CX. i«r «Trier

Lettrb (de Jean Travers), écrite de Bordeaux à Hugues le Despencer pour lui rendre compte de la situation des esprits et des préparatifs des Français.

Archives de l'Échiquier ; Chaptcr-Eouse. Conservée provisoirement dans une boite bleue, avec d'autres documents intéressants les villes étrangères.

Très cher sire , les Franceys par de cea tienent e gardent molt malement la soffrance et soy garnissent et soy efforcent au pins fort que eux puente de . . . chozes por le guerre, et ont pris le chasteu de Hasteford, de mofis. Ernaut de Durford , cbeveteyne de le vile e chasteu de Pêne en Ageneys ; le quel chasteu de Hasteford. ... ont tenu assetge bien des moys et orens, a ces que l'om dit, sont alez assetger le chasteu e lieu de Nadailhan de Moss. Amaneu du Fossat, cheveteyne de le viele et chasteu de Puymirol, si corne Wylliam de la Lande, vaOet de nostre seignur le Roi , porteour de ceste letre, qui voit vers li , vous porra dire plus pleynement par boche , et tôt l'estad de la terra par de cea , la quele est du tôt desgarnie de quant que li est besoigne. Si voilhez sire , mètre votre peyne vers le dit notre seignur le Roy, que il i voilbe porvoir, ove tote le baste q'il plus porra, por les seons profit et honur. E que li pleyse garnir la dite terre par de cea, de totes chozes au myeuz , et plus fort q'il porra, issint q'il ne soit deceu en les paroles deus Franceys et en lour tretis, qe totz jours soy efforcent a deceivre li et les seons et ceo ont ils fet avant ces hores et wncorens le font de jor en autre. Por quoy sire, voilhz le garnir. Qe por Dieu soy garde de lour tretz et quil voilhe estre bien garni avant le fet ou autrement sire, je moy dote molt, que il e les seons en porront avoir grant damatge , ceo que ja Dieux ne voilhe ! Et si le dit notre seignur le Roy, poeit avoir bone pays, a bonur de soy, ove le Roy de France, jeo le voudroye moltz, et pleyze à Dieu que issint soit Nepurquant pur ceo ni pur nules paroles ni treitis il ne devroyt lessier de soy le mieus garnir pur le guerre, si corne font les Franceys, qui ce garnissent de totes partz, au mieuz et plus fort que eux puent, et ont envoyé celi Antoyne Pesaigne, qui est chivalier du dit notre seignur le Roy e fut son seneschal de Gascoigne e a qui il a fetz grans biens et grant honours, en Lambardie , por avoir et assembler totes les galyes que il porra, contra le dit notre seignur le Roy et les seons, et il dist à la Riole, si corne autre foys je ay escrit au dit notre seignur le Roy et a vous, au sire de Pomers, qui estoyt son bien voylhant, le quel sire de Pomers fut illuques ove monseignur le compte de Kent, frère du dit notre seignur le Roy qe si le Roy, de France li bailbast une some de deniers, la quele ne estoyt pas molt grande, dins un certeyn. terme, qui ne estoit pas molt long , il li auro\t conquis et votre reyaume d'Engleterre et ceo moy dist le dit seignur de Pomiers, que le dit Antoyne li avoyt dit, e li avoyt nome , e déclare la some et le temps; mes il ne ly souveneyt pas de la somme, ni du temps. Porquoy, sire, fêtes que le dit notre seignur le Roy soyt bien garni de son Royaume , que nul ne li puysse douer nul damage : si, mete bone gardes de nefs e de gens par mer et aussint , sire , par de cea. Sire , notre seignur le Roy ad molt bosoign a Bordeux 1. bon meyre, qui conoysse les genz e soyt diligent por li et por sa honur et profit garder; et aussint 1. bon provost à Lombreyre et jeo croy sire, verayment a ces que jeo ay vehu avant ces hores , que en temps de guerre , il ne poet avoyr nulh melhor de Ernaud Gailhau ; quar celi est sages et ayme le dit notre seignur le Roy e son honur et profit , et si ad la connoyssence de les gens par de cea et aussint,

* XIY' SIÈCLE. 55

aire» mesure Simon de Monthreton sera molt aprofeitable, en la provoste de Lombreyre, on en le meyrete de Bordeux, si le dit notre seignur le Roy, ne y met Ernaud Cailhau; quar il ne dotera riens a fere que puysse eti'e a proût et bonur dn dit notre seignur le Roy, selonc ceo qe jeo ay pou apercevoyr de luy reques worens et de tieus ad le dit notre seignur le Roy grant besoign, en tieus offices et especiaumenz an temps qui orens court £ la vile de Bordeux ad molt bosoign de estre bien efforcée et douze , et que les ovres se lassent miens et de plus grant volunte que ne ont estees fêtes avant ces hores, ni wncores ne se font et que il i soyt 1. tiel mère qi les fasse le plus haster et mieus ovrer, de cuer et qe cel, face voyder la dite viele de Bordeux, de touz les sospicious que i sont por quoy nule faussine ou traytion ne i puysse estre fêta; et est bien bosoign sire, qe le dit notre seignur le Roy mande toz les sospicos et qui sont de la nation ou terreour des Franceys ou dn royaume de France estre. hostez et gitez hors de la dite vile de Bordeux et aussint de tôt le demorant de votre Duché qe est en votre meyn; quar par ceux, sire, molt de mausporroyent ensordre et estre fetz, au dit notre seignur le Roy, et as seons, ceo qe Dieus deffendre. Et les Franceys ont ja comense a fayre ceo, en les viles et lieux qe eux tienent, en la Duché, et si est besoign, sire , qe le dit notre seignur le Roy fasse garnir par de cea sa terre de nefs, de gens de divers, de vitaylles, de engins, de espingale , d'arcxs et d'autres armaures et q'il envoyé les mestres a ceo necessayrez, toz ceux qu'il porra. E sur tôt, sa venue li seroyt molt aprofey table par de cea, si il meysinez i poeyt venir, bien garni , si corne il apient a li et corne je li ay autrafoiz escrit, sans perilh de li e de son royaume et de ses terres par de la. Notre seignur Dieus, sire, vos aid en sa garde et vousdoynt bone vye et longue, et moy sire et Heliot, mon clerc, qui est par de la, voilhez avoyr recomandez. E le dit Heliot hastmamens renvoyer par de cea , ove bon espleyt et bone délivrance de mes bosoignes et par li, à moy vostre clerc, mander totes chozes qui vos pleysent, corn a celuy qe le feray molt volonter, à mon poer.

Escrites a Bordeux le primer jour de feverrier.

In dorso : Letres de Gascogne , en moys de ffeverier, l'an xviil".