CHAPITRE CCCIX

Comment le duc Charles avoit aucun secret regard et considération en

la mort dudit bastard.

La cause maintenant pour quoi j'ai fait ce conte de ce bastart et de la rigueur maintenue envers ly si roidement^ n'est pas principalement pour la compétence du bastard , mès pour la cause des considérations que j'y ay, et que le duc meismes avoir y pooit, diversement causée ; et tout premier je regarde , comme parlant pour ly , comment il estoit en cestc ville de Bruges, là où toutes nacions du monde sont , et meismes maintenant es-

toit pleine de toute la noblesse du pays , à cause du grand assamblement qui estoit là sur rapprochement de ses nopees ; par quoi , quand l'aventure se rendoit ainsi, que ce noble homme ici estoit pris pour mes-fait, et que justice l'osoit faire à partie requérant , ly qui dcsiroit à porter grasce de roide justicier et de prince cremu , en face de toutes nacions et de toute sa noblesse voult monstrer sa rigueur à l'exemple de son corrage, pour donner peur au monde, vueillant monstrer que par plus forte raison moins donroit d'espargne à ungs et aultres de bas lieu , quand au bien noble sang de son pays , il refusoit miséricorde en maléfice. Dontly, qui estoit prince de corrage, et estoit nouvellement venu à seigneurie, et voloit justice maintenir et mettre sus , et estre cremu et doubté , et donner exemple du ploy de son régner, voult entamer et encommencier en ce noble fils , pour miroir au futur; jà-soit-ce, que aulcuns disoient que se l'on n'eust secrètement bouté à la charet te du bastard pour l'oraicide tant seulement dont il estoit plainte , ne fust pas mort , mes il y avoit , ou aultres langues, ou aultres mystères estranges qui l'avanchoient 1 .

i. Il y a ici dans le manuscrit une lacune de quinze colonnes.