CCXXI. is octobre

Endenture entre Jean, duc de Lancastre et Guyon, clerc de Jean Chandos.

Archives du duché de Lancastre; Registre du due Jean, G. C. 12, fol. 116'°.

Apparaisse a touz qui ceste présente endenture (verront) que (nous) Johan, fils du roy, etc., nous avons retenu ovesques nous, de noslre hostel et familie et pour nostre clerc Guyon, qui fuist ove monsr. Johan Channdos, qe Dieu absoille; au quel Guyon avons octroie et sûmes tenuz par ces présentes donner et faire bailler an tels et semblables gages, corne un de noz esquiers, avons despense de bouche en nostre hostel, et aussi au dit Guyon et a un sien clerc, ferons et parfornirons, chacun jour, despence de bouche, et en oultre, ly ferons rendre et payer, par an , pur son fieu, cent francs d'or du coigne de Ffrance, ou la valeur; et en oultre ly faire en autres maneres, ayde et avancement, tellement qu'il cognoistra bien que ly aurons este et nous aura trouve , bon seignour devers lui. Et en oultre , que si, en alant ou en venant d'ascunes parties, pour noz affaires et busoignes, il estoit prins par les enemys, que nous ly ferons rendre et deliverer, a noz propres costages, dedeins unmoys proschein empres qu'il avoit este prins. Le quelle Guyon a jurez sur sainz evangeillz , de garder nostre conseil secret et de le non révéler a nully et q'il escbivera nostre deshoneur et dammage, les queux s'il savoit, fera son povoir de le nous faire savoir, a plustot qu'il purra. Et en temoignance etc.

Donne a Leiborne , le xviip jour du mois d'octobre , Tan mille ccc sexsante et dix.