CHAPITRE CCCIII

La foy et hommaige que fit monseigneur Tarchiduc es mains de monseigneur le chancellier de France , représentant la personne du roy.

Combien que le traiclié de Paris, faict l'an précédent , ne fusist à l'appétit de plusieurs gens de ce quartier, auxquels il sembloit estre dur et pesant à digérer, toutesfojs monseigneur l'archiduc, qui en fit son prouffict , le jura tenir solempnellement, receut les scellez des nobles de sa maison et des bonnes villes de son pais ; et pour le parfurnir , se tira en Arras , accompaigné des princes , contes , barons , chevaliers^ de l'ordre , nobles hommes et escuyers, monseigneur le chancellier d'Austrice et messieurs du conseil, gorrièrement habituez, sans nuls accoustremens de guerre ; et fit son entrée en Douay, qui les recoeillit honnorablement, luy faisant présent d'une coupe d'or, pesant trois marcz , fur nie de plusieurs mailles à la croix de Sainct-Andrieu. Et par ungmardy, second jour de juillet , se trouva devant la ville d'Arras , où les seigneurs d'esglise, nobles, mannans et habitans luy vindrent au-devant; et, entre les aultres, le mayeur de la ville, nommé le Grisart, qui avoit esté cause de la reprinse d'icelle , luy présenta les

Chroniques. T. XLVll, — J. Moli^et V' O

1 1 ^ GHROrtIQUES (499)

clefs des portes ^ et monseigneur rarebiduc les luy rendit , en disant qu'il en fesist bonne garde. Messieurs d'Arras, tant de la ville comme de la cité , ayoient faict gi*ant préparement d'histoires , pour le conjoyr , où il fut grandement festoyé et logié à l'abbaye de Sainct- Waast. El pour ce qu'il estoit beau prince, en eage de vingt-ung ans, et que jamais n'avoit esté au quartier d'Arthois, frontière d'ennemys, chacun le desiroit veoir ; et estoit sa renommée tant grande, que non -seulement ses subjecis , mais les habitans d'Amyens, de Péronne^ de Sainct-Quentin et aultres villes qui luy furent ennemyes , et qui le vindrent veoir, le begnisoient, prisoient et honnoroient; et ceulx de son quartier, qui , tant de travail et angoisseuse paine avoient souflPert pour soustenir sa querelle , oublioient les paines , pertes et dommaiges qu'ils avoient porté , en regardant sa face princialle. Semblablement , monseigneur l'archiduc fit son entrée en la cité , fort honnestement parée de plusieurs histoires et personnaiges ; et luy vint au-devant, accompaigné de notable collège , monseigneur maistre Pierre de Ranchicourt , évesque d'Arras, eagé de soixantequatre ans , vénérable personnaige , fort noble et qui, par les Allemans a voit eu à souffrir. Iceluy lui donna la croix à baiser , comme il est usaige de faire.

Peu de jours après firent leur arrivée en la cité lez-Arras, monseigneur le chancellier de France , monseigneur de Ravestain , le seigneur Despierres,

(»499) DE JEAN MOUNET. Il5

le sénescbal d'Anjou, Robinet de Fraineseiles , les seigneurs de Mirauaiont et de Maillj , et plusieurs nobles chevaliers et escuyers delà conté d'Ârthois. Et fut mondit seigneur le chancellier logié à la court de l'évesque , et les aultres au cloistre de i*esglise et à Tenviron. Monseigneur le chancellier de France , logié. à la court de l'évesque , les matières de rhommaige faire se préparèrent^ tant d'un costé que d'aultre, où se tindrent plusieurs conseils suractendans la venue de monseigneur le conte de Li^ney ; et fut conclute la journée du besongner , qui fut le vendredj cinquiesme jour dudit mois de juillet , auquel jour monseigneur le chancellier de France ne wida son logis ^jusques monseigneur l'archiduc eut fait son debvoir ; lequel se préparoit du venir. Mais le seigneur de Ravestain et aultres , commis de par le roy , wjdèrent jusques hors la porte de la cité, expectans la venue de mondit seigneur l'archiduc ; puis, tous ensemble se trouvèrent à la court de l'évesque , vers monseigneur le chancellier, lequel sentant l'approche de monseigneur l'archiduc, issit de sa chambre , richement aorné selon son cas, ayant chappel et bonnet sur sa teste. Et monseigneur l'archiduc avoit bonnet en main et leste nue ; lequel , par humilité se volut par trois fois ruer à genoulx devant lui; mais il fut soustenu et redressé par monseigneur de Raveslain et autres. Aucuns disent que monseigneur le chancellier mit main au chapeau et se print à dire parolles assez semblables :

Il6 CHRONIQUES ('499)

« Monseigneur , vous faictes foy et hommaige lige » à moy , représentant la personne du roy , comme M vous estes tenu de faire par raison de la perrîe » et conté de Flandres, et aussi des contez d'Ar- » thois et Charollois , que tenez de la couronne de » France, et général lement de toutes aultres sei- » gneuries appartenantes et appendantes d'i- » celles. »

Lors ledit chancellierluiprint lesdeuxmains et le baisa en la joe. Ce mystère accompli , le chancellier se rua à genoulx devant monseigneur l'archiduc , soy humiliant et recongnoissaut les. biens qu'il avoit receuz de la maison de Bourgongne ^ dès sa josnesse, du temps du duc Charles, son grantpère et du roy des Romains son père , et estoit nommé messire Ghuy de Rochefort , natif de Bourgongne, parvenu , à tel honneur qu'il estoit indigne , chancellier de France,

De cesle reco^noissance, et des humilitez faictes de l'ung des personnaiges à l'autre , le peuple adsistant, fort joyeulx et bien édiffié. Le tout achevé, monseigneur l'archiduc , accompaignié du chancellier et des princes et seigneurs , tant d'ung parti que de l'aultre, retourna à Sainct-Waast ; et, à l'après-disner , arriva monseigneur le conte de Ligney , associé des nobles seigneurs de Picardie et d'Arthois, lequel fut grandement bien venu de monseigneur l'archiduc; et pour le parfaict du traicté de Paris , affin de recouvrer sans empeschement les villes de Béthune , Aire et Hesdin , le

t'499) DE JEAM MOHNET. 117

roy de France envoya lettres, desquelles la teneur s'ensuit :

« Loys, par la grâce de Dieu, etc. , sçavoir fai- » sons que nostre très chier et bien amé cousin , » conte de Flandres , Arthois et Gharolois , nous » a aujourd'hui faict, es mains de nostre amé et » féal chancellier , les foy et hommaige lige qu'il » est tenu de faire pour raison de la perrie et » conté de Flandres , et aussi des contez d' Arthois » et Gharolois , qui tient de nous et de nostre cou- » ronne , et généralement de tous les autres sei- » gneuries, appartenances et appendances d'icélles » qu'il tient de nous et de notre couronne. Auquel » foy et hommaige nous l'avons receu, saulf nos- » tre droict et l'autruy. Si mandons et comman- » dons, expressément enjoignons et à chacun de » vous , si comme à luy appartiendra , que se pour » cause desdites foy et hommaige à nous faictes » desdictes perries, contez de Flandres, d'Arthois » et de Gharolois et autres-, et seigneuries de nos- » tredit cousin, ou aucunes des autres apparlei> nances et dépendances avoienl esté prinses, » arrestées ou aultrçment empeschées, mectez-les A) luy, ou faictes mectre, chacun de vous en dei> dans soy , incontinent et sans délay , à plaine » délivrance ; tar ainsi nous plaict , et volons es- » tre faict, pourvu toutesfois que nostredit cou- » sin baillera son dénombrement et adveu desdites » choses , de dans temps deu , et fera et payera les » autres debvoirs, si aulcuns nous sont pour ce

Jl8 eHllONIQUES (^499)

» deuz , se faicts et paiez ne les a. Donné en nostre » cité lez-Arras , le einquiesme jour de juillet , « an dessus. Par le roy, à vostre relation, les » évesques d*Arras et Cambray , les sires de Ra- » vestain, de la Gruthuse, de Fraineselles , mes- » sire Charles de la Fernande , chevalier ; maistre » Christofle de la Carmoine , maistre des reques- » tes de rhostel ; le bailly d'Engens ; messire » Thomas de Plagnet , chevalier , chancellier de >» mondit seigneur Varchiduc ; le prince de Chi- » may ; le conte de Nassou ; les sires de Fiennes, » de Berghes ^ de Molembais , et aultres pré- » sens. Signé Aunis. »