CCLV. 13 novembre

Attestation d'un jugement de la cour de Gascogne donnée par le duc «de Lancastre.

Archives du duché de Lancastre; reg. du duc Jean, C.C.12, fol. 17.

Johan etc. a noz treschiers et bien amez inonseignour Guy de Brienne, conestable et monseignour Esmon de Mortymer, connt de Lamarche, mareschal, commis et députez par nostre très redoute seignour et piere le roy, en la cause d'appelle pendant (entre) Yon Beaucan, esquier de Bretaigne, et monseignour Henry de la Hay, chivaler, saluz.

Pour ce qe corne débat et question feust entre le dit Yvon d'une part demanndant, et le dît monseignour Henry défendant d'autre part, pour la prison et rannson du dit monseignour Henry, corne pluis pleinement appiert par le processe sur ce fait en nostre court, dont par nous, en nostre dit courte en Gascoigne, corne lieutenant de nostre dit très redoute seignour et piere le roy de Ffrance et d'Engleterre, fourent sentence et jugement renduz, corne plainement appiert par noz lettres patentes sur ce faites , souz seal de la courte de Gascoigne , pour ledit Yvon et enconntre le dit monseignour Henry, a la quelle sentence et jugement le dit monseignour Henry appella pardevant la courte nostre dit tres-redoute* seignour et piere le roy et a la suyt du dit Yvon, meismes les jours, temps et lieu que la dite sentence feust done, corne dit est, le corps du dit monseignour Henry feust mys en arrest, en le chastel de Burdeux de nostre commanndemenl, pour demourrer en la garde du conestable du dit chastel pour nostre dit seignour et piere le roy, le quel arrest, a ce que le dit Yon dit, par négligence et par omissionn du clerc ne appiert en le procès susdit, ne en la dite sentence donnt il nous ad requis et supplie qe nous voudroiesmes le dit arrest tesmoigner, et ce nous tesmoignons avoir fait en la manere corne dit est par cestes présentes noz lettres.

Donne etc. a la Sawoye, le xiir jour de novembre l'an xlviu.