CHAPITRE CCLXX1I

Comment Pung de la compagnie du seigneur de Boussut remonstra prudentement ne soi devoir partir de Huy.

Si en print la charge , le seigneur de Boussut , de sauver l'évesque et de le conduire jusques à Brusselles 9 et de fait , le mena hors de la ville à l'emblée ; et le mena au plus céléement qu'il pooit de peur de ceulx d u siège . Et comm e ledit de Boussut avoit des vaillants hommes avecques ly qui ce virent et sceurent, et qui moult amoientson honneur, aulcun de eulx, et par espécial ung Bertremieu , gentil compagnon et vaillant , lui dit : « Ah ! mon- » seigneur , que faites-vous aujourd'hui ? Vous » périssez beaucoup de vostre honneur et bon los .» acquis aultrefois , quant, pour complaire à ung » prestre, vous abandonnez une ville à prochain » péril , dont le duc s'est fié de son salut en vostre » vaillance ; et maintenant, quant vous en voyez » le dangier , et que la deussiés deffendre et nous » aultres encorragier , vous vous en allez avecques » un fuyant qui n'acconte à los ne à blasme. 0 » monseigneur de Boussut , fort est et sera se ja- » mes cy -après vous réparez ceste faute. Et se » mal vient ne eschiet à la ville , vous seul en » porterez le chappelet et en arez à respondre. » Et vrai disoit , et notablement , et comme un

Chbosiques. T. JfLIlI.— G,. C h àstellài w . 'III. 3

34 CHKOHIQUE (*<ty7)

vaillant homme ; et aussy ledit de Boussut en avoit puis dur à souffrir ; et en fust fort accueilli en court et devers le prince; et fust la ville prise prestement après son partement. Et sçaroit-on mal jugier du mieux fait ou du lessié au seigneur de Boussut , lequel , ce que fit , non fist par couardise ne par peur du péril , mès à bonne noble intencion de sauver l'évesque, en l'espoir d'y retournera temps assez , ce que non fist , et dont il lui prist mal. Mès l'évesque venu à Brusselles , et veuillant justifier et excuser ledict chevalier qui l'a voit servi, print toute la charge sur lui , se mal fait y avoit , et de corps et de chevance ; et de quanques Dieu jamès lui poroit donner , le voioit plenir et garantir; car ce que fait en avoit , il l'avoit fait, ce disoit, à sa grant presse et force, que tout toutes fois ne servoit ne à i'ung ne à l'aultre. Et fust l'évesque laidement raboué , meismes du duc, comme un couart cléricque, et cely de Boussut mis en la pile au verjus, de croire ainsi et d'obéir à un lasche prestre , en cas encore de son honneur extrême. Tout toutefois fust réparé; car sçavoit-on de vrai que le chevalier n'avoit rien faict par lascheté, mès par mesprison non cuidée.

(l4«7) DE CEoRGBS CHASTEM.AIN. 35