CHAPITRE CCCVIII
Comment le seigneur de la Hamcydc se partist de Bruges mal content , et comment on fist morir ce jour mcsmes le bas tard bien confusiblement , à grant toutefois compassion de ceulx de la lojr.
Le sabmedy matin doncques , le seigneur de la Hamey de voyant son nepveu en ce dangier, et qu'il convenoit qu'il morust de honteuse mort , et que, pour prière ne pour service fait , le duc n'avoit oncques voulu rien faire pour ly , se indigna en cuer encontre soi-meismes , et montant à cheval s'en va grand tire vers son pays , troussa et emporta bagues et malles , et fist esracier ses armes qui mises estoient devant son logis, tout argué en sa confusion : car pour nul or n'eust volu estre en la ville , là où son sang si prouchain eust esté mené , voyant ses yeux , à fin si triste ,* et y estoit la
(i468) DE GEORGES CHASTELLAIN. 125
raison bonne et juste. Et ne s'en doit esmaier nul , si le cuer lui estoit gros : car estoit très noble et grand homme et de hault estât. Or vindrent deux heures après midy, et le bastard bien ordonné et confessé , et que Ton véoit jà qu'il n'y avoit plus de remède ne d'attente, fust mis sur ung chariot , lié et attaché de cordes ung peu , aussi honncstement vcstu que pour aller à nopces , bel de visaige plus que aultre, et à si beaux crins blonds qu'on nepooit plus beaux, de toute forme et de taille le mieulx pris qui fust entre mille hommes ; et plorant amèrement, plus de sa confusion que de sa mort, fust mené tout le long de la ville, pour venir à la justice, là où grand monde sievoit pour la compassion du cas non jamès veu tel. Entr'aultres y avoit multitude de povres folles femmes qui le sievoient , et qui crioient et ploroient piteusement sur ly, et le demandoient avoir en mariage , qui toutes-fois leur fust escondit : car n'eust-on osé , par peur du prince , j à -soit-ce que on eust bien volu avoir faculté de le povoir faire ; car n'y avoit cely de la loy qui meismes ne plorast de la pité du cas. Venu maintenant doncquesau lieu là où estoit son cimitère, là fust mist jus, mis en son pourpoinct de soie , reconforté et assisté très curieusement de confesseurs , auxquels il certifioit avoir pleine vraie foy et parfaite espérance en Dieu et en la Vierge Marie, disant meismes que celle honteuse et confuse mort que Dieu lui envoyoit en si jeusnt ts llorissans jours , lui donnoit vrai espoir que Dieu
124 CHROJSIQUB (i468)
le prendroit en sa merci ; disant encore , mes que l'aine pust aller bien , ne lui chailloit de la cha-
rongne qu'elle devenist. Et prenant une astuce en ly, sur le poinot de son derrain , prist congié à tout le monde, et les yeulx bendez se mist à genoulx, dont prestement fust mort : mès ce que je plus plains , c'estoit que le corps en deux pièches on le mist sur une roue entre les meurdriers les plus forfais du monde ; et l'avoit ordonné le duc de le faire ainsi. Mès dedens trois jours après , le duc permist , à l'intercession des amis , qu'il fust mis en saincte terre ; et fust ensevely révéramment en la chappelle des Ménestriers à Bruges , et lui tist-on ung bel service.
