CHAPITRE CCLXXI

Comment il y east cscarmace entre Liégeois et le seigneur de Boussu

Or convient parler de ces removemens de guerre, la tierche fois, des Liégois qui estoient devant Huy, et là où le duc Charles avoit envoyé le seigneur de Boussut , avecques plusieurs aultres seigneurs de Haynaut, pour confort de l'évesque

(1467) *> B GEORGES CHASTELLAIN. 3l

et de Ja ville. Or n'avoient encore Liégeois 1out perfremé leur siège, quant ledit de Boussut entroit ; et ne tenoient que l'ung costé de la rivière. Si firent tant par nuict et par jour qu'ils prindrent la rivière cà et là , tant que nul ne pooit plus entrer ne saillir dehors , fors pour le dangier ; et y restoit seulement une petite porte de terre , entre les deux bords de la rive qui estoit avantageux à ceux de dedens, et de péril à ceux qui là gissoient. Si se pénèrent Liégois de prime- face de gaignier icellui destroit et de l'oster à ceux de Huy ; et de fait , l'obtindrent, à force de gens et de hardement, une petite espasse. Dont ceux de dedens, toutefois, qui estoient gens de guerre , quant ils se virent si de près aprociés , et au vif quérus , se en aigrirent tous en ung novel corrage ; et vinrent à lances et à trancbans fers férir valeureusement dedens ces Liégois qui là gisoient, et en occirent une grant part. Et là y eust ung beau chapplis et une fière mellée ; et y fit vaillamment le seigneur de Boussut, et messire Philippe de Poitiers, et beaucop d'aultres vaillans hommes qui los et pris y acquirent; et tant que Liégois estoient contrains de eulx retraire sur le derrain bord de la porte , là où nul ne les pooit approcier que par-devant ; et là firent de deffenses beaucop, qui peu leur servirent; car durement furent entamés et tués en aulcun nombre ; et en aulcun nombre ils se sauvèrent etretrajrent en toute haste en leur ^rand osl. Or commenchoit-il à avoir une couverte mur-

32 CHl'.ONïQUE («467)

mure en la ville, entre le menu peuple qui se vit

assiégier et mis ainsi en destroit Je ses propres voisins et parens et alliés anciens, de ceuxdelacité, comme se faveur voloient porter avecques eux , et pite de les voir cal a miles de main estrange ; et sambloit proprement qu'il y pooit avoir entendement entr'eux et ceux de dehors pour livrer la ville en leur main. Si s'en percheut l'évesque et autres emprès ly, qui y mirent grand guet.

Dont , et comme la peur de cecy lui estoit entrée en cuer, et que aulcuns paoureux d'emprès ly lui en donnèrent assez, pria au seigneur, deBoussul, en lui narrant le cas, qu'il le voulsist aidier à sauver et vuidicr hors de la ville; carpour tout Tordu monde, ne vouldroit cheoix en la main de ses ennemis , ceux de la cité. Si pesa ledit de Boussut fort ceste requeste,et enuis refusa la sau vetéd'ung tel homme, ung noble prince , et auquel par refus il pooit porler ung grand meschief , et par ly accorder ce qu'il quéroit faire à ly-meismes une grande honte et blasme ; et par ainsi, entre faire et laissier , ne scavoit quoi mieulx respondre. Enfin, toutefois, pesa plus la sauveté du seigneur et d'aventurer son honneur, que de viser à son honneur estroilcment , en perdant telle personne, pensant mieulx et plus tost réparer ce qu'on lui poroil donner de charge d'abandonner la ville, que de venir à la paix envers son prince , d'avoir abandonné son cousin-germain, l'évesque, en son mortel estroit affaire , et là où peusl-estre il oust esté mort.

(»46 7 ) DE GEORGES CH ASTELLA.il* . 33