CHAPITRE CCCXVIII
La réception de monseigneur rarchiduc et de madame en la princi()auUé de Castille, Léon et leurs appendances ; ensemble le trespas de messieurs de Besancbon et de Cambray.
' Le vingt-deuxiesme jour du mois de may , le roy Fernande de Clastille et la royne Isabelle , son espouze, firent assembler en la grande église de Toledo, les estats des royalmes de Caslille, Léon Gallice et leurs appendances , villes , citez , pays et seigneuries; iceux roy et roy ne, estant illecq présens, firent déclarer que monseigneur l'archidùc et madame sa femme estoient principatilx et vrais héritierspour succéder après leur trespas aux principaultez desdits roy aimes à cause de ladite roy ne , à laquelle lesdits royalmes appartenoient , et furent illecq mondit monseigneur l'archiduc et madame
198 CHaONlQUBS (iStts)
receuz par les estais desdits pais , qui leur firent solempnel serment 1 surle sainet canon de la messe, sur les esvangiles; et sur le fust de la croix. Outre plus y ledit roy de Gastille , de Léon , d' Arra* goa et de Cécille , se tira en Arragon , où il fist assembler les estats desdits royalmes ; et en pré* sence de mondit seigneur et de madame , leur ^t faire serment que , après son décès , ils tiendroient à roj à mondit seigneur rarchiduc , à cause de sa compaigne TarcbiHuchesse , sa fille;, mais se par après y ledit roj avoit hoir masle et legitisme , ledit hoir possesseroit lesdils rojalmes , venant de par luj et de toutes leurs appendances*
Monseigneur l'archiduc et madame se tenoient le plus à Toledoy ville fort infecte et dangereuse» pour sens délicatifs , à cause des rues fort estroites , et non pavées, et ce procède des putréfactions de charognes qui engendrent le maulvais air; pourquoj les jouvençaulx de par dechà estoient facillement infectez , maladieux et expirez , comme monseigneur Duvon, frère au prévost d*Arras, et aultres de pareille sorte.
Le vingt - septiesme d'aoust, trespassa.de ce siècle au cloistre de Saint-Bernard , à deux lieues de Toledo , monseigneur maistre Franchois de Buselejden , digne archevesque de Besanchon , lequel en son temps avoit esté maistre d'escdile de mondit seigneur Tarchiduc. Par ses mérites et vertus y il avoit eu grant honneur, et gros bénéfices^ tellement qu'il estoit en train de reeepvoir le
f'^***) DE JEAN MOLINET. IQQ
chappeau rouge. U donacil; en court adresse à toutes gens , de quelque estât qu'ils fussent; puis qu'ils luj sembloient dignes d'estre promeuz et avanchiez; et fust grandement regretté de ceulx souverainement qui , par son ayde et bonne assistance , estoient parvenus à chief de leurs désirs.
En ce temps , retourna de ce vojaige d'Ëspaigne, et que monseigneur l'archiduc avoit emmené avecq luy , monseigneur Henry de Berghes, evesque de Cambray ; peu de Jours après , il s'accoucha malade au Ghasteau en Cambresis , et le sixiesme jour du mois d'octobre , rendit son esprit à Dieu , environ cinq heures à l'après-disner ; et fut son corps amené à Cambray , accompaigné de ses trois frères, le seigneur de Berghes, l'abbé de Saint - Bertin et messire Cornille ^ et de notables gentiL^ommes. Les allumeries furent jusques au nombre de sept vingts flambeaux. U fut inhumé solempnellement en l'église Nostre - Dame de Cambray y où furent ses obsecques révéramment achevez , selon sa noble vocation. Il estoit en son vivant fort noble de sang et de vertu , élégant de corps et d'éloquence ; fort beau prélat, grand et eslevé, fort humain , fort lettré, et fort aulmosnier; tout docte , tout discret , tout caste , tout dévot , tout bien adressé en toutes qualitez loables. Il visita le sainct sépulchre de Jhérusalem , où il avoit jTecu opprobres et persécution des Juifs , enne- J2^is de nostre foy. Il print grant seing et labeur, av^'ec maistre Standouk, de remettre en train sa-
aOO . CHKOaiQUES ("5oa)
lutaire et réformer plusieurs couvèos et monastères de son évescbiet. Il fut ploré et regretté des justes et dévotes personnes , religieux et religieuses possessans et mendiants^ beghi nettes et soeurettes , auxquelles il eslargit de ses biens grandement. Il fit forger en sa cité monnoye d'argent à la ressemblance de celle du prince , comme gros , demi-gros et pattars de deux gros ^ ajant cours en son diocèse et à l'environ ; le pattart du prince portoit ses armes en pile, et, par-dessus, ung cliappeau archiducal ; et les patars de Tévesque portoient en pille pareillement les armes dudit évesque, sans mectre par dessus ne crosse ne mitre ; pourquoy aulcuns disoient que la pille estoit trop grande en ses monnoyes , et pour ce que , en commenchecement^ les simples gens les recepvoient pour monnojes du prince , non cognoissans estre la pille trop grande; ils en furent abusez, se furenl nommez abuz, ainsi qu'ils sont encore de ceste heure, et disminuèrent de valeurs.
{'Soi) DB jEAM MOLINKT. 201
