CHAPITRE CCCIV

Comment le duc Charles fist une moult belle response aux supplians , non obtempérant à leur requeste dudit prisonnier bastard.

« Sire de la Hameyde, et vous les aultres , je » cognois bien les services que m'avez fait , et les » ay bien en mémoire ; mes ne me loist ( convient ) » pourtant de vous rétribuer de vos mérites en » cely cas , par chose qui n'est pas ne à moy ne » en moy ; mais vous doys rénumérer du mien et » de mon propre. Vous expétez la rédempcion de » vostre nepveu , et que je lui face grasces et véez » cy partie qui me requiert de justice , de leur » frère piteusement mis à mort et sans tiltre, » dont la grasce faire pend en eulx. Moi doncques, » d'aultrui franchise ne doy faire ma libéralité ,

(i468) DE GEORGES CHASTELLAITT. 117

» qui n'y ay riens. Se à poinct et à heure eussiez » eontenté partie et tant fait que la plainte n'en » fust venue jusqu'à moi , vous eussiez lors obtenu , » peult estre, sans moi, ee que maintenant je ne » vous puis donner sans eulx; car ne me loist » ( convient ) donner le sang de leur frère qui crie » sur moi. C'est à eulx d'en demander la ven- » geanee , et à moi de le vengier par obstinacion » de justice , que je ne puis ne ne veuil refuser. » Encore, quant partie seroit contente, et que l'of- » fense en est en mon sceu , si y ai-je intérest très » grand , et de quoy je ieroie conscience de le » couler. Mes contentez partie , et puis après on » s'avisera du surplus au plus expédient. »

Ce fust tout que parens et amis porent traire pour celle heure du duc Charles, qui ne donnoit ne tolloit. Mes disoient aulcuns assistans secrètement , que en couvert lui avoient oy jurer Sainct- George, qu'il en mourroit long ou court. Aultres aussi les aulcuns se fondoient en espérance , disans que il peseroit fort , ce leur sambloit , la requeste dê toute la chevalerie de Haynau, à qui cestui cas compétoit, et resoigneroit à leur faire ce relus , mès se décevoient.

Il8 CHRONIQUE (i468)