l'on s'estendoit et avoit-on entrée de plus de six ou sept grandes lieuè's dans le pays de l'ennemy. Sur lesquelles remonstrances, après

DB FRANÇOIS DH RABUT1N. [l 558] l6l

avoir advisé de tous moyens , fut résolu par M. de Nevers d'attenter cest exploit , et de partir ce jour mesme à minuict. A quoy le seigneur Despots, qui pour lors commandoit en toute ceste frontière en l'absence de ce prince et de M. de Bordillon, avoit donné si bon ordre, que desjà estoit prest un bon nombre de chevaux, pour trainer six canons et une longue coulevrine, et par mesme moyen avoit levé certain nombre de paysans et manœuvres, pour servir de vastadours et pionniers : estans avec tout cela les compagnies de gens de pied et de cheval, si peu qu'on en avoit, prestes à marcher, l'on commanda aux sieurs de Troussebois , gouverneur de Mesieres, de Chambry , gouverneur de Maubert-Fontaine, et à celuy de Bouillon, que dès ce soir ils allassent, le plus soudainement et diligemment qu'ils pourroient, enclorre et envelopper ce chasteau ; et par le chemin de Sedan , avec autres compagnies de gens de pied et quelques chevaux-legers, on fit marcher une partie de l'artillerie. D'un autre costé le sieur de Haultcourt eut la conduite du reste de l'artillerie et des munitions, dont estoit commissaire le capitaine Jacques Tolf (0 : le tout conduit avec une si grande promptitude, que M. de Nevers, le samedy à sept heures du matin , avec ses petites forces et équipage susdit, se trouva campé devant ce chasteau, et non sans avoir eu grandes fatigues et difficultez à faire passer l'artillerie oultre la rivière de Semois, qui a son cours au-dessoubs de ce chasteau , à cause des grandes neiges et glaces. D'arrivée fut de près recogneue la place avec force escarmouches, et où le capitaine Caumont avec sa compagnie feit fort bravement, ayant

CO Tlof: Wolf.