CHAPITRE CCCXXIV

POUR l'aw i5o4«

Le trespas de monseigneur Engtebei-t conte de Nassou.

Lfi pénulliesme jour de may, rendit son esprit à son créateur^ très noble et illustre seigneur Englebèrt , comte de Nassou , seigneur de Breda , chevalier de Tordre de la Thoison-d'Or, très preulx et vertueulx en armes , homme sans paour et sans fuite , de très cler et vif entendement ^ duquel le duc de Bourgongne, de très noble et louable mémoire , le très excellent et très victorieulx prince Maximilian , rpy des Romains , tou^ jours auguste , et le très clément et resplendissant

seigneur ^ monseigneur Tarchiduc d'Austrice ont esté fort léalement et honorablement servis. Et j trouva mondit seigneur rarchiduc et son très noble conseil , si grant fidélité en sa personne , que pendant le temps qu'il fit par terre son premier vojaige en Espaigne, avec madame sa compaigne , il le créa et establit lieutenant -général de tous ses pays, terres et seigneuries; et, qui plus est, luy laissa en garde le tbrésor de son menu peuple , l'espérance des nobles hommes , et le sotas des gen d'esglise, qui sont ses trois premiers enfants Âliénore, Charles et Izabel ; ce sont trois nobles raci-* nettes^ Irois honorables plantes, et trois précieuses florettes, de qui le fruict , s'il plaict à Dieu , nous donnera paix , santé et vie ; et par ainsi le très magnifique et très éloquent conte de Nassou, gardien de ceste riche espargne , besongna tant vertueusement en sa charge , parmy le conseil de monseigneur l'archiduc , dont il avoit l'assistence et advis , que durant l'absence de son maistre, envion , deux ans , le plus des pays vesquist en grant tranquillité et bon amour, sans meuterie , sans commotion , sans graot murmure , et sans rébellion. Et luj avoit Nostre^Seigneur donné telle grâce , qu'il estoit aymé , désiré , regretté et honoré d'amys , de parens^ d'ennemys , de villains , de nobles , de gentilshommes , de grans , de moyens , de petits ; et quand il fut à la pippée de Béthune avec aucuns des plus nobles des pays, qui cuidèrent par la traficque des Francbois, avoir

(«M) DE JEAN MOLmET. 233

gaigné la ville , icelluy aFirronoé des adversaires, se moDStra franc elléal de cœur et de corps, ferme et estable , sans bransler ne sans croller ; et finablement fut navré, puis emmené et em^nrisonné des Franchois , où il acquit , par son élégance , telle amitié entre eulx , que sans guerroier, nous pacifia , son très grant dommaige nous moult profitta, et sans eslonger la paix approcha , qui de grant tristesse nous ressuscita.