CHAPITRE CCCIII
Comment le doc Charles fist faire nne grande exécution d'un fil* bastard du seigneur de la Hameyde , et comment ses parents se vinrent ruer devant le duc pour miséricorde.
v Ne me loist ( convient) couler maintenant sans faire record d'une exécution de justice que fist faire ce duc Charles en ce pendant qu'il séjournoit à Bruges , surattendant laseur du roy Edouard d'Angleterre , sa femme à venir. Si est vrai que un jeusne fils , de l'eage environ de vingt-quatre ou vingt-six ans , nommé Hernoul , fils naturel de messire Hernoul de la Hameyde , seigneur de Condet, estoit détenu en prison* à Bruges ; et l'avoit fait prendre le duc et mettre en la porterie en la main de son portier , par claim et à la requeste de partie qui là l'estoit venu poursievir , pour ung leur frère que cestui jeusne fils avoit mis à mort assez piteusement , en Condet meismes , ville et seigneurie de son père, et de quoi, comme la pacificacion n'en avoit esté faicte , mès la cuidant porter oultre par haulteur et par puissance de ses amis , n'avoit daignié à peine d'en réparer l'offense. Parquoi , les amis venus à Bruges devers ce
(i468) DE GEORGES CHASTELLAIN. li5
nouveau duc, lequel, par renommée , sa voient estre prince de justice et de radresse , se vindrent ruer devant ses pieds , lui priant pour justice et pour réparacion du piteux grief commis en leur frère. Si leur jura le duc par Sainct-George ï que si feroit-il , et qu'il en feroit bonne punicion. Et prestement , comme ce jeusne fils ignoroit la plainte faite , et ses ennemis si près de ly , s'oy promenant et devisant emmy la court aveucques les aultres gentilhommes , fust appréhendé et mis en la poterne , sous bonne et forte garde , estroitement recommandé de la bouce du prince. Si en vint prestement la voix au seigneur de la Hameyde , son oncle , et à plusieurs aultres seigneurs , ses parens, qui làestoienten grand nombre , et lesquels pesans le fait , quel il avoit esté et non pacifié , pesèrent aussi le criminel dangier en quel esloit leur parent, par la cognoissance qu'ils avoient de la rigueur du prince. Si se boutèrent tous ensemble hastivement; et par conseil pris une partie de eux s'atourna envers la partie poursievant , et l'aultre , la plus principale et la plus pesante , se vint ruer devant les pieds du duc^ lu priant et suppliant qu'en recognoissance et retribucion du service que fait lui avoient en maint mortel dangier aultrefois, et en grandes missions et peines longuement continuées , il lui pleust à estre piteux et miséricordieux envers leur neveu , et de mitiguer sa roide justice envers ly, par recognoissance aussi du service que le jeusne homme lui
1 16 CHRONIQUE (i468)
avoit faict à Montlhéry , là où il s'estoit vaillamment porté et monstre par jugement de beaucop de gens; parquoy se la grasce se pooit cstendre jusqu'à en avoir mémoire , la faute de son péchié et de sa boullante jeunesse en poroit estre tant plus aucunement supportée. Si fust la requeste belle et piteuse à ojr eniace de toutes nobles gens en pleine salle , là où le duc se rendist ententif à les bien entendre , et pour tant mieulx savoir respondre à poinct , car avoit la chose fort à cuer. Si respondist et dist :
