CHAPITRE GGCVII

Comment rescoulctc prit à l'heure de mye-nuit ledit prisonnier hors de la porte , et le mut en la prison de ville.

A dur regret et à anuy de cuer, l'escoutète de Bruges, celle mesme nuict , à douze heures, vint à la porte quérir le bastard , couchié en son lit , et • non en attente de si prochaine mort. Si l'en emmena à la prison de la ville, et lui dist qu'il avi-

sast et pensast à son ame, car le duc l'avoit jugié à mort , et n'y avoit nul remède. Si commença à plorer et à soi lamenter durement de sa triste fortune le bastard ; el n'eust jamèscuidié, en si josnes jours, et à telle parenté qu'il avoit, venir à si dure fin, pour cas encore rémissible, el dont le roy et tous aultres princes baillent rémission tous les jours de samblables. Or en estaient tous avertis soudainement , et meismes l'escoutète qui quéroit l'eslongement de ceste mort , en avoit secrètement averti les amis , afin de venir encore à aulcun remède , qui poroit par aulcunes grandes voies. Si allèrent les parens devers la ducesse , la mère , prier pour son aide et pour son intercession envers le due, pour sauver ce jeusne fils. Et combien que l'escoulète avoit ordonnance expresse de le faire morir à onze heures du matin, encore sursist le temps et s'enhardit de le différer jusques à trois heures après midi, par espoir qu'en ce pendant , le duc poroit remitiguer sa rigueur, par l'intercession de sa mère el d'un évesque d'Angleterre qui s'y employa tout.

Si avinl que messire Jacques de llercies , chevalier et diligent poursieveur de ceste matère, vint ferrant bastant à l'Escluse , trouva que le duc s'estoit ailé esbanoyer, celle niatlinée, sur le port, en petits botlequins, vaucrant et nageant ça et là , et ne se pooit trouver el atteindre par nul sens; parquoy le temps coula et monta tousjours à haulte none; et trouva sa peine perdue el sa dili-

gence faite en vain : car avant que pooir venir à ly pour faire la prière de sa mère , jà estoit le temps venu jusques à l'eure qui estoit limitée pour sa mort , parquoy toute peine , ce savoit bien , estoit cassée et frustrée et de nulproufît. Dient aulcuns toutefois, que le duc commua son courage, à la supplicacion de sa mère , mes ce fust trop tard ; mes je n'afferme poinct qu'ensi en fust ; et s'il le fist, si le fist-il pour ung contentement dont il savoit bien que l'efFect n'en sievroit poinct.