CHAPITRE CCLXXIV

Comment le duc envoya messire Adolphe de Clèves pour lever le siège

des Liégeois estant devant Huy.

C'estoit au mois de septembre , bien avant , quand ceste ville de Huy fust prise des Liégeois ; et le duc Charles entendant à ses affaires par le pays de Braibant, envoya messire Adolf de Clèves, à toute haste et à forte compaignie, pour lever le siège , cuidant que Liégois feussent encore devant la ville non prise. Mes comme l'aventure l'apporta , et que le dit de Clèves estoit jà venu à deux lieux près, cuidant férir sus, Liégois estoient dedens la ville à sauveté. Si en ot grant regret cely ,de Clèves , d^stre ainsi venu pour nient à tant de

belles gens et de vaillans hommes et pleins de haulte volenté. Mes porter le convenoit ainsi et

prendre en gré jusques à une autre heure , là où tout pourroit retourner en compte et en paye. Si n'y avoit aultre, fors de retourner vers le duc, qui en fit matte chière ; mes dit bien que ce leur scroit brief, s'il ne moroit , une chière prise et coustcuse. Et disoit vrai; car prestement fit faire son mandement sur tous les pays de Braibant , de Flandre , de Hainaut , de Picardie , de Namur , et de Luxembourg pour le huitième d'octobre; et ordonna aux capitaines de eulx mettre sus, et le plus à haste que faire poroient , et à plus de gens ; et les asseura de bon paiement et prompt, sans délay , et £ tant s'en reposa sur leur diligence et sur le bon acquit de chascun d'icy au jour nommé; et ly-mesmes diiigenta fort en tousses aultres affaires pour venir à cestui ; car là avoit-il cueur.

Or convient-il maintenant parler du rov qui tout sa voit et ooit ce qui se faisoit par dechà , et comment le mariage estoit conclu de là seur au rov Edouard, et comment Huy estoit prise des Liégois, et qu'à ceste cause le duc avoit fait son mandement très gTand , et estoit délibéré à removoir guerre , jà la tierche fois, à ceux de Liège, et de les mettre en basse croûte; et ymaginoit presque et faignoit savoir tout ce que ce jeusne duc avoit en ventre et en propos de faire , et pourquoi tant plus le craignoil * car le cognoissoit lier et orgueilleux, et mordant

et dur ennemi, malvais à rompre là où il portoit corrage. Si s'en devisa tous les jours ce roy Loys à son connestable , qui aultre-tel congnoissoit le duc Charles comme ly , car l'ancienne nourriture y estoit. Si eust bien volu le roy , ainsi que devises portent , obvier aux emprises s'il eust pu de ce fier duc , et les rompre par sens ou par menaces , ou par moyen , ne lui chaloit quel , mes qu'il lui pust rompre ou faire rebouter sa corne, laquelle il véoit fièrement dreschiée. Si en devisa familièrement audit son connestable , comme à cely seul du monde par qui main il pooit mieulx ouvrer en ceste affaire ; car ly seul aussi estoit tout à main au duc par deçà, et lui donnoit ascout et créance; et la seule main du connestable qui estoit ami et certain à tous les deux, estoit digne et j>ropre pour manier haulte matière.