CXV. 8 avril
Lettres du Sénéchal et des autres membres du conseil de Gascogne aux trésoriers et aux barons de l'Échiquier à Londres, à propos de la livraison de quelques vivres et approvisionnements.
Archives de l'Échiquier ; Chapter-Houte , classement provisoire, Pre$$ St. John, marked K, shelfH, n°l.
As honurables seignours et sages, au tresourer et as barons de l'eschaquier de nostre seignour le Roy d'Engleterre duk de Guienne, Johan de Haustede , chivalier, seneschal de la dite duchee pour le dit monseignour le Roy et duk, et nous Fortanier Desgarrabaque, chivalier, Geraud Dupuch , jutge en la cort de Gasconhe , Pierre Galhou , senhour de Podensac, Johan Guitard, gardcin et exequtour du seel et contra seel dudit nostre seignour le Roy et duc , des queus est use en Bordaleys as contraytz, Arnaut de Lamoleyra , clerc, et Helias Audoyn salut
Apparelhoe volonté a ceux veaus pleysirs , très honurables seignours , voilhes savoir que as requestes que mestre Thomas de Driffeld , procureur e atorne de sire Nichole 'de Hugate, nadgueres tresourer de nostre senhour le Roy, qui Dieux absoilhe , père de nostre seignour le Roy qui orens est, en la duché de Guiene par de sa, ad fait par devant nous a mestre Aubert Metge , clerc de nostre dit seignour le Roy et duc, par la vertu d'aucun breff du dit rtostre seignour le Roi et duc, qu'il avoit envoyé soutz son grant et prive seel au dit mestre Aubert, de fere endenture sur la livrée fêta par le dit sire Nichole ou ses gentz, au dit mestre Aubert ou a ses gentz, d'ascunes vitailhes et autres chozes; senhours, ledit mestre Aubert ad touz jours dit qu'il est apparelhe de obeyr as comandaments du dit nostre senhour le Roy et duk; £ selom ceus , soy est-il offert de fere endenture ove le dit mestre Thomas, en lieu et en
nome «t corne procureour et atome du dit sire Nichole, des dites vitalhes et autres a luy et a ses gentz livrées par de sa , par le dit sire Nichole ou ses gentz , expressant et déclarant l'estad et condition des dites vitalhes e queles eles estoyent au temps de la dite livrée fêta selom cejque estoit contenu et déclare en un routle que le dit inestre Àubert mostra illuques pardavant nous; contenant les parceles des vitalhes et autres choses livrées au dit mestre Aubert ou a ses gentz , par le dit sire Nichole ou par ses gentz , des queles parceles avoyt este fêta collation ove les escritz et remembrances dudit mestre Thomas par davant nous ditz, Johan Guitard et Àrnaut de la Moleyra, a ce députes et assignes par nous avant dit seneschal, e pur ce que débat estoyt entre lesditz mestres Aubert et Thomas, sur le feizance de la dite endenture par diverses ràizons dites et allégées d'une part et d'autre, des queles eaux balharent ascunes en escrit e furent luytes par davant nous touz, si ordenasmes par la manere que est Contenuz en publixs instruinentz fetz par mestres Arnaut Compte , notaires du Pape e Pierre Percha , notaire de la auctorite impérial et dudit nostre senhour le Roy et duc en la dite duché, en les queux les dites raisons balhees en escrit et autres choses ordenees et fêtas sont plus pleynament contenues, si corne par un des ditz publixs instrumentz seelle du seel de Gasconhe et du seel et contre seel des queus est uze en Bordaleis as contraitz e des seaux de nous avant ditz conseilhiers, le quiel le porteour de cestes lettres vous monstrera, porretz plus pleynement veoir estre contenu et par celuy estre le mieux enfermez; lequiel porteour nous envoyoms devertz nostre dit seignour le Roy, ove nos lettres patentes sur meisme ceste chose e auxi devers vous, ove cestes noz lettres a celé fin que sur les dites chozes , le dit nostre senhour le Roy et vous voilhez ordener et par le dit porteour remander par de sa, ce que selom Dieu, droiture et vérité audit nostre senhour le Roy et a vous semblera mieus a fere, a profist de nostre dit seignur le Roy et duc, e a descharge de chescun des dites parties , e a excusation dudit mestre Aubert qui touz jours ad offert e présente tote reyson sur les dites chozes audit mestre Thomas , si corne dit est e plus pleynement est contenu en le dit instrument public e ascuns autres instrumentz publicxs que le dit mestre Aubert ad devert soy , e ne ad este par coulpe ou deffaute du dit mestre Aubert que la dite endenture ne soy feist, ove tote vérité, si le dit mestre Thomas y vouzist assentir. En tesmoignatge des queles chozes nous, avant dit seneschal e Johan Guitard , avoms enseellees cestes lettres patentes des ditz seaux de Gascoignhe e du seau et contraseau desquelles est uze en Bordaleis as contraitz. £ nous autres conselhersde sur nomes de nostres propres seaux. (1) Données à Bordeux, le xvie jour du moys d'avril, l'an de grâce MCCC vint et huyt
(1) Les queues de sept sceaux sont encore appendues à l'acte; mais l'avant-dernier seul existe encore, et est presque méconnaissable.
