CHAPITRE CCCIV
Ï.H mort de Pierqiiin Wesebecque , soy disant estre Richart , fils du rov,
Édouart.
Le royalme d'Engleterre fut, en ce temps grandement estonné à cause de Pierquin Wesebecque ; tellement que plusieurs grans personnaiges , seigneurs et barons, se boutèrent contre le roy Henry, et, entre les aultres, le duc de Suffolcq se rendit fugitif dudit royalme , accompaigné d'aucuns de sa sorte , et , pour estre à seureté de son corps , se tint ung espace de temps en la ville de Sairict- Omer. Ledit roy , adverly de cesle fuyte , mit sus une ambassade fort honnorable , et l'envoya vers monseigneur Tarchiduc , estant lors eu
(«499) DE JBAM MOLINCT. 1 ig
Bruxelles. Uog personnaige de ladite ambassade proposa en latin , fort élégamment , remémorant les alliances qui nouvellement estoient faictes entre le roy d'Engleterre et monseigneur l'archiduc , leurs pajs et seigneuries , debvoir estre inviolablement entretenues d'ung party et d'aultre. Néantmoings le roy Henry estoit certain que le duc de Suffolcq, son ennemy , se tenoit, hantoit et hâbitoit en aulcune ville de ses pais, à son très grand desplaisir , qui estoit contre le traictié et contenu desdites alliances.
La proposition finie , monseigneur l'arcbiduc fit donner jour de respondre , en la ville de Sainct- Orner , en laquelle ville ledit de Suffolcq s'estoit tenu , çoincquant son faict à messire Denis de Morbecque , seigneur de Hondeconlre , capitaine lors de ladite ville, affin que par son moyen il eussist adresce vers monseigneur l'archiduc, pour parvenir à aulcun appoinctement vers ledit roy Henry ;et de faict^mondit seigneur l'archiduc manda audit de Morbecque qu'il fesist adsistence audict de Suffolcq , comme il fist ; car il envoya , bien accompaigné , pour plusieurs fois , parlementer au capitaine de Ghieuse , affin d'estre médiateur vers le roy Henry ; et , peu de jours après , mondil seigneur l'archiduc manda audit Denis , fort expressément , qu'il disist audit Suffolcq qu'il wydast ses pais, qu'il ne vouloit nullement rompre lesdites alliances et traictiez faictz entre le roy d'Engleterre et luy : toutesfois , iceluy de Morbecque^.
120 CHKONIQUES («49»)
voyant que iceluy de Suffolcq labouroit à toute diligence d'avoir son traictié , il différa dire ce qu'il avoit en cherge ; dont monseigneur l'archiduc grandement se contenta.
Monseigneur Henrj de Berghes , évesque de Cambray, fut en ce temps envoyé en ambassade en Engleterre , par monseigneur l'archiduc ; et pour passer temps ^ le roy Henry fit venir en la présence dudit évesque, Pierquin Wesebecque, lors prisonnier , où il fut interrogué de plusieurs besongnes; puis fut renvoyé en misérable prison^ en la tour de Londres dont il estoit issu. Depuis il trouva manière d'eschapper, et fut mucyet trois ou quatre jours en aulcuns roseaulx auprès de la Thamise. Le roy, adverty de sonditeschappement, le fit querrir à toute diligence ; et icelluy Pierquin monta sur ung muret et descendit en une chartrousie , priant très humblement au prieur le celer et garder illecq ; et pour ce que ledit roy Henry avoit faict deflPendre et publier sur grosse paine , non souslenir ledit Pierquin , icelluy prieur estant en grand soussy comment il pourroit besongner, et se ad visa de le mectre es mains de l'évesque , qui pareillement le soustint par aulcuns jours ; mais iceluy doubtant d'estre cheu en indignation , le remit es mains du roy, qui l'emprisonna comme devant.
Ce temps pendant, machinèrent aucuns seigneurs d'Englelerre contre ledit seigneur roy , en suscitant la querelle dudit Pierquin et du fils du duc de .
(i499) DU JEAN HOLINET. l2l
Clarence; prisonnier , dès qu'il n'avoitque quatre ou cinq ans d'eage. Pourquoy iceluy roy fit faire le procez dudit Pierquin , et fut jugé à estre peudu avecqson maislre, qui Tavoit nourri en ladite querelle. Aulcuns disoient et cuidoient encoires qu'il fusist fils du roy Ëdouart, comme il avoit maintenu; mais petit apparence ne fut faict au dernier de ses jours; car luy et son maistre furent menez lehari au col par les quarfours de la ville de Londres. Aulcuns disoient que ledit Pierquin, selon Tancfaienne mode d' Engle terre ^deb voit estre, pour tel cas de lèze-majesté , esquartellé tout vif; mais Ton luy fit telle grâce, qu'il fut pendu , et après sa mort esquartellé , et son chief mis sur une lance en commun spectacle*
Ainsi fut la blance rose^ qui tant avoit faict de travail, tant à la rouge rose que au bouton vermeil, pendue et seichée au soleil ; et pour du tout extirper la lignée du roy Edouart et de la maison d'Yorcq , le roy Henry fit tirer hors de prison le fils du duc de Clarence , germain à sa femme ; et huict jours après la mort dudit Pierquin , le fit décapiter. Il avoit passé sa josnesse en chartre, jusques il est oit parvenu en eage viril. De la mort dudit fils furent les nobles d'Engleterre , ensemble tout le peuple adsistant , en grant desplaisance ; car n estoit innocent du cas, et n'avoit jamais conspiré contre la réale majesté ; parquoy plusieurs personnaiges , plus en couvert que en appert , se murmurèrent grandement; aulcuns aultres excu*
soient le roy , disant que ledit fils dû duc de Clarence estoit hoir masle à la maison d'Yorcq , lequel porroit susciter , en temps futur ^ nouvelles guerres au royalme , et affin de éviter effusion de sang humain , il valloit mieulx que ung seul homme morust que multitude de peuple fusist perdue. Et d'aultre part^ puisque son père , duc de Clarence , avoit esté vaincu de conspiration entrejectée contre le roy Edouart , son frère : tellement qu'il fut jugié estre noie en une queverde de malvisée , son fils n*estoit capable de parvenir à dignité royale , considéré les démérites de sondit père.
