DU LIEGE

Plusieurs désirent à scavoir Du fait de ces Liégeois le voir ; Et j'en dirai selon mon sens.

Premier , nos seigneurs sont d'assens De mettre et tenir en leurs mains Tous leurs privilèges au mains , Et qu'ils soient portés à Mous , Car de ce sont ils bien semons ,.

Avec tout tes les alliances Esquelles avoïcut fiances.

Jà jurront que sans transporter Auront tout voulu apporter; Où jà n'y aura si privé Qui à toujours n'en soit privé ; Et à Liège et aulx aultres villes Qu'on ne doit point tenir pour villes , Ne seront plus maistre nommé Mais bailly , prévost renommé, Majeur et aussi eschevin , De par le seigneur, sans convin Faire d'amis ne de lignaige , D'ailliance ne de viguaige , l'ois au plaisir, chascune année,.

Du seigneur. Et est ordonnée

La chose qu'ils renderont compte Au prince, qui vault bien un comte- Et est ordonné par manière Qu'il n'y aura nulle bannière

De confrairie ne aultrement, Qu'il ne faille apporter brefvment Aux commis pour en ordonner ; Et si ne pourront pas donner, De bourgeoisie le renom , A homme, tant soit de bon nom , S'il n'est ès villes résidens , Sans ce qu'il puisse par dedens Tenir conseil, et nullement, Si ce n'est du consentement De leur seigneur et cappitaine.

Et c'est anssi vray comme espit

Que d'armes ne feront plus port Coutre le roy, pour nul rapport , Ne contre le cuens 1 de Namur , Pour grever for tresse ne mur.

Et s'est dit , ne m'en doit passer , Que se Francoys veulent passer La rivière , ils auront passaige , Et se Liégeois estoient bien saige , Ils livreroient, sans enchiérir ,