CHAPITRE CCLXXV

Comment le seigneur de la Roche et le seigneur d'Aymeries furent envoyez à Bohain vers le connestable.

Le connestable doneques, qui savoit tout le secret du roy , et beaucoup de bonnes raisons aussi qui en luiestoient et qui fesoient à regarder et à peser , ce savoit bien , tant pour le bien et salut de ce royaulme , dont il estoit souverain officier , comme pour l'onneur et salut aussi de ce

4(5 CHRONÎQtJB (»467)

nouveau duc Charles , à qui y fesoit bon obéir à conseil, souverainement en son novel venir en règne , là où on appreuve volentiers lef sens du venant par ses fais ; ce gentil prince doncques , le connestable de France, bien instruit et fondé sur grandes choses , ayant jà lessié le roy , s'en estoit venu à Bohain , en sa maison. Et sçachant ce, le duc Charles prestement y envoya le seigneur de La Roche et le seigneur d'Aymeries, pour interroguer et enquerre des novelles de France, comme les deux chevaliers feussent ceux par deçà, sur tons aultres j mieulx à main et au gré audit connestable. Si leur fist grant chière et bonne ; mès à peu de demeure devers ly retournèrent à Brusselles, et le conte connestable les sievit de près; et tellement, qu'en briefs jours après, il vint à Brusselles en grand et noble compaignie, et là où le duc le feist joyeusement rechevoir et bien viegnier; et ly-méismes ly fist grand chière* Mès à tant je le laisse ici , jusques à bien tost que j'en parlerai plus au vif et à l'estroit de leur assemblement, et dirai ce que j'ai oublié à narrer, et qui estoit grand chose à celle heure : c'estoit que le roy de Castille 1 , par haine et despit qu'il avoit pris envers le roy Loys dé France , envers ce temps ici s'estoit ajoinct et allié avecques le roy Edouard d'Angleterre, en contraire du roy Loys

Henry IV, dit l'impuissant.

et de la coronne de France , ce que oncques nui de ses devanciers n'avoit fait ; car y a perpétuel compact entre les deux coronnes de France et de Castille* Nient^-moins, cestui-icy avoit tout rompu et cassé , d'autant comme en ly estoit , et que sa vie portoit ; car héoit de dure mort le roy Loys , pour causes passées, et lesquelles ont esté contées par moi enu ng aultre volume*

Or reviens- je au connestable de France, le comte de Saint-Pol , et au duc Charles, là où ils sont en devises en Brussellesla rice ville, et là- où il pooit avoir beaucoup de paroles retournées souvent entre eux deux , de la part du duc , comme hault et excellent prince, plein de cuer et de hault pooir , et de la part du conte connestable , comme souverain officier de la couronne , parlant de la . boucé du roy par charge : là où toutefois, entre deux i ledit connestable ploya comme subject et serviteur , et humble parent , et se contourna en sa nature j comme conte de Sainct-Pol ; mais par acqtiit de son bonheur et de sa léauté , aussi envers le roy dont il avoit les mots en sa bouce , parla au duc roidement, et à l'exigeant de sa charge, disant et lui signifiant que le roy estoit mal content tout oultre de l'alliance qu'il avoit prise et quise en Angleterre , avecques les anciens ennemis et traveilléursde la coronne de France; et que c'estoit mal fait et chose non à tollérer, que ly qui estoit ung des supériores du royaulme, et le plus avant en dignité d'ëstat , et venu d'ave et de trave ,

4 2 CIIHONIQUE (1467)

et de toute ancienne production en noble lit des fleurs-de-lys, alloit quérir et prendre l'alliance des ennemis de ses vieux pères, en grand préjudice et plaie en temps avenir , de tout le throne de France et de son salut. Si vol oit bien le roy qu'il sceust, ce lui dist-il, qu'il en estoit mal content , et qu'il avoit bien cause de y remédier et obvier par toutes voies à ly possibles , en temps et en lieu , quand il poroit.